საქართველო

ბუნებრივი რესურსები: ნავთობი, ქვანახშირი, ტორფი, მანგანუმი, ოქრო, ვერცხლი, სპილენძი, თუთიის მადანი, თიხა, მინერალური და მტკნარი წყლები.

ძირითადი მაკროეკონომიკური მაჩვენებელები

მთლიანი შიდა პროდუქტი

მთლიანი ეროვნული შემოსავალი

* დაზუსტებული მონაცემები გამოქვეყნდება 2010 წლის ნოემბრის ბოლოს

პირდაპირი უცხოური ინვესტიციები

საგარეო ვაჭრობა (მილიონი აშშ დოლარი) 

წყარო: "საქსტატი"

გეოგრაფია

ქვეყანა მდებარეობს კავკასიის რეგიონის სამხრეთ ნაწილში და 69,700 კვადრატული კილომეტრი უკავია. საქართველოს ჩრდილოეთით რუსეთი ესაზღვრება, სამხრეთ-აღმოსავლეთით - აზერბაიჯანი, სამხრეთით - სომხეთი, სამხრეთ-დასავლეთით - თურქეთი, დასავლეთით - შავი ზღვა.

საქართველო გამოირჩევა მრავალფეროვანი რელიეფით:  ჩრდილოეთით დიდი კავკასიონის მთები მდებარეობს, სამხრეთით კი მცირე კავკასიონის მთები.   შავი ზღვის სანაპიროდან ალაზნის ველამდე, მთათა სისტემებს შორის, გადაშლილია დაბლობები. რიკოთის მთათა სისტემა ქვეყანას  ორ კლიმატურად განსხვავებულ ნაწილად -  აღმოსავლეთ და დასავლეთ საქართველოდ - ჰყოფს. 

უმაღლესი მწვერვალია შხარა (5198 მ), ყველაზე დაბალი ადგილი (-1.5მ) კი - კოლხეთის დაბლობზე მდებარე პალიასტომის ტბის მიდამოები. ტყეებს ქვეყნის ტერიტორიის 38% უკავია და მათი მთლიანი ფართობი 2.7 მილიონ ჰექტარს შეადგენს.

კლიმატი

საქართველოს ტერიტორიაზე შეხვდებით მსოფლიოში არსებულ თითქმის ყველა კლიმატურ ზონას, დაწყებული ნოტიო სუბტროპიკული ჰავით, დამთავრებული  მუდმივი თოვლითა და ყინულით დაფარული მწვერვალებით.

ისტორია

დასავლეთ ევრაზიაში არსებული უძველესი ადამიანის ნაშთები (დაახლოებით 1.8 მილიონი წლის), რომელიც ბოლო დროს საქართველოში აღმოაჩინეს, ამყარებს მეცნიერთა მოსაზრებას იმის შესახებ, რომ ადამიანები საქართველოს ტერიტორიაზე  კაცობრიობის დასაბამიდანვე დასახლდნენ.

ქართველები წერილობით წყაროებში ჩვენს წელთაღრიცხვამდე მე-12 საუკუნეში ჩნდებიან.  არქეოლოგიური აღმოჩენები და უძველესი წყაროები ასახავენ უძველეს ქართულ პოლიტიკურ და სახელმწიფოებრივ წყობას, გასაოცარ კულტურულ მემკვიდრეობას, მაღალ დონეზე განვითარებულ მეტალურგიას და ოქრომჭედლობას, რომელიც ჩვენს წელთაღრიცხვამდე მე-7 საუკუნით და უფრო ადრეული ხანით თარიღდება.

ჩვენს წელთაღრიცხვამდე მე-4 საუკუნეში დაარსდა საქართველოს გაერთიანებული სამეფო.  - ერთი მეფის მმართველობის ქვეშ მყოფი განვითარებული სახელმწიფო წყობისა და არისტოკრატიის იერარქიის ადრეული მაგალითი.  

ქრისტიანობა საქართველოში ჩვენი წელთაღრიცხვით პირველ საუკუნეშივე  შემოიტანეს პირველმა მისიონერებმა, ხოლო 337 წელს იგი უკვე სახელმწიფო რელიგიად გამოცხადდა.

ადრეულ და შუა საუკუნეებში ქრისტიანობის განვითარებამ, კავშირმა დანარჩენ ქრისტიანულ სამყაროსთან, დაპირისპირებებმა ისლამურ სამყაროსთან  დასრულებული სახე მიიღო ჩვენი წელთაღრიცხვით მე-11 საუკუნეში, როდესაც ერთიანი ქართული სახელმწიფო ჩამოყალიბდა.

ოქროს ხანად კი საქართველოს ისტორიაში  მე-12-13 საუკუნეები ითვლება. ეს  იყო ადრეული ქართული რენესანსი, რომელიც მის ევროპულ ანალოგს რამდენიმე ასეული წლით უსწრებდა. ეს პერიოდი  ხასიათდებოდა დიდებული საერო ხელოვნებითა და კულტურით, რომანტიკულ-რაინდული ტრადიციებით, ფილოსოფიის მიღწევებით, პოლიტიკური სიახლეებით საზოგადოებასა და  სახელმწიფო წყობაში, რელიგიური და ეთნიკური ტოლერანტობით, სიკვდილით დასჯის გაუქმებით და პირველი პარლამენტის ჩამოყალიბებით. ოქროს ხანის მემკვიდრეობაა უდიდესი მონასტრები, შესანიშნავი რომანტიკული პოეზია და ლიტერატურა, მათ შორის, განსაკუთრებული მხატვრული და ფილოსოფიური ღირსებების მქონე ეპიკური პოემა "ვეფხისტყაოსანი".

ოქროს ხანა დასრულდა ჩვენი წელთაღრიცხვით მე-13 საუკუნეში, მონღოლების მიერ საქართველოს დაპყრობის შედეგად. ამის შემდეგ საქართველოს ფეოდალურ სახელმწიფოს დაღმასვლის ხანა დაუდგა.

მე-19 საუკუნეში საქართველო  სამხრეთ მეტოქეებმა განადგურების პირამდე მიიყვანეს. შედეგად ქვეყანა რუსეთის იმპერიის მიერ იქნა ანექსირებული.  რამდენიმე ათწლეულის შემდეგ, საქართველოში შეიქმნა მოდერნისტული ნაციონალისტური ელიტა, რომლის წევრებსაც ერთ დროს თავიანთი დიდებული სახელმწიფოს აღდგენის ოცნება აერთიანებდათ.  ეს ოცნება ახდა 1918 წელს, როდესაც საქართველოს დემოკრატიული რესპუბლიკა შეიქმნა.

თუმცა 1921 წელს საქართველო ოკუპირებულ იქნა ბოლშევიკური რუსეთის მიერ. საბჭოთა კავშირის დაშლის შემდეგ დამოუკიდებლობის პირველი წლები პოლიტიკური არასტაბილურობითა და სამოქალაქო კონფლიქტებით ხასიათდებოდა. რეფორმების პირველი ტალღა, რომელიც 1995 წელს დაიწყო, ნაწილობრივ წარმატებული იყო.  პოლიტიკურმა კორუფციამ ეკონომიკური დაღმავლობა და ინსტიტუციური ეფექტურობა  გამოიწვია, რომელსაც შედეგად მძიმე პოლიტიკური კრიზისი მოჰყვა.

2003 წლის ნოემბერში, ვარდების რევოლუციამ - მასობრივი მშვიდობიანი საზოგადოებრივი დაუმორჩილებლობის კამპანიამ - აიძულა მთავრობა, რომელმაც არჩევნების გაყალბება სცდა, გადამდგარიყო. სისტემური რეფორმების ახალი ტალღა ახალი ხელისუფლების არჩევის შემდეგ დაიწყო.