GE EN
სხვა სიახლეები
🎥 მესაზღვრე მფრინავებმა ახალი სამაშველო ვერტმფრენი გერმანიიდან ჩამოიყვან...

სასაზღვრო პოლიციის სპეციალური დანიშნულების ავიაციის დეპარტამენტის მფრინავებმა ვერტმფრენი გერმანიიდან საქართველოში ჩამოიყვანეს.ახალი ბორტი სრულად დაკომპლექტებულია ხანძართან ბრძოლისა და სამთო-სამაშველო აღჭურვილობით.სამაშველო ვერტმფრენს აქვს ორი ძრავა, რაც ზრდის ფრენის უსაფრთხოებას, ასევე, განსხვავებული, ფენენსტრონის ტიპის კუდა ხრახნი. იგი გაუმჯობესებულია, როგორც აეროდინამიკური, ასევე, ფრენის უსაფრთხოების თვალსაზრისით.აღნიშნული ტიპის შვეულმფრენები მაღალ სიმაღლეზე ოპერირებისა და მანევრის შესაძლებლობებით გამოირჩევა, რაც, საქართველოს მაღალმთიანი რელიეფის გათვალისწინებით, არსებულ ამოცანებთან სრულად თავსებადია.სასაზღვრო პოლიციის სპეციალური დანიშნულების ავიაციის დეპარტამენტის მფრინავებმა და ბორტ-ტექნიკოსებმა თეორიული და პრაქტიკული მომზადება გერმანიაში, „Airbus Helicopters“-ის სასწავლო აკადემიაში გაიარეს.თანამედროვე, ევროპული ტიპის „H 145“, ვერტმფრენი, ფრანგული კომპანია „Airbus Helicopters” -ის მიერ წარმოებული ერთ-ერთი უახლესი მოდელია, რომლის გადმოცემა გერმანიაში, „Airbus Helicopters“-ის საწარმოში განხორციელდა.შემდეგი ორი ბორტის გადმოცემა ქართული მხარისთვის 2024 წლის ივნისამდე იგეგმება.

1711699888

საქართველო უდაბნოს მტვერმა მოიცვა

უწყების ცნობით, ტრანსსასაზღვრო დაბინძურება წლის განმავლობაში გარკვეულ დღეებში ფიქსირდება ანალოგიური სინოპტიკური სიტუაციის დროს.„საქართველოს გარემოს დაცვისა და სოფლის მეურნეობის სამინისტროს სსიპ გარემოს ეროვნული სააგენტო აგრძელებს ატმოსფერული ჰაერის ხარისხის უწყვეტ მონიტორინგს ავტომატური სადგურების საშუალებით. ნებისმიერ დაინტერესებულ პირს შესაძლებლობა აქვს გაეცნოს ინფორმაციას ჰაერის ხარისხის მდგომარეობის შესახებ და მიიღოს ჯანდაცვითი რეკომენდაციები ატმოსფერული ჰაერის ხარისხის პორტალზე - www.air.gov.ge“, - აღნიშნულია ინფორმაციაში.

1711698946

შარშან აზერბაიჯანში $6,7 მლრდ–ის ინვესტიცია ჩაიდო

„ინვესტიციების მოცულობით ლიდერი ქვეყნების ხუთეულში შედიან: დიდი ბრიტანეთი – $1,9 მლრდ, თურქეთი – $1,3 მლრდ, კვიპროსი – $792 მლნ, რუსეთი – $617 მლნ და ირანი – $396 მლნ“, – აღნიშნა ნასიროვმა.

1711696982

თებერვალში საქართველოს მშპ 9,5%–ით გაიზარდა

2024 წლის თებერვალში, წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა შემდეგმა დარგებმა: დამამუშავებელი მრეწველობა, მშენებლობა, პროფესიული, სამეცნიერო და ტექნიკური საქმიანობები, ინფორმაცია და კომუნიკაცია, ტრანსპორტი და დასაწყობება.კლების ტენდენცია დაფიქსირდა ენერგეტიკის და სამთომოპოვებითი მრეწველობის სექტორებში.

1711696318

საქართველოს მთლიანი საგარეო ვალი $24 მლრდ–ს აჭარბებს

საგარეო ვალის 35,8% ($8,66) სამთავრობო სექტორზე მოდის. მათ შორის მოკლევადიანი ვალდებულებების მოცულობა მეოთხე კვარტალის ბოლოსთვის $116,3 მლნ–ს შეადგენდა, ხოლო გრძელვადიანი ვალდებულებების მოცულობა $8,54 მლრდ იყო.საქართველოს მთლიანი საგარეო ვალის 30% ბანკებზე მოდის ($7,26 მლრდ). აქედან თითქმის ნახევარი – $3,27 მლრდ მოკლევადიანი ვალდებულებაა, ხოლო $3,99 – გრძელვადიანიქვეყნის მთლიანი საგარეო ვალის მხოლოდ 3,6% მოდის საქართველოს ეროვნულ ბანკზე, რაც ფულად გამოსახულებაში $874,1 მლნ–ს შეადგენს. ამ ვალდებულებების უდიდესი ნაწილი გრძელვადიანია.სხვა სექტორების საგარეო ვალი $4,64 მლრდ–ს უდრის, საიდანაც $1,6 მლრდ მოკლევადიანი, ხოლო $3,95 მლრდ – გრძელვადიანი.

1711695597

პოლონეთმა და ჩეხეთმა რუსული ჯაშუშური ქსელების განადგურების შესახებ გან...

ოპერაციის ფარგლებში ჩხრეკები ჩატარდა ვარშავასა და ტიხიში. შედეგად, ძალოვნებმა 48,5 ათასი ევრო, 36 ათასი აშშ დოლარი და ინფორმაციის ციფრული მატარებლები, მათ შორის მობილური ტელეფონები ამოიღეს. დაიკითხნენ საქმის ფიგურანტები.„დოკუმენტურად დაფიქსირდა საქმიანობა, რომელიც მიმართული იყო პრორუსული ინიციატივების ორგანიზებაზე და ევროპის კავშირის ქვეყნებში მედიაკამპანიის წარმოებაზე. ქსელის მიზანი იყო კრემლის საგარეოპოლიტიკური ამოცანების რეალიზაცია“, – განაცხადა სპეცსამსახურების მინისტრის პრეს–სპიკერმა იაცეკ დობჟინსკიმ.მისივე თქმით, რუსეთი თავისი ჯაშუშების მეშვეობით ცდილობს პოლონეთის პოზიციის დასუსტებას საერთაშორისო არენაზე, უკრაინის დისკრედიტაციას და ევროპის კავშირის სტრუქტურებისთვის რეპუტაციული ზიანის მიყენებას. ამ მიზნების მისაღწევად შექმნეს საიტი Voice of Europe. პორტალზე ქვეყნდებოდა სტატიები მიმდინარე საერთაშორისო პროცესებზე, მათ შორის უკრაინის ომზე, თქვა დობჟინსკიმ და დასძინა, რომ სპეცსამსახურებმა ქსელის დაფინანსების სქემაც გაშიფრეს. 

1711692798