თბილისი (GBC) - გერმანელი მილიარდერი კარლ ერივან ჰაუბი, რომელიც Tengelmann Group-ის ((OBI, Kaiser's და სხვა) დირექტორია, ალპებში დაიკარგა, - იტყობინება  Spiegel-ი.

გამოცემის ცნობით, ის დაკარგულად 7 აპრილის შემდეგ მიიჩნევა, როდესაც სასრიალო ტრასიდან აღარ დაბრუნდა. მისი ტელეფონიც იმავე საღამოს გამოირთო. 

Handelsblatt -ი კი, წერს, რომ ჰაუბის ახლობლემა  საკმაოდ დიდი თანხა დააწესა, მისი მოძებნისთვის.  სამძებრო და სამაშველო ოპერაციას ხელს უამინდობა უშლის.

Forbes -ის შეფასებით, ჰაუბის ქონება 6.4 მილიარდი დოლარია. ამ წლის მარტში აშშ-ში გარდაიცვალა კარლის მამა ერივან  ჰოუბი, რომელიც Tengelmann  -ს 30 წლის განმავლობაში ხელმძღვანელობდა.