ოქრო NYMEX(უნც.)  1.282.85  +0.22%    |    პლატინა (უნც.)  794.35  -0.97%    |    ვერცხლი (უნც.)  15.30  -0.66%    |    პალადიუმი NYMEX  1.302.35  -2.45%    |    ნიკელი (ტონა)  11.647.5  -1.42%    |    ალუმინი (ტონა)  1.863.75  +0.75%    |    ნავთობი (Brent)  61.41  -2.12%    |    გაზი(NYMEX)  3.250  -6.66%    |    შაქარი LIFFE (ტონა)  12.93  -0.77%    |    ყავა(Robusta), USD (ტონა)  104.67  -0.27%    |    ხორბალი (ტონა)  519.12  +0.47%    |   
 USD 2.6611        EUR 3.0233        GBP 3.4363        RUB 3.9996        UAH 0.9553        AZN 1.565        AMD 5.4981      
gbc.ge
Eng
შესვლა    რეგისტრაცია
მომხმარებელი
პაროლი
დაგავიწყდათ პაროლი?
ინფორმაციის გამოწერის პირობები
მთავარი მოვლენები << უკან
დიმიტრი ქუმსიშვილმა  ჟურნალისტური ეთიკის ქარტიაში  ელისო კილაძის წინააღმდეგ განცხადება შეიტანა
6 ივნისი, 2018, 22:41
დიმიტრი ქუმსიშვილმა  ჟურნალისტური ეთიკის ქარტიაში  ელისო კილაძის წინააღმდეგ განცხადება შეიტანა

თბილისი (GBC) - პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა „საქართველოს ჟურნალისტური ეთიკის ქარტიაში“ ელისო კილაძის წინააღმდეგ გაზეთში „ქრონიკა +” გამოქვეყნებული პუბლიკაციის გამო განაცხადი შეიტანა.

პირველი ვიცე-პრემიერი განაცხადში მიუთითებს, რომ  უხეშად დაირღვა ჟურნალისტური ეთიკის კოდექსის რამდენიმე ფუნდამენტური პრინციპი, უშუალოდ პუბლიკაცია კი მისმა ავტორმა გამოიყენა და მიმართა საქართველოს პირველი ვიცე-პრემიერის პიროვნების მიზანმიმართული დისკრედიტაციისკენ.

დიმიტრი ქუმსიშვილის განცხადებით, პროფესიული და ეთიკური სტანდარტის დაცვა საზოგადოების ყველა წევრს მოეთხოვება, მით უფრო, მედიას, რომელიც უზარმაზარ გავლენას ახდენს საზოგადოებრივი აზრის ფორმირებაზე.

„ამდენად, საგანგაშოა, როდესაც რომელიმე მედიასაშუალების მიერ საზოგადოებას მიზნობრივად ცრუ და ყალბი ფაქტები მიეწოდება. კარგად მესმის, რომ როგორც მაღალი რანგის თანამდებობის პირს, მაქვს თმენის ვალდებულება, მაგრამ არ შემიძლია გავჩუმდე, როდესაც გავრცელებული ცრუ ინფორმაცია შეეხება უამრავ ადამიანს, ვისთვისაც სიმართლის დადგენა სასიცოცხლოდ მნიშვნელოვანია და ყალბი ფაქტებით მანიპულირება დაუშვებელია,“ - განაცხადა დიმიტრი ქუმსიშვილმა.

 მისივე განცხადებით, მედიაში ცილისმწამებლური, კონკრეტული პიროვნების ღირსების შემლახავი და ამასთან, არგუმენტებით სრულიად გაუმყარებელი მასალების გამოქვეყნება, უპირობოდ ეწინააღმდეგება ქარტიის მიერ დეკლარირებულ, უმთავრეს მიზანს, რაც საზოგადოებაში ჟურნალისტური ეთიკის ნორმების დამკვიდრებას და პროფესიული სტანდარტის გაუმჯობესებას გულისხმობს.

„ამდენად, იმედი მაქვს, რომ აღნიშნული ჟურნალისტური გაერთიანება დადგება პროფესიული და ეთიკური სტანდარტების დაცვის მხარეს და ისე მიიღებს საბოლოო გადაწყვეტილებას“, - აღნიშნა საქართველოს პირველმა ვიცე-პრემიერმა.

 

მსგავსი სტატიები
გამოკითხვა
სიახლეების არქივი
ორშ სამ ოთხ ხუთ პარ შაბ კვ
 123456
78910111213
14151617181920
21222324252627
28293031   
სპონსორები