ოქრო NYMEX(უნც.)  1.303.95  +0.68%    |    პლატინა (უნც.)  835.85  +1.12%    |    ვერცხლი (უნც.)  15.383  +1.40%    |    პალადიუმი NYMEX  1.523.60  +0.59%    |    ნიკელი (ტონა)  12.987.5  +0.62%    |    ალუმინი (ტონა)  1.908.5  +0.33%    |    ნავთობი (Brent)  66.98  -0.37%    |    გაზი(NYMEX)  2.830  -0.91%    |    შაქარი LIFFE (ტონა)  12.40  -0.16%    |    ყავა(Robusta), USD (ტონა)  96.97  -0.19%    |    ხორბალი (ტონა)  451.38  -0.14%    |   
 USD 2.6821        EUR 3.0327        GBP 3.5254        RUB 4.1751        UAH 0.9962        AZN 1.5784        AMD 5.5244      
gbc.ge
Eng
შესვლა    რეგისტრაცია
მომხმარებელი
პაროლი
დაგავიწყდათ პაროლი?
ინფორმაციის გამოწერის პირობები
კომპანიის სიახლეები << უკან
ტყიბულის შახტების სისტემურ კვლევას სავარაუდოდ, გერმანული კომპანია ჩაატარებს  
1 აგვისტო, 2018, 13:55
ტყიბულის შახტების სისტემურ კვლევას სავარაუდოდ,  გერმანული კომპანია ჩაატარებს   

თბილისი (GBC) –  რა ფორმით გააგრძელებს  საქნახშირი შახტების ექსპლუატაციას სავარაუდოდ, სექტემბერში გახდება ცნობილი.

შახტებში არსებულ მდგომარეობაზე სისტემურ შემოწმებას მთავრობის მიერ დაქირავებული ექსპერტები განახორციელებენ. 

მოლაპარაკებები 3 გერმანულ კომპანიასთან მიმდინარეობს და მათ შორის, ერთ-ერთის შერჩევა 10 აგვისტომდე უნდა მოხდეს.

„საქნახშირის“  გენერალური დირექტორი ჯამბულ ჯაყელი GBC- სთან აღნიშნავს, რომ კვლევისთვის 3-4 კვირიანი პერიოდი იქნება საჭირო, შემდეგ კი შესაბამისი დასკვნის მომზადება მოხდება.  

ექსპერტებმა უნდა გაწერონ გეგმა, რა სახის სამუშაოები და ფინანსებია საჭირო იმისათვის, რომ შახტებში  საფრთხე მინიმუმამდე შემცირდეს. 

ჯაყელი აღნიშნავს, რომ ამ პერიოდში შახტებში უსაფრთხოების და სხვადასხვა სახის სამუშაოების ჩატარების აუცილებლობა მაინც რჩება, რასაც კომპანია ამჟამად, ტექნიკური პერსონალის და სამთო მაშველების მეშვეობით ახორციელებს, თუმცა კადრების სიმცირეს განიცდის. 

ამასთან, კატეგორიულად უარყოფს სოციალურ ქსელში გავრცელებულ ინფორმაციას, თითქოს მეშახტეებზე ზეწოლა ხდება და კომპანია მათ   აიძულებს  საფრთხის შემცველ გარემოში იმუშაონ.

„უსაფრთხოების თემებზე ყურადღება აუცილებელია, რომ არ მოხდეს დატბორვა, ან ხანძარი, თუმცა სერიოზულს ვერაფერს გავაკეთებთ. ის სამუშაო რაც ამჟამად მიმდინარეობს, შემსრულებლებისთვის უსაფრთხოა“, - ამბობს ჯაყელი.

შეგახსენებთ, შახტები 16 ივლისს მომხდარი უბედური შემთხვევის შემდეგ დახურულია. დასაქმებულები ამ პერიოდში ხელფასს მიიღებენ.

 

მსგავსი სტატიები
გამოკითხვა
სიახლეების არქივი
ორშ სამ ოთხ ხუთ პარ შაბ კვ
    123
45678910
11121314151617
18192021222324
25262728293031
სპონსორები