ოქრო NYMEX(უნც.)  1.249.20  +0.18%    |    პლატინა (უნც.)  787.60  +0.29%    |    ვერცხლი (უნც.)  14.70  +0.54%    |    პალადიუმი NYMEX  1.180.65  +0.28%    |    ნიკელი (ტონა)  10.760.00  +0.12%    |    ალუმინი (ტონა)  1.936.75  -0.06%    |    ნავთობი (Brent)  60.77  +0.95%    |    გაზი(NYMEX)  4.337  -1.63%    |    შაქარი LIFFE (ტონა)  12.80  +0.63%    |    ყავა(Robusta), USD (ტონა)  102.40  -2.62%    |    ხორბალი (ტონა)  524.62  +0.69%    |   
 USD 2.6642        EUR 3.0308        GBP 3.3713        RUB 4.0143        UAH 0.958        AZN 1.5669        AMD 5.4853      
gbc.ge
Eng
შესვლა    რეგისტრაცია
მომხმარებელი
პაროლი
დაგავიწყდათ პაროლი?
ინფორმაციის გამოწერის პირობები
კომპანიის სიახლეები << უკან
ჭიათურის მაღაროებში აფეთქების ინიციირების სისტემა დაინერგება (ვიდეო)
5 ოქტომბერი, 2018, 15:03
ჭიათურის მაღაროებში აფეთქების ინიციირების სისტემა დაინერგება (ვიდეო)

თბილისი (GBC) - ჭიათურის სამთო-გამამდიდრებელი კომბინატის მაღაროებში აფეთქების ცეცხლოვანი სისტემის ნაცვლად, ახალი ინიციირების სისტემა დაინერგება.

როგორც "ჯორჯიან მანგანეზის" ტექნიკური უსაფრთხოების მენეჯერმა, გიგა ხვიჩიამ აღნიშნა, სანამ მენეჯმენტი ახალი ინიციირების სისტემის დანერგვის გადაწყვეტილებას მიიღებდა, კომპანიაში სპეციალისტები მოიწვიეს.

მოწვეულმა ინჟინერ-ტექნიკოსებმა მაღაროებში რამდენიმე ათეული აფეთქება ჩაატარეს და "ჯორჯიან მანგანეზმა" გადაწყვეტილება მხოლოდ ამის შემდეგ მიიღო.

მისივე თქმით, "ნონ ელ."-ის დანერგვა კომპანიისთვის პროგრესული ნაბიჯია.

"ისტორიული ფაქტია - ცეცხლოვანი აფეთქებიდან გადავდივართ ინიიცირების სხვა სისტემაზე, რომელიც არაელექტრონული მეთოდია. აღნიშნული სისტემა გაცილებით უსაფრთხოა, იმ თვალსაზრისით, რომ მაქსიმალურად გამორიცხავს ადამიანური შეცდომის ფაქტორს და აფეთქების შედეგად სხვა მუხტების მექანიკურ დაზიანებას, ასევე, აფეთქების შემდეგ, მაქსიმალურად ამცირებს სანგრევის განიავების დროს, რაც მნიშვნელოვანია მასობრივი აფეთქებების დროს. ჩვენს წარმოებაში ამ მეთოდის შემოღება ძალიან პროგრესული ნაბიჯია. ეს მეთოდი მთელს მსოფლიოშია აპრობირებული. მოსამზადებელი პერიოდისთვის კი ჩამოვიყვანეთ სპეციალისტები. მაღაროში რამდენიმე ათეული აფეთქებაც ჩავატარეთ და დავრწმუნდით, რომ ეს მეთოდი მისაღებია და გვინდა დანერგვა", - განაცხადა გიგა ხვიჩიამ. 

უსაფრთხოების სამსახურში კი აცხადებენ, რომ კომპანია "ჯორჯიან მანგანეზისთვის" ტექ. უსაფრთხოების დაცვა პრიორიტეტულია და ამიტომ აღნიშნული სისტემის დანერგვა მნიშვნელოვანია. 

"ამდენი ხნის განმავლობაში, ჭიათურაში აფეთქებითი სამუშაოები ძველი მეთოდით, ცეცხლოვანი აფეთქებით, მიმდინარეობდა. კომპანიის სასახელოდ კი უნდა ითქვას, რომ გადაიდგა ეს ნაბიჯი და ჩვენს წარმოებაში შეიცვალა ტექნოლოგიური პროცესები. ამიტომ გადაწყდა, დანერგილიყო თანამედროვე, აპრობირებული არაელექტრონული წესით აფეთქება, ანუ "ნონ ელექტრო". აღსანიშნავია ისიც, რომ მიმდინარეობს კომპანიის თანამშრომლების გადამზადების პროცესი, როგორც თეორიულ, ასევე პრაქტიკულ ნაწილში. 3 დღის განმავლობაში გადამზადდება ტექნიკური პერსონალი, ისინი თეორიულად გაეცნობიან ყველა იმ მეთოდს, რაც თან ახლავს ამ პროცესს. გადამზადებულ პერსონალს კი ადგილზევე ჩაუტარდება პრაქტიკული სწავლება. ამ თვის ბოლოს კი ჩვენი წარმოება, სავარაუდოდ, მასობრივად გადავა ახალი მეთოდის ასაფეთქებელ სისტემაზე. ეს კი მინიმუმამდე დაიყვანს იმ მარცხის ალბათობას, რაც თან სდევს ყველა წარმოებას", - აცხადებენ კომპანიის ტექნიკური უსაფრთხოების სამსახურში. 

მაღაროელები კი მიიჩნევენ, რომ აღნიშნული მეთოდი, რაც ყველაზე მთავარია, უსაფრთხოა. შუქხუთის მაღაროში მომუშავე მაღაროელმა, აკაკი წერეთელმა განაცხადა, რომ ამჟამად ისინი ახალ მეთოდს სწავლობენ, რაც მომავალში უფრო გაუადვილებთ საქმიანობა.

"ჯორჯიან მანგანეზისთვის" ამ მეთოდით მუშაობა სიახლეა. რაც მთავარია უსაფრთხოა, როგორც გვიხსნიან. ჩვენც გავეცნობით, ავითვისებთ და, რა თქმა უნდა, მომავალში უფრო გაგვიმარტივდება საწარმოო პროცესიც. თითოეული ჩვენგანი ყურადღებით მოეკიდება ამ პროცესებს", - აღნიშნა მაღაროელმა. 

ცნობისათვის, სწავლება შპს "პროფიუნიტის" ბაზაზე მიმდინარეობს, მაღაროელებს ლექციებს თბილისის ტექნიკური უნივერსიტეტიდან მოწვეული წამყვანი სპეციალისტები უტარებენ. თეორიული სწავლების დასრულების შემდეგ, პერსონალი პრაქტიკულ კურსს გაივლის. ამის შემდეგ კი ყველა მაღარო მუშაობის ახალ სისტემაზე გადავა.

მსგავსი სტატიები
გამოკითხვა
სიახლეების არქივი
ორშ სამ ოთხ ხუთ პარ შაბ კვ
     12
3456789
10111213141516
17181920212223
24252627282930
31      
სპონსორები