თბილისი (GBC) -Galt&Taggart-ის შეფასებით, 2020 წელს საქართველოში ე.წ. ლოქდაუნი რომ არ დაწესებულიყო ეკონომიკური ვარდნა 4.1% იქნებოდა და არა 6.1%.

საინვესტიცუიო ბანკის გათვლებით ლოქდაუნი ქვეყანას დღეში 16 მილიონი ლარი უჯდება, ჯამურად ჩაკეტვის გამო კი ეკონომიკამ 2020 წელს მილიარდი ლარი დაკარგა.

საინვესტიციო ბანკი თვლის რომ ვაქცინაციისთვის ქვეყანას 160 მლნ სჭირდება, რაც ბევრად ჩამოუვარდება ლოქდაუნის ეკონომიკურ ეფექტს.

„ლოქდაუნი ცუდად მოქმედებს ეკონომიკურ აქტივობაზე. 2020 წელს დაქირავებით დასაქმებულთა რაოდენობა მნიშვნელოვნად მცირდებოდა. აპრილ-მაისში კლება 7%-ზე მეტი იყო. ეკონომიკის გახსნის პარალელურად ეს მაჩვენებელი გამოსწორდა თუმცა ნოემბრიდან უმუშევრობა კვლავ გაიზარდა“, - ამბობს ლაშა ქავთარაძე.