თბილისი (GBC) - Tesla–ს დამფუძნებლის ილონ მასკის ქონება ერთ დღეში $13 მლრდ–ით შემცირდა, ნათქვამია Forbes Real-Time–ის სარეიტინგო მონაცემებში. მასკის კაპიტალმა 7,7% დაკარგა და $169,1 მლრდ–მდე შემცირდა.

მილიარდერის ქონება Tesla–ს აქციების ვარდნის გამო შემცირდა. ორშაბათს კომპანიის აქციები 8,55%–ით შემცირდა $714,5–მდე. ეს ბოლო ხუთ თვეში კომპანიის აქციების ყველაზე დიდი ვარდნაა. 2020 წლის 23 სექტემბერს ელექტრომობილების მწარმოებლის აქციების ფასი 10,34%–ით შემცირდა, იუწყება ამერიკული CNBC.

ტელეკომპანიის ინფორმაციით, Tesla–ს აქციების ვარდნა, შესაძლოა, ბიტკოინის მკვეთრ გაუფასურებას უკავდირდებოდეს. Tesla–მ 8 თებერვალს ბიტკოინში $1,5 მლრდ–ის ინვესტიცია განახორციელა, რასაც თავად მასკმა „საკმაოდ ავანტურული“ გადაწყვეტილება უწოდა. ბიტკოინმა ბოლო დღე–ღამეში, თბილისის დროით 13:22 საათისთვის, 16,07% დაკარგა და მისი ფასი $47,3 ათასამდე დაეშვა.

Forbes-ის ვერსიით, მიუხედავად ასეთი რყევებისა, მსოფლიოს უმდიდრესი ადამიანების რეიტინგში მასკი მეორე ადგილს ინარჩუნებს.