ოქრო NYMEX(უნც.)  1.303.95  +0.68%    |    პლატინა (უნც.)  835.85  +1.12%    |    ვერცხლი (უნც.)  15.383  +1.40%    |    პალადიუმი NYMEX  1.523.60  +0.59%    |    ნიკელი (ტონა)  12.987.5  +0.62%    |    ალუმინი (ტონა)  1.908.5  +0.33%    |    ნავთობი (Brent)  66.98  -0.37%    |    გაზი(NYMEX)  2.830  -0.91%    |    შაქარი LIFFE (ტონა)  12.40  -0.16%    |    ყავა(Robusta), USD (ტონა)  96.97  -0.19%    |    ხორბალი (ტონა)  451.38  -0.14%    |   
 USD 3.4521        EUR 4.1442        GBP 4.8081        RUB 4.5132        UAH 1.2269        AZN 2.0287        AMD 6.6147      
gbc.ge
Eng
შესვლა    რეგისტრაცია
მომხმარებელი
პაროლი
დაგავიწყდათ პაროლი?
ინფორმაციის გამოწერის პირობები
მთავარი მოვლენები << უკან
რიმა ბერაძე გომელაურს მუნდირის დაცვას სთხოვს
5 მარტი, 2021, 16:39
რიმა ბერაძე გომელაურს მუნდირის დაცვას სთხოვს

თბილისი (GBC) - ბატონო ვახტანგ,

პირველ რიგში უნდა აღვნიშნო, რომ აბსოლუტურად მიუღებელია ჩემთვის რიგი ოპოზიციონერი პოლიტიკოსების მხრიდან პოლიციელების მიმართ გამოხატული ის დამოკიდებულება, რომელსაც აქტივისტებისა თუ საჯარო განცხადებების საშუალებით, ბოლო პერიოდში განსაკუთრებით მძაფრად, გამოხატავენ.

ჩვენ მეტად უნდა ვაფასებდეთ ადამიანებს, რომლებიც საკუთარი სიცოცხლის ფასად იცავენ სახელმწიფოსა და მის უწყებებს. ეს ადამიანები არიან ძლიერი სახელმწიფოს ფუნდამენტი და მადლობა ჩვენს პოლიციელებს, რომლებიც ყოველდღიურად იცავენ საზოგადოებრივ წესრიგსა და უსაფრთხოებას!

რაც შეეხება ჩემს შეკითხვას ...

ბატონო ვახტანგ, კარგად იცით, რომ ჩვენს წინაშე დიდ გამოწვევად დგას ბავშვთა მიმართ განხორციელებული ძალადობის საკითხი, განსაკუთრებით -  მათ მიმართ სექსუალური ხასიათის ქმედებების ჩადენის ფაქტები.

ვიცით, რომ ეს მეტად რთული და კომპლექსური საკითხია და საჭიროებს მუშაობის მრავალმხრივ გააქტიურებას. (ამის აუცილებლობა ქობულეთში მომხდარმა ტრაგედიამ კიდევ ერთხელ დაგვანახა).

პრობლემაა არა მხოლოდ, არასრულწლოვანთა მიმართ ჩადენილი სექსუალური ძალადობა, არამედ ადრეული ქორწინებები განსაკუთრებით პატარა ასაკში ან ასეთივე ასაკის გოგონებთან სექსუალური ხასიათის ქმედებების განხორციელების ფაქტები. სულ რამდენიმე დღის წინ გორის რაიონის ერთ-ერთ სოფელში მომხდარ ფაქტს ვგულისხმობ, როცა 13 წლის გოგონამ შვილი გააჩინა.

მართალია ყველა ასეთ ფაქტებზე თქვენი მხრიდან სათანადო რეაგირება გვაქვს, მაგრამ ნათელია, რომ ეს არ არის საკმარისი იმისათვის, რომ მაქსიმალურად შევამციროთ ამ ტიპის დანაშაულებების სტატისტიკა.

ბატონო ვახტანგ, როგორია თქვენი მიდგომა ამ საკითხების მიმართ? რას აკეთებს კონკრეტულად თქვენი უწყება ამ დანაშაულებებზე პასუხისგებისა და პრევენციის მიმართულებით და როგორ ფიქრობთ, რა ტიპის კომპლექსური სამუშაოები უნდა გავატაროთ ჩვენ, ყველამ ერთად, იმისათვის რომ დავიცვათ არასრულწლოვნები ამგვარი დანაშაულებებისგან?

აქვე მინდა იგივე ხასიათის შეკითხვა დაგისვათ ქალთა მიმართ განხორციელებული ძალადობისა და ოჯახური ძალადობის ფაქტებზე...

საინტერესოა თქვენი ხედვა ამ მიმართულებისადმი და თქვენ მიერ განხორციელებული სამუშაოების ეფექტიანობის შეფასება...

მსგავსი სტატიები
გამოკითხვა
სიახლეების არქივი
ორშ სამ ოთხ ხუთ პარ შაბ კვ
   1234
567891011
12131415161718
19202122232425
2627282930  
სპონსორები