თბილისი (GBC) - IFC და EBRD TBC UZ-ის კაპიტალში შევიდნენ. 

TBC Bank Group PLC-ის (TBC PLC) ცნობით,   იგი  ერთობლივი საწარმოს შეთანხმებაში შევიდა საერთაშორისო საფინანსო კორპორაციასთან (IFC) და ევროპის რეკონსტრუქციისა და განვითარების ბანკთან (EBRD), რომლის მიხედვითაც IFC და EBRD აპირებენ კაპიტალში ინვესტირებას TBC PLC– ის მთლიანად უზბეკურ შვილობილ კომპანიაში, TBC Bank (TBC UZ), რათა მხარი დაუჭიროს მის განგრძობად ზრდას. 

ხელშეკრულების პირობებით, 2021 წლის ბოლოსთვის, IFC და EBRD, გარკვეული პირობების შესაბამისად, თითოეულმა მათგანმა $9.4 მლნ-ის ინვესტიცია უნდა ჩადონ TBC UZ– ში, თითოეულის 20% –მდე წილის სანაცვლოდ.

შესაბამისად, TBC PLC TBC UZ- ის 60% -იან წილს შეინარჩუნებს.

ერთობლივი საწარმოს პირობები აქციონერთა შეთანხმებით დარეგულირდება. 

გარდა ამისა, IFC და EBRD შეთანხმდნენ გარკვეული პირობების შესაბამისად, განახორციელონ დამატებითი კაპიტალური ინექციები, საერთო ჯამში, $34.3 მლნ-მდე ოდენობით, 2024 წლამდე პერიოდში.

აქციონერთა ხელშეკრულება ასევე შეიცავს ჩვეულებრივ ბორდს და აქციონერთა დაცულ საკითხებს.

ერთობლივ საწარმოსთან დაკავშირებით, IFC-მ და EBRD-მა ასევე დადეს ოფციონის ხელშეკრულება TBC PLC– თან, რაც ითვალისწინებს იმას, რომ მათ შეუძლიათ გაანაღდონ TBC UZ– ის თავიანთი წილი TBC PLC– ში, შეთანხმების მეექვსე წლისთავის შემდეგ.

ჩადების ოფცია გადაწყდება TBC PLC– ის ახალი აქციების გამოშვებით, ან ნაღდი ანგარიშსწორებით.

გარდა ამისა, TBC PLC– ს აქვს გამოხმოვის უფლება, შეთანხმების მეათე წლისთავიდან, რომლის მიხედვითაც მას შეეძლება შეიძინოს IFC და EBRD– ის წილები ნაღდი ანგარიშსწორებით.

TBC UZ არის პირველი ციფრული ბანკი უზბეკეთში, რომელიც შეიქმნა 2020 წლის ოქტომბერში და უკვე 850,000 -ზე მეტი გადმოწერა აქვს, ხოლო მისი რეგისტრირებული მომხმარებლების რიცხვმა 630,000 -ზე მეტს მიაღწია.