ოქრო NYMEX(უნც.)  1284.04  +0.09%    |    პლატინა (უნც.)  931.30  +0.43%    |    ვერცხლი (უნც.)  17.07  +0.02%    |    პალადიუმი NYMEX  985.17  -0.02%    |    ნიკელი (ტონა)  985.17  -1.61%    |    ალუმინი (ტონა)  2077.25  -0.55%    |    ნავთობი (Brent)  61.57  -1.04%    |    გაზი(NYMEX)  3090  -0.39%    |    შაქარი LIFFE (ტონა)  15.09  -0.20%    |    ყავა(Robusta), USD (ტონა)  127.22  -0.28%    |    ხორბალი (ტონა)  427.50  -0.02%    |   
 USD 2.7268        EUR 3.2176        GBP 3.6097        RUB 4.575        UAH 1.0298        AZN 1.6071        AMD 5.6142      
gbc.ge
Eng
შესვლა    რეგისტრაცია
მომხმარებელი
პაროლი
დაგავიწყდათ პაროლი?
ინფორმაციის გამოწერის პირობები
კომპანიის სიახლეები << უკან
ვლად ბეჟაშვილი: კომპანიების ფინანსების გახსნით ბაზარს ახალი სუნთქვა ეხსნება
ნინო შუბითიძე  
8 ნოემბერი, 2017, 16:50
ვლად ბეჟაშვილი: კომპანიების ფინანსების გახსნით ბაზარს ახალი სუნთქვა ეხსნება

თბილისი (GBC) – „ჩემი ფინანსები თუ ღია გახდება, არ ნიშნავს, რომ  ჩემი კომპანია უკან დაიხევს“, - EBIT Group -ის მმართველი პარტნიორი ვლად ბეჟაშვილი  ბიზნესების სინთეზის წარმატებულ მოდელზე საუბრობს, რომლის შესაძლებლობაც  ფინანსური ანგარიშგების და აუდიტის შესახებ კანონმა გააჩინა. 

„PSP დაზღვევის“ ყოფილი დირექტორი აცხადებს, რომ  კომპანიებისთვის (წლიური ბრუნვით >2 მლნ ) IFRS ფინანსური ანგარიშგების ვალდებულება და ურთიერთწვდომა  გამსხვილების, ურთიერთინვესტირების, წილის სარფიანად გაყიდვის, ასევე ნაკლები წილობრივი მონაწილეობით მეტი მოგების მიღების შესაძლებლობას იძლევა.

IFRS -ის ბუმია, -  მიმდინარე პროცესებს ფინანსისტი ასე აფასებს, რაც პირველ რიგში ინვესტორებს აძლევს ხელს, რადგან  სრული ინფორმაცია, რისთვისაც უწინ ბაზრის კვლევები სჭირდებოდათ,  მომავალი წლიდან ხელის გულზე ექნებათ.  რეფორმა გადაწყვეტილებისთვის  საჭირო ამომწურავი ინფორმაციის თავმოყრას გულისხმობს, როგორც კომპანიების, ისე  სექტორულ ჭრილში.

ახალი პლატფორმა  ფიზიკურ პირებსაც გაუმარტივებს არჩევანს, რომელი  საფინანსო ინსტრუმენტით იშოვონ ფული.   მისი თქმით,  ამ დროისთვის  თუ ბაზარზე ბონდების სულ რამდენიმე ემიტენტია (“m2 უძრავი ქონება”, ნიკორა, საქართველოს სალიზინგო კომპანია ...)  და თითზე ჩამოსათვლელი ადამიანების ჯგუფი სარგებლობს, გაისად გაცილებით ბევრი იქნება,  ახალი პლატფორმის მეშვეობით, უფრო მოქნილი პირობებით  და სინთეზის სხვადასხვა უნარით.

ეს არ იქნება მხოლოდ ფასიანი ქაღალდების შეთავაზება სტანდარტული ნომინალით და ფიქსირებული განაკვეთით.  დაემატება  ბონუსური სისტემა, დანამატი,  კომპანიის მარჟინალობის კოეფიციენტით (საერთო მოგების წილი შემოსავალთან მიმართებაში) დაანგარიშდება.  მარტივად რომ წარმოვიდგინოთ საბაზისო 14%-ს დაემატება X% , 1-10%-ის ან მეტის  ფარგლებში.

ახალი ვალდებულებით  ფინანსური ანგარიშგებების პირველი  ფორმები  მომავალი წლის ოქტომბერში გამოჩნდება.  IFRS -ის ჯერ მხოლოდ I და II  კატეგორიის კომპანიებს მოეთხოვება, რომლის წლიური ბრუნვა >20 მლნ-ია.

 

 

მსგავსი სტატიები
გამოკითხვა
სიახლეების არქივი
ორშ სამ ოთხ ხუთ პარ შაბ კვ
  12345
6789101112
13141516171819
20212223242526
27282930   
სპონსორები