ოქრო NYMEX(უნც.)  1229.3  -0.09%    |    პლატინა (უნც.)  843.80  -0.22%    |    ვერცხლი (უნც.)  14.67  -0.35%    |    პალადიუმი NYMEX  1076.5  -0.16%    |    ნიკელი (ტონა)  12.455  -0.91%    |    ალუმინი (ტონა)  2029.25  -0.04%    |    ნავთობი (Brent)  80.83  +0.06%    |    გაზი(NYMEX)  3285  +0.77%    |    შაქარი LIFFE (ტონა)  13.41  +2.21%    |    ყავა(Robusta), USD (ტონა)  119.05  +2.44%    |    ხორბალი (ტონა)  525.50  +0.14%    |   
 USD 2.6838        EUR 3.1022        GBP 3.5265        RUB 4.0978        UAH 0.9612        AZN 1.5834        AMD 5.5519      
gbc.ge
Eng
შესვლა    რეგისტრაცია
მომხმარებელი
პაროლი
დაგავიწყდათ პაროლი?
ინფორმაციის გამოწერის პირობები
მთავარი მოვლენები << უკან
გვენეტაძე: ფულის მასაზე გამადიდებელი შუშით დაკვირვება, დაბალი ინფლაციის პირობებში შეცდომაში შეგვიყვანს
11 იანვარი, 2018, 14:47
გვენეტაძე: ფულის მასაზე გამადიდებელი შუშით დაკვირვება, დაბალი ინფლაციის პირობებში შეცდომაში შეგვიყვანს

თბილისი (GBC) – მტკიცე მიზეზ-შედეგობრივი კავშირი ფულის სხვადასხვა აგრეგატებსა და ინფლაციას შორის არ არსებობს, - ფულის მასის ზრდაზე გაკეთებულ სხვადასხვა შეფასებებს საქართველოს ეროვნული ბანკის პრეზიდენტი პასუხობს.

სოციალურ ქსელში გამოქვეყნებულ ბლოგში კობა გვენეტაძე კანადის ცენტრალური ბანკის პრეზიდენტის, ჯერალდ ბოუის ჯერ კიდევ 1992 წელს ნათქვამ ციტატას იხმობს:  „ჩვენ არ გვითქვამს უარი მონეტარულ აგრეგატებზე, მონეტარულმა აგრეგატებმა თქვეს უარი ჩვენზე“  და განმარტავს, რატომ არის მცდარი ფულის მასაზე, მით უფრო  ცალკე აღებულ რეფინანსირების სესხებზე, მთავრობის დეპოზიტებზე დაკვირვება.

„ფულის რაოდენობრივი თეორია გვეუბნება, რომ ფულის მასა განსაზღვრავს ფასების დონეს, მაგრამ არ უნდა დაგვავიწყდეს, რომ ეს მართებულია მხოლოდ გრძელვადიან და/ან ძალიან მაღალი ინფლაციის პერიოდში. დაბალი/ზომიერი ინფლაციის გარემოში, როგორიც საქართველოშია, მოკლე და საშუალოვადიან პერიოდში კორელაცია ფულის მასის ზრდასა და ინფლაციას შორის სუსტია, რისი მიზეზიც ფინანსური სექტორის განვითარება და ფულზე მოთხოვნის მერყეობაა. ამას მრავალი კვლევა ადასტურებს, მათ შორის de Grauwe and Polan (2005), რომელიც 160 ქვეყნის მონაცემებზე დაყრდნობით ასკვნის, რომ კავშირი ფულის მასის ზრდასა და ინფლაციას შორის მხოლოდ მაღალი ინფლაციის პირობებში არსებობს და „დაბალი ინფლაციის მქონე ქვეყნებში (სადაც წლიური ინფლაცია ბოლო 30 წლის მანძილზე საშუალოდ 10%-ზე დაბალია) კავშირი ფულის მასის ზრდასა და ინფლაციას შორის სუსტია“, - წერს ქვეყნის მთავარი ბანკირი.

კობა გვენეტაძე  საერთაშორისო სავალუტო ფონდის 2014 წლის ემპირიულ კვლევასაც იხმობს, რომელმაც დაადასტურა, რომ  “დაბალი ინფლაციის კონტექსტში არ არსებობს კორელაცია სარეზერვო ფულის სამიზნე მაჩვენებლის ცვლილებისა და ინფლაციის გადახრას შორის. ეს თავისთავად აჩენს კითხვას, თუ რამდენად არის … სარეზერვო ფული მონეტარული პოლიტიკის ცვლილების შეფასების საიმედო ინდიკატორი … ინფლაციის დაბალმა დონემ, ხშირმა და ძლიერმა ეგზოგენურმა შოკებმა და ფულის მზარდად არასტაბილურმა მოთხოვნამ შეასუსტეს კავშირი ფულის მასასა და ფასებს შორის.“ (IMF, 2014).

ბანკირი იმასაც მიუთითებს, რომ თანამედროვე მონეტარულ ეკონომიკაში ფულადი აგრეგატები ნაკლებად გამოიყენება მონეტარული პოლიტიკის ანალიზისას და ძირითადი ყურადღება ეთმობა იმას, თუ რამდენად „იაფად“ ან „ძვირად“ აფასებს ცენტრალური ბანკი მის მთავარ ვალდებულებას ფულს.

"ეს კი სხვას არაფერს ნიშნავს, თუ არა ძირითადად საპროცენტო განაკვეთებზე დაკვირვებას. დღევანდელ მსოფლიოში სწორედ საპროცენტო განაკვეთების მიხედვით ფასდება მონეტარული პოლიტიკის პოზიცია ინფლაციის თარგეთირების პირობებში. როგორც ბინდსაილმა (Bindseil 2004) აღნიშნა, „დღესდღეობით კამათი იმაზე, თუ რას ნიშნავს მონეტარული პოლიტიკის შესახებ ცენტრალური ბანკის გადაწყვეტილება, აღარ მიმდინარეობს: ეს ნიშნავს მოკლევადიანი საბაზრო საპროცენტო განაკვეთების დაწესებას“. საპროცენტო განაკვეთები საქართველოში კი სტაბილურია და ბოლო დროს არათუ მცირდება, არამედ იზრდება (რაც იმას ნიშნავს, რომ ამ ეტაპზე მონეტარული პოლიტიკა მკაცრდება).

რომ შევაჯამოთ, ფულის მასაზე (და მითუმეტეს ცალკე აღებულ რეფინანსირების სესხებზე, მთავრობის დეპოზიტებზე და ა.შ.) გამადიდებელი შუშით დაკვირვება, დაბალი ინფლაციის პირობებში (და, მითუმეტეს, ინფლაციის თარგეთირების რეჟიმისას), შეცდომაში შეგვიყვანს და ამიტომ, მონეტარული პოლიტიკის მდგომარეობის შეფასებისას ყურადღება საპროცენტო განაკვეთებს უნდა მივაქციოთ. რამდენადმე მტკიცე მიზეზ-შედეგობრივი კავშირი ფულის სხვადასხვა აგრეგატებსა და ინფლაციას შორის არ არსებობს”, - წერს გვენტაძე Facebook-ში თავის გვერდზე.

 

 

მსგავსი სტატიები
გამოკითხვა
სიახლეების არქივი
ორშ სამ ოთხ ხუთ პარ შაბ კვ
1234567
891011121314
15161718192021
22232425262728
293031    
სპონსორები