"აწარმოე საქართველოში“ ექსპორტიორებს  მსოფლიოს 15 გამოფენაზე იწვევს

ბათილად გამოცხადდა ერთი - ადა მარშანიას ბიულეტენი. ადა მარშანიამ, რომელიც საარჩევნო კოლეგიაში აფხაზეთის უმაღლესი საბჭოს კვოტით არის, თქვა, რომ მიხეილ ყაველაშვილს მხარს არ უჭერს."ძალიან ცუდი კანდიდატი აირჩიეთ!.. უფრო უკეთესად უნდა მოგეფიქრებინათ... უბრალოდ, საპრეზიდენტო კანდიდატურა არ არის!", - თქვა მან.პრეზიდენტის არჩევნები ახალი სისტემით ჩატარდა.ხმის დათვლის პროცესი პირდაპირ ეთერში გადაიცემოდა.შედეგების ოფიციალურად გამოცხადებამდე ყაველაშვილი პარლამენტში არ გამოჩენილა. ახლა კი იგი პარლამენტშია და მოლოცვებს "ქართული ოცნების" დეპუტატებისგან იღებს.ყოფილი ფეხბურთელი ყაველაშვილი, რომელმაც საკუთარი კარიერა დაიწყო და დაასრულა რუსეთში პრეზიდენტის კანდიდატად პარტია "ქართული ოცნების" დამფუძნებელმა და საპატიო თავმჯდომარემ ბიძინა ივანიშვილმა წარადგინა. კანდიდატის წარდგენისას კი მან ყაველაშვილზე თქვა: "ის თავისი ბუნებით, თუ გნებავთ, ჰაბიტუსითაც, არის ქართველი კაცის საუკეთესო განსახიერება".პრეზიდენტს საქართველოში ახალი, არაპირდაპირი წესით პირველად ირჩევენ, 5 წლის ვადით.კანონის თანახმად, პრეზიდენტის ინაუგურაცია 29 დეკემბერს უნდა გაიმართოს.საქართველოს მოქმედი პრეზიდენტი სალომე ზურაბიშვილი არც პარლამენტის და არც საპრეზიდენტო არჩევნების ლეგიტიმურობას არ აღიარებს. მან 30 ნოემბერს განაცხადა: „მე ვრჩები როგორც თქვენი პრეზიდენტი, არ არსებობს ლეგიტიმური პარლამენტი, რომელიც ლეგიტიმურად აირჩევს პრეზიდენტს, შესაბამისად, ინაუგურაცია ვერ იქნება“.ამავე პოზიციაზე არიან საპარლამენტო არჩევნებში ბარიერგადალახული სხვა პარტიები, რომლებმაც არჩევნებში მონაწილეობაზე უარი განაცხადეს: „სალომე ზურაბიშვილი რჩება საქართველოს პრეზიდენტად, საქართველოს თავდაცვის ძალების მთავარსარდლად და ქვეყნის უმაღლეს წარმომადგენლად საგარეო ურთიერთობებში“, – აცხადებენ ისინი.პრეზიდენტის არჩევნების პარალელურად, დილის 7 საათიდან პარლამენტთან შეიკრიბნენ მოქალაქეები, რომლებიც საპროტესტო აქციას მართავენ. ადგილზე მობილიზებულნი არიან სამართალდამცველებიც.

1734173728

პანდემიის პერიოდში მონეტარული პოლიტიკის გამკაცრების გადაწყვეტილება სწორი ნაბიჯი იყო. ამის შედეგად,  საქართველოში ფასების სტაბილურობა შენარჩუნებულია, - მისი შეფასებით:"ფასების  სტაბილურობის უზრუნველყოფა ეროვნული ბანკის შესახებ ორგანულ კანონში ცალსახადაა გაწერილი, რაც მსოფლიოში საუკეთესო პრაქტიკას წარმოადგენს. სებ-ი ერთ-ერთი პირველი ცენტრალური ბანკი იყო, რომელიც სწორად მოიქცა და გაამკაცრა მონეტარული პოლიტიკა.  ეს კარგი ნაბიჯი იყო“, - განაცხადა ათანასიოს ორფანიდისმა. კვიპროსის ცენტრალური ბანკის ექს-პრეზიდენტი საქართველოში ეროვნული ბანკის მიერ ორგანიზებული კონფერენციის - ,,მონეტარული პოლიტიკის განვითარების შემდგომი ნაბიჯები“ ფარგლებში იმყოფებოდა. როგორც მან კონფერენციაზე სიტყვით გამოსვლისას აღნიშნა,  გაურკვევლობით სავსე სამყაროში დროულია მსჯელობა, თუ როგორი ტიპის მონეტარული პოლიტიკის ჩარჩოებს შეუძლია დაეხმაროს ცენტრალურ ბანკებს სამომავლოდ მონეტარული პოლიტიკის გაუმჯობესებაში. "არსებული პრაქტიკის შესწავლა და ცვლილებების ხედვებზე მუშაობა ძალიან კარგი სავარჯიშოა სამომავლოდ პოლიტიკის გასაუმჯობესებლად. ჩემი აზრით, საქართველოს ეროვნული ბანკი ამჟამად ამუშავებს ჩარჩოს, რომელიც სწორედ ამ ისტორიულ გაკვეთილს ეყრდნობა და ეს ძალიან კარგია“, - განაცხადა მასაჩუსეტსის ტექნოლოგიების ინსტიტუტის პროფესორმა.

1734099660

აღნიშნა, რომ სებ-ი რისკებზე დაფუძნებული მონეტარული პოლიტიკის მიდგომით ხელმძღვანელობს, რის შედეგადაც ფასების სტაბილურობას უზრუნველყოფს. სწორი მონეტარული პოლიტიკის შედეგად კი  ეფექტურად მართავს  არსებულ რისკებს.თქვა, რომ განვითარებადი ქვეყნის ცენტრალური ბანკი, დოლარიზაციის ისტორიით, ინფლაციის მართვისას ყურადღებით უნდა იყოს, იფრთხილოს, ინფლაციური მოლოდინები რომ არ გაიზარდოს. 20 თვეა, საქართველოში მიზნობრივ ინფლაციაზე დაბალი მაჩვენებელია.

1734099120

„ეს არის სისასტიკე. ის მოიცავს წამებას, მოიცავს დაპატიმრებებს. ყველაფერს, რასაც ძველი საბჭოთა კავშირიდან ვხედავთ. ეს არ არის ის, რაც ქართველ ხალხს უნდა“, - აღნიშნა ჯიმ რიშმა.მისი თქმით, საქართველოს კონსტიტუციაში გაწერილია, რომ ქართველი ხალხი ისწრაფვის ევროკავშირსა და NATO-ში გაწევრიანებისკენ და გარდა ამისა, გამოკითხვის თანახმად, ევროკავშირსა და NATO-ში გაწევრიანება საქართველოს მოსახლეობის დაახლოებით 80 %-ს სურს.„სამწუხაროდ, დღევანდელი ხელისუფლება - „ქართული ოცნება“ - სულ უფრო შემაშფოთებლად იქცევა, მათ შორის ახორციელებს მშვიდობიანი მომიტინგეების დაპატიმრებასა და წამებას. მაგრამ არსებობს იმედი. ჩვენ მივიღეთ კანონპროექტი, რომელიც ბაიდენის ადმინისტრაციას აძლევს შესაძლებლობას დაუწესოს სანქციები იმ ადამიანებს, რომლებიც უნდა დასანქცირდნენ. ეს არ არის საიდუმლო. ჩვენ ვიცით ვინ არიან ისინი, მათ იციან ვინ არიან, სახელმწიფო დეპარტამენტმა იცის ვინ არიან, ბაიდენის ადმინისტრაციამ იცის ვინ არიან ისინი. მაშ, მოდით, დავიწყოთ.ღრმად ვარ იმედგაცრუებული, რომ ჩვენ ეს არ გაგვიკეთებია. ეს არ იქნება ტვირთი ამ ქვეყნისთვის, მაგრამ იქნება ტვირთი დასანქცირებული პირებისთვის. არ მესმის, რატომ არ განხორციელდა ეს. არაკომპეტენტურობის ბრალია, სიზარმაცის, თუ სხვა რამის, მაგრამ არ გაგვიკეთებია. მე მინდა მოვუწოდო ადმინისტრაციას, რომ ჩაერთოს და გააკეთოს ის, რაც უნდა გაკეთდეს: დაიცვას კანონი, რომელიც დავაწესეთ, ისარგებლოს შესაძლებლობით იმ სანქციებთან დაკავშირებით, რომელიც დავაწესეთ. ქართველ ხალხს არ სურს რაც იქ ხდება, არ სურს საბჭოთა კავშირში ან რუსეთში დაბრუნება. მათ სურთ დასავლეთისკენ ცქერა, უნდათ, იყვნენ ევროკავშირის, NATO-ს ნაწილი. მოდით, დავეხმაროთ მათ, რაც შეგვიძლია მათი დემოკრატიული მისწრაფებების მხარდასაჭერად“, - აღნიშნა სენატორმა.ამერიკის შეერთებულმა შტატებმა საქართველოსთან სტრატეგიული პარტნიორობა 30 ნოემბერს, მას შემდეგ შეაჩერა, რაც „ქართული ოცნების" ხელისუფლებამ გადაწყვიტა, 2028 წლის ბოლომდე დღის წესრიგში არ დააყენოს ევროპის კავშირში გასაწევრიანებლად მოლაპარაკების გახსნის საკითხი. ამასთან, "ოცნებამ" 2028 წლის ბოლომდე უარი თქვა ევროპის კავშირის საბიუჯეტო გრანტებზეც.ამის გამო, ქვეყანაში დაწყებული საპროტესტო აქციების მონაწილეთა წინააღმდეგ, ძალის გამოყენება დაიწყო.მე-15 ღამე გავიდა მას შემდეგ, რაც პარლამენტის შენობის წინ, აქცია იმართება. მოქალაქეები ხელისუფლების გადადგომას ითხოვენ, პრემიერ-მინისტრის, ირაკლი კობახიძის 28 ნოემბრის განცხადების გამო. ეს უკანასკნელი, 2028 წლამდე, ევროპის კავშირთან ყველანაირ ურთიერთობის გაწყვეტას მოიაზრებს.დემონსტრანტები ითხოვენ ხელახლა ჩატარდეს საპარლამენტო არჩევნები.თავის მხრივ, კობახიძე და "ქართული ოცნება" რუსთაველზე შეკრებილ დემონსტრანტებს "ნაცმაიდანის" მონაწილეებს უწოდებს.პოლიცია აქციის მონაწილეთა დასაშლელად იყენებს: წყლის ჭავლსა და ცრემლმდენ აირს.დემონსტრანტების დაკავების დროს პოლიცია მათზე ძალადობს.იძალადეს რამდენიმე ათეულ ჟურნალისტზეც.რუსთაველის გამზირიდან და მის მიმდებარე ტერიტორიებიდან კლინიკებში ყოველდღიურად რამდენიმე ათეული დაშავებული ადამიანი გადაჰყავთ.

1734096687

საქართველოში ევროკავშირის წარმომადგენლობის ინფორმაციით, ელჩმა გამოთქვა სინანული ევროკავშირისა და მისი ღირებულებებისგან „ქართული ოცნების“ დაშორების გამო და ხაზი გაუსვა იმ ძალზე ცუდ შედეგებს, რაც ამ ნაბიჯს ევროკავშირის საქართველოსთან ურთიერთობებისთვის მოაქვს.„ბიზნესი ღრმად შეშფოთებულია ამ ცვლილებით. მოვუწოდებთ მმართველ პარტიას დეესკალაციისკენ და საპროტესტო აქციების მშვიდობიანი მონაწილეების, მედიის წარმომადგენლებისა და ოპოზიციის ლიდერების მიმართ სასტიკი და უკანონო ძალის გამოყენების დასრულებისკენ, რასაც მძიმე შედეგები მოჰყვება საქართველოს ყველა მოქალაქისთვის და საქართველოს ეკონომიკისთვის“, - განაცხადა ელჩმა.

1734091550

„კიდევ რამდენი მაღვიძარის ზარი გვჭირდება? ღრმად უნდა ვიყოთ შეშფოთებული. ვიცი, რომ მე ვარ. რუსეთი უკრაინასთან და ჩვენთან გრძელვადიანი დაპირისპირებისთვის ემზადება“, - აღნიშნა რუტემ.NATO-ს გენერალურმა მდივანმა რუსეთის მიერ NATO-ს მოკავშირეების წინააღმდეგ ბოლო დროს განხორციელებული მტრული ქმედებები ჩამოთვალა, მათ შორის კიბერშეტევები, მკვლელობები, აფეთქება ჩეხეთის საბრძოლო მასალის საცავში, ბალტიის რეგიონში რადარების დაბლოკვა საჰაერო მიმოსვლის შეფერხების მიზნით და ევროპის დესტაბილიზაციის მიზნით მიგრანტების „იარაღად გამოყენება“.„ეს თავდასხმები არ არის მხოლოდ იზოლირებული ინციდენტები. ისინი კოორდინირებული კამპანიის შედეგია ჩვენი საზოგადოებების დესტაბილიზაციისა და უკრაინის მხარდაჭერის თავიდან ასაცილებლად“, - აღნიშნა რუტემ.მისი თქმით, NATO არ არის მზად იმისთვის, რაც შეიძლება 4-5 წელიწადში მოხდეს.„ჩვენი შეკავება ჯერჯერობით კარგია, მაგრამ ხვალინდელი დღე მაწუხებს. ჩვენ მზად არ ვართ იმისთვის, რაც 4-5 წელიწადში გველოდება. საფრთხე მთელი სისწრაფით მოიწევს ჩვენკენ. ის, რაც უკრაინაში ხდება, შეიძლება აქაც მოხდეს და ამ ომის შედეგის მიუხედავად, ჩვენ არ ვიქნებით უსაფრთხო მომავალში, თუ მზად არ ვიქნებით, გაუმკლავდეთ საფრთხეს“, - განაცხადა რუტემ.

1734089896

ფინანსური ქმედების სპეციალური ჯგუფის (FATF) მე-15 რეკომენდაციაზე საქართველოს შესაბამისობის რეიტინგი „ნაწილობრივ შესაბამისიდან“ (Partially Compliant) „მნიშვნელოვნად შესაბამისამდე“(Largely Compliant) გაუმჯობესდა.Moneyval-ის 27 წევრი ქვეყნიდან მხოლოდ 7 ქვეყანას, მათ შორის, საქართველოს  აქვს Largely Compliant შეფასება.Moneyval-ის ანგარიშში წერია, რომ რეკომენდაცია ითვალისწინებს ახალი ტექნოლოგიების დანერგვის მოთხოვნებთან შესაბამისობას და ვირტუალური აქტივების მომსახურების პროვაიდერების (VASP) საქმიანობის რეგულირებას“.VASPs საზედამხედველო ჩარჩოს შემუშავების მიმართულებით განსაკუთრებით აღსანიშნავია ევროპის უშიშროებისა და თანამშრომლობის ორგანიზაციის (ეუთოს) მხარდაჭერა.თურნავას თქმით, „სებ-ი ზედამხედელობას უწევს იმ ორგანიზაციების, რომელთა საქმიანობა დაკავშირებულია ვირტუალურ/კრიპტო აქტივებთან. ვფიქრობ, რომ ეს მართლაც მნიშვნელოვანი აღიარებაა, რომელიც მეტ სტიმულს მოგვცემს, რომ ჩვენმა გუნდმა ამ მიმართულებით მუშაობა კიდევ უფრო გააუმჯობესოს". .

1734088033

ყაველაშვილი პრეზიდენტის კანდიდატად პარტია "ქართული ოცნების" დამფუძნებელმა და საპატიო თავმჯდომარემ ბიძინა ივანიშვილმა წარადგინა. კანდიდატის წარდგენისას კი მან ყაველაშვილზე: "ის თავისი ბუნებით, თუ გნებავთ, ჰაბიტუსითაც, არის ქართველი კაცის საუკეთესო განსახიერება".პრეზიდენტს საქართველოში ახალი, არაპირდაპირი წესით პირველად ირჩევენ, 5 წლის ვადით.საარჩევნო კოლეგია შედგება 300 წევრისგან, საიდანაც 150 არის საქართველოს პარლამენტის წევრი, ხოლო დანარჩენი 150 კომპლექტდება შემდეგი პრინციპით: აჭარის უმაღლესი საბჭოს 21-ვე წევრი აფხაზეთის უმაღლესი საბჭოს 20-ვე წევრი 109 წევრი – საკრებულოებიდან წარმომადგენლები, რომლებიც წინა არჩევნების შედეგების პროპორციულად არის გადანაწილებული. 300 წევრისგან დღეის მოცემულობით, „ქართულ ოცნებას“ ჰყავს 211 წევრი; 20 წევრი ჰყავს პარტია „ახალს“; 20 წევრი ჰყავს „ნაციონალურ მოძრაობას“; 15 წევრი ჰყავს „ლელოს“, 14 წევრი ჰყავს გახარიას პარტიას. პარლამენტის თავმჯდომარე შალვა პაპუაშვილმა პარასკევს დილითვე ისაუბრა 14 დეკემბრის საპრეზიდენტო არჩევნებზე და განმარტა: „ქართულ ოცნებას“ საარჩევნო კოლეგიაში 300 წევრიდან ჰყავს 211 წევრი, ხოლო ოპოზიციას ჯამურად ჰყავს 69 წევრი. 300 წევრიდან 109 წევრი არის საკრებულოებიდან, რომლებიც ცესკოს მხრიდან კვოტების შესაბამისად გადანაწილდა -109 წევრიდან 54 იყო „ქართული ოცნების“, 55 იყო სხვადასხვა ოპოზიციური პარტიის, რომლებმაც არ აითვისეს ეს კვოტები და არ წარმოადგინეს საკუთარი წარმომადგენლები საკრებულოებიდან. ამიტომ, კანონმდებლობის შესაბამისად, ეს კვოტები გადანაწილდა სხვა პარტიაზე და „ქართულმა ოცნებამ“ აითვისა ეს კვოტები. ხვალინდელ არჩევნებში საარჩევნო კოლეგიის 69 წევრი არის ოპოზიციიდან, მათ შორის საქართველოს პარლამენტის არჩეული ოპოზიციური წევრები“.რაც შეეხება პროცედურას, ცესკო არჩევნებს 09:00 საათიდან 14:00 საათამდე, 5 საათის განმავლობაში ჩაატარებს. პარლამენტის სხდომათა დარბაზში მოეწყობა საარჩევნო უბანი და მთლიანად ცესკო წარმართავს ამ პროცესს. დელეგატები მისცემენ ხმას. კენჭისყრა არის ღია და სახელობითი, არ არის ფარული. 14:00 საათზე დასრულდება არჩევნები. შემდეგ უკვე ცესკო სხდომას ჩაატარებს, რომელიც საჯაროდ, პირდაპირ ეთერში გადაიცემა. ცესკოს სხდომაზე დაითვლება და გამოცხადდება საბოლოო შედეგი. პროცესის გასაშუქებლად მედიის წარმომადგენლებს სპეციალური საშვების აღება მოუწევთ, რადგან საარჩევნოდ პარლამენტის წლიური აკრედიტაცია არ იმუშავებს.სალომე ზურაბიშვილისაქართველოს მოქმედი პრეზიდენტი სალომე ზურაბიშვილი არც პარლამენტის და არც საპრეზიდენტო არჩევნების ლეგიტიმურობას არ აღიარებს. მან 30 ნოემბერს განაცხადა: „მე ვრჩები როგორც თქვენი პრეზიდენტი, არ არსებობს ლეგიტიმური პარლამენტი, რომელიც ლეგიტიმურად აირჩევს პრეზიდენტს, შესაბამისად, ინაუგურაცია ვერ იქნება“.ამავე პოზიციაზე არიან საპარლამენტო არჩევნებში ბარიერგადალახული სხვა პარტიები, რომლებმაც არჩევნებში მონაწილეობაზე უარი განაცხადეს: „სალომე ზურაბიშვილი რჩება საქართველოს პრეზიდენტად, საქართველოს თავდაცვის ძალების მთავარსარდლად და ქვეყნის უმაღლეს წარმომადგენლად საგარეო ურთიერთობებში“, – აცხადებენ ისინი.ვინ იყვნენ საქართველოს პრეზიდენტები?ზვიად გამსახურდია - პრეზიდენტობის წლები: 1991-1992ედუარდ შევარდნაძე - პრეზიდენტობის წლები: 1992-2003მიხეილ სააკაშვილი, პრეზიდენტობის წლები: 2004-2013გიორგი მარგველაშვილი - პრეზიდენტობის წლები: 2013-2018 წელისალომე ზურაბიშვილი, პრეზიდენტობის წლები: 2018-დან დღემდევინ არის მიხეილ ყაველაშვილი?მიხეილ ყაველაშვილი 53 წლისაა, ის 1971 წელს ბოლნისში დაიბადა.ღია წყაროებში ვკითხულობთ, რომ 1989 წელს ის ჩაირიცხა თბილისის სახელმწიფო უნივერსიტეტის ეკონომიკის ფაკულტეტზე, თუმცა უმაღლესი განათლების დიპლომი არ აქვს. პარლამენტის ვებსაიტზე ყაველაშვილის პირად გვერდზე განათლების გრაფა ცარიელია.2015 წელს მიხეილ ყაველაშვილმა კენჭი ვერ იყარა საქართველოს ფეხბურთის ფედერაციის პრეზიდენტად იმ მიზეზით, რომ უმაღლესი განათლების დამადასტურებელი დოკუმენტი არ ჰქონდა.„საბჭოთა კავშირის პერიოდში ისეთი სისტემა იყო, რომ წარმოუდგენელი იყო, ფეხბურთელს უმაღლესი განათლება მიეღო. ეს პრაქტიკა არსებობს მთელს მსოფლიოში. უეფას პრეზიდენტს, პლატინსაც არ აქვს უმაღლესი განათლება. მე ვფიქრობ, რომ ეს არის განზრახ მიღებული გადაწყვეტილება, რომელიც მიმართულია ჩემს წინააღმდეგ. ამიტომ ამ გადაწყვეტილებას აუცილებლად გავასაჩივრებ სასამართლოში და ვეცდები ჩემი სიმართლის დამტკიცებას. დებულება ორი წლის წინ მიიღო ფეხბურთის ფედერაციამ და მოვითხოვ მის გაუქმებას“, - თქვა 2015 წელს მიხეილ ყაველაშვილმა.ყაველაშვილი არ არის პირველი ფეხბურთელი, რომელიც შეიძლება ქვეყნის პრეზიდენტი გახდეს. ლიბერიას 2018-2024 წლებში ჰყავდა პრეზიდენტი ჯორჯ ვეა, 1995 წელს, პირველი და ერთადერთი „ოქროს ბურთის“ მფლობელი და ფიფას წლის საუკეთესო ფეხბურთელი აფრიკის კონტინენტიდან.ვეას, მილანის, პარი სენ ჟერმენის, მანჩესტერ სიტის, ჩელსისა და სხვა ცნობილი კლუბების ყოფილ ფეხბურთელს, 2005 წელს, როდესაც პირველად იყარა კენჭი ლიბერიის პრეზიდენტად, და ჰარვარდის განათლებამიღებულ ოპონენტთან დამარცხდა, ასევე აკრიტიკებდნენ უმაღლესი განათლების არქონის გამო.2024 წლის ქონებრივ დეკლარაციაში წერია, რომ ის ფლობს 22 000 დოლარად ნაყიდ ავტოფარეხს გაბაშვილის ქუჩაზე. სხვა უძრავ ქონებაზე ბოლოს შევსებულ დეკლარაციაში ინფორმაცია არ არის მითითებული. ამავე დოკუმენტიდან ვიგებთ, რომ მისი მეუღლე, თამარ ბაგრატიონი არის შპს „გეომაკის“ წილის 40%-ის მფლობელი.მიხეილ ყაველაშვილს დეკლარაციაში მითითებული აქვს, რომ აიღო სამომხმარებლო სესხი 84 000 ლარის ოდენობით და, რომ ხელფასის სახით აღებული აქვს 49 416 ლარი. სხვა გრაფები დეკლარაციაში ცარიელია.ყაველაშვილის ქონებას იკვლევდა არასამთავრობო ორგანიზაცია „ფლანგვის დეტექტორიც“, რომელიც წერს, რომ ცალკეული ველები ცარიელია წინა წლების დეკლარაციებშიც, რაც, სავარაუდოდ, არ ასახავს მისი ქონების რეალურ სურათს.„ოცნების“ საპრეზიდენტო კანდიდატის სპორტული კარიერა 1990 წლიდან იწყება.მიხეილ ყაველაშვილის კარიერიდან ფეხბურთის ფანები ხშირად იხსენებენ „მანჩესტერ სიტიში“ მისი ყოფნის პერიოდს და ინგლისის ჩემპიონატზე „მანჩესტერ იუნაიტედის“ კარში ყაველაშვილის მიერ გატანილ გოლს.ყაველაშვილი იყო ერთ-ერთი პირველი ქართველი ფეხბურთელი, ვინც 1990-იან წლებში გავიდა საქართველოდან და გახდა დიდი გუნდის ლეგიონერი.მიხეილ ყაველაშვილი საქართველოს ეროვნული ნაკრების ყოფილი თავდამსხმელია.1988–1995 წლებში იყო „დინამო თბილისის“ ფეხბურთელი და სამჯერ გახდა საქართველოს ჩემპიონი.სხვადასხვა წლებში თამაშობდა ისეთ საფეხბურთო კლუბებში, როგორებიცაა: „მანჩესტერ სიტი“, „გრასჰოპერი“, „ციურიხი“, „ლუცერნი“.მიღებული აქვს შვეიცარიის სამწვრთნელო განათლების C კატეგორიის ლიცენზია და ასევე უეფას მწვრთნელთა განათლების B კატეგორიის ლიცენზია.2009 წელს საქართველოში მსოფლიოს ფეხბურთელთა გაერთიანების (FIFPro) დამფუძნებელი და საპატიო პრეზიდენტი გახდა.უფრო დეტალურად კი, საქართველოს პარლამენტის ვებსაიტზე მისი სამუშაო გამოცდილების გრაფაში ვკითხულობთ: 2016 წელს, ის იყო საზოგადოებრივ მაუწყებელზე საფეხბურთო ექსპერტი. 2009 - დღემდე არის FiFPro-ს დამფუძნებელი და საპატიო პრეზიდენტი. 2005 – 2006 წლებში იყო - საფეხბურთო კლუბ „ბაზელის“ ფეხბურთელი. 2004 – 2005 წლებში - „არაუს“ ფეხბურთელი. 2004 წელს - „ალანია-ვლადიკავკაზი“ ფეხბურთელი. 2003 – 2004 წლებში - „სიონის“ ფეხბურთელი. 2002 – 2003 წლებში - „ლუცერნის“ ფეხბურთელი. 1999 – 2002 წლებში - „ციურიხის“ ფეხბურთელი. 1997 – 1999 წლებში - „გრასჰოპერის“ ფეხბურთელი. 1995 – 1997 წლებში - „მანჩესტერ სიტის“, ფეხბურთელი. 1994 – 1995 წლებში - „ალანია-ვლადიკავკაზის“ ფეხბურთელი. 1988 – 1995 წლებში - „დინამო თბილისის“ ფეხბურთელი. სპორტული კარიერის დასრულების შემდეგ მიდის სწორედ მიხეილ ყაველაშვილი პოლიტიკაში და 2016–2020 წლებში მეცხრე მოწვევის პარლამენტის წევრი ხდება.2024 წლის ნოემბრის ბოლოს კი ის „ქართული ოცნების“ საპრეზიდენტო კანდიდატი გახდა.კანონის თანახმად, პრეზიდენტის ინაუგურაცია 29 დეკემბერს უნდა გაიმართოს.

1734080829