ქურდიანს გადავადებული აქციები მიენიჭა

ამასთან, 2026 წლის 31 მაისის მდგომარეობით, დაგროვებითი პენსიით უკვე ისარგებლა 32,302 პირმა, რომლებზეც პენსიის სახით ჯამში ₾160.6 მლნ გაიცა.მაისში საპენსიო ფონდის პორტფელების დადებითი შედეგი, ძირითადად, საერთაშორისო აქციების მაღალმა შემოსავლიანობამ განაპირობა. აქციების ზრდის მთავარი ფაქტორი ხელოვნური ინტელექტის მიმართ ინვესტორთა განახლებული ოპტიმიზმი გახდა, რაც გლობალურად ნახევარგამტარების, მეხსიერების ჩიპებისა და ტექნოლოგიური კომპანიების აქციების ფასებზე დადებითად აისახა.გასულ თვეში ყველაზე მაღალი, 2.49%-იანი მოგებიანობა დინამიკურმა პორტფელმა დააფიქსირა, რაც მასში საერთაშორისო აქციების უფრო მაღალი წილით აიხსნება. დაბალანსებული და კონსერვატიული პორტფელების მოგებიანობამ კი, შესაბამისად, 1.99% და 1.29% შეადგინა.წლის დასაწყისიდან დღემდე (YTD) სამივე პორტფელის მოგებიანობა დადებით ნიშნულზე ნარჩუნდება: დინამიკური პორტფელი: 8.99% დაბალანსებული პორტფელი: 7.45% კონსერვატიული პორტფელი: 5.91% დინამიკური პორტფელი შექმნის დღიდან მიღებული შემოსავლიანობითაც ლიდერობს და მისი გაწლიურებული ამონაგები 15.51%-ს შეადგენს. დაბალანსებული და კონსერვატიული პორტფელების შემთხვევაში კი შესაბამისი მაჩვენებლები 13.90% და 10.40%-ით განისაზღვრა.

1781000250

მაისის ერთ-ერთი მნიშვნელოვანი განახლება ოვერდრაფტის სრულად ციფრულად დამტკიცების შესაძლებლობაა. თუ აქამდე აქამდე ოვერდრაფტის გასააქტიურებლად ფილიალში მისვლა ან ქოლ-ცენტრთან დაკავშირება გჭირდებოდა, ახლა ამის გაკეთება პირდაპირ მობაილბანკიდან, სულ რაღაც 1-2 წუთში შეგიძლია.ამ ეტაპზე, ოვერდრაფტის სრულად მობაილბანკიდან დამტკიცების შესაძლებლობა საქართველოს ბაზარზე მხოლოდ თიბისის მომხმარებლებისთვისაა ხელმისაწვდომი.დიდი სიახლეა მობაილბანკში კრიპტო პლატფორმის დამატება, რომელიც 60-მდე კრიპტოაქტივით ვაჭრობის შესაძლებლობას გაძლევს. სასურველი კრიპტოაქტივის ყიდვა და გაყიდვა 24/7 რეჟიმში, პირდაპირ მობაილბანკიდან შეგიძლია, დამატებითი აპლიკაციის ჩამოტვირთვისა და ცალკე რეგისტრაციის გარეშე.ახალი ფუნქციონალი კრიპტოაქტივებზე წვდომას უკვე ნაცნობ ციფრულ გარემოში გთავაზობს, რაც ინვესტირების პროცესს კიდევ უფრო მარტივსა და ხელმისაწვდომს ხდის.ფინანსების მართვა კიდევ უფრო ეფექტური გახდა „ჩემი ფინანსების“ განახლებული ფუნქციონალით. ახლა შეგიძლია ფინანსური სტატისტიკიდან ამოიღო ის ტრანზაქციები, რომლებიც რეალურად შენს ყოველდღიურ ხარჯებს არ ასახავს. შედეგად, „ჩემი ფინანსები“ უფრო ზუსტ და რელევანტურ სურათს გაჩვენებს.მაისის განახლებებს შორისაა QR-ით თანხის განაღდების პროცესის გაუმჯობესებაც. ახალი ვერსიით, ბანკომატიდან QR-ით თანხის გამოტანისას, უკვე შეგიძლია შეამოწმო რომელი კუპიურებია ხელმისაწვდომი.თიბისი მობაილბანკი მუდმივად ვითარდება შენი საჭიროებებისა და მოლოდინების გათვალისწინებით. მაისის განახლებებიც სწორედ ამ მიზანს ემსახურება - ყოველდღიური ფინანსური საკითხების მართვა უფრო მარტივი, სწრაფი და კომფორტული გახდეს. შენი საუკეთესო ციფრული გამოცდილებისთვის, მობაილბანკის განახლება უკვე შენს ხელშია. მომდევნო განახლებამდე კი, თავად გამოსცადე მობაილბანკის შესაძლებლობები  - https://app.tbcbank.ge/YiId/lnruz1fr (R)

1780998840

პრემიერმა ყურადღება გაამახვილა ინვესტიციების სტრუქტურაში რეინვესტირების მაღალ წილზე და განმარტა, რომ ეს ფაქტი ქვეყანაში უკვე არსებული კაპიტალის სიმყარეზე მიუთითებს. მაგალითად მან საბანკო სექტორში მსხვილად წარმოდგენილი ბრიტანელი ინვესტორები მოიყვანა, რომელთა მიერ განხორციელებული რეინვესტიციაც პირდაპირ აისახება საერთო სტატისტიკაში.ირაკლი კობახიძის თქმით, ეკონომიკის სამინისტრო და მთავრობა ბოლო ერთი წლის განმავლობაში კიდევ უფრო აქტიურად მუშაობენ როგორც განსაკუთრებულად მსხვილ, ისე საშუალო მასშტაბის ინვესტორებთან, რასაც კონკრეტული პოლიტიკური ძალების მხრიდან უკმაყოფილება მოჰყვება.„კიდევ უფრო მეტად არის სამუშაო ინვესტორების მოსაზიდად, რაზეც მთავრობა, რეალურად, ძალიან აქტიურად მუშაობს, რაც სწყინთ ზოგიერთებს. მაგალითად EMAAR-ის, Eagle Hills-ის ინვესტიცია განსაკუთრებულად ეწყინათ კონკრეტულ პოლიტიკურ ძალებს და მთელი აქციებიც კი მოაწყვეს. ასევე, დიდად არ ესიამოვნათ არც Tether-ის შემოსვლა საქართველოში და ა.შ.“, - განაცხადა პრემიერმა.მთავრობის მეთაურის შეფასებით, ქვეყნის ეკონომიკური იმიჯი პოზიტიურად იცვლება, ხოლო დაგეგმილი ინსტიტუციური ცვლილებები სახელმწიფოს მისცემს შესაძლებლობას, კიდევ უფრო მეტი უცხოური კაპიტალი მოიზიდოს. კობახიძემ ხაზგასმით აღნიშნა, რომ მიღწეული შედეგებით არ კმაყოფილდებიან და მიზანი ინვესტიციების მოცულობის მუდმივი მატებაა.ირაკლი კობახიძის მიერ ნახსენები საინვესტიციო პროექტები ბოლო წლებში საქართველოს ეკონომიკური და ციფრული ინფრასტრუქტურის განვითარების ერთ-ერთ მთავარ მიმართულებებს წარმოადგენს.კერძოდ, EMAAR Properties და Eagle Hills - მეგაპროექტები თბილისსა და აჭარაშიარაბი მილიარდერის, მოჰამედ ალაბარის მიერ დაფუძნებული უმსხვილესი დეველოპერული ჯგუფების (Emaar და Eagle Hills) ინტერესი ქართული ბაზრის მიმართ ოფიციალურად 2025 წლის მარტში დადასტურდა. ეკონომიკის სამინისტრომ მაშინვე დააანონსა რეკორდული, $6-დან $6.5 მილიარდამდე მოცულობის საინვესტიციო პაკეტი, რომელიც ქვეყანაში მასშტაბურ ურბანულ მოდერნიზაციას ისახავს მიზნად.იმავე წლის ოქტომბერში, თბილისში, კინო „რუსთაველის“ ყოფილ შენობაში, პრემიერ-მინისტრისა და თავად მოჰამედ ალაბარის მონაწილეობით, Eagle Hills Georgia-ს ცენტრალური ოფისი საზეიმოდ გაიხსნა. მიმდინარე ფაზა: კომპანია ამჟამად აქტიური დეველოპმენტის ეტაპზეა გადასული. სამუშაოები ორ მთავარ პროექტს მოიცავს: დედაქალაქის სანაპირო ზოლის ურბანულ განახლებას (Tbilisi Waterfront) და გონიოს ყოფილ სამხედრო პოლიგონზე იახტ-კლუბისა და თანამედროვე საცხოვრებელი კომპლექსის მშენებლობას (Gonio Yachts & Marina). კრიტიკის კონტექსტი: პროექტმა თავიდანვე გამოიწვია საზოგადოებრივი და პოლიტიკური მღელვარება მასშტაბების, სტრატეგიული მიწების გადაცემისა და ურბანულ გარემოზე შესაძლო გავლენის გამო. კრიტიკოსები მიუთითებენ დასავლური კაპიტალის შემცირების ფონზე არაბული ინვესტიციების მკვეთრ ექსპანსიაზე. Tether - კრიპტო-გიგანტი და ციფრული ლარიმსოფლიოში უმსხვილესმა კრიპტო-ტექნოლოგიურმა კომპანია Tether-მა (რომელიც ყველაზე პოპულარულ სტაბილურ ციფრულ ვალუტას - USDT-ს მართავს) საქართველოში შემოსვლა 2023-2024 წლებში დაიწყო. საწყის ეტაპზე კომპანიამ ინვესტიციები ჩადო ადგილობრივ ფინტექ-სტარტაპებში (მათ შორის CityPay.io-ში) და განათლების სამინისტროსთან მემორანდუმი გააფორმა ბლოკჩეინ ტექნოლოგიების სწავლების მიმართულებით.თანამშრომლობა უმაღლეს სტრატეგიულ დონეზე 2026 წლის მაისში გადავიდა, როდესაც თბილისში გამართულ შეხვედრებზე Tether-ის აღმასრულებელმა დირექტორმა (CEO) დაადასტურა მზაობა, საქართველო რეგიონში ციფრული ეკონომიკის ჰაბად იქცეს. მიმდინარე ფაზა: კომპანია ამჟამად ჩართულია საქართველოს ფინანსური ინფრასტრუქტურის ციფრულ ტრანსფორმაციაში. ყველაზე რეზონანსული მიმდინარე პროექტი, რომელიც 2026 წლის მაისის ბოლოს დაანონსდა, არის ეროვნული ვალუტის - ლარის ციფრული ანალოგის გამოშვება. აშშ დოლარის შემდეგ, ლარი ხდება პირველი ადგილობრივი ვალუტა, რომლის გაციფრულებასა და პროგრამირებადი ფინანსური ეკოსისტემის შექმნას Tether უზრუნველყოფს ტრანსსასაზღვრო ვაჭრობის გასამარტივებლად. კრიტიკის კონტექსტი: ოპოზიციური და ეკონომიკური წრეების მხრიდან კრიტიკა და ეჭვები ძირითადად უკავშირდება ქვეყნის ფინანსურ სისტემაში კრიპტოაქტივების მარეგულირებელ რისკებს. კერძოდ, ისმის კითხვები იმის შესახებ, თუ რამდენად დაცულია ქვეყანა საერთაშორისო სანქციების გვერდის ავლის მექანიზმებისგან, იმ ფონზე, როდესაც Tether-ს გლობალურად ხშირად აკრიტიკებენ ფინანსური გამჭვირვალობის ნაკლებობის გამო.

1780993140

კონკურსზე წარდგენილ მასწავლებლებს შორის არიან პედაგოგები საქართველოს სხვადასხვა რეგიონიდან, რომლებიც საკუთარი პროფესიული საქმიანობითა და განათლების განვითარებაში შეტანილი წვლილით გამოირჩევიან.შეგახსენებთ, რომ კონკურსი სამ ეტაპად ტარდება. პირველ ეტაპზე აპლიკაციები ტექნიკურ შემოწმებას გადიან, რის შემდეგაც საუკეთესო ათეული ირჩევა. შემდგომ ეტაპზე ხდება ხუთი ფინალისტის გამოვლენა, ხოლო გამარჯვებული 5 ოქტომბერს, მასწავლებლის მსოფლიო დღეს დასახელდება.მასწავლებლის ეროვნული ჯილდო საქართველოში 2017 წელს დაწესდა და გლობალური ინიციატივის - „The Global Teacher Prize“-ის ნაწილია. პროექტის მიზანია მასწავლებლის პროფესიის პოპულარიზაცია, განათლების სფეროში გამორჩეული ადამიანების წარმოჩენა და მათი საქმიანობის დაფასება.მასწავლებლის ეროვნული ჯილდოს მხარდამჭერები არიან: გენერალური სპონსორი - გუდავაძე-პატარკაციშვილის ფონდი; მთავარი მხარდამჭერი - საქართველოს ბანკი; ოქროს სპონსორი - ილიას სახელმწიფო უნივერსიტეტი; მხარდამჭერი და სპონსორი - კონსულტაციისა და ტრენინგის ცენტრი (CTC); მხარდამჭერი - ალტე უნივერსიტეტი.ინფორმაციისთვის, მოსწავლეების, სტუდენტების, ახალგაზრდა პროფესიონალებისა და მასწავლებლების მხარდაჭერის მიზნით, საქართველოს ბანკისთვის განათლება უკვე ექვს წელზე მეტია CSR მიმართულების ერთ-ერთი მთავარი პრიორიტეტია. ბანკი 40-ზე მეტ საგანმანათლებლო პროექტს ახორციელებს და მხარს უჭერს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას.საქართველოს ბანკის საგანმანათლებლო პროექტებს შორისაა: საქართველოს ბანკის სტიპენდიები, გიორგი ჩახავას სახელობის სტიპენდია, დიდ ბრიტანეთში, აშშ-სა და გერმანიაში სწავლის სრული დაფინანსება, იდეათეკები - საქართველოს ბანკის ბიბლიოთეკების პროექტი, STEM სკოლა, STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი, საჯარო მეტყველების კონკურსი და სხვა ინიციატივები.საქართველოს ბანკის საგანმანათლებლო პროექტების შესახებ დეტალური ინფორმაციის მიღება შესაძლებელია ვებგვერდზე ganatleba.bog.ge(R)

1780992022

1Q26-ში სააქციო კაპიტალმა $101.6 მლნ შეადგინა, რაც მთლიანი პირდაპირი უცხოური ინვესტიციების 37.5%-ია. რეინვესტიციამ $145.8 მლნ შეადგინა და მისი წილი 53.8%-ით განისაზღვრა, ხოლო სავალო ვალდებულებებმა $23.8 მლნ შეადგინა. ის პირდაპირი უცხოური ინვესტიციების 8.8%-ია.1Q26-ში საქართველოში განხორციელებული პირდაპირი უცხოური ინვესტიციების მიხედვით, უმსხვილესი ინვესტორი ქვეყნები შემდეგნაირად განაწილდა:საქსტატის წინასწარი მონაცემებით 1Q26-ში პირველ ადგილზეა გაერთიანებული სამეფო $52.4 მლნ-ით, რაც მთლიანი პირდაპირი უცხოური ინვესტიციების 19.3%-ს შეადგენს, მეორე ადგილზე იმყოფება აშშ $47.5 მლნ-ით (17.5%), ხოლო მესამეზე ნიდერლანდები - $29.2 მლნ-ით (10.8%).სამი უმსხვილესი ინვესტორი ქვეყნის წილი ინვესტიციების მთლიანი მოცულობის 47.6%-ს შეადგენს.საქსტატის წინასწარი მონაცემებით 1Q26-ში ყველაზე მეტი პირდაპირი უცხოური ინვესტიციები საფინანსო და სადაზღვევო საქმიანობების სექტორში განხორციელდა და $125.1 მლნ-ს მიაღწია (46.1%). მეორე ადგილზე უძრავი ქონების სექტორია $48.8 მლნ-ით (18%), ხოლო მესამეზე - ინფორმაციის და კომუნიკაციის სექტორი $37.2 მლნ-ით (13.7%).სამი უმსხვილესი სექტორის წილმა (განხორციელებული პირდაპირი უცხოური ინვესტიციების მიხედვით) 77.8% შეადგინა.

1780991445

ცვლილებების შედეგად „კრისტალის“ სამეთვალყურეო საბჭო სულ შვიდი წევრით იქნება დაკომპლექტებული. აღსანიშნავია, რომ საბჭოს შემადგენლობაში უმრავლესობით წარმოდგენილები არიან ქალები. ფინანსურ სექტორში, სადაც გენდერული მრავალფეროვნება კვლავ გამოწვევად რჩება, აღნიშნული პრაქტიკა მნიშვნელოვანი წინგადადგმული ნაბიჯია და ორგანიზაციის ღირებულებებსა და პასუხისმგებლიან  მართვაზე მიუთითებს.2025 წლის ოქტომბრიდან  “კრისტალის” სამეთვალყურეო საბჭოს თავმჯდომარე რობერტ სკოტ კოსმანია. მისი ხელმძღვანელობით, საბჭო აგრძელებს მიკრობანკის სტრატეგიული განვითარების ზედამხედველობას, გრძელვადიანი მიზნების განსაზღვრასა და ძლიერი, მდგრადი ფინანსური ორგანიზაციის ფორმირებას.მიკრობანკის გენერალური დირექტორის, ილია რევიას თქმით: “კრისტალის სამეთვალყურეო საბჭოს ახალი გამოცდილი წევრებით დაკომპლექტება უახლოეს მომავალში კიდევ უფრო მეტ მდგრადობას და წარმატებულობას შეგვძენს. სამეთვალყურეო საბჭო და დირექტორთა საბჭო კომპანიის განვითარებას ამბიციური გეგმებით გააგრძელებენ. მიმდინარე პრიორიტეტებად განსაზღვრულია ციფრული ტრანსფორმაცია, მომხმარებელზე ორიენტირებული პროდუქტებისა და სერვისების განვითარება. ასევე, აქტიურად გაგრძელდება კორპორაციული მართვის მაღალი სტანდარტების დანერგვაც..”მიკრობანკი კრისტალის სამეთვალურეო საბჭოს ახალი წევრების შესახებ >>> ნათია ჯანელიძენათია ჯანელიძეს აქვს საბანკო სფეროში, პირდაპირი ინვესტიციების, მცირე და საშუალო ბიზნესისა და კორპორაციული ფინანსების მიმართულებებით 25-წლიანი სამუშაო გამოცდილება.სხვადასხვა დროს ის ხელმძღვანელ პოზიციებზე მუშაობდა ბანკ რესპუბლიკასა და თიბისი ბანკში, იყო “იშბანკ საქართველოს“ სამეთვალყურეო საბჭოს უფროსი დამოუკიდებელი წევრი და „გაზელ ფაინანს საქართველოს“ მთავარი საინვესტიციო დირექტორი, ქალ ბიზნეს ლიდერთა ფედერაციისა და „პრაიმ ბეტონის“ საბჭოს წევრი.ნათია ჯანელიძე მონაწილეობდა ადგილობრივი და საერთაშორისო ფინანსური ინსტიტუტების, მათ შორის აზიის განვითარების ბანკის პროექტებში.მას მიღებული აქვს ბიზნესის ადმინისტრირების მაგისტრის ხარისხი აშშ-ის მისური-კოლუმბიის უნივერსიტეტში, ხოლო დოქტორის ხარისხი ფინანსებსა და საბანკო საქმეში საქართველოს ტექნიკურ უნივერსიტეტში.ჯილ ებანოიძე ჯილ ებანოიძე საერთაშორისო საბანკო, ფინანსური ტექნოლოგიებისა და ფინანსური ინფრასტრუქტურის სფეროს აღმასრულებელი და მმართველობის პროფესიონალია. მას აქვს 20 წელზე მეტი გამოცდილება ფინანსური სერვისების, გადახდების, პლატფორმული ეკონომიკისა და ციფრული ტრანსფორმაციის მიმართულებით.სხვადასხვა პერიოდში ჯილ ებანოიძეს ეკავა ხელმძღვანელი პოზიციები საერთაშორისო კომპანიებში eBay, Booking Holdings (Booking.com) და Naspers/OLX Group, სადაც იგი პასუხისმგებელი იყო გლობალური გადახდების ეკოსისტემების, ფინანსური ინფრასტრუქტურის, მარეგულირებელ ორგანოებთან ურთიერთობებისა და მასშტაბური ტრანსფორმაციული პროგრამების მართვაზე.მისი პროფესიული გამოცდილება მოიცავს საბანკო, საგადახდო და ფინანსური ტექნოლოგიების სფეროებში გლობალური მასშტაბის ორგანიზაციების ტრანსფორმაციას, ფინანსური ინფრასტრუქტურის განვითარებასა და საერთაშორისო ოპერაციების მართვას. იგი ფლობს მნიშვნელოვან გამოცდილებას ციფრული ფინანსური ეკოსისტემების, ინოვაციების, სტრატეგიული ზრდისა და კორპორაციული მმართველობის მიმართულებით.ამჟამად ჯილ ებანოიძე საქმიანობს მმართველობით და საზედამხედველო პოზიციებზე ფინანსურ სექტორსა და საერთაშორისო საფინანსო ეკოსისტემებში. იგი ასევე ხელმძღვანელობს საკუთარ ბუტიკურ საკონსულტაციო პრაქტიკას, რომელიც სპეციალიზებულია ფინანსურ ტექნოლოგიებში, გადახდებში, ციფრულ ტრანსფორმაციასა და სტრატეგიულ განვითარებაში.ჯილ ებანოიძე ფლობს Maastricht School of Management-ის ბიზნესის ადმინისტრირების მაგისტრის (MBA) ხარისხს. იგი არის Harvard Business School-ის კურსდამთავრებული, მათ შორის General Management Program-ისა და Women on Boards: Succeeding as a Corporate Director პროგრამების მონაწილე. ასევე არის University of Hong Kong-ის Asia Global Fellow და ნიდერლანდების SER Topvrouwen-ის წევრი.მისი მრავალწლიანი საერთაშორისო გამოცდილება ევროპაში, აზიაში, აფრიკაში, ახლო აღმოსავლეთსა და ამერიკის შეერთებულ შტატებში აყალიბებს გლობალურ ხედვას ფინანსური სექტორის, ტექნოლოგიური ტრანსფორმაციისა და კორპორაციული მმართველობის საკითხებზე.გულნარა შამშიევაგულნარა შამშიევას საბანკო და მიკროსაფინანსო სფეროში მუშაობის ხანგრძლივი გამოცდილება აქვს. 20 წელზე მეტია, ის ცენტრალური აზიის ფინანსური სექტორის აღმასრულებელ და სამეთვალყურეო საბჭოებში საქმიანობს. მისი კარიერა ფინანსური ინსტიტუტების ტრანსფორმაციასა და განვითარებას, კორპორაციულ მმართველობასა და მთლიანად სფეროს მდგრადი განვითარების მხარდაჭერას უკავშირდება. გულნარა შამშიევა ხელმძღვანელობდა რეგიონში ერთ-ერთ ყველაზე ინოვაციურ პროექტს - მიკროსაფინანსო ინსტიტუტის სრულად ლიცენზირებულ კომერციულ ბანკად გარდაქმნას. აღმასრულებელ პოზიციებზე საქმიანობისას იგი მჭიდროდ თანამშრომლობდა ევროპის რეკონსტრუქციისა და განვითარების ბანკსა და საერთაშორისო საფინანსო კორპორაციასთან, მონაწილეობდა მცირე და საშუალო ბიზნესის განვითარების, მწვანე დაფინანსების, ქალთა მეწარმეობისა და ფინანსური ცნობიერების ინიციატივების მხარდამჭერ პროგრამებში.ამჟამად გულნარა შამშიევა ცენტრალური აზიის ფინანსურ ინსტიტუტებში დამოუკიდებელი დირექტორისა და დირექტორთა საბჭოს წევრის პოზიციებს იკავებს. მისი საქმიანობა მოიცავს კორპორაციული მმართველობისა და ინსტიტუციურ, მათ შორის მართვისა და შიდა კონტროლის სისტემების გაძლიერებას, რისკების მართვასა და ESG ინტეგრაციას, სტრატეგიულ ტრანსფორმაციასა და განვითარებას.გულნარა შამშიევა ფლობს საერთაშორისო სერტიფიკატებს საბანკო საქმეში, რისკების მართვასა და კორპორაციულ მმართველობაში. მას გავლილი აქვს ტრენინგები ფრანკფურტის ფინანსებისა და მენეჯმენტის სკოლაში, ABA სტონიერის საბანკო სკოლასა და IFC-ის პროგრამებში ESG-სა და კორპორაციული მმართველობის მიმართულებებით.მიკრობანკი კრისტალის სამეთვალურეო საბჭოს სრული შემადგენლობა: >>>თავმჯდომარე/წევრი: რობერტ სკოტ კოსმან /აშშ/თავმჯდომარის მოადგილე/წევრი: ლილიტ გარაიან /სომხეთი/წევრი: არჩილ ბაკურაძე /საქართველო/წევრი: იან დევინგარტი /ბელგია/წევრი: ნათია ჯანელიძე წევრი: ჯილ ებანოიძე /ნიდერლანდები/ წევრი: გულნარა შამშიევა  /ყირგიზეთი/მიკრობანკი “კრისტალის” შესახებ:მიკრობანკი “კრისტალი” საქართველოში მოქმედი წამყვანი ფინანსური ინსტიტუტია, რომელიც დინამიურად იზრდება და ვითარდება. კომპანიამ 2025 წლის 12 თებერვალს, საქართველოს ეროვნული ბანკისგან მიკრობანკის ლიცენზია მიიღო. ლიცენზიის მიღებას კრისტალი 28-წლიანი გამოცდილებით და სანდო იმიჯით, 600 მილიონი ლარის სასესხო პორტფელით, 47 ფილიალში დასაქმებული 1 000-ზე მეტი თანამშრომლით და ქვეყნის მასშტაბით 100 000 -ზე მეტი უნიკალური მომხმარებლით შეხვდა. კრისტალის პარტნიორები არიან საერთაშორისო და ადგილობრივი მსხვილი ფინანსური ინსტიტუტები. (R)

1780990285

გერმანიისა და რუსეთის ორმაგი მოქალაქეობის მქონე მგზავრს, აკრძალული ფსიქოტროპული ნივთიერების შემცველი მედიკამენტები სხვადასხვა ზომის მუყაოს კოლოფში მალულად ჰქონდა განთავსებული.გამოძიებას აწარმოებს შინაგან საქმეთა სამინისტროს ცენტრალური კრიმინალური პოლიციის დეპარტამენტი.

1780988077

კანონპროექტი სხვა საკითხებთან ერთად ითხოვს სპეციალური ანგარიშის მომზადებას საქართველოში რუსეთისა და ჩინეთის სადაზვერვო აქტივობების შესახებ. კერძოდ, აშშ-ის სახელმწიფო მდივანს, ეროვნული დაზვერვის დირექტორსა და თავდაცვის მდივანს 180 დღის ვადა ეძლევათ იმისათვის, რომ შეისწავლონ რუსეთისა და ჩინეთის სადაზვერვო სტრუქტურებისა და მათი აქტივების შეღწევა საქართველოში. გარდა ამისა, ამავე ვადებში უნდა შეფასდეს რუსეთისა და ჩინეთის გავლენისა და თანამშრომლობის შესაძლო გადაკვეთის წერტილები ქვეყანაში.დოკუმენტის კიდევ ერთი უმნიშვნელოვანესი მოთხოვნა აშშ-საქართველოს ურთიერთობების 5-წლიანი სტრატეგიის შემუშავებას ეხება. ამერიკული მხარის მიერ მომზადებულმა სტრატეგიამ უნდა განსაზღვროს ორმხრივი ურთიერთობების მიზნები და შეაფასოს, თუ რა სახის დახმარება და რესურსები უნდა გამოყოს ვაშინგტონმა თბილისისთვის. სტრატეგია ასევე დაადგენს, უნდა გაგრძელდეს თუ არა აშშ-ის ფინანსური მხარდაჭერა საქართველოსთვის და შეაფასებს, რამდენად არის საქართველოს ამჟამინდელი მთავრობა მზად აშშ-სა და ევროპასთან ეკონომიკური და პოლიტიკური თანამშრომლობის გასაფართოებლად.კანონპროექტის მიღების დროს კონგრესში სიტყვით გამოსვლისას, ერთ-ერთმა ინიციატორმა, კონგრესმენმა ჯო უილსონმა საქართველოს ხელისუფლების მისამართით მკაცრი განცხადება გააკეთა. „არალეგიტიმური „ქართული ოცნების“ რეჟიმი ქვეყანას ჩინეთის კომუნისტურ პარტიაზე, ომის დამნაშავე პუტინსა და ირანზე ყიდის - ქართველი ხალხის სურვილისა და აშშ-ის ინტერესების საწინააღმდეგოდ“, - განაცხადა უილსონმა.

1780987655