თიბისი ბიზნესის განათლების მორიგი სესია ბრენდის სტრატეგიას დაეთმობა

წყალმომარაგების სისტემის მოდერნიზაცია - Aqualia ჯივიპიში ევროპული სტან...

ჯივიპის მფლობელმა, ესპანურმა კომპანია Aqualia-მ, 2023 წლის მეორე ნახევრიდან აქტიურად დაიწყო თბილისის, რუსთავისა და მცხეთის წყალმომარაგების სისტემის ტექნოლოგიური განახლება და ევროპული სტანდარტების დანერგვა.წყალმომარაგების სისტემის განვითარებისთვის 2024-2026 წლებში ჯორჯიან უოთერ ენდ ფაუერი უპრეცენდენტო, 363 მლნ ლარის ინვესტიციას განახორციელებს, რომელიც მოძველებული ქსელებისა და ინფრასტრუქტურის განახლებასთან ერთად სისტემის ტექნოლოგიურად აღჭურვასა და მოდერნიზებას მოხმარდება.2024 წელს წყალსადენისა და წყალარინების ქსელზე უკვე დასრულდა 67 და აქტიურად მიმდინარეობს 24 სარეაბილიტაციო პროექტი. სამუშაოების ფარგლებში თბილისში, რუსთავსა და მცხეთაში ჯამში 89 კილომეტრი სიგრძის ქსელი განახლდება.მოძველებული ქსელების განახლების პარალელურად, საოპერაციო მაჩვენებლების გაუმჯობესებისა და სისტემის გამართული ფუნქციონირებისვის, ჯივიპი აგრძელებს წყალმომარაგების სისტემის მართვის თანამედროვე ტექნოლოგიების დანერგვასა და მოდერნიზებას. მათ შორის აქტიურად მიმდინარეობს წყალმომარაგების ქსელის ზონირების პროექტი, რომელიც წყლის საერთაშორისო ასოციაციის (IWA) სტანდარტის შესაბამისად ინერგება და წყლის რესურსების ოპტიმალურ მართვასა და დანაკარგების შემცირებას ემსახურება. ზონირების პროექტი გულისხმობს ქალაქის წყალმომარაგების სისტემის მიკროზონებად დაყოფას და თითოეულ ზონაში თანამედროვე ჩამკეტ-მარეგულირებელი ურდულების მონტაჟს. პროექტის შედეგად წყლის დანაკარგების შემცირებისა და ქსელში წნევის რეგულირების პარალელურად, მნიშვნელოვნად შემცირდება ქსელების ავარიულად დაზიანების რისკი და წყალმომარაგების შეზღუდვის არეალები, რაც ჯივიპის მომხმარებელს მომსახურების ხარისხს მნიშვნელოვნად გაუუმჯობესებს.2024 წელს წარმატებით დასრულდა ზონირების საპილოტე პროექტები ქალაქ რუსთავში, მცხეთასა და თბილისის ზედა ზონებში და შედეგად ჯამში 10 მილიონ კუბურ მეტრამდე მოცულობის წყალი დაიზოგა. წყალმომარაგების სისტემის გაციფრულებისა და ავტომატიზაციის პროცესში აქტიურად ინერგება წყალმომარაგების ქსელის დისტანციური მონიტორინგის, მონაცემების უწყვეტ რეჟიმში მიღებისა და ქსელის დაზიანების შესახებ ადრეული შეტყობინების ტექნოლოგიები.თბილისის, რუსთავისა და მცხეთის მოსახლეობისთვის წყალმომარაგების სერვისის გასაუმჯობესებლად Aqualia აქტიურად განაგრძობს 10 წლიანი სამოქმედო გეგმის აღსრულებას, ჯივიპიში ევროპული სტანდარტების დანერგვასა და მოძველებული ქსელებისა და ინფრასტრუქტურული ობიექტების რეაბილიტაციას.

ჯივიპი გახოკიძის ქუჩაზე წყალმომარაგების სისტემის მასშტაბურ რეაბილიტაცი...

პროექტში ჯორჯიან უოთერ ენდ ფაუერი 20 მლნ ლარის ინვესტიციას ახორციელებს. სარეაბილიტაციო სამუშაოები მიმდინარე წლის ბოლოს დასრულდება. გახოკიძის ქუჩის რეაბილიტაციის ფარგლებში სრულად განახლდება  12 კმ-მდე სიგრძის წყალსადენისა და 5 კმ-ზე მეტი სიგრძის წყალარინების მაგისტრალური ქსელები. დამონტაჟდება ახალი ჩამკეტ-მარეგულირებელი ურდულები, მოეწყობა საკვანძი ჭები და სახანძრო ჰიდრანტები."გახოკიძის ქუჩის რეაბილიტაცია გეგმის მიხედვით, დათქმულ ვადებში მიმდინარეობს. ჯივიპი მართლაც უპრეცედენტო მოცულობის სამუშაოებს ახორციელებს. წყალმომარაგების ქსელის რეაბილიტაციის დასრულების შემდეგ საგზაო ინფრასტრუქტურის მოწესრიგება მოხდება და შედეგად ქალაქს კიდევ ერთი კეთილმოწყობილი ქუჩა შეემატება." - რევაზ სოხაძე, სამგორის რაიონის მაჟორიტარი დეპუტატი.მიმდინარე ეტაპზე გახოკიძის ქუჩაზე უკვე განახლდა 2 კილომეტრზე მეტი სიგრძის წყალმომარაგებისა და 700 მეტრი სიგრძის წყალარინების მაგისტრალური და გამანაწილებელი ქსელები, დამონტაჟდა 60 ერთეული ჩამკეტ-მარეგულირებელი ურდული და მოეწყო 7  ერთეული სახანძრო ჰიდრანტი."Aqualia-ს 10 წლიანი სამოქმედო გეგმის ერთ-ერთი მიზანი კრიტიკულ მდგომარეობაში მყოფი ქსელების იდენტიფიცირება და პრიორიტეტიზაციაა. სწორედ ამ გეგმის ფარგლებში განისაზღვრა და დაიგეგმა გახოკიძის ქუჩის წყალსადენისა და წყალარინების მოძველებული ქსელების სრული განახლება. აღნიშნულ ქუჩაზე მდებარე  წყალმომარაგების ქსელების კრიტიკული მდგომარეობა იწვევდა  ისნის, სამგორისა და კრწანისის რაონების 128 000 აბონენტისთვის წყალმომარაგების ხშირ შეზღუდვას. გახოკიძის ქუჩაზე მდებარე სათავე ნაგებობიდან გამომავალი 7  მაგისტრალური წყალდენის რეაბილიტაციის შედეგად  თბილისის მოსახლეობის 20%-ზე მეტს გაუუმჯობესდება წყალმომარაგება. "- გიგა ნადირაძე, ჯივიპის აქტივების მართვის დირექტორი.

შუქრუთელების პროტესტს "ჭიათურა მანგანეზი" „რადიკალურ პოლიტიკურ პარტიებ...

"როგორც საზოგადოებისთვის ცნობილია, რამდენიმე კვირაა საქართველოს პარლამენტის შენობასთან ჭიათურის სოფელ შუქრუთის რამდენიმე მცხოვრები საპროტესტო აქციას მართავს და ითხოვს თანხას, რომელიც კომპანიას მათი უმრავლესობისათვის უკვე გადახდილი აქვს. მიუხედავად იმისა, რომ საპროტესტო აქციის მონაწილეებს ჩვენი მხრიდან არაერთხელ ჰქონდათ შეთავაზება, პრობლემა ცივილური ფორმებით გადაწყვეტილიყო და მოლაპარაკების გზით გამოსავალი მოგვეძებნა, მათთვის ყველანაირი წინადადება მიუღებელია.ცალსახაა, რომ ადამიანთა ამ ჯგუფის მიერ კომპანიის მიმართ წარმოებული ქმედებები გასცდა ურთიერთობის ცივილურ ფორმებს და სახეზეა ღია შანტაჟი, ხოლო მომიტინგეებისა და მათთვის დავალებების მიმცემი ადამიანების მიერ, ყოველდღიურად გავრცელებული ცრუ ინფორმაცია უკვე კომპენსირებული შუქრუთელების მიმართ ემპათიას იწვევს.აქედან გამომდინარე, საჭიროდ მიგვაჩნია საზოგადოების ინფორმირების მიზნით კიდევ ერთხელ ნათელი მოვფინოთ არსებულ მდგომარეობას.ადამიანთა რადიკალური ჯგუფი, რომელიც ხელმძღვანელობს სოფელ შუქრუთში მიმდინარე დესტრუქციულ პროცესს, ასევე პარლამენტის შენობასთან მართავს აქციას, ვფიქრობთ, სრულად არის მართული ეგრეთ წოდებული სამოქალაქო სექტორის მიერ. გვაქვს საფუძვლიანი ეჭვი იმისა, რომ მათ უკან დგანან ის არასამთავრობო ორგანიზაციები, რომლებიც პირდაპირ კავშირში არიან ასევე რადიკალურ პოლიტიკურ პარტიებთან, რომლებიც თავის მხრივ, საპროტესტო აქციებს საკუთარი ვიწრო პარტიული ინტერესებისთვის იყენებს.უფრო კონკრეტულად, რამდენიმე მომიტინგეს ზურგს უმაგრებს რიგი საზოგადოებრივი და არასამთავრობო ორგანიზაცია და ამ ორგანიზაციების აქტივისტები, როგორებიც არიან "სოციალური სამართლიანობის ცენტრი", “მაუწყებელი”, “მწვანე ალტერნატივა”, “მთის ამბები”, "ხმა" და სხვა. საზოგადოებისათვის ცნობილია, რომ ყველა ეს ორგანიზაცია არის პოლიტიკური აფილიაციის მქონენი და გამოირჩევა რადიკალური ქმედებებით და რადიკალური ქმედებების წახალისებით.აქციას ორგანიზებას ასევე უწევენ სწორედ ის პირები, რომლებიც ჯერ კიდევ 2021 წელს ხელმძღვანელობდნენ კომპანიის წინააღმდეგ მიმართულ პროტესტს.საყურადღებოა, რომ სამი წლის შემდეგ, სწორედ იგივე არასამთავრობო და საზოგადოებრივი ორგანიზაციები ფიგურირებენ მიმდინარე აქციაზეც. პროტესტის ორგანიზატორებს უწევენ ფინანსურ დახმარებას და ყოველდღიურ სამოქმედო გეგმას სთავაზობენ.რადიკალური პროცესების ხელოვნურად მართვის საფუძვლიან ეჭვს ადასტურებს რამდენიმე გარემოება: 25 სექტემბერს, სოციალური სამართლიანობის ცენტრის ვებგვერდზე, სამოქალაქო საზოგადოების სახელით გავრცელებული განცხადება, სადაც არასწორად არის გადმოცემული მხარეებს შორის გაფორმებული შეთანხმებით განსაზღვრული კომპენსაციის გაცემის წესი და სხვა დეტალები. კერძოდ, განცხადებაში არასწორად არის მოყვანილი კომპენსაციის გაცემის წესი. ნათქვამია, რომ კომპენსაცია ორ ეტაპად გაიცემოდა. რეალურად კი ხელშეკრულების მიხედვით, მოსახლეობას უნდა აერჩია ზიანის შეფასების ორი წესიდან ერთ-ერთი. ამავე განცხადებაში არაერთი არასწორად ინტერპრეტირებული ინფორმაციაა გაჟღერებული. მიუხედავად იმისა, რომ კომპანიამ გაასაჯაროვა კომპენსაციების ჩარიცხვის დამადასტურებელი დოკუმენტები, აქციის ორგანიზატორები ამ დრომდე უარყოფენ თანხის მიღების ფაქტს და მცდელობაც არ ჰქონიათ, თავად წარმოედგინათ შესაბამისი საწინააღმდეგო დამადასტურებელი დოკუმენტაცია - პირადი საბანკო ამონაწერი. აქციის მონაწილეები აცხადებენ, რომ მათ მიერ ხელმოწერილი მემორანდუმით განსაზღვრული აუდიტორული კომპანიის მიერ მომზადებული დასკვნები არ არის ობიექტური და ითხოვენ ლევან სამხარაულის სასამართლო ექსპერტიზის ეროვნული ბიუროს დასკვნას. ამ უკანასკნელისთვის მიმართვა თავად აქციის მონაწილეებს ამ დრომდე შეუძლიათ, რათა ეროვნულ ბიუროს შეამოწმებინონ მასში ასახული მონაცემების სიზუსტე. საზოგადოების შეცდომაში შეყვანის მიზნით არასამთავრობო ორგანიზაციები მიზანმიმართულად ავრცელებენ დაზიანებული უძრავი ქონების ფოტო - ვიდეო მასალას. ცნობისთვის, აღნიშნულ ქონებაში უკვე გადახდილია მილიონობით ლარი, ხოლო ამ საკითხის განმარტებისთვის არავის მოუმართავს, რომ რეალურად დაედგინათ გვაქვს თუ არა აღნიშნულ ქონებაში გადახდილი რაიმე კომპენსაცია. იმ ფონზე, როდესაც ეს საკუთრებები ჩვენს მიერ არ დაზიანებულა. სწორედ ეს გარემოებები ადასტურებს, რომ პროცესები ხელოვნურად მართულია იმ არასამთავრობო ორგანიზაციების მიერ, რომლებიც პირდაპირ კავშირში არიან რადიკალურ პოლიტიკურ ძალებთან. მათი მხრიდან საკითხის დაინტერესების და დაზუსტების კუთხით კომპანიაზე არანაირი მომართვა არ ყოფილა.კიდევ ერთხელ აღვნიშნავთ, რომ რადიკალური პროცესები სცდება კომპანიასა და მოსახლეობას შორის კერძო სამართლებრივ ურთიერთობას და ემსახურება წინასაარჩევნოდ, სოციალური თემით მანიპულირებით პოლიტიკური ქულების დაწერას.აღნიშნულის გათვალისწინებით, ვაცხადებთ მზაობას და ინდივიდუალურ სამუშაო შეხვედრაზე ვიწვევთ, საკითხით დაინტერესებულ საზოგადოებრივ და არასამთავრობო ორგანიზაციებს.მზად ვართ, სამუშაო შეხვედრაზე წარმოვადგინოთ დოკუმენტები, რომლითაც არასამთავრობო ორგანიზაციებს საშუალებას მივცემთ მომავალში გაავრცელონ მხოლოდ მტკიცებულებებზე დაყრდნობილი, ობიექტური ინფორმაცია", - ვკითხულობთ, Chiatura Management Company-ის მიერ გავრცელებულ განცხადებაში. პროტესტმა სოფელ შუქრუთიდან საქართველოს პარლამენტის წინ 11 სექტემბერს გადმოინაცვლა.შუქრუთელები უკვე 195 დღეზე მეტია უწყვეტი პროტესტის რეჟიმში იმყოფებიან, ხოლო 5 მათგანს პირი აქვს ამოკერილი.შუქრუთელების მოთხოვნაა, მიიღონ ანაზღაურება სამხარაულის ექსპერტიზის ბიუროს მიერ მომზადებული დასკვნის შესაბამისად. ეს ვალდებულება კომპანიამ მათთან 2021 წელს აიღო და გაფორმდა წერილობითი ხელშეკრულებაც.თუმცა, პროტესტის მონაწილეების და მოშიმშილეების თქმით, კომპანიამ უგულებელყო სამი წლის წინ დადებული შეთანხმება, ხოლო სამხარაულის ბიუროს დასკვნას არ ასაჯაროებს.13 სექტემბერს, მთავრობის ადმინისტრაციაში გამართულ ბრიფინგზე საქართველოს პრემიერ-მინისტრმა ირაკლი კობახიძემ ჟურნალისტების კითხვაზე, შეხვდება თუ არა ის მოშიმშილეებს, უპასუხა: "ჯერჯერობით კომპანიის საქმეა მოლაპარაკების წარმოება".ოთხშაბათს, 25 სექტემბერს, საქართველოს სახალხო დამცველი ლევან იოსელიანი პარლამენტის შენობის წინ საპროტესტო აქციაზე მყოფ მოშიმშილეებს შეხვდა. შეხვედრის დასრულების შემდეგ კი მაღალი საჯარო ინტერესის და საზოგადოების ინფორმირების მიზნით სახალხო დამცველის აპარატმა ადამიანის უფლებათა დაცვის თვალსაზრისით 3 ძირითადი მიმართულება გამოკვეთა: 1. შეკრების მონაწილეებისათვის კარვის გაშლის უფლება, 2. მცხოვრებელთათვის ფულადი კომპენსაციის გაცემის საკითხი, 3. თანასწორობის და სამართლიანი სასამართლოს უფლებების შესაძლო დარღვევა.ცნობისთვის, დღეს, 26 სექტემბერს, 19:00 საათზე პარლამენტის წინ შუქრუთელების სოლიდარობის მორიგი აქცია გაიმართება.

ევროკავშირის მიერ დაფინანსებული ინიციატივა მნიშვნელოვან პროგრესს აღწევ...

2019 წელს, ევროკავშირის მიერ 48,85 მილიონი ევროს დაფინანსებით დაწყებულმა პროგრამამ „განათლება დასაქმებისთვის", მნიშვნელოვანი წვლილი შეიტანა საქართველოს სოციალურ-ეკონომიკური განვითარებისა და გლობალურ დონეზე ქვეყნის კონკურენტუნარიანობის გასაზრდელად. პროგრამამ ხელი შეუწყო საქართველოში სექტორული რეფორმის პოლიტიკის განხორციელებას ინსტიტუციური შესაძლებლობების გაძლიერებით, სერვისების მიწოდების სტანდარტების გაუმჯობესებით და ინკლუზიური და თანმიმდევრული ზრდის ხელშეწყობით. პროგრამამ, თავისი ყოვლისმომცველი მიდგომით, რომელიც მოიცავდა საბიუჯეტო მხარდაჭერას, ტექნიკურ დახმარებას, ინსტიტუციური დაძმობილების (Twinning) პროექტებსა და საგრანტო კომპონენტს - მნიშვნელოვანი გავლენა მოახდინა ქვეყანაში დასაქმების მდგომარეობაზე. მისასალმებელ სიტყვაში, ნიკოლას სენდროვიჩმა, საქართველოში ევროკავშირის წარმომადგენლობის განვითარების და თანამშრომლობის ხელმძღვანელმა, ხაზგასმით აღნიშნა, რომ „ბოლო 16 წელია, ევროკავშირი, მხარს უჭერს საქართველოში უნარების განვითარებასა და დასაქმების ინიციატივებს. განათლება, უნარების განვითარება და შრომის ბაზრის საჭიროებებთან მათი შესაბამისობა, გადამწყვეტია სიღარიბის შესამცირებლად, ეკონომიკური კეთილდღეობის ხელშესაწყობად და მდგრადი და ინკლუზიური ეკონომიკური ზრდისათვის საჭირო პირობების უზრუნველსაყოფად. ევროკავშირის ძალისხმევა არა მხოლოდ აუმჯობესებს ღირსეული სამუშაო შესაძლებლობებს, არამედ პასუხობს არალეგალური მიგრაციის ძირეულ მიზეზებს. ევროკავშირი რჩება ერთგული, რომ მის მიერ განვითარების მხარდაჭერისთვის გამოყოფილი რესურსების სულ ცოტა 20% სოციალურ ჩართულობასა და ადამიანურ განვითარებას მოახმაროს".პროგრამის ერთ-ერთი მნიშვნელოვანი მიღწევაა მისი გავლენა უნარებისა და ახალგაზრდების განვითარებაზე საქართველოს რეგიონებში. პროგრამის საგრანტო სქემის კომპონენტის ფარგლებში, 2019-2023 წლებში წარმატებით განხორციელდა ცხრა პროექტი, ჯამური ინვესტიციით 7 მილიონი ევრო, რომელმაც მნიშვნელოვან პოზიტიურ შედეგებს მიაღწია. აღნიშნული პროექტები მიზნად ისახავდა განსაკუთრებით მოწყვლადი ჯგუფების, მათ შორის იმ ახალგაზრდების, რომლებიც არ არიან ჩართული განათლებაში, ტრენინგსა თუ დასაქმებაში (NEETs) უნარების ამაღლებას სხვადასხვა რეგიონში, აუცილებელი კარიერული დაგეგმვითა და პროფესიული გადამზადების გზით.ათასობით ქართველმა აიმაღლა საკუთარი უნარ-ჩვევები შრომის ბაზრის მოთხოვნების შესაბამისად და დასაქმდა რეგიონებში შექმნილი სპეციალიზებული ტრენინგებისა და დასაქმების ცენტრების მეშვეობით. გარდა ამისა, მობილურმა ახალგაზრდულმა მუშაკებმა და კარიერული დაგეგმვის მრჩევლებმა, გაიარეს ყოვლისმომცველი ტრენინგები, რაც მათ საშუალებას მისცემს უკეთ დაეხმარონ სამუშაოს მაძიებლებს. პროგრამამ ასევე გააძლიერა პარტნიორობა კერძო სექტორთან, რაც უზრუნველყოფს თანამშრომლობით მიდგომას ადგილობრივი თემების წინაშე არსებული დასაქმების გამოწვევების გადასაჭრელად. ამ ძალისხმევამ ერთობლივად ხელი შეუწყო საქართველოს მასშტაბით მოწყვლადი მოსახლეობის დასაქმების პერსპექტივისა და უნარების გაუმჯობესებას. მთავარ მიღწევებს შორის ხაზგასმით უნდა აღინიშნოს  შემდეგი შედეგები: პროგრამის ფარგლებში შემუშავდა შრომის ბაზრის საინფორმაციო სისტემა, რომელიც აწარმოებს ეროვნული უნარების მოლოდინის ანგარიშს, რომელიც გამოიყენება შრომის ბაზრისთვის საჭირო უნარების პროგნოზირებისთვის. 2017 წელთან შედარებით, საქართველოს რეგიონებში 10%-ზე მეტით გაიზარდა 15-24 წლის ახალგაზრდების რაოდენობა, რომლებიც ჩაირიცხნენ პროფესიული განათლების პროგრამებზე.გადამზადებული სამუშაოს მაძიებელთა დასაქმების მაჩვენებელი 2017 წელთან შედარებით 50%-ით გაიზარდა.პროფესიული განათლების მქონე 15-29 წლის ახალგაზრდებში დასაქმება თითქმის 15%-ით გაიზარდა 2020 წლიდან. მნიშვნელოვნად გაიზარდა კარიერული დაგეგმვის, კონსულტაციისა და შრომის ბაზრის სერვისების ხელმისაწვდომობა. 2017 წლიდან 20%-ზე მეტით გაიზარდა სპეციალური საჭიროების მქონე პროფესიული განათლების სტუდენტთა რაოდენობა საჯარო პროფესიული დაწესებულებებში. 15-24 წლის ახალგაზრდების წილი, რომლებიც არ არიან ჩართული განათლებაში, ტრენინგსა და დასაქმებაში (NEETs) თითქმის 6%-ით შემცირდა 2021 წელთან შედარებით. საშუალო სკოლის მასწავლებლებმა დაიწყეს სწავლების ინტერაქტიული მეთოდების გამოყენება მეწარმეობის უნარების გასაუმჯობესებლად. პროგრამის კონკრეტული შედეგები ასევე მოიცავდა: 1700-ზე მეტი სამუშაო მაძიებელი დასაქმდა. 6500-ზე მეტი ადამიანი გადამზადდა საბაზისო უნარებში, მეწარმეობასა და IT პროგრამირებაში; 90 სკოლასა და 10 პროფესიულ სასწავლებელში კოდირებისა და ტექ. მეწარმეობის კლუბები შეიქმნა. რვავე რეგიონში მოეწყო დასაქმების ფორუმები, ტრენინგები და მოკლევადიანი პროფესიული განათლების კურსები, რათა ადამიანები შრომის ბაზრის მოთხოვნების შესაბამისი უნარებით გადამზადნენ. პროგრამის „განათლება დასაქმებისთვის" ტექნიკური დახმარების კომპონენტმა მნიშვნელოვანი როლი შეასრულა პოლიტიკის შემუშავების მიმართულებით, პროექტის დახმარებით შემუშავდა და დამტკიცდა სამი ეროვნული სტრატეგია: ახალგაზრდობის სტატეგია, პროფესიული განათლებისა და მომზადების (VET) სტატეგია და კარიერული დაგეგმვის სტატეგია. შემუშავდა ახალი კვალიფიკაცია ახალგაზრდა მუშაკებისთვის, აგრეთვე მომზადდა ყოვლისმომცველი სასწავლო მასალები დასაქმების სერვისებში მომსახურების მიწოდების გასაუმჯობესებლად, კარიერული დაგეგმვისა და შრომის ბაზრის ანალიზისთვის. პროგრამის ფარგლებში გაფართოვდა საგანმანათლებლო რესურსები, დაინერგა სწავლების ინოვაციური მეთოდები მეწარმეობის განათლებისა და პროფესიული განათლების სფეროში ინკლუზიურობის ხელშეწყობის მიზნით. მნიშვნელოვანი გაუმჯობესება განხორციელდა მონაცემთა სისტემების მართვის მიმართულებით, მათ შორის შემუშავდა ახალი ელექტრონული ეროვნული უნარების რეესტრი, მიმდინარეობს WorkNet პლატფორმის განახლება და მუშავდება წინადადებები შრომის ბაზრის მონაცემთა ქსელის შესახებ, რომელიც ხელს შეუწყობს მტკიცებულებებზე დაფუძნებული პოლიტიკის შემუშავებას. შემაჯამებელ ღონისძიებას ესწრებოდნენ ექსპერტები, პოლიტიკის შემქმნელები, სამოქალაქო საზოგადოების, კერძო სექტორის და საგანმანათლებლო დაწესებულებების წარმომადგენლები, რომლებიც შეიკრიბნენ პროგრამის.ევროკავშირის შესახებ30 წელზე მეტია ევროკავშირს საქართველოსთან მჭიდრო პარტნიორული ურთიერთობა აკავშირებს. ქვეყნის განვითარებას ევროკავშირი ცოდნისა და გამოცდილების გაზიარებით და ექსპერტული, ინოვაციებისა და ფინანსური მხარდაჭერის გზით ახორციელებს. ევროკავშირსა და საქართველოს შორის ურთიერთობა მშვიდობის, თავისუფლების, დემოკრატიის, ადამიანის უფლებებისა და ინკლუზიური ეკონომიკური ზრდის საერთო ღირებულებებს ეფუძნება. საქართველოში ევროკავშირის მხარდაჭერის შესახებ მეტი ინფორმაცია იხილეთ მითითებულ ბმულზე: https://eu4georgia.eu/ka/evrokavshirisakartveloshi/პროექტის შესახებპროგრამა „განათლება დასაქმებისთვის", რომელიც 2019 წელს დაიწყო, მიზნად ისახავდა ქალების, მამაკაცების, ახალგაზრდების და სოციალურად დაუცველთა დასაქმების გაუმჯობესებას საქართველოს რეგიონებში. პროგრამა განხორციელდა სხვადასხვა ღონისძიებების მეშვეობით მათ შორის 30 მილიონი ევროს პირდაპირი საბიუჯეტო მხარდაჭერა, ორი დაძმობილებული (Twinning) პროექტი, 7 მილიონი ევროს საგრანტო სქემა და ტექნიკური დახმარების კომპონენტი. ევროკავშირის „განათლება დასაქმებისთვის" პროგრამის შესახებ დამატებითი ინფორმაციისთვის ეწვიეთ ვებგვერდს: https://eu4georgia.eu/skills4jobs-programme/

საქართველოს რკინიგზის, აზერბაიჯანის, ყაზახეთისა და ჩინეთის სარკინიგზო...

აღსანიშნავია, რომ შუა დერეფნის სამუშაო შეხვედრებში პირველად მიიღო მონაწილეობა ჩინეთის რკინიგზის კორპორაციის ხელმძღვანელობამ, რაც კიდევ უფრო გაზრდის მარშრუტის განვითარების შესაძლებლობებს, ხელს შეუწყობს ტვირთის მოცულობის ზრდას, ამავდროულად უზრუნველყოფს ტვირთის სტაბილურ ნაკადს და გააძლიერებს დერეფნის სატრანზიტო პოტენციალს.შეხვედრაზე მხარეებმა ტრანსკასპიური საერთაშორისო სატრანსპორტო მარშრუტის არსებული მდგომარეობა და სამომავლო პერსპექტივები განიხილეს. მათ შორის, ჩინეთიდან ევროპაში საკონტეინერო ბლოკ-მატარებლების მოძრაობის მაღალი ხარისხის სერვისის შექმნის, შუა დერეფნის მონაწილე ქვეყნებში მსხვილი ინფრასტრუქტურული პროექტების მოდერნიზაციისა და დოკუმენტების დამუშავების სტანდარტების უნიფიცირების საკითხები.გარდა ამისა, ღონისძიების ფარგლებში, ტრანსკასპიურ მარშრუტზე არსებული მდგომარეობის განხილვის მიზნით, გაიმართა მრგვალი მაგიდა, ჩინეთის სახალხო რესპუბლიკის განვითარებისა და რეფორმის სახელმწიფო კომიტეტის, ჩინეთის რკინიგზის კორპორაციის ხელმძღვანელების, ასევე ასოციაციის მუდმივი და ასოცირებული წევრების მონაწილეობით.დელეგაციებმა მოინახულეს ჩინეთის ერთ-ერთი უდიდესი, სიანის საერთაშორისო მშრალი პორტი და ყაზახეთის რკინიგზის ახალი ტერმინალი, სადაც მონაწილეობა მიიღეს ჩინეთი-ევროპის საკონტეინერო მატარებლების გაშვების საზეიმო ცერემონიაში. აღნიშნული მატარებლები ქართული პორტების მეშვეობით ევროპის სარკინიგზო ქსელს დაუკავშირდება.