1727440921
თბილისი (GBC) – 10 ოქტომბერს გერმანიის ბუნდესტაგში საქართველოს საკითხზე განხილვა გაიმართება. ამის შესახებ გერმანიის პარლამენტის ოფიციალურ ვებგვერდზე დღეს, 27 სექტემბერს გამოქვეყნებულ დღის წესრიგშია ნათქვამი.
განხილვა სამთავრობო ფრაქციების მიერაა ინიცირებული.
გამოქვეყნებულ ინფორმაციაში ასევე ვკითხულობთ, რომ განხილვის თემა საქართველოს ევროპული მომავალია.
შეხვედრა ბერლინის დროით 16:10-ზეა ჩანიშნული.
სიახლეები ამავე კატეგორიიდან
მულტიფუნქციური ბიბლიოთეკები უკვე საქართველოს 10 რეგიონის 23 სკოლაში ფუნქციონირებს და 14 000-ზე მეტი ახალგაზრდისთვის ქმნის ახალი აღმოჩენების და შემეცნების სივრცეს.საქართველოს ბანკის ბიბლიოთეკების გახსნის შემდეგ, გაორმაგდა და, რიგ შემთხვევებში, გასამმაგდა სკოლის მოსწავლეების მიერ წაკითხული წიგნების რაოდენობა.5-ჯერ გაიზარდა ბიბლიოთეკების გამოყენების სიხშირეც - აღნიშნული სივრცე გახდა მოსწავლეების საყვარელი თავშეყრის ადგილი, სადაც მათ ჩამოაყალიბეს წიგნის კლუბი, კინო კლუბი, დებატების კლუბი, გერმანული და ქართული ენების კლუბი... მართავენ სხვადასხვა ინტელექტუალურ თამაშებს, მათ შორის: რა, სად როდის? ყველაზე წიგნიერის კონკურსს და სხვა.“საქართველოს ბანკის ბიბლიოთეკები ახალგაზრდებს აძლევს წვდომას განათლების მისაღებად საჭირო რესურსებზე - 2000-ზე მეტ წიგნზე, STEM კუთხეზე, კომპიუტერებსა და პროექტორზე.ჩვენ მიერ ჩატარებულმა კვლევებმა აჩვენა, რომ ჩვენი ბიბლიოთეკები დიდი პოპულარობით სარგებლობს არა მხოლოდ უშუალოდ ბიბლიოთეკის მქონე სკოლის, არამედ მიმდებარე სოფლების მოსწავლეებსა და მასწავლებლებში.მაგალითისთვის, შიდა ქართლში, ზედა ნიქოზის სკოლის ბიბლიოთეკაში ატარებენ პოეზიის საღამოებს და სხვადასხვა ლიტერატურულ ღონისძიებებს; ოზურგეთის და ჩოხატაურის სკოლის ბიბლიოთეკებში ბიბლიოთეკარები შაბათ-კვირასაც მუშაობენ, რათა ბავშვებს ხელი შეუწყონ შემეცნებაში; ჩოხატაურის სკოლა სივრცეს უთმობს სხვა სკოლებსაც, აქ ჩამოყალიბებული აქვთ რამდენიმე კლუბი, ტარდება მასწავლებლების კონფერენცია რეგიონის მასშტაბით და მოსწავლეთა კონფერენცია საბუნებისმეტყველო საგნებში; ნაბეღლავის ბიბლიოთეკა სივრცეს უთმობს სოფელ ქვაბას მოსწავლეებს და მასწავლებლებს, ასევე ბიბლიოთეკით სარგებლობს სოფლის მოსახლეობაც...“, - აღნიშნავს ანა ლომთაძე, საქართველოს ბანკის კორპორაციული სოციალური პასუხისმგებლობის მიმართულების ხელმძღვანელი.ეს საქართველოს ბანკის ბიბლიოთეკების მიერ შექმნილი შესაძლებლობების მხოლოდ ნაწილია. ინიციატივის ფარგლებში, საქართველოს ბანკის გუნდი მოსწავლეებს კიდევ არაერთ სკოლაში ახალი ბიბლიოთეკების გახსნას ჰპირდება.ინფორმაციისთვის, აღნიშნულ პროექტს სიცოცხლის ხის ფონდი ახორციელებს სს საქართველოს ბანკის მხარდაჭერით. ფონდი 2008 წელს დაარსდა და დღემდე ისეთი სოციალურად მნიშვნელოვანი პროექტების მიმართულებით მუშაობს, როგორიცაა განათლება, გარემოს დაცვა და შშმ პირების მხარდაჭერა.
1727445792
სიტყვით გამოსვლისას ვარლამ ებანოიძემ ყურადღება გაამახვილა ეროვნული ბანკის ინოვაციურ ინსტრუმენტებსა და გადაწყვეტილებებზე, რომლებიც სებ-ს საშუალებას აძლევს უფრო ეფექტიანად და გამჭვირვალედ განახორციელოს ფინანსური სისტემის ზედამხედველობა. „ჩვენი მიზანია, ფინანსური ეკოსისტემის მზარდი სირთულის საპასუხოდ, ზედამხედველობა უფრო ეფექტიანი, პროაქტიური და მონაცემებზე ორიენტირებული გავხადოთ. SupTech სტრატეგია ჩვენს საზედამხედველო პროცესებში ისეთი მოწინავე ტექნოლოგიების ინტეგრირებაზეა ორიენტირებული, როგორიცაა ხელოვნური ინტელექტი და ბლოკჩეინი. ეს ინსტრუმენტები საშუალებას გვაძლევს ვაკონტროლოთ მონაცემები რეალურ დროში, აღმოვაჩინოთ ანომალიები ადრეულ ეტაპზე და გავამარტივოთ საზედამხედველო ანგარიშგება, რაც საბოლოოდ გაზრდის გამჭვირვალობას", - აღნიშნა ვარლამ ებანოიძემ.SupTech Summit - ის სამიტის მიზანი საზედამხედველო ტექნოლოგიების სფეროს განვითარება და ფინანსური რეგულაციების ციფრული ტრანსფორმაციის მიმართულებით საქართველოს როლის წარმოჩენაა.სამიტს, სადაც საზედამხედველო ტექნოლოგიების უახლესი მიღწევები განიხილეს, მსოფლიოს სხვადასხვა ქვეყნის ცენტრალური ბანკებისა და საფინანსო მარეგულირებელი უწყებების წარმომადგენლები ესწრებოდნენ.
1727444732
პროექტის ჯამური ღირებულება 5.7 მილიონი აშშ დოლარია, საქართველოს ბანკის მიერ განხორციელებული ინვესტიცია კი 1.4 მილიონ აშშ დოლარს შეადგენს.აღნიშნული პროექტი ორი საცხოვრებელი ბლოკის მშენებლობას გულისხმობს, რომელიც როგორც საცხოვრებელ, ასევე კომერციულ და საოფისე სივრცეების, მიწისქვეშა ავტოსადგომისა და შიდა გამწვანებული ეზოს მოწყობას ითვალისწინებს. ის სრულიად ადაპტირებულია შშმპ - ებისთვის.აღსანიშნავია, რომ სამშენებლო პროექტი ხორციელდება უმაღლესი ხარისხის, ევროპული სტანდარტის შესაბამისი, ეკოლოგიურად სუფთა და ენერგოეფექტური მასალებით, რაც GCPF - ის მიერ ჩატარებული აუდიტის მიხედვით, ენერგიის მოხმარებას 55%-ით ამცირებს. გარდა ამისა, საცხოვრებელი კომპლექსი სეისმური, სტატიკური თუ სხვა დატვირთვების სრული გათვალისწინებით შენდება, ეს კი შენობების მაქსიმალურ კონსტრუქციულ მდგრადობას უზრუნველყოფს.პროექტის მშენებლობა 2024 წლის იანვარში დაიწყო და 2025 წლის დეკემბერში დასრულდება.„საქართველოს ბანკი მრავალი წელია, სამშენებლო და დეველოპერული ბიზნესის გაძლიერებას უჭერს მხარს და ამ მიმართულებით არაერთი პროექტის მხარდამჭერები ვყოფილვართ. მოხარული ვართ, რომ ჩვენთან თანამშრომლობით „მილენიო ჯგუფი“ ახალ, ენერგოეფექტურ საცხოვრებელ კომპლექსს აშენებს. მსგავსი პროექტები კარგი მაგალითია და მნიშვნელოვნად უწყობს ხელს საქართველოში მწვანე მიმართულების განვითარებას და გაძლიერებას. გვინდა წარმატებები ვუსურვოთ გუნდს, ჩვენ კი არ ვჩერდებით და აქტიურ რეჟიმში ვაგრძელებთ ჩვენს პარტნიორ ბიზნესებთან ერთად მწვანე ინიციატივების განხორციელებას”, - განაცხადა ერეკლე ვაშაყმაძემ, საქართველოს ბანკის კორპორაციული გაყიდვების სექტორის უფროსმა„საქართველოს ბანკის ერთ-ერთი პრიორიტეტს ქვეყანაში მწვანე მიმართულების გაძლიერება წარმოადგენს. მსგავსი მწვანე პროექტების განხორციელება ძალიან მნიშვნელოვანია, რადგან როგორც ყველასთვის ცნობილია, მწვანე, ენერგოეფექტური და მდგრადი შენობები დაპროექტებული და აშენებულია გარემოზე ნეგატიური ზემოქმედების მინიმუმამდე დაყვანის, რესურსების ეფექტურად მოხმარებისა და მომხმარებელთათვის მაქსიმალური კომფორტის შექმნის მიზნით. ამასთანავე, ის პირდაპირ არის დაკავშირებული და მნიშვნელოვნად ამცირებს კომუნალურ დანახარჯებს. გარდა ამისა, ენერგოეფექტური შენობების გასაყიდი ღირებულება და მოთხოვნა საკმაოდ მაღალი, ხოლო გაუფასურების მაჩვენებელი დაბალია, რაც გაზრდილ საინვესტიციო შესაძლებლობას ქმნის“. - განაცხადა საქართველოს ბანკის ESG და მდგრადობის მიმართულების ხელმძღვანელმა, ანა ოსაძემ.
1727442408
არქიტექტურის ბიენალე გააერთიანებს თემატურ გამოფენებს, ვორქშოფებს, გიდის მიერ ჩატარებულ ტურებს, საჯარო ინსტალაციებს, სიმპოზიუმსა და ლექციებს. წლევანდელი გამოშვების მთავარი თემა ადამიანებსა და ბუნებრივ რესურსებს შორის ურთიერთობაა, განსაკუთრებული აქცენტით წყლის რესურსზე. ბიენალე ხაზს უსვამს არქიტექტორების, ქალაქმგეგმარებლების, პოლიტიკის შემქმნელებისა და გარემოს დამცველების როლს რთული დინამიკის ნავიგაციის პროცესში.მეოთხე ბიენალეს გახსნას 28 სექტემბრის 18:00 საათიდან თბილისის ჰიდრომეტეოროლოგიის ინსტიტუტთან არსებული მაგნიტურ-მეტეოროლოგიური ობსერვატორია უმასპინძლებს. შენობა, რომელიც 1862 წელს აშენდა და კულტურული ძეგლის სტატუსს ატარებს, ბიენალეს შეკრების ერთ-ერთი მთავარი ადგილი იქნება, რომელიც განსაკუთრებულად ეხმიანება წლევანდელი გამოშვების თემას.ბიენალეს ფარგლებში, თიბისი კონცეპტის მულტიფუნქციურ სივრცეში (მარჯანიშვილის 7) გაიმართება:4 ოქტომბერი, 18:00 | გამოფენის გახსნა „კოლექტიური წარმოების ადგილები“. გამოფენის ორგანიზატორია IFA - საგარეო ურთიერთობათა ინსტიტუტი (ifa-Institut für Auslandsbeziehungen), ARCH+-თან თანამშრომლობით. გამოფენა 15 ნოემბრამდე გაგრძელდება.5 ოქტომბერს 14:00 | გამოფენის კურატორის, სტეფან გრუბერის ტური.5 ოქტომბერს 16:30 | სიმპოზიუმი „Commoning Tbilisi”. მოდერატორები: სტეფან გრუბერი და თინათინ გურგენიძე.8 ოქტომბერი 19:00 |ჰოლანდიური არქიტექტურული კომპანიის UNstudio-ს თანადამფუძნებლის და ურბანული დაგეგმარების მთავარი სპეციალისტის კაროლაინ ბოსის ლექცია „შეკეთება“.11 ოქტომბერი 18:00 | „მეხსიერების პოლიტიკა და ჰიდრო ნარატივები სომხეთში“. არქიტექტორი, ურბანისტი, მკვლევარი და კულტურული და სოციალური ნარატივების ლაბორატორიის (CSN Lab) წევრი, არსენ აბრაჰამიანი წარმოადგენს ორ კვლევით პროექტს — „ქეჩუთი: წყლისქვეშ მყოფი მეხსიერება“ და „გეტარი: მდინარის მეხსიერება,“ რომელიც CSN ლაბორატორიამ სომხეთში განახორციელა.თბილისის არქიტექტურის ბიენალე 2017 წელს დაარსდა და მიზნად ისახავს თბილისსა და სხვა ქალაქებში არქიტექტურული და ურბანული საკითხებისადმი ცნობიერების ამაღლებას. ყოველი გამოშვება სხვადასხვა სფეროს წარმომადგენელ, ურბანული და არქიტექტურული საკითხებით დაინტერესებულ ადამიანებს საერთო თემის გარშემო აერთიანებს. წლევანდელი ბიენალეს პლატფორმა დოკუმენტურ, კვლევით და ისტორიულ მიდგომებს დაეთმობა.გაეცანით ბიენალეს ღონისძიებებს დეტალურად.
1727442141
უწყების ცნობით, შეხვედრაზე განხილულ იქნა ორ ქვეყანას შორის სავაჭრო – ეკონომიკური ურთიერთობების ფართო სპექტრი.„აღინიშნა, რომ საქართველო მიესალმება თანამშრომლობის გაღრმავებას საუდის არაბეთთან ეკონომიკის სხვადასხვა სექტორებში, მათ შორის, ვაჭრობის, ინვესტიციების, ტრანსპორტისა და ლოგისტიკის, სოფლის მეურნეობისა და ტურიზმის მიმართულებით. მხარეებმა დადებითად შეაფასეს ორ ქვეყანას შორის არსებული საკოორდინაციო საბჭოს საქმიანობა, რომელიც 2024 წლის იანვარში ჩამოყალიბდა. ხაზი გაესვა საბჭოს მნიშვნელობას ორი ქვეყნის დაახლოების მიმართულებით. ასევე ყურადღება გამახვილდა თანამშრომლობის უფრო მეტად გაღრმავების შესაძლებლობაზე ვაჭრობის სექტორში. აღინიშნა, რომ საქართველო დაინტერესებულია, დაიწყოს მოლაპარაკება თავისუფალი ვაჭრობის შესახებ ყურის არაბული სახელმწიფოების თანამშრომლობის საბჭოს წევრ ქვეყნებთან, მათ შორის, საუდის არაბეთთან.შეხვედრაზე ხაზი გაესვა საქართველოსა და საუდის არაბეთის საქმიანი წრეებს შორის ბოლოდროინდელ გააქტიურებას. აღინიშნა, რომ ქართველი და საუდელი ბიზნესმენების საქმიანი კავშირების გამყარებას ხელს უწყობს საქართველო – საუდის ბიზნეს საბჭოს საქმიანობა, რომლის ორგანიზებითაც რეგულარულად იმართება ბიზნეს ფორუმები. შეხვედრაზე ასევე ხაზი გაესვა საქართველოსა და საუდის არაბეთს შორის ნაყოფიერ თანამშრომლობას ტურიზმისა და სამოქალაქო ავიაციის სექტორებში, რომლის შედეგადაც მნიშვნელოვნად გაიზარდა საუდის არაბეთიდან როგორც პირდაპირი ფრენების, ისე ვიზიტორების რაოდენობა. კერძოდ, 2024 წლის პირველ ნახევარში საუდის არაბეთიდან საქართველოში ვიზიტორთა რიცხვი 44 პროცენტით მეტია წინა წლის ანალოგიურ პერიოდთან შედარებით.შეხვედრის შემდეგ, საქართველოს ეკონომიკისა და მდგრადი განვითარების სამინისტროსა და საუდის არაბეთის სამეფოს ტურიზმის სამინისტროს შორის ტურიზმის სფეროში თანამშრომლობის შესახებ ურთიერთგაგების მემორანდუმი გაფორმდა. დოკუმენტი მოიცავს მხარეთა კოორდინირებული მუშაობის უზრუნველყოფას ორივე ქვეყანაში ტურიზმის ინდუსტრიის მდგრადი განვითარების უზრუნველყოფის მიზნით, ასევე ტურიზმის შესახებ ინფორმაციის და საუკეთესო გამოცდილების გაცვლას, ორ ქვეყანაში ტურიზმის მიმართულებით ორგანიზებულ ღონისძიებებში მონაწილეობის ხელშეწყობას, საინვესტიციო პაკეტების შესახებ ინფორმაციის გაცვლას, საპრომოციო აქტივობების გატარებას და დარგის ექსპერტების ურთიერთგაცვლას“, – ნათქვამია სამინისტროს მიერ გავრცელებულ ინფორმაციაში.
1727441389
მისი თქმით, „თიბისი კაპიტალის“ პროგნოზით დოლარი 2.8 ლარის ფარგლებში იქნება წლის ბოლოსთვის, შემდეგ კი გამყარებაა მოსალოდნელი.„არჩევნების ზეგავლენა ჩვენ უკვე გვაქვს. თუმცა, რატომ არ ჩანს ეს ლარის კურსში? მით უმეტეს, რომ აგვისტოში ეროვნულმა ბანკმა რეზერვები შეივსო? - სავალუტო შემოდინებები იმდენად ძლიერია, რომ ეს ლარის კურსზე არ აისახა. საქართველოს ეკონომიკას სავალუტო შემოდინებების კუთხით აქვს მკვეთრად გამოხატული სეზონურობა, ზაფხული უკეთესია ვიდრე ზამთარი, მათ შორის ტურისტული შემოდინებებისა და ენერგომატარებლების გამო. ამის შემდეგ ჩვენმა დიდმა ნაწილმა ისწავლა, რომ ლარი სეზონურია, და ზაფხულამდე დაიწყო ლარის ყიდვა და ზამთრამდე ლარის გაყიდვა. ამ ქცევამ ის გავლენა იქონია, რომ ბოლო წლებში ლარის სეზონურობას ვეღარ ვხედავთ, ვინაიდან ჩვენ ვიცით, რომ ლარს სეზონური მერყეობა ექნება, ვინც ცდილობს რომ ლარის კურსით მოიგოს, ის ზაფხულის სეზონის მოსვლამდე ყიდულობს ლარს და პირიქით.შეჯამების სახით შეიძლება ითქვას, რომ არჩევნების მოლოდინი დიდწილად ჩადებულია უკვე ლარის კურსში. მეორეს მხრივ სენტიმენტები შეიძლება უფრო გაუარესდეს, მაგრამ როდესაც მივალთ იქამდე რომ, ეს ყველაფერი გადაივლის და სენტიმენტები გაუმჯობესდება, ეს „დოლარში გადახურდავებები“, რასაც ახლა ბევრი ადამიანი აკეთებს, შემოტრიალდება ლარის მხარეს. ჩვენ ამას ვეძახით კარგი დროის ბუფერს და ეს გამოიწვევს ლარის გამყარებას.ზუსტად მერყეობის დათვლა რა თქმა უნდა შეუძლებელია, თუმცა ჩვენი პროგნოზით დოლარი 2.8 ლარის ფარგლებში იქნება წლის ბოლოსთვის, შემდეგ პერიოდში კი გამყარების პერსპექტივა არსებობს. დოლარის შედარებით დასუსტების პერიოდი ნელ-ნელა ახლოვდება, რაც ლარისთვის დამატებითი პოზიტიური ბენეფიტია. რაც შეეხება ევროს, იცით რომ მისი გამყარება ისტორიულად ლარის გამყარებას იწვევს“, - ამბობს ოთარ ნადარაია.კომერსანტი
1727438081
„საქართველო“ „გახარია საქართველოსთვის“ „ჩვენი გაერთიანებული საქართველო“ საქართველოს ლეიბორისტული პარტია საქართველოს სოციალ-დემოკრატიული პარტია „მემარცხენე ალიანსი“ თავისუფალი საქართველო ტრიბუნა „შეცვალე საქართველო“ „ჩვენ“ ქართველ ერთობა „საქართველოს ერთობისა და განვითარების პარტია“ ქართული ოცნება - დემოკრატიული საქართველო „გირჩი“ „საქართველოს პატრიოტთა ალიანსი“ ძლიერი საქართველო-ლელო, ხალხისთვის, თავისუფლებისთვის! „ერთიანობა-ნაციონალური მოძრაობა“ „კოალიცია ცვლილებებისთვის გვარამია მელია გირჩი დროა“ „ევროპელი დემოკრატები“ ცესკოს შესაბამისი სამსახურის მიერ პარტიული სიების შემოწმების და რეგისტრაციისთვის საჭირო პროცედურების განხორციელება უკვე დაწყებულია. პარტიული სიების რეგისტრაციის ბოლო ვადა კი 6 ოქტომბერია. ამ დროისთვის რეგისტრირებულია ერთი საარჩევნო სუბიექტის - „ევროპელი დემოკრატების“ პარტიულის სია. შესაბამისად რეგისტრაციის პროცედურებს გადის 18 საარჩევნო სუბიექტი.26 ოქტომბრის არჩევნებისთვის რეგისტრირებული იყო 27 საარჩევნო სუბიექტი. მათგან სამ პარტიას („ანა დოლიძე - ხალხისთვის“, „მოქალაქეები“ და „მწვანეთა პარტია“) საარჩევნო რეგისტრაცია საკუთარი განცხადების საფუძველზე გაუუქმდა.აღსანიშნავია, რომ ცესკომ პოლიტიკურ პარტიებს პარლამენტის არჩევნებისთვის პარტიული სიის ელექტრონულად წარდგენის შესაძლებლობა მისცა. ცესკოს დადგენილებაში ცვლილება, რომლის თანახმადაც პარტიებს საქართველოს პარლამენტის 2024 წლის 26 წლის ოქტომბრის არჩევნებისთვის რეგისტრაციის მიზნით, პარტიული სიის ელექტრონული პლატფორმის გამოყენებით წარდგენა შეეძლოთ, ძალაში 10 სექტემბერს შევიდა. რის შემდეგაც ცესკომ არჩევნებისთვის რეგისტრირებულ პარტიებს შესთავაზა, ესარგებლათ სიების წარდგენის ელექტრონული წესით. აღნიშნული წესით პარტიული სია ოთხმა პარტიამ წარადგინა.გარდა ამისა, ცენტრალურმა საარჩევნო კომისიამ ჯერ კიდევ საარჩევნო პერიოდის დაწყებამდე დადგენილებით (დადგენილება №34/2024) განსაზღვრა კანდიდატის პარტიული კუთვნილების შესახებ ინფორმაციის წარდგენის წესი, რითაც ხელი შეუწყო პარტიებს დროულად მიეღოთ გადაწყვეტილებები პარტიულ სიებთან დაკავშირებით.საარჩევნო ადმინისტრაციამ ასევე დააზუსტა ის ვადები, რომელიც განსაზღვრავს კანდიდატის მიერ ნარკოლოგიური ცნობის წარმოდგენას. ცესკომ ცვლილება შეიტანა შესაბამის განკარგულებაში და დაადგინა, რომ ნარკოლოგიური შემოწმების შესახებ ცნობა ცესკოში წარდგენილ პარტიულ სიას დაერთვება თუ ის გაცემულია პარტიული სიების წარდგენის ბოლო ვადამდე 20 კალენდარული დღის ვადაში, რითაც საარჩევნო სუბიექტებისთვის მნიშვნელოვანი პროცედურის შესახებ ინფორმაცია კიდევ უფრო ცხადი გახადა.
1727436465
„საქართველოში თითოეულმა ჩვენგანმა ძალიან კარგად ვიცით თავისუფლების და მშვიდობის ფასი. შეგვიძლია გითხრათ, რომ ჩვენი ქვეყნის ტერიტორიის ნაწილი კვლავ ოკუპირებულია რუსეთის მიერ“, - განაცხადა მარიამ ქვრივიშვილმა. მისი თქმით, საქართველოში ბოლო 12 წელიწადში უზრუნველყოფილია მშვიდობა და სტაბილური განვითარება, რაც თავისთავად დიდი მიღწევაა და ამავე დროს, არსებულმა სტაბილურობამ მცირე და საშუალო ბიზნესს მისცა განვითარების, ზრდის, ახალი ინდუსტრიების და სამუშაო ადგილების შექმნის შესაძლებლობა.ეკონომიკისა და მდგრადი განვითარების მინისტრის მოადგილის განმარტებით, ძალიან მნიშვნელოვანია, რომ საქართველოში ჩამოსული თითოეული სტუმარი თავს ისე გრძნობდეს, როგორც საკუთარ სახლში.„ჩვენ გვესმის, რომ ყველაფერი იწყება მშვიდობითა და სტაბილურობით, დანარჩენი ყველაფერი სწორედ ამას ეფუძნება. თუმცა, რა თქმა უნდა, მოქალაქეები უნდა იყვნენ თავისუფლები. ჩვენ ვართ დემოკრატიული სახელმწიფო, ამიტომ ძალიან მნიშვნელოვანია, ყველას ჰქონდეს გამოხატვისა და სიტყვის თავისუფლება. ჩვენმა პატივცემულმა სტუმრებმა დაინახეს, თუ როგორ არის სტრუქტურირებული ჩვენი ძირძველი ქალაქი. თქვენ ხედავთ, რომ ქრისტიანული ეკლესიის გვერდზე დგას სინაგოგა და იქვე მეჩეთია. ვფიქრობ, რომ ეს არის ძალიან კარგი სურათი იმისა, თუ როგორ ვითარდებოდა საქართველო წლების განმავლობაში. ჩვენ ვაერთიანებთ სხვადასხვა ეროვნებისა და მრწამსის ადამიანებს, შესაბამისად, საქართველო არის სწორედ ასეთი დამაკავშირებელი ხიდი ევროპასა და აზიას შორის“, - განაცხადა მარიამ ქვრივიშვილმა.მსოფლიო ტურიზმის დღის წლევანდელი თემა „ტურიზმი და მშვიდობაა“. ღონისძიების ფარგლებში იმართება სხვადასხვა სადისკუსიო პანელი, სადაც სპიკერები მსჯელობენ ტურიზმის განვითარების მსოფლიო ტენდენციებსა და ტრენდების შესახებ.
1727436442
ბანკი 10 ტრილიონზე მეტი კაპიტალით ქართულ პორტფელსაც ამსხვილებს
1726659480
გახარია: პერსონალურ ეგოებზე უარი უნდა ვთქვათ
1726665720
საპარლამენტო არჩევნებზე გახარიას 30%-იანი ამბიცია აქვს
1727280358
სილქს ახალი სესხი აქვს - ტაქსის მძღოლისთვის
1726850400
აშშ-მ შსს-ს მაღალჩინოსნები დაასანქცირა
1726501080
