Forbes-ის წარმომადგენლები საქართველოს ტურისტულ პოტენციალს ეცნობიან

3 და 6 იანვარს, ასევე, 8-დან 10 იანვრის ჩათვლით, საქართველოს ეროვნული ბანკის საგადახდო და ფასიანი ქაღალდების ანგარიშსწორების სისტემები, ნაღდი ფულის ოპერაციები და მონეტარული ინსტრუმენტები კომერციული ბანკებისთვის სრულად ხელმისაწვდომი იქნება. შესაბამისად, მომხმარებლებს საშუალება ექნებათ ამ პერიოდში გადახდის ოპერაციები შეუფერხებლად განახორციელონ. ასევე, ჩვეულ რეჟიმში განხორციელდება ეროვნული ბანკის მონეტარული ოპერაციებიც. მათ შორის, TIBR ინდექსისა და ოფიციალური გაცვლითი კურსის გამოქვეყნება.რაც შეეხება სების საკოლექციო პროდუქციას მათი რეალიზაცია 2025 წლის 13 იანვრიდან იქნება შესაძლებელი. ყვარლის ფულის მუზეუმი კი მუშაობას 11 იანვრიდან განაახლებს.

1735563097

ამასთან, ნოემბერში გასაყიდმა ფასმა $1,247-ს მიაღწია, რაც წლიურად 4%-იან ზრდასა და თვიურად მცირე 0.4%-იან კლებას აფიქსირებს. ბაზრის მოცულობამ $290 მილიონი შეადგინა და წლიურად 15%-იანი ზრდა აჩვენა.ამასთან, გასაქირავებელი ფასი ნოემბერში $11.5-ს გაუტოლდა და წლიურად 8%-ით შემცირდა, ხოლო გასულ თვესთან შედარებით ფაქტობრივად არ შეცვლილა.თიბისი კაპიტალის კვლევით, 2024 წლის ნოემბერში, თბილისში საცხოვრებელი უძრავი ქონების ამონაგები 9.7%-ს გაუტოლდა(-1.3პ.პ,წ/წ). 2024 წლის 11 თვის განმავლობაში ნებართვა გაიცა 1.2 მილიონ კვადრატულ მეტრ საცხოვრებელი ფართობის მშენებლობაზე, რაც 6%-ით ჩამორჩება წინა წლის იმავე პერიოდს.ახალი vs ძველი ბინები 2024 წლის ნოემბერში 846 ახალი ბინა გაიყიდა, რაც წლიურ ჭრილში მნიშვნელოვანი, 40%-იანი, გაუმჯობესება იყო, ხოლო 2024 წლის ოქტომბერთან შედარებით მაჩვენებელი 10%-ით გაიზარდა.ძველი ბინების შემთხვევაში 2 714 ტრანზაქცია შესრულდა, რაც წლიურად 3%-იან ზრდასა და თვიურად 6%-იან კლებაში აისახა. შედეგად, ახალი ბინების წილმა ჯამურ გაყიდვებში მიმდინარე წლის განმავლობაში ყველაზე მაღალ ნიშნულს, 24%-ს მიაღწია.ნოემბერში საშუალო გასაყიდი ფასი ახალი ბინებისთვის წლიურად 9%-ით გაიზარდა, ხოლო გასულ თვესთან შედარებით 3%-ით შემცირდა. რაც შეეხება ძველი ბინების ფასებს,დაფიქსირდა5%-იანი წლიური ზრდა.2024 წლის ნოემბერში 50-დან 75 კვ.მ-მდე ფართობის ბინებმა კვლავ ყველაზე მაღალი წილი (42%) დაიკავა ჯამურად გაყიდული ბინებიდან, თუმცა მაჩვენებელი როგორც გასულ წელთან, ისე გასულ თვესთან შედარებით შემცირდა. 125-კვ.მ-ზე მეტი ფართის მქონე ბინების წილმა კვლავ 4% შეინარჩუნა, რაც 1 პ.პ-ით ნაკლებია 2023 წლის ნოემბერთან შედარებით.ნოემბერში მაღალი (>1,500$/კვ.მ) საფასო სეგმენტის ბინების წილმა მთლიან ტრანზაქციებში23%შეადგინა(+5პპ,წ/წ).თბილისის უბნები თიბისი კაპიტალის კვლევის თანახმად, 2024 წლის ნოემბერში, თბილისში ბინების უდიდესი რაოდენობა გაიყიდა დიდ დიღომში (26% მთლიან გაყიდვებში), რომელსაც მოყვებოდა საბურთალო (16% მთლიან გაყიდვებში).ახალი ბინების გაყიდვებში მნიშვნელოვანი წლიური ზრდის ტემპი დაფიქსირდა ჩუღურეთში, ისანში, დიდუბესა და დიდ დიღომში, სადაც როგორც ახალი, ასევე ძველი ბინების უდიდესი რაოდენობა გაიყიდა.2024 წლის ნოემბერში კვ.მ-ის საშუალო ფასმა მთაწმინდის რაიონში თითქმის $2 500 შეადგინა. უბნების უმეტესობაში დაფიქსირდა ახალი ბინების ფასის წლიური ზრდა

1735559851

სების მიერ გავრცელებულ ინფორმაციაში ვკითხულობთ:ერთ კლიენტთან მიმართებაში დაირღვა „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონის მე-18 მუხლის პირველი პუნქტის „ე“ ქვეპუნქტი, კერძოდ, მიკროსაფინანსო ორგანიზაციამ არ განახორციელა კანონმდებლობის შესაბამისად გარიგების ან/და ქონების (ფულადი სახსრების) წარმომავლობის შესწავლა, რაც „მიკროსაფინანსო ორგანიზაციისა და მისი ადმინისტრატორების მიმართ ფულადი ჯარიმების ოდენობის განსაზღვრის, დაკისრებისა და აღსრულების წესის დამტკიცების თაობაზე“ საქართველოს ეროვნული ბანკის პრეზიდენტის 2020 წლის 5 თებერვლის №16/04 ბრძანებით დამტკიცებული წესის მე-3 მუხლის მე-3 პუნქტის „ზ“ ქვეპუნქტის შესაბამისად ითვალისწინებს მიკროსაფინანსო ორგანიზაციის დაჯარიმებას - 3,000 (სამი ათასი) ლარის ოდენობით, დარღვევის თითოეულ ფაქტზე. ხსენებული დარღვევის ერთი შემთხვევისათვის, სულ - 3,000 (სამი ათასი) ლარი.მიკროსაფინანსო ორგანიზაციას დაეკისრა ფულადი ჯარიმა ჯამში 3,000 (სამი ათასი) ლარის ოდენობით.

1735558835

TI ამბობს, რომ განსაკუთრებით საყურადღებოა ბოლო ერთი თვის განმავლობაში საქართველოს მასშტაბით პროევროპული აქციების გაშუქებისას ჟურნალისტების მიმართ გამოვლენილი ძალადობის ფაქტები.კერძოდ, ორგანიზაციის თანახმად:„28 ნოემბერს, პროევროპული საპროტესტო აქციების დაწყებიდან დღემდე, არასამთავრობო ორგანიზაციებმა მედიის წარმომადგენლების უფლებების შელახვის 90-ზე მეტი შემთხვევა აღრიცხეს. მათ შორის იყო: მიზანმიმართული თავდასხმა, მძიმე ფიზიკური დაზიანება, უკანონო დაკავება, დაჯარიმება, აპარატურის განზრახ დაზიანება, ჟურნალისტურ საქმიანობაში უკანონოდ ხელის შეშლა, გაზის, სპრეის და წყლის ჭავლის გაშვების შედეგად დაშავება, მუქარა, შეურაცხყოფა.პროევროპული აქციის გაშუქებისას, მმართველი პარტიის მიერ წახალისებული ე.წ. „ტიტუშკები” პირდაპირ ეთერში განსაკუთრებული სისასტიკით გაუსწორდნენ „ტელეკომპანია პირველის” ჟურნალისტს, მაკა ჩიხლაძესა და მის ოპერატორს, გიორგი შეწირულს.ასევე პირდაპირ ეთერში სპეცრაზმელის მიერ მიზანმიმართული თავდასხმის შედეგად, თავის არეში მიღებული მძიმე დაზიანებებით საავადმყოფოში გადაიყვანეს ტელეკომპანია „ფორმულას” ჟურნალისტი, გურამ როგავა.ის სარეაბილიტაციო კურსს ამ დრომდე გადის. აქციების მიმდინარეობისას, მძიმედ დაშავდა და სამედიცინო დახმარება დასჭირდა ათობით სხვა ჟურნალისტსა და ოპერატორს. ჟურნალისტებისთვის მძიმე იყო მიმდინარე წლის 26 ოქტომბრის საპარლამენტო არჩევნების დღეც, რა დროსაც, „მედიაჩეკერის” ცნობით, საქმიანობაში ხელი მედიის 70 წარმომადგენელს შეუშალეს.„საერთაშორისო გამჭვირვალობა-საქართველომ” ჟურნალისტების წინააღმდეგ ჩადენილი დანაშაულების სტატისტიკისა და სამართლებრივი რეაგირების შესახებ ინფორმაცია წელსაც გამოითხოვა. სპეციალური საგამოძიებო სამსახურის ცნობით, 2024 წლის 1 იანვრიდან 30 ნოემბრის ჩათვლით პერიოდში, ჟურნალისტებისათვის პროფესიულ საქმიანობაში უკანონოდ ხელის შეშლის სავარაუდო ფაქტებთან დაკავშირებით, გამოძიება სულ 16 სისხლის სამართლის საქმეზე დაიწყო, საიდანაც 9-ზე გამოძიება კვლავ მიმდინარეობს.ამასთან, გენერალურმა პროკურატურამ სისხლის სამართლებრივი დევნა 7 პირის მიმართ დაიწყო, 1 სისხლის სამართლის საქმეზე კი – გამოძიება შეწყვიტა. სპეციალური საგამოძიებო სამსახურის პასუხიდან არ ჩანს, მივიდა თუ არა რომელიმე საქმის გამოძიება ბოლომდე და დაისაჯნენ თუ არა დამნაშავე პირები.მედიის წარმომადგენლების მიმართ ღია თავდასხმების მაგალითები:გარდა ზემოთ აღნიშნული შემთხვევებისა:იანვარში, თბილისში, კეკელიძის ქუჩაზე მიმდინარე საპროტესტო აქციის გაშუქებისას, სამართალდამცველებმა ონლაინმედია “მაუწყებლის” 4 ჟურნალისტზე – რატი რატიანზე, ნათია ქარჩილაძეზე, ანი გიორგაძესა და გიორგი არობელიძეზე ფიზიკურად იძალადეს.მარტში, ქალაქ ბათუმში თავს დაესხნენ „TV 25-ის” ჟურნალისტებს – თეო ფუტკარაძესა და გერა კილაძეს. ამავე თვეში, პროფესიულ საქმიანობაში ხელი შეუშალეს ტელეკომპანია „TOK TV-ის” ჟურნალისტს, მიშო დარბაიძესაც.აპრილში, რუსული კანონის საწინააღმდეგო აქციის გაშუქებისას, შინაგან საქმეთა სამინისტროს წარმომადგენლები ფიზიკურად გაუსწორდნენ და ჟურნალისტურ საქმიანობაში ხელი შეუშალეს ონლაინ გამოცემების – „პუბლიკის”, „ტაბულასა” და „აპრილის” ჟურნალისტებს – ალექსანდრე ქეშელაშვილს, გიორგი ბადრიძესა და გიორგი ბასხაჯაურს.ივლისში, თავს დაესხნენ და სიტყვიერი და ფიზიკური შეურაცხყოფა მიაყენეს „მთავარი არხის” ჟურნალისტს, ლადო მენაბდეს. ამავე თვეში, თავს დაესხნენ „ტვ მონიტორინგის” გადამღებ ჯგუფსაც – ბექა პირველს და შოთიკო სადაღაშვილს.ოქტომბერში, რუსთავის მუნიციპალური აიპის თავმჯდომარის მოადგილემ, კარლო ნოდიამ ჟურნალისტურ საქმიანობაში ხელი შეუშალა გამოცემა „QvemoQartli.ge-ს” ჟურნალისტს, ქეთევან მოსიავას.ნოემბერში, გაყალბებული არჩევნების წინააღმდეგ საპროტესტო აქციაზე სამართალდამცველები ფიზიკურად გაუსწორდნენ „პუბლიკის” ჟურნალისტს, მინდია გაბაძეს, ასევე ჟურნალისტური საქმიანობის განხორციელებაში ხელი შეუშალეს „OC Media-სა” და “Netgazeti-ს” ჟურნალისტებს – მარიამ ნიკურაძესა და გივი ავალიანს.დეკემბერში, ქალაქ ბათუმში მიმდინარე საპროტესტო აქციისას, შსს-ს წარმომადგენელმა ფიზიკურად იძალადა, ონლაინგამოცემა „ბათუმელების” რედაქტორზე, ეთერ თურაძეზე. თბილისში, ნიღბიანი პირები თავს დაესხნენ ფოტოგრაფ გიორგი მოსიაშვილს. ქალაქ ფოთში, თავს დაესხნენ აქტივისტსა და ჟურნალისტს, ელისო ჯანაშიას.ჟურნალისტების უკანონო დაკავება და დაჯარიმება:იანვარში, თბილისში, კეკელიძის ქუჩაზე მიმდინარე აქციის გაშუქებისას უკანონოდ დააკავეს და დააჯარიმეს ონლაინ გამოცემა „მთის ამბების” რედაქტორი და ჟურნალისტი გელა მთივლიშვილი.აგვისტოში, სამართალდამცველებმა დააკავეს აზერბაიჯანელი გამომძიებელი ჟურნალისტი აფგან სადიგოვი. მოგვიანებით, სასამართლომ მისი აზერბაიჯანში ექსტრადირების გადაწყვეტილება მიიღო.ნოემბერში, თბილისში, მელიქიშვილის ქუჩაზე, სადაც მოქალაქეები გაყალბებულ არჩევნებს აპროტესტებდნენ, სამართალდამცველები ფიზიკურად გაუსწორდნენ და დააკავეს „მთავარი არხის” ოპერატორი, სერგი ბარამიძე.დეკემბერში, პროევროპული აქციაზე სამართალდამცველებმა უკანონოდ დააკავეს „მთავარი არხის” ჟურნალისტი და წამყვანი, ბექა ყორშია. მოგვიანებით, იგი სასამართლომ 2 200 ლარით დააჯარიმა. ასევე დეკემბერში, ფოთის ადგილობრივი ტელევიზიის „მეცხრე ტალღის” დირექტორი და საქართველოს რეგიონულ მაუწყებელთა ალიანსის თანათავმჯდომარე, გია სალია ზუგდიდში საპროტესტო მსვლელობის გადაღების დროს ავტომობილით გადაადგილების გამო 1 000 ლარით დააჯარიმეს.მედიის წარმომადგენლების მიმართ სავარაუდო მუქარის, ზეწოლისა და დაშინების მცდელობები:თებერვალში, ოზურგეთში გაზეთ „ალიონის” რედაქციაში უცნობმა პირებმა იოლად აალებადი სითხე და საწვავი შეაგდეს. გაზეთის რედაქტორის, ნუგზარ ასათიანის ინფორმაციით, ოთახში ცეცხლი გაჩნდა, თუმცა ნესტის გამო ვერ გავრცელდა. ასევე თებერვალში, საქართველოს პარლამენტის თავმჯდომარემ, შალვა პაპუაშვილმა „მთის ამბების” რედაქტორის, გელა მთივლიშვილის ევროკავშირის პრიზის ფინალისტობის საკითხი ეჭვქვეშ დააყენა და საკონკურსო კომისიის წევრების ვინაობითაც დაინტერესდა. მაშინ პაპუაშვილმა ასევე, იკითხა, იღებდა თუ არა ევროკავშირი პასუხისმგებლობას აღნიშნულ კონკურსთან დაკავშირებით.მარტში, „ტელეკომპანია პირველის” ჟურნალისტის, ნატო გოგელიას ოზურგეთის საცხოვრებელ სახლში, უცნობი პირები შეიჭრნენ და ნივთები დააზიანეს.აგვისტოში, „ქართულმა ოცნებამ” „რადიო თავისუფლება” 2008 წლის აგვისტოს ომის შემსწავლელი საერთაშორისო საგამოძიებო კომისიის ხელმძღვანელთან, ჰაიდი ტალიავინისთან ინტერვიუს გამო გააკრიტიკა.სექტემბერში, ცესკოს თავმჯდომარემ, გიორგი კალანდარიშვილმა განაცხადა, რომ „ტელეკომპანია პირველმა” საარჩევნო ადმინისტრაციის თანამშრომლების პერსონალური მონაცემები კანონის საწინააღმდეგოდ დაამუშავა და სცადა, გამოეყენებინა, თანაც, არაერთხელ. აღნიშნული, „ტელეკომპანია პირველის” საინფორმაციო სამსახურის ხელმძღვანელმა, ნოდარ მელაძემ მუქარად აღიქვა.სექტემბერში, გამოცემა „აჭარა თაიმსის” დამფუძნებლის, სულხან მესხიძის სახლში უცნობი პირი შეჭრას ცდილობდა.ოქტომბერში, საქართველოს აწ უკვე არალეგიტიმურმა პრემიერმა, ირაკლი კობახიძემ განაცხადა, რომ პარტია “ლელო” “შავი ფულით” აფინანსებს „ტელეკომპანია პირველს”.პარლამენტის მიერ აკრედიტაციის წესის მედიის წინააღმდეგ გამოყენება:აპრილში, ე.წ. რუსული კანონის განხილვებისას, პარლამენტში ე.წ. უსაფრთხოების ყვითელი დონე ამოქმედდა, რის გამოც, საკანონმდებლო ორგანოში შესვლა და ჟურნალისტური საქმიანობის განხორციელება შეეზღუდათ ონლაინმედიის წარმომადგენლებს. ეს იმ დროს, როდესაც საკანონმდებლო ინიციატივა არასამთავრობო ორგანიზაციებთან ერთად, ონლაინმედიასაც ეხებათ.ივნისში, ქართული ოცნების დეპუტატის, ნინო წილოსანის მოთხოვნით, პარლამენტში 1 და 6 თვით შესვლა აუკრძალეს, ტელეკომპანია „მთავარი არხისა” და „ფორმულას” ჟურნალისტებს – ნინი ბალანჩივაძესა და სოფო გოზალიშვილს. ამავე თვეში, უმრავლესობის კიდევ ორი დეპუტატის განცხადების საფუძველზე აკრედიტაცია შეუჩერეს „ტელეკომპანია პირველის” ჟურნალისტებსაც – ნატა ქაჯაიასა და მაკა ჩიხლაძეს.ივნისში, პრემიერის საპარლამენტო გამოსვლაზე ონლაინმედიის ჟურნალისტები არ დაუშვეს.ნოემბერში, კვლავ ე.წ. უსაფრთხოების ყვითელი დონის ამოქმედების შედეგად, ონლაინმედიის წარმომადგენლებს პარლამენტში შესვლა გაურკვეველი დროით შეეზღუდათ. შეზღუდვა 12 დეკემბერს გაუქმდა.მართლმსაჯულების მედიის წინააღმდეგ გამოყენება:აპრილში, საქალაქო სასამართლომ სათანადო მოპასუხედ ცნო „ტელეკომპანია პირველის” ჟურნალისტი, სოფო ნიაური და არა უშუალოდ მედიასაშუალება, ყოფილი შს მინისტრის, ალექსანდრე ჭიკაიძის მიერ წამოწყებულ ცილისწამების დავაზე, რაც კანონმდებლობას ეწინააღმდეგება და ჟურნალისტის დაშინების მცდელობაზე მიანიშნებს.ივლისში, დედაქალაქის მერმა და „ქართული ოცნების” გენერალურმა მდივანმა, კახა კალაძემ და საქართველოს აწ უკვე არალეგიტიმური პრემიერმინისტრის, ირაკლი კობახიძის სიძემ, დავით ფაცაციამ ერთდროულად მოითხოვეს „ტელეკომპანია პირველის” წინააღმდეგ სასამართლოს მიერ მიღებული გადაწყვეტილებების აღსრულების პროცესის დაწყება”.„საერთაშორისო გამჭვირვალობა-საქართველო” საუბრობს კომუნიკაციების კომისიის უარყოფით როლზე კრიტიკული მაუწყებლების წინააღმდეგ, რომელიც ასევე გამოიკვეთა 2024 წელს.„ეს კიდევ უფრო თვალსაჩინო გახდა წინასაარჩევნო პერიოდში, რა დროსაც კომისიამ „ქართული ოცნების” საჩივრების საფუძველზე, ხელისუფლებისადმი კრიტიკულ ტელევიზიებს სამართალდარღვევის არაერთი სადავო ოქმი შეუდგინა, რომელთა საფუძველზეც, სასამართლომ ისინი დააჯარიმა”. – წერს TI.ორგანიზაცია მიუთითებს, რომ კომუნიკაციების კომისიის საქმიანობა უარყოფითად შეაფასა „მედიაომბუდსმენმაც” და თქვა, რომ კომისია სასამართლოსთან ერთად გახდა „თანამონაწილე საარჩევნო პერიოდში კიდევ ერთხელ დასჯილიყვნენ კრიტიკული მედიასაშუალებები”.„მართალია, წინასაარჩევნო პერიოდში, კომუნიკაციების კომისიამ რამდენიმე სამართალდარღვევის ოქმი პროსამთავრობო მაუწყებლებსაც შეუდგინა, თუმცა, მთლიანობაში, ეს ვერ დააბალანსებს იმ გამოუსწორებელ ზიანს, რაც კომუნიკაციების კომისიის გადაწყვეტილებებით კრიტიკულ ტელევიზიებსა და ზოგადად წინასაარჩევნო გარემოს მიადგა.ამასთან, საგულისხმოა, რომ 2024 წელს კვლავ შენარჩუნდა უცხოელი ჟურნალისტების ქვეყანაში არშემოშვების ტენდენცია. მიმდინარე წელს, დასაბუთების გარეშე, უარი უთხრეს არაერთ უცხოელ ჟურნალისტს, რომელთაც საქართველოში მიმდინარე პროცესების გაშუქება სურდათ.ჟურნალისტებზე თავდასხმების, მათ მიმართ მუქარისა და პროფესიულ საქმიანობაში ხელშეშლის, დაშინებისა და დისკრედიტაციის გახშირებული მცდელობები, ნათლად გამოხატავს ქართული ოცნების  პოლიტიკური ნების არქონას მედიაგარემოს გაუმჯობესებისა და ჟურნალისტებისათვის უსაფრთხო სამუშაო პირობების უზრუნველყოფის კუთხით.მეტიც, მედიის წარმომადგენლების მიმართ ჩადენილი დანაშაულების გამოუძიებლობა და დამნაშავეთა დაუსჯელობა ტოვებს განცდას, რომ ამგვარი ქმედებები სწორედ მათი მხრიდან არის წახალისებული და ნებადართული.მედიის მიმართ დანაშაულების წინააღმდეგ სახელმწიფო ინსტიტუტების უუნარობა და არაეფექტიანი ფუნქციონირება სახელმწიფოს მიტაცების თვალსაჩინო მაგალითია, როდესაც ერთი პარტიის გარშემო კონცენტრირებული ხელისუფლების სხვადასხვა შტო, მხოლოდ ამავე პარტიის ძალაუფლების გამყარების მიზნებს ემსახურება და აცდენილია მის მთავარ დანიშნულებას, რაც საზოგადოების ინტერესების მიუკერძოებელ მსახურებას ნიშნავს”. – წერს „საერთაშორისო გამჭვირვალობა-საქართველო”.

1735553622

კერძოდ, საქართველოს ბანკის ჯგუფის (BGEO LN) აქციები დაიხურა 46.00 ბრიტანულ ფუნტ სტერლინგში (GBP), -1.71% წინა კვირასთან შედარებით და - 8.00% გასულ თვესთან შედარებით. ვაჭრობის მოცულობამ 95 ათას აქციაზე მეტი შეადგინა, GBP 45.50 - 47.10 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 67 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 30.55 ბრიტანულ ფუნტ სტერლინგში (GBP), -1.29% წინა კვირასთან შედარებით და -3.32% გასულ თვესთან შედარებით. ვაჭრობის მოცულობამ 107 ათას აქციაზე მეტი შეადგინა, GBP 30.20 - 31.45 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 80 ათასი აქცია შეადგინა.Georgia Capital-ის (CGEO LN) აქციები დაიხურა 11.72 ბრიტანულ ფუნტ სტერლინგში (GBP), +3.53% წინა კვირასთან შედარებით და - 2.17% გასულ თვესთან შედარებით. ვაჭრობის მოცულობამ 110 ათას აქციაზე მეტი შეsადგინა, GBP 11.06 - 11.82 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 111 ათასი აქცია შეადგინა.

1735553351

ამასთან, მოთხოვნა 1.9-ჯერ მაღალი იყო და საშუალო შეწონილი საპროცენტო განაკვეთი წინა აუქციონთან შედარებით 0.118 პპ-ით გაიზარდა და 8.435% შეადგინა.

1735550639

გადაწყვეტილება ძალაში 2025 წლის პირველი იანვრიდან შევა. დადგენილებას ხელი პრემიერ-მინისტრმა ალი ასადოვმა მოაწერა.აზერბაიჯანის საგარეო საქმეთა სამინისტროში აცხადებენ, რომ ეს არის საპასუხო ნაბიჯი მოსკოვის მიერ აზერბაიჯანის მოქალაქეებისთვის რუსეთში მსგავსი 90-დღიანი შეზღუდვის შემოღებაზე.მანამდე, ავიაკომპანია Azerbaijan Arilines–ის (AZAL) სამგზავრო თვითმფრინავს Embraer 190, რომელიც ბაქო–გროზნოს მიმართულებით ასრულებდა რეისს, რუსეთის საჰაერო თავდაცვის სისტემის რაკეტა მოხვდა გროზნოს ცაზე, რის შემდეგაც იძულებული გახდა კურსი ყაზახეთის ქალაქ აქთაუს მიმართულებით აეღო, სადაც საბოლოო ჯამში ჩამოვარდა. ამის შესახებ აზერბაიჯანის პარლამენტის საერთაშორისო ურთიერთობების კომიტეტის წევრმა რასიმ მუსაბეკოვმა განაცხადა. „თვითმფრინავს რუსეთის ტერიტორიაზე ესროლეს, გროზნოს ცაზე და ამის უარყოფა შეუძლებელია“, – თქვა 27 დეკემბერს დეპუტატმა სააგენტო Turan–თან ინტერვიუში. მუსამბეკოვმა რუსეთის ხელისუფლება არაადეკვატურობაში დაადანაშაულა და აღნიშნა, რომ ისინი მედიასაშუალებებს იყენებენ კვალის წასაშლელად, ნაცვლად იმისა, რომ ბოდიში მოიხადონ და დამნაშავეები დასაჯონ. „ისინი, ვინც ეს ჩაიდინეს, სისხლის სამართლებრივ პასუხისგებაში უნდა მიეცნენ, აუცილებელია დაღუპულების ოჯახებისა და დაზარალებულებისთვის კომპენსაციების გადახდა. თუ ასე არ მოხდება, რა თქმა უნდა, ურთიერთობები სხვა სიბრტყეში გადავა“, – განაცხადა დეპუტატმა.რუსულმა ფედერალურმა არხებმა დამალეს ინფორმაცია იმის შესახებ, რომ ვიდრე თვითმფრინავი ყაზახეთში ჩამოვარდებოდა, მასზე იერიში ჩეჩნეთის ცაზე რუსეთის ჰაერსაწინააღმდეგო რაკეტით მიიტანეს. ბორტზე 67 ადამიანი იმყოფებოდა, 38 მათგანი დაიღუპა.რუსული პროპაგანდა ავითარებს ვერსიას, თითქოს ლაინერი ფრინველებს შეეჯახა. ასევე მეორე ვერსიაც აქვთ – ბორტზე ჟანგბადის ბალონის აფეთქება.გადარჩენილი მგზავრები კი ჰყვებიან, რომ ლაინერი სამჯერ შეეცადა გროზნოს აეროპორტში დაშვებას, თუმცა მესამე ჯერზე ძლიერი აფეთქების ხმა გაისმა და ეს აფეთქება არა ბორტის შიგნით, არამედ გარეთ მოხდა. ჩამოვარდნილ თვითმფრინავს გარედან მრავლობითი დაზიანება აღენიშნება, რომლებიც საზენიტო რაკეტის გამანადგურებელი ელემენტებით არის მიყენებული.Embraer 190–ს მიწა–ჰაერის ტიპის რაკეტა გროზნოს აეროპორტიდან 18 კილომეტრის დაშორებით, 2,4 კმ–ის სიმაღლეზე მოხვდა. ამასთან, ჩეჩნეთის ლიდერმა რამზან კადიროვმა თავისი ძმისშვილი, რესპუბლიკის უშიშროების საბჭოს მდივანი ხამზატ კადიროვი დააჯილდოვა, რომელმაც კატასტროფის დღეს მოახსენა მას, რომ რესპუბლიკის ცაზე ყველა სამიზნე გაანადგურეს.26 დეკემბრის საღამოს, აზერბაიჯანის მთავრობაში დაადასტურეს, რომ „აზერბაიჯანის ავიახაზების“ თვითმფრინავი ჩამოვარდნის მიზეზი რუსული რაკეტა გახდა.აზერბაიჯანის მთავრობიდან წყარომ ტელეარხს უთხრა, რომ დაზიანებულ თვითმფრინავს რუსეთის აეროპორტებში დაჯდომის უფლება არ მისცეს.გამოძიების წინასწარი მონაცემები ადასტურებს, რომ გროზნოს ცაზე გაშვებული რუსული რაკეტა გახდა ავიაკატასტროფის მიზეზი.აზერბაიჯანის მთავრობიდან წყაროებმა EURONEWS–ს ექსკლუზიურად დაუდასტურეს ხუთშაბათს, რომ „მიწა–ჰაერის“ კლასის რუსული რაკეტა გახდა აქთაუსთან აზერბაიჯანული ლაინერის ჩამოვარდნის მიზეზი.იგივე წყაროების ცნობით, გროზნოს ცაზე რუსული რაკეტის აფეთქების შედეგად აზერბაიჯანული ბორტის პილოტებმა და მგზავრებმა სხეულის დაზიანებები მიიღეს.

1735548594

მისი მტკიცებით, შეერთებული შტატები ქართველ ხალხს არ მიატოვებს. „კარგად ცნობილია ხელისუფლების მცდელობა, უარი თქვას საქართველოს მეგობრებზე, მაგრამ ჩვენ არ ვიტყვით უარს მის ხალხზე. მიუხედავად იმისა, რომ ბიძინა ივანიშვილის წინააღმდეგ საბოლოოდ დაწესდა დაგვიანებული სანქციები საქართველოში მიმდინარე პოლიტიკურ არეულობაში მისი როლის გამო, ჯერ კიდევ მეტი უნდა გაკეთდეს. კიდევ ერთხელ, აშშ არ მიატოვებს ქართველ ხალხს და მის სურვილს ჰქონდეს თავისუფალი, სამართლიანი დემოკრატია“, - წერს ამერიკელი სენატორი. And while much overdue sanctions have finally been issued against Bidzina Ivanishvili for his role in the current political turmoil in #Georgia, more must still be done. Again, The U.S. won’t abandon the Georgian people & their desire to have a free, fair democracy. — Senate Foreign Relations Committee Ranking Member (@SenateForeign) December 30, 2024 გუშინ, 29 დეკემბერს, საქართველოს მე-6 პრეზიდენტის, მიხეილ ყაველაშვილის ინაუგურაცია გაიმართა, რომელიც დაახლოებით ნახევარი საათის განმავლობაში მიმდინარეობა.ყაველაშვილმა ფიცი ბიბლიასა და კონსტიტუციაზე დადო.„დღეიდან, საქართველოს ეყოლება პრეზიდენტი, რომელიც ხალხის ჭეშმარიტ ნებას და კონსტიტუციას დაიცავს! პრეზიდენტი, რომელიც ეროვნული ღირებულებების და ინტერესების სადარაჯოზე იქნება! მინდა, მიხეილ ყაველაშვილს ვუსურვო წარმატება საპატიო მისიის აღსრულებაში“, - განაცხადა ყაველაშვილის სიტყვით გამოსვლამდე პარლამენტის თავმჯდომარე შალვა პაპუაშვილმა.გუშინდელი ღონისძიება კი მიხეილ ყაველაშვილის სიტყვის გამოსვლით დასრულდა.„ჩვენი ისტორია მკაფიოდ გვიჩვენებს, რომ სამშობლოსა და ტრადიციების დასაცავად გადატანილი უამრავი ბრძოლის კვალდაკვალ, ქართველი კაცისთვის ერთ-ერთი მთავარი მიზანი და ღირებულება იყო მშვიდობა, როდესაც ჩვენს ერს სიმშვიდეში – შრომის, საკუთარი კულტურის გამდიდრების, გენიალური ხელოვნების ნიმუშებისა და ხუროთმოძღვრების ძეგლების შექმნის შესაძლებლობა უნდა ჰქონოდა…მოგეხსენებათ, ქართული სუფრა არამხოლოდ ჩვენი ტრადიციებისა და დამოკიდებულებების გამოვლინებაა, არამედ არამატერიალური კულტურული მემკვიდრეობის ძეგლია, რომელიც ყველაზე უკეთ გვიჩვენებს ჩვენი – ქართველების დამოკიდებულებას მშვიდობის მიმართ. ნებისმიერი ქართული ტრადიციული სუფრა უფლისა და მშვიდობის სადღეგრძელოთი იწყება. ამით ქართველი კაცი ღმერთს ადიდებს, მადლიერებას გამოხატავს და პირველ რიგში მშვიდობას შესთხოვს...სწორედ ამიტომ, განსაკუთრებული სიფრთხილე და წინდახედულობა გვმართებს! წარსულში დაშვებული შეცდომების გაანალიზება უნდა იყოს თითოეული ჩვენი მომავალი გადაწყვეტილების საწინდარი. ჩვენ უნდა ვიხელმძღვანელოთ მხოლოდ და მხოლოდ ჩვენი ეროვნული ინტერესებიდან გამომდინარე”.., – განაცხადა მიხეილ ყაველაშვილმა.ყაველაშვილის თქმით, ის აპირებს იყოს „ყველას პრეზიდენტი“ და მისი საქმიანობა საზოგადოების კონსოლიდაციისა და გაერთიანებისკენ იქნება მიმართული.„ჩემთვის საქართველოს თითოეული მოქალაქე ძვირფასია, მათი შეხედულებებისა თუ პოლიტიკური კუთვნილების მიუხედავად. მე ვაპირებ ვიყო ყველას პრეზიდენტი, იმის მიუხედავად, ვის მოვწონვარ და ვის არა! ჩემი მომავალი ძალისხმევა მიმართული იქნება საზოგადოების კონსოლიდაციისა და გაერთიანებისკენ.მიუხედავად იმისა ვის რა შეხედულებები აქვს ამა თუ იმ საკითხზე – ჩვენ უნდა მოვახერხოთ გაერთიანება ჩვენი სამშობლოს, ღირებულებებისა და ურთიერთპატივისცემაზე დაფუძნებული წესების გარშემო. იმ მომავლის გარშემო, რომლის შენებაც ჩვენ ერთად უნდა განვაგრძოთ”, - განაცხადა ყაველაშვილმა.ყაველაშვილი საინაუგურაციო ღონისძიებაზე ოჯახის წევრებთან ერთად მივიდა. ღონისძიებას ესწრებოდა „ქართული ოცნების” საპატიო თავმჯდომარე, ბიძინა ივანიშვილი.ინაუგურაციაზე დასასწრებად და მონაწილეობის მისაღებად მოწვეული იყვნენ პრეზიდენტის საარჩევნო კოლეგიის წევრები, რომელშიც შედიან პარლამენტის წევრები, ადგილობრივი თვითმმართველობის წარმომადგენლები, აჭარის და აფხაზეთის უმაღლესი საბჭოს წარმომადგენლები, საქართველოს მთავრობა, კონსტიტუციური ორგანოები, საქართველოს მართლმადიდებელი ეკლესიის წარმომადგენლები.ინაუგურაციაზე დიპლომატიური კორპუსი მოწვეული არ იყო.

1735547161