სააგენტომ შეისწავლა - მანგანუმის მადნის მოპოვების ბაზარი, ხოლო შპს „მნ გრუპი - 2021"-ის ფეროსილიკომანგანუმის გაყიდვები ექსპორტის დონეზე, ვინაიდან შიდა ბაზარზე რეალიზაციის მოცულობა მისი საერთო გაყიდვების მცირე ნაწილს შეადგენდა.ბაზრის ანალიზის შედეგად დადგინდა, რომ 2023 წელს, ქვეყნის მასშტაბით, ფეროსილიკომანგანუმის ექსპორტის ბაზარზე ეკონომიკურ საქმიანობას ახორციელებდა 30-ზე მეტი ეკონომიკური აგენტი. ბაზრის საერთო მოცულობამ შეადგინა  149 755 401.50 კგ. შესაბამისი ბაზრის კონცენტრაციის ჰერფინდალ-ჰირშმანის ინდექსი (HHI) კი გაუტოლდა 2849.7 ერთეულს, რაც მაღალკონცენტრირებული ბაზრის მაჩვენებელია.მანგანუმის მადნის მოპოვების ბაზარზე, 2023 წელს, ქვეყნის მასშტაბით, ეკონომიკურ საქმიანობას ახორციელებდა 5 ეკონომიკური აგენტი. ბაზრის საერთო მოცულობამ შეადგინა 967 242 ტონა. შესაბამისი ბაზრის კონცენტრაციის ჰერფინდალ-ჰირშმანის ინდექსი (HHI) გაუტოლდა 9871.5 ერთეულს, რაც მაღალკონცენტრირებული ბაზრის მაჩვენებელია.სააგენტოს პოზიციით, ორივე შესწავლილი ბაზარი, განსაკუთრებით კი მანგანუმის მადნის მოპოვების ბაზარი, 2023 წლისთვის, მაღალკონცენტრირებული იყო, თუმცა შპს „მნკორპისა" და შპს „ მნ გრუპი - 2021"-ის საბაზრო წილები შესაბამის ბაზრებზე მცირე აღმოჩნდა.  შეფასებულ ბაზრებზე კონცენტრაციის ინდექსის მაღალი მაჩვენებელი არ იყო კავშირში კონცენტრაციის ფარგლებში შესაფასებელი სუბიექტების საბაზრო მდგომარეობასთან და ის განპირობებული იყო ბაზარზე მოქმედი სხვა ეკონომიკური აგენტის საბაზრო წილითა და თავად ბაზრის სტრუქტურით. შესაბამისად, სააგენტოს მიერ განხორციელებული ბაზრის ანალიზის, შეფასებული ბაზრის სტრუქტურისა და კონცენტრაციაში მონაწილე მხარეების საბაზრო წილების გათვალისწინებით დადგინდა, რომ განხორციელებული კონცენტრაცია კონკურენტულ გარემოზე არსებით გავლენას არ მოახდენდა.ინფორმაციისთვის: GCCA-ს წინასწარ სავალდებულო წერილობით შეტყობინებას ექვემდებარება კონცენტრაცია თუ მისი მონაწილე პირების ჯამური ერთობლივი შემოსავალი, საქართველოს ტერიტორიაზე, წინა ფინანსური წლის მდგომარეობით, 20 მილიონ ლარს აღემატება და ამასთან, კონცენტრაციის მონაწილე მინიმუმ ორი პირიდან თითოეულის ერთობლივი შემოსავალი 5 მილიონ ლარზე მეტია. GCCA-ის გვერდის ავლით, მის მიერ შეტყობინების განხილვამდე ან უარყოფითი დასკვნის მიუხედავად, სავალდებულო შეტყობინებას დაქვემდებარებული კონცენტრაციის განხორციელების შემთხვევაში, შეტყობინების წარდგენის ვალდებულების მქონე პირი ჯარიმდება.2025 წელს, GCCA-იმ თანხმობა გასცა 9 კონცენტრაციაზე. ამ ეტაპზე, 1 კონცენტრაციასთან დაკავშირებით სააგენტო საკითხს სწავლობს.

1748587783

სელფი მობაილის კორპორაციული მომსახურება მოიცავს მცირე და საშუალო ბიზნესისთვის აუციელბელი სერვისების სრულ სპექტრს, რომელიც ითვალისწინებს კლიენტის საქმიანობის სფეროსაც და ესადაგება მათ საჭიროებებს. ტელეკომ მომსახურებასთან ერთად, სელფი მობაილი კორპორაციულ კლიენტებს სთავაზობს ინოვაციურ ბიზნეს გადაწყვეტებს და სპეციალურ პირობებს ბიზნესის წარმოებისთვის აუცილებელ სხვადასხვა მომსახურებაზე,  პარტნიორების ფართო ქსელის არსებობის დამსახურებით.„სელფი მობაილის კორპორაციული კლიენტების მომსახურებას გამოარჩევს მომხმარებელზე ინდივიდუალური ზრუნვა და სერვისების ფართო სპექტრი, რომელიც კავშირგაბმულობის გარდა მოიცავს მათი საქმიანობისთვის აუცილებელ გადაწყვეტებს. როგორც ევროპაში წამყვანი ტელეკომ ოპერატორის, Vodafone-ის პარტნიორს საქართველოში, სელფი მობაილს  შესაძლებლობა აქვს მის კლიენტებს გაუზიაროს ევროპაში აპრობირებული საუკეთესო ბიზნეს პრაქტიკა და შესთავაზოს Vodafone-ის პროდუქტები. მოხარული ვარ, რომ ამიერიდან ჩვენს მომხმარებლებს ვთავაზობთ მომსახურებას ახალ სივრცეში, რომელიც სრულადაა მორგებული მათთვის მაქსიმალური კომფორტის შექმნაზე.“- აცხადებს ხათუნა კოხრეიძე, სელფი მობაილის კორპორაციული გაყიდვების დეპარტამენტის ხელმძღვანელი.დამატებითი ინფორმაცია სელფი მობაილის კორპორაციული მომსახურების შესახებ იხილეთ: https://cellfie.ge/ka/b2b/mobile

1748519801

საკითხის შესწავლის ფარგლებში, GCCA-ის მიერ დადგინდა, რომ 2023 წელს, ქ. რუსთავის ავტობაზრობის ტერიტორიაზე, ავტოსადგომებით სარგებლობის სანაცვლოდ, მოპასუხე ეკონომიკური აგენტები არასამართლიანად მაღალი ფასებით ოპერირებდნენ. ფასის გაზრდა განხორციელდა ორჯერ და მეტად, რამაც - 1 საპარკინგე ადგილის დღიურ ტარიფსა და ,,ხარჯი პლუს მარჟას" შორის სხვაობა ჭარბად დააფიქსირა. საბოლოოდ, აღნიშნული ქმედება სააგენტოს მიერ შეფასდა, როგორც დომინანტური მდგომარეობის ბოროტად გამოყენება, რაც არასამართლიანად მაღალი ფასის დაწესებაში გამოიხატა.სააგენტოს გადაწყვეტილებით, ორივე მოპასუხე ეკონომიკურ აგენტს (მოკვლევის შედეგად, ორივე კომპანია განისაზღვრა ერთიან ეკონომიკურ სუბიექტად) სანქციის სახით ჯამურად - 848 276 ლარის ოდენობით  ჯარიმა დაეკისრათ. ასევე, მოკვლევის ფარგლებში, ორივე მოპასუხე კომპანია, სააგენტოსთვის ინფორმაციის არასრულყოფილად მიწოდების გამო, 3-3 ჯერ დაჯარიმდა - ჯამში 26 000 ლარით, ხოლო საბოლოოდ ინფორმაციის მიღება  სასამართლოს შუამდგომლობით განხორციელდა.შესაბამის სექტორში, კონკურენტული გარემოს გაუმჯობესების და სამომავლოდ დომინანტური მდგომარეობის ბოროტად გამოყენების თავიდან აცილების მიზნით, სააგენტომ განსახილველად სავალდებულო რეკომენდაცია გასცა. რეკომენდაციის თანახმად, სააგენტოს მიერ მიღებული გადაწყვეტილების და საერთაშორისო პრაქტიკის გათვალისწინებით, დომინანტური მდგომარეობის მქონე ეკონომიკურმა აგენტებმა - მომსახურების/პროდუქციის საფასო პოლიტიკა უნდა აწარმოონ იმგვარად, რომ ფასის დადგენამდე კონკურენციის საწინააღმდეგო რისკები შეაფასონ და გაითვალისწინონ.GCCA-ის მიერ მიღებული გადაწყვეტილება, ერთი თვის ვადაში, მოპასუხე ეკონომიკურ აგენტებს შეუძლიათ თბილისის საქალაქო სასამართლოში გაასაჩივრონ.

1747982463

ნათია ჯანაშია და დავით ცეცხლაძე ირაკლი გილაურისა და სს „საქართველოს კაპიტალის“ მიერ სკოლებისა და დამფუძნებლების მიმართ განხორციელებულ უკანონო ქმედებებს, ნათია ჯანაშიასა და დავით ცეცხლაძის წილის მითვისების მცდელობას, მათთვის ზიანის მიყენებას, სკოლების „ბრუტალური ოკუპაციას“, დამფუძნებლის არასრულწლოვანი შვილების დისკრიმინაციას, დამფუძნებლების საკუთრების უფლების ხელყოფას, თვითნებობასა და სხვა შესაძლო დანაშაულებრივი ქმედებების გამო ედავებიან.ნათია ჯანაშია და დავით ცეცხლაძე მანამდე გამოქვეყნებულ არაერთ პუბლიკაციაშიც აცხადებდნენ, რომ სს „საქართველოს კაპიტალი“ გაერთიანებულ სამეფოში რეგისტრირებული კომპანიის, Georgia Capital PLC შვილობილი კომპანიაა და ორივე ორგანიზაციას ერთი და იგივე გუნდი მართავს ირაკლი გილაურის ხელმძღვანელობით. მათი თქმით, ეს კომპანია, ფაქტობრივად, საქართველოში ოპერირებისთვის გამოიყენება, საქართველოში განხორციელებული უკანონო ქმედებებთან დაკავშირებული, Georgia Capital PLC-სთვის შესაძლო სამართლებრივი პასუხისმგებლობის თავიდან აცილების მიზნით. სწორედ Georgia Capital PLC-სა და მისი შვილობილი კომპანიების მიმართ წამოიწყეს სამართლებრივი დავა ნათია ჯანაშიამ და დავით ცეცხლაძემ გაერთიანებული სამეფოს მართლმსაჯულების უმაღლეს სასამართლოში (High Court of Justice, Business and Property Courts of England and Wales). ნათია ჯანაშიას და დავით ცეცხლაძის ადვოკატების თქმით, აღნიშნული დავის ფარგლებში, გამოყენებული იქნება ყველა სამართლებრივი მექანიზმი, მათ შორის ისეთიც, რომელიც საქმის არსებითად გადაწყვეტამდე ნათია ჯანაშიასა და დავით ცეცხლაძისათვის Georgia Capital PLC-სა და მისი შვილობილი კომპანიების მხრიდან შემდგომი ზიანის მიყენების შესაძლებლობას შეზღუდავს.აღნიშნული საინვესტიციო კომპანიების შესაძლო დანაშაულებრივი ქმედებების შესწავლის მიზნით მიმართეს სკოლების დამფუძნებლებმა გაერთიანებულ სამეფოში არსებულ მარეგულირებელ ორგანოებსაც, კერძოდ, ისეთ ორგანიზაციებს, როგორიცაა: The Financial Conduct Authority (FCA); The Financial Reporting Council (FRC); The UK’s National Crime Agency (NCA); Foreign, Commonwealth & Development Office (FCDO) და Office of Financial Sanctions Implementation (OFSI). ნათია ჯანაშია და დავით ცეცხლაძე ითხოვენ ირაკლის გილაურის სანქცირებასა და Georgia Capital PLC-ს გარიცხვას ლონდონის საფონდო ბირჟიდან.სკოლების დამფუძნებლების თქმით, „საქართველოს კაპიტალისა“ და მისი შვილობილი კომპანიის „საქართველოს განათლების ჯგუფის“ უკანონო ქმედებებთან დაკავშირებით ფაქტების შესწავლა დაწყებულია საქართველოში არსებულ მარეგულირებელ ორგანიზაციებშიც - საქართველოს ეროვნულ ბანკსა და განათლების ხარისხის განვითარების ეროვნულ ცენტრში. ნათია ჯანაშიასა და დავით ცეცხლაძის შვილების მიმართ განხორციელებული დისკრიმინაციული ქმედებებიდან გამომდინარე, უფლების სავარაუდო დარღვევის ფაქტების შესწავლა მიმდინარეობს საქართველოს სახალხო დამცველთანაც.ამასთან, სკოლების დამფუძნებლების ადვოკატების თქმით, დაწყებულია გამოძიება სისხლისსამართლებრივი ქმედების - თვითნებობის ფაქტებზეც, რომელშიც ფიგურირებს „საქართველოს კაპიტალის“ მმართველი დირექტორი და სკოლების თვითმარქვია დირექტორი გიორგი კეთილაძე, რომელიც, ადვოკატების მტკიცებით, ირაკლი გილაურის დავალებით მოქმედებს.ადვოკატების თქმით, სკოლის დამფუძნებლების მიმართვის საფუძველზე, „საქართველოს კაპიტალის“ შვილობილი კომპანიის - შპს „საქართველოს განათლების ჯგუფის“ იმ უძრავი ქონების მიმართ, რომლითაც „ინვესტორს“ ინვესტიციის ნაწილი უნდა განეხორციელებინა, მაგრამ ეს ვალდებულება არ შეასრულა და პირიქით, თავისი კერძო საკუთრების გასაუმჯობესებლად მიითვისა სკოლის კუთვნილი სამ მილიონ ლარზე მეტი, სასამართლოს მიერ გამოყენებულია აკრძალვა სარჩელის უზრუნველყოფის ღონისძიების სახით. ამასთან, ნათია ჯანაშიასა და დავით ცეცხლაძისთვის ცნობილი გახდა, რომ ირაკლი გილაური სკოლების დამფუძნებლების მიმართ უკანონო ქმედებების განსახორციელებლად აქტიურად იყენებს დაკავშირებული კომპანიის - სს „საქართველოს ბანკის“ ადამიანურ რესურსს, რასაც, მათი თქმით, შესაბამისი სამართლებრივი შეფასება მიეცემა და მარეგულირებელი ორგანოს შესწავლის საგანი გახდება.შპს „ბრიტანულ–ქართული აკადემიისა“ და შპს „თბილისის ბრიტანული საერთაშორისო სკოლის“ დამფუძნებლების ბრძოლა ირაკლი გილაურისა და Georgia Capital PLC-ის შვილობილი კომპანიების მიმართ გრძელდება როგორც საქართველოში, ისე გაერთიანებულ სამეფოში.ნათია ჯანაშია და დავით ცეცხლაძე ირწმუნებიან, რომ სიმართლე გაირკვევა და გილაურსა და მასთან დაკავშირებულ პირებს არ მიეცემათ დამფუძნებელი პარტნიორის წილისა და სკოლების საბოლოო მიტაცების შესაძლებლობა და ყველა მათგანი უმკაცრესად აგებს პასუხს კანონის წინაშე.  (R)

1747896832

სწავლება ჯორჯიან უოთერ ენდ ფაუერის სასწავლო ცენტრის ბაზაზე ჩატარდება. კურსს საერთაშორისო სტანდარტების მცოდნე დარგის წამყვანი სპეციალისტები გაუძღვებიან.განათლების ხარისხის განვითარების ეროვნული ცენტრის მიერ, წყალმომარაგებისა და წყალარინების დარგში საქართველოში პირველი აკრედიტებული პროფესიული სასწავლო კურსის წარმატებით დასრულების შემდეგ, კურსდამთავრებულები სახელმწიფოს მიერ აღიარებულ სერტიფიკატს მიიღებენ, რომელიც მათ მაღალ პროფესიულ კვალიფიკაციასა და კონკურენტუნარიანობას დაადასტურებს.ჯივიპის მრავალწლიანი გამოცდილებისა და საერთაშორისო სტანდარტებთან შესაბამისობის საფუძველზე შემუშავდა ორი ძირითადი სასწავლო პროგრამა: წყალმომარაგების ქსელების ექსპლუატაცია და რემონტი და წყალარინების ქსელების ექსპლუატაცია და რემონტი.პროგრამები ყოველწლიურად 70-ზე მეტ მონაწილეზეა გათვლილი და მიზნად ისახავს მაღალკვალიფიციური, სანდო და პრაქტიკული ცოდნით აღჭურვილი სპეციალისტების მომზადებას.პროექტი მნიშვნელოვან წვლილს შეიტანს სექტორის პროფესიული სტანდარტების გაუმჯობესებასა და დარგის სტაბილურ განვითარებაში, რაც კრიტიკულად მნიშვნელოვანია ქვეყნის წყალმომარაგებისა და ინფრასტრუქტურული მდგრადობის უზრუნველსაყოფად.

1747220871

APM Terminals - ს ფოთი მთავარი გამტარია საქართველოსა და კავკასიის რეგიონისთვის. მისი, როგორც ჰაბის, მნიშვნელობა სულ უფრო იზრდება ცენტრალური აზიის ქვეყნებისთვის, რომლებიც ლოგისტიკური მარშრუტების დივერსიფიკაციას ცდილობენ.როგორც GBC-ს კომპანიაში განუცხადეს, APM Terminals-ს ემატება ახალი საკონტეინერო სივრცე და 50 000 TEU წლიური გამტარუნარიანობა, რომლის შედეგადაც, კომპანიის ჯამური გამტარუნარიანობა  600,000 TEU-მდე გაიზრდება.„კომპანიის საოპერაციო გუნდი უკვე წარმატებით ახორციელებს ოპერაციების ოპტიმიზაციას და პორტში დაყოვნების დროის შემცირებას. ამისთვის უკვე შემუშავებულია წინასწარი დასაწყობების პრაქტიკა, რომლის ფარგლებშიც საკონტეინერო გემებისთვის კონტეინერები პორტის გარეთ არსებული ტერმინალებიდან წინასწარ შემოდის და ადგილზე ინახება. ამ გზით, კომპანია ცდილობს შეინარჩუნოს ოპერაციების მაღალი ეფექტიანობა და ამავდროულად გაზარდოს პორტის კონკურენტუნარიანობა შავი ზღვის რეგიონში“, - აცხადებენ კომპანიაში.მათივე თქმით, დამატებითი სივრცე საშუალებას იძლევა გაფართოვდეს წინასწარი დასაწყობების შესაძლებლობები. ამასთანავე, გაზრდილი სასაწყობო სივრცე შესაძლებელს ხდის  ისეთი საპროექტო ტვირთების შემოტანას, რომელთა მიღება აქამდე, შეზღუდული ინფრასტრუქტურისა თუ სივრცის გამო, საქართველოში ვერ ხერხდებოდა.APM Terminals-ი გეგმავს, რომ გაზრდილი შესაძლებლობები გამოიყენოს სამხრეთ კავკასიიდან და ცენტრალური აზიიდან დამატებითი ტვირთის მოსაზიდად, რაც მათივე თქმით, ხაზს უსვამს გუნდის ერთგულებას საქართველოს, როგორც რეგიონის მნიშვნელოვანი და მზარდი სატრანსპორტო ჰაბის განვითარებისადმი.

1746699720

მაისის შეხვედრების განრიგი: პირველი ტრენინგი 16 მაისს, ონლაინ ფორმატში, სტრატეგიული მენეჯმენტის თემატიკაზე ჩატარდება და მას ბიზნესკონსულტანტი, მირანდა მანჯგალაძე გაუძღვება. მეორე შეხვედრა 20 და 23 მაისს, ასევე, ონლაინ ფორმატში გაიმართება და ის შემდეგ თემატიკას დაეთმობა - SOE და AI ციფრულ მარკეტინგში. ტრენინგს ციფრული მარკეტინგის სპეციალისტი, ალექსანდრე ჩომახიძე ჩაატარებს. მესამე ტრენინგი, ფიზიკურ სივრცეში, 22 მაისს გაიმართება და ის ESG თემატიკას - „ბიზნესის გზა მდგრადობისკენ - შექმენი მწვანე მომავალი” დაეთმობა. შეხვედრას  საერთაშორისო კომპანია „დეველორი“ გაუძღვება. ტრენინგის ფარგლებში, განხილული იქნება ისეთი საკითხები, როგორებიცაა: მწვანე დაფინანსება, მწვანე ინიციატივების უპირატესობები და გამოწვევები.  22 მაისს გაიმართება კიდევ ერთი ონლაინ ტრენინგი საგადასახადო საკითხების თემატიკაზე. ტრენერი, დავით პაპიაშვილი საქართველოში მოქმედი გადასახადების გადახდის ვალდებულებების წარმოშობის ძირითად პრინციპებზე ისაუბრებს და მათი გამოანგარიშების პრაქტიკულ მაგალითებს განიხილავს. მაისის  თვის ბოლო, მეხუთე ტრენინგი, 27 და 28 მაისს, საცალო ქსელებთან მოლაპარაკების სტრატეგიების შეეხება და მას ბიზნესკონსულტანტი, ია ნადირაშვილი გაუძღვება. თიბისის ბიზნესგანათლების პროგრამაში ჩართვა თიბისის ბიზნესმომხმარებლებს წინასწარი რეგისტრაციით შეუძლიათ, ბმულზე, სადაც კურსების შესახებ დეტალური ინფორმაციის მიღებაცაა შესაძლებელი.კურსებზე დასწრება უფასოა და ის ბიზნესგანათლების ხელმისაწვდომობასთან ერთად, ბიზნესის წარმომადგენლებისთვის უახლესი და მათთვის სასარგებლო ინფორმაციის გაზიარებას ისახავს მიზნად.

1746687803

ბიზნესკურსის ერთ-ერთი სტუდენტია ლიკუნა ლომთათიძე, რომელმაც ელექტრონული კომერციის კურსი გაიარა. ლიკუნა არტ დირექტორი და კონცეპტუალური სთორითელერია. თანამშრომლობს როგორც ქართულ, ისე საერთაშორისო ბრენდებთან. 5 წელია, რაც კრეატივის, ბრენდინგისა და რეკლამის სფეროშია დასაქმებული, ცოტა ხნის წინ კი მუშაობა ბერლინში დაფუძნებულ საკომუნიკაციო და PR სააგენტო aktcomm-ში დაიწყო.იგი გვიამბობს, თუ რატომ დაინტერესდა საქართველოს ბანკის ბიზნესკურსით და რამდენად კმაყოფილია მიღებული ცოდნით:რას საქმიანობთ და რატომ დაინტერესდით ბიზნესკურსით?გულის სიღრმეში ძალიან ცნობისმოყვარე ადამიანი ვარ. ყოველთვის მაოცებდა კრეატივის შესაძლებლობები და მასშტაბი, მაგრამ არანაკლებ მიმზიდველი და საინტერესო იყო ბიზნესის მხარეც. სწორედ ამიტომ, ვგეგმავ ჩემი “boutique advertising agency”-ს ჩამოყალიბებას და მოდის ინდუსტრიაში ბიზნესის დაწყებას. ჩემი მიზანია, შევქმნა ისეთი რაღაც, რაც შემოქმედებითი და არაორდინალურია, თუმცა ამავდროულად — ჭკვიანური, სტრატეგიული და მოგებიანი.საქართველოს ბანკის ელექტრონული კომერციის კურსმა ჩემი ყურადღება მიიქცია, რადგან ის ჩემთვის საინტერესო ორ სამყაროს აერთიანებდა: კრეატიულობასა და ბიზნესს. გამოცდილების ძიების პროცესში მივხვდი, რომ მხოლოდ კარგი იდეები საკმარისი არაა, არამედ ისიც უნდა იცოდე, თანამედროვე ბაზარზე მათი პოზიციონირება და გაყიდვა როგორ უნდა მოახერხო. ამ კურსმა კი როგორც შემოქმედებით მეწარმეს, მომცა ინსტრუმენტები, რომლებიც სუფთა იდეებიდან რეალურ სამყაროში გასვლაში დამეხმარა,თავიდან როგორ აღმოაჩინეთ Businesscourse.ge და რატომ გადაწყვიტეთ რეგისტრაცია?ეს კურსი პირველად სოციალური ქსელების დახმარებით აღმოვაჩინე და ჩემი ყურადღება მალევე მიიპყრო. მთავარი ფაქტორი ის აღმოჩნდა, რომ კურსი ორგანიზებული იყო საქართველოს ბანკის მიერ, რომელსაც საქართველოში ერთ-ერთ ყველაზე პროგრესულ კომპანიად მივიჩნევ. ჩავთვალე, რომ თუ დიდი ბანკი ასეთ საგანმანათლებლო პროგრამაში ინვესტიციას ახორციელებს, ეს ნამდვილად ღირებული იქნებოდა. კურსზეც დავრეგისტრირდი, რადგან ისეთი უნარების შეძენა მსურდა, რომლებიც იდეებს მოქმედებაში მოიყვანდა და საკუთარი ბიზნესის დაწყებაში დამეხმარებოდა.გვიამბეთ, როგორი იყო სწავლის პროცესი?სასწავლო პროცესი სასიამოვნო და ინფორმაციული იყო. კურსი შედგებოდა მოკლე წინასწარ ჩაწერილი ვიდეოებისგან, რომელთა აღქმა ძალიან მარტივი იყო. კურსი რამდენიმე საათში დავამთავრე, ეს ფაქტი კი ძალიან მომეწონა, რადგან იყო იდეალური ხანგრძლივობის, ნაკლებად გადატვირთული და ამასთანავე — ღირებულებით სავსე. რაც შეეხება ლექტორს, ყველაფრის ნათლად ასახსნელად მას შესანიშნავი ხერხი ჰქონდა, თხრობა კი მთელი დროის განმავლობაში ძალიან სასიამოვნო იყო. კურსი დაიწყო ელექტრონული კომერციის ზოგადი მიმოხილვით, შემდეგ გადავიდა პრაქტიკულ ინსტრუმენტებზე, პლატფორმის ვარიანტებსა და მათი ეფექტურად გამოყენების გზებზე.როგორ შეაფასებდით მიღებულ ცოდნას? დაგეხმარათ თუ არა პრაქტიკულ საქმიანობაში?ელექტრონული კომერციის კურსი მხოლოდ თეორიული გაკვეთილებისგან არ შედგება, არამედ კურსი მოიცავს რეალურ ინსტრუმენტებს, პლატფორმებსა და მიდგომებს, რომლებიც უშუალოდ ბიზნესის დაწყებას ან მართვას ეხება. ჩემთვის ამგვარი მიდგომა ძალიან სასარგებლო იყო. რადგან ამჟამად ვმუშაობ როგორც კრეატიული სააგენტოს, ასევე ონლაინ მოდის ბრენდის შექმნის პროცესზე, ამ კურსმა კი ნათელი საწყისი წერტილი მომცა — ადრე მქონდა შემოქმედებითი ხედვა, მაგრამ არ ვიყავი დარწმუნებული, თუ როგორ წარმემართა ბიზნესის მხარე. ახლა კი მესმის, როგორ ვიფიქრო სტრატეგიულად: როგორ ავირჩიო პლატფორმები და დავწერო ბიზნეს და შემოქმედებითი გეგმა, რომელიც ბიზნეს  სამყაროში მუშაობს.რას ურჩევდით მათ, ვინც ჯერ კიდევ ფიქრობს Businesscourse.ge-ზე დარეგისტრირდეს თუ არა?თუ ამ კურსების გავლას ფიქრობთ, ასეც მოიქეცით. მნიშვნელობა არ აქვს რა გამოცდილება გაქვთ — ჩემნაირად შემოქმედებით ინდუსტრიას მიაკუთვნებთ თავს თუ უფრო ბიზნესზე ხართ ორიენტირებული, რადგან ბიზნესკურსი ღირებულ ინფორმაციას გთავაზობთ.ბიზნესკურსი გაძლევთ პრაქტიკულ ინსტრუმენტებს, რეალურ სტრუქტურასა და თავდაჯერებულობას, რომ იდეები მოგებიან ბიზნესად აქციოთ. მივხვდი, რომ არ არის საჭირო დაელოდო როდის იქნები "მზად", უბრალოდ საჭიროა სწორი საფუძველი და ეს კურსი ზუსტად ამას გაძლევს.თუ თქვენ ხართ ცნობისმოყვარე, ამბიციური ან უბრალოდ გსურთ გაიგოთ, როგორ გადააქციოთ თქვენი უნარები და ოცნებები რეალობად, ბიზნესკურსი იდეალური პირველი ნაბიჯია. ზოგჯერ უმნიშვნელო გადაწყვეტილებამ, მაგალითად, ონლაინ კურსზე დარეგისტრირებამ, შეიძლება თქვენი ოცნების მომავლის კარი გააღოს.აღსანიშნავია, რომ ბიზნესკურსი საქართველოს ბანკის ბიზნეს განათლებისა და ბიზნეს 360°-ის შემადგენელი ნაწილია. მასზე ხელმისაწვდომია 60-მდე კურსი სხვადასხვა თემატიკაზე. ხოლო ბიზნეს 360° ციფრული პლატფორმაა, რომელიც ყველა იმ შესაძლებლობას აერთიანებს, რასაც საქართველოს ბანკი მცირე და საშუალო ბიზნესისთვის ქმნის — იქნება ეს საგანმანათლებლო პროექტები, განვითარებაზე ორიენტირებული პროგრამები, შეთავაზებები, ღონისძიებები, სექტორული კვლევები თუ სხვა.

1746537530

„წლის განმავლობაში ჩვენ გავაძლიერეთ ოპერირება ერთ-ერთ სტრატეგიულ ქვეყნაში, საქართველოში, სადაც ჩვენი პირველი სამწლიანი სატარიფო გეგმა დამტკიცდა. გარდა ამისა, დავამტკიცეთ 2024-2026 წლების სტრატეგიული მდგრადობის გეგმა. საქართველოში საინვესტიციო გეგმის დასაფინანსებლად გამოვუშვით 300 მილიონი დოლარის ოდენობის მწვანე ობლიგაცია, რაც შესაბამისობაშია Aqualia-სთვის მნიშვნელოვან მდგრადი განვითარების მიზნებთან.Aqualia-სთვის საქართველოს ბაზარზე ოპერირება ერთ-ერთი უმნიშვნელოვანესი გადაწყვეტილება იყო. ჩვენ დედაქალაქსა და მიმდებარე ტერიტორიებზე 1.4 მილიონ ადამიანს ვემსახურებით მარეგულირებლის მიერ დამტკიცებული სამწლიანი სატარიფო პირობებითა  და  ჩვენს მიერ დამტკიცებული საინვესტიციო გეგმით.აღსანიშნავია, რომ განსხვავებით სხვა ქვეყნებისგან, საქართველოში ტარიფების დაგეგმვის მექანიზმი ინფრასტრუქტურის მოვლა-პატრონობასთან ერთად, მის განახლებასაც მოიცავს. ეს არის პროგნოზირებული და რეგულირებადი პროცესი, რაც შესაბამისად უზრუნველყოფს განვითარების მეტ სტაბილურობას. საქართველოს აქვს რეგულირების გამართული მექანიზმები, სამწლიანი ტარიფების გადახედვით, რომელიც დაფუძნებულია აუდირებულ საინვესტიციო გეგმებსა და კაპიტალურ და საინვესტიციო ხარჯებზე”, - აცხადებს  Aqualia-ს გენერალური დირექტორი.ლაფუენტეს თქმით, Aqualia-ს უპირატესობა კომპანიის მასშტაბთან ერთად არის უნარი, შექმნას დამატებითი ღირებულება, სადაც არ უნდა იყოს. “ჩვენ არ ვართ კომპანია, რომელიც მხოლოდ ერთჯერად კონტრაქტებზეა ორიენტირებული. გვსურს დავრჩეთ, ვინტეგრირდეთ და გვქონდეს თანაბრად მაღალი სტანდარტები  მსოფლიოს ნებისმიერ წერტილში.Aqualia-ს ძლიერი მხარე მომსახურების ერთიანი ფილოსოფიაა, რომელსაც ვნერგავთ როგორც პატარა, ისე დიდ და საშუალო მუნიციპალიტეტებში.”გენერალური დირექტორი აღნიშნავს, რომ 2024 წელი Aqualia-სთვის გამორჩეული წელი იყო. კომპანიაში შეიმუშავეს მდგრადი განვითარების მკაფიო სტრატეგია. პროგრესს მიაღწიეს ყველა ძირითად სფეროში, როგორიცაა  საერთაშორისო ზრდა, ციფრული ტრანსფორმაცია, მდგრადობა და ფინანსური სიძლიერე.პუბლიკაციის თანახმად, Aqualia, ერთ-ერთი წამყვანი წყლის მართვის კომპანია ევროპაში, ახალ ეტაპზე გადავიდა ახალი გენერალური დირექტორის ხელმძღვანელობით. სანტიაგო ლაფუენტე, რომელსაც მრავალწლიანი გამოცდილება აქვს ინფრასტრუქტურისა და მდგრადი განვითარების სფეროში, სათავეში უდგას კომპანიის სტრატეგიულ განვითარებას და ტრანსფორმაციას, რომელიც მიზნად ისახავს წყლის რესურსების უფრო ეფექტიან და მდგრად მართვას მსოფლიო მასშტაბით.

1746533382

კერძოდ, პორტირებულ აბონენტებს, 12 თვის განმავლობაში, ყოველთვე საჩუქრად 1GB ინტერნეტთან და 100 წუთი ყველა ქსელზე  ერთად, დამატებით შეუძლიათ გაიაქტიურონ ულიმიტო პაკეტები სპეციალურ ფასად, პორტირებიდან 1 თვის განმავლობაში:· ექნებათ ყველაფერი ულიმიტო – ზარები, SMS და ინტერნეტი ერთ პაკეტში მხოლოდ ₾20· ულიმიტო მობილური ინტერნეტი მხოლოდ ₾16პაკეტების გააქტიურება შესაძლებელია აპლიკაციიდან MyCellfie და სელფის მაღაზიებში.პორტირების დეტალები იხილეთ ვებგვერდზე.

1746185456