GE EN
სხვა სიახლეები
ეკატერინე მიქაბაძემ Diversity Network-ს სამუშაო შეხვედრაში მიიღო მონაწ...

Diversity Network-ის შეხვედრაზე, რომელიც ვირტუალურ ფორმატში გაიმართა, ჯგუფის წევრებმა თავმჯდომარედ საბერძნეთის ფასიანი ქაღალდების კომისიის თავმჯდომარე, ვასილიკი ლაზარაკოუ, აირჩიეს. გარდა აღნიშნულისა, გაერთიანების წევრებმა დაამტკიცეს Diversity Network-ის სამუშაო პირობები და იმსჯელეს შემდგომ ნაბიჯებზე.აღსანიშნავია, რომ IOSCO-მ Diversity Network-ის შექმნის შესახებ განცხადება 2023 წლის დეკემბერში გააკეთა. სამუშაო ჯგუფის შექმნის მიზანს IOSCO-ს წევრ ორგანიზაციებში მრავალფეროვნებისა და ინკლუზიური გარემოს შექმნის წახალისება წარმოადგენს. გაერთიანება IOSCO-ს მმართველი საბჭოს მხარდაჭერით შეიქმნა და მისი მეშვეობით შესაძლებელი იქნება მრავალფეროვნების კუთხით არსებული მოწინავე მარეგულირებელი ჩარჩოს, გამოცდილების, იდეებისა და სხვადასხვა ინიციატივების გაზიარება ვებინარების, სემინარების და მენტორული პროგრამების მეშვეობით. ამ ეტაპზე, საქართველოს ეროვნულ ბანკთან ერთად, ჯგუფში გაწევრიანებულია 18 ქვეყნის/იურისდიქციის (მათ შორის, აშშ, დიდი ბრიტანეთი, შვეიცარია, საფრანგეთი, იაპონია, ინდოეთი, კანადა, საბერძნეთი, ევროკავშირი (ESMA-ს სახით)) საზედამხედველო ორგანოები.შეგახსენებთ, რომ საქართველოს ეროვნული ბანკი ფასიანი ქაღალდების კომისიების საერთაშორისო ორგანიზაციის (IOSCO) წევრი და მრავალმხრივი ურთიერთგაგების მემორანდუმის ხელმომწერი 2021 წლის აგვისტოში გახდა. აღნიშნული სტატუსი ერთი მხრივ ხელს უწყობს ინვესტორების ნდობისა და ინტერესის ზრდას საქართველოს ფასიანი ქაღალდების ბაზრის მიმართ - მეორე მხრივ კი, ამყარებს საქართველოს ეროვნული ბანკის, როგორც ფასიანი ქაღალდების ბაზრის რეგულატორის რეპუტაციას.

1712930940

ოლაფ შოლცი საქართველოს გერმანიის აქტიურ პარტნიორობას დაჰპირდა

ოლაფ შოლცის თქმით, გერმანია იყო და არის საქართველოსა და მისი ევროპული პერსპექტივის მხარდამჭერი.„ამიტომაც ჩვენ ძალიან ბევრ შეხვედრაზე ვზრუნავდით  და მხარს ვუჭერდით ყოველთვის იმას, რომ საქართველოს მიეღო კანდიდატის სტატუსი და წარმატებით მივაღწიეთ ამას. რა თქმა უნდა, ამაზე ვერ შევჩერდებით, არის ძალიან გრძელი კატალოგი იმის, რაც გასაკეთებელია ჯერ კიდევ. იცით თქვენ ეს კრიტერიუმები, ცნობილია ის თქვენთვის და ეს საჭიროა სამართლებრივი რეჟიმისთვის, რომელიც ევროპასთან არის დაკავშირებული. ეს გახლავთ ეკონომიკური და სამართლებრივი საკითხები, საკითხები, რომლებიც ევროპულ შიდა ბაზარს ეხება, ერთიანი საგარეო უსაფრთხოების პოლიტიკა, სადაც ასევე ინტეგრაცია უნდა მოხდეს და მიჰყვეს საქართველო ევროპის და ევროკავშირის მასშტაბს, აქვე შედის ინსტიტუციონალური რეფორმები, სამართლებრივი სახელმწიფოს რეფორმები,  დემოკრატიული რეფორმები და ა.შ. ჩვენ აქტიური პარტნიორი ვიქნებით საქართველოსი, რაც შეიძლება მალე და რაც შეიძლება მეტი წარმატება მიაღწიოს საქართველომ ევროპისკენ მიმავალ გზაზე და იმ კრიტერიუმების შესრულების გზაზე, რომელიც საჭიროა ამისთვის", -  განაცხადა გერმანიის ფედერალურმა კანცლერმა.

1712926817

წელს $300 მილიონით ნაკლები სავალუტო სესხი გაიცემა

საფინანსო ბაზრისთვის დოლარიზაცია კვლავ რისკად რჩება, ზედამხედველისთვის კი პრიორიტეტად – დედოლარიზაცია.სების ფინანსური სტაბილურობის დეპარტამენტის ხელმძღვანელის დავით უტიაშვილის ინფორმაციით, სწორედ დოლარიზაციის მოთოკვას ემსახურება სავალუტო დაკრედიტების ₾300 000-იანი ზღვრის, 400 000 ლარამდე გაზრდა.არაჰეჯირებული კლიენტი, რომელიც იანვრიდან უკვე ვეღარ იღებს  >200 000 ლარის ეკვივალენტს უცხოურ ვალუტაში, 1 მაისიდან 300 000 ლარიდანაც ვეღარ აიღებს.დავით უტიაშვილის განმარტებით, რეგულატორის ეს ნაბიჯი, წლიურად, სავალუტო სესხების გაცემებს $150 მლნ-ით შეამცირებს, წინა აწევა, კი $180 მლნ-იან კლებაზე იყო გათვლილი.აღნიშნულ მიზანზე სებ-ის ფინანსური სტაბილურობის დეპარტამენტის ხელმძღვანელმა "ბიზნესი რუსთავი 2-ის" ეთერშიც განაცხადა.აღნიშნა, რომ სავალუტო დაკრედიტების წლიური ზრდის ტემპი არ მიიჩნევა მდგრადად და სებ-ისთვის არ არის საკმარისი. ამასთან მისი თქმით, ლარის სასესხო განაკვეთები იმდენად შემცირებულია, რომ სავალუტო მსესხებლისთვის გალარება მიმზიდველი ხდება, რადგან სასესხო ტვირთი არ უმძიმდება. მითუმეტეს, გლობალურად მაღალი სავალუტო განაკვეთების პირობებში.ევროპის ცენტრალურ ბანკს და აშშ-ს ფედრეზერვს კი აქვს დაანონსებული განაკვეთის შემცირება, თუმცა ბიჯი იმდენად მცირე იქნება, რომ სავალუტო სესხის მიმზიდველობას ვერ გაზრდის. მონეტარული პოლიტიკის შერბილება სასესხო განაკვეთს 2 ნლის წინანდელ ნიშნულზე ვერ დააბრუნებს (2020-2021 ევროში -4-6%; აშშ დოლარში 7-9% იყო).რუსთავი 2-ზე უტიაშვილმა განაცხადა, რომ დედოლარიზაციის საჭიროებაზე, ზედამხედველს სექტორიც ეთანხმება, იმის მიუხედავად, რომ ნებისმიერი რეგულაცია ბანკებისთვის ტრადიციულად  არასდროსაა მოსაწონი. მაღალი დოლარიზაცია სექტორისთვისაც დიდი რისკია.ამასთან, სებ-ი გააგრძელებს ბაზრის დაკვირვებას, ₾100 000-ით გაზრდილი ზღვრის პირობებშიც, რასაც იანვრიდან უკვე აკვირდება და საჭიროების შემთხვევაში, ან კიდევ გაზრდის ან შეამცირებს. 

1712926629

„საქართველოს ელექტროენერგიის ბაზარი: სამომავლო პერსპექტივები" - თიბისი...

საქართველოს ელექტროენერგიის ბაზარზე, ბოლო 28 წლის განმავლობაში, 1996 წელს სათბობ-ენერგეტიკის სამინისტროს შექმნიდან, 2023 წელს ელექტროსადგურების მშენებლობის ხელშემწყობი ახალი მექანიზმის ამოქმედებით დასრულებული, არაერთი გარდამტეხი ცვლილება განხორციელდა.2015-2023 წლის პერიოდში, საქართველოში ელექტროენერგიის სექტორში ჯამურად 1.2 მილიარდი დოლარის ინვესტიცია განხორციელდა. ელექტროენერგიის ჯამური დადგმული  სიმძლავრე 549 მგვტ-ით გაიზარდა. დღევანდელი მდგომარეობით, საქართველოს ჰიდროენერგიის მაქსიმალური პოტენციალის 47%, ქარის ენერგიის - 2%, მზის ენერგიის კი 0% აქვს ათვისებული.ელექტროენერგიის მოხმარების გრძელვადიანი ტენდენცია მზარდია. 2023 წელს მოხმარება, ძირითადად, მსხვილი კონტრაქტორების ხარჯზე შემცირდა, რაც ეპიზოდურ მოვლენას წარმოადგენს.სექტორებში ყველაზე მეტ ელექტროენერგიას მეტალურგია მოიხმარს. 2023 წელს მეტალურგიის შემდეგ, ყველაზე მეტი ელექტროენერგია წარმოების სექტორმა, კრიპტოინდუსტრიამ, წყალმომარაგებამ და სატრანსპორტო ინდუსტრიამ მოიხმარეს. თუმცა მეტალურგიასა და კრიპტოინდუსტრიაში ელექტროენერგიის მოხმარებამ, 2022-2023 წლებში, წინა წლებთან შედარებით, მნიშვნელოვნად იკლო. მეტალურგიის სექტორში კლება, რეგიონში გეოპოლიტიკური მდგომარეობის გაუარესებით და გლობალურად ფასების კლებით აიხსნება. კრიპტოინდუსტრიაში მოხმარების შემცირება კი, მსხვილი კომპანიების ქართული ბაზრიდან გასვლითაა გამოწვეული.დღეისთვის, ელექტროენერგიის ჯამური დადგმული სიმძლავრე დაახლოებით 4,600 მეგავატს შეადგენს. 2017 წლიდან, გარანტირებული სიმძლავრის შესყიდვის ტარიფებზე - PPA-ზე მორატორიუმის გამოცხადების შედეგად, დარგში ინვესტირება შენელდა. ახალი მხარდამჭერი მექანიზმი კი დარგის გააქტიურებას გამოიწვევს.2023 წელს ქვეყანაში გამომუშავებული ელექტროენერგიის 74% ჰიდროსადგურებმა, 26% - თბოსადგურებმა, 4.6% კი ქარის სადგურებმა გამოიმუშავეს. 2015-2023 წლებში, ჰიდროგენერაცია 28%-ით, თბოგენერაცია კი 42%-ით გაიზარდა. ზრდებს შორის სხვაობა განახლებადი რესურსების დამატებით საჭიროებაზე მიანიშნებს.აღსანიშნავია, რომ ბოლო წლებში, საქართველოს ენერგოსექტორი ნაკლებად ხდება იმპორტზე დამოკიდებული და გენერაციის მზარდი წილი გადის ექსპორტზე. 2023 წელს გენერაციის 10% გავიდა ექსპორტზე. იმპორტის წილმა მოხმარებაში კი 6% შეადგინა, რაც 2022 წელს 11% იყო.ელექტროენერგიის ბაზრის მომავალს შემდეგი მოვლენები და ტენდენციები განსაზღვრავს: საქართველოს ენერგოდამოუკიდებლობის და მდგრადი განვითარების მიზნები; ელექტროენერგეტიკული ბირჟა; ევროკავშირთან ინტეგრაცია; მსოფლიოში ელექტრონულ მოწყობილობებსა და ელექტროავტომობილებზე მოთხოვნის ზრდა; გეოპოლიტიკური დაძაბულობა და ევროპის ენერგოდამოუკიდებლობის საჭიროება; კლიმატის ცვლილება და მდგრადი ენერგო პოლიტიკა; მზის პანელების ფასის შემცირება/ტექნოლოგიების განვითარება და ელექტროენერგიით თვითუზრუნველყოფა.მაღალი ეკონომიკური აქტივობა ელექტროენერგიაზე მოთხოვნას  ზრდის. პროგნოზის მიხედვით, 2024 წელს ელექტროენერგიის მოხმარება წლიურად 5.1%-ით გაიზრდება. მოხმარების ზრდის განმაპირობებელი ფაქტორებია: შემოსავლების ზრდა, საცხოვრებელი პირობების გაუმჯობესება, ოჯახის ზომის შემცირება, ურბანიზაცია; საქართველოს სატრანსპორტო დერეფნის გააქტიურება; ელექტრონული მოწყობილობების მზარდი მოხმარება.2026 წლისთვის, ელექტროენერგიის გამომუშავება 16.3 ტვტ. საათს მიაღწევს, ძირითადად, ჰიდროენერგიის ხარჯზე.რაც შეეხება ექსპორტის პოტენციალს - საქართველოს მეზობელ ქვეყნებთან ენერგიის სტაბილური მიმოცვლის შესაძლებლობები აქვს, რაც მომდევნო წლებში კიდევ უფრო მეტად გაძლიერდება. თურქეთის ბაზარზე მოსალოდნელია მოთხოვნის უფრო სწრაფად ზრდა, ვიდრე გამომუშავების, რაც იმპორტის დამატებით საჭიროებას შექმნის.მომდევნო 3 წელიწადში, საქართველოში ელექტროენერგიის ჯამური საექსპორტო პოტენციალი 2.5 ტვტ. საათს გადააჭარბებს.2029 წელს დაგეგმილია შავი ზღვის წყალქვეშა კაბელის პროექტის გაშვება, რომელიც  წყალქვეშა მაღალი ძაბვის გადამცემი ქსელის მოწყობას და საქართველოსა და ევროპის ელექტროენერგეტიკული სისტემების  ერთმანეთთან დაკავშირებას ითვალისწინებს. 1,155 კილომეტრი სიგრძის კაბელი რუმინეთს დაუკავშირდება, რაც საქართველოსა და აზერბაიჯანს საშუალებას მისცემს, გაფართოებული საექსპორტო შესაძლებლობებით ისარგებლონ. ამასთან, პროექტის რეალიზაცია ხელს შეუწყობს ევროპისა და სამხრეთ კავკასიის რეგიონის ენერგეტიკული უსაფრთხოების გაძლიერებასა და განახლებადი ენერგიის სექტორის განვითარებას. პროექტის ფარგლებში, 2024 წლის ივლისში ტექნიკურ-ეკონომიკური კვლევა დასრულდება და გარემოსდაცვითი და სოციალური ზეგავლენის შეფასების რეპორტი მომზადდება."დარგში არსებული პოტენციალისა და ტენდენციების ჩვენი პარტნიორებისთვის გაზიარება, ძალიან დროული იყო რადგან იმისთვის, რომ ქვეყანამ გაიუმჯობესოს ენერგოუსაფრთხოება და შეამციროს იმპორტირებულ ენერგომატარებლებზე დამოკიდებულება, მაქსიმალურად უნდა ავითვისოთ არსებული განახლებადი რესურსი. სწორედ ქვეყნის ენერგოდამოუკიდებლობის მოპოვებას ემსახურება ყველა ის ჰესი, რომლებიც ჩვენი მხარდაჭერით ოპერირებს. თიბისის დაფინანსებით, საქართველოს მასშტაბით, ჯამში 42 ჰიდროელექტროსადგურია აშენებული ჯამური დადგმული სიმძლავრით 516 MW, საიდანაც 31 უკვე ოპერირებს, 11 კი მშენებლობის პროცესშია. აღსანიშნავია, რომ 2023 წელს ქვეყნის ელექტროენერგიის 65% სწორედ ჩვენი პარტნიორი ჰიდრო ობიექტების მიერ იყო გამომუშავებული. 15 წელიწადზე მეტია ენერგეტიკის სექტორს ვაფინანსებთ და პირველი ფინანსური ინსტიტუტი ვართ ბაზარზე, ვინც ამ დარგის პარტნიორი გახდა", - გიორგი თხელიძე, თიბისის გენერალური დირექტორის მოადგილე.

1712923292

კობახიძემ საქართველოს ევროინტეგრაცია საშუალოვადიან პერსპექტივად დაასახ...

როგორც მთავრობის მეთაურმა აღნიშნა, საქართველო გააგრძელებს რეფორმების განხორციელებას ევროკომისიის რეკომენდაციების ფარგლებში. „ჩვენ, ვაგრძელებთ რეფორმების პროცესს. ამას ვაკეთებთ ევროკომისიის მიერ დაფიქსირებული რეკომენდაციების ფარგლებში და იმედი გვაქვს, რომ საქართველოს მიერ განხორციელებული რეფორმები ჯეროვან შეფასებას დაიმსახურებს.ასევე ვისაუბრეთ სამხრეთ კავკასიის რეგიონში არსებულ უსაფრთხოების ლანდშაფტზე და მინდა ხაზი გავუსვა, რომ დღეს მიმდინარე პროცესების ფონზე  გერმანიის მხარდაჭერა საქართველოს სუვერენიტეტისა და ტერიტორიული მთლიანობის მიმართ განსაკუთრებულ მნიშვნელობას იძენს, რისთვისაც ბატონ ფედერალურ კანცლერს განსაკუთრებული მადლობა გადავუხადე", - აღნიშნა პრემიერმა.

1712923104

ოლაფ შოლცი - გერმანია საქართველოს სანდო პარტნიორად რჩება

ოლაფ შოლცის თქმით, გერმანია საქართველოს გზას ევროკავშირის მიმართულებით მომავალშიც  მხარს დავუჭერთ.„მომავალი საპარლამენტო არჩევნები ძალიან მნიშვნელოვანი გახლავთ. ძალიან მნიშვნელოვანია ის, რომ ისინი თავისუფლად და სამართლიანად ჩატარდეს. ეს გახლავთ საფუძველი კანდიდატის სტატუსის შემდეგი პროცესის განვითარებისთვის.  გერმანია საქართველოს სანდო პარტნიორად რჩება. ჩვენ საქართველოს გზას ევროკავშირის მიმართულებით მომავალშიც  მხარს დავუჭერთ.ჩვენ ვიცით, რომ რუსეთი აგრძელებს თავის იმპერიალისტურ გეგმებს. ეს ეხება არა მარტო რუსეთის აგრესიას უკრაინის მიმართ, არამედ არ უნდა დაგვავიწყდეს ისიც, რომ საქართველო თვითონაც გახლდათ 2008 წელს რუსული აგრესიის მსხვერპლი. საქართველოს ნაწილები რუსული უკანონო ოკუპაციის ქვეშ არის და სწორედ ამიტომაც არის ძალიან მნიშვნელოვანი, რომ ჩვენ გავუსვათ ამას ხაზი. ჩვენ ვერ და არ შევეგუებით ამას. გერმანია კვლავაც მხარს უჭერს და დაუჭერს საქართველოს სუვერენიტეტს და ტერიტორიულ მთლიანობას მის საერთაშორისოდ აღიარებულ საზღვრებს შიგნით. ასევე ჩვენ მხარს დავუჭერთ ევროკავშირის დამკვირვებელთა მისიებს, სადაც გერმანიას ყველაზე მეტი პერსონალი ჰყავს. მოხარული ვარ, რომ ჩვენ ერთად ვგმობთ რუსეთის აგრესიას და ასევე ვიცავთ იმ  სანქციებს, რომლებიც ევროკავშირმა დააწესა.დიდი მადლობა თქვენი ვიზიტისთვის და მიხარია მომავალი თანამშრომლობა", -  აღნიშნა გერმანიის ფედერალურმა კანცლერმა.

1712922553