„ჩემი აზრით, ნებისმიერი კეთილსინდისიერი რუმინელი, სადაც არ უნდა ცხოვრობდეს ის, ორი სახელმწიფოს გაერთიანებას ბუნებრივ პროცესად განიხილავს“, – განაცხადა ტომაკმა.მან განმარტა, რომ ბუქარესტი მზადაა ნებისმიერ დროს დაჯდეს მოლაპარაკებათა მაგიდასთან, ოღონდ იმ პირობით, თუ მოლდოვა ამას მისაღებად მიიჩნევს: „საკუთარი მომავლის განსაზღვრა მათი უფლებაა“.კითხვაზე, თუ რამდენად მზადაა რუმინეთი გაერთიანების სცენარისთვის და მოიპოვებს თუ არა საამისოდ საჭირო მხარდაჭერას პარტნიორების მხრიდან როგორც ევროკავშირში, ისე ნატოში და სტრატეგიული პარტნიორი აშშ–სგან, ტომაკმა უპასუხა: „თითოეულმა ჩვენმა პარტნიორმა იცის, რომ რუმინეთსა და მოლდოვის რესპუბლიკაში ერთი და იგივე ხალხი ცხოვრობს“.მოლდოვაში ოპოზიცია პრეზიდენტ მაია სანდუს გადადგომას მოითხოვს, რომელმაც სამშაბათს განაცხადა, რომ რეფერენდუმის ჩატარების შემთხვევაში მოლდოვის რუმინეთთან შეერთებას დაუჭერდა მხარს. ოპოზიცია სანდუს „პოლიტიკურ ღალატში“ ადანაშაულებს.

1768376872

„რეჟიმის მიერ საკუთარი ხალხის წინააღმდეგ ძალადობა არა სიძლიერის, არამედ სისუსტის ნიშანია. ეს ახლავე უნდა დასრულდეს. იმისთვის, რომ ამ გზავნილს ხაზი გავუსვათ, ევროკავშირი დამატებით სანქციებზე მუშაობს“, - წერს მერცი. We call on the Iranian leadership to protect its population rather than threaten it. The regime’s violence against its own people is not a sign of strength, but of weakness. It must end immediately. To underscore this message, we are working on further EU sanctions. — Bundeskanzler Friedrich Merz (@bundeskanzler) January 13, 2026 მანამდე, ფრიდრიხ მერცმა განაცხადა, რომ „ეს ირანის რეჟიმისთვის ბოლო დღეები და კვირებია“.„თუ რეჟიმს ძალაუფლების შენარჩუნება მხოლოდ ძალის გამოყენებით შეუძლია, მაშინ ის ფაქტობრივად დასრულებულია. მჯერა, რომ ახლა რეჟიმის ბოლო დღეებსა და კვირებს ვხედავთ“, - აღნიშნა გერმანიის კანცლერმა.ირანში საპროტესტო ტალღა ორი კვირის წინ, მძიმე ეკონომიკური პირობების გამო დაიწყო. ეს ირანის ხელისუფლებისთვის ბოლო სამი წლის განმავლობაში ყველაზე სერიოზული შიდა გამოწვევა აღმოჩნდა, რაც დაემთხვა გასულ წელს აშშ-სა და ისრაელის მიერ განხორციელებული სამხედრო დარტყმების შედეგად გაზრდილ საერთაშორისო წნეხსაც.სააგენტო Reuters წერს, რომ ირანის ოფიციალურმა პირებმა პირველად დაადასტურეს ქვეყანაში მიმდინარე ორკვირიანი არეულობის შედეგად დაღუპულთა მაღალი მაჩვენებელი. 13 იანვარს გავრცელებული ინფორმაციით, შეტაკებებს 2 000-მდე ადამიანი ემსხვერპლა, მათ შორის არიან უსაფრთხოების ძალების წარმომადგენლებიც.

1768302393

The Telegraph წერს, რომ ევროპელი ლიდერები შეაშფოთა პრეზიდენტ ტრამპის მუქარამ, გამოიყენოს სამხედრო ძალა დანიის ავტონომიურ ტერიტორიაზე კონტროლის დასამყარებლად. აღნიშნული რიტორიკა განსაკუთრებით გამწვავდა მას შემდეგ, რაც აშშ ვენესუელას "დაესხა თავს". ამ ფონზე, გაერთიანებული სამეფო მოკავშირეებთან ერთად განიხილავს გრენლანდიაში ბრიტანული სამხედრო ქვედანაყოფების, ხომალდებისა და ავიაციის განლაგებას.The Telegraph-ის ინფორმაციით, გერმანიის ვიცე-კანცლერმა ლარს კლინგბაილმა, მოუწოდა ვაშინგტონს, პატივი სცეს საერთაშორისო სამართალს: „გრენლანდიის მომავლის განსაზღვრა მხოლოდ დანიისა და გრენლანდიის პრეროგატივაა. ტერიტორიული სუვერენიტეტი და მთლიანობა ხელშეუხებელია - ეს პრინციპები ეხება ყველას, მათ შორის აშშ-ს“.მიმდინარე კვირაში კლინგბაილი ვაშინგტონში G7-ის ფინანსთა მინისტრების შეხვედრაზე გაემგზავრება, სადაც აშშ-ის ხაზინის მდივან სკოტ ბესენტსა და სახელმწიფო მდივან მარკო რუბიოს შეხვდება.ტრამპი გრენლანდიის ფლობის აუცილებლობას ეროვნული უსაფრთხოებით ხსნის და ამტკიცებს, რომ მის „ხელში ჩაგდებას“ რუსეთი ან ჩინეთი გეგმავენ. თუმცა, დანიის საგარეო საქმეთა მინისტრი, ლარს ლოკე რასმუსენი უარყოფს რეგიონში ჩინური ან რუსული ხომალდების ყოფნას.MarineTraffic-ისა და LSEG-ის ბოლო მონაცემებით, გრენლანდიის სიახლოვეს ჩინური ან რუსული გემები არ ფიქსირდება. ამასთან, ნორდიკული ქვეყნების დიპლომატების განცხადებით, NATO-ს სადაზვერვო მონაცემები არ ადასტურებს მოსკოვის ან პეკინის წყალქვეშა აქტივობას გრენლანდიის წყლებში.დანიის პრემიერ-მინისტრმა მეტე ფრედერიკსენმა აღნიშნულს ქვეყნისთვის „გადამწყვეტი მომენტი“ უწოდა და არქტიკაში ღირებულებების დასაცავად მზადყოფნა გამოთქვა.გრენლანდია, სადაც 57 000 ადამიანი ცხოვრობს, სტრატეგიული წერტილია აშშ-სა და რუსეთს შორის რაკეტსაწინააღმდეგო თავდაცვისთვის. კუნძული ასევე მდიდარია ისეთი რესურსებით, როგორიცაა: სპილენძი, ნიკელი და მიწაიშვიათი ელემენტები, რაც მას გლობალური ეკონომიკური და სამხედრო ინტერესების ეპიცენტრად აქცევს.

1768204932

წყაროების თქმით, გამოძიებას, რომელიც შეიცავს პაუელის საჯარო განცხადებებისა და ხარჯების ანგარიშგების ანალიზს, კოლუმბიის ოლქის პროკურორმა ჟანინ პირომ ნოემბერში დაუჭირა მხარი. The New York Times აღნიშნავს, რომ პირო დონალდ ტრამპის „ძველი მოკავშირეა“, ხოლო გამოძიება პაუელის წინააღმდეგ „ახალი მსხვილი იურიდიული ფრონტი“ გახდა.თავად პაუელმა ფედრეზერვის საიტზე განაცხადა, რომ აშშ–ის იუსტიციის სამინისტრომ რეგულატორს სასამართლოს უწყება პარასკევს გაუგზავნა. „სისხლის სამართლის ბრალის წაყენებით მემუქრებიან, სენატის საბანკო კომიტეტის წინაშე მიცემული ჩემი ჩვენებების გამო, რომელიც, მათ შორის, ფედრეზერვის შტაბ–ბინის რეკონსტრუქციას შეეხებოდა“, – განაცხადა პაუელმა.„დიდ პატივს ვცემ კანონის უზენაესობას და ანგარიშვალდებულებას ჩვენს დემოკრატიაში. ვერავინ, მათ შორის ვერც ფედრეზერვის თავმჯდომარე ვერ დადგება კანონზე მაღლა. მაგრამ ეს უპრეცედენტო ქმედებები უფრო ფართო ჭრილში უნდა განვიხილოთ, როგორც ადმინისტრაციის მხრიდან მუქარა და ზეწოლა“, – თქვა პაუელმა.იგი პირობას დებს, რომ გააგრძელებს ფედრეზერვში მუშაობას, ამაყად და კენთილსინდისიერად მოემსახურება ამერიკელ ხალხს. პაუელი ფედრეზერვის მმართველთა საბჭოში 2012 წლიდან ირიცხება. საბჭოს წევრები 14 წლით ინიშნებიან. მისი უფლებამოსილების ვადა 2026 წლის მაისში იწურება.მანამდე ტრამპი პაუელს არაერთხელ აკრიტიკებდა რეფინანსირების განაკვეთის დაწევაზე უარის თქმის გამო: ეს მაჩვენებელი 2024 წლის დეკემბრიდან 2025–ის სექტემბრამდე ფედრეზერვს 4,5%–იან ნიშნულზე ჰქონდა შენარჩუნებული. სექტემბერში განაკვეთი 4,25%–მდე, ოქტომბერში 4%–მდე, ხოლო დეკემბერში 3,75%–მდე შეამცირეს, რაც 2022 წლის ნოემბრის შემდეგ ყველაზე დაბალი ნიშნულია. 

1768203908

მანამდე ტრამპმა განაცხადა, რომ ირანში არეულობის ესკალაციაზე რეაგირების სხვადასხვა ვარიანტს განიხილავს, მათ შორის შესაძლო სამხედრო ვარიანტებს.ტრამპმა ასევე აღნიშნა, რომ ირანში ინტერნეტის აღდგენის შესახებ ილონ მასკთან საუბარს გეგმავს.ირანში დემონსტრაციები მე-15 დღეა, მიმდინარეობს.აშშ-ის ადამიანის უფლებათა დაცვის ცენტრის ბოლო მონაცემებით, ირანში საპროტესტო აქციებს, სულ მცირე, 544 ადამიანი ემსხვერპლა.ამასთან, 84 საათზე მეტია, რაც ირანის მოსახლეობის უმეტესობას ინტერნეტზე წვდომა არ აქვს. ხელისუფლების მიერ ინტერნეტის და სატელეფონო ხაზების მთელი ქვეყნის მასშტაბით გათიშვამ გაართულა იმის გაგება, თუ რა ხდება ადგილზე, მათ შორის, მასობრივი ანტისამთავრობო პროტესტის შედეგად დაღუპულთა და დაკავებულთა ზუსტი რაოდენობა ამ ეტაპისთვის უცნობია. თუმცა, ზოგიერთი ადგილობრივი წყაროს მტკიცებით, დაღუპულ დემონსტრანტთა რაოდენობა 2 000–ს აჭარბებს. დემონსტრაციები მიმდინარეობს ირანის საზღვრებს გარეთაც. 

1768198200

"დღეს ჩვენ ვხედავთ შეტაკებებს, რომელშიც ყველა ასაკისა და დემოგრაფიული ჯგუფის წარმომადგენელი - მოვაჭრეებიდან დაწყებული, სტუდენტებით დასრულებული მონაწილეობს. აიათოლების მმართველობის დასრულების, მონარქიის აღდგენისა და თავისუფლების მოთხოვნა კასპიის ზღვიდან სპარსეთის ყურემდე ისმის. მართალია, ეკონომიკა კოლაფსის პირასაა, თუმცა ეს პროცესი მხოლოდ ეკონომიკას არ ეხება - ეს ბრძოლაა თავისუფლებისთვის", - წერს The Telegraph.სტატიის ავტორის თქმით, კარიბის ზღვის აუზში ვითარება კიდევ უფრო მას შემდეგ დამძიმდა, რაც ნიკოლას მადურო აშშ–ის სპეცრაზმმა დააკავა. ათწლეულების განმავლობაში ვენესუელა წარმოადგენდა იმ დასაყრდენს, რომელიც ირანის მსგავს ტერორისტულ სახელმწიფოს ფუნქციონირების საშუალებას აძლევდა.მას შემდეგ, რაც აშშ-ის სანქციებმა ირანში აქტივები გაყინა და ვაჭრობა შეაფერხა, ვინ დაუდგებოდა მათ გვერდში? თავდაპირველად ახლო აღმოსავლეთის ზოგიერთი ქვეყანა მზად იყო გარკვეული სარგებლის სანაცვლოდ დახმარებოდა, თუმცა სირიის დაცემისა და სხვების დისტანცირების შემდეგ, კარაკასი თეირანის უმნიშვნელოვანეს პარტნიორად იქცა. ერთი კვირის წინ ყველაფერი შეიცვალა.ნიკოლას მადუროს გადაყენება შესაძლოა ვენესუელის სუვერენიტეტის დარღვევად აღიქმებოდეს, თუმცა ამ ფაქტმა ირანის ლოგისტიკის პარალიზებული მოახდინა. სად მოიპოვებენ ახლა დიპლომატიურ პასპორტებს რეჟიმის წარმომადგენლები - ისლამური რევოლუციის გუშაგთა კორპუსი (IRGC) და მათი ტერორისტული მარიონეტები „ჰეზბოლადან“? როგორ აუვლიან გვერდს სანქციებს? სად დაამზადებენ ნაწილებს ბალისტიკური რაკეტებისა და დრონებისთვის, რომლებითაც ახლო აღმოსავლეთს უტევენ და რომლებსაც რუსეთს აწვდიან უკრაინელების დასახოცად?ახლა ირანის რეჟიმს მოუწევს ისეთი მანევრირება, რაც ყველაზე განვითარებულ ქვეყნებსაც კი გაუჭირდებოდათ. ირანის რეჟიმს ცოტა მეგობარი დარჩა, მოსკოვი კი — მათი მთავარი პარტნიორი — სხვა საქმეებითაა დაკავებული", - ვკითხულობთ სტატიაში. 2026 წლის დასაწყისი 86 წლის უზენაესი ლიდერისთვის კატასტროფული აღმოჩნდა, თუმცა წელი ახლა იწყება და მიმართულება უკვე ნათელია. მოვლენების სავარაუდო განვითარება აჩვენებს, თუ რატომ არის ეს რეჟიმი განწირული. ასაკის მიუხედავად, აიათოლა ალი ხამენეი დემონსტრანტებს წინააღმდეგობას უწევს. მან საპროტესტო აქციების დარბევის ბრძანება გასცა და უსაფრთხოების ძალებს ქუჩაში გამოსული დემონსტრანტების დახოცვისკენ მოუწოდა. შედეგები უკვე სახეზეა: გადავსებული მორგები და ციხეები, უამრავი დაჭრილი და რეიდები საავადმყოფოებში, სადაც ამ დაჭრილებს მკურნალობენ. ეს არის სრულმასშტაბიანი რეპრესია, რომელიც მარცხისთვისაა განწირული — აიათოლების წინააღმდეგ მოქმედი ფაქტორები მეტისმეტად ძლიერია.ნორვეგიაში დაფუძნებული არასამთავრობო ორგანიზაციის, "Iran Human Rights"-ის ინფორმაციით, დეკემბრის ბოლოს დაწყებული არეულობის შემდეგ ირანის უსაფრთხოების ძალების მიერ 45 დემონსტრანტია მოკლული.8 იანვარსაც, თეირანში მასობრივი პროტესტი გაიმართა. საინფორმაციო სააგენტო AFP-ის მიერ გადამოწმებული სოციალური ქსელების ფოტოებზე ჩანს, რომ დემონსტრანტები შეიკრიბნენ ბულვარში - ირანის დედაქალაქის ჩრდილო-დასავლეთ ნაწილში მდებარე ერთ-ერთ მთავარ გამზირზე.პროტესტები დაფიქსირდა ქვეყნის სხვა რეგიონებშიც, მათ შორის დასავლეთ ირანში მდებარე ქურთულ რაიონებში, ჩრდილოეთში და აღმოსავლეთში.რამდენიმე საათის წინ მედიაში და სოცქსელებში გავრცელდა ბრიტანელი დეპუტატის, უსაფრთხოების საკითხებში ყოფილი მინისტრის ტომ ტუგენდჰატის განცხადება, რომელიც თემთა პალატაში გააკეთა. დეპუტატი ბრიტანეთის დაზვერვის მონაცემებზე დაყრდნობით ამბობს, რომ რუსეთის სატვირთო თვითმფრინავები თეირანის აეროპორტში დაეშვნენ, საიდანაც ოქროს მსხვილ პარტიებს ეზიდებიან.პროტესტის ფონზე ვრცელდება ინფორმაცია, რომ ქვეყნის მასშტაბით გაითიშა ინტერნეტი.

1767948104

სომხეთის ეკონომიკის მინისტრის თქმით, აზერბაიჯანიდან ნავთობპროდუქტების შეტანის გამო ქვეყანაში ლიტრი საწვავი დაახლოებით 80 დრამით (0.21 აშშ დოლარი) შემცირდება.პაპოიანმა ასევე აღნიშნა, რომ გზაშია 7 600 ტონა აზერბაიჯანული ნავთობპროდუქტები, რომელთაგან 6 100 ტონა ბენზინია და 1 500 ტონა დიზელი.2025 წელს სომხეთში აზერბაიჯანის გავლით რკინიგზით 1 210 ტონა აზერბაიჯანული ბენზინი შევიდა.

1767946320

ევროკავშირის საგარეო საქმეთა მინისტრებმა 7 იანვარს განაცხადეს, რომ გრენლანდიის „დაპყრობა არ შეიძლება“, მას შემდეგ, რაც თეთრმა სახლმა კვლავ წამოჭრა სამხედროების მიერ მისი ხელში ჩაგდების შესაძლებლობა.Politico-ს ინფორმაციით, ევროპელი პოლიტიკოსები აღარ უგულებელყოფენ აშშ-ის პრეზიდენტის გაძლიერებულ რიტორიკას და სასოწარკვეთილად ეძებენ გეგმას მის შესაჩერებლად.„სასწორზე დევს კითხვა, თუ როგორ შეიძლება ევროპის, ევროკავშირის გაძლიერება, რათა შეაჩეროს საფრთხეები, მისი უსაფრთხოებისა და ინტერესების წინააღმდეგ მიმართული მცდელობები. გრენლანდია არ იყიდება და არც მისი აღებაა შესაძლებელი. ამიტომ მუქარები უნდა შეწყდეს“, – განაცხადა საფრანგეთის საგარეო საქმეთა მინისტრმა, ჟან-ნოელ ბარომ“.Politico-მ აღწერა ის ნაბიჯები, რომლებიც ტრამპმა შეიძლება გადადგას გრენლანდიის დასაკავებლად. განვიხილოთ თითოეული მათგანი:ვარიანტი 1: კომპრომისის პოვნატრამპი ამტკიცებს, რომ გრენლანდია სასიცოცხლოდ მნიშვნელოვანია აშშ-ის უსაფრთხოებისთვის და დანიას ადანაშაულებს იმაში, რომ ის არ აკეთებს საკმარისს არქტიკაში ჩინეთისა და რუსეთის გაზრდილი სამხედრო აქტივობისგან დასაცავად.მოლაპარაკების გზით მიღწეული შეთანხმება, სადაც ტრამპი მიიღებს იმას, რასაც საკუთარ ამომრჩეველს „გამარჯვებად“ მიჰყიდის, ხოლო დანია და გრენლანდია სახეს შეინარჩუნებენ, შესაძლოა კრიზისიდან გამოსავლის ყველაზე სწრაფი გზა იყოს.NATO-ს ყოფილმა მაღალჩინოსანმა გამოთქვა ვარაუდი, რომ ალიანსს შეუძლია შუამავლის როლი შეასრულოს გრენლანდიას, დანიასა და აშშ-ს შორის, ისევე, როგორც ეს გაუკეთებია თურქეთსა და საბერძნეთს შორის დავების დროს.NATO-ში აშშ-ის ელჩმა მეთიუ უიტეკერმა ოთხშაბათს განაცხადა, რომ ტრამპი და მისი მრჩევლები არ მიიჩნევენ გრენლანდიას სათანადოდ დაცულად: „ყინულის დნობასთან ერთად არქტიკული მარშრუტები იხსნება... გრენლანდია ხდება ძალიან სერიოზული უსაფრთხოების რისკი აშშ-ის კონტინენტური ნაწილისთვის“.NATO-ს მოკავშირეები ასევე განიხილავენ ახალ წინადადებებს ტრამპისთვის, რამაც შეიძლება გააძლიეროს გრენლანდიის უსაფრთხოება, მიუხედავად გავრცელებული მოსაზრებისა, რომ რუსული და ჩინური გეგმებისგან მომდინარე საფრთხე გადაჭარბებულია.NATO-ს სამი დიპლომატის თქმით, სხვა წინადადებებთან ერთად, ალიანსმა უნდა განიხილოს არქტიკაში თავდაცვის ხარჯების დაჩქარება, რეგიონში მეტი სამხედრო სწავლების ჩატარება და, საჭიროების შემთხვევაში, ჯარების განლაგება გრენლანდიის დასაცავად და აშშ-ის დასამშვიდებლად. ალიანსი ასევე მზად უნდა იყოს „Arctic Sentry“-ს (არქტიკის გუშაგის) სქემის შესაქმნელად, რაც გულისხმობს სამხედრო რესურსების რეგიონში გადასროლას, მათი აღმოსავლეთ და ბალტიისპირეთის ინიციატივების მსგავსად.ვარიანტი 2: გრენლანდიისთვის დიდი რაოდენობით ფულის მიცემატრამპის ადმინისტრაციამ მხარი დაუჭირა გრენლანდიის დამოუკიდებლობის მოძრაობას. მათი გზავნილია: თუ არქტიკული ტერიტორია დატოვებს დანიის სამეფოს და გააფორმებს შეთანხმებას აშშ-სთან, ის ამერიკული ფულით აივსება.მიუხედავად იმისა, რომ ტრამპმა არაერთხელ თქვა უარი სამხედრო ძალის გამოყენების გამორიცხვაზე, ის ასევე ამტკიცებს, რომ სურს გრენლანდია ნებაყოფლობით შეუერთდეს მას. ევროკავშირი და დანია ცდილობენ დაარწმუნონ გრენლანდიელები, რომ მათ უკეთესი პირობების შეთავაზება შეუძლიათ.ბრიუსელი გეგმავს 2028 წლიდან გრენლანდიაზე დახარჯული თანხა გააორმაგოს. სექტემბერში გამოქვეყნებული ევროკომისიის პროექტის მიხედვით, ევროკავშირი თითქმის გააორმაგებს ხარჯებს გრენლანდიაზე 530 მილიონ ევრომდე 2028 წლიდან დაწყებული შვიდწლიანი პერიოდისთვის. ეს ემატება იმ თანხას, რომელსაც დანია ისედაც უგზავნის გრენლანდიას.ვარიანტი 3: ეკონომიკური საპასუხო დარტყმაევროკავშირს აქვს ერთი ძლიერი პოლიტიკური ინსტრუმენტი: „ანტიიძულების ინსტრუმენტი“ (Anti-Coercion Instrument), რომელიც ტრამპის პირველი ადმინისტრაციის შემდეგ შეიქმნა. ის ევროკავშირს საშუალებას აძლევს საპასუხო ზომები მიიღოს სავაჭრო დისკრიმინაციის წინააღმდეგ.„ჩვენი ექსპორტი აშშ-ში 600 მილიარდ ევროზე მეტია და ამ საქონლის დაახლოებით მესამედზე ჩვენი ბაზრის წილი 50 პროცენტზე მეტია. სრულიად ნათელია, რომ ეს ძალა ჩვენს ხელშია“, - განაცხადა ბერნდ ლანგემ, ევროპარლამენტის საერთაშორისო ვაჭრობის კომიტეტის თავმჯდომარემ.ვარიანტი 4: ჯარების განლაგება თუ აშშ მაინც გადაწყვეტს გრენლანდიის სამხედრო ძალით დაკავებას, ევროპელებს ამის აღსაკვეთად ბევრი არაფერი შეუძლიათ.თუმცა, იურიდიული თვალსაზრისით, შესაძლოა დანია იძულებული გახდეს სამხედრო პასუხი გასცეს. 1952 წლის ბრძანების თანახმად, „დანიის ტერიტორიაზე თავდასხმის შემთხვევაში,“ ჯარებმა „დაუყოვნებლივ უნდა დაიწყონ ბრძოლა ბრძანების მოლოდინის გარეშე“.ევროკავშირის ერთ-ერთმა დიპლომატმა აღნიშნა, რომ ევროპულმა ქვეყნებმა უნდა განიხილონ გრენლანდიაში ჯარების გაგზავნის შესაძლებლობა (დანიის მოთხოვნის შემთხვევაში), რათა გაზარდონ აშშ-ის მხრიდან სამხედრო მოქმედების პოტენციური „ფასი“. მიუხედავად იმისა, რომ ეს ძალები ვერ გაუძლებენ აშშ-ის სრულმასშტაბიან შეჭრას, ისინი იმოქმედებენ როგორც შემაკავებელი ფაქტორი.

1767869640

კარაკასს აქამდე დაღუპულთა რიცხვი არ დაუსახელებია, თუმცა ქვეყნის არმიამ 23 დაღუპულის სია გამოაქვეყნა.როგორც ვენესუელის ოფიციალური პირები აცხადებენ, ნიკოლას მადუროს უსაფრთხოების სამსახურის დიდი ნაწილი „ცივსისხლიანად“ მოკლეს.მანამდე, კუბის მთავრობამ 4 იანვარს განაცხადა, რომ ვენესუელაში ამერიკის შეერთებული შტატების სამხედრო ოპერაციის დროს კუბის 32 მოქალაქე დაიღუპა.ვენესუელის შინაგან საქმეთა მინისტრის, დიოსდადო კაბელოს თქმით, ვენესუელის ყოფილი ლიდერის მეუღლემ, სილია ფლორესმა, რომელიც მასთან ერთად დააკავეს, აშშ-ის რეიდის დროს თავის ტრავმა მიიღო, თავად მადურომ კი – ფეხის.

1767856107

აღნიშნული განცხადება მოჰყვა აშშ-ის სახელმწიფო მდივნის, მარკო რუბიოს სიტყვებს, რომლის თანახმადაც, შეერთებული შტატები „ვენესუელის ნავთობის შესყიდვისა და გაყიდვის შესახებ შეთანხმების მიღწევასთან ახლოსაა“.„ეს თანხა იმგვარად იმართება, რომ ჩვენ გავაკონტროლებთ მის განაწილებას, რათა მან სარგებელი მოუტანოს ვენესუელელ ხალხს და არა კორუფციას ან რეჟიმს“, - განაცხადა რუბიომ.აშშ-ის მიერ მადუროს დატყვევების შემდეგ, ტრამპის ადმინისტრაციამ გააჟღერა განზრახვა, რომ აქცენტი ვენესუელის ნავთობზე გადაიტანოს და ამ აქტივზე კონტროლი დაამყაროს.კომპანიაში აცხადებენ, რომ შეერთებულ შტატებთან ნავთობის მოცულობების გაყიდვის თაობაზე მოლაპარაკებები ორ ქვეყანას შორის არსებული სავაჭრო ურთიერთობების ფარგლებში მიმდინარეობს.„ეს პროცესი ისეთივე სქემებით ხორციელდება, როგორიც საერთაშორისო კომპანიებთან, მაგალითად, Chevron-თან მოქმედებს. ის კომერციულ ტრანზაქციას, კანონიერების, გამჭვირვალობისა და ორმხრივი სარგებლის პრინციპების დაცვას ეფუძნება“, – აღნიშნულია ვენესუელის სახელმწიფო ნავთობკომპანიის განცხადებაში, რომელიც სოციალურ ქსელში გავრცელდა. PDVSA-ს ნავთობზე სანქციებს აშშ წლების განმავლობაში აწესებდა, თუმცა ამერიკის შეერთებული შტატების პრეზიდენტის, დონალდ ტრამპის ადმინისტრაციაში ოთხშაბათს განაცხადეს, რომ ამ სანქციების ნაწილს გააუქმებდა და ვენესუელური ნედლი ნავთობის გლობალურ ბაზარზე გასაყიდად რეალიზაციას დაიწყებდა. ადმინისტრაციის განცხადებით, ამ გაყიდვებიდან მიღებული შემოსავალი აშშ-ის მიერ კონტროლირებად ანგარიშებზე განთავსდება და აშშ-ის მთავრობის შეხედულებისამებრ განაწილდება.63 წლის მადურო და მისი მეუღლე კილია ფლორესი ამერიკელმა ძალებმა შაბათს, 3 იანვარს, ვენესუელის დედაქალაქ კარაკასში დააკავეს.5 იანვარს, აშშ-ში, დენიელ პატრიკის სახელობის მანჰეტენის სასამართლოში ნიკოლას მადუროსა და მისი მეუღლის, სილია ფლორესის სასამართლო პროცესი გაიმართა.ნიკოლას მადურომ განაცხადა, რომ ყველა ბრალდებაში თავს უდანაშაულოდ მიიჩნევს. მისივე თქმით, ის ვენესუელის პრეზიდენტია და კარაკასში, საკუთარ სახლში დააკავეს. „მე არ ვარ დამნაშავე, მე პატიოსანი ადამიანი ვარ, მე კვლავ ჩემი ქვეყნის პრეზიდენტი ვარ“, – განაცხადა მადურომ.2026 წლის 17 მარტს, ნიკოლას მადუროს სასამართლოში მომდევნო მოსმენაზე გამოცხადება დაევალა.ნიკოლას მადუროს ბრალი ედება ნარკოტერორიზმის, კოკაინის შეტანის შეთქმულებაში, ტყვიამფრქვევებისა და დესტრუქციული მოწყობილობების ფლობაში. ასევე, აშშ-ის წინააღმდეგ შეთქმულებაში.

1767850260