სენატორთა აბსოლუტურმა უმრავლესობამ მხარი დაუჭირა დოკუმენტს, რითაც გზა გაეხსნა მის განხილვას წარმომადგენელთა პალატაში. კენჭისყრისას თავდაპირველი დათვლით დაფიქსირდა 68 ხმა 9-ის წინააღმდეგ კანონპროექტზე, სახელწოდებით „ლინდსი ო. გრემის 2026 წლის სანქციების აქტი რუსეთისა და ირანის წინააღმდეგ“. საბოლოო დათვლით შედეგი 86 ხმა 11-ის წინააღმდეგ აღმოჩნდა.დოკუმენტს ახლა წარმომადგენელთა პალატა განიხილავს, რის შემდეგაც მას აშშ-ის პრეზიდენტმა დონალდ ტრამპმა უნდა მოაწეროს ხელი. უცნობია, როდის განიხილავს კანონპროექტს პალატა.კანონპროექტის ინიციატორად დასახელებულია სენატორი ლინდსი გრემი, რომელიც 2026 წლის 11 ივლისს გარდაიცვალა. „ეს კანონი პუტინს მტკივნეულ ადგილზე ურტყამს“, - განაცხადა მისმა დამ დარლინ გრემ ნორდონმა, რომელმაც სენატში მისი ადგილი დაიკავა.„დღეს ზელენსკი ამას უკრაინიდან აკვირდება, ხოლო პუტინი - მოსკოვიდან“, - განაცხადა სენატორმა რიჩარდ ბლუმენთალმა, დემოკრატმა კონექტიკუტის შტატიდან, რომელიც სამხრეთ კაროლინას აწგანსვენებულ სენატორ ლინდსი გრემთან ერთად მუშაობდა სანქციების პაკეტზე. „მინდა ვიფიქრო, რომ ლინდსი გრემიც ხედავს ამას “, - თქვა ბლუმენთალმა. „დღეს ჩვენ უკრაინის ხალხს ვეუბნებით: თქვენ მარტო არ ხართ. და დღეს ჩვენ ვლადიმირ პუტინს ვეუბნებით: თქვენ ვერ დაიპყრობთ უკრაინას“, - ციტირებს მის სიტყვებს სააგენტო AP.კანონპროექტი აშშ-ის პრეზიდენტს უფლებას აძლევს 100%-იანი ბაჟი დააწესოს იმ ქვეყნებიდან იმპორტზე, რომლებიც რუსულ ნავთობს, ურანს და ბუნებრივ აირს ყიდულობენ ან სანქციების გვერდის ავლაში ეხმარებიან. ის ითვალისწინებს სანქციებს რუსეთის თავდაცვითი, ენერგეტიკული და ფინანსური ორგანიზაციების, რუსეთის „ჩრდილოვანი ფლოტის“, ასევე რუსი ჩინოვნიკების, ოლიგარქებისა და მათი ოჯახის წევრების წინააღმდეგ.კანონპროექტი 2025 წელს იქნა წარდგენილი, თუმცა დიდი ხნის განმავლობაში უმოქმედოდ იყო დონალდ ტრამპის გაურკვეველი პოზიციის გამო. თავდაპირველი ვერსია 500%-იანი ბაჟის დაწესებას ითვალისწინებდა იმ ქვეყნებიდან იმპორტზე, რომლებიც რუსულ ნავთობსა და გაზს ყიდულობენ.The Wall Street Journal-ის მიერ გამოკითხული ანალიტიკოსების შეფასებით, თუ კანონპროექტს საბოლოოდ მიიღებენ, ეს იქნება პირველი შემთხვევა, როდესაც კონგრესი ბაჟის გეოპოლიტიკურ იარაღად გამოყენებას დაუშვებს - მანამდე ის არაკეთილსინდისიერი სავაჭრო პოლიტიკის წინააღმდეგ ბრძოლის ინსტრუმენტად გამოიყენებოდა.

1786131900

რუსული მედიის ინფორმაციით, შეხვედრაზე განიხილეს ინფრასტრუქტურული ობიექტების „ანტიტერორისტული დაცვის გაძლიერების“ ზომები, რაც უკავშირდება რუსეთში დრონების გახშირებულ თავდასხმებს.კრემლის ცნობით, განხილვის ერთ-ერთი მთავარი თემა იყო ობიექტების უსაფრთხოების უზრუნველყოფა და შესაძლო ახალი ზომები უპილოტო საფრენი აპარატებისგან მომდინარე საფრთხეების ფონზე.

1786100068

აშშ-ის სენატის დაზვერვის კომიტეტის წევრები ადასტურებენ, რომ შორი მანძილის დრონებისა და რაკეტების ეფექტიანი გამოყენება, რამაც უკრაინას რუსეთის ტერიტორიის სიღრმეში ენერგეტიკულ ინფრასტრუქტურაზე დარტყმების განხორციელების საშუალება მისცა, სწორედ ამერიკული სადაზვერვო ინფორმაციის გაძლიერებას უკავშირდება.ივლისის დასაწყისში განხორციელებულმა შეტევებმა მოსკოვი იძულებული გახადა, დიზელის ექსპორტი შეეჩერებინა, რამაც კრემლზე ეკონომიკური და სტრატეგიული ზეწოლა გაზარდა.ანალიტიკოსების შეფასებით, ვაშინგტონიდან მიღებული ინფორმაცია უკრაინას ეხმარება, არა მხოლოდ უკეთ დაიცვას თავი რუსული სარაკეტო იერიშებისგან, არამედ ფრონტის ხაზის სტაბილიზაციითა და რუსეთის ტერიტორიაზე წერტილოვანი დარტყმებით მოსკოვი მომავალი მოლაპარაკებების მაგიდასთან დასაჯდომად იძულებული გახადოს.თავის მხრივ, ამერიკული მხარეც იღებს სარგებელს, რადგან უკრაინულ მხარეს კრემლში მიმდინარე პროცესებთან დაკავშირებით მაღალი ხარისხის სადაზვერვო ინფორმაცია გააჩნია.

1785997541

დაზვერვის ცნობით, მოსკოვმა ფხენიანისგან KN-23 და KN-24 ტიპის ბალისტიკური რაკეტების ახალი, 40-ერთეულიანი პარტია და პირადი შემადგენლობა უკვე მიიღო. რუსეთი გეგმავს, რომ დაახლოებით 90 ჩრდილოეთ კორეელისგან შემდგარი ქვედანაყოფი თავისი 112-ე სარაკეტო ბრიგადის შემადგენლობაში დააყენოს. შეიარაღების საბოლოო მოცულობა, მათ შორის დამატებითი რაკეტებისა და გამშვები დანადგარების მიწოდება, მომავალ თვეში დაგეგმილ მოლაპარაკებებზე შეთანხმდება.უკრაინული მხარის შეფასებით, რუსეთი ცდილობს ისარგებლოს უკრაინის საჰაერო თავდაცვის სისტემების ნაკლებობით და დარტყმები მძიმე ბალისტიკური რაკეტებით გაახშიროს, რომელთა ჩამოგდებაც განსაკუთრებით რთულია.ივლისის ბოლოს განხორციელებული შეტევა გახდა ჩრდილოეთ კორეული ბალისტიკური რაკეტების გამოყენების პირველი დაფიქსირებული შემთხვევა 2025 წლის აგვისტოს შემდეგ, რისთვისაც სწორედ ახალი პარტიიდან მიღებული რაკეტები გამოიყენეს. საერთო ჯამში, 2023 წლის ბოლოდან 2025 წლის აგვისტომდე ჩრდილოეთ კორეამ რუსეთს 150-ზე მეტი ასეთი რაკეტა მიაწოდა.სარაკეტო ქვედანაყოფისა და სამხედრო პერსონალის პირდაპირი განთავსება მოსკოვსა და ფხენიანს შორის არსებული სამხედრო თანამშრომლობის ახალ და უფრო მასშტაბურ ეტაპზე გადასვლაზე მიუთითებს.

1785925384

როგორც The Atlantic ოფიციალურ პირებზე დაყრდნობით იტყობინება, კიევის მიზანია Starlink-ით მართვადი დრონების გამოყენება რუსეთის სიღრმეში არსებული იმ მობილური დანადგარების გასანადგურებლად, საიდანაც უკრაინული ქალაქების მიმართულებით ბალისტიკურ რაკეტებს უშვებენ.გამოცემის ცნობით, უკრაინა ამ გზით ცდილობს შეამციროს დამოკიდებულება Patriot-ის საჰაერო თავდაცვის სისტემების გადამჭერ რაკეტებზე, რომელთა დეფიციტიც აშშ-ს ირანში მიმდინარე ომის ფონზე შეექმნა. ზელენსკიმ ხაზგასმით აღნიშნა, რომ სარაკეტო საფრთხის განეიტრალება ზამთრის დადგომამდე და ენერგოსისტემაზე მოსალოდნელ შეტევებამდეა აუცილებელი.ამ დრომდე ილონ მასკის კომპანია SpaceX Starlink-ის გამოყენებას მხოლოდ უკრაინის სუვერენულ და ოკუპირებულ ტერიტორიებზე უზრუნველყოფდა, ხოლო უშუალოდ რუსეთის ფედერაციის საზღვრებში მის ფუნქციონირებას ზღუდავდა. ზელენსკის მცდელობა, პირადად შეხვედროდა მასკს აშშ-ში ვიზიტისას, მილიარდერის უარის გამო არ შედგა.წყაროების ცნობით, დონალდ ტრამპმა ზელენსკის განუცხადა, რომ წინადადებას განიხილავს. მისი საბოლოო გადაწყვეტილება იმაზე იქნება დამოკიდებული, შეაფასებს თუ არა ვაშინგტონი ამ ნაბიჯს კონფლიქტის დეესკალაციისა და კრემლის მოლაპარაკებების მაგიდასთან დასმის ეფექტურ ინსტრუმენტად.

1785499476

გამოცემის ინფორმაციით, თავდასხმა შესაძლოა მიზნად ისახავდა იმის დემონსტრირებას, რომ კონფლიქტის შემდგომი ესკალაციის შემთხვევაში ირანს შეუძლია სერიოზულად შეაფერხოს გლობალური საქონლისა და ენერგორესურსების მიწოდება.გამოცემის წყაროებს არ დაუკონკრეტებიათ, განხორციელდა თუ არა იერიში უშუალოდ ირანის მიერ, თუ რომელიმე ირანის მხარდამჭერი დაჯგუფების მონაწილეობით.მანამდე ეგვიპტის ხელისუფლებამ განაცხადა, რომ ნილოსის დელტაში მდებარე დამიეტას პორტში ორ გემზე ხანძარი გაჩნდა. წინასწარი ინფორმაციით, ცეცხლი ერთ-ერთი გემის ძრავის განყოფილებაში გაჩნდა და შემდეგ მეზობელ გემზე გავრცელდა. ეგვიპტის ნავთობის სამინისტრომ განაცხადა, რომ მიმდინარეობს ინციდენტის ზუსტი მიზეზების დადგენა.ეგვიპტის უსაფრთხოების სამსახურებმა უარყვეს ინფორმაცია, თითქოს ხანძარი უპილოტო საფრენი აპარატის თავდასხმას მოჰყვა.აშშ-ის პრეზიდენტმა დონალდ ტრამპმა განაცხადა, რომ მას აცნობეს ეგვიპტის პორტში ამერიკულ ტანკერთან დაკავშირებული ინციდენტის შესახებ, თუმცა მომხდარის დეტალები არ დაუკონკრეტებია.

1785394459

უკრაინის საგანგებო სიტუაციების სამსახურის ინფორმაციით, კიევზე განხორციელებული სარაკეტო შეტევის შედეგად ერთი ადამიანი დაიღუპა, ორი კი დაშავდა. ობოლონისა და სვიატოშინის რაიონებში ხანძრები გაჩნდა, დაზიანდა ბაზრობის სავაჭრო პავილიონები და ავტოფარეხების კოოპერატივი.რუსულმა სარაკეტო დარტყმამ ლვოვში სულ მცირე 15 ადამიანი, მათ შორის ერთი მაშველი, დააზარალა. დაზიანდა მრავალსართულიანი საცხოვრებელი სახლები, ხოლო მაშველები ნანგრევებში მოყოლილი ადამიანების სამძებრო-სამაშველო ოპერაციას აგრძელებენ.ხარკოვში რუსულმა უპილოტო საფრენმა აპარატმა სამრეწველო ზონას დაარტყა. აფეთქებების შესახებ ასევე გავრცელდა ინფორმაცია ვინიცის, ჩერკასის, სუმის, კრივოი როგისა და ივანო-ფრანკოვსკის ოლქებიდან.დნეპროპეტროვსკის ოლქის სოფელ რადუშნოში, ადგილობრივი ხელისუფლების ინფორმაციით, „ისკანდერ-М“-ის ტიპის ბალისტიკური რაკეტის კერძო სახლზე მოხვედრის შედეგად ექვსი ადამიანი, მათ შორის 5 და 12 წლის ორი გოგონა, დაიღუპა. კიდევ რვა ადამიანი დაშავდა, მათ შორის ორი არასრულწლოვანი.პოლტავის ოლქში რუსული დრონის დარტყმის შედეგად კერძო საწარმოს საწყობი დაზიანდა, რის შედეგადაც ერთი ადამიანი დაიღუპა. თავდასხმის სამიზნე გახდა ასევე ლოგისტიკური კომპანია „ნოვა პოშტას“ ტერმინალი.უკრაინის პრეზიდენტმა ვოლოდიმირ ზელენსკიმ თავდასხმამდე განაცხადა, რომ რუსეთი რამდენიმე დღის განმავლობაში ამზადებდა მასშტაბურ საჰაერო იერიშს.ამავე დროს, რუსეთის პენზის ოლქის ხელისუფლების ცნობით, უკრაინულმა უპილოტო საფრენმა აპარატებმა Wildberries-ის კიდევ ერთ ლოგისტიკურ ცენტრს დაარტყეს, რის შედეგადაც ხანძარი გაჩნდა. დაშავდა ერთი ადამიანი, ხოლო დაახლოებით 200 თანამშრომლის ევაკუაცია განხორციელდა.რუსული კომპანიის განცხადებით, ხანძრის მიუხედავად, ლოგისტიკური ოპერაციები სხვა ობიექტებზე გადაიტანეს. რუსული მედიის ინფორმაციით, 18 ივლისიდან უკრაინამ Wildberries-ის ლოგისტიკურ ინფრასტრუქტურაზე სულ მცირე ცხრა იერიში მიიტანა, მათ შორის მოსკოვის, სანქტ-პეტერბურგის, კრასნოდარის, ნევინომისკისა და ანექსირებულ ყირიმში სიმფეროპოლის მიმდებარე საწყობებზე.

1785388316

გამოცემის ცნობით, თეირანი ამ ნაბიჯს კასპიის ზღვაში ირანულ სავაჭრო გემზე განხორციელებული შეტევის საპასუხოდ განიხილავდა, რათა კიევისთვის „სიმბოლური გაფრთხილება“ მიეცა. დასავლელი ოფიციალური პირები შიშობდნენ, რომ ირანის ტერიტორიიდან პირდაპირი სარაკეტო დარტყმა კონფლიქტის მასშტაბურ ესკალაციას გამოიწვევდა.სიტუაციის დაძაბვა 25 ივლისს კასპიის ზღვაში მომხდარ ინციდენტს უკავშირდება. ირანის მხარემ უკრაინა თავის გემზე თავდასხმაში დაადანაშაულა და ზარალის ანაზღაურება მოითხოვა, ხოლო უკრაინის პრეზიდენტმა ვოლოდიმირ ზელენსკიმ განაცხადა, რომ კასპიის ზღვის აკვატორიაში იმ გემების წინააღმდეგ, რომლებსაც ირანიდან რუსეთისთვის სამხედრო ტვირთები გადაჰქონდათ, „ძალიან კარგი შედეგები“ დაფიქსირდა.28 ივლისს უკრაინის საგარეო საქმეთა მინისტრის მოვალეობის შემსრულებელმა ანდრი სიბიჰამ ირანელ კოლეგასთან, აბას არაღჩისთან სატელეფონო საუბარში ხაზი გაუსვა, რომ კიევს ესკალაციის არიდება სურს.ამასთან, აშშ-ში ვიზიტისას ვოლოდიმირ ზელენსკიმ ვაშინგტონს მიაწოდა სადაზვერვო მონაცემები იმის შესახებ, რომ რუსეთი ირანს ახლო აღმოსავლეთში არსებული ამერიკული სამხედრო ბაზების თანამგზავრულ ფოტოებს გადასცემს. უკრაინის პრეზიდენტმა ასევე აღნიშნა, რომ ირანი და ჩრდილოეთ კორეა რუსეთისთვის იარაღისა და სამხედრო პერსონალის მიწოდებით უკვე ჩართულნი არიან უკრაინის წინააღმდეგ ომში.

1785320361

ჰეგსეთის თქმით, აღნიშნული თანხა მოიცავს როგორც უკვე გაწეულ, ისე 30 სექტემბრამდე მოსალოდნელ ხარჯებს. Reuters-ის ინფორმაციით, დონალდ ტრამპის ადმინისტრაციამ გასულ თვეში კონგრესს დამატებით თითქმის $90 მილიარდი დაფინანსება სთხოვა, რომლის დიდი ნაწილიც ირანთან კონფლიქტს უკავშირდება.კონფლიქტი მნიშვნელოვან ზეწოლას ახდენს აშშ-ის თავდაცვის თითქმის $1-ტრილიონიან ბიუჯეტზე. ჰეგსეთმა კონგრესს ასევე მოუწოდა, დაამტკიცოს 2027 წლისთვის $1.5-ტრილიონიანი თავდაცვის ბიუჯეტი.აშშ-ისა და ირანის დაპირისპირების ფონზე, როგორც რესპუბლიკელები, ისე დემოკრატები ადმინისტრაციას არასაკმარისი გამჭვირვალობის გამო აკრიტიკებენ. მათი განცხადებით, კონგრესი კონფლიქტის მიმდინარეობისა და თეთრი სახლის სამომავლო გეგმების შესახებ სრულ ინფორმაციას ვერ იღებს.აშშ-სა და ირანს შორის ურთიერთდარტყმები 8 ივლისს განახლდა. ესკალაციის ახალი ეტაპი მხარეებს შორის კონფლიქტის დასრულების შესახებ მემორანდუმის ხელმოწერიდან სამი კვირის შემდეგ დაიწყო.

1784707031

წყაროების ცნობით, უკრაინამ საბერძნეთს Patriot-ის ბატარეებიდან 200-მდე PAC-2 ტიპის რაკეტის გადაცემის თხოვნით მიმართა. კიევში მიიჩნევენ, რომ ამ რაკეტების ნაწილს, რომლებიც ბერძნულ შეიარაღებაში უკვე 23 წელია იმყოფება, ვადა მალე ეწურება.ეს მოთხოვნა მას შემდეგ გააქტიურდა, რაც წინასწარი მოლაპარაკებები საბერძნეთის კუთვნილი 6 ბატარეიდან ნაწილის გადაცემაზე შეთანხმების გარეშე დასრულდა. შესაბამისად, ამ ეტაპზე უკრაინული მხარის ინტერესი არა უშუალოდ სისტემებზე, არამედ რაკეტების მარაგებზეა ფოკუსირებული.უკრაინული მედიის ცნობით, ნებისმიერი მსგავსი გადაცემა მოითხოვს იმის დადასტურებას, რომ რაკეტები გამოსაყენებლად ვარგისია, თუმცა თავად საბერძნეთის თავდაცვისთვის კრიტიკულად აუცილებელ საჭიროებას არ წარმოადგენს.ერთ-ერთი განხილვადი სქემის მიხედვით, საბერძნეთმა რაკეტები შესაძლოა ნორვეგიას მიჰყიდოს, რომელიც შემდეგ მათ უკრაინას მიაწვდის. მიუხედავად ამისა, ათენს ამ დრომდე არანაირი ნიშანი არ მიუცია, რომ მოთხოვნაზე დადებითი პასუხის გაცემას აპირებს.ბერძენი ოფიციალური პირები აცხადებენ, რომ ქვეყანას ისედაც შეაქვს წვლილი მოკავშირეების უსაფრთხოებაში, მათ შორის საუდის არაბეთში Patriot-ის ბატარეის განთავსებით, რომელიც კრიტიკულ ნავთობგადასამუშავებელ ინფრასტრუქტურას იცავს.ამასთან, ათენში აღნიშნავენ, რომ უკრაინას მანამდე Sea Sparrow-სა და Crotale-ის ტიპის რაკეტები მას შემდეგ გადასცეს, რაც ბერძნულ შეიარაღებაში მათი ექსპლუატაციის ვადა ამოიწურა.ცოტა ხნის წინ ნიდერლანდების საგარეო საქმეთა მინისტრმა ტომ ბერენდსენმა განაცხადა, რომ მისმა ქვეყანამ უკრაინას საკუთარი მარაგებიდან Patriot-ის სისტემებისა და რაკეტების მაქსიმუმი უკვე მიაწოდა, რის გამოც საჭიროა ზეწოლის სხვა სახელმწიფოებზე გადატანა. თავის მხრივ, ნორვეგიის მთავრობამ ივლისის დასაწყისში უკრაინის საჰაერო თავდაცვის გასაძლიერებლად 3 მილიარდი კრონის (268 მილიონი ევრო) გამოყოფის შესახებ გამოაცხადა, რაც მათ შორის ამერიკული შეიარაღების შესყიდვის პროგრამას (PURL) მოხმარდება.

1784284504