სები 60 წელს გადაცილებული პირების საბანკო ოპერაციების შეჩერებას განმარტავს

სწორედ ასეთი ახალგაზრდების აღმოჩენასა და მხარდაჭერას ემსახურება Forbes Georgia Under 30, რომლის მთავარი წარმდგენი წელს საქართველოს ბანკია.ახალგაზრდა თაობის მხარდაჭერა მხოლოდ კონკრეტული პროექტის ან ინიციატივის ხელშეწყობას არ ნიშნავს — ეს არის ინვესტიცია იმ ადამიანებში, რომლებიც არ ჩერდებიან, მუდმივად ვითარდებიან და მომავალს ქმნიან.საქართველოს ბანკისთვის ახალგაზრდების ხელშეწყობა და მათთვის საკუთარი პოტენციალის სრულად გამოვლენის შესაძლებლობების გაჩენა სწორედ ამ ხედვის ნაწილია. ბანკი უკვე მრავალი წელია, რაც ქმნის და მხარს უჭერს ისეთ ინიციატივებს, რომლებიც ახალგაზრდებს საკუთარი იდეების განხორციელებაში, ცოდნის გაღრმავებასა და პროფესიულ განვითარებაში ეხმარება.არ გაჩერდე: იდეებიდან შესაძლებლობებამდეახალგაზრდობის ძალა მოძრაობაშია – სურვილში, რომ სცადო მაშინაც, როცა პასუხები ჯერ არ არსებობს; შექმნა მაშინაც, როცა გზა ჯერ არავის გაუვლია; შეცვალო მაშინაც, როცა ცვლილება რთულად იწყება. სწორედ ეს მოძრაობა იქცევა იდეად, იდეა – შესაძლებლობად, შესაძლებლობა კი ცვლილებად. ამ გზაზე საქართველოს ბანკი ახალგაზრდების მთავარი მხარდამჭერია, რადგან მათი ხელშეწყობა ამ უწყვეტი მოძრაობის ნაწილია.ეს არის პროცესი, რომელიც განათლებითა და ცოდნით იწყება, შესაძლებლობებით გრძელდება და ადამიანების გაძლიერებით იძენს მნიშვნელობას – საკუთარი გზის აღმოჩენის, ნაცნობს მიღმა გასვლისა და იმის შექმნისთვის, რაც ჯერ არ არსებობს.ამიტომ „არ გაჩერდე“ საქართველოს ბანკისთვის მხოლოდ მოწოდება არ არის. ეს არის იდეა, რომელიც ადამიანებს ახალი შესაძლებლობების აღმოჩენისკენ უბიძგებს.,,არ გაჩერდე“, რადგან მომავალს ერთი ნაბიჯი არ განსაზღვრავს. მას ქმნის ყოველი მცდელობა, მოქმედება და წინსვლასწორედ ასეთი ადამიანების აღმოჩენას, მხარდაჭერასა და გაძლიერებას ემსახურება Forbes Under 30 – ოცდაათწლამდელთა გლობალური პლატფორმა.უკვე მერვე წელია, Forbes Georgia მხარს უჭერს ახალგაზრდებს, რომლებიც საკუთარი  გამბედაობით, ინოვაციური ხედვითა და შეუპოვრობით ქვეყნის მომავალს ქმნიან.წლევანდელი ღონისძიების თემა – Future is Under 30 – იგივე სულისკვეთებას იზიარებს, ხოლო მისი მთავარი წარმდგენი საქართველოს ბანკია.პროექტის ფარგლებში ახალგაზრდა ლიდერები შვიდ კატეგორიაში შეფასდებიან:· ანტრეპრენერები და მეწარმეები;· ტექნოლოგიები და ელექტრონული კომერცია;· ფინანსები;· განათლება და მეცნიერება;· ხელოვნება და სტილი;· სპორტი;· სოციალური გავლენა.გამარჯვებულების გამოვლენაში სხვადასხვა სფეროს პროფესიონალებთან ერთად საქართველოს ბანკის წარმომადგენლებიც იღებენ მონაწილეობას. ფინანსების კატეგორიის ჟიურის წევრია საქართველოს ბანკის გენერალური დირექტორის მოადგილე გიორგი გურეშიძე; ანტრეპრენერებისა და მეწარმეების კატეგორიის ჟიურის წევრია საქართველოს ბანკის გენერალური დირექტორის მოადგილე, ლევან გომშიაშვილი; განათლებისა და მეცნიერების, ასევე სოციალური გავლენის კატეგორიებში გამარჯვებულებს საქართველოს ბანკის CSR მიმართულების ხელმძღვანელი, ანი ლომთაძე წარადგენს. მათი მონაწილეობა პროექტში კიდევ ერთხელ აჩვენებს, რომ ახალგაზრდა თაობის მხარდაჭერა საქართველოს ბანკისთვის მხოლოდ პარტნიორის როლით არ შემოიფარგლება — ბანკის გუნდი უშუალოდ ერთვება იმ ადამიანების აღმოჩენასა და შეფასებაში, რომლებიც არ ჩერდებიან და საკუთარი წვლილი შეაქვთ უკეთესი მომავლის შექმნაში.“ოცდაათწლამდელთა სიაში მოხვედრა მხოლოდ ფორმალური აღიარება არ არის. ხშირად, ეს ხდება მნიშვნელოვანი ბიძგი მეტი წარმატებისთვის. გვსურს, საუკუნოვანი მედიაბრენდის ძალა მომავლის შემოქმედთა სამსახურში ჩავაყენოთ“ – ამბობენ Forbes Georgia-ში.„გვჯერა, რომ მომავალი სწორედ იმ ადამიანების ხელშია, რომლებიც დღეს გაბედულად ფიქრობენ, ქმნიან, მოქმედებენ და არ ჩერდებიან. საკუთარი იდეების რეალობად ქცევის, პოტენციალის გამოვლენისა და სრულად ათვისების პროცესში კი საქართველოს ბანკი მათი მთავარი მხარდამჭერია“, - აღნიშნავენ საქართველოს ბანკში.ინფორმაცია ღონისძიების შესახებ: 18 სექტემბერს, ცისკარი გარდენსში Forbes Georgia 30 Under 30 დაჯილდოების ცერემონია გაიმართება, რომელსაც უკვე მერვე წელია Forbes Georgia ახორციელებს. ღონისძიება აერთიანებს ლიდერებს, ინოვატორებსა და გამორჩეულ ნიჭიერ ახალგაზრდებს. 25 აგვისტოდან 18 სექტემბრამდე, "Forbes Georgia 30 Under 30"-ის დაჯილდოების ცერემონიის ბილეთების TKT-სა და biletebi.ge-ზე შეძენისას საქართველოს ბანკის ფიზიკური პირის ნებისმიერი ბარათის მფლობელები 20%-იანი ფასდაკლებით ისარგებლებენ. აქცია თითოეული კალათიდან პირველ 80 ბილეთზე  ვრცელდება. შეთავაზებით სარგებლობისთვის აუცილებელია საქართველოს ბანკის გადახდის მეთოდის გამოყენება.

1788261855

ფესტივალის უცვლელი პარტნიორი უკვე ათი წელია თიბისია. ბრენდისთვის AD BLACK SEA არის სივრცე, რომელიც ახალ იდეებს, შემოქმედებით თავისუფლებასა და საერთაშორისო გამოცდილებას აერთიანებს და საქართველოში ამ ინდუსტრიის განვითარებას უწყობს ხელს.ფესტივალის ფარგლებში, უკვე მეოთხედ, თიბისი Young Creative-ის ნომინაციას წარადგენს და წლის ყველაზე შემოქმედებით ახალგაზრდას საერთაშორისო პროფესიული განვითარების ახალ შესაძლებლობებს მისცემს.ნომინაციის მნიშვნელობას კარგად აჩვენებს წინა წლის გამარჯვებულის გამოცდილება. ნანუკა ნინიძე, რომელმაც 2025 წელს თიბისის საახალწლო კამპანიით გაიმარჯვა, ამბობს: „Young Creative-ის ნომინაციაში გამარჯვებამ საშუალება მომცა, საპრიზო ფონდით Cannes Lions-ის ფესტივალს დავსწრებოდი. სტუდენტობიდან მოყოლებული, ეს ჩემი ოცნება იყო და მაშინ ძალიან შორეულ მომავლად მეჩვენებოდა. ყველაზე მნიშვნელოვანი კი ისაა, რომ იდეის რწმენამ ეს შესაძლებლობა რეალობად აქცია“.წელს AD BLACK SEA-ს 20-ზე მეტი ქვეყნიდან, 1500-მდე დელეგატი დაესწრება. ფესტივალის კულმინაცია იქნება 12 სექტემბერს, დაჯილდოების ცერემონიალი, სადაც მთავარ სცენაზე, საერთაშორისო ჟიურის მიერ, 14 სხვადასხვა კატეგორიაში ყველზე შემოქმედებითი კამპანიები, სააგენტოები და ბრენდები გამოვლინდებიან.ფესტივალის კონცეფცია „ON THE EDGE“ კი სწორედ ცვლილებებისა და ახალი იდეების გაჩენის ზღვარზე ყოფნას ეძღვნება. ფესტივალი მონაწილეებს პროფესიული ცოდნის გაღრმავებისა და საერთაშორისო კავშირების შექმნის შესაძლებლობასაც მისცემს.

1788256033

წელს, თიბისი, მომხმარებლებს, წინასასკოლო შეთავაზებებს, სექტემბრის თვის სხვადასხვა პერიოდში სთავაზობს.მხოლოდ მოსწავლის ბარათის და ახალი თიბისი ბარათის 18-23 წლის მფლობელებისთვისმოსწავლის ბარათის და ახალი თიბისი ბარათის 18-23 წლის მფლობელები წინასასკოლო შეთავაზებებით 1-დან 30 სექტემბრის ჩათვლით ისარგებლებენ. 1-30 სექტემბრის შეთავაზებები 7-11 სექტემბრის შეთავაზებები 12-13 სექტემბრის შეთავაზებები 4-5 სექტემბერი (ახალი თიბისი ბარათის, ახალი თიბისი კონცეპტ ბარათების და ერთგული ბარათების შეთავაზებები)4-5 სექტემბერს ახალი თიბისი ბარათით, ახალი თიბისი კონცეპტ ბარათებით და ერთგული საკრედიტო ბარათებით დრესაპ ჯგუფის ფიზიკურ მაღაზიებში თიბისის პოს-ტერმინალზე გადახდისას, მომხმარებლები გადახდილი თანხის 30%-ს მომენტალურად დაიბრუნებენ. ახალი თიბისი ბარათის და ერთგული საკრედიტო ბარათის მფლობელები ჯამში მაქსიმუმ 150 ლარს, ახალი თიბისი კონცეპტ ბარათების და ერთგული ბარათის მფლობელები კი, 300 ლარს. ICR-ის ფიზიკურ მაღაზიებში კი, იგივე პირობებითა და ლიმიტებით, 40%-იანი ქეშბექ შეთავაზებით ისარგებლებენ.მხოლოდ 5 სექტემბერს, მხოლოდ ერთგული საკრედიტო ბარათების მფლობელებს 20%-იანი ქეშბექ შეთავაზება დახვდებათ Alta-ს ფიზიკურ მაღაზიებსა და ონლაინ მაღაზიაში, სადაც ყველა ერთგული საკრედიტო ბარათით გადახდისას მაქსიმუმ 500 ლარს დაიბრუნებენ.5-6 სექტემბერი (თიბისი კონცეპტ Mastercard  ბარათების შეთავაზებები)წინასასკოლო შეთავაზებების ფარგლებში, 5-6 სექტემბერს თიბისი კონცეპტ Mastercard ბარათების მფლობელები 40%-იანი მომენტალური ქეშბექით ისარგებლებენ და ჯამში მაქსიმუმ 1000 ლარს დაიბრუნებენ შემდეგ პარტნიორ ობიექტებში:  მონ შუ, ანტარისი, პეტიტ ელი, ველვეტ, ვივიდი პეტიტ, ბატო ბი ჯი, სთორი, მონალიზა, ტარტინ ე, შოკოლა.12-13 სექტემბერი (ახალი თიბისი ბარათის, ახალი თიბისი კონცეპტ ბარათების და ერთგული  ბარათების შეთავაზებები)12-13 სექტემბერს ახალი თიბისი ბარათის, ახალი თიბისი კონცეპტ ბარათების  და ერთგული ბარათების მფლობელებს 40%-იანი ქეშბექ შეთავაზება დახვდებათ შემდეგ პარტნიორ ობიექტებში თიბისის პოს-ტერმინალზე გადახდისას:მანგო, მარკ&სპენსერი, ალდო, უს პოლო, ზიპი, ჩარლზ & ქეითი, ლა ვიენ როუზი,  ფლორმარი, კიკო მილანო, იპეკიოლი, სან გლას ჰათი, სალამანდრა, ვორტმანი, სუპერდრაი, პენტი, ოვსი, მატალანი.ახალი თიბისი ბარათის და ერთგული ბარათის მფლობელები ჯამში მაქსიმუმ 150 ლარს, ხოლო ახალი თიბისი კონცეპტ ბარათების და ერთგული ბარათის მფლობელები 300 ლარს დაიბრუნებენ.შეთავაზების პირობების სანახავად ეწვიეთ ბმულს.მოემზადე, ახალი სასწავლო წლისთვის და აიღე თიბისის ნებისმიერი ბარათი მარტივად, პირდაპირ მობაილბანკიდან. (R)

1788252307

საქართველოს ბანკის ციფრული გადახდების სტრატეგია ბიზნეს ზრდასა და ფულადი ნაკადების მართვაში ეხმარება. ბიზნეს ინტერნეტბანკის, ბიზნეს მობილბანკის და სხვა არხების მეშვეობით, კომპანიებს შეუძლიათ განახორციელონ ნებისმიერი ტიპის გადარიცხვები, მათ შორის გასცენ ხელფასები, დაფარონ გადასახადები და სხვა. სავაჭრო ობიექტებს კი ბანკი სრულ ეკოსისტემას სთავაზობს, რომელიც მოიცავს ბარათით გადახდებს, Apple Pay-ს, Google Pay-ს, ნაწილ-ნაწილ სისტემას, ონლაინ განვადებებს და ა.შ.ამასთანავე, საცალო მომხმარებლებისთვის საქართველოს ბანკი რეგიონში ყველაზე ფართო ყოველდღიური გადახდების პლატფორმას მართავს სამ ძირითად არხში: მობილბანკში, ვებპორტალზე bogpay.ge და თვითმომსახურების ტერმინალებში.„ჩვენი მიზანია, გადახდების პროცესი მომხმარებლისთვის მაქსიმალურად მარტივი და ინტუიციური გავხადოთ, ხოლო ბიზნესისთვის იგი ეფექტიან კომერციულ ინსტრუმენტად იქცეს. Global Finance-ის აღიარება გადახდების მიმართულებით ადასტურებს, რომ ჩვენ მიერ შექმნილი ეკოსისტემა წარმატებით პასუხობს როგორც საცალო მომხმარებლების ყოველდღიურ საჭიროებებს, ისე ბიზნესის მოთხოვნებს გადახდების მართვასა და გაყიდვების სტიმულირებაში. ჩვენ ვაგრძელებთ ინფრასტრუქტურისა და ტექნოლოგიების განვითარებას, რათა გადახდების პროცესი კიდევ უფრო ინტეგრირებული და ხელმისაწვდომი გავხადოთ,“ – განაცხადა ლევან კობახიძემ, საქართველოს ბანკის გადახდების ბიზნესის მიმართულების ხელმძღვანელმა.Global Finance-ი მსოფლიოს საუკეთესო ციფრულ ბანკებს უკვე 27-ე წელია ავლენს. გამარჯვებულები ვლინდებიან ისეთი კრიტერიუმებით, როგორებიცაა: ციფრული მომხმარებლების მოზიდვისა და მომსახურების სტრატეგიის სიძლიერე, მომხმარებლების მიერ ციფრული სერვისების გამოყენების მაჩვენებელი, ციფრული მომხმარებლების ზრდა, პროდუქტების მრავალფეროვნება, ვებ/მობილური პლატფორმების დიზაინი და ფუნქციონალი და სხვა. გამარჯვებულებს ტექნოლოგიური და საკონსულტაციო გლობალური ლიდერი კომპანიის, Infosys-ის ექსპერტებისგან შემდგარი ჟიური აფასებს, საბოლოო გადაწყვეტილებას კი Global Finance-ის რედაქტორები იღებენ. გამოცემა 1987 წელს დაარსდა და 196 ქვეყანაში 50,000-ზე მეტ მკითხველს აერთიანებს. იგი რეგულარულად აჯილდოებს საუკეთესო ბანკებსა და ფინანსური სერვისების სხვა პროვაიდერებს. მისი ჯილდოები გლობალური ფინანსური საზოგადოებისთვის სანდოობისა და მაღალი სტანდარტის ნიშნად ითვლება.

1788249825

ამასთან, მიწოდების მხარეს გაგრძელდა გაცემული მშენებლობის ნებართვების საცხოვრებელი ფართობის ზრდა. მიუხედავად წლის დასაწყისში დაფიქსირებული კლებადი ტრენდისა, ჯამურად გაცემული ნებართვების ფართობი წინა წლის ანალოგიურ პერიოდს თითქმის გაუტოლდა. პარალელურად, ფასების მზარდი ტენდენცია დაფიქსირდა ორივე სეგმენტში: პირველად ბაზარზე ფასების ზრდის ტემპი დაჩქარდა, ხოლო მეორად ბაზარზე, წინა თვეების სტაბილიზაციის შემდეგ, ღირებულებამ კვლავ მატება დაიწყო.მოთხოვნა 2026 წლის ივლისში, საჯარო რეესტრის მონაცემებით, გაყიდული ბინების რაოდენობამ 4,475 შეადგინა, აქედან: მეორად ბაზარზე გაყიდვები წლიურად 18.8%-ით გაიზარდა და 2,294 შეადგინა (2026 წლის 7 თვეში +16.6% წ/წ), რაც 2022 წლის შემდეგ ყველაზე მაღალი თვიური ნიშნულია. პირველად ბაზარზე გაყიდვები, რაზეც გავლენას დაგვიანებული რეგისტრაციები ახდენს, წლიურად 24.4%-ით გაიზარდა და 2,181 შეადგინა (2026 წლის 7 თვეში +19.9% წ/წ). Galt & Taggart-ის მიერ ჩატარებული დეველოპერების გამოკითხვის მიხედვით, რომელიც პირველადი ბაზრის ტენდენციებს რეალურ დროში ასახავს, 2026 წლის ივლისში გაყიდული ბინების რაოდენობა წლიურად 14.8%-ით გაიზარდა (2026 წლის 7 თვეში +30.1% წ/წ). 2026 წლის 7 თვეში, თბილისში სულ 27,274 ტრანზაქცია დარეგისტრირდა და გაყიდვების ჯამურმა ღირებულებამ 2.5 მლრდ აშშ დოლარი შეადგინა (+27.3% წ/წ).მიწოდება 2026 წლის ივლისში, გაცემული ნებართვების საცხოვრებელი ფართობის მზარდი ტრაექტორია გაგრძელდა და წლიურად 50.3%-ით გაიზარდა (182,789 კვ.მ 17 საცხოვრებელ პროექტში). მიუხედავად წარსულში ზედიზედ 8 თვიანი კლებადი ტრაექტორიისა, ბოლო ორ თვეში მნიშვნელოვნად დაჩქარდა ნებართვების გაცემა, რის შედეგადაც 2026 წლის 7 თვეში ჯამურად გაცემული ნებართვების ფართობი წინა წლის ანალოგიურ დონეს თითქმის გაუტოლდა და წლიურად მხოლოდ 0.3%-ით არის შემცირებული.ფასები 2026 წლის ივლისში, უძრავი ქონების ფასის ზრდის ტემპი პირველად ბაზარზე დაჩქარდა და თვიურად 0.7%-ით გაიზარდა 1,426 აშშ დოლარამდე. მეორადი ბაზრის ახალ პროექტებში (რაც 2013 წლიდან გაცემული ნებართვებით აშენდა) ფასი გასულ თვესთან შედარებით 2%-ით გაიზარდა და 1,372 აშშ დოლარი შეადგინა.ქირა 2026 წლის ივლისში, თბილისში საშუალო ზომის ბინის (50-60 კვ.მ) ქირის ფასი მაღალ დონეზე შენარჩუნდა და კვადრატულ მეტრზე $10.1 შეადგინა (+0.3% თვიურად), ქირის ამონაგებმა კი - 8.5%.

1788245455

აშშ-ის ქალაქ ენშვილში მიმდინარე შეხვედრას რუსეთის ფინანსთა მინისტრი ანტონ სილუანოვი ესწრებოდა. ფორუმის ფარგლებში აშშ-ის ხაზინის მდივანმა სკოტ ბესენტმა რუს კოლეგასთან პირისპირ შეხვედრაც გამართა. ხაზინის წარმომადგენელთა განცხადებით, ბესენტმა ხაზგასმით აღნიშნა, რომ უკრაინაში ომის დასრულებამდე აშშ რუსეთისთვის ეკონომიკური სანქციების შემსუბუქებას არ განიხილავს.თეთრი სახლის გადაწყვეტილებას ევროპელი დიპლომატების მხრიდან პროტესტი მოჰყვა. გერმანიის ფინანსთა მინისტრის ლარს კლინგბაილის განცხადებით, ევროპული დელეგაციების ერთობლივი პოზიციის შედეგად, ტრადიციული ოფიციალური ფოტოს გადაღება რუსეთის წარმომადგენლის გარეშე შედგა.რუსეთის ფორუმში დაბრუნებას ამერიკელი კანონმდებლებიც აკრიტიკებენ. სენატის საგარეო ურთიერთობათა კომიტეტის დემოკრატმა სენატორმა ჯინ შაჰინმა ადმინისტრაციას მოუწოდა, პუტინის რეჟიმზე ზეწოლა გაძლიერდეს და პლატფორმის დათმობის ნაცვლად, სანქციების ახალი პაკეტი დამტკიცდეს.G20-ის ფორმატში რუსეთის მონაწილეობა მკვეთრი ცვლილებაა აშშ-ის წინა ადმინისტრაციის პოლიტიკიდან, რომელიც პარტნიორებთან ერთად საერთაშორისო ეკონომიკურ პლატფორმებზე მოსკოვის სრულ იზოლაციას უჭერდა მხარს.

1788243481

„ორი-სამი დღის წინ მივიღე სიგნალები, რომ ისინი (რუსული მხარე) მზად არიან, განიხილონ დეტალები – ვინ და რამდენის ინვესტირება უნდა მოახდინოს და ასე შემდეგ“, – განაცხადა მირზოიანმა.მინისტრის თქმით, პროექტის განხორციელება მნიშვნელოვნად იქნება დამოკიდებული მის პირობებზე და საკითხი ჯერ შესაბამისმა უწყებებმა უნდა განიხილონ.სომხეთის რკინიგზის ინფრასტრუქტურა 2008 წელს რუსეთის სახელმწიფო კომპანია „რუსეთის რკინიგზის“ შვილობილ კომპანია „სამხრეთ კავკასიის რკინიგზას“ 30-წლიანი კონცესიით გადაეცა. შეთანხმება კონცესიის დამატებით 10 წლით გაგრძელების შესაძლებლობასაც ითვალისწინებს.რუსეთის კონცესიის გადახედვის საკითხი სომხეთის მიერ აზერბაიჯანისა და თურქეთის საზღვრების მიმართულებით სარკინიგზო მონაკვეთების აღდგენის გეგმების ფონზე გააქტიურდა. სომხეთის პრემიერ-მინისტრმა ნიკოლ ფაშინიანმა მაისში განაცხადა, რომ ხელისუფლება მზად არის შესაბამისი ინფრასტრუქტურის რეკონსტრუქცია საკუთარი სახსრებით განახორციელოს.ფაშინიანმა მოსკოვს ასევე შესთავაზა, განეხილა კონცესიის მესამე მეგობარი ქვეყნისთვის გადაცემის შესაძლებლობა, თუმცა რუსეთის ტრანსპორტის მინისტრმა ანდრეი ნიკიტინმა მოგვიანებით განაცხადა, რომ ასეთი საკითხი არ განიხილება.რა სარკინიგზო კავშირები აქვს სომხეთს დღეს?სომხეთს მოქმედი საერთაშორისო სარკინიგზო კავშირი დღეს მხოლოდ საქართველოსთან აქვს. 2026 წლის ზაფხულში განახლდა ერევანი–თბილისი–ბათუმის საერთაშორისო სამგზავრო რეისი, რომელიც 14 ივნისიდან ყოველ მეორე დღეს მოძრაობს და ეს მარშრუტი 1 ოქტომბრამდე იმუშავებს.ირანთან პირდაპირი მოქმედი სარკინიგზო კავშირი სომხეთს ამჟამად არ აქვს. ირანთან სარკინიგზო ხაზის მშენებლობა წლებია განიხილება, თუმცა სომხეთის სამხრეთიდან ირანის საზღვრამდე მოქმედი რკინიგზა ჯერ არ არსებობს. სომხეთ-ირანის არსებული სარკინიგზო მარშრუტის ისტორიული მონაკვეთი ნახჭევანის გავლით გადის, მაგრამ აზერბაიჯანის ტერიტორიის გავლით კავშირი ამჟამად დახურულია.ასევე არ არსებობს მოქმედი პირდაპირი სარკინიგზო მიმოსვლა თურქეთთან და აზერბაიჯანთან. სწორედ ამ კავშირების აღდგენა წარმოადგენს სომხეთის მიმდინარე სატრანსპორტო გეგმების ერთ-ერთ მნიშვნელოვან ნაწილს.თუ სომხეთ-თურქეთისა და სომხეთ-აზერბაიჯანის სარკინიგზო მონაკვეთები აღდგა, ქვეყანა შეძლებს სარკინიგზო ქსელის საშუალებით პირდაპირ დაუკავშირდეს როგორც თურქეთის, ისე აზერბაიჯანის სატრანსპორტო დერეფნებს. ამასთან, საქართველოს მიმართულება უკვე მოქმედი მარშრუტია და 2026 წელს ორ ქვეყანას შორის საერთაშორისო სამგზავრო სარკინიგზო მიმოსვლაც მიმდინარეობს.

1788241292

თბილისი (GBC) – 28-30 აგვისტოს შვეიცარიის ქალაქ ლოზანამ ტურნირის ისტორიაში პირველად, გრანდ სლემს უმასპინძლა.  ტურნირში მონაწილეობა მსოფლიოს 78 ქვეყნის 525 ძიუდოისტმა მიიღო.საქართველოს ნაკრები ტურნირზე 13 სპორტსმენით იყო წარმოდგენილი.  ქართველმა ფალავნებმა მაყურებელს არაერთი დაძაბული და სანახაობრივი ბრძოლა შესთავაზეს.უკვე ტრადიციად იქცა, რომ ეთერ ლიპარტელიანი (57 კგ.) ტატამიდან მედლის გარეშე აღარ ბრუნდება. მსოფლიოს მოქმედმა ჩემპიონმა ფინალამდე მიმავალ გზაზე მეტოქეებს შანსი არ დაუტოვა - მან ფინალამდე 2 იპონით და 2 იუკოთი მიაღწია. გადამწყვეტ ბრძოლაში მის პირისპირ ძალიან რთული მეტოქე, ფრანგი სარა ლეონი იდგა. ეთერმა ფრთხილი და ტაქტიკურად გამართული ბრძოლა აჩვენა, მეტოქეს იუკოთი აჯობა და საქართველოს ოქროს მედალიც მოუტანა.კვარცხლბეკის უმაღლეს საფეხურზე ავიდა ოლიმპიური თამაშების ვერცხლის მედალოსანი ილია სულამანიძეც (100 კგ.). ილია ტურნირზე დამაჯერებლად გამოიყურებოდა და მისივე გამარჯვებებიდან გამომდინარე, შეგვიძლია ვთქვათ, რომ ფინალამდე იოლი გზა გაიარა. ოქროს მედლისთვის დაპირისპირებაში, სულამანიძის მეტოქე ნიდერლანდელი სიმეონ კათარინა იყო, რომლის ასპარეზობაც წელს თბილისშიც ვიხილეთ, სადაც ვერცხლის მედალს დაეუფლა. ურთულეს და დაძაბულ ბრძოლაში ილია სულამანიძემ დამაჯერებლობა შეინარჩუნა, გამარჯვებულის მენტალიტეტი გამოავლინა და ოქროს მედალს დაეუფლა.პირველ ადგილამდე ცოტა დააკლდა საქართველოს ნაკრების კიდევ ერთ გამორჩეულ წევრს, გურამ თუშიშვილს (+100 კგ). გურამმა მეოთხედფინალურ შეხვედრაში ინალ ტასოევთან დასანანი მარცხი იწვნია, თუმცა მისი ბრძოლა ამით არ დასრულებულა. რეპეშაჟში გადასვლის შემდეგ, მან ორ შეხვედრაში  გაიმარჯვა და ბრინჯაოს მედალს დამსახურებულად დაეუფლა.საერთო ჯამში, საქართველომ ლოზანას გრანდ სლემი სამი მედლით დაასრულა - ოქროს მედალს ეთერ ლიპარტელიანი და ილია სულამანიძე დაეუფლნენ, ხოლო გურამ თუშიშვილმა კი  საკუთარ კოლექციას ბრინჯაო დაუმატა.საინტერესო დებიუტი და საქართველოს ნაკრების შემადგენლობა ლოზანის გრანდ სლემი მნიშვნელოვანი იყო საქართველოს ნაკრების ყოფილი მთავარი მწვრთნელის, ლაშა გუჯეჯიანისთვის, რომელმაც ჩვენს ნაკრებთან ერთად მიღწეული დიდი წარმატების შემდეგ უზბეკი ძიუდოისტების გამოწრთობა დაიწყო. მისი დებიუტი წარმატებული გამოდგა - უზბეკეთის ნაკრებმა ტურნირზე 1 ოქროს, 2 ვერცხლის და 2 ბრინჯაოს მედალი მოიპოვა.რაც შეეხება საქართველოს ნაკრების სრულ შემადგენლობას, ტურნირზე ჩვენი ქვეყნის ღირსებას შემდეგი სპორტსმენები იცავდნენ:● კაცები: თორნიკე გიგაური, ვაჟა მარგველაშვილი (ორივე 66 კგ.), მიხეილ ბახბახაშვილი, გიორგი ლოლაძე (ორივე 73 კგ.), ზაურ დვალიშვილი (81 კგ.), ლუკა ჯავახიშვილი, აკაკი ჯაფარიძე (ორივე 90 კგ.), ილია სულამანიძე (100 კგ.) და გურამ თუშიშვილი (+100 კგ).● ქალები: ეთერ ლიპარტელიანი, ნინო ლოლაძე (ორივე - 57 კგ.), ნინო გულბანი (70 კგ.) და სოფიო სომხიშვილი (+78 კგ.).ერთად ვუგულშემატკივროთ ქართველ სპორტსმენებს საქართველოს ბანკი საქართველოს ოლიმპიური ნაკრების  მთავარი სპონსორია(R)

1788192934