Standard Chartered Bank ერთ-ერთი წამყვანი საერთაშორისო საბანკო ინსტიტუტია, რომელსაც ფართო გლობალური ქსელი და ძლიერი პოზიციები აქვს საერთაშორისო გადახდებისა და საკორესპონდენტო ბანკინგის სფეროში. სწორედ ამიტომ, თანამშრომლობა განსაკუთრებით დაეხმარება იმ კომპანიებს, რომლებიც ყოველდღიურად ახორციელებენ ტრანზაქციებს უცხოელ პარტნიორებთან, ასრულებენ იმპორტ-ექსპორტის ოპერაციებს და ჩართული არიან საერთაშორისო ვაჭრობაში.კლიენტებისთვის ეს ნიშნავს: საერთაშორისო გადარიცხვების უფრო ფართო გეოგრაფიულ დაფარვას; გადახდების უფრო ეფექტიან დამუშავებას - საერთაშორისო ტრანზაქციების პროცესის გამარტივებასა და დაჩქარებას; საიმედო საერთაშორისო საბანკო ინფრასტრუქტურაზე წვდომას საერთაშორისო ოპერაციების შეუფერხებლად განხორციელებისთვის; საერთაშორისო ბიზნესისა და სავაჭრო ოპერაციების გაძლიერებულ მხარდაჭერას, რაც კომპანიებს უცხოელ პარტნიორებთან ყოველდღიური ფინანსური ოპერაციების ეფექტიანად მართვაში დაეხმარება. „თიბისი მუდმივად ითვალისწინებს მომხმარებლების საჭიროებებს და ქმნის სერვისებს, რომლებიც მათს ყოველდღიურ საქმიანობას ამარტივებს. თანამედროვე და მოქნილი საბანკო ინფრასტრუქტურა ბიზნესებისთვის ფინანსური ოპერაციების უწყვეტად განხორციელების ერთ-ერთი მნიშვნელოვანი წინაპირობაა. სწორედ ამას ემსახურება Standard Chartered Bank-თან საკორესპონდენტო პარტნიორობის გაფორმება. თანამშრომლობა ხელს შეუწყობს საერთაშორისო ვაჭრობის შეუფერხებელ განხორციელებას, ბიზნესაქტივობის გაძლიერებას საქართველოში და ქვეყნის ეკონომიკის განვითარებას. საერთაშორისო საბანკო ინსტიტუტთან საკორესპონდენტო ურთიერთობის დაწყება კიდევ ერთი ნაბიჯია თიბისის საერთაშორისო შესაძლებლობებისა და საკორესპონდენტო ქსელის შემდგომი განვითარებისთვის”, - თამარ ხიზანიშვილი, თიბისის ვაჭრობის ფინანსირებისა და ფაქტორინგის დეპარტამენტის დირექტორი.(R)

1787212620

აღნიშნული სამართალდარღვევებიდან 5 ფაქტის შესახებ საქმის მასალები, სისხლის სამართლის კოდექსით გათვალისწინებული შესაძლო დანაშაულის  ნიშნების არსებობის გამო, საქართველოს ფინანსთა სამინისტროს საგამოძიებო სამსახურს გადაეგზავნა.

1787210205

უწყების ცნობით, 2026–2027 სასწავლო წლიდან გაზრდილი საათობრივი ანაზღაურების მისაღებად პედაგოგს იმ საგნის ან საფეხურის სწავლების დადასტურებული კომპეტენცია უნდა ჰქონოდა, რომელსაც ასწავლის. ახალი გადაწყვეტილებით კი, მოქმედ მასწავლებლებს საკუთარი კვალიფიკაციის დასადასტურებლად დამატებითი გონივრული ვადა ეძლევათ და საგნის ჩაბარება 2027–2028 სასწავლო წლის დაწყებამდე მოუწევთ.გარდამავალ პერიოდში სამინისტრო პედაგოგებს დამატებით მხარდაჭერას ჰპირდება: გამოცდები წელიწადში ორჯერ: საგნის გამოცდა მასწავლებლებისთვის როგორც ზაფხულში, ისე ზამთარში ჩატარდება. უფასო ტრენინგები: პედაგოგები შეძლებენ უსასყიდლოდ გაიარონ მასწავლებელთა პროფესიული განვითარების ეროვნული ცენტრის ინტენსიური საგნობრივი მომზადების კურსები. სამინისტროს განმარტებით, ცვლილების მიზანი სასწავლო პროცესის უწყვეტობის უზრუნველყოფა, სკოლების მომზადება და მასწავლებელთა პროფესიული სტაბილურობის ხელშეწყობაა. პარალელურად, უწყება აქტიურად მუშაობს მასწავლებელთა საკადრო დეფიციტის პრევენციისა და მართვის ერთიან სტრატეგიაზე.

1787208000

"ხვალ, 20 აგვისტოს, ჯორჯიან უოთერ ენდ ფაუერი გლდანის რაიონში, ქერჩის ქუჩა N2-ის მიმდებარედ, წყალმომარაგების სტაბილურობისთვის  ქსელზე აუცილებელ სამუშაოებს ჩაატარებს.კომპანიის ტექნიკური ჯგუფები სამუშაოებს 20 აგვისტოს ღამის 23:00 საათიდან დაიწყებენ და მთელი ღამის განმავლობაში ინტენსიურ რეჟიმში შეასრულებენ.აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც ხვალ, 20 აგვისტოს, ღამის 23:00  საათიდან 21 აგვისტოს დილის 08:00  საათამდე წყალმომარაგება შეეზღუდება:გლდანის რაიონში: ილორის, ჭელიძის, ზარზმის, იპოლიტოვ ივანოვისა და ევგენი ხარაძის ქუჩებს; სარაჯიშვილის გამზირის N1, 1გ, 3, 5, 7, 9, 11, 13, 17, 19, 21,23,  ქერჩის ქუჩის N1ა, N2.ჯორჯიან უოთერ ენდ ფაუერი ბოდიშს უხდის მომხმარებლებს დისკომფორტისთვის.წყალმომარაგების შეზღუდვისა და აღდგენის შესახებ ინფორმაციას, ჯორჯიან უოთერ ენდ ფაუერი აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით http://www.gwp.ge", - ნათქვამია განცხადებაში.(R)

1787154360

ინვესტორები ძირითადად ფიზიკური პირები არიან. აშშ დოლარში დენომინირებული ობლიგაციების კუპონის განაკვეთი 8.00%-ით, ევროს ობლიგაციების კუპონი კი 7.25%-ით განისაზღვრა. მოზიდული სახსრები კომპანიამ არსებული საბანკო ვალდებულებების რეფინანსირებისთვის გამოიყენა.„ვულოცავ შპს ლოპოტას ფასიანი ქაღალდების წარმატებით განთავსებას. ეს კომპანიისთვის ობლიგაციების პირველი პროგრამაა, ინვესტორების მაღალი დაინტერესება კი მათ მიმართ ნდობის დადასტურებაა. დარწმუნებული ვარ, შპს ლოპოტა მომავალშიც აქტიურად ჩაერთვება კაპიტალის ბაზრის განვითარებაში და სხვა კომპანიებსაც მისცემს მოტივაციას, რომ ფინანსებზე ხელმისაწვდომობის ზრდისთვის ალტერნატიულ საშუალებებს მიმართონ. მოხარული ვარ, რომ კაპიტალის ბაზარზე პირველი ნაბიჯების გადასადგმელად ლოპოტამ სწორედ თიბისი კაპიტალი აირჩია. მიმდინარე წელს ადგილობრივ ბაზარზე კომპანიების მიერ განხორციელებულ 12 კერძო და საჯარო ტრანზაქციაში მივიღეთ მონაწილეობა და 59,3%-იანი წილით ბაზრის ლიდერობას ვინარჩუნებთ”,- ოთარ შარიქაძე, თიბისი კაპიტალის დირექტორი.„მინდა მივულოცო “ლოპოტას“ 11 მილიონი დოლარისა და 6.9 მილიონი ევროს მოცულობის ობლიგაციების წარმატებით განთავსება. აღსანიშნავია, რომ წელს კომპანიამ კაპიტალის ბაზრის მხარდაჭერის სახელმწიფო პროგრამის ფარგლებში  პირველად განახორციელა სასესხო ფასიანი ქაღალდების ემისია, რაც კაპიტალის ბაზარზე ახალი ემიტენტების შემოსვლის კიდევ ერთი თვალსაჩინო მაგალითია. მოხარული ვარ, რომ კაპიტალის ბაზარი ქართული ბიზნესისთვის გრძელვადიანი განვითარების და ფინანსური რესურსების მოზიდვის ეფექტიანი ინსტრუმენტი ხდება და სულ უფრო მეტი ქართული კომპანია განიხილავს მას, როგორც ზრდის შესაძლებლობას. კაპიტალის ბაზრის მხარდაჭერის სახელმწიფო პროგრამა 2024 წელს დავიწყეთ. პროგრამის ამოქმედებიდან დღემდე მხარდაჭერილია 14 კომპანიის 26 ემისია, რომელთა მეშვეობითაც საფონდო ბაზარზე მილიარდ ლარზე მეტი (1,18 მლრდ) საინვესტიციო რესურსია მოზიდული. კორპორაცია მომავალშიც აქტიურად გააგრძელებს მსგავსი ინიციატივების მხარდაჭერას, რადგან კაპიტალის ბაზრის განვითარება ჩვენთვის ერთ-ერთი სტრატეგიული მიმართულებაა“, - ირაკლი გაბრიაძე, საქართველოს ეკონომიკის კორპორაციის დირექტორი.“ობლიგაციების პირველი პროგრამის წარმატებით განხორციელება მნიშვნელოვანი ეტაპია ლოპოტას ისტორიაში. ჩვენთვის ეს არამხოლოდ ფინანსური რესურსის მოზიდვა, არამედ კაპიტალის ბაზარზე ჩვენი ბიზნესის მიმართ არსებული ნდობის დადასტურებაა. ეს ნაბიჯი ნათლად აჩვენებს, თუ როგორ იქცა წლების წინ დაწყებული პატარა წამოწყება საერთაშორისო ინვესტორებისთვის სანდო და მასშტაბურ პროექტად. მადლობას ვუხდით ლოპოტას თითოეულ სტუმარს და ინვესტორს ნდობისთვის, ხოლო თიბისი კაპიტალს - მხარდაჭერისთვის. თიბისი ბანკი წლების განმავლობაში იდგა ლოპოტას გვერდით. ეს არის დამატებითი შესაძლებლობა, გავაგრძელოთ ლოპოტას განვითარება და კიდევ უფრო გავამყაროთ ის სტაბილური ბიზნესი, რომელიც დღეს რეგიონის ერთ-ერთი უმსხვილესი დამსაქმებელი და მისი ეკონომიკური გაძლიერების მნიშვნელოვანი მხარდამჭერია”, - გიორგი ქევანიშვილი, "ლოპოტა სპა რეზორტის" აღმასრულებელი დირექტორი.ლოპოტა 2008 წელს გოგა მაისურაძის მიერ დაფუძნდა. პირველი 7-ოთახიანი საოჯახო სასტუმრო თავიდანვე მასშტაბური იდეის დასაწყისს წარმოადგენდა, დღეს კი ის უკვე საქართველოს სტუმარმასპინძლობის სექტორის ერთ-ერთი წამყვანი რეზორტია. 60 ჰექტარზე გაშენებული კომპლექსი აერთიანებს 310 ნომერს, სხვადასხვა კონცეფციის სივრცესა და მაღალი სტანდარტის მომსახურებას.

1787153760

შეხვედრაზე მხარეებმა გაზრდილი ტვირთბრუნვის პირობებში, ორი ქვეყნის საბაჟო გამშვები პუნქტების წინაშე არსებულ გამოწვევებზე ისაუბრეს და საერთაშორისო გადაზიდვების შეუფერხებელი გამტარუნარიანობის უზრუნველყოფის საკითხები განიხილეს. განსაკუთრებული აქცენტი გაკეთდა ადგილზე არსებული მდგომარეობის გაცნობისა და შესაბამისი ქმედითი ღონისძიებების დაგეგმვა/განხორციელების მიმართულებით. ამასთან, შეხვედრების მსვლელობისას, მიღწეული იქნა შეთანხმება, რომ უახლოეს მომავალში, გაფართოებულ ფორმატში კვლავ გაიმართოს კომპლექსური შეხვედრები, რომელთა ფარგლებშიც შეფასდება უკვე განხორციელებული კონკრეტული ღონისძიებების შედეგები და საჭიროების შემთხვევაში, განისაზღვრება დამატებითი ქმედითი ნაბიჯები ტვირთების შეუფერხებელი გადაადგილების უზრუნველყოფის მიზნით.სამუშაო შეხვედრების დასრულებისას, მხარეებმა გამოთქვეს სრული მზადყოფნა მაქსიმალურად ხელი შეუწყონ ურთიერთთანამშრომლობის პროცესის შეუქცევადობას.სამუშაო შეხვედრები, რომელებსაც, ასევე ესწრებოდნენ შემოსავლების სამსახურის საერთაშორისო ურთიერთობათა დეპარტამენტის ხელმძღვანელი, არჩილ დარახველიძე, სგპ ,,წითელი ხიდის" უფროსი, ზურაბ ინასარიძე, სგპ ,,ლაგოდეხის" უფროსი მიხეილ ბერიძე და სხვა პასუხისმგებელი პირები აზერბაიჯანის რესპუბლიკის ტერიტორიაზე, საბაჟო გამშვები პუნქტების - ,,წითელი ხიდის" მოსაზღვრე მხარეს ,,სინიქ ქიორპუსსა" და ,,ლაგოდეხის"  მოსაზღვრე მხარეს მდებარე ,,მაზიმგარაში" ერთდროულად გაიმართა.

1787150460