"გლობალური ბაზრების სისუსტისა და ლარის აშშ დოლართან მიმართებით გამყარების ტენდენციის ფონზე, რაც უცხოურ ვალუტაში დენომინირებული აქტივების შემოსავლიანობას ამცირებს, ივლისის თვის პოზიტიური დინამიკა ძირითადად ადგილობრივ ვალუტაში დენომინირებული აქტივების მაღალ და სტაბილურ ამონაგებს უკავშირდება", - წერს საპენსიო ფონდი.ივლისში, ყველაზე მაღალი - 0.62%-იანი ზრდა კონსერვატიულმა პორტფელმა აჩვენა, ხოლო დაბალანსებული და დინამიკური პორტფელები შესაბამისად 0.51% და 0.20%-ით გაიზარდნენ.ამასთან, აღსანიშნავია, რომ ივლისში სამომხმარებლო ფასების ინდექსის კლებამ 0.17% შეადგინა, რაც პორტფელების რეალურ ამონაგებზე დადებითად აისახა.მიუხედავად იმისა, რომ თვე დინამიკური პორტფელისთვის შედარებით სუსტი აღმოჩნდა, წლის დასაწყისიდან დღემდე შემოსავლიანობის კუთხით აღნიშნული პორტფელი ლიდერობს. თუმცა, შემოსავლიანობა სამივე პორტფელში საკმაოდ მაღალ ნიშნულზე ნარჩუნდება: კონსერვატიული – 6.00% დაბალანსებული – 6.50% დინამიკური – 7.08%  ცნობისთვის, დინამიკური პორტფელი გრძელვადიანი შემოსავლიანობის კუთხითაც ლიდერობს - პორტფელების შექმნიდან (2023 წლის 6 აგვისტო) დღემდე მისი გაწლიურებული ამონაგები 13.3%-ია, ხოლო დაბალანსებული და კონსერვატიული პორტფელებისთვის შესაბამისი მაჩვენებლები 12.5% და 11.5%-ს შეადგენენ.საქართველოს საპენსიო ფონდის აქტივებმა ივლისის ბოლოსთვის ₾7.2 მლრდ-ს, ხოლო დაგენერირებულმა ამონაგებმა – ₾1.8 მლრდ-ს გადააჭარბა.

1754918145

კრედიტინფოს ინფორმაციით, 2024-ის ივლისში  საკრედიტო ქულა 313 მომხმარებელს დააკლდა. პირველად გადაუცდა თანხის შეტანა 1 თვეზე მეტი პერიოდით.01.08.2025–ის მდგომარეობით, ლიზინგის პორტფელი 709 მლნ ლარამდეა გაზრდილი (01.08.2024 – 524 მლნ).მთლიანად, კრედიტინფოს ბაზაში, 1.959 მლნ აქტიური მსესხებლის (ბანკის, მისოს, სგს, მიკრობანკის...) სასესხო ჩანაწერია და ბანკების დაბანდებაზე მოდის ჯამური პორტფელის - ₾ 69.8 მლრდ. 93.7% - ₾65.4 მლრდ. კოეფიციენტი უკვე მე-2 წელია, სტაბილურად  აღნიშნულ ნიშნულზეა.სალიზინგო ბაზარზე რამდენიმე აქტიური კომპანიაა, ძირითადად  ბანკის შვილობილები: TBC ლიზინგი, BB ლიზინგი, ტერალიზინგი, კრისტალი, ალიანს ჯგუფი.  ასევეა მსხვილი საავტომობილო ჯგუფის, თეგეტა ლიზინგი.

1754918021

2025 წლის 31 ივლისის მდგომარეობით, დაგროვებითი პენსიით ისარგებლა 21 972-მა მოქალაქემ და მათზე პენსიის სახით გაიცა 95.4 მლნ ლარი.

1754917275

კამპანიის ერთ-ერთი მნიშვნელოვანი კომპონენტი ფულადი პრიზებია, რომლის მიღების შესაძლებლობა ბიზნესს მინიმუმ 50-ლარიანი გადარიცხვის შესრულების შემდეგ აქვს.ბიზნესი, ყოველ მე-1000 ტრანზაქციაზე 100 ლარს, ხოლო ყოველ მე-10 000 ტრანზაქციაზე - 12 500 ლარს მიიღებს.გათამაშებაში მონაწილეობს როგორც ეროვნულ, ისე უცხოურ ვალუტაში გადარიცხვები, მათ შორის — სახაზინო გადარიცხვებიც.გარდა ამისა, კამპანიის ფარგლებში: ყველა მონაწილე ბიზნესს საჩუქრად გადაეცემა Mastercard ბიზნეს ბარათი, რომელზეც ნებისმიერი გადახდისას 2%-იანი ქეშბექი დაერიცხება (მაქსიმუმ 500 ლარამდე). ბარათის გამოყენება შესაძლებელია როგორც ყოველდღიური ხარჯებისთვის, ისე სხვადასხვა ციფრული თუ საოპერაციო საჭიროებისთვის. ბიზნესებს შესაძლებლობა აქვთ 3 თვის განმავლობაში საკომისიოს გარეშე გაააქტიურონ ბიზნეს ნაკრები M, რომელიც მოიცავს მოთხოვნად საბანკო სერვისებს: გადარიცხვებს შეღავათიანი ტარიფით, მეტ უფასო პროდუქტსა და კომუნალურ გადახდებს ყოველთვიურად, განაღდების მაღალ ლიმიტს და ა.შ. მომსახურების გააქტიურება შესაძლებელია საქართველოს ბანკის ციფრული არხების — ბიზნეს მობილბანკის და ინტერნეტბანკის — მეშვეობით. კამპანიაში ჩართულ ბიზნესებს ასევე შეუძლიათ აირჩიონ ერთი ბენეფიტი შედეგიდან: გადარიცხვები ეროვნულ ვალუტაში (სახაზინოს ჩათვლით) — საკომისიოს გარეშე; ან გადარიცხვები უცხოურ ვალუტაში — საკომისიოს გარეშე. გათამაშებაში მონაწილეობს როგორც ეროვნულ, ისე უცხოურ ვალუტაში გადარიცხვები, მათ შორის — სახაზინო გადარიცხვებიც.კამპანიაში მონაწილეობის მიღება შეუძლიათ: იურიდიულ პირებს, რომლებსაც 23 ივნისამდე არ ჰქონიათ ანგარიში საქართველოს ბანკში და მას დისტანციურად 30 სექტემბრამდე გახსნიან. იურიდიულ პირებს, რომლებიც ბიზნესს (შპს ან ინდ. მეწარმე) საქართველოს ბანკის ფილიალში დაარეგისტრირებენ დაბიზნეს ანგარიშსაც გახსნიან; იურიდიულ პირებს, რომლებსაც ბიზნეს მობილბანკი ან ინტერნეტბანკი 1 აპრილის შემდეგ არ გამოუყენებიათ.  Mastercard ბიზნეს ბარათის მიღება და კამპანიაში ჩართვა შესაძლებელია როგორც ბიზნეს მობილბანკიდან და ინტერნეტბანკიდან. თუ ჯერ არ ხართ საქართველოს ბანკის ბიზნეს მომხმარებელი — გახსენით ბიზნეს ანგარიში ონლაინ სულ რაღაც 2 წუთში.ბიზნესის დაწყების მსურველებს კი შესაძლებლობა აქვს, უკვე საქართველოს ბანკის 5 ფილიალში სამეწარმეო რეესტრში დაარეგისტრიროს შპს ან მიიღოს ინდ.მეწარმის სტატუსი.  ფილიალების ჩამონათვალი შეგიძლიათ იხილოთ ამ ბმულზე.

1754914179

კერძოდ, Lion Finance Group-ის (BGEO LN) აქციები დაიხურა 78.80 ბრიტანულ ფუნტ სტერლინგში (GBP), +3.28% წინა კვირასთან შედარებით და +10.99% გასულ თვესთან შედარებით. ვაჭრობის მოცულობამ 350 ათას აქციაზე მეტი შეადგინა, GBP 76.15 - 79.85 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 49 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 48.10 ბრიტანულ ფუნტ სტერლინგში (GBP), +1.48% წინა კვირასთან შედარებით და +0.10% გასულ თვესთან შედარებით. ვაჭრობის მოცულობამ 556 ათას აქციაზე მეტი შეადგინა, GBP 42.20 - 50.70 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 72 ათასი აქცია შეადგინა.Georgia Capital-ის (CGEO LN) აქციები დაიხურა 23.10 ბრიტანულ ფუნტ სტერლინგში (GBP), +8.20% წინა კვირასთან შედარებით და +14.36% გასულ თვესთან შედარებით. ვაჭრობის მოცულობამ 477 ათას აქციაზე მეტი შეადგინა, GBP 21.90 - 23.65 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 72 ათასი აქცია შეადგინა.

1754912214

თიბისიშიც ამის სჯერათ და ამიტომ, განათლებით საკუთარი ამბის შექმნაში აქტიურად ეხმარებიან ახალგაზრდებს და სწორედ ამ მიზნით დაუპარტნიორდა თიბისი საგანმანათლებლო ფონდ „ვიზიონერის”. გაგაცნობთ სტუდენტებიდან ერთ-ერთს, რომლის ამბავიც განათლებით იქმნება და ყოველ ჯერზე, თვითრწმენის განცდით, სრულიად ახლებურად იწერება.ანი გოგია სამედიცინო ფაკულტეტის სტუდენტია და ადამიანების იმ რიცხვს მიეკუთვნება, რომლებმაც ბავშვობიდან ზუსტად იციან საით უნდა წავიდეს მათი კარიერული ორიენტირი. მისი ისტორია გვახსენებს, რომ ხშირად, სრულიად შემთხვევით, ამბის დასაწყისში გვკარნახობს შინაგანი ხმა სწორ გზას, მისი უბრალოდ უნდა დავიჯეროთ.„იმის მიუხედავად, რომ ბავშვობიდანვე მიზიდავდა სამედიცინო სფერო, უშუალოდ სტომატოლოგობა სკოლის ბოლო წლებში გახდა ჩემი მიზანი. ამ მიზნისკენ მიმავალ გზაზე ჩემთვის განათლება აღმოჩნდა მნიშვნელოვანი გზამკვლევი. ბავშვობის ინტერესი ჯერ კიდევ სკოლის პერიოდში, ბიოლოგიის და ქიმიის სწავლამ უფრო გამიღრმავა, ხოლო შემდეგ უნივერსიტეტმა საშუალება მომცა, მეტი პრაქტიკული გამოცდილება მიმეღო”.ბუნებრივია, რომ ამბის პირველ ეტაპებზე კარიერული გზის შემდგომი ეტაპები ბუნდოვანია, მეტიც, შეიძლება სვლასთან ერთად კიდევ უფრო მეტად ბუნდოვანდება, თუმცა ანის ამბავი კიდევ ერთი დასტურია იმის, რომ განათლება ამ კარიერულ საფეხურებს ყველაზე უკეთ გვინათებს ხოლმე.„განათლება გაცილებით მეტია, ვიდრე მხოლოდ პროფესიული განვითარება, ეს არის ერთგვარი ძალა, რომელიც გიბიძგებს, იყო შენი თავის უკეთესი ვერსია, იყო მეტად თავდაჯერებული, ჯიუტი და უშიშარი.”ანისთვის განათლებაა ის, რაც ხშირად ახსენებს, რომ შეუძლებელიც შესაძლებელია და ამ გზაზე მხარდაჭერას მნიშვნელოვან პრიორიტეტად მიიჩნევს. ამიტომ, თითქოს შენი თავის დაჯერება და ფიქრი იმაზე, რომ არაფერი არსებობს, რაც არ გამოვა, განათლების მიღების აუცილებელი და განუყოფელი სულისკვეთება აღმოჩნდა. რასაც მისი სიტყვებიც ადასტურებს:„განათლების მიღების გზაზე, ვფიქრობ, უნდა გახსოვდეს, რომ თუ გჯერა, მართლა ყველაფერი შესაძლებელია. თუ გჯერა, მომავლის იმედი მოგცემს ძალას, რომ ყველა მიზანს მიაღწიო”ძალიან ბევრი მაგალითი არსებობს იმისა, რომ ყველაფერი გამოგივა, მთავარია გჯეროდეს შენი მიზნების. თიბისის განათლების პროგრამები კი გაძლევს შესაძლებლობას ისწავლო იქ, სადაც ხარ და სიახლეების მუდმივ ძიებაში გაიღრმაო ინტერესები და ცოდნა.

1754911577

დაკისრებული ჯარიმები და მიზეზები მოიცავს: პირველადი აღრიცხვის ფორმის დაგვიანებით წარდგენას - 5,000 ლარი; ინფორმაციის/დოკუმენტაციის არასწორად წარდგენის 3 ფაქტს - ჯამში 6,000 ლარი; შიდა კონტროლის პოლიტიკის/პროცედურების არარსებობას - 5,000 ლარი; პროგრამული სისტემის ხარვეზებით ფუნქციონირებას, მათ შორის საეჭვო ოპერაციებისა და სანქცირებული პირების გამოვლენის ნაწილში - 15,000 ლარი; ზედამხედველობის ანგარიშგებით არასწორი ინფორმაციის წარდგენის 4 ფაქტს ჯამში 4,000 ლარი; საქმიანი ურთიერთობის მიზნისა და ხასიათის დაუდგენლობის 4 შემთხვევას - ჯამში 8,000 ლარი; კლიენტისთვის რისკის დონის მინიჭების არქონის 2 შემთხვევას - ჯამში 4,000 ლარი. სამეწარმეო რეესტრის თანახმად, სგს-ს 100% ლია გურიელიძეს ეკუთვნის.საქართველოს მთავრობამ AML/CFT ზედამხედველობის წესი 2018 წლის 27 ივნისს დაამტკიცა. განმარტებითი ბარათის მიხედვით, პორტალმა ეროვნული ბანკის პრეზიდენტის შესაბამისი ბრძანებით დამტკიცებით უნდა გააკონტროლოს უკანონო შემოსავლის ლეგალიზაციის და ტერორიზმის დაფინანსების რისკის ზედამხედველობა, ანგარიშგების შევსებისა და ინფორმაციის წარმოდგენის წესით გათვალისწინებული ანგარიშგებები.

1754906593

კამპანიის მიზანი შემდეგია - მოუწოდოს ყველა იმ ბრენდს, რომელიც საკუთარ ლოგოში ცხოველის ან ფრინველის ლოგოს იყენებს, წვლილი შეიტანოს ბუნების დაცვის პროცესში.“იეგერმაისტერი არის ბრენდი, რომლისთვისაც მდგრადობა (sustainability) არ არის მხოლოდ ერთჯერადი აქტივობა, არამედ გრძელვადიანი ხედვა, რომელიც განსაზღვრავს როგორც ყოველდღიურ ოპერაციებს, ასევე სტრატეგიულ გადაწყვეტილებებს. ჩვენი იდენტობა ყოველთვის ეფუძნებოდა პასუხისმგებლობიან დამოკიდებულებას გარემოს, ადამიანებისა და საზოგადოებრივი სივრცის მიმართ.სწორედ ამიტომ, კორპორატიული სოციალური პასუხისმგებლობის  მიმართულებით იეგერი არაერთ მნიშვნელოვან ინიციატივას ახორციელებს, რომელთა შორის გარემოსდაცვითი პროექტები განსაკუთრებული პრიორიტეტით სარგებლობს.თუმცა საქართველოს ბანკის და CNF-ის ინიციატივა გამორჩეულია იმით, რომ ერთდროულად კრეატიული და ღირებულებით დატვირთულია. ეს კამპანია სიმბოლურად ეხმიანება ჩვენს ლოგოში გამოსახულ ირემს, მაგრამ ამავე დროს რეალურ შესაძლებლობას გვაძლევს, რომ ბრენდის ღირებულებები და მდგრადობის პრინციპები შინაარსობრივად, ავთენტურად და ლოკალურად გამოვხატოთ”, - აღნიშნავს იეგერმაისტერის ჯგუფის ბრენდ მენეჯერი ანი ლომინაძე.ინფორმაციისთვის, იეგერმაისტერის ლოგოზე გამოსახული ირემი დაკავშირებულია წმინდა ჰუბერტის ლეგენდასთან მონადირის შესახებ.წმინდა ჰუბერტუსის ლეგენდის თანახმად, ერთ დროს დაუნდობელ მონადირეს ტყეში მოევლინა ირემი, შუბლის შუაგულში გამოსახული ნათელი ჯვრით. ამ ხილვამ ჰუბერტუსში შინაგანი გარდატეხა გამოიწვია: მან ბუნებასთან ჰარმონიული ურთიერთობის მნიშვნელობა გააცნობიერა და ცხოვრების დანარჩენი ნაწილი სწორედ ამ ღირებულებას მიუძღვნა. საბოლოოდ, ის მონადირეების მფარველ წმინდანად აღიარეს.იეგერმაისტერის დამფუძნებელმა, ქურთ მასტმა, ამ ლეგენდაში დაინახა ბრენდის ფილოსოფია - ბუნებასთან პასუხისმგებლობიანი მიდგომის მნიშვნელობა. შესაბამისად, ბრენდის ლოგო წარმოადგენს შინაგანი გარდატეხის, პასუხისმგებლობისა და ბუნების პატივისცემის სიმბოლოს.“ბუნება ყველასთვის საერთო რესურსია და მისი დაცვა თითოეული ჩვენგანის, მათ შორის ბიზნესებისა და ბრენდების საერთო პასუხისმგებლობაა. აქტიური ჩართულობა გარემოსდაცვით ინიციატივებში აჩვენებს, რომ ბრენდს აქვს გრძელვადიანი ხედვა და რეალურად ზრუნავს სოციალურ და გარემოსდაცვით მნიშვნელოვან საკითხებზე. ასეთი ნაბიჯები ამაღლებს თანამშრომლობის ეფექტურობას და გვაძლევს შესაძლებლობას, ერთად შევქმნათ უკეთესი და მდგრადი მომავალი”, - აღნიშნავს ანი ლომინაძე, იეგერმაისტერის ჯგუფის ბრენდ მენეჯერი.ინფორმაციისთვის, კამპანია კრეატიულ სააგენტო Leavingstone-თან თანამშრომლობით ხორციელდება.

1754902518

ასე გაჩნდა აგროლაბი - ლაბორატორია, რომელიც ღვინისა და ალკოჰოლური სასმელების ანალიზზეა კონცენტრირებული. ინოვაციური კი მოდელია, სადაც მომხმარებელი ლაბორატორიის ვებგვერდზე რეგისტრირდება, ონლაინ კაბინეტს ქმნის, სახლიდან გაუსვლელად ახერხებს შედეგის ნახვას, სერტიფიკატის ჩამოტვირთვას, კურიერის გამოძახებას და მენეჯერთან კონტაქტსაც კი.ლაბორატორიამ თიბისი დაჯილდოების მთავარი ჯილდო მიიღო რეგიონის განვითარებაში შეტანილი წვლილისთვის და ის იმ ადამიანებმა შექმნეს, რომლებიც წლების განმავლობაში საქმიანობდნენ ღვინის წარმოებაში.„კახეთი ქართული ღვინის წარმოების აკვანია. ნებისმიერი მეურნეობისთვის კი ლაბორატორიული ანალიზი აუცილებელია. ჩვენი სერვისზე მოთხოვნა ტექნოლოგიური პროცესის თანმდევი ნაწილია: ყურძნის მარცვლის შემოწმებიდან, ღვინის ჩამოსხმის მომენტამდე. საკუთარი გამოცდილებიდან მივხვდი, რომ რეგიონს სჭირდებოდა თანამედროვე, სანდო ლაბორატორია“, - გვიხსნის მარიამ სოლომნიშვილი.საქართველოში თითქმის ყველამ იცის, როგორ მზადდება ღვინო. ან ჰგონია, რომ იცის. ვენახის გაშენება, რთველი, ქვევრში ღვინის დაყენება - ამ ყველაფერს ქართული ღვინის კულტურად მივიჩნევთ. მაგრამ ამ ტრადიციას, განსაკუთრებით მაშინ, როცა პროდუქტი ბაზარზე უნდა გავიდეს, სტანდარტებიც ახლავს, ლაბორატორიული ანალიზებიც და საერთაშორისო ნორმებიც. აგროლაბი და მისი დამფუძნებელი, მოწმეა თუ როგორ იცვლება ადამიანების აღქმა და ინფორმირებულობის დონე."ათწლეულების განმავლობაში ღვინის დაყენების პროცესი პირად გამოცდილებაზე იყო მინდობილი.  ტექნოლოგიების განვითარებამ და ინფორმაციაზე ხელმისაწვდომობამ ბევრი სტერეოტიპი დაანგრია, საკუთარი შრომის დაფასებაც ვისწავლეთ. დღეს ლაბორატორიული ანალიზით ის ადამიანებიც ინტერესდებიან, რომლებიც ღვინოს საკუთარი მოხმარებისთვის აყენებენ. ბუნებრივიცაა, რადგან სურთ რომ შრომამ ხარისხიანი ნაყოფიც გამოიღოს", - ამბობს მარიამი.2023 წლის პირველი იანვრიდან ალკოჰოლური სასმელების ნებისმიერი მწარმოებელი ან რეალიზატორი, თუნდაც ადგილობრივი ბაზრისთვის, ვალდებულია ჰქონდეს შესაბამისობის სერტიფიკატი."თიბისის ჯილდოს მიღება გუნდისთვის მოულოდნელობაც იყო და დიდი მოტივაციაც. როცა განაცხადი შევავსეთ, მოლოდინი არ გვქონია. უბრალოდ, გვინდოდა გვეცადა. ისეთი გამოხმაურება ჰქონდა გამარჯვებას, რომ კიდევ ერთხელ დავრწმუნდით თუ რა საჭირო და მნიშვნელოვან საქმეს ვაკეთებთ. მცირე მარნებმაც მოგვწერეს.თურმე არ იცოდნენ, რომ მსგავსი სერვისი კახეთშიც არსებობდა", - გვიყვება ჰყვება მარიამი.აგროლაბი არა მხოლოდ უკვე არსებულ მომხმარებლებზე ფიქრობს, არამედ ახალი შესაძლებლობების განვითარებაზეც მუშაობს,  მათ შორის ნიადაგის ანალიზზეც."დღევანდელ რეალობაში ფერმერები ხშირად სპონტანურად იღებენ გადაწყვეტილებებს – მაღაზიიდან იღებენ სასუქსა და ქიმიურ საშუალებებს, რომლებიც შეიძლება საერთოდ არ შეესაბამებოდეს კონკრეტულ არეალს. ნიადაგის ანალიზი კი შესაძლებელს გახდის მიზნობრივ გამოყენებას, რაც საბოლოო შედეგზეც იმოქმედებს“, - გვიხსნის მარიამი.აგროლაბის გუნდმა კარგად იცის, რომ ინოვაცია მხოლოდ თანამედროვე ტექნიკაში არ გამოიხატება, აქ ცდილობენ შექმნან მექანიზმი, რომელიც სხვასაც დაეხმარება. 

1754894524

მეწარმე ქალთა განვითარების პროგრამა ბენეფიციარებს 360°-იან მხარდაჭერას სთავაზობს და მას საქართველოს ბანკი, გაეროს განვითარების პროგრამასთან (UNDP) ერთად, შვედეთის მთავრობის მხარდაჭერითა და EFSE Entrepreneurship Academy-ის ჩართულობით ახორციელებს.სწორედ მეწარმე ქალთა მხარდაჭერის ფარგლებში ქუთაისში, პროგრამის მორიგი, 11-ე ნაკადი გადამზადდა, რომელშიც მონაწილეობა 15-მა მეწარმე ქალმა მიიღო.პროგრამას გამოცდილი მენტორები უძღვებოდნენ. მათ საკუთარი გამოცდილება შემდეგ თემებზე გააზიარეს: ბიზნესის განვითარება - ლარისა პატარაია, საკონსულტაციო და კვლევითი კომპანია Start -Business Solutions" მმართველი პარტნიორი; ელექტრონული კომერცია - ანა ტაბატაძე, Extra.ge-ს სტრატეგიული პროექტების დირექტორი; სოციალური მედიის მართვა - მარიამ ბეროძე, სოციალური მედიის გუნდის ხელმძღვანელი კრეატიულ სააგენტო რედბერიში; ციფრული მარკეტინგი - თამარ ნიკოლეიშვილი, საქართველოს ბანკის ციფრული პროდუქტის მფლობელი; გაყიდვების საწყისები - ნანა აბურჯანიძე, ბიზნეს საკონსულტაციო კომპანია “სოლუშენერის“ დამფუძნებელი; ხელოვნური ინტელექტი ბიზნესში - ნინო გორგაძე, PMP მენეჯმენტის ცენტრის ხელმძღვანელი. “ძლიერი ქალი ძლიერი იდეით” მეწარმე ქალებისთვის ქმნის შესაძლებლობას, გაეცნონ მათი ბიზნეს მიზნების მისაღწევად სასარგებლო და აუცილებელ სხვადასხვა ინსტრუმენტს, მათ შორის, მაგალითად, ციფრულ მედიას. ეს პროგრამა მათთვის და განსაკუთრებით, რეგიონში მცხოვრები ქალი მეწარმეებისთვის არის საკუთარი შესაძლებლობების უსაზღვრობის რწმენისა და არგაჩერების მოტივაცია. ჩემთვის ეს გამოცდილება ფასდაუდებელია, რადგან დამანახა, რა საჭიროებები აქვთ მცირე მეწარმეებს და როგორ შეგვიძლია ჩვენ, სხვადასხვა სფეროს წარმომადგენლებს, დავეხმაროთ მათ, უკეთ შექმნან, გაავრცელონ, გაყიდონ, მართონ თავიანთი პროდუქტები, მომსახურება თუ ბიზნეს-პროცესები. ვისურვებდი, უფრო და უფრო მეტ ქალს ესარგებლა ამ პროგრამის სიკეთეებით და მიღებული ცოდნა მომხმარებლისთვის, რეგიონისთვის, ქვეყნისთვის მნიშვნელოვანი ახალი და საინტერესო ბიზნესების გასავითარებლად გამოეყენებინა”, - განაცხადა თამარ ნიკოლეიშვილმა, საქართველოს ბანკის ციფრული პროდუქტის მფლობელმა.“ქვეყანაში ქალების ეკონომიკური გაძლიერება პრიორიტეტულ ამოცანად რჩება. ქალი მეწარმეების წარმატებაში თუნდაც ერთი აგურის დადება დიდი საქმეა.  მეწარმეებს სხვადასხვა ეტაპზე განსხვავებული რჩევები, გამოცდილების გაზიარება და მოტივაცია სჭირდება. ქალი მეწარმეების განვითარების პროგრამა უნიკალური შესაძლებლობაა, სადაც ქალები საკუთარ საქმიანობას ბიზნესის კეთების მაღალ სტანდარტად აქცევენ. აქ გამოცდილი პროფესიონალები ვუზიარებთ ჩვენ ცოდნას დამწყებ მეწარმეებს და ვასწავლით, როგორ შექმნან  თანამედროვე, წარმატებული ბიზნესი. ეს პროგრამა აფართოებს კავშირებს, შესაძლებელს ხდის საინტერესო პარტნიორობას ჩაუყაროს საფუძველი. აქ ხდება უნარების ტრანსფერი და ღირებულებების გაზიარება, სადაც ძლიერ იდეებს ძლიერი ქალები რეალობად აქცევენ”, - ამბობს ლარისა პატარაია, საკონსულტაციო და კვლევითი კომპანია Start -Business Solutions-ის მმართველი პარტნიორი.“პროექტი ქალ მეწარმეებს საშუალებას აძლევს გაზარდონ საკუთარი ბიზნესის ცნობადობა და ისწავლონ, როგორ წარმართონ კომუნიკაცია სოციალურ მედიაში. რადგან მეწარმეებს პროცესების მართვა საკუთარი ხელით უწევთ, ჩვენი ამოცანა სწორედ ამ პროცესების შემსუბუქება და გამარტივებაა. ამ პროექტში ჩართულობა მნიშვნელოვანია - აქ დაგროვილი ინფორმაცია მეწარმეს დაეხმარება, უფრო გააძლიეროს ბიზნესი და ბრენდის ხმა მეტ ადამიანს გააგონოს”, - განმარტავს მარიამ ბეროძე, სოციალური მედიის გუნდის ხელმძღვანელი კრეატიულ სააგენტო რედბერიში.ინფორმაციისთვის, მეწარმე ქალთა განვითარების პროგრამა საქართველოს ბანკის ბიზნეს 360° პლატფორმის ნაწილია. ესაა ინიციატივა, რომელიც საქართველოს ბანკის საგანმანათლებლო ღონისძიებებს, პრაქტიკულ რესურსებსა და სხვა მრავალ აქტივობას აერთიანებს, რაც ბიზნესებს ზრდასა და განვითარებაში უწყობს ხელს.

1754894236