დაზვერვის ცნობით, მოსკოვმა ფხენიანისგან KN-23 და KN-24 ტიპის ბალისტიკური რაკეტების ახალი, 40-ერთეულიანი პარტია და პირადი შემადგენლობა უკვე მიიღო. რუსეთი გეგმავს, რომ დაახლოებით 90 ჩრდილოეთ კორეელისგან შემდგარი ქვედანაყოფი თავისი 112-ე სარაკეტო ბრიგადის შემადგენლობაში დააყენოს. შეიარაღების საბოლოო მოცულობა, მათ შორის დამატებითი რაკეტებისა და გამშვები დანადგარების მიწოდება, მომავალ თვეში დაგეგმილ მოლაპარაკებებზე შეთანხმდება.უკრაინული მხარის შეფასებით, რუსეთი ცდილობს ისარგებლოს უკრაინის საჰაერო თავდაცვის სისტემების ნაკლებობით და დარტყმები მძიმე ბალისტიკური რაკეტებით გაახშიროს, რომელთა ჩამოგდებაც განსაკუთრებით რთულია.ივლისის ბოლოს განხორციელებული შეტევა გახდა ჩრდილოეთ კორეული ბალისტიკური რაკეტების გამოყენების პირველი დაფიქსირებული შემთხვევა 2025 წლის აგვისტოს შემდეგ, რისთვისაც სწორედ ახალი პარტიიდან მიღებული რაკეტები გამოიყენეს. საერთო ჯამში, 2023 წლის ბოლოდან 2025 წლის აგვისტომდე ჩრდილოეთ კორეამ რუსეთს 150-ზე მეტი ასეთი რაკეტა მიაწოდა.სარაკეტო ქვედანაყოფისა და სამხედრო პერსონალის პირდაპირი განთავსება მოსკოვსა და ფხენიანს შორის არსებული სამხედრო თანამშრომლობის ახალ და უფრო მასშტაბურ ეტაპზე გადასვლაზე მიუთითებს.

1785925384

როგორც The Atlantic ოფიციალურ პირებზე დაყრდნობით იტყობინება, კიევის მიზანია Starlink-ით მართვადი დრონების გამოყენება რუსეთის სიღრმეში არსებული იმ მობილური დანადგარების გასანადგურებლად, საიდანაც უკრაინული ქალაქების მიმართულებით ბალისტიკურ რაკეტებს უშვებენ.გამოცემის ცნობით, უკრაინა ამ გზით ცდილობს შეამციროს დამოკიდებულება Patriot-ის საჰაერო თავდაცვის სისტემების გადამჭერ რაკეტებზე, რომელთა დეფიციტიც აშშ-ს ირანში მიმდინარე ომის ფონზე შეექმნა. ზელენსკიმ ხაზგასმით აღნიშნა, რომ სარაკეტო საფრთხის განეიტრალება ზამთრის დადგომამდე და ენერგოსისტემაზე მოსალოდნელ შეტევებამდეა აუცილებელი.ამ დრომდე ილონ მასკის კომპანია SpaceX Starlink-ის გამოყენებას მხოლოდ უკრაინის სუვერენულ და ოკუპირებულ ტერიტორიებზე უზრუნველყოფდა, ხოლო უშუალოდ რუსეთის ფედერაციის საზღვრებში მის ფუნქციონირებას ზღუდავდა. ზელენსკის მცდელობა, პირადად შეხვედროდა მასკს აშშ-ში ვიზიტისას, მილიარდერის უარის გამო არ შედგა.წყაროების ცნობით, დონალდ ტრამპმა ზელენსკის განუცხადა, რომ წინადადებას განიხილავს. მისი საბოლოო გადაწყვეტილება იმაზე იქნება დამოკიდებული, შეაფასებს თუ არა ვაშინგტონი ამ ნაბიჯს კონფლიქტის დეესკალაციისა და კრემლის მოლაპარაკებების მაგიდასთან დასმის ეფექტურ ინსტრუმენტად.

1785499476

გამოცემის ინფორმაციით, თავდასხმა შესაძლოა მიზნად ისახავდა იმის დემონსტრირებას, რომ კონფლიქტის შემდგომი ესკალაციის შემთხვევაში ირანს შეუძლია სერიოზულად შეაფერხოს გლობალური საქონლისა და ენერგორესურსების მიწოდება.გამოცემის წყაროებს არ დაუკონკრეტებიათ, განხორციელდა თუ არა იერიში უშუალოდ ირანის მიერ, თუ რომელიმე ირანის მხარდამჭერი დაჯგუფების მონაწილეობით.მანამდე ეგვიპტის ხელისუფლებამ განაცხადა, რომ ნილოსის დელტაში მდებარე დამიეტას პორტში ორ გემზე ხანძარი გაჩნდა. წინასწარი ინფორმაციით, ცეცხლი ერთ-ერთი გემის ძრავის განყოფილებაში გაჩნდა და შემდეგ მეზობელ გემზე გავრცელდა. ეგვიპტის ნავთობის სამინისტრომ განაცხადა, რომ მიმდინარეობს ინციდენტის ზუსტი მიზეზების დადგენა.ეგვიპტის უსაფრთხოების სამსახურებმა უარყვეს ინფორმაცია, თითქოს ხანძარი უპილოტო საფრენი აპარატის თავდასხმას მოჰყვა.აშშ-ის პრეზიდენტმა დონალდ ტრამპმა განაცხადა, რომ მას აცნობეს ეგვიპტის პორტში ამერიკულ ტანკერთან დაკავშირებული ინციდენტის შესახებ, თუმცა მომხდარის დეტალები არ დაუკონკრეტებია.

1785394459

უკრაინის საგანგებო სიტუაციების სამსახურის ინფორმაციით, კიევზე განხორციელებული სარაკეტო შეტევის შედეგად ერთი ადამიანი დაიღუპა, ორი კი დაშავდა. ობოლონისა და სვიატოშინის რაიონებში ხანძრები გაჩნდა, დაზიანდა ბაზრობის სავაჭრო პავილიონები და ავტოფარეხების კოოპერატივი.რუსულმა სარაკეტო დარტყმამ ლვოვში სულ მცირე 15 ადამიანი, მათ შორის ერთი მაშველი, დააზარალა. დაზიანდა მრავალსართულიანი საცხოვრებელი სახლები, ხოლო მაშველები ნანგრევებში მოყოლილი ადამიანების სამძებრო-სამაშველო ოპერაციას აგრძელებენ.ხარკოვში რუსულმა უპილოტო საფრენმა აპარატმა სამრეწველო ზონას დაარტყა. აფეთქებების შესახებ ასევე გავრცელდა ინფორმაცია ვინიცის, ჩერკასის, სუმის, კრივოი როგისა და ივანო-ფრანკოვსკის ოლქებიდან.დნეპროპეტროვსკის ოლქის სოფელ რადუშნოში, ადგილობრივი ხელისუფლების ინფორმაციით, „ისკანდერ-М“-ის ტიპის ბალისტიკური რაკეტის კერძო სახლზე მოხვედრის შედეგად ექვსი ადამიანი, მათ შორის 5 და 12 წლის ორი გოგონა, დაიღუპა. კიდევ რვა ადამიანი დაშავდა, მათ შორის ორი არასრულწლოვანი.პოლტავის ოლქში რუსული დრონის დარტყმის შედეგად კერძო საწარმოს საწყობი დაზიანდა, რის შედეგადაც ერთი ადამიანი დაიღუპა. თავდასხმის სამიზნე გახდა ასევე ლოგისტიკური კომპანია „ნოვა პოშტას“ ტერმინალი.უკრაინის პრეზიდენტმა ვოლოდიმირ ზელენსკიმ თავდასხმამდე განაცხადა, რომ რუსეთი რამდენიმე დღის განმავლობაში ამზადებდა მასშტაბურ საჰაერო იერიშს.ამავე დროს, რუსეთის პენზის ოლქის ხელისუფლების ცნობით, უკრაინულმა უპილოტო საფრენმა აპარატებმა Wildberries-ის კიდევ ერთ ლოგისტიკურ ცენტრს დაარტყეს, რის შედეგადაც ხანძარი გაჩნდა. დაშავდა ერთი ადამიანი, ხოლო დაახლოებით 200 თანამშრომლის ევაკუაცია განხორციელდა.რუსული კომპანიის განცხადებით, ხანძრის მიუხედავად, ლოგისტიკური ოპერაციები სხვა ობიექტებზე გადაიტანეს. რუსული მედიის ინფორმაციით, 18 ივლისიდან უკრაინამ Wildberries-ის ლოგისტიკურ ინფრასტრუქტურაზე სულ მცირე ცხრა იერიში მიიტანა, მათ შორის მოსკოვის, სანქტ-პეტერბურგის, კრასნოდარის, ნევინომისკისა და ანექსირებულ ყირიმში სიმფეროპოლის მიმდებარე საწყობებზე.

1785388316

გამოცემის ცნობით, თეირანი ამ ნაბიჯს კასპიის ზღვაში ირანულ სავაჭრო გემზე განხორციელებული შეტევის საპასუხოდ განიხილავდა, რათა კიევისთვის „სიმბოლური გაფრთხილება“ მიეცა. დასავლელი ოფიციალური პირები შიშობდნენ, რომ ირანის ტერიტორიიდან პირდაპირი სარაკეტო დარტყმა კონფლიქტის მასშტაბურ ესკალაციას გამოიწვევდა.სიტუაციის დაძაბვა 25 ივლისს კასპიის ზღვაში მომხდარ ინციდენტს უკავშირდება. ირანის მხარემ უკრაინა თავის გემზე თავდასხმაში დაადანაშაულა და ზარალის ანაზღაურება მოითხოვა, ხოლო უკრაინის პრეზიდენტმა ვოლოდიმირ ზელენსკიმ განაცხადა, რომ კასპიის ზღვის აკვატორიაში იმ გემების წინააღმდეგ, რომლებსაც ირანიდან რუსეთისთვის სამხედრო ტვირთები გადაჰქონდათ, „ძალიან კარგი შედეგები“ დაფიქსირდა.28 ივლისს უკრაინის საგარეო საქმეთა მინისტრის მოვალეობის შემსრულებელმა ანდრი სიბიჰამ ირანელ კოლეგასთან, აბას არაღჩისთან სატელეფონო საუბარში ხაზი გაუსვა, რომ კიევს ესკალაციის არიდება სურს.ამასთან, აშშ-ში ვიზიტისას ვოლოდიმირ ზელენსკიმ ვაშინგტონს მიაწოდა სადაზვერვო მონაცემები იმის შესახებ, რომ რუსეთი ირანს ახლო აღმოსავლეთში არსებული ამერიკული სამხედრო ბაზების თანამგზავრულ ფოტოებს გადასცემს. უკრაინის პრეზიდენტმა ასევე აღნიშნა, რომ ირანი და ჩრდილოეთ კორეა რუსეთისთვის იარაღისა და სამხედრო პერსონალის მიწოდებით უკვე ჩართულნი არიან უკრაინის წინააღმდეგ ომში.

1785320361

ჰეგსეთის თქმით, აღნიშნული თანხა მოიცავს როგორც უკვე გაწეულ, ისე 30 სექტემბრამდე მოსალოდნელ ხარჯებს. Reuters-ის ინფორმაციით, დონალდ ტრამპის ადმინისტრაციამ გასულ თვეში კონგრესს დამატებით თითქმის $90 მილიარდი დაფინანსება სთხოვა, რომლის დიდი ნაწილიც ირანთან კონფლიქტს უკავშირდება.კონფლიქტი მნიშვნელოვან ზეწოლას ახდენს აშშ-ის თავდაცვის თითქმის $1-ტრილიონიან ბიუჯეტზე. ჰეგსეთმა კონგრესს ასევე მოუწოდა, დაამტკიცოს 2027 წლისთვის $1.5-ტრილიონიანი თავდაცვის ბიუჯეტი.აშშ-ისა და ირანის დაპირისპირების ფონზე, როგორც რესპუბლიკელები, ისე დემოკრატები ადმინისტრაციას არასაკმარისი გამჭვირვალობის გამო აკრიტიკებენ. მათი განცხადებით, კონგრესი კონფლიქტის მიმდინარეობისა და თეთრი სახლის სამომავლო გეგმების შესახებ სრულ ინფორმაციას ვერ იღებს.აშშ-სა და ირანს შორის ურთიერთდარტყმები 8 ივლისს განახლდა. ესკალაციის ახალი ეტაპი მხარეებს შორის კონფლიქტის დასრულების შესახებ მემორანდუმის ხელმოწერიდან სამი კვირის შემდეგ დაიწყო.

1784707031

წყაროების ცნობით, უკრაინამ საბერძნეთს Patriot-ის ბატარეებიდან 200-მდე PAC-2 ტიპის რაკეტის გადაცემის თხოვნით მიმართა. კიევში მიიჩნევენ, რომ ამ რაკეტების ნაწილს, რომლებიც ბერძნულ შეიარაღებაში უკვე 23 წელია იმყოფება, ვადა მალე ეწურება.ეს მოთხოვნა მას შემდეგ გააქტიურდა, რაც წინასწარი მოლაპარაკებები საბერძნეთის კუთვნილი 6 ბატარეიდან ნაწილის გადაცემაზე შეთანხმების გარეშე დასრულდა. შესაბამისად, ამ ეტაპზე უკრაინული მხარის ინტერესი არა უშუალოდ სისტემებზე, არამედ რაკეტების მარაგებზეა ფოკუსირებული.უკრაინული მედიის ცნობით, ნებისმიერი მსგავსი გადაცემა მოითხოვს იმის დადასტურებას, რომ რაკეტები გამოსაყენებლად ვარგისია, თუმცა თავად საბერძნეთის თავდაცვისთვის კრიტიკულად აუცილებელ საჭიროებას არ წარმოადგენს.ერთ-ერთი განხილვადი სქემის მიხედვით, საბერძნეთმა რაკეტები შესაძლოა ნორვეგიას მიჰყიდოს, რომელიც შემდეგ მათ უკრაინას მიაწვდის. მიუხედავად ამისა, ათენს ამ დრომდე არანაირი ნიშანი არ მიუცია, რომ მოთხოვნაზე დადებითი პასუხის გაცემას აპირებს.ბერძენი ოფიციალური პირები აცხადებენ, რომ ქვეყანას ისედაც შეაქვს წვლილი მოკავშირეების უსაფრთხოებაში, მათ შორის საუდის არაბეთში Patriot-ის ბატარეის განთავსებით, რომელიც კრიტიკულ ნავთობგადასამუშავებელ ინფრასტრუქტურას იცავს.ამასთან, ათენში აღნიშნავენ, რომ უკრაინას მანამდე Sea Sparrow-სა და Crotale-ის ტიპის რაკეტები მას შემდეგ გადასცეს, რაც ბერძნულ შეიარაღებაში მათი ექსპლუატაციის ვადა ამოიწურა.ცოტა ხნის წინ ნიდერლანდების საგარეო საქმეთა მინისტრმა ტომ ბერენდსენმა განაცხადა, რომ მისმა ქვეყანამ უკრაინას საკუთარი მარაგებიდან Patriot-ის სისტემებისა და რაკეტების მაქსიმუმი უკვე მიაწოდა, რის გამოც საჭიროა ზეწოლის სხვა სახელმწიფოებზე გადატანა. თავის მხრივ, ნორვეგიის მთავრობამ ივლისის დასაწყისში უკრაინის საჰაერო თავდაცვის გასაძლიერებლად 3 მილიარდი კრონის (268 მილიონი ევრო) გამოყოფის შესახებ გამოაცხადა, რაც მათ შორის ამერიკული შეიარაღების შესყიდვის პროგრამას (PURL) მოხმარდება.

1784284504

„ვფიქრობ, გსმენიათ მსგავსი გზავნილები რუსულ მედიაში: "რა იქნება, თუ უკრაინის დარტყმებს ბირთვული იარაღით ვუპასუხებთ?" და მე მეჩვენება, რომ ეს იყო პირველი შემთხვევა, როდესაც ჩინეთმა... პირდაპირ, ულტიმატუმის მსგავსი ფორმით უპასუხა, რომ ბირთვული იარაღის გამოყენებაზე ფიქრიც კი შეუძლებელია“, - განაცხადა ზელენსკიმ.უკრაინის პრეზიდენტის თქმით, მან პეკინის ამ ჩარევის შესახებ ევროპელი ლიდერებისგან შეიტყო ანკარაში გამართულ NATO-ს სამიტზე, სადაც მხარეებმა „უკრაინაში ომის დასრულებაში ჩინეთის როლზე“ იმსჯელეს. ზელენსკიმ დასძინა, რომ ეს თემა აშშ-ის პრეზიდენტ დონალდ ტრამპთანაც განიხილა, თუმცა ამჯობინებს, ამ საუბრის შინაარსი კონფიდენციალურად დატოვოს.მიმდინარე წლის მაისში რუსეთმა ბელარუსში ბირთვული სამხედრო წვრთნები ჩაატარა, თუმცა პრეზიდენტ ვლადიმერ პუტინს კიევის მისამართით პირდაპირი ბირთვული მუქარა ჯერჯერობით არ გაუჟღერებია. რუსი პოლიტიკოსების მხრიდან ზეწოლის მიუხედავად, პუტინმა აღნიშნა, რომ უკრაინის დარტყმები არ იწვევს იმ მასშტაბის ზიანს, რაც მისი მთავრობის მხრიდან ბირთვულ რეაგირებას მოითხოვდა.გასულ თვეს სანქტ-პეტერბურგის საკანონმდებლო ასამბლეის დეპუტატმა, ვიქტორ პეროვმა კოლეგებს მოუწოდა, მიემართათ პუტინისთვის უკრაინაზე ბირთვული დარტყმის თხოვნით.„ჩვენი პრეზიდენტი იძულებული გახდა დაეწყო სპეციალური სამხედრო ოპერაცია, მაგრამ, სამწუხაროდ, ყველაფერი გეგმის მიხედვით არ წარიმართა. ამიტომ მიმაჩნია, რომ თქვენ, დეპუტატებმა, უნდა მიმართოთ პრეზიდენტს ბირთვული იარაღის გამოყენების თხოვნით... რაც უკრაინის ხელმძღვანელობას სამშვიდობო შეთანხმების ხელმოწერისკენ უბიძგებს“, - განაცხადა პეროვმა.

1783674833

სამხედრო კამპანიის ხანგრძლივობა და მასშტაბები მთლიანად თეირანის მომდევნო ნაბიჯებზეა დამოკიდებული, რადგან დაპირისპირება, რომელიც თავდაპირველად ირანის ბირთვული და სარაკეტო პოტენციალის განადგურებას ისახავდა მიზნად, ახლა მსოფლიოს უმნიშვნელოვანესი ენერგეტიკული დერეფნისთვის ბრძოლაში გადაიზარდა.პრეზიდენტმა დონალდ ტრამპმა განაცხადა, რომ ურთიერთგაგების მემორანდუმით გათვალისწინებული 60-დღიანი ზავი „დასრულებულია“. ეს გადაწყვეტილება მოჰყვა ირანის მიერ კომერციულ გემებზე განხორციელებულ თავდასხმებს, რასაც მხარეებს შორის ცეცხლის გაცვლა მოჰყვა.აშშ-მა საპასუხოდ დარტყმების მეორე ტალღა წამოიწყო ჰორმუზის სრუტის ზონაში და ბოლო თვეების განმავლობაში პირველად, ირანის ტერიტორიაზე არსებულ ინფრასტრუქტურულ ობიექტებზე მიიტანა იერიში. ირანმა კი საპასუხო დარტყმები ქუვეითსა და ბაჰრეინში მდებარე ამერიკულ სამხედრო ბაზებზე განახორციელა.მოგვიანებით ტრამპმა მიანიშნა, რომ თეირანმა დიალოგის სურვილი გამოთქვა: „ირანის ოფიციალურმა პირებმა ცოტა ხნის წინ დარეკეს და გარიგების დადება სურთ, თუმცა არ ვიცი, არიან თუ არა ისინი ამის ღირსნი ან შეასრულებენ თუ არა პირობას. სიმართლე გითხრათ, ისინი ცოტა გიჟები არიან“.თეირანი ამერიკულ მხარეს „ბულინგსა და პირობების დარღვევაში“ ადანაშაულებს. ირანის მთავარმა მომლაპარაკებელმა მოჰამად ბაღერ ღალიბაფმა განაცხადა, რომ სრუტე მხოლოდ ირანის პირობებით გაიხსნება და არა ამერიკული მუქარით.ურთიერთგაგების მემორანდუმის მიხედვით, ირანს გემების უსაფრთხო გატარება ევალებოდა, თუმცა თეირანმა ვაშინგტონი წესების დარღვევაში დაადანაშაულა, რადგან აშშ-მა გემები მათი ნებართვის გარეშე, ომანის სანაპიროსთან ახლოს, სამხრეთ დერეფნით გაატარა.ამასთანავე, როგორც Axios წერს, კულისებიდან ჟონავს ინფორმაცია, რომ ესკალაცია ირანის ხელმძღვანელობაში არსებულმა შიდა განხეთქილებამაც გამოიწვია. რადიკალური ფრთა მიიჩნევს, რომ ზავმა ქვეყანას ეკონომიკური სარგებელი არ მოუტანა: აშშ-ის სანქციების გამონაკლისების მიუხედავად, ბანკები ტრანზაქციებს არ ატარებდნენ, რის გამოც ირანმა ნავთობის გაყიდვა ვერ შეძლო. ირანის გაყინული აქტივები არ განბლოკილა, რადგან თეირანს ბირთვული შეთანხმებით ნაკისრი ვალდებულებები არ შეუსრულებია. თეთრ სახლში მიიჩნევენ, რომ სამხედრო ესკალაციისთვის მეტი სივრცე აქვთ, რადგან ბოლო კვირებში ასობით ტანკერმა ყურის დატოვება უსაფრთხოდ მოახერხა. შესაბამისად, ვაშინგტონში ნაკლებად შიშობენ, რომ ახალი შეტაკებები ნავთობის მსოფლიო ფასების მკვეთრ ნახტომს გამოიწვევს.აშშ-ის ვიცე-პრეზიდენტმა ჯეი დი ვენსმა მკაფიოდ დააფიქსირა ამერიკული მხარის პოზიცია და აღნიშნა, რომ ჰორმუზის სრუტე ნებისმიერ ფასად ღია დარჩება: „თუ ისინი სრუტის ჩაკეტვას შეეცდებიან, ამერიკელი სამხედროებისგან მკაცრ პასუხს მიიღებენ. მათ შეუძლიათ ან დაემორჩილონ წესებს, ან მიიღონ ზუსტად ის, რაც გასულ ღამეს დაემართათ. ეს ასე გაგრძელდება მანამ, სანამ სროლას არ შეწყვეტენ“.

1783579410

სტატიაში აღწერილია უკრაინის მიერ აპრილიდან დაწყებული დრონებით განხორციელებული სისტემური კამპანია, რომლის სამიზნეც ოკუპირებულ ტერიტორიებზე რუსეთის ლოგისტიკური მარშრუტებია. ანალიზის თანახმად, ოპერაციები მოიცავდა საწვავის გადამზიდი მანქანების, მომარაგების გზებისა და ქერჩის სრუტეში მოქმედი საბორნე ინფრასტრუქტურის წინააღმდეგ განხორციელებულ იერიშებს.ჰოკენოსის შეფასებით, ამ დარტყმების ეფექტი მხოლოდ დროებითი შეფერხებით არ შემოიფარგლება და მზარდ ზეწოლას ახდენს რუსეთის შესაძლებლობაზე, შეინარჩუნოს სამხედრო ოპერაციების უწყვეტი უზრუნველყოფა ოკუპირებულ სამხრეთ უკრაინაში.სტატიაში ასევე ნათქვამია, რომ აღნიშნულმა კამპანიამ, სავარაუდოდ, ხელი შეუწყო ზაპოროჟიესა და ხერსონის ოკუპირებულ ნაწილებში საწვავისა და საბრძოლო მასალის დეფიციტის წარმოქმნას, რაც რუსეთის ლოგისტიკასა და ფრონტის ხაზის მომარაგებას დამატებით სირთულეებს უქმნის.

1783407597