პარლამენტს შს მინისტრის გეკა გელაძის კანდიდატურა წარედგინა საქართველოს სახელმწიფო უსაფრთხოების სამსახურის უფროსად.ჩინაწეული მამუკა მდინარაძე კი გახდება სახელმწიფო მინისტრი სამართალდამცავი ორგანოების კოორდინაციის საკითხებში.მთავრობის სტრუქტურაში დამატებულ ახალ პოსტზე წარდგენილ სუსის უკვე ყოფილი უფროსი შეითავსებს ვიცე-პრემიერის მოვალეობასაც. პრემიერის თქმით, ცვლილება მდინარაძის დაბრუნებას ემსახურება, პოლიტიკურ საქმიანობაში.III ვიცეპრემიერობა დაეკისრება საგარეო საქმეთა მინისტრ მაკა ბოჭორიშვილს.

1776781614

პრეზიდენტი სიტყვით უნდა გამოვიდეს სამიტის პლენარულ სხდომაზე.ფორუმზე, რომელიც გაეროსთან პარტნიორობით იმართება, ყაზახეთის, ყირგიზეთის, უზბეკეთის, ტაჯიკეთის, თურქმენეთის, მონღოლეთისა და სომხეთის პრეზიდენტები იმსჯელებენ კლიმატის ცვლილებით გამოწვეულ სირთულეებზე და შექმნილ გამოწვევებთან გასამკლავებლად კოორდინირებული ძალისხმევის მნიშვნელობაზე.ფორუმში მონაწილეობას აპირებს აზერბაიჯანის პრემიერ-მინისტრი.ყაველაშვილს ყაზახეთში გაჰყვებიან გარემოს დაცვის მინისტრი დავით სონღულაშვილი, ყაველაშვილის ადმინისტრაციის უფროსი ქეთევან კვინიკაძე და საგარეო საქმეთა მინისტრის მოადგილე ალექსანდრე ხვთისიაშვილი.

1776780410

„ჩვენ მხარს ვუჭერთ ქართველ ხალხს, მაგრამ არა საქართველოს მთავრობას, რომელიც არასწორი კურსით მიდის“, - განაცხადა კალასმა შეხვედრის დაწყებამდე. მან ხაზი გაუსვა ბრიუსელის მტკიცე პოზიციას თბილისის მიერ გადადგმულ ნაბიჯებთან დაკავშირებით.„საქართველოს მთავრობასთან დაკავშირებით ჩვენი პოზიცია ნათელია. მათ მიერ არჩეული გზა - რეპრესიები ოპოზიციის წინააღმდეგ, მედიის შეზღუდვა და დამტკიცებული კანონები ჩვენთვის მიუღებელია, ამიტომ, ჩვენ გარკვეული პროგრესი უნდა დავინახოთ“, - აღნიშნა კალასმა.ბალტიისპირეთის ქვეყნების წარმომადგენლები უფრო მკაცრი ზომების მომხრენი არიან. ლიეტუვის საგარეო საქმეთა მინისტრმა კიასტუტის ბუდრისმა აღიარა, რომ ევროკავშირმა სანქციების დაწესების საკითხში დრო დაკარგა.„დავაგვიანეთ. უკვე დავაგვიანეთ. ერთ წელზე მეტი ხნის წინ ლიეტუვა სანქციების შეთავაზებით გამოვიდა, რომ დაგვეწესებინა მათთვის სანქციები, როგორც ჩვენ ეროვნულ დონეზე გავაკეთეთ და ეს იქნებოდა სწორი ნაბიჯი“, - განაცხადა ბუდრისმა. მისი თქმით, ბრიუსელის ინერტულობამ საქართველოში სიტუაციის გაუარესება გამოიწვია: „ახლა, ერთი წლის შემდეგ არსებული სიტუაციის გათვალისწინებით, როდესაც დემოკრატია საქართველოში კიდევ უფრო უარესდება, ეს არის შედეგი. ჩვენ ძალიან დავაგვიანეთ და ძალიან ნელა ვიმოქმედეთ“.ესტონეთის საგარეო საქმეთა მინისტრმა მარგუს ცაჰკნამ დაადასტურა, რომ ტალინმა უკვე ოფიციალურად წამოაყენა პერსონალური სანქციების ინიციატივა. „ესტონეთმა უკვე წამოაყენა წინადადება, რომ ევროკავშირმა პერსონალური სანქციები უნდა დააწესოს საქართველოს რეჟიმისა და იმ პირების წინააღმდეგ, რომლებიც დემოკრატიულ ნორმებს არღვევენ. ჩვენ ესტონეთში ამას უკვე ვაკეთებთ“, - განაცხადა მინისტრმა.საქართველოში არსებული პოლიტიკური კრიზისის ფონზე, ევროკავშირი სამხრეთ კავკასიის სხვა ქვეყნებთან ეკონომიკური და ენერგეტიკული კავშირების გაძლიერებას ცდილობს. ევროკომისარმა გაფართოების საკითხებში, მარტა კოსმა ყურადღება გაამახვილა „შავი ზღვის ახალ სტრატეგიაზე“.„ჩვენ ვხედავთ, რამდენად დაუცველები ვართ დღეს, როდესაც ჩრდილოეთში სავაჭრო მარშრუტები რუსეთის გამო ირღვევა, როდესაც სამხრეთში სავაჭრო მარშრუტები ირანში ომის გამო ირღვევა. ასე რომ, გზა, რომელიც ახლა ხელმისაწვდომია, ზუსტად ისაა, რასაც ჩვენ დაკავშირებადობის დღის წესრიგში განვიხილავთ“, - განაცხადა კოსმა.მისივე თქმით, ბრიუსელი გეგმავს თანამშრომლობის გაღრმავებას სომხეთთან, აზერბაიჯანსა და თურქეთთან: „დღეს ჩვენ განვიხილავთ, თუ როგორ ვითანამშრომლოთ უკეთ სამხრეთ კავკასიის ქვეყნებთან, განსაკუთრებით იმ სამ ქვეყანასთან, რომლებიც ვახსენე – სომხეთთან, აზერბაიჯანთან და თურქეთთან, სადაც უკვე გვაქვს კონკრეტული პროექტები“.ევროკავშირის მინისტრთა საბჭოს დღის წესრიგის მიხედვით, საქართველოზე მსჯელობა ერევანში დაგეგმილი „ევროპული პოლიტიკური გაერთიანების“ სამიტის მოსამზადებელი პერიოდის ნაწილია. გარდა სამხრეთ კავკასიისა, მინისტრები უკრაინის წინააღმდეგ რუსეთის აგრესიასა და ახლო აღმოსავლეთში მიმდინარე კონფლიქტებს განიხილავენ.

1776766352

რეპრესიული კანონმდებლობა და პოლიციის დაუსჯელობაყოველწლიურ დოკუმენტში  „ადამიანის უფლებების მდგომარეობა მსოფლიოში“ - აღნიშნულია, რომ საქართველოში 2024 წლის განმავლობაში მშვიდობიანი მომიტინგეები, ჟურნალისტები და ოპოზიციონერები „თვითნებური დაკავების, წამებისა და არასათანადო მოპყრობის“ მსხვერპლი გახდნენ.ორგანიზაციის შეფასებით, პოლიცია სისტემატურად იყენებდა უკანონო ძალას, მათ შორის ცრემლსადენ გაზს, რეზინის ტყვიებსა და წყლის ჭავლს, რამაც ასობით ადამიანის დაზიანება გამოიწვია.ანგარიშის თანახმად, ხელისუფლებამ რეპრესიების გასაძლიერებლად საკანონმდებლო ცვლილებები გამოიყენა, რაც მოიცავდა დიდ ჯარიმებს გზის გადაკეტვისა თუ ნიღბის ტარებისთვის. Amnesty International ხაზგასმით აღნიშნავს, რომ ძალადობის ფაქტების მიუხედავად, არცერთი პოლიციელი პასუხისმგებლობაში არ მიუციათ.სასამართლო სისტემა და პოლიტიკური დევნადოკუმენტი დეტალურად აღწერს „უსამართლო სასამართლო პროცესებს“, სადაც ბრალდებულებს უარს ეუბნებოდნენ გირაოზე მტკიცებულებების გარეშე. ანგარიშში მოყვანილია კონკრეტული შემთხვევები, მათ შორის ჟურნალისტ მზია ამაღლობელის და აქტივისტების - საბა სხვიტარიძის, ომარ ოკრიბელაშვილისა და საბა მეფარიშვილის საქმეები, რომლებსაც პატიმრობა პოლიტიკურად მოტივირებული ბრალდებებით მიესაჯათ.ამასთან, ორგანიზაცია ყურადღებას ამახვილებს „უცხოური გავლენის გამჭვირვალობის შესახებ“ კანონზე, რომლის საფუძველზეც ხელისუფლებამ დამოუკიდებელ არასამთავრობო ორგანიზაციებს ანგარიშები გაუყინა და მათი ლიდერების დევნა დაიწყო. ოქტომბერში მმართველმა პარტიამ კონსტიტუციური სარჩელიც კი შეიტანა სამი წამყვანი ოპოზიციური გაერთიანების აკრძალვის მოთხოვნით.გენდერული ძალადობა და შევიწროებაAmnesty International განსაკუთრებულ შეშფოთებას გამოთქვამს ქალი მომიტინგეების მიმართ გამოვლენილი გენდერული ძალადობის გამო. ანგარიშში ნახსენებია ოპოზიციის ლიდერის, ელენე ხოშტარიასა და აქტივისტ კრისტინა ბოტკოველის შემთხვევები, რომლებიც დაკავებისას დამამცირებელ მოპყრობასა და იძულებით გაშიშვლებას დაექვემდებარნენ.ორგანიზაციის დასკვნით, საქართველოში სახელმწიფო ინსტიტუტების „წმენდა“ ყველა სფეროს შეეხო, ხოლო სამართალდამცავი და ზედამხედველობის ორგანოები მმართველი გუნდის ხელში „პოლიტიკური შურისძიების იარაღად“ იქცა.საქართველოს ხელისუფლებას Amnesty International-ის ამ ანგარიშზე ოფიციალური კომენტარი ჯერ არ გაუკეთებია.

1776758001

„კონტრტერორისტული ცენტრისთვის აღნიშნული პირების შესახებ ცნობილი იყო, ასევე წინასწარ ვფლობდით ინფორმაციას მათი საქართველოში შემოსვლისა და შემოსვლის მიზნობრიობის შესახებ. ისინი საქართველოში ცალ-ცალკე ჩამოვიდნენ და დაბინავდნენ ნაქირავებ ბინაში. შემოსვლის დღიდანვე ორივე მათგანი იმყოფებოდა კონტრტერორისტული ცენტრის ოპერატიული კონტროლის ქვეშ, რაც მოსამართლის განჩინებების საფუძველზე ხორციელდებოდა.გამოძიებით დადგენილია, რომ აღნიშნული პირები გაწევრიანდნენ ტერორისტულ ორგანიზაცია „ისლამური სახელმწიფოს“ რიგებში, დადეს ერთგულების ფიცი (ე.წ. ბაიათი), რაც ასახეს ვიდეოფაილის სახით და გადაუგზავნეს ორგანიზაციის ლიდერებს, რითაც უპირობო მორჩილება გამოუცხადეს მათ. ისინი მზად იყვნენ „ისლამური სახელმწიფოს“ ლიდერების ნებისმიერი სახის დავალების შესასრულებლად. გამოძიებით ასევე დგინდება, რომ დაკავებულები საქართველოდან მიემგზავრებოდნენ სხვა ქვეყანაში, სადაც უნდა შეერთებოდნენ „ისლამური სახელმწიფოს“ მებრძოლებს.საგამოძიებო მოქმედებების შედეგად ამოღებულია ელექტრონული ინფორმაციის მატარებელი მოწყობილობები, დაურეგისტრირებელი სიმბარათები, მობილური ტელეფონები, ტერორისტული ორგანიზაცია „ისლამური სახელმწიფოს“ სიმბოლიკის ამსახველი ნივთები, ნიღბები, პირადი დოკუმენტები და საქმისათვის მნიშვნელობის მქონე სხვა მტკიცებულებები.აღნიშნულ ფაქტთან დაკავშირებით გამოძიება სისხლის სამართლის კოდექსის 328-ე მუხლით მიმდინარეობს, რაც უცხო ქვეყნის ტერორისტულ ორგანიზაციაში გაერთიანებას და ტერორისტულ საქმიანობაში დახმარებას გულისხმობს. დანაშაული სასჯელის სახით 10-დან 17 წლამდე პატიმრობას ითვალისწინებს.სახელმწიფო უსაფრთხოების სამსახური ტერორიზმის წინააღმდეგ ბრძოლის საერთაშორისო სისტემის საიმედო პარტნიორია. ჩვენ აქტიურად ვაგრძელებთ საერთაშორისო ტერორიზმთან დაკავშირებული პრევენციული ღონისძიებების გატარებას“, – ნათქვამია სუს–ის განცხადებაში.

1776681747

საქართველოს მმართველ პარტიაში ორშაბათს განაცხადეს, რომ საკონსტიტუციო სასამართლოში წარადგენენ ახალ სარჩელს ოპოზიციური პარტიების აკრძალვის მოთხოვნით, რაც 2024 წლის სადავო არჩევნების შემდეგ შექმნილი კრიზისის ფონზე, პოლიტიკურ ოპონენტებზე კიდევ უფრო აძლიერებს ზეწოლას.პარლამენტის თავმჯდომარემ შალვა პაპუაშვილმა განაცხადა, რომ მმართველი გუნდი უკან გამოითხოვს ძველ სარჩელს და მის ნაცვლად წარადგენს გაფართოებულ ჩამონათვალს, რომელსაც პარტია „ფედერალისტები“ დაემატა. აქამდე აკრძალვის სამიზნე „ერთიანი ნაციონალური მოძრაობა“, „კოალიცია ცვლილებისთვის“ და „ლელო“ იყვნენ.პაპუაშვილის განცხადებით, სარჩელის დაკორექტირება გამოიწვია ოპოზიციური ჯგუფების მიერ 2026 წლის 2 მარტს გაფორმებულმა დეკლარაციამ. მისი თქმით, ეს გაერთიანება მიზნად ისახავს „კონსტიტუციური ინსტიტუტების არაღიარებასა და დემოკრატიული პროცესებისთვის ძირის გამოთხრას“.გასულ წელის 16 ნოემბერს, მას შემდეგ, რაც "ქართულმა ოცნებამ" საკონსტიტუციო სასამართლოში ოპოზიციური პარტიების აკრძალვის მოთხოვნით სარჩელი შეიტანა თამარ ჩერგოლეიშვილმა თქვა, რომ სანამ "ნაციონალური მოძრაობა" აკრძალულია, "ფედერალისტები" არჩევნებში მონაწილეობას არ მიიღებენ.საქართველოში პოლიტიკური ტემპერატურა განსაკუთრებით მაღალია მას შემდეგ, რაც ოპოზიციამ და დასავლეთის ნაწილმა 2024 წლის ოქტომბრის საპარლამენტო არჩევნების შედეგები ლეგიტიმურად არ ცნო. „ქართული ოცნება“, რომელიც ხელისუფლებაში 2012 წლიდანაა, ოპონენტებს „გლობალური ომის პარტიის“ ინტერესების გატარებასა და ქვეყნის დესტაბილიზაციის მცდელობაში ადანაშაულებს.კრიტიკოსები და საერთაშორისო უფლებადამცველი ორგანიზაციები მიიჩნევენ, რომ ოპოზიციური პარტიების შესაძლო აკრძალვა ქვეყანას ერთპარტიული მმართველობისკენ წაიყვანს და საბოლოოდ დააშორებს ევროკავშირში ინტეგრაციის მიზანს.საკონსტიტუციო სასამართლოს მიერ სარჩელის დაკმაყოფილების შემთხვევაში, ქვეყნის წამყვან ოპოზიციურ ძალებს საარჩევნო სუბიექტის სტატუსი გაუუქმდებათ, რაც უპრეცედენტო ნაბიჯი იქნება საქართველოს თანამედროვე ისტორიაში.

1776675132

პარლამენტის თავმჯდომარემ შალვა პაპუაშვილმა განაცხადა, რომ მმართველი გუნდი უკან გამოითხოვს ძველ სარჩელს და მის ნაცვლად წარადგენს გაფართოებულ ჩამონათვალს, რომელსაც პარტია „ფედერალისტები“ დაემატა. აქამდე აკრძალვის სამიზნე „ერთიანი ნაციონალური მოძრაობა“, „კოალიცია ცვლილებისთვის“ და „ლელო“ იყვნენ.პაპუაშვილის განცხადებით, სარჩელის დაკორექტირება გამოიწვია ოპოზიციური ჯგუფების მიერ 2026 წლის 2 მარტს გაფორმებულმა დეკლარაციამ. მისი თქმით, ეს გაერთიანება მიზნად ისახავს „კონსტიტუციური ინსტიტუტების არაღიარებასა და დემოკრატიული პროცესებისთვის ძირის გამოთხრას“.„ჩვენ მივმართავთ საკონსტიტუციო სასამართლოს ახალი, დაკორექტირებული სარჩელით, რომელშიც გაზრდილია პარტიების რაოდენობა“, - განაცხადა პაპუაშვილმა. მან ოპოზიციურ ალიანსს „კრიმინალური რეჟიმის“ გაგრძელება უწოდა და აღნიშნა, რომ ხელისუფლება აკვირდება როგორც პარტიების „ანტიკონსტიტუციურ მიზნებს“, ისე მათ გავლენას პოლიტიკურ პროცესებზე.საქართველოში პოლიტიკური ტემპერატურა განსაკუთრებით მაღალია მას შემდეგ, რაც ოპოზიციამ და დასავლეთის ნაწილმა 2024 წლის ოქტომბრის საპარლამენტო არჩევნების შედეგები ლეგიტიმურად არ ცნო. „ქართული ოცნება“, რომელიც ხელისუფლებაში 2012 წლიდანაა, ოპონენტებს „გლობალური ომის პარტიის“ ინტერესების გატარებასა და ქვეყნის დესტაბილიზაციის მცდელობაში ადანაშაულებს.კრიტიკოსები და საერთაშორისო უფლებადამცველი ორგანიზაციები მიიჩნევენ, რომ ოპოზიციური პარტიების შესაძლო აკრძალვა ქვეყანას ერთპარტიული მმართველობისკენ წაიყვანს და საბოლოოდ დააშორებს ევროკავშირში ინტეგრაციის მიზანს.საკონსტიტუციო სასამართლოს მიერ სარჩელის დაკმაყოფილების შემთხვევაში, ქვეყნის წამყვან ოპოზიციურ ძალებს საარჩევნო სუბიექტის სტატუსი გაუუქმდებათ, რაც უპრეცედენტო ნაბიჯი იქნება საქართველოს თანამედროვე ისტორიაში.

1776674449

„ლიდერობის სიმწირე და გამორჩეული ლიდერების არარსებობა ერთ-ერთი გამოკვეთილი პრობლემაა თანამედროვე მსოფლიო პოლიტიკის კონტექსტში. ჩემი ბავშვობის პერიოდში მსოფლიოს დიდებული ლიდერები ჰყავდა, ხოლო ახლა სიტუაცია ბევრად განსხვავებულია. სავარაუდოდ, ამ ნეგატიური მოვლენების უკან არაფორმალური გავლენები დგას“, – აღნიშნა პრემიერმა და გამონაკლისად თურქეთის ლიდერი დაასახელა.კობახიძის განცხადებით, არაფორმალური გავლენები იკვეთება ოფიციალურ მრავალმხრივ ორგანიზაციებშიც, რაც აფერხებს სუვერენიტეტის დაცვას და საერთაშორისო სამართლის აღსრულებას. „კონკრეტული მრავალმხრივი ორგანიზაციები სუვერენიტეტის დაცვის ნაცვლად ქვეყნებს გამოწვევებს უქმნიან. ამის „კარგი“ მაგალითია საქართველო. ამ მიმართულებით გარკვეული გამოწვევების წინაშე ვართ ზოგიერთი მრავალეროვნული ორგანიზაციის მხრიდან“, – განაცხადა მან.პრემიერმა ხაზი გაუსვა, რომ წესებზე დაფუძნებული საერთაშორისო სისტემა ამჟამად კრიზისს განიცდის. „ყველას კარგად გვახსოვს ისეთი ფრაზები, როგორიცაა „წესებზე დაფუძნებული საერთაშორისო წესრიგი“, „ფასეულობებზე დაფუძნებული საერთაშორისო წესრიგი“. სამწუხაროდ, ეს უკვე ჩაბარდა წარსულს. ამაზე ბევრი პოლიტიკოსი საუბრობს“, – აღნიშნა მთავრობის მეთაურმა.ევროინტეგრაციის პროცესზე საუბრისას, კობახიძემ დაადასტურა საქართველოს ურყევი ნება, გახდეს გაერთიანების წევრი, თუმცა მიუთითა ევროკავშირის შიდა პრობლემებზე. „ჩვენ დაინტერესებულნი ვართ, გავხდეთ ევროკავშირის სრულფასოვანი წევრი სახელმწიფო. ამავდროულად, ვხედავთ რა გამოწვევების წინაშე იმყოფება თავად ევროკავშირი. ეს ფუნდამენტური გამოწვევებია“, – განაცხადა მან.მისი შეფასებით, ევროკავშირს წლების განმავლობაში ჰქონდა ძლიერი იდენტობა, კეთილდღეობის მაღალი მაჩვენებლები და სამართლის უზენაესობა, რაც ახლა საფრთხის ქვეშაა. „თუ ამჟამინდელ ევროკავშირს შევხედავთ, ამ სამივე მიმართულებით მას სერიოზული გამოწვევები აქვს. ეს ჩვენ ძალიან გვაწუხებს და იმედს ვიტოვებთ, რომ ევროკავშირში სიტუაცია სამომავლოდ შეიცვლება“, – დასძინა პრემიერმა.პრემიერ-მინისტრმა დიპლომატია დაასახელა საქართველოს სუვერენიტეტისა და დამოუკიდებლობის დაცვის მთავარ იარაღად. „საუკუნეების განმავლობაში ჩვენ ვარსებობდით ძალიან რთულ გეოპოლიტიკურ გარემოში, იმპერიების გზაჯვარედინზე. ჩვენ გარშემო არსებული მრავალი იმპერია გაქრა, თუმცა საქართველო გადარჩა. სწორედ ამიტომ დიპლომატიისა და მისი როლის ღრმად გვწამს“, – აღნიშნა კობახიძემ.რეგიონულ ჭრილში, პრემიერმა ყურადღება გაამახვილა სამხრეთ კავკასიის მზარდ მნიშვნელობაზე და საქართველოს სატრანზიტო ფუნქციაზე. „საქართველო სატრანზიტო კვანძს წარმოადგენს საქონლის, მომსახურების, ენერგიისა და ციფრული მონაცემების ეფექტური გადაადგილებისთვის. ჩვენ ვცდილობთ, რაც შეიძლება მეტად განვამტკიცოთ ჩვენი დამაკავშირებელი ფუნქცია“, – განაცხადა მან.კობახიძის თქმით, ქვეყნის ეკონომიკური მაჩვენებლები ადასტურებს მშვიდობაზე ორიენტირებული პოლიტიკის წარმატებას. „ბოლო ხუთი წლის განმავლობაში საქართველოს ეკონომიკური ზრდის ტემპი ევროპაში ყველაზე მაღალი იყო, 2021 წლიდან საშუალოდ 9.3%. წლევანდელი წელიც კარგად დავიწყეთ: იანვარ-თებერვალში 8.4%-იანი ზრდა დავაფიქსირეთ“, – აღნიშნა პრემიერმა.გამოსვლის დასასრულს, ირაკლი კობახიძემ ხაზი გაუსვა ჯანსაღი ეკონომიკური კავშირების როლს კონფლიქტების გადაჭრაში. „ჩვენ ხიდები უნდა ავაშენოთ მისი დაწვის ნაცვლად, ეს უნდა იყოს ზოგადი მიდგომა. ამ შემთხვევაში კი დიპლომატიის როლი გაცილებით, გაცილებით ძლიერი გახდება“, – დაასკვნა საქართველოს მთავრობის მეთაურმა.

1776421639

გამოსვლისას კობახიძემ ყურადღება გაამახვილა საერთაშორისო ორგანიზაციებში არსებულ გამოწვევებზე და აღნიშნა, რომ ზოგიერთ მათგანში არაფორმალური გავლენები იკვეთება. მისი შეფასებით, ნაცვლად სუვერენიტეტის დაცვისა, კონკრეტული მრავალმხრივი ორგანიზაციები ქვეყნებს, მათ შორის საქართველოს, დამატებით გამოწვევებს უქმნიან, რაც აუცილებლად უნდა შეიცვალოს.პრემიერმა ასევე ისაუბრა საერთაშორისო წესრიგის კრიზისზე და აღნიშნა, რომ „წესებზე დაფუძნებული წესრიგი“ დიდწილად წარსულს ჩაბარდა. მისი თქმით, აუცილებელია მრავალეროვნული ორგანიზაციების გაძლიერება, რათა მსოფლიომ წესებზე დაფუძნებული საერთაშორისო სამართლის დაბრუნება შეძლოს.

1776420295

ბაქოში თავის პოზიციას იმით განმარტავენ, რომ საბოლოო სამშვიდობო შეთანხმება მეორე მხრიდან ლეგიტიმიზებული და მხარდაჭერილი უნდა იყოს იმ ხელისუფლების მიერ, რომელსაც გრძელვადიანი ვალდებულებების მანდატი ექნება.ამასობაში ერევანში განაცხადეს, რომ ვაშინგტონთან შეთანხმდნენ „ტრამპის მარშრუტის“ მშენებლობის დაჩქარებაზე. თუმცა, ექსპერტებს ეჭვი ეპარებათ, რომ სამშენებლო სამუშაოების დაწყება აშშ–სა და ირანს შორის მიმდინარე ომის პირობებში შეუძლებელია. მათივე აზრით, სირთულეს წარმოადგენს ასევე ინვესტორის მოძიება ასეთი პროექტისთვის.

1776418011