„დავიწყოთ პირდაპირი გავლენის შეფასებით. მოკლევადიან პერიოდში რისკების ზრდის მიმართ მოწყვლადი, უპირველეს ყოვლისა, ტურიზმია. 2024 წელს ისრაელზე საქართველოს ეკონომიკაში უცხოური ვალუტის ჯამური შემოდინების 5%, ხოლო ტურიზმიდან შემოსავლების 10% მოდიოდა. დღეის მდგომარეობით, ისრაელის საჰაერო სივრცე სამოქალაქო ავიაციისთვის დახურული რჩება. ამავდროულად, მიუხედავად ოფიციალური შეზღუდვების არარსებობისა, კონფლიქტურ არეალთან სიახლოვის გამო მოსალოდნელია ფრენების შემცირება რეგიონის სხვა ქვეყნებიდანაც, მაგალითად საუდის არაბეთიდან, რომელიც ბოლო პერიოდში ტურიზმიდან შემოსავლებში მზარდი წილით ხასიათდება. მეორე მხრივ, გასათვალისწინებელია მიგრაციის ეფექტიც. მაგალითად, 2023 წლის ოქტომბერში განვითარებული მოვლენების ფონზე ისრაელიდან ტურისტული ხარჯების კლებას თან ახლდა ისრაელიდან არარეზიდენტების სამომხმარებლო ხარჯების ზრდა, რაც მიგრაციის გარკვეულ პოზიტიურ ეფექტთან იყო დაკავშირებული.ამავდროულად, მიუხედავად იმისა, რომ საქართველო ნავთობპროდუქტების წმინდა იმპორტიორია და, შესაბამისად, ნავთობის ფასის ბოლოდროინდელი ზრდა - 7.5% ბოლო ხუთ დღეში - გამოწვევას წარმოადგენს, ასეთ დროს ქვეყანა ნავთობის მწარმოებლებისგან შედარებით მაღალ სავალუტო შემოდინებებსაც იღებს. თიბისი კაპიტალის შეფასებით, აღნიშნული ფაქტორები ერთმანეთს დიდწილად აბალანსებს. თუმცა, გამოყოფს, რომ ბოლო ორ თვეში ბენზინსა და დიზელზე ფასების კლებამ წლიური ინფლაციის შემცირებაში 0.5 პ.პ.-ის წვლილი შეიტანა, რაც ნავთობპროდუქტების მსოფლიო ფასების კვლავ ზრდის შემთხვევაში მოცემულ დეზინფლაციურ ზეწოლას შეასუსტებს. ასევე, საყურადღებოა ტვირთების ტრანსპორტირებისა და დაზღვევის შესაძლო გაძვირებაც.თიბისი კაპიტალის მკითხველისთვის ზემოაღნიშნული არგუმენტები კარგად ნაცნობია, თუმცა არის მნიშვნელოვანი სიახლეც: როგორც წესი, მომატებული რისკის პერიოდებში, აშშ დოლარი მყარდება, რადგან ინვესტორები აქტივების უსაფრთხო ვალუტაში გადატანას არჩევენ. თუმცა, ამჯერად აშშ დოლარი მხოლოდ კონფლიქტის გამწვავების პირველ საათებში გამყარდა მცირედით, შემდგომ კი კვლავ გაუფასურდა. წინა პუბლიკაციაში თიბისი კაპიტალი ფართოდ საუბრობდა აშშ დოლარის უჩვეულო, განვითარებადი ეკონომიკების ვალუტებისთვის დამახასიათებელ ქცევაზე. რას ნიშნავს ეს? შესაბამისად, თუკი ლარი/ევრო/დოლარის ბიზნეს სტრატეგიის ფარგლებში დოლარის გაუფასურება ადრინდელთან შედარებით დოლარში უფრო ნაკლები სესხის აღებას ნიშნავს, უსაფრთხო აქტივის სტატუსის დასუსტება საპირისპირო არგუმენტია. ამის გათვალისწინება განსაკუთრებით მნიშვნელოვანია ბიზნესებისთვის, რადგან, თუ უსაფრთხო სტატუსი „ცუდ დროს" უფრო ძლიერ ვალუტას მოიაზრებს, გაყიდვებისა და მომგებიანობის ვარდნის პარალელურად ვალის ზრდა მოვლენათა სწორედ კიდევ უფრო არასასურველ განვითარებას წარმოადგენს.უფრო კონკრეტულად, თიბისი კაპიტალის შეფასებით, ევრო/დოლარის წყვილის გრძელვადიანი წონასწორული ნიშნული 1.29-ზე რჩება, საქართველოსთვის შედარებითი რისკიანობის გათვალისწინებით კი უფრო დაბალი, 1.18-ია. პრაქტიკულად, ეს ნიშნავს, რომ, რადგან საქართველოსთვის ევრო დოლართან შედარებით ნაკლებად რისკიანია, სესხის აღებისას ევროს უფრო მაღალი წილია ოპტიმალური, ვიდრე ეს თანაბარი რისკის შემთხვევაში იქნებოდა. ამასთან, მხედველობაშია მისაღები რუსეთ-უკრაინის კონფლიქტის მოგვარების სცენარიც, როდესაც ევროს გამყარებას, შესაძლოა, ლარის გამყარება არ მოჰყვეს, რაც, ამ კონკრეტულ სცენარში, სესხებში უკვე ნაკლები ევროს არგუმენტია, ისევე როგორც აშშ დოლარის უსაფრთხო აქტივის სტატუსის დასუსტება.მთლიანობაში, რა არის თიბისი კაპიტალის განახლებული რეკომენდაცია? ერთი მხრივ, მიუხედავად უსაფრთხო აქტივის სტატუსის გარკვეული ცვლილებისა, ევროს ბოლოდროინდელი გამყარება კვლავ ევროში უფრო ნაკლებად, მაგრამ შედარებით ევროში უფრო მეტი სესხების არგუმენტია. მეორე მხრივ, სავალუტო რისკის აღებისას ვალის სტრუქტურაში, ევროსთან შედარებით, აშშ დოლარის წილი კვლავ მეტი უნდა იყოს. შესაძლოა, ეს ყოველივე, ერთი შეხედვით, რთულად ჟღერს, თუმცა აშკარაა, რომ ამ სტრატეგიის გამოყენება ძალზე დიდი ფინანსური სარგებლის მომტანია“, – წერს თიბისი კაპიტალის მთავარი ეკონომისტი.

1750157121

„სატრანსპორტო პოლიტიკა ბევრი მნიშვნელოვანი კომპონენტისგან შედგება. განსაკუთრებული ადგილი ინფრასტრუქტურის მოწყობას, ქუჩების განახლება-რეაბილიტაციას უჭირავს. ასევე, ყურადღებას ვუთმობთ მიწისქვეშა კომუნიკაციების მოწყობას, შეცვლას. კრიტიკას ვერ უძლებს სხვადასხვა უბანში, ქუჩაზე არსებული მიწისქვეშა კომუნიკაციები. ამიტომ, სადაც შევდივართ სამუშაოებით, პირველ რიგში, მას ვაწესრიგებთ. განსაკუთრებული მნიშვნელობა აქვს ხიდების უსაფრთხოების საკითხსაც, რაც შესაბამისი სამსახურების მიერ პერიოდულად მოწმდება. მონიტორინგის მიზანია დედაქალაქში სატრანსპორტო ინფრასტრუქტურის უსაფრთხო და გამართულად ფუნქციონირების უზრუნველყოფა“, - განაცხადა კახა კალაძემ.მისი თქმით, გმირთა მოედანზე არსებული ესტაკადის გამოკვლევა-გამოცდის სამუშაოები 19 ივნისს დაიწყება და 7 ივლისს დასრულდება.„დაგეგმილი სამუშაოების გამო, აღნიშნულ პერიოდში, ღამის საათებში (02:00-დან  06:00-მდე) გმირთა მოედნის ესტაკადაზე საავტომობილო მოძრაობა დღეგამოშვებით, სრულად შეიზღუდება. მსგავსი პროფილაქტიკური ღონისძიებები ხელს უწყობს პოტენციური საფრთხეების თავიდან არიდებას“, - აღნიშნა კახა კალაძემ.

1750150826

საქონლის ტრანსპორტირებისას გამოვლინდა მკაცრი ტემპერატურული კონტროლის დარღვევა, რამაც გამოიწვია მნიშვნელოვანი ნაწილის ლღობა.ჯანმრთელობისთვის მაღალ რისკის შემცველი იმპორტირებული გაყინული ქათმის ხორცის სრული პარტია განადგურდა.

1749822013

არადეკლარირებული საქონლის საერთო საბაჟო ღირებულებამ 97 499,12 ლარი შეადგინა.საქმის მასალები, შემდგომი რეაგირების მიზნით, საქართველოს ფინანსთა სამინისტროს საგამოძიებო სამსახურს გადაეცა.

1749810620

სააგენტოში დაფიქსირებულ წერილში აღნიშნულია, რომ დღეისათვის ქვეყანაში რეგისტრირებულია სხვადასხვა ქვეყნებში წარმოებული 1000-ზე მეტი დასახელების პესტიციდი და 1450-მდე დასახელების აგროქიმიკატი (სასუქი), რომელთა საქართველოში იმპორტს ახორციელებს 60-ზე მეტი ადგილობრივი კომპანია. სურსათის ეროვნული სააგენტოს მომართვაში ასევე აღნიშნულია, რომ ფერმერები, სხვადასხვა რეგიონში  შეხვედრებისას, აჟღერებენ  - საცალო ბაზარზე ზემოაღნიშნულ პროდუქციაზე კონკურენციის შემზღუდველი შესაძლო შეთანხმებების არსებობას ან/და დომინანტური მდგომარეობის შესაძლო ბოროტად გამოყენებას, რაც საბოლოო ჯამში ხელმისაწვდომობის კუთხით მოსავლის სარეალიზაციო ფასზეც აისახება.საქართველოს კონკურენციისა და მომხმარებლის დაცვის სააგენტოს გადაწყვეტილებით, მომართვაში დასმული მნიშვნელოვანი საკითხებიდან გამომდინარე, არსებული მდგომარეობის სრულყოფილი შესწავლის, შეფასების მიზნით საკითხის შესწავლა დაიწყო. შუალედური შედეგები პერიოდულად დაინტერესებული მხარეებისთვის საჯაროდ გამოქვეყნდება.გამომდინარე იქიდან, რომ სოფლის მეურნეობაში გამოსაყენებელი პესტიციდების და აგროქიმიკატების სარეგისტრაციო და მაკონტროლებელ ორგანოს  გარემოს დაცვისა და სოფლის მეურნეობის სამინისტროს  სურსათის ეროვნული სააგენტო წარმოადგენს,  ბაზრის მონიტორინგის პროცესი  შესაბამის უწყებებთან აქტიური კოორდინაციის ფორმატში განხორციელდება.ამ ეტაპზე, GCCA მონიტორინგს ახორციელებს - FMCG ბაზრის, საავტომობილო საწვავის და თამბაქოს ბაზრებზე.

1749806330

აქედან, ექსპორტი $2,59 მლრდ იყო (გაიზარდა 14.6%-ით), ხოლო იმპორტი $7,19 მლრდ (გაიზარდა 12.8%-ით).უარყოფითმა სავაჭრო ბალანსმა 2025 წლის იანვარ-მაისში $4,6 მლრდ შეადგინა, რაც საგარეო სავაჭრო ბრუნვის 47%-ია.

1749799560

საფინანსო ინსტიტუტი ანგარიშში აღნიშნავს,  რომ გლობალური ეკონომიკური ზრდის მაჩვენებელი შესაძლებელია მოსალოდნელზე სწრაფად გაიზარდოს თუ გავლენიანი ქვეყნები შეძლებენ დაძაბული სავაჭრო ურთიერთობების შერბილებას, რაც შეამცირებს პოლიტიკის საერთო გაურკვევლობას და ფინანსურ მერყეობას.ანალიზი მიუთითებს, რომ თუ დღეს არსებული სავაჭრო დავები  ისეთი შეთანხმებით გადაწყდება, რომელიც  ტარიფების განახევრებას ითვალისწინებს მაისის მეორე ნახევარში არსებულ დონესთან შედარებით, გლობალური ეკონომიკური ზრდა საშუალოდ 0.2 პ.პ.-ით უფრო მაღალი იქნება 2025 და 2026 წლების განმავლობაში.“ფორმირებადი ბაზრებისა და განვითარებადი ეკონომიკის მქონე ქვეყნებმა ისარგებლეს სავაჭრო ინტეგრაციით, მაგრამ ახლა გლობალური სავაჭრო კონფლიქტის წინა ხაზზე აღმოჩნდნენ. რეაგირების ყველაზე გონივრული გზა ძალისხმევის გაორმაგებაა ახალ პარტნიორებთან ინტეგრაციის, ზრდაზე ორიენტირებული რეფორმების დაჩქარებისა და ფისკალური მდგრადობის ამაღლების მიმართულებით. სავაჭრო ბარიერების ზრდის და გაურკვევლობის მატების პირობებში, განახლებულ გლობალურ დიალოგსა და თანამშრომლობას  წინსვლის გაცილებით სტაბილური და ნაყოფიერი გზის დასახვა შეუძლია,” - განაცხადა მსოფლიო ბანკის მთავარი ეკონომისტის მოადგილემ და სამომავლო პერსპექტივების ჯგუფის დირექტორმა აიჰან კოსემ.ანგარიში ხაზს უსვამს, რომ მზარდი სავაჭრო ბარიერების ფონზე, განვითარებადი ქვეყნები უნდა ცდილობდნენ გაცილებით ფართო ლიბერალიზაციას სტრატეგიული სავაჭრო და საინვესტიციო პარტნიორობის დამყარებით სხვა ქვეყნებთან, და ვაჭრობის დივერსიფიკაციას, მათ შორის, რეგიონული ხელშეკრულებების მეშვეობით.სახელმწიფოების შეზღუდული რესურსების და განვითარების საჭიროებების გათვალისწინებით, პოლიტიკის შემმუშავებლებმა აქცენტი უნდა გააკეთონ ადგილობრივი შემოსავლების მობილიზაციაზე, ყველაზე მეტად მოწყვლადი შინამეურნეობებისთვის ფისკალური ხარჯვის პრიორიტეტულობის განსაზღვრასა და ფისკალური ჩარჩოს გაძლიერებაზე.ანგარიშის თანახმად, ეკონომიკური ზრდის დასაჩქარებლად ქვეყნებს სჭირდებათ ბიზნესგარემოს გაუმჯობესება და დასაქმების პროდუქტიულობის ხელშეწყობა დასაქმებულთა აუცილებელი უნარებით აღჭურვით და შრომის ბაზარზე ისეთი პირობების შექმნით, რომლებიც ეფექტიანად დააკავშირებს ფირმებსა და სამუშაოს მაძიებლებს. გლობალური თანამშრომლობა გადამწყვეტი იქნება ყველაზე მოწყვლადი ეკონომიკის მქონე ქვეყნების მხარდასაჭერად მრავალმხრივი ინტერვენციების, კონცესიური დაფინანსებისა და აქტიურ კონფლიქტებში ჩართული ქვეყნებისთვის საგანგებო დახმარების მეშვეობით. 

1749719209

ახალი დეპარტამენტი ზედამხედველობას გაუწევს სამინისტროს სისტემაში და მართვაში არსებული უწყებების მიერ განსახორციელებელ პროექტებს.დეპარტამენტის ფუნქცია იქნება, ასევე, პროექტების კოორდინაცია და ხელშეწყობა, მათი მიმდინარეობის პროცესის ზედამხედველობა და შესრულების პროგრესის მონიტორინგი, პროექტების განხორციელების ყველა ეტაპზე.ინფრასტრუქტურული პროექტების კოორდინაციისა და ზედამხედველობის დეპარტამენტი მონაწილეობას მიიღებს ინფრასტრუქტურულ პროექტებთან დაკავშირებული ინიციატივებისა და გეგმების შეფასებაში, განხილვასა და შემუშავებაში; პროექტების სრულყოფისა და განვითარების ღონისძიებებში.ასევე, შეისწავლის და გააანალიზებს, მათ შორის ადგილზე მონიტორინგით, პროექტების განხორციელებისა და ცალკეული სამუშაოების შესრულების მდგომარეობას, მოამზადებს შესაბამის ანგარიშებს, წინადადებებსა და რეკომენდაციებს.დეპარტამენტის შექმნის შესახებ სამინისტროს დებულებაში შესაბამისი ცვლილება, საქართველოს მთავრობის დადგენილებით, 9 ივნისს შევიდა.

1749468626

საინვესტიციო კომპანია მაისში წერდა, რომ წინასწარი ინდიკატორების უმეტესობა ეკონომიკური აქტივობის აჩქარებაზე მიუთითებდა. კერძოდ, მთლიანი უნაღდო დანახარჯებისა და არა-რეზიდენტების ხარჯების ზრდის დინამიკა, ხოლო მიგრანტებისა და ხანგრძლივი მოხმარების საქონელზე გაწეულ დანახარჯებში მხოლოდ მცირე კლება შეინიშნებოდა.აპრილის მდგომარეობით, კვლავ ძლიერი რჩება საკრედიტო აქტივობაც, თუმცა, განსაკუთრებით ინფლაციის გათვალისწინებით, ზრდის ნორმალიზების ტრენდი თებერვლიდან მოყოლებული აშკარაა როგორც ფიზიკური პირების, ასევე ბიზნეს სექტორის დაკრედიტების დინამიკაში. მეორე მხრივ, გასულ წელთან შედარებით, მნიშვნელოვანი მატება ფიქსირდება ექსპორტის მიმართულებით.ამ ფონზე, საერთაშორისო სავალუტო ფონდმა საქართველოს 2025 წლის მშპ-ის რეალური ზრდის პროგნოზი 6%-დან 7.2%-მდე გააუმჯობესა, ხოლო საშუალოვადიან პერსპექტივაში ფონდი ეკონომიკური ზრდის 5%-იანი ნიშნულის გარშემო ნორმალიზებას ვარაუდობს.თიბისი კაპიტალი წერს, რომ ზოგადად, მაღალი ეკონომიკური აქტივობა ასევე მაღალ ინფლაციასთან ასოცირდება. ამასთან, საქართველოს მსგავს მცირე ზომის ეკონომიკებში გასათვალისწინებელია იმპორტის დიდი ხვედრითი წილი, მათ შორის ადგილობრივ წარმოებასა და მომსახურებაში გამოყენებული შუალედური საქონლის სახით. ამ კუთხით, სამომხმარებლო ფასების ბოლოდროინდელი დინამიკა გარკვეულწილად შერეულ სურათს იძლევა.კერძოდ, თიბისი კაპიტალი წერს, რომ მაისში სამომხმარებლო ფასების ჯამურმა ინფლაციამ წლიურად 3.5%, ხოლო წინა თვესთან შედარებით 0.4% შეადგინა, რაც, სეზონურად შესწორებისა და გაწლიურების შემთხვევაში, 5.3%-ს უტოლდება და ეროვნული ბანკის 3%-იან სამიზნე ნიშნულს აღემატება.ინფლაციის აჩქარების მთავარ განმაპირობებლად ადგილობრივი და შერეული კატეგორიის საქონლის, განსაკუთრებით კი სურსათის გაზრდილი ფასები რჩება, მომსახურების ფასების ზრდა კი მაისში, გასულ თვეებში აჩქარების შემდეგ, შესამჩნევად შენელდა. თიბისი კაპიტალის შეფასებით, ისტორიულად, მაღალი ადგილობრივი მოთხოვნა უპირველესად სწორედ მომსახურების ინფლაციაში აისახება. ამავდროულად, საინვესტიციო კომპანიის მოლოდინების შესაბამისად, ფასების შემცირების კუთხით მაისშიც მნიშვნელოვანი ეფექტი ჰქონდა გლობალურად გაიაფებულ ნავთობსა და სხვა იმპორტულ საქონელს.მთლიანობაში, ფასების დინამიკა მოლოდინებთან შესაბამისი რჩება, რისი გათვალისწინებითაც უცვლელად ვინარჩუნებთ წლის ბოლოსთვის ინფლაციის დაახლოებით 4.1%-იან ნიშნულამდე გაზრდის პროგნოზს, რაც ოქტომბერ-ნოემბერში ფასების ზრდის კიდევ უფრო მაღალ დონეს, მომდევნო თვეებში კი 3%-იან სამიზნესთან ეტაპობრივ დაახლოებას მოიაზრებს. ამასთან, გამომდინარე იქიდან, რომ ბოლო პერიოდში ინფლაციური რისკები გარკვეულწილად მომატებულია, თიბისი კაპიტალი ფიქრობს, რომ ფასების დინამიკაზე დამატებითი წნეხის რეალიზების შემთხვევაში, სავალუტო ბაზარზე უცხოური ვალუტის სიჭარბისა და ლარის გამყარების სხვა არგუმენტების გათვალისწინებით, აშშ დოლარის მიმართ საქართველოს ეროვნული ვალუტის შედარებით მეტად გამყარებაა მოსალოდნელი.იხილეთ პუბლიკაციის სრული ვერსია შემდეგ ბმულზე

1749460072

ლაშა ხუციშვილმა ფორუმის მონაწილეებს მიაწოდა ინფორმაცია მიმდინარე წლის აპრილსა და მაისში, საერთაშორისო საფინანსო ორგანიზაციების (EBRD; ADB; WB; IMF; AIIB) წლიური შეხვედრების ფარგლებში, ფინანსთა სამინისტროს მიერ გამართული მოლაპარაკებების შესახებ.როგორც ფინანსთა მინისტრმა აღნიშნა, საქართველოს ეკონომიკას ბოლო ოთხი წლის განმავლობაში ჰქონდა გარკვეული გამოწვევები, რომელიც ეხებოდა ეკონომიკის სიძლიერის ფუნდამენტურ საკითხებს.„პირველ რიგში, ქვეყანას უნდა მიეღწია მაკროეკონომიკური სტაბილურობისა და ფისკალური მდგრადობისთვის, იმისთვის, რომ შექმნილიყო საფუძველი შემდგომი განვითარებისთვის, რადგან, თუ ქვეყანას არ აქვს მაკროეკონომიკური და ფისკალური მდგრადობა, სხვა ყველაფერი, რაზეც შეიძლება დაშენდეს ეკონომიკური სტრატეგია, ვერ იქნება მყარი და გრძელვადიანი. ჩვენ დღეს შეგვიძლია, ვთქვათ, რომ ბოლო ოთხ წელიწადში, ქვეყანამ სრულად მიაღწია მაკროეკონომიკურ სტაბილურობას იმდაგვარად, რომ მასზე შეიძლება აიგოს ძლიერი ეკონომიკური მომავალი. ბიუჯეტის დეფიციტი 9.3%-დან შემცირდა 2.4%-მდე, საგარეო ვალის მაჩვენებელი, რომელიც იყო 60%-მდე, ჩამოვიდა 36%-მდე - თითქმის განახევრდა ოთხ წელიწადში მშპ-სთან მიმართებით, მიმდინარე ანგარიშის დეფიციტი, როცა გვქონდა ორნიშნა, ახლა გვაქვს ისტორიული მინიმუმი 4.4%-ის ოდენობით, ინფლაციის მაჩვენებელი ახლოსაა მიზნობრივთან და ყველა მაკროეკონომიკური პარამეტრი არის შესაბამისობაში", - აღნიშნა ფინანსთა მინისტრმა, ლაშა ხუციშვილმა.მისი თქმით, საქართველო არის იშვიათ ქვეყანათა ჩამონათვალში, რომელმაც მოკლე დროის მონაკვეთში შეძლო აღედგინა ფისკალური მდგრადობა, რითაც ერთ-ერთი ყველაზე საუკეთესო პარტნიორია საფინანსო ინსტიტუტებისთვის.„ისევე, როგორც ბანკებისთვის, საფინანსო ინსტიტუტებისთვისაც მნიშვნელოვანია ის, რომ რა თანხასაც დააბანდებს, თუ ინვესტიციას გააკეთებს ქვეყანაში, არ დადგეს რისკის ქვეშ. ამ მხრივ, ალბათ მსოფლიოს 3-4 ქვეყანას შორის ვართ, რომელთანაც ფისკალურ მდგრადობასთან დაკავშირებით კითხვები საერთოდ არ არის და პრინციპში, ესეც იყო იმის შედეგი, რომ პრაქტიკულად, ყველა საფინანსო ინსტიტუტმა გამოთქვა მზადყოფნა, რომ არათუ გააგრძელონ მიმდინარე თანამშრომლობა, არამედ დააფინანსონ ახალი პროექტები. მაგალითად, აზიის განვითარების ბანკის წლიურ შეხვედრაზე ხელი მოვაწერეთ ძალიან მნიშვნელოვან შეთანხმებას, რომელიც დაახლოებით, 700-800 მეგავატ განახლებადი ენერგიის წყაროებს შემატებს საქართველოს ელექტროსისტემას. შესაბამისად, მინდა აღვნიშნო, რომ საფინანსო ინსტიტუტების მიმართულებით გვაქვს ძალიან კარგი შედეგები, პროგნოზები და ვფიქრობთ, რომ უახლოეს პერიოდებში გვექნება განახლებები და სიახლეები", - განაცხადა ფინანსთა მინისტრმა.გამოსვლისას ლაშა ხუციშვილი, ასევე, შეეხო საერთაშორისო სავალუტო ფონდის ორკვირიანი მისიის შედეგებსა და გამოთქმულ შეფასებებს. მისი თქმით, ფონდმა დაადასტურა ყველა ის ფინანსური, ეკონომიკური პარამეტრი, რაც ფინანსთა სამინისტროს ჰქონდა მიმდინარე პროცესსა და პროგნოზებში.„ფონდის მიერ გამოქვეყნებულ ანგარიშში ნათლად არის მითითებული, რომ საქართველოს ეკონომიკამ შექმნა იმ რაოდენობისა და მოცულობის ბუფერები, რომელიც გაუმკლავდება ნებისმიერ პოტენციურ კრიზისს, რაც შეიძლება თეორიულად იქნეს წარმოქმნილი, გამომდინარე იქიდან, რომ პანდემიამდე პერიოდთან შედარებით, ყველა ფისკალური პარამეტრი, კიდევ უფრო მეტად არის გაუმჯობესებული", - განაცხადა ლაშა ხუციშვილმა.როგორც მან აღნიშნა, მნიშვნელოვანია ქვეყანაში გაგრძელდეს მსხვილი საინვესტიციო პროექტები საგზაო ინფრასტრუქტურის, ენერგეტიკისა თუ ლოგისტიკის მიმართულებით, ასევე, ყურადღება გამახვილდეს IT სექტორის განვითარებაზე, რომელიც მზარდია და აქვს დიდი შესაძლებლობები.კიდევ ერთი თემა, რომელზეც გამოსვლისას ისაუბრა ფინანსთა მინისტრმა, ეხებოდა საინვესტიციო ბანკებთან გამართულ მოლაპარაკებებს, სადაც კიდევ ერთხელ, დადასტურდა საქართველოს მიერ საკრედიტო რეიტინგებში მიღწეული პროგრესი, როგორც ეკონომიკური, ისე მმართველობითი ხარისხის მიმართულებით და საინვესტიციო ბანკების მხრიდან მზაობა, ქვეყანასთან გაგრძელდეს აქტიური თანამშრომლობა.დასასრულს, ფინანსთა მინისტრმა, ლაშა ხუციშვილმა მადლობა გადაუხადა ორგანიზატორებს ეკონომიკურ ფორუმში მონაწილეობისა და საინტერესო ინფორმაციის გაზიარების შესაძლებლობისთვის.პანელურ დისკუსიაში მონაწილეობა მიიღეს ეკონომიკური ფორუმისა და Business Insider Georgia-ს დამფუძნებელმა და ხელმძღვანელმა გიორგი აბაშიშვილმა, პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, შოთა ბერეკაშვილმა, „ორბი ჯგუფის" გენერალურმა დირექტორმა ირაკლი კვერღელიძემ.

1749455457