ბიზნესკურსის ერთ-ერთი სტუდენტია ლიკუნა ლომთათიძე, რომელმაც ელექტრონული კომერციის კურსი გაიარა. ლიკუნა არტ დირექტორი და კონცეპტუალური სთორითელერია. თანამშრომლობს როგორც ქართულ, ისე საერთაშორისო ბრენდებთან. 5 წელია, რაც კრეატივის, ბრენდინგისა და რეკლამის სფეროშია დასაქმებული, ცოტა ხნის წინ კი მუშაობა ბერლინში დაფუძნებულ საკომუნიკაციო და PR სააგენტო aktcomm-ში დაიწყო.იგი გვიამბობს, თუ რატომ დაინტერესდა საქართველოს ბანკის ბიზნესკურსით და რამდენად კმაყოფილია მიღებული ცოდნით:რას საქმიანობთ და რატომ დაინტერესდით ბიზნესკურსით?გულის სიღრმეში ძალიან ცნობისმოყვარე ადამიანი ვარ. ყოველთვის მაოცებდა კრეატივის შესაძლებლობები და მასშტაბი, მაგრამ არანაკლებ მიმზიდველი და საინტერესო იყო ბიზნესის მხარეც. სწორედ ამიტომ, ვგეგმავ ჩემი “boutique advertising agency”-ს ჩამოყალიბებას და მოდის ინდუსტრიაში ბიზნესის დაწყებას. ჩემი მიზანია, შევქმნა ისეთი რაღაც, რაც შემოქმედებითი და არაორდინალურია, თუმცა ამავდროულად — ჭკვიანური, სტრატეგიული და მოგებიანი.საქართველოს ბანკის ელექტრონული კომერციის კურსმა ჩემი ყურადღება მიიქცია, რადგან ის ჩემთვის საინტერესო ორ სამყაროს აერთიანებდა: კრეატიულობასა და ბიზნესს. გამოცდილების ძიების პროცესში მივხვდი, რომ მხოლოდ კარგი იდეები საკმარისი არაა, არამედ ისიც უნდა იცოდე, თანამედროვე ბაზარზე მათი პოზიციონირება და გაყიდვა როგორ უნდა მოახერხო. ამ კურსმა კი როგორც შემოქმედებით მეწარმეს, მომცა ინსტრუმენტები, რომლებიც სუფთა იდეებიდან რეალურ სამყაროში გასვლაში დამეხმარა,თავიდან როგორ აღმოაჩინეთ Businesscourse.ge და რატომ გადაწყვიტეთ რეგისტრაცია?ეს კურსი პირველად სოციალური ქსელების დახმარებით აღმოვაჩინე და ჩემი ყურადღება მალევე მიიპყრო. მთავარი ფაქტორი ის აღმოჩნდა, რომ კურსი ორგანიზებული იყო საქართველოს ბანკის მიერ, რომელსაც საქართველოში ერთ-ერთ ყველაზე პროგრესულ კომპანიად მივიჩნევ. ჩავთვალე, რომ თუ დიდი ბანკი ასეთ საგანმანათლებლო პროგრამაში ინვესტიციას ახორციელებს, ეს ნამდვილად ღირებული იქნებოდა. კურსზეც დავრეგისტრირდი, რადგან ისეთი უნარების შეძენა მსურდა, რომლებიც იდეებს მოქმედებაში მოიყვანდა და საკუთარი ბიზნესის დაწყებაში დამეხმარებოდა.გვიამბეთ, როგორი იყო სწავლის პროცესი?სასწავლო პროცესი სასიამოვნო და ინფორმაციული იყო. კურსი შედგებოდა მოკლე წინასწარ ჩაწერილი ვიდეოებისგან, რომელთა აღქმა ძალიან მარტივი იყო. კურსი რამდენიმე საათში დავამთავრე, ეს ფაქტი კი ძალიან მომეწონა, რადგან იყო იდეალური ხანგრძლივობის, ნაკლებად გადატვირთული და ამასთანავე — ღირებულებით სავსე. რაც შეეხება ლექტორს, ყველაფრის ნათლად ასახსნელად მას შესანიშნავი ხერხი ჰქონდა, თხრობა კი მთელი დროის განმავლობაში ძალიან სასიამოვნო იყო. კურსი დაიწყო ელექტრონული კომერციის ზოგადი მიმოხილვით, შემდეგ გადავიდა პრაქტიკულ ინსტრუმენტებზე, პლატფორმის ვარიანტებსა და მათი ეფექტურად გამოყენების გზებზე.როგორ შეაფასებდით მიღებულ ცოდნას? დაგეხმარათ თუ არა პრაქტიკულ საქმიანობაში?ელექტრონული კომერციის კურსი მხოლოდ თეორიული გაკვეთილებისგან არ შედგება, არამედ კურსი მოიცავს რეალურ ინსტრუმენტებს, პლატფორმებსა და მიდგომებს, რომლებიც უშუალოდ ბიზნესის დაწყებას ან მართვას ეხება. ჩემთვის ამგვარი მიდგომა ძალიან სასარგებლო იყო. რადგან ამჟამად ვმუშაობ როგორც კრეატიული სააგენტოს, ასევე ონლაინ მოდის ბრენდის შექმნის პროცესზე, ამ კურსმა კი ნათელი საწყისი წერტილი მომცა — ადრე მქონდა შემოქმედებითი ხედვა, მაგრამ არ ვიყავი დარწმუნებული, თუ როგორ წარმემართა ბიზნესის მხარე. ახლა კი მესმის, როგორ ვიფიქრო სტრატეგიულად: როგორ ავირჩიო პლატფორმები და დავწერო ბიზნეს და შემოქმედებითი გეგმა, რომელიც ბიზნეს  სამყაროში მუშაობს.რას ურჩევდით მათ, ვინც ჯერ კიდევ ფიქრობს Businesscourse.ge-ზე დარეგისტრირდეს თუ არა?თუ ამ კურსების გავლას ფიქრობთ, ასეც მოიქეცით. მნიშვნელობა არ აქვს რა გამოცდილება გაქვთ — ჩემნაირად შემოქმედებით ინდუსტრიას მიაკუთვნებთ თავს თუ უფრო ბიზნესზე ხართ ორიენტირებული, რადგან ბიზნესკურსი ღირებულ ინფორმაციას გთავაზობთ.ბიზნესკურსი გაძლევთ პრაქტიკულ ინსტრუმენტებს, რეალურ სტრუქტურასა და თავდაჯერებულობას, რომ იდეები მოგებიან ბიზნესად აქციოთ. მივხვდი, რომ არ არის საჭირო დაელოდო როდის იქნები "მზად", უბრალოდ საჭიროა სწორი საფუძველი და ეს კურსი ზუსტად ამას გაძლევს.თუ თქვენ ხართ ცნობისმოყვარე, ამბიციური ან უბრალოდ გსურთ გაიგოთ, როგორ გადააქციოთ თქვენი უნარები და ოცნებები რეალობად, ბიზნესკურსი იდეალური პირველი ნაბიჯია. ზოგჯერ უმნიშვნელო გადაწყვეტილებამ, მაგალითად, ონლაინ კურსზე დარეგისტრირებამ, შეიძლება თქვენი ოცნების მომავლის კარი გააღოს.აღსანიშნავია, რომ ბიზნესკურსი საქართველოს ბანკის ბიზნეს განათლებისა და ბიზნეს 360°-ის შემადგენელი ნაწილია. მასზე ხელმისაწვდომია 60-მდე კურსი სხვადასხვა თემატიკაზე. ხოლო ბიზნეს 360° ციფრული პლატფორმაა, რომელიც ყველა იმ შესაძლებლობას აერთიანებს, რასაც საქართველოს ბანკი მცირე და საშუალო ბიზნესისთვის ქმნის — იქნება ეს საგანმანათლებლო პროექტები, განვითარებაზე ორიენტირებული პროგრამები, შეთავაზებები, ღონისძიებები, სექტორული კვლევები თუ სხვა.

1746537530

„წლის განმავლობაში ჩვენ გავაძლიერეთ ოპერირება ერთ-ერთ სტრატეგიულ ქვეყნაში, საქართველოში, სადაც ჩვენი პირველი სამწლიანი სატარიფო გეგმა დამტკიცდა. გარდა ამისა, დავამტკიცეთ 2024-2026 წლების სტრატეგიული მდგრადობის გეგმა. საქართველოში საინვესტიციო გეგმის დასაფინანსებლად გამოვუშვით 300 მილიონი დოლარის ოდენობის მწვანე ობლიგაცია, რაც შესაბამისობაშია Aqualia-სთვის მნიშვნელოვან მდგრადი განვითარების მიზნებთან.Aqualia-სთვის საქართველოს ბაზარზე ოპერირება ერთ-ერთი უმნიშვნელოვანესი გადაწყვეტილება იყო. ჩვენ დედაქალაქსა და მიმდებარე ტერიტორიებზე 1.4 მილიონ ადამიანს ვემსახურებით მარეგულირებლის მიერ დამტკიცებული სამწლიანი სატარიფო პირობებითა  და  ჩვენს მიერ დამტკიცებული საინვესტიციო გეგმით.აღსანიშნავია, რომ განსხვავებით სხვა ქვეყნებისგან, საქართველოში ტარიფების დაგეგმვის მექანიზმი ინფრასტრუქტურის მოვლა-პატრონობასთან ერთად, მის განახლებასაც მოიცავს. ეს არის პროგნოზირებული და რეგულირებადი პროცესი, რაც შესაბამისად უზრუნველყოფს განვითარების მეტ სტაბილურობას. საქართველოს აქვს რეგულირების გამართული მექანიზმები, სამწლიანი ტარიფების გადახედვით, რომელიც დაფუძნებულია აუდირებულ საინვესტიციო გეგმებსა და კაპიტალურ და საინვესტიციო ხარჯებზე”, - აცხადებს  Aqualia-ს გენერალური დირექტორი.ლაფუენტეს თქმით, Aqualia-ს უპირატესობა კომპანიის მასშტაბთან ერთად არის უნარი, შექმნას დამატებითი ღირებულება, სადაც არ უნდა იყოს. “ჩვენ არ ვართ კომპანია, რომელიც მხოლოდ ერთჯერად კონტრაქტებზეა ორიენტირებული. გვსურს დავრჩეთ, ვინტეგრირდეთ და გვქონდეს თანაბრად მაღალი სტანდარტები  მსოფლიოს ნებისმიერ წერტილში.Aqualia-ს ძლიერი მხარე მომსახურების ერთიანი ფილოსოფიაა, რომელსაც ვნერგავთ როგორც პატარა, ისე დიდ და საშუალო მუნიციპალიტეტებში.”გენერალური დირექტორი აღნიშნავს, რომ 2024 წელი Aqualia-სთვის გამორჩეული წელი იყო. კომპანიაში შეიმუშავეს მდგრადი განვითარების მკაფიო სტრატეგია. პროგრესს მიაღწიეს ყველა ძირითად სფეროში, როგორიცაა  საერთაშორისო ზრდა, ციფრული ტრანსფორმაცია, მდგრადობა და ფინანსური სიძლიერე.პუბლიკაციის თანახმად, Aqualia, ერთ-ერთი წამყვანი წყლის მართვის კომპანია ევროპაში, ახალ ეტაპზე გადავიდა ახალი გენერალური დირექტორის ხელმძღვანელობით. სანტიაგო ლაფუენტე, რომელსაც მრავალწლიანი გამოცდილება აქვს ინფრასტრუქტურისა და მდგრადი განვითარების სფეროში, სათავეში უდგას კომპანიის სტრატეგიულ განვითარებას და ტრანსფორმაციას, რომელიც მიზნად ისახავს წყლის რესურსების უფრო ეფექტიან და მდგრად მართვას მსოფლიო მასშტაბით.

1746533382

კერძოდ, პორტირებულ აბონენტებს, 12 თვის განმავლობაში, ყოველთვე საჩუქრად 1GB ინტერნეტთან და 100 წუთი ყველა ქსელზე  ერთად, დამატებით შეუძლიათ გაიაქტიურონ ულიმიტო პაკეტები სპეციალურ ფასად, პორტირებიდან 1 თვის განმავლობაში:· ექნებათ ყველაფერი ულიმიტო – ზარები, SMS და ინტერნეტი ერთ პაკეტში მხოლოდ ₾20· ულიმიტო მობილური ინტერნეტი მხოლოდ ₾16პაკეტების გააქტიურება შესაძლებელია აპლიკაციიდან MyCellfie და სელფის მაღაზიებში.პორტირების დეტალები იხილეთ ვებგვერდზე.

1746185456

GCCA–ს ცნობით, ბაზრის ანალიზის შედეგად დადგინდა, რომ 2023 წელს, ქვეყნის მასშტაბით, მაგისტრალური წყალსადენების მშენებლობის ბაზარზე ეკონომიკურ საქმიანობას ახორციელებდა 180-მდე ეკონომიკური აგენტი. ბაზრის საერთო მოცულობამ შეადგინა  460 885 077.42 ლარი. შესაბამისი ბაზრის კონცენტრაციის ჰერფინდალ-ჰირშმანის ინდექსი (HHI) კი გაუტოლდა 345.75 ერთეულს, რაც დაბალკონცენტრირებული ბაზრის მაჩვენებელია. ვინაიდან დავით ბეგოიძის მიერ კონტროლირებადი ეკონომიკური აგენტი - შპს „ქსელმშენი" კონცენტრაციის განხორციელებამდე მაგისტრალური წყალსადენების მშენებლობის ბაზარზე არ მოქმედებდა, კონცენტრაციის განხორციელების შედეგად კონცენტრაციის (HHI) ინდექსის ცვლილებას ადგილი არ ექნება.შესაბამისად, სააგენტოს მიერ განხორციელებული ბაზრის ანალიზის, შეფასებული ბაზრის სტრუქტურისა და კონცენტრაციაში მონაწილე მხარის საბაზრო წილის გათვალისწინებით დადგინდა, რომ განხორციელებული კონცენტრაცია კონკურენტულ გარემოზე არსებით გავლენას არ მოახდენს.ინფორმაციისთვის: GCCA-ს წინასწარ სავალდებულო წერილობით შეტყობინებას ექვემდებარება კონცენტრაცია თუ მისი მონაწილე პირების ჯამური ერთობლივი შემოსავალი, საქართველოს ტერიტორიაზე, წინა ფინანსური წლის მდგომარეობით, 20 მილიონ ლარს აღემატება და ამასთან, კონცენტრაციის მონაწილე მინიმუმ ორი პირიდან თითოეულის ერთობლივი შემოსავალი 5 მილიონ ლარზე მეტია. GCCA-ის გვერდის ავლით, მის მიერ შეტყობინების განხილვამდე ან უარყოფითი დასკვნის მიუხედავად, სავალდებულო შეტყობინებას დაქვემდებარებული კონცენტრაციის განხორციელების შემთხვევაში, შეტყობინების წარდგენის ვალდებულების მქონე პირი ჯარიმდება.2025 წელს, საქართველოს კონკურენციისა და მომხმარებლის დაცვის სააგენტომ (GCCA) თანხმობა გასცა 6 კონცენტრაციაზე. ამ ეტაპზე, 3 კონცენტრაციასთან დაკავშირებით სააგენტო საკითხს სწავლობს.

1745824611

ამჯერად, შეხვედრა დაეთმო ერთ-ერთი ყველაზე აქტუალურ თემას – როგორ ვაქციოთ იდეა მოთხოვნად და გაყიდვად პროდუქტად. ვებინარს უძღვებოდა „კრისტალის“ ბიზნეს საკონსულტაციო მიმართულების ხელმძღვანელი, გიორგი ჯანელიძე.მონაწილეებმა შეხვედრაზე მიიღეს ინფორმაცია პროდუქტის შექმნის მთელი ციკლის შესახებ — იდეის დაგეგმვიდან მის ბაზარზე წარდგენამდე. მათ შორის ისეთ მნიშვნელოვან საკითხებზე, როგორიცაა მომხმარებლის საჭიროებების აღმოჩენა, იდეების ტესტირება და  MVP-ის შექმნა (მინიმალური სიცოცხლისუნარიანი პროდუქტი). ამასთან, განიხილეს კონკურენტების ანალიზის მეთოდები და მომხმარებლის უკუკავშირის გამოყენება პროდუქტის განვითარებისთვის. „მეწარმეების წარმატება ჩვენი სტრატეგიის ნაწილია. როდესაც ისინი უფრო ძლიერი და წარმატებული ხდებიან, უფრო მეტად იყენებენ ჩვენს ფინანსურ პროდუქტებს, იზრდება მათი ბიზნესები და ჩვენთან გრძელვადიანი თანამშრომლობის სურვილი. ამ მიდგომით,  კრისტალი მეწარმეებს ეხმარება მეწარმეებს გაძლიერებაში, ცოდნის, უნარებისა და ინსტრუმენტების მიწოდებით, ხოლო ჩვენი მხრიდან ვქმნით ლოიალურ და სანდო პარტნიორებს, რომლებიც ჩვენთან გრძელვადიანად თანამშრომლობენ. სწორედ ამ მიზნით დაიგეგმა ტრენინგი „იდეიდან გაყიდვამდე“, რაც დაეხმარება მონაწილეებს, სწორად დაგეგმონ თავიანთი საქმიანობა.სანამ ბიზნესის დაწყებას გადავწყვეტთ, უკიდურესად მნიშვნელოვანია იდეის წინასწარ ვალიდაცია. ეს ნიშნავს, რომ უნდა დავრწმუნდეთ იდეის სიცოცხლისუნარიანობაში რეალურ ბაზარზე, სანამ მსხვილ ფინანსურ რესურსებს და დროს ჩავდებთ. ძალიან ხშირად, ახალ პროდუქტზე ან სერვისზე მუშაობა იწყება ინტუიციაზე დაყრდნობით, მომხმარებელთან უშუალო კომუნიკაციის გარეშე, რაც ზრდის წარუმატებლობის რისკს. იდეის ვალიდაცია და მომხმარებლისგან მიღებული უკუკავშირი გვაძლევს საშუალებას ვნახოთ, რეალურად რა სჭირდებათ ადამიანებს, რას ეძებენ და მზად არიან თუ არა გადაიხადონ ჩვენს შეთავაზებაში. ეს პროცესები არა მხოლოდ ზოგავს რესურსს, არამედ ზრდის წარმატების შანსს. ბიზნესს აძლევს საყრდენს, რომ პროდუქტი შეიქმნას რეალურ მოთხოვნაზე დაყრდნობით და არა მხოლოდ წარმოსახვაზე“, - აღნიშნავს კრისტალის ბიზნეს საკონსულტაციო მიმართულების ხელმძღვანელი გიორგი ჯანელიძე.ვებინარი გამორჩეული იყო პრაქტიკული მიდგომით და თეორიულ მასალასთან ერთად მოიცავდა კონკრეტულ მაგალითებსა და ინსტრუმენტებს, რომელთა გამოყენებასაც მონაწილეები თავიანთ საქმიანობაში შეძლებენ.მსგავსი ტიპის ვებინარები კიდევ უფრო აძლიერებს მეწარმეებისთვის ხელმისაწვდომ რესურსებს, რომლებიც აუცილებელია წარმატებული ბიზნესის შექმნისთვის.#შენი შესაძლებლობების ბანკი

1745583141

ნათია ჯანაშიას და დავით ცეცხლაძის მიმართვაში ბიძინა ივანიშვილისადმი ნათქვამია:„ბატონო ბიძინა,მოგმართავთ „ბრიტანულ-ქართული აკადემიისა“ და „თბილისის ბრიტანული საერთაშორისო სკოლის“ დამფუძნებელი პარტნიორები, ნათია ჯანაშია და დავით ცეცხლაძე.ბევრი დაიწერა იმის შესახებ, თუ როგორ ცდილობს სს „საქართველოს კაპიტალის“ ხელმძღვანელი, ნაციონალი ირაკლი გილაური მიიტაცოს ჩვენი ბიზნესი, ჩვენი სკოლები, რომლებიც ჩვენ ავაშენეთ და ვაქციეთ საერთაშორისო სტანდარტების ზოგადსაგანმანათლებლო დაწესებულებად. გილაურმა კი, გარდა იმისა, რომ მოტყუებით მიიღო ჩვენი 100% წილიდან 70% და არ შეასრულა საინვესტიციო ვალდებულებები, განიზრახა მიეტაცებინა ჩვენი ბიზნესი, რის სისრულეში მოსაყვანად, ჯერ მიითვისა სკოლის კუთვნილი სამ მილიონ ლარზე მეტი, ხოლო შემდეგ დირექტორის თანამდებობიდან უკანონოდ გამათავისუფლა მე, ნათია ჯანაშია და ბრუტალური, მხეცური გზებით მოახდინა სკოლის ოკუპაცია.ჩვენთვის, როგორც ნაციონალების მმართველობის დროს რეპრესირებული ოჯახისთვის, მტკივნეულია იმის გააზრება და აღიარება, რომ დღეს, ნაციონალური მოძრაობის საჯარო გასამართლების პარალელურად, ნაციონალი ირაკლი გილაური ბედავს და ნაცების მიერ აპრობირებული მეთოდებით, ახდენს სკოლის ოკუპაციას, ძალის გამოყენებითა და პოლიციის უკანონო ჩარევით ახორციელებს სკოლის თანამშრომლების დაშინებასა და გამოყვანას სკოლის შენობიდან. სამწუხაროა, რომ ჩვენ მიერ ღია წერილის არაერთგზის გამოქვეყნებისა თუ შესაბამისი უწყებებისადმი მიმართვის მიუხედავად, გილაური, პირადი კავშირების წყალობით, განაგრძობს სკოლის ოკუპაციასა და უკანონო ქმედებების ჩადენას. ჩვენ, სკოლის დამფუძნებელ პარტნიორებს გვიკრძალავს ჩვენ მიერ აშენებულ სკოლაში შესვლას.სკოლის შენობაში შესვლა გვეკრძალება არამხოლოდ როგორც პარტნიორებს, არამედ როგორც სკოლის მოსწავლეების მშობლებსაც, რითაც გილაური ახდენს ჩვენი ოთხი არასრულწლოვანი შვილის დისკრიმინაციას. ჩვენი შვილების მიმართ, რომლებიც „თბილისის ბრიტანული საერთაშორისო სკოლის“ მოსწავლეები არიან, სკოლის თვითმარქვია ადმინისტრაციისა და აკადემიური დირექტორის მხრიდან ხორციელდება დამამცირებელი, ბავშვების ფსიქიკის დამაზიანებელი ქმედებები, ყოველდღიურად ირღვევა ბავშვების უფლებები. ჩვენი შვილების უფლებების დარღვევის ფაქტებთან დაკავშირებით უკვე მივმართეთ შესაბამის უწყებებს და მათი ობიექტურობის იმედი გვაქვს.ნაციონალმა გილაურმა, პირადი კავშირების ბოროტად გამოყენებით, შეძლო და ორჯერ უკანონოდ დაარეგისტრირა სკოლის ახალი დირექტორები. ასევე, ცდილობს, სამართალწარმოების ყველა ეტაპზე შეზღუდოს ჩვენი შესაძლებლობები, რომ კანონის გზით არ მივაღწიოთ სიმართლის დადგენასა და ჩვენი უფლებების დაცვას. გარდა იმისა, რომ ნაციონალი გილაური უკანონო ქმედებებით ცდილობს სკოლის მიტაცებას, იგი ახდენს სახელმწიფო უწყებების დისკრედიტაციას, ახორციელებს რა ზოგიერთ მოხელეზე უკანონო ზემოქმედებას, რაც ეჭვქვეშ აყენებს სახელმწიფო სტრუქტურების ქმედითობასა და მიუკერძოებლობას.გთხოვთ, თქვენი კომპეტენციის ფარგლებში, მიიღოთ შესაბამისი ზომები, რომ გილაურს არ მიეცეს ჩვენი ბიზნესის მიტაცებისა და სახელმწიფო უწყებებით მანიპულირების შესაძლებლობა. ჩვენ ვაგრძელებთ ბრძოლას არამხოლოდ საქართველოში, არამედ გაერთიანებულ სამეფოშიც, სადაც გილაურის მიერ მართული ბრიტანული კომპანიის აქციები დაშვებულია ლონდონის საფონდო ბირჟაზე. ვწერდით იმის შესახებაც, რომ ლონდონში რეგისტრირებული Georgia Capital PLC და საქართველოში რეგისტრირებული სს „საქართველოს კაპიტალი“ ერთი მენეჯმენტის მიერ იმართება და ქართული კომპანიით ოპერირების მიზანი შესაძლო სისხლისსამართლებრივი და სხვა უკანონო ქმედებებიდან გამომდინარე შედეგების ბრიტანული კომპანიისათვის თავიდან აცილებაა. იმავდროულად, გილაური მანიპულირებს ბრიტანული კომპანიით, რომ ლონდონის საფონდო ბირჟაზე დაშვებული კომპანიის საქმიანი რეპუტაციით შევიდეს „საინვესტიციო“ გარიგებებში. შესაბამისად, ჩვენი ბრძოლა გაერთიანებულ სამეფოშიც გრძელდება, მიმდინარეობს სამართლებრივი პროცედურები, მათ შორის, გაერთიანებულ სამეფოში ირაკლი გილაურისათვის სისხლისსამართლებრივი პასუხისმგებლობის დაკისრებისა და მისი დასანქცირების მისაღწევად. ამასთან, მიმდინარეობს ლონდონის საფონდო ბირჟიდან Georgia Capital PLC-ის, როგორც შესაძლო თაღლითობის განმახორციელებელი კომპანიის გაძევებისათვის საჭირო სამართლებრივი მოქმედებები. იმედს ვიტოვებთ, რომ ქართული მართლმსაჯულება ისეთივე ეფექტიანი იქნება გილაურის შესაძლო დანაშაულებრივი ქმედებების გამოძიებისა და საქმეზე ობიექტური გადაწყვეტილების მიღების თვალსაზრისით, როგორც გაერთიანებული სამეფოს შემთხვევაშია“.  (R)

1745562700

დღეიდან, ბიზნესებს შესაძლებლობა აქვთ, თიბისის მომხმარებლები ციფრულად, 90 წამში გახდნენ და ამისათვის ფილიალში მისვლა და დამატებითი პროცედურების გავლა საჭირო აღარ არის.ბიზნესები ციფრულად შეძლებენ გადმოწერონ ბიზნეს მობაილბანკი, გაიარონ რეგისტრაცია პირადობის მოწმობის გარეშე, გახსნან ანგარიში და მიიღონ მათი ბიზნესისთვის საჭირო ყველა ფინანსური მომსახურება ისე, რომ  დამატებით ფილიალში ვიზიტი არ დასჭირდეთ.ამასთანავე, თიბისის და ვიზას ერთობლივი ინიციატივით, ბიზნესები, რომლებიც ციფრულად დარეგისტრირდებიან თიბისის ბიზნეს მობაილბანკში, 1 წლის განმავლობაში უფასოდ ისარგებლებენ ვიზას სტარტაპ ნაკრებით.ბიზნეს მობაილბანკის გადმოწერა შესაძლებელია ბმულზე

1745396319

ბაზრის ანალიზის შედეგად დადგინდა, რომ 2023 წელს, ქვეყნის მასშტაბით, ამწე მოწყობილობებით მომსახურების ბაზარზე ეკონომიკურ საქმიანობას  81 ეკონომიკური აგენტი ახორციელებდა, ბაზრის საერთო მოცულობამ შეადგინა 83 969 189.7 ლარი. შესაბამისი ბაზრის კონცენტრაციის ჰერფინდალ-ჰირშმანის ინდექსი (HHI) კონცენტრაციის განხორციელებამდე  803.6 ერთეულს უტოლდებოდა, რაც დაბალკონცენტრირებული ბაზრის მაჩვენებელია. კონცენტრაციის შედეგად კი ჰერფინდალ-ჰირშმანის ინდექსი  მხოლოდ 7.5 პუნქტით იზრდება, 811.1 ერთეულამდე. ამდენად, ანალიზმა ცხადყო, რომ ბაზარი დაბალკონცენტრირებულია, ხოლო კონცენტრაციის შედეგად ჰერფინდალ-ჰირშმანის ინდექსის ზრდის მაჩვენებელი - უმნიშვნელოა.  შესაბამისად, GCCA-ს  შეფასებით, განხორციელებული კონცენტრაცია არსებით გავლენას კონკურენტულ გარემოზე არ მოახდენს.ინფორმაციისთვის: GCCA-ს წინასწარ სავალდებულო წერილობით შეტყობინებას ექვემდებარება კონცენტრაცია თუ მისი მონაწილე პირების ჯამური ერთობლივი შემოსავალი, საქართველოს ტერიტორიაზე, წინა ფინანსური წლის მდგომარეობით, 20 მილიონ ლარს აღემატება და ამასთან, კონცენტრაციის მონაწილე მინიმუმ ორი პირიდან თითოეულის ერთობლივი შემოსავალი 5 მილიონ ლარზე მეტია. GCCA-ის გვერდის ავლით, მის მიერ შეტყობინების განხილვამდე ან უარყოფითი დასკვნის მიუხედავად, სავალდებულო შეტყობინებას დაქვემდებარებული კონცენტრაციის განხორციელების შემთხვევაში, შეტყობინების წარდგენის ვალდებულების მქონე პირი ჯარიმდება.2025 წელს, საქართველოს კონკურენციისა და მომხმარებლის დაცვის სააგენტომ (GCCA) 5 კონცენტრაციაზე თანხმობა გასცა. ამ ეტაპზე, 4 კონცენტრაციასთან დაკავშირებით სააგენტო საკითხს სწავლობს.

1745308521

პლატფორმაზე ახლა 60-მდე კურსია განთავსებული. მათ შორისაა მარკეტინგის მიმართულებს კურსები, რომლებიც ამ დარგის თანამედროვე პრინციპებსა და მეთოდებს მიმოიხილავს. კურსები ხელმისაწვდომია დისტანციურად, ვიდეოლექციების ფორმატში და მათი გავლა ნებისმიერ მსურველს, ნებისმიერ დროს შეუძლია.მარკეტინგული კვლევის როლი ბიზნესშიამ კურსის გავლის შემდეგ გაიგებთ, თუ რა მნიშვნელობა აქვს მარკეტინგული კვლევის დაგეგმარების სწორ პროცესსა და ჩატარებას ბიზნესისთვის. გაეცნობით მარკეტინგული კვლევის მეთოდებს, თვისებრივი და რაოდენობრივი კვლევების ძირითად უპირატესობებსა და განსხვავებებს. ასევე გაიგებთ, თუ რა ინფორმაციას გვაძლევს მარკეტინგული კვლევა ბიზნესის განვითარებისა და წინსვლისთვის. კურსი შედგენილია გლობალური კვლევითი-საკონსულტაციო კომპანია ACT-ის აღსრულების ლიდის, ნატალია კვიწინაშვილის, მიერ.დარეგისტრირდით კურსზე ამ ბმულიდან.Email მარკეტინგიბიზნესკურსზე „Email მარკეტინგი“ შეისწავლით, მომხმარებლის ელექტრონული ფოსტის მისამართის შეგროვების მეთოდებს, ტექსტური მეილების ვიზუალიზაციასა და ციფრული ხელსაწყოების ისე გამოყენებას, რომ შეძლოთ ეფექტური კამპანიების დაგეგმვა და გაშვება თქვენი ბიზნესისთვის. კურსს უძღვება საქართველოს ბანკის ციფრული არხების ხელმძღვანელი, სოსო გომარელი.დარეგისტრირდით კურსზე ამ ბმულიდან.ელექტრონული კომერციააღნიშნული კურსით გაიგებთ, როგორ შექმნათ ელექტრონული კომერციის ვებგვერდი, რომელი პლატფორმები გამოიყენოთ, რა როლს ასრულებს ხელოვნური ინტელექტი და ციფრული მარკეტინგი ამ გზაზე. ეს ყველაფერი კი წარმატებული ბიზნესის წამოწყებასა თუ მართვაში დაგეხმარებათ. მას უძღვება ელექტრონული კომერციის სპეციალისტი, თორნიკე აფხაზი.დარეგისტრირდით კურსზე ამ ბმულიდან.კონტენტის მენეჯმენტიამ კურსით შეიტყობთ, რა მნიშვნელობა აქვს კონტენტის მარკეტინგს დამწყები ბიზნესებისთვის, კონტენტის როგორი ფორმატები არსებობს, როგორ უნდა შეადგინოთ კონტენტის სტრატეგია და დაგეგმოთ კამპანია. კურსის განმავლობაში გაიცნობთ მარტივ აპლიკაციებს, რომლებიც კონტენტის შექმნაში დაგეხმარებათ, ამასთან, გაეცნობით თანამედროვე ტენდენციებს. კურსი მოამზადა ესერტი კონტენტ სტუდიოს დამფუძნებელმა ლიანა მეტრეველმა.დარეგისტრირდით კურსზე ამ ბმულიდან.ბრენდინგიბრენდინგის ბიზნესკურსის გავლის შემდეგ გაიგებთ, სად იწყება ბრენდი, რა ნაბიჯები უნდა გადადგათ მის ასაშენებლად, როგორ უნდა შეურჩიოთ ბრენდს მთავარი საკომუნიკაციო გზავნილი, როგორ დაარქვათ სახელი, რა დეტალები გაითვალისწინოთ ბრენდის დიზაინის შექმნისას და სხვა. კურსს უძღვება ალექს ჩიქოვანი, Live Branding-ის დამფუძნებელი და აღმასრულებელი დირექტორი.დარეგისტრირდით კურსზე ამ ბმულიდან.ინფორმაციისთვის, ბიზნესკურსი ბიზნეს 360°-ის ნაწილია. ბიზნეს 360° კი ციფრული პლატფორმაა, რომელიც ყველა იმ შესაძლებლობას აერთიანებს, რასაც საქართველოს ბანკი მცირე და საშუალო ბიზნესისთვის ქმნის — იქნება ეს საგანმანათლებლო პროექტები, განვითარებაზე ორიენტირებული პროგრამები, შეთავაზებები, ღონისძიებები, სექტორული კვლევები თუ სხვა.

1744885869

ამჯერად, რეგულარული ბიზნეს-ღონისძიებების სერიის მორიგი შეხვედრა გაიმართა, სადაც Fas Group-ის დამფუძნებელმა, ნათია სხვიტარიძე ბუღალტრული პროცესების გაციფრულებაზე ისაუბრა.ვორკშოპზე მცირე და საშუალო ბიზნესის წარმომადგენლები გაეცნენ: სტაბილური შემოსავლების უზრუნველყოფისა და ხარჯების ეფექტიანად მართვის გზებს; ბუღალტრული აღრიცხვის თანამედროვე მეთოდებსა და ტექნოლოგიებს; აღრიცხვისა და დეკლარირების მეთოდებს Fas Group-ის ახალი პროდუქტის დახმარებით. ღონისძიებას ბიზნესის 70-მდე წარმომადგენელი ესწრებოდა. ხოლო მათ, ვინც ვერ მოახერხა ვორკშოპში მონაწილეობის მიღება, შესაძლებლობა აქვთ, ბუღალტრული პროცესების შესახებ მეტი ინფორმაცია საქართველოს ბანკის ბიზნესკურსიდან მიიღონ.ნათია სხვიტარიძის ავტორობით შექმნილი ბიზნესკურსი „როგორ დავთვალოთ სწორად“ ნებისმიერი მსურველისთვის ონლაინ ვიდეოლექციების ფორმატშია ხელმისაწვდომი. კურსის დახმარებით გაეცნობით ბუღალტრულ და ფინანსურ საკითხებს, რომლებსაც გადამწყვეტი მნიშვნელობა აქვს კომპანიის სწორად ფუნქციონირებისა და განვითარებისთვის.„ბიზნესის საჭიროებების კვლევა ჩვენი ყოველდღიური საქმიანობის განუყოფელი ნაწილია. სწორედ ამ კვლევების შედეგად მიღებული მიგნებებით ჩვენ ვქმნით მრავალფეროვან პროექტებს მცირე და საშუალო ბიზნესისთვის — როგორც ფიზიკური შეხვედრების, ისე დისტანციური სასწავლო რესურსების სახით. მათ შორისაა ღონისძიებები და კურსები საბუღალტრო თემატიკაზე. ჩვენთვის განსაკუთრებით საამაყოა მზარდი დაინტერესება ამ პროექტების მიმართ. ეს გვაძლევს მოტივაციას, არ გავჩერდეთ და ჩვენი წვლილი შევიტანოთ ბიზნესის გაძლიერებაში“, — აცხადებენ საქართველოს ბანკში.ინფორმაციისთვის, ბიზნეს 360° ციფრული პლატფორმაა, რომელიც ყველა იმ შესაძლებლობას აერთიანებს, რასაც საქართველოს ბანკი მცირე და საშუალო ბიზნესისთვის ქმნის — იქნება ეს საგანმანათლებლო პროექტები, განვითარებაზე ორიენტირებული პროგრამები, შეთავაზებები, ღონისძიებები, სექტორული კვლევები თუ სხვა.

1744806230