ბექა ციცქიშვილი, „თეგეტა ჰოლდინგის“ უფროსი ტექნოლოგიების ოფიცერი: „თუ წარსულში კონკურენცია პროდუქტის ხარისხსა და ფასზე მიმდინარეობდა, ახლა თამაშის წესებს მონაცემებზე დაფუძნებული გადაწყვეტილებები, მომხმარებლის პერსონალიზებული ციფრული გამოცდილება, პროგნოზირებადი სერვისი და სრულად ინტეგრირებული ციფრული ეკოსისტემები განსაზღვრავს. წარმატებას აღწევს ის ორგანიზაცია, რომელიც ტექნოლოგიას არ განიხილავს, როგორც მხარდამჭერ ფუნქციას, არამედ იყენებს მას, როგორც ზრდის, ეფექტიანობისა და ახალი ბიზნესმოდელების მთავარ მამოძრავებელს. ჩვენ ამ ტრანსფორმაციის ტალღას კი არ მივყვებით, არამედ ხშირ შემთხვევაში მას თავად ვქმნით“.აღნიშნულ გზაზე „თეგეტა ჰოლდინგის“ ერთ-ერთი ყველაზე მასშტაბური პროექტი 2026 წლისთვის SAP S/4HANA-ზე სრულად გადასვლაა. როგორც კომპანიაში განმარტავენ, ეს მხოლოდ სისტემის განახლება ან ტექნიკური მიგრაცია კი არ არის, არამედ ოპერაციული ხერხემლის გაძლიერებაა, რომელსაც „თეგეტას“ ყველა სხვა ციფრული პროდუქტი და ინიციატივა ეყრდნობა.„ჩვენ შეგნებულად ავირჩიეთ განსხვავებული მიდგომა ტიპური „ტექნიკური მიგრაციისგან“. ჩვენი მთავარი პრიორიტეტი არ ყოფილა მხოლოდ სწრაფი გადატანა, ჩვენი პრიორიტეტია ბიზნესპროცესების საფუძვლიანი რესტრუქტურიზაცია და მათი შესაბამისობაში მოყვანა საუკეთესო საერთაშორისო პრაქტიკებთან“, - განმარტავს ბექა ციცქიშვილი.პროექტის ფარგლებში, ჰოლდინგმა აქცენტი ბიზნესპროცესების საფუძვლიან გადახედვასა და მათ საერთაშორისო საუკეთესო პრაქტიკებთან შესაბამისობაში მოყვანაზე გააკეთა. უკვე რესტრუქტურიზებულია, დაახლოებით, 130 ბიზნესპროცესი, რაც იმას ნიშნავს, რომ ახალ სისტემაში ისტორიულად დაგროვილი მოდელები ავტომატურად არ გადადის, პირიქით, ყალიბდება ოპტიმიზებული, სტანდარტიზებული და მასშტაბირებადი ოპერაციული არქიტექტურა, რომელიც კომპანიის გრძელვადიან ზრდას უნდა დაედოს საფუძვლად.„თეგეტას“ ციფრული ტრანსფორმაციის ერთ-ერთი ყველაზე თვალსაჩინო შედეგი Tegeta App-ია, რომელიც მომხმარებლისთვის ავტომობილზე ზრუნვის სრულ ციფრულ გამოცდილებას ქმნის. ამ პლატფორმიდან შესაძლებელია ავტომობილის სერვისის ისტორიის, დაგეგმილი თუ პროაქტიური საჭიროებების ნახვა, ნაწილების შეკვეთა, სერვისცენტრში ვიზიტის დაჯავშნა და ავტომობილის მდგომარეობის კონტროლი.„ეს არ არის უბრალოდ აპლიკაცია. ეს არის ჩვენი ყველა სერვისის ერთიანი ციფრული შეხების წერტილი. მანქანის მოვლასთან დაკავშირებული საკითხები, პერსონალიზებული შეთავაზებები, ლოიალობის პროგრამა - ეს ყველაფერი App-ის მეშვეობით ერთიან ციფრულ გამოცდილებას ქმნის. მომდევნო ეტაპზე იგეგმება Tegeta App-ის ინტელექტუალიზაცია, რაც AI-ზე დაფუძნებული ვირტუალური ასისტენტის დახმარებით მომხმარებლისთვის ავტომობილის საჭიროებებსა და შესაბამის შეთავაზებებზე ინფორმაციის პროაქტიურად მიწოდებას უზრუნველყოფს“, - განმარტავს ბექა ციცქიშვილი.ციფრული ეკოსისტემის საფუძველი მონაცემთა ცენტრალიზაციაა. „თეგეტამ“ შექმნა Data Warehouse, რომელიც სხვადასხვა სისტემაში მიმოფანტულ მონაცემებს ერთ პლატფორმაზე აერთიანებს და მათ ოპერაციულ გამოყენებას უზრუნველყოფს. შედეგად, თანამშრომელს შეუძლია, ანალიტიკური კითხვა AI აგენტს სიტყვიერად დაუსვას და პასუხი წამებში მიიღოს - პროცესი, რასაც ადრე რამდენიმე დღე სჭირდებოდა.კომპანიის ციფრული ევოლუციის გზაზე მნიშვნელოვანი ადგილი უკავია ხელოვნურ ინტელექტს, რომელიც „თეგეტას“ ოპერაციული მოდელის ნაწილია. კომპანიამ უკვე დანერგა AI პროდუქტები, რომლებიც თანამშრომლებისთვის ოპერაციებს ამარტივებს, მომხმარებლებისთვის კი სწრაფ უკუკავშირსა და პერსონალიზებულ მიდგომას უზრუნველყოფს.„თეგეტაში“ გვჯერა, რომ მონაცემებზე დაფუძნებული გადაწყვეტილებები არის ჩვენი მომავალი. ეს არის კომპანიის პირველი, თუმცა ფუნდამენტური ნაბიჯი სრულფასოვანი Data-Driven ორგანიზაციისკენ. მომდევნო წლებში კონკურენტული უპირატესობა აღარ განისაზღვრება მხოლოდ იმით, ვინ იყენებს AI-ს, არამედ იმით - ვინ იყენებს მას უკეთესი ბიზნესშედეგებით. ჩვენთვის AI არის არა ჰაიპი, არამედ გადაწყვეტილებების დაჩქარების, ოპერაციული ეფექტიანობის ზრდისა და მომხმარებლის გამოცდილების რადიკალური გაუმჯობესების ინსტრუმენტი.ჩვენი ხედვის ცენტრში დგას პრინციპი - ტექნოლოგია უნდა აგვარებდეს რეალურ ბიზნესგამოწვევებს, როგორც კლიენტებისთვის, ისე თანამშრომლებისთვის.მისი ღირებულება განისაზღვრება მხოლოდ იმ შედეგით, რომელსაც ქმნის.ჩვენ ვისწრაფვით ავტობიზნესის ლიდერობისკენ - ტექნოლოგიით გაძლიერებული გადაწყვეტილებებით და მონაცემებზე დაფუძნებული მართვით“, - აღნიშნავს „თეგეტა ჰოლდინგის“ უფროსი ტექნოლოგიების ოფიცერი.„თეგეტაში“ ფიქრობენ, რომ ამ გზაზე გადადგმული თითოეული ნაბიჯი მომხმარებლებისთვის ნიშნავს უფრო სწრაფ სერვისს, ნაკლებ ლოდინს, პერსონალიზებულ კომუნიკაციასა და მარტივ, გამჭვირვალე პროცესებს, რაც სწორ დროს სწორ მომსახურებას უზრუნველყოფს. თანამშრომლებისთვის კი მთავარი შედეგი ოპერაციების გამარტივება და გადაწყვეტილებების დაჩქარებაა - ხელით ნაკლები სამუშაო, მეტი ავტომატიზაცია და ანალიტიკურ მონაცემებზე სწრაფი წვდომა, რაც ზრდის პროდუქტიულობას და ამცირებს საოპერაციო ხარჯებს.--„თეგეტა ჰოლდინგის” შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით „თეგეტას” 28 სერვისცენტრი აქვს. „თეგეტა“ ექსკლუზიურად წარმოადგენს ცნობილ ბრენდებს Porsche, Lamborghini, Bentley, Volvo, Toyota, Mazda, Geely, Zeekr. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, LIEBHERR, BOMAG და სხვები. „თეგეტა” მსოფლიოს 300-ზე მეტი წამყვანი საავტომობილო ბრენდის იმპორტიორია საქართველოში. „თეგეტა ჰოლდინგი”, 3 000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.

1775560125

ბოდორნა-ღრმაღელის გვირაბი წარმოადგენს თბილისის წყალმომარაგების სისტემის უმნიშვნელოვანეს ინფრასტრუქტურას. სწორედ მისი მეშვეობით ივსება თბილისის წყალსაცავი, რაც ღრმაღელისა და სამგორის საფილტრე სადგურების გამართული მუშაობის აუცილებელი პირობაა.სარეაბილიტაციო სამუშაოების ძირითადი ნაწილი საგურამოდან ზაჰესის დასახლებამდე არსებულ 8-კილომეტრიან მონაკვეთზე განხორციელდა. ეს სეგმენტი საკმაოდ რთული გეოლოგიური რელიეფით გამოირჩევა - ცალკეულ ადგილებში გვირაბი მიწის ზედაპირიდან 120 მეტრის სიღრმეში გადის, რაც პროექტის შესრულებისას დამატებით ტექნიკურ გამოწვევებს ქმნიდა.აღსანიშნავია, რომ პროექტის ფარგლებში კომპანიამ 600 000 ლარის ინვესტიცია განახორციელა. სამუშაოების მასშტაბურობიდან გამომდინარე, რეაბილიტაციის პროცესი ერთდროულად რამდენიმელოკაციაზე მიმდინარეობდა, რაც პროცესის მაქსიმალურ ეფექტურობას უზრუნველყოფდა.პროექტი 6 მარტს დაიწყო და ზუსტად ერთ თვეში 6 აპრილს დასრულდა. სამუშაოების ასეთ მჭიდრო ვადებში შესრულება გადამწყვეტია მსგავსი ტიპის სტრატეგიული ობიექტებისთვის, რათა მინიმალურ დროში მოხდეს სისტემის სრული აღდგენა და გარანტირებული იყოს ქალაქის სტაბილური წყალმომარაგება.,,სარეაბილიტაციო პროცესს წინ უძღოდა 2025 წელს ჩატარებული კომპლექსური კვლევა, რომლის დროსაც გამოვლინდა დაზიანების კერები. სამომავლო ინციდენტებისა და არაგეგმიური დაზიანებების თავიდან ასაცილებლად კომპანიამ  დაგეგმა და ჩაატარა პრევენციული სამუშაოები. კრიტიკული ინფრასტრუქტურის მონიტორინგი და დროული რეაბილიტაცია აუცილებელი პირობაა სისტემის მდგრადობისთვის. პროექტი „აქუალიას" საერთაშორისო სტანდარტების სრული დაცვით განხორციელდა, რაც გულისხმობს სამუშაოების მაღალ ხარისხსა და უსაფრთხოებას. ჩვენი გუნდის მიერ გაწეული ძალისხმევა მიმართულია თბილისის მოსახლეობისთვის სტაბილური და საიმედო მომსახურების უზრუნველსაყოფად", - გიგა ნადირაძე,ჯივიპის  ტექნიკური დირექტორი.აღნიშნული პროექტის დასრულება კიდევ ერთხელ ადასტურებს „ჯორჯიან უოთერ ენდ ფაუერისა" და „აქუალიას" პასუხისმგებლობას - მართონ წყლის რესურსები ეფექტურად  და უზრუნველყონ ქალაქის კრიტიკული ინფრასტრუქტურის მდგრადობა საერთაშორისო სტანდარტების დაცვით.(R)

1775559780

მომხმარებელმა მიმართა სააგენტოს საჩივრით, რომელიც JYSK-ის მიერ კანონით გათვალისწინებული ინფორმაციის არასრულად მიწოდებას შეეხებოდა. კერძოდ, კომპანიის ვებგვერდზე განთავსებული იყო ინფორმაცია პროდუქციაზე 40%-იანი ფასდაკლების შესახებ, თუმცა ამავდროულად მითითებული იყო, რომ პროდუქტი ხელმისაწვდომი იყო მხოლოდ ფიზიკურ მაღაზიაში. მაღაზიაში შეძენისას, პროდუქტზე გავრცელდა მხოლოდ 30%-იანი ფასდაკლება, იმ საფუძვლით, რომ 40%-იანი ფასდაკლება მხოლოდ ონლაინ შეძენის შემთხვევაში მოქმედებდა, რასთან დაკავშირებითაც ინფორმაცია შეთავაზებაში არ იყო განმარტებული მკაფიოდ და ცალსახად. შესაბამისად, მომხმარებლის არასრულმა ინფორმირებამ მისი შეცდომაში შეყვანა გამოიწვია.მოვაჭრის ქმედება სააგენტოს მიერ შეფასდა როგორც - მოქმედებით გამოხატული შეცდომაში შემყვანი კომერციულ საქმიანობა, რაც ეწინააღმდეგება სამართლიანი ვაჭრობის პრინციპებს და არსებითად აზიანებს მომხმარებელთა ჯგუფის ინტერესებს. შესაბამისად, სააგენტოს გადაწყვეტილებით, კანონდარღვევის აღმოფხვრის მიზნით, მოვაჭრეს დაევალა - 1 თვის ვადაში, მომხმარებელთა დარღვეული უფლებები აღადგინოს და  სავაჭრო პოლიტიკა კანონის მოთხოვნებს შეუსაბამოს.კანონმდებლობის შესაბამისად, სააგენტოს გადაწყვეტილების დადგენილ ვადაში შეუსრულებლობის, ან არაჯეროვნად შესრულების შემთხვევაში, მოვაჭრეს ეკისრება ჯარიმა, რომლის ოდენობა არ უნდა აღემატებოდეს მისი წინა ფინანსური წლის წლიური ბრუნვის 2 %-ს. 12 თვის განმავლობაში, მოვაჭრის მიერ დარღვევის გამეორება დაკისრებული ჯარიმის გაორმაგებას გამოიწვევს. ჯარიმის დაკისრება მოვაჭრეს სააგენტოს გადაწყვეტილების შესრულების ვალდებულებისგან არ ათავისუფლებს.

1775459019

ამასთან, GCCA-ის დასკვნით, მომხმარებლებს არათუ სრულყოფილი, არამედ მოვაჭრის სავაჭრო პოლიტიკაში ასახული ინფორმაციის საპირისპირო ინფორმაცია მიეწოდებოდათ, მაგალითად, თითქოს,  გარკვეულ აქსესუარებზე გარანტია არ ვრცელდებოდა.კანონმდებლობის თანახმად, საქონლის/მომსახურების შეძენამდე, მომხმარებლის უფლებაა - შესყიდვის შესახებ მიიღოს სრული, უტყუარი და ამომწურავი ინფორმაცია, სახელმწიფო ენაზე, მკაფიოდ და გასაგებად. სააგენტოს შეფასებით, მოვაჭრის მიერ ჩამოყალიბებული სავაჭრო პოლიტიკა რიგ შემთხვევებში ატარებდა ე.წ. „ილუზორულ" ხასიათს, რაც ეწინააღმდეგებოდა კეთილსინდისიერების პრინციპებს და არსებითად აზიანებდა მომხმარებელთა ჯგუფის ინტერესებს.საქმის გარემოებების შესწავლისა და შეფასების შედეგად, დადასტურდა მოვაჭრის მხრიდან მომხმარებლის ინფორმირებულობის ვალდებულების დარღვევა, ხელშეკრულებაში უსამართლო სტანდარტული პირობების არსებობის და უსამართლო კომერციული საქმიანობის ფაქტი. სააგენტოს გადაწყვეტილებით, მოვაჭრეს დაევალა - 1 თვის ვადაში მომხმარებელთა დარღვეული უფლებები აღადგინოს და  სავაჭრო პოლიტიკა კანონის მოთხოვნებს შეუსაბამოს.სააგენტოს გადაწყვეტილების დადგენილ ვადაში შეუსრულებლობის ან არაჯეროვნად შესრულების შემთხვევაში, მოვაჭრეს დაეკისრება ჯარიმა, რომლის ოდენობა არ უნდა აღემატებოდეს მოვაჭრის წინა ფინანსური წლის წლიური ბრუნვის 2%-ს. ჯარიმის დაკისრება მოვაჭრეს სააგენტოს გადაწყვეტილების შესრულების ვალდებულებისგან არ ათავისუფლებს.

1774941902

თუ ადრე „ჭკვიანი სახლი“ მხოლოდ მაღალტექნოლოგიურ ექსპერიმენტად მიიჩნეოდა, დღეს ის ჩვენი ყოველდღიურობის განუყოფელი ნაწილია. ისინიც კი ვინც ჭკვიანი სახლის ტექნიკას ადრე სკეპტიკურად უყურებდა, დღეს აღიარებენ, რომ სწორი გამოყენების შემთხვევაში, თანამედროვე ტექნოლოგიები ცხოვრების ხარისხის აუმჯობესებს.ჭკვიანი სახლის ტექნოლოგიური ეკოსისტემის მთავარი დანიშნულება რუტინის გამარტივება და ადამიანისთვის ყველაზე მნიშვნელოვანი რესურსების, დროისა და ენერგიის დაზოგვაა. წარმოიდგინე, დამღლელი სამუშაო დღის შემდეგ სახლში ბრუნდები და დალაგებაზე ფიქრის ნაცვლად, ამ საქმეს რობოტ მტვერსასრუტს გადააბარებ. ის შენს ნაცვლად იზრუნებს სისუფთავეზე, შენ კი თავისუფალ დროს საკუთარ თავს დაუთმობ. რობოტი მტვერსასრუტის მართვა დისტანციურადაც შეგიძლია. ავტომატიზებული სისტემა შენს ნაცვლად, სრულიად დამოუკიდებლად ზრუნავს სახლის სისუფთავეზე. შენ კი შეგიძლია დაზოგილი დრო და ენერგია დასვენებას, ან თვითგანვითარებას მოახმარო. ეს არ ნიშნავს, რომ რობოტი მტვერსასრუტი ყველაფერს შენ ნაცვლად გააკეთებს, ის უბრალოდ თავის თავზე იღებს ყველაზე დამღლელ და მოსაწყენ საქმეს.რუტინის გამარტივებასთან ერთად, თანამედროვე ტექნიკა სახლში განსაკუთრებულ ატმოსფეროს ქმნის და ენერგოეფექტურიცაა. ჭკვიანი განათება და კლიმატ-კონტროლი საშუალებას გაძლევს, სახლში ზუსტად ისეთი გარემო შეიქმნა, რომელიც შენს განწყობასა და საჭიროებებს შეესაბამება. მაგალითად,  ჭკვიანი განათება საშუალებას გაძლევს, შუქის ინტენსივობა დღის რეჟიმს შეუსაბამო. ჭკვიანი სისტემა ზუსტ გათვლებსა და ლოგიკაზე დაყრდნობით მუშაობს, რაც რესურსების ოპტიმიზაციას ნიშნავს: ენერგია მხოლოდ მაშინ და ზუსტად იმ რაოდენობით იხარჯება, რამდენიც რეალურად გჭირდება.უსაფრთხოება ჭკვიანი სახლის კონცეფციის კიდევ ერთი ფუნდამენტური საყრდენია. თანამედროვე ვიდეოკამერებით, ჭკვიანი საკეტებითა და სენსორებით შეგიძლია სახლი მუდმივად აკონტროლო, მსოფლიოს ნებისმიერი წერტილიდან.  ეს ტექნოლოგია ბევრისთვის უკვე ყოველდღიური ცხოვრების განუყოფელი ნაწილია.ჭკვიანი ეკოსისტემის შექმნა დღეს იმაზე მარტივია, ვიდრე გგონია. ის არანაირ რთულ საინჟინრო ჩარევას ან სპეციალურ მომზადებას არ მოითხოვს. ტექნოლოგია უფრო გასაგები და მარტივად ინტეგრირებადი გახდა. ალტას მაღაზიათა ქსელში ჭკვიანი ტექნიკის ფართო არჩევანია, რაც საშუალებას გაძლევს, შენი პერსონალური ეკოსისტემა ეტაპობრივად შექმნა.ალტას მაღაზიათა ქსელში ჭკვიანი ტექნიკის ფართო არჩევანი გელოდება. 21-ე საუკუნეში ჭკვიანი სახლი მხოლოდ ტექნოლოგია არაა, ეს არის ინვესტიცია შენს კომფორტსა და უსაფრთხოებაში. ეს ტექნიკა იმისთვის იქმნება, რომ საკუთარ სახლში თავი მაქსიმალურად მშვიდად, სასიამოვნოდ და თავისუფლად იგრძნო.#განახლებისდროა

1774869312

აქვე შეგახსენებთ, რომ მიმდინარე წლის 1-ლი აპრილი ამავე პერიოდის საწარმოს/ორგანიზაციის ქონების გადასახადის წლიური დეკლარაციის წარდგენის და გადახდის თარიღია.საქართველოს საგადასახადო კოდექსით დადგენილი გადასახადების გადახდისას, მიუხედავად იმისა, რომელი ტერიტორიული ერთეულის ბიუჯეტში მიემართებაიგი,მათ შორის ფიზიკური პირის საშემოსავლო გადასახადის და საწარმოთა ქონების/მოგების გადასახადის გადახდისას, საკმარისია მხოლოდ ერთიანი სახაზინო კოდის -10 100 1000 მითითება (საგადასახადო დავალებაში არ აღინიშნება გადასახადის განმსაზღვრელი სხვა კოდი).დეტალური ინფორმაციის მისაღებად, შეგიძლიათ იხელმძღვანელოთ შემდეგი ბმულებით:მიკრო ბიზნესის მიერ 2025 წლის საშემოსავლო გადასახადის წლიური დეკლარაციის წარდგენის ინსტრუქციაhttps://www.youtube.com/watch?v=Xov32Fqpk_A&t=2s მცირე ბიზნესის მიერ 2025 წლის საშემოსავლო გადასახადის წლიური დეკლარაციის წარდგენის ინსტრუქციაhttps://www.youtube.com/watch?v=dSi7m0jJ1Cs ინსტრუქცია საცხოვრებელი ფართის საცხოვრებელი მიზნით გამქირავებელი ფიზიკური პირებისთვისhttps://www.youtube.com/watch?v=lr-BdiYvLcw&t=11s ხშირად დასმული კითხვები:· ფიზიკური პირებისთვისhttps://rs.ge/PersonsTaxFAQ?cat=1&tab=1 · იურიდიული პირებისთვისhttps://rs.ge/LegalEntityTaxFAQ?cat=1&tab=1 სასურველი ინფორმაციის მისაღებად ასევე, შეგიძლიათ ისარგებლოთ შემოსავლების სამსახურის ციფრული სერვისებით - "RS ჩათი" და "RS ბოტი"  ან დაუკავშირდეთ საკონსულტაციო სატელეფონო ცენტრს  2 299 299გადასახადის გადამხდელებს დეკლარაციების  წარდგენისა და შესაბამისად, გადახდის ვადის შესახებ, საინფორმაციო ხასიათის  ტექსტური შეტყობინება უკვე გაეგზავნათ შემოსავლების სამსახურის ავტორიზებულ გვერდებზე. 

1774343700

კონფერენციის ფარგლებში, საერთაშორისო ექსპერტებმა და ინდუსტრიის ლიდერებმა იმ გამოწვევებსა და შესაძლებლობებზე იმსჯელეს, რომლებიც დღეს ამ მიმართულებით გლობალურად არსებობს. კონფერენციის ნაწილი პანელურ დისკუსიას დაეთმო.ეკატერინე ქავთარაძე, „თეგეტა ჰოლდინგის“ მთავარი აღმასრულებელი ოფიცერი: „თეგეტა ჰოლდინგისთვის“ მდგრადობა საქმიანობის ერთ-ერთი უმთავრესი პრინციპია, რომელიც კონკრეტულ გადაწყვეტილებებში აისახება. მოხარული ვარ, რომ საქართველოს მიეცა შესაძლებლობა, ასეთი მასშტაბური ღონისძიების მასპინძელი ყოფილიყო. GRAS 2026 გვიჩვენებს, რომ ცირკულარული ეკონომიკა საქართველოშიც შეიძლება გახდეს რეალური ეკონომიკური პრიორიტეტი და ქვეყნისთვის მნიშვნელოვანი სარგებლის მომტანი, სადაც ნარჩენები გარდაიქმნება რესურსად, ქმნის ეკონომიკურ სარგებელს და ამცირებს გარემოზე ნეგატიურ ზემოქმედებას.მსგავსი დისკუსიები ხელს უწყობს ამ მიმართულებით საერთაშორისო პრაქტიკის გაცნობას, ახალი სტანდარტების შემუშავებასა და საგზაო ინფრასტრუქტურის გრძელვადიან მდგრადობას. მიგვაჩნია, რომ საქართველომ ფეხი უნდა აუწყოს თანამედროვე ტექნოლოგიებს, რათა ერთად შევქმნათ უფრო მწვანე მომავალი“.რეზინით მოდიფიცირებული ასფალტი, რომელიც უკვე 60 წელზე მეტია პოპულარობით სარგებლობს ამერიკის შეერთებულ შტატებში, პორტუგალიაში, ესპანეთსა და ევროპის სხვა ქვეყნებში, საქართველოში დღემდე არ გამოიყენება. ეს ტექნოლოგია, ჩვეულებრივ ასფალტთან შედარებით, გაცილებით გამძლეა - მისი სიცოცხლისუნარიანობა 8-10 წელია, ამცირებს ხმაურს და წყლის ზემოქმედებას უკეთ უმკლავდება, მეორე მხრივ კი, გარემოს საავტომობილო ნარჩენების მნიშვნელოვან ნაწილს არიდებს.შალვა ახვლედიანი, „თეგეტა გრინ პლანეტის“ დირექტორი: „საქართველო იმ წერტილშია, სადაც ინფრასტრუქტურული გადაწყვეტილებები შესაძლოა, განსაზღვრავდეს მომავალი თაობის ეკონომიკურ და გარემოსდაცვით შედეგებს. ეს სამიტი ჩვენთვის უნიკალური შესაძლებლობაა, რომ გავეცნოთ მსოფლიოს წამყვან ქვეყნებში დამკვიდრებულ პრაქტიკებს და დავნერგოთ ადგილობრივ დონეზე. ზოგადად, ცირკულარული ეკონომიკა არის მომავლის გზა - ის გვაძლევს შესაძლებლობას, რომ ნარჩენები, როგორიცაა გამოყენებული საბურავები, გარდავქმნათ სასარგებლო რესურსად, რაც უზრუნველყოფს ეკონომიკურ სტაბილურობას, გარემოს დაცვასა და მდგრად განვითარებას“. GRAS 2026-ის ორგანიზატორების ამოცანა საქართველოში ნარჩენების სწორი მართვა და საზოგადოებრივი ცნობიერების ამაღლებაა - განსაკუთრებით იმ ზიანის შესახებ, რომელსაც გადაუმუშავებელი ნარჩენები გარემოს აყენებს.გიორგი გულიაშვილი, Wasteless-ის თავმჯდომარე: „ჩვენი მიზანია საქართველოში სრული ცირკულარული მოდელის დანერგვა - ნარჩენების შეგროვებიდან გადამუშავებამდე და გადამუშავებული ნედლეულის ეფექტიან გამოყენებამდე. მიმდინარე წლის შემოდგომიდან საქართველოში ამოქმედდება პირველი მაღალტექნოლოგიური საბურავების გადამმუშავებელი საწარმო, რომელიც ქვეყანაში შეგროვებული გამოყენებული საბურავების გადამუშავებას უზრუნველყოფს. გადამუშავებული რეზინის ასფალტში გამოყენება კონკრეტული პასუხია იმ კითხვაზე, თუ რაში გამოიყენება მიღებული ნედლეული. საწარმოს ამოქმედების შედეგად, ვფიქრობთ, წელიწადში 12-15 ათას ტონამდე რეზინის ფხვნილს მივიღებთ, რაც შესაძლებლობას მოგვცემს, ეს ნედლეული ადგილზე გამოვიყენოთ უფრო გამძლე, ეკოლოგიურად სუფთა გზების მშენებლობისთვის. ეს კი როგორც გარემოს, ისე ეკონომიკას მნიშვნელოვან სარგებელს მოუტანს“.საერთაშორისო სამიტი არა მხოლოდ ცოდნის გაზიარების პლატფორმაა, არამედ ერთგვარი მოწოდებაც, რომ საქართველოს აქვს შესაძლებლობა, გახდეს რეგიონის ლიდერი მდგრადი ინფრასტრუქტურის განვითარების მიმართულებით, რათა მწვანე ინიციატივების დანერგვის გზითა და ინოვაციური მიდგომებით ქვეყნის ეკონომიკა ახალ ეტაპზე გადავიდეს.„თეგეტა გრინ პლანეტი“ „თეგეტა ჰოლდინგთან“ დაკავშირებული ორგანიზაციაა, რომელიც 2022 წლიდან ფუნქციონირებს. ის ერთ-ერთი პირველია საქართველოში, რომელმაც გარემოს დაცვისა და სოფლის მეურნეობის სამინისტროსაგან ავტორიზაცია მოიპოვა მწარმოებლის გაფართოებული ვალდებულების ფარგლებში ნარჩენი საბურავების, ზეთებისა და აკუმულატორების მართვაზე. ორგანიზაცია პირველ ეტაპზე სპეციფიკურ ნარჩენებს რეგლამენტის მიხედვით აგროვებს, უზრუნველყოფს მის ტრანსპორტირებას, გადამუშავებას, შემდგომ კი მათ მართვას ცირკულარული ეკონომიკის წესების შესაბამისად.(R)

1773742541

"მცირე მეწარმე რ. ჯ. საქმიანობდა ეკონომიკურ საქმიანობათა რეესტრში რეგისტრაციის გარეშე; გეგმური ინსპექტირების შედეგად საწარმოში გამოვლინდა ასევე კრიტიკული შეუსაბამობები: ჰიგიენური ნორმების დარღვევა, ინფრასტრუქტურის გაუმართაობა და სურსათის დაბინძურების საფრთხეები. გარდა ამისა, დაფიქსირდა ლიმონათის ეტიკეტირების წესის დარღვევა", - ნათქვამია სეს-ის განცხადებაში.აღნიშნული შეუსაბამობების გამო ბიზნესოპერატორს შეუჩერდა საწარმოო პროცესი. მეწარმე საქმიანობის გაგრძელებას შეუსაბამობების აღმოფხვრისა და ეკონომიკურ საქმიანობათა რეესტრში რეგისტრაციის შემდეგ შეძლებს.

1773739307

გამორჩეული იყო „ავტო გალერის“ გახსნის ცერემონია. ოფიციალური ნაწილის გარდა, სტუმრებს სხვადასხვა აქტივობა, ბევრი სიურპრიზი და საჩუქრები დახვდათ - საინტერესო გათამაშებები და სპეციალური შეთავაზებები „ავტო გალერის“ პარტნიორი კომპანიებისგან. ღონისძიებას 300-მდე სტუმარი დაესწრო.პეტრე წაქაძე, „თეგეტა ჰოლდინგის“ მსუბუქი ავტომობილების მიმართულების მთავარი ოფიცერი: „ბათუმი ამ ეტაპზე ბაზრის ზრდის ძალიან მაღალი ტემპით გამოირჩევა. გვინდოდა, მომხმარებლებისთვის უნიკალური შესაძლებლობა მიგვეცა - ერთ მისამართზე შეგვეთავაზებინა ნებისმიერი კატეგორიის ავტომობილი: ბიუჯეტურიდან პრემიუმ კლასამდე. ეს არა მხოლოდ კომფორტს უზრუნველყოფს, არამედ რეგიონში ახალი ავტომობილების მოთხოვნის ზრდას უწყობს ხელს. ეს პროექტი „თეგეტა ჰოლდინგის“ სტრატეგიის ნაწილია, რომელიც რეგიონების განვითარებას უწყობს ხელს და მომავალში მსგავსი კონცეფციის შოურუმის გახსნას სხვა ქალაქებშიც ვგეგმავთ“.ახალ შოურუმში მისულ მომხმარებლებს Tegeta Cars-ის პორტფელიდან ავტომობილების მრავალფეროვანი არჩევანი დახვდებათ, მათ შორის, Mazda, Volvo, Geely, Zeekr... ასევე, ბათუმში ოფიციალურად პირველად იქნება წარმოდგენილი ისეთი ლუქს კლასის ბრენდები, როგორებიცაა Porsche, Lamborghini და Bentley. ეს კი კომპანიას შესაძლებლობას აძლევს, დააკმაყოფილოს ნებისმიერი გემოვნებისა და ბიუჯეტის მქონე მომხმარებელი.„ავტო გალერის“ ახალი ფილიალი ბათუმში მომხმარებელს უკვე სრული დატვირთვით ემსახურება. ავტომობილის შეძენისა და ტექნიკური მომსახურების მიღების გარდა, მომხმარებელს შესაძლებლობა აქვს, ისარგებლოს საბანკო პროდუქტებით, მათ შორის, ავტოგანვადებითა და ლიზინგით, ასევე დაზღვევის სპეციალური პირობებით, პარტნიორი ფინანსური ინსტიტუტების მეშვეობით.(R)

1773673320

მისი განმარტებით, საცალო ქსელები ბაზარზე ფასებს ვერ კარნახობენ, ხოლო „ქეშბექების“ სქემა თავად სადისტრიბუციო კომპანიების მიერ არის შემოთავაზებული, რათა მათი კომერციული პირობები კონკურენტებისთვის ბუნდოვანი დარჩეს.იოსებ ღუდუშაურმა დეტალურად განმარტა, თუ რატომ იყენებენ ქსელები „ქეშბექიდან“ მიღებულ შემოსავალს პირველადი მოხმარების პროდუქტების ფასების დასაბალანსებლად. მისი თქმით, არის პროდუქტების ჯგუფი (მაგალითად, შაქარი, სიგარეტი), რომლებზეც ფასნამატი მინიმალურია, თუმცა მათი რეალიზაციის ხარჯი გაცილებით მაღალია. პირველადი მოხმარების პროდუქტები: ფასნამატი დაახლოებით 5-6%-ია საოპერაციო ხარჯი: ამავე პროდუქციის თვითღირებულების ხარჯი 17%-ს შეადგენს „ღვინოდან ან სხვა პროდუქციიდან მიღებული მარკეტინგული შემოსავლით („ქეშბექით“), ჩვენ სუბსიდირებას ვუწევთ პირველადი მოხმარების საქონელს. სხვა შემთხვევაში, ღვინო 20%-ით გაიაფდებოდა, მაგრამ შაქარი 10%-ით გაძვირდებოდა, რადგან იქ „ქეშბექი“ არ არსებობს“, - აღნიშნა ღუდუშაურმა.„უნივერსამის“ დამფუძნებლის თქმით, „ქეშბექის“ ჭრილი ბუნდოვანია და მისი რეალური მოცულობის გარკვევა გარეშე პირისთვის, მათ შორის საგადასახადო ბაზებზე (rs.ge) დაყრდნობით, შეუძლებელია. ეს აძლევს საშუალებას დისტრიბუტორებსა და დიდ ქსელებს, ინდივიდუალური კომერციული პირობები დახურული დატოვონ.ღუდუშაურმა ხაზგასმით აღნიშნა, რომ ქსელებს შორის მძაფრი კონკურენციაა და „ქეშბექებისგან“ მიღებული მაქსიმალური სარგებელი საბოლოოდ წმინდა შემოსავალში მიიმართება, რაც ჯამური ფასების დასტაბილურებას ემსახურება.შეგახსენებთ, რომ პარლამენტის დროებითი კომისია სასურსათო პროდუქციაზე, მედიკამენტებსა და საწვავზე ფასწარმოქმნის სტრუქტურას სწავლობს. კომისიის მუშაობა აპრილის ბოლოს დასრულდება.ფასების შემსწავლელმა კომისიამ უკვე გამართა რამდენიმე შეხვედრა, სადაც მოუსმინეს: ადგილობრივ მწარმოებლებს (კვერცხის, რძის, ხორცპროდუქტების, პურ-პროდუქტების და სხვა) საშუალო იმპორტიორ-დისტრიბუტორებს (რომელთა ბრუნვა 100 მლნ ლარზე ნაკლებია) მსხვილ სადისტრიბუციო კომპანიებს ამჟამად მიმდინარეობს საოპერაციო პროცესებისა და ფასწარმოქმნის ჯაჭვის დეტალური განხილვა საცალო ოპერატორებთან ერთად. კომისია მუშაობას, სავარაუდოდ, აპრილის ბოლომდე დაასრულებს, რის შემდეგაც ცნობილი გახდება კონკრეტული დასკვნები ბაზარზე არსებულ საფასო პოლიტიკასთან დაკავშირებით.

1773234812