„არავინაა გაღიზიანებული და ჩვენ ყველაფრისთვის მზად ვართ. რაც შეეხება აშშ-ის დახმარების 90%-თან დაკავშირებულ ისტორიას… ჩვენ გვესმის, რომ სიმართლე ცოტა სხვანაირია, თუმცა უდავოდ, ჩვენ მადლობელი ვართ დახმარებისთვის. ვისურვებდით, რომ ტრამპის გუნდი მეტ სიმართლეს ამბობდეს“, – თქვა ზელენსკიმ.ზელენსკის თქმით, ამგვარად, აშშ-ს პუტინი იზოლაციიდან გამოჰყავს, რაც კრემლში უხარიათ.„გუშინ უკვე იყო სიგნალები მათთან (რუსეთთან. რედ.), როგორც მსხვერპლთან. ეს რაღაც ახალია“, – განაცხადა ზელენსკიმ.უკრაინის პრეზიდენტის თქმით, ის გაკვირვებულია, რომ ფართომასშტაბიანი ინტერვენციიდან სამი წლის შემდეგ, აშშ ომს „კონფლიქტად“ მოიხსენიებს და ოკუპანტების მიმართ ლოიალური განწყობა აქვს. მისივე განცხადებით, ამგვარი ქმედებები რუსეთის საოკუპაციო ქმედებებს ამსუბუქებს, თუმცა ზელენსკის თქმით, ეს პირველი შემთხვევა არ არის, როდესაც ის პარტნიორების მსგავს პოლიტიკას აწყდება.დონალდ ტრამპმა, 19 თებერვალს უკრაინაზე ისაუბრა და აღნიშნა, რომ მოქმედ ხელისუფლებას ომი თავიდან უნდა აეცილებინა, ხოლო ზელენსკის "4%-იანი რეიტინგი აქვს", რის გამოც, მოლაპარკებებში ჩართვამდე არჩევნების გამართვისკენ მოუწოდა.ამ ყველაფრის შემდეგ, კიევის სოციოლოგიის საერთაშორისო ინსტიტუტმა (КМІС) 4-9 თებერვალს ჩატარებული კვლევა გამოაქვეყნა, საიდანაც ვიგებთ, რომ უკრაინელების 57% ენდობა პრეზიდენტ ვოლოდიმირ ზელენსკის, ხოლო 37% არ ენდობა.КМІС-მა თავის კვლევაში ასევე ისიც აღნიშნა, რომ ნდობის მაჩვენებლები ოდნავ გაუმჯობესდა 2024 წლის დეკემბერში ჩატარებულ ბოლო კვლევასთან შედარებით, როდესაც ზელენსკის ენდობოდა 52%, უნდობლობას 39% გამოხატავდა, ხოლო ნდობა-უნდობლობის ბალანსი +13% იყო.

1739969484

ზელენსკიმ აღნიშნა, რომ უკრაინის ბედს მის ზურგს უკან არავინ უნდა წყვეტდეს. ეს სიტყვები მან ანკარაში, თურქეთის პრეზიდენტ ერდოღანთან ერთობლივ პრეს–კონფერენციაზე წარმოთქვა.ზელენსკის ჟურნალისტმა ერ–რიადში ამერიკისა და რუსეთის დელეგაციების მოლაპარაკებების შეფასება სთხოვა, რაზეც მან უპასუხა: „ეს წუთია გადავდე ჩემი ვიზიტი საუდის არაბეთში, იქ არ წავალ. გამგზავრება 10 მარტისთვის გადავდე“.„ჩვენს ზურგს უკან არავინ არაფერი არ უნდა გადაგვიწყვიტოს. მგონი, ეს სამართლიანია. ნებისმიერ ქვეყანას აქვს უფლება ორმხრივი დიალოგის სხვა ქვეყნებთან. კი ბატონო, რაც გინდათ, ის განიხილეთ. მაგრამ არ შეიძლება უკრაინის გარეშე გადაწყვეტილებების მიღება იმაზე, თუ როგორ უნდა დასრულდეს ომი ჩვენ ტერიტორიაზე. თან ჩვენ არ მიუწვევივართ საუდის არაბეთში რუსეთისა და ამერიკის დელეგაციების შეხვედრაზე. ეს ჩვენთვის სიურპრიზი იყო და ვფიქრობ, არა მხოლოდ ჩვენთვის“, – განაცხადა ზელენსკიმ.მანვე დასძინა, რომ აშშ–ის და რუსეთის დელეგაციების შეხვედრის შესახებ მედიიდან შეიტყო და რომ არ აპირებს 19 თებერვალს ერ–რიადში ამერიკელებთან შესახვედრად გამგზავრებას.ზელენსკის თქმით, მას ძალიან კარგი ურთიერთობები აქვს მის სამეფო უდიდებულესობასთან მუჰამედთან: „ცოტა ხნის წინ ვისაუბრეთ და შევთანხმდით, რომ ოფიციალური ვიზიტით 10 მარტს ჩავალ“.ზელენსკიმ ისიც თქვა, რომ კიევში ამერიკელების დელეგაციის ვიზიტს ელოდება. 

1739947113

რუსეთის საგარეო საქმეთა მინისტრის მოადგილე ალეკსეი გურშკომ კი განაცხადა, რომ „უკრაინის საკითხზე მოლაპარაკებებში ევროკავშირის როლი გამორიცხულია“.მანამდე, აშშ–რუსეთის დელეგაციების მოლაპარაკებებზე, რომელიც ორ ქვეყანას შორის ურთიერთობების აღდგენისა და უკრაინის საკითხზე დისკუსიების დაწყებას ეძღვნება, 15–წუთიანი შესვენება გამოცხადდა, რის შემდეგაც რაუნდი გაგრძელდა.რუსულ მხარეს მოლაპარაკებებზე საგარეო საქმეთა მინისტრი სერგეი ლავროვი და პუტინის თანაშემწე იური უშაკოვი წარმოადგენენ. აშშ–ის გუნდში არიან სახელმწიფო მდივანი მარკო რუბიო, ცენტრალური სადაზვერვო სამმართველოს უფროსი ჯონ რეტკლიფი, მრჩეველი ეროვნული უსაფრთხოების საკითხებში მაიკ უოლცი და სპეციალური წარმომადგენელი სტივ უიტკოფი.კრემლში მანამდე აცხადებდნენ, რომ მოლაპარაკებების მთავარი საკითხები ორმხრივი ურთიერთობების აღდგენა და უკრაინის საკითხზე მოლაპარაკებების მომზადება.ამ შეხვედრის ორგანიზება დონალდ ტრამპსა და პუტინს შორის 12 თებერვალს გამართული სატელეფონო საუბრისას გადაწყდა.

1739879322

მოლაპარაკებების დეტალები ამ დროისთვის უცნობია.რუსეთის საგარეო საქმეთა სამინისტროს წარმომადგენელმა მარია ზახაროვამ თქვა, რომ მოლაპარაკების დასრულების შემდეგ რუსეთის მთავარი დიპლომატი სერგეი ლავროვი ჟურნალისტებს გაესაუბრება.რუსულ მხარეს მოლაპარაკებებზე საგარეო საქმეთა მინისტრი სერგეი ლავროვი და პუტინის თანაშემწე იური უშაკოვი წარმოადგენენ. აშშ–ის გუნდში არიან სახელმწიფო მდივანი მარკო რუბიო, ცენტრალური სადაზვერვო სამმართველოს უფროსი ჯონ რეტკლიფი, მრჩეველი ეროვნული უსაფრთხოების საკითხებში მაიკ უოლცი და სპეციალური წარმომადგენელი სტივ უიტკოფი.კრემლში მანამდე აცხადებდნენ, რომ მოლაპარაკებების მთავარი საკითხები ორმხრივი ურთიერთობების აღდგენა და უკრაინის საკითხზე მოლაპარაკებების მომზადება.ამ შეხვედრის ორგანიზება დონალდ ტრამპსა და პუტინს შორის 12 თებერვალს გამართული სატელეფონო საუბრისას გადაწყდა. 

1739876367

რუბიო, რომელიც შაბათს ტელეფონით ესაუბრა რუსეთის საგარეო საქმეთა მინისტრ სერგეი ლავროვს, რუსეთის დელეგაციას საუდის არაბეთში ტრამპის მრჩეველთან უსაფრთხოების საკითხებში მაიკ უოლტცთან და თეთრი სახლის სპეციალურ წარმომადგენელთან ახლო აღმოსავლეთში სტივ უიტკოფთან ერთად შეხვდება. ამის შესახებ სააგენტოს ამერიკელმა კონგრესმენმა და კიდევ ერთმა დამოუკიდებელმა წყარომ აცნობა. ამ დროისთვის უცნობია რუსეთის დელეგაციის შემადგენლობა.ბოლო წლებში ეს პირველი მოლაპარაკება იქნება აშშ–ის და რუსეთის მაღალი რანგის წარმომადგენლებს შორის, რომელზეც ორი ქვეყნის ლიდერების პირისპირ შეხვედრა უნდა მომზადდეს. 

1739778561

მისივე თქმით, პრეზიდენტ დონალდ ტრამპის ადმინისტრაცია შეეცდება დაარწმუნოს პუტინი, რომ მოლაპარაკებების მაგიდასთან უფრო მეტს მიაღწევს, ვიდრე ბრძოლის ველზე. ვენსმა თქვა, რომ უკრაინის საკითხზე წარმატებული შეთანხმების მიღწევის შემთხვევაში აშშ გადატვირთავს რუსეთთან ურთიერთობებს, რადგან მოსკოვის დღევანდელი იზოლაცია დასავლეთისგან მას პეკინის უმცროს პარტნიორად აქცევს. „პუტინის ინტერესებში არ შედის ჩინეთთან კოალიციაში უმცროს ძმად ყოფნა“, – განმარტა ვენსმა.ვიცე–პრეზიდენტმა უკრაინასა და რუსეთს შორის შესაძლო სამშვიდობო შეთანხმების პარამეტრებზე საუბრისგან თავი შეიკავა. მისი თქმით, ჯერ გაურკვეველია, უკრაინაში ოკუპირებული ტერიტორიების რა ნაწილი დარჩება რუსეთის კონტროლის ქვეშ და რა სახის გარანტიებს მიიღებს უკრაინა აშშ–სა და სხვა დასავლელი მოკავშირეებისგან. „ფორმულირებისა და კონფიგურაციების უამრავი ვერსია არსებობს, მაგრამ ჩვენ ვზრუნავთ, რომ უკრაინამ სუვერენიტეტი და დამოუკიდებლობა შეინარჩუნოს“, – თქვა ვენსმა.მანამდე, აშშ–ის პრეზიდენტმა დონალდ ტრამპმა განაცხადა, რომ ომის შეწყვეტის მიზნით უახლოეს მომავალში ორი შეხვედრა გაიმართება რუსეთისა და უკრაინის წარმომადგენლებთან. „ხვალ (14 თებერვალს) მიუნხენში გაიმართება შეხვედრა (მიუნხენის უსაფრთხოების კონფერენციის ფარგლებში – რედ.), შემდეგ კვირაში კი საუდის არაბეთში შედგება მოლაპარაკებები, არა ჩემსა და პუტინს შორის, მაგრამ მაღალი რანგის თანამდებობის პირების მონაწილეობით. შეხვედრაში უკრაინაც მიიღებს მონაწილეობას“, – უთხრა ტრამპმა ჟურნალისტებს თეთრ სახლში.

1739513881

ამასთან, მიუნხენის კონფერენციის ოფიციალურ დღის წესრიგში არ არის ამგვარი შეხვედრა შეტანილი. რუსი მაღალჩინოსნები ამ ღონისძიებაში 2022 წლიდან აღარ მონაწილეობენ, მას შემდეგ, რაც კრემლმა უკრაინის წინააღმდეგ სრულმასშტაბიანი ომი დაიწყო. უკრაინის პრეზიდენტის მრჩეველმა დმიტრი ლიტვინმა განაცხადა, რომ უკრაინის დელეგაცია არ აპირებს რუსებთან შეხვედრას მიუნხენში. „უკრაინამ ჯერ ამერიკასთან უნდა ისაუბროს. ნამდვილი და ხანგრძლივი მშვიდობის მისაღწევად კი ევროპა ყველა პროცესში უნდა მონაწილეობდეს. სწორედ მხოლოდ შეთანხმებული საერთო პოზიცია უნდა დაიდოს რუსებთან მოლაპარაკების მაგიდაზე. ცარიელ მაგიდასთან რუსებს არ ხვდებიან“, – თქვა ლიტვინმა.მიუნხენის კონფერენცია 14–16 თებერვალს გაიმართება. კონფერენციის ფარგლებში დაგეგმილია უკრაინის პრეზიდენტის ვოლოდიმირ ზელენსკის შეხვედრა აშშ–ის ვიცე–პრეზიდენტ ჯეი დი ვენსთან და სახელმწიფო მდივან მარკო რუბიოსთან. 

1739512217

კიევის მერის ვიტალი კლიჩკოს ცნობით, დაჭრილია სამი ადამიანი, მათ შორის 9 წლის გოგო. კიევის კიდევ ერთ რაიონში სამი საწყობი იწვის, საერთო ფართობით 600 კვ/მ. ასევე ხანძარია მრავალსართულიანი საცხოვრებელი კორპუსის სახურავზე. სვიატოშინის რაიონში რაკეტის ნამსხვრევები ჩამოვარდა, აქ დაზარალებულები არ არიან. 

1739342163

უკრაინის საგანგებო სიტუაციების სამსახურის ინფორმაციით, რუსების იერიშის შედეგად გამოწვეული ხანძრის ლოკალიზება ადგილობრივმა მეხანძრეებმა 03:00 საათისთვის შეძლეს.უკრაინული მედიის ცნობით, ობიექტი, რომელსაც ხანძარი გაუჩნდა სავარაუდოდ, ხის გადასამუშავებელი საწარმოა.წუხელ უპილოტო საფრენი აპარატებით უკრაინელებმაც მიიტანეს რუსეთის ტერიტორიაზე იერიში და ქალაქ რიაზანის ნავთობგადამმუშავებელმა ქარხანამ, რომელიც ქვეყანაში ერთ–ერთი უმსხვილესია, მუშაობა შეწყვიტა. ამის შესახებ სააგენტო Reuters.სააგენტოს ანონიმური წყაროების ინფორმაციით, ქარხანაში ცეცხლი გაუჩნდა ნავთობის საცავს, ასევე დაზიანებულია სარკინიგზო ესკადრა და ჰიდროსაწმენდი დანადგარი, რომელიც გადამუშავებული პროდუქტებიდან მინარევების სეპარაციისთვის გამოიყენება.რიაზანის ნავთობგადასამუშავებელი ქარხანა დღე–ღამეში 262 000 ბარელ ნავთობს გადაამუშავებდა, რაც რუსეთის ნავთობის მთლიანი გადამუშავების თითქმის 5%–ს შეადგენს.

1738044677

მისი თქმით, უახლოეს მომავალში აპირებს რუსეთის პრეზიდენტთან ვლადიმირ პუტინთან დალაპარაკებას და მზადაა მასთან შეხვედრისთვის „ნებისმიერ დროს“, როცა ამას რუსული მხარე მოისურვებს. ტრამპმა ჟურნალისტებს შეახსენა, რომ უკრაინის პრეზიდენტს ვოლოდიმირ ზელენსკის მშვიდობა სურს, თუმცა, დასძინა – „ტანგოს საცეკვაოდ წყვილია საჭირო“. „ვნახოთ, რა იქნება“, – თქვა ტრამპმა და დასძინა, რომ პუტინს „ჭკვიან“ ადამიანად მიიჩნევს.ამავე დროს აშშ–ის პრეზიდენტმა არ გამორიცხა, რომ უკრაინისთვის სამხედრო დახმარების გაწევის ინიციატივას დააყენებს. „აღნიშნულ საკითხს ვსწავლობთ“, – თქვა ტრამპმა. მისივე თქმით, ცოტა ხნის წინ ჩინეთის ლიდერს სი ძინპინს მოუწოდა, ხელი შეუწყოს რუსეთ–უკრაინის ომის დასრულებას. „მე ვუთხარი, თქვენ უნდა დაალაგოთ ეს. იმიტომ, რომ მას ამ მიმართულებით ბევრი არაფერი გაუკეთებია. როგორც ჩვენ, მასაც დიდი ძალაუფლება აქვს“, – აღნიშნა ტრამპმა.Bloomberg–ის წყაროების მონაცემებით, ტრამპის მრჩევლები ახალი სასანქციო პოლიტიკის ჩამოყალიბებაზე მუშაობენ, რომელიც ხელს შეუწყობს რუსეთსა და უკრაინას შორის სამშვიდობო შეთანხმების მიღწევას. ორი ძირითადი მიდგომა განიხილება. ერთია სანქციების შემსუბუქება რუსი ნავთობის მწარმოებლებისთვის, თუ ეს მშვიდობის დამყარებას დაეხმარება და თეთრ სახლში დაინახავენ, რომ საბრძოლო მოქმედებები უმოკლეს ვადაში შეწყდება. მეორე ვარიანტი სანქციების გამკაცრებას ითვალისწინებს, რათა მოსკოვი აიძულონ, შეწყვიტოს ომი.Bloomberg–ის მტკიცებით, რუსეთის მიმართ მკაცრი პოლიტიკა შესაძლოა ითვალისწინებდეს მეორადი სანქციების უფრო გააქტიურებას , მათ შორის ევროპული სანაოსნო კომპანიებისა და აზიელი შემსყიდველების წინააღმდეგ, როგორებიცაა ჩინური და ინდური კომპანიები. სხვა შესაძლო მიდგომა გულისხმობს გადამწყვეტი ზომების გატარება იმ რუსული ტანკერების მიმართ, რომლებსაც ნავთობი დანიისა და თურქეთის სრუტეების გავლით გადააქვთ.კრემლში კი განაცხადეს, რომ ტრამპის პრეზიდენტობის პირობებში სანქციების გამკაცრება არ გაუკვირდებათ. „იმ პირობებში, როდესაც დიალოგისკენ მოწოდებასთან დაკავშირებით ამერიკის ადმინისტრაცია განსაზღვრული პოლიტიკის დეკლარირებას ახდენს, ამ მხრივ ვითარება არსებითად ვერ შეიცვლება. საიდუმლოს არავისთვის წარმოადგენს, რომ აქ გადაჭარბებული მოლოდინები არავის არ უნდა შეექმნას. ვერანაირი საფუძვლიანი ცვლილებები ვერ მოხდება“, – აცხადებდა რუსეთის პრეზიდენტის პრეს–სპიკერი დმიტრი პესკოვი. 

1737525501