დაიწყეთ მზადება 2026 წლის საგანმანათლებლო პროგრამებისთვის და აღმოაჩინეთ საქართველოს ბანკის მიერ შექმნილი შესაძლებლობები.შესაძლებლობები მოსწავლეებისთვის: UWC-ის სტიპენდია მოსწავლეებისთვის - ისწავლეთ მსოფლიოს 18 სკოლაში საქართველოს ბანკი გაერთიანებული მსოფლიო სკოლებთან (UWC) თანამშრომლობის ფარგლებში 15-17 წლის მოსწავლეებისთვის სასტიპენდიო პროგრამას ახორციელებს და შესაძლებლობას აძლევს მათ, მსოფლიოს მასშტაბით 17 ქვეყანაში, 18 პარტნიორ სკოლაში გააგრძელონ სწავლა. საერთაშორისო განათლების პროგრამაზე მიღება დაიწყო და 30 სექტემბერს დასრულდება. განაცხადის შესავსებად ეწვიეთ ვებგვერდს. STEM განათლების ხელშეწყობა მთელი საქართველოს მასშტაბით საქართველოს ბანკისა და კომაროვის STEM სკოლაში შემოდგომის სემესტრზე მიღება 24 აგვისტოს დაიწყება და 30 სექტემბრამდე გაგრძელდება. რეგისტრაციისთვის ეწვიეთ ვებგვერდს.  STEM სკოლა VII-XI კლასის მოსწავლეებს შესაძლებლობას აძლევს, მიიღონ როგორც თეორიული, ასევე, პრაქტიკული ცოდნა მეცნიერების, მათემატიკის, ინჟინერიისა და ტექნოლოგიების მიმართულებით. სკოლაში გაკვეთილები ონლაინ ტარდება, რაც შესაძლებლობას აძლევს მოსწავლეებს საქართველოს ნებისმიერი კუთხიდან ჩაერთონ სასწავლო პროცესში. ამასთან, საქართველოს ბანკი ყოველწლიურად საუკეთესო შედეგის მქონე 60 მოსწავლეს სწავლის საფასურს 100%-ით, ხოლო 30-ს - 50%-ით უფინანსებს. TUMO ქუთაისი - შესაძლებლობა ტექნოლოგიებით დაინტერესებული ახალგაზრდებისთვის საქართველოს ბანკის მხარდაჭერით, ქუთაისში გახსნილი TUMO-ს ცენტრი 12-18 წლის მოზარდებს შესაძლებლობას აძლევს, ისწავლონ ტექნოლოგიების და კრეატიული ინდუსტრიების 11 მიმართულებიდან ერთ-ერთზე. მათ შორის, დაეუფლონ პროგრამირებას, რობოტიკას, გრაფიკულ დიზაინს, 3D მოდელირებას და სხვა. პროგრამაზე რეგისტრაცია 30 სექტემბრამდეა შესაძლებელი. ფოთის საჭადრაკო კლუბი - შესაძლებლობა მომავალი ჩემპიონებისთვის საქართველოს ბანკი ფოთის ნანა ალექსანდრიას სახელობის ლეგენდარული საჭადრაკო კლუბის მთავარი პარტნიორია. თანამშრომლობის ფარგლებში, საქართველოს ბანკი 10 ნიჭიერ მოსწავლეს ერთი წლის განმავლობაში სწავლას სრულად დაუფინანსებს. სასტიპენდიო პროგრამაზე რეგისტრაცია 24 აგვისტოს დაიწყება და 13 სექტემბრის ჩათვლით გაგრძელდება. Code IT - პირველი ნაბიჯები პროგრამირებაში პროგრამირებით დაინტერესებული 14-18 წლის მოზარდებისთვის Code IT-ის  პროგრამა ხორციელდება, რომელიც ახალგაზრდებს საქართველოს სხვადასხვა რეგიონის ტექნოპარკში პროგრამირების საფუძვლების შესწავლის შესაძლებლობას აძლევს. პროგრამის მონაწილეები HTML-ს, CSS-სა და JavaScript-ს შეისწავლიან და ტექნოლოგიურ სფეროში პირველ ნაბიჯებს გადადგამენ. ახალ ნაკადზე რეგისტრაცია შემოდგომის სემესტრში დაიწყება.შესაძლებლობები სტუდენტებისთვის: სტიპენდია ადგილობრივ უნივერსიტეტებში ბაკალავრის საფეხურის სტუდენტებისთვის, საქართველოს ბანკი 22 პარტნიორ უნივერსიტეტში სასტიპენდიო პროგრამას ახორციელებს, რომლის ფარგლებშიც შესაძლებლობას აძლევს ახალგაზრდებს, მიიღონ სწავლის სრული ან ნაწილობრივი დაფინანსება. პროგრამაზე რეგისტრაცია ოქტომბერში დაიწყება. გიორგი ჩახავას სახელობის სტიპენდია საქართველოს ბანკის სათავო ოფისის ავტორის, გიორგი ჩახავას სახელობის სტიპენდია სტუდენტებს არქიტექტურისა და მასთან დაკავშირებული სფეროების განვითარების შესაძლებლობას აძლევს. პროგრამის ფარგლებში 4 პარტნიორი უნივერსიტეტის სტუდენტებს აქვთ შესაძლებლობა, მიიღონ სწავლის 100%-იანი ან ნაწილობრივი დაფინანსება. პროგრამაზე რეგისტრაცია ოქტომბერში დაიწყება.შესაძლებლობები ახალგაზრდა პროფესიონალებისთვის: CHEVENING - დიდ ბრიტანეთში სწავლის შესაძლებლობა CHEVENING -ის სასტიპენდიო პროგრამის ფარგლებში, საქართველოს ბანკი ახალგაზრდებს დიდ ბრიტანეთში სრული დაფინანსებით სწავლის შესაძლებლობას აძლევს. სტიპენდია სრულად ფარავს სწავლის, ცხოვრებისა და მგზავრობის ხარჯებს და სხვადასხვა მიმართულების სამაგისტრო პროგრამის არჩევის შესაძლებლობას იძლევა. 2027 სასწავლო წლისთვის განაცხადების მიღება უკვე დაიწყო და 6 ოქტომბრამდე გაგრძელდება. Fulbright - აშშ-ში სწავლის შესაძლებლობა Fulbright-ის პროგრამის ფარგლებში, საქართველოს ბანკი შესაძლებლობას აძლევს ახალგაზრდა პროფესიონალებს, ისწავლონ აშშ-ს წამყვან უნივერსიტეტებში სრული დაფინანსებით, ორ წლიან სამაგისტრო პროგრამაზე. 2026-27 სასწავლო წლის კონკურსზე განაცხადების მიღება 1 ივლისს დასრულდა. ახალი კონკურსი, გაზაფხულზე გამოცხადდება. ნიკა გუჯეჯიანის სახელობის სტიპენდია - სწავლის შესაძლებლობა ესპანეთში კრეატიული ინდუსტრიით დაინტერესებულ ახალგაზრდებს, საქართველოს ბანკი აძლევს შესაძლებლობას, მიიღონ ნიკა გუჯეჯიანის სახელობის სტიპენდია და ისწავლონ მადრიდში, Miami Ad School Europe-ში, 100%-იანი დაფინანსებით. 2027 წლის პროგრამაზე განაცხადების მიღება 8 ივნისს დასრულდა. კონკურსი გაზაფხულზე ცხადდება. სტიპენდია პროფესიულ აკადემიებში იმ ადამიანებისთვის კი, რომლებსაც პროფესიის შეცვლა, ახალი უნარების შეძენა ან კვალიფიკაციის ამაღლება სურთ, საქართველოს ბანკი პროფესიული განათლების სასტიპენდიო პროგრამას ახორციელებს და საქართველოს ნებისმიერ მოქალაქეს აძლევს შესაძლებლობას, სრული დაფინანსებით შეისწავლონ ახალი პროფესიები 7 წამყვან აკადემიაში. რეგისტრაცია ოქტომბრიდან დაიწყება. AI სტიპენდია გოგოებისა და ქალებისთვის ხელოვნური ინტელექტის განვითარებასთან ერთად, საქართველოს ბანკმა პარტნიორ ორგანიზაციებთან და აკადემიებთან ერთად გოგოებისა და ქალებისთვის სპეციალური AI სტიპენდია შექმნა. პროგრამა მონაწილეებს მომავლის ტექნოლოგიების შესწავლას და ახალი პროფესიული შესაძლებლობების შექმნას სთავაზობს. პროგრამაზე რეგისტრაცია ოქტომბრიდან გამოცხადდება.თბილისის წიგნის დღეებიგანათლება მხოლოდ ფორმალურ სწავლებას არ გულისხმობს. ახალი იდეების აღმოჩენა, სხვა ადამიანების მოსმენა და ახალი სამყაროების გაცნობა წიგნებიდანაც შეიძლება. სწორედ ამიტომ, 30 ოქტომბრიდან 2 ნოემბრის ჩათვლით, საქართველოს ბანკის მხარდაჭერით, Expo Georgia-ში ტრადიციულად გაიმართება თბილისის წიგნის დღეები.ეს საქართველოს ბანკის მიერ განხორციელებული საგანმანათლებლო ინიციატივების მხოლოდ ნაწილია. დეტალური ინფორმაციის მისაღებად ეწვიეთ ვებგვერდს: ganatleba.bog.ge

1787233222

დაჯილდოების ფარგლებში, საქართველოს ბანკი საუკეთესო მობილბანკად და ყველაზე ინოვაციურ სამომხმარებლო ციფრულ ბანკად დასახელდა ცენტრალურ და აღმოსავლეთ ევროპაში. ბანკმა ასევე ონლაინ პროდუქტების შეთავაზების, პერსონალიზებული დაკრედიტების, სოციალური მედია მარკეტინგისა და სხვა არაერთი მიმართულებით მიიღო ჯილდო.გამარჯვებულები Infosys-ის, გლობალური საკონსულტაციო-ტექნოლოგიური კომპანიის ჟიურიმ შეაფასა. საბოლოო სია კი Global Finance-ის რედაქტორებმა გამოავლინეს მომხმარებლების მოზიდვის და ციფრული მომსახურების სტრატეგიის სიძლიერის, ციფრული შეთავაზებებით წარმატებით სარგებლობის, ციფრულ არხებში მომხმარებლების ზრდის, პროდუქტის შეთავაზებების ფართო არჩევანის, ვებგვერდისა და მობილური აპლიკაციის დიზაინის და ფუნქციონალურობის და სხვა მიღწეული შედეგების საფუძველზე.„ციფრული ბანკინგი ფინანსური სექტორის ერთ-ერთ მთავარ მიმართულებად რჩება. ხელოვნური ინტელექტის, ავტომატიზაციისა და მონაცემთა ანალიტიკის განვითარებასთან ერთად, მომხმარებლების მოლოდინებიც იზრდება - მათ სურთ უფრო სწრაფი, პერსონალიზებული და შეუფერხებელი ციფრული გამოცდილების მიღება. ამასთან, ბანკებისთვის სულ უფრო მნიშვნელოვანია უსაფრთხოების, მდგრადობისა და რეგულაციებთან შესაბამისობის გაძლიერება. Global Finance-ის 2026 წლის მსოფლიოს საუკეთესო ციფრული ბანკების დაჯილდოება იმ ფინანსურ ინსტიტუტებს გამოარჩევს, რომლებიც ციფრულ საბანკო მომსახურებაში ახალ სტანდარტებს ქმნიან“, - განაცხადა Global Finance-ის დამფუძნებელმა და რედაქტორმა ჯოზეფ ჯიარაპუტომ.

1787232899

პროგრამა გაეროს განვითარების პროგრამის (UNDP),  შვედეთის მთავრობის, ევროპის რეკონსტრუქციისა და განვითარების ბანკისა (EBRD) და საქართველოს ბანკი ბიზნესის ხელშეწყობით ხორციელდება.პროგრამის ფარგლებში ქალ მეწარმეებს შესაძლებლობა ჰქონდათ, ვორკშოპებში ჩართულიყვნენ, ექსპერტებისგან პრაქტიკული რჩევები მიეღოთ, ემსჯელათ საკუთარი ბიზნესების გამოწვევებზე და მიღებული ცოდნა რეალურ ბიზნესქეისებზე მუშაობისას გამოეცადათ.მეწარმე ქალთა განვითარების პროგრამის ფარგლებში მონაწილეები სპეციალურად შემუშავებულ სასწავლო კურსს გადიან და ინტენსიურ ტრენინგებსა და ვორკშოპებში მონაწილეობენ. მათ ასევე აქვთ წვდომა დამატებით საგანმანათლებლო რესურსებსა და საინფორმაციო შეხვედრებზე, იღებენ პრაქტიკულ რჩევებს ბიზნესის განვითარებასთან დაკავშირებულ საკითხებზე და შესაძლებლობა აქვთ, საკუთარი ბიზნესიდეები ექსპერტებთან ერთად განავითარონ.„საქართველოს ბანკისთვის ქალთა ეკონომიკური გაძლიერება და მეწარმეობის განვითარების ხელშეწყობა ერთ-ერთი მნიშვნელოვანი მიმართულებაა. განსაკუთრებით მნიშვნელოვანია, რომ ქალ მეწარმეებს რეგიონებშიც ჰქონდეთ შესაძლებლობა, მიიღონ ბიზნესის განვითარებისთვის საჭირო ცოდნა, პრაქტიკული გამოცდილება და ახალი კავშირები. სწორედ ამიტომ, მოხარული ვართ, რომ მეწარმე ქალთა განვითარების პროგრამა ამჯერად ქუთაისში გაიმართა. გვჯერა, რომ მსგავსი შესაძლებლობები ქალ მეწარმეებს საკუთარი ბიზნესების გაძლიერებასა და ახალი იდეების რეალიზებაში დაეხმარება“, - აცხადებენ საქართველოს ბანკში.

1787227797

კონცერტზე დასასწრები ბილეთები ხელმისაწვდომია ბმულზე.თითოეული ცეკვა საკუთარ თავში საქართველოს სხვადასხვა კუთხის ისტორიასა და ხასიათს აერთიანებს - ქართული ცეკვის მოძრაობები ბუნებრივად იბადება საქართველოს კუთხეებში, ყოველდღიურობასა და შრომაში, რომელიც შემდეგ სცენაზე ცოცხლდება. ახლა კი კამპანიის ფარგლებში, ეს ისტორიები ქუთაისის სცენაზე შესრულდება.კამპანიის მიზანია, სუხიშვილები იმ ადგილებს დაბრუნებოდნენ, სადაც ქართული ცეკვის ფესვებია. საქართველოს შემოქმედება, რომელიც არ ჩერდება - და სცენა, რომელიც მთელ საქართველოს ეკუთვნის.სუხიშვილები - “ცეკვაში თქმულნი“. საქართველოს ბანკი სუხიშვილების გენერალური სპონსორია.მეტისთვის ნახეთ ვიდეო: (R)

1787222045

ფესტივალის მრავალფეროვანი პროგრამა მუსიკის მოყვარულებს საერთაშორისო არტისტებთან შეხვედრის, ქართული ღვინის აღმოჩენისა და კახეთის უნიკალურ გარემოში დროის სასიამოვნოდ გატარების შესაძლებლობას მისცემს. წლევანდელ ფესტივალში 40-ზე მეტი ქართული ღვინის მწარმოებელი მიიღებს მონაწილეობას, მუსიკალურ პროგრამას კი საერთაშორისო სცენის გამორჩეული არტისტები დაამშვენებენ.14:00 და 16:00 | ამფითეატრის სცენას იტალიური Sugarpie & The Candymen დაიკავებს. ჯგუფი ჯაზის, სვინგის, ბლუზის, სოულისა და როკ-ენ-როლის ენერგიულ ნაზავს აერთიანებს და ცნობილ ჰიტებს სრულიად განსხვავებული, ჯაზური ჟღერადობით აცოცხლებს. სტუმრებს იტალიელი მზარეული მაურიციო სიცილიანოც უმასპინძლებს და ტრადიციულ იტალიურ კერძებს შესთავაზებს.19:00 | აუდიტორიის წინაშე Fred Wesley Generations წარდგება - ფანკისა და ჯაზის ლეგენდარული მემკვიდრეობის გაგრძელება, ეს არის პროექტი, რომელიც ამერიკული ფანკისა და ჯაზის ერთ-ერთი ყველაზე მნიშვნელოვანი ფიგურის, ტრომბონისტისა და კომპოზიტორის Fred Wesley-ის მუსიკალურ მემკვიდრეობას ეფუძნება. ვესლი განსაკუთრებით ცნობილია James Brown-თან და The J.B.’s-თან თანამშრომლობით, სადაც მისი გამორჩეული ტრომბონი და არანჟირება ფანკის კლასიკური ჟღერადობის ჩამოყალიბებაში მნიშვნელოვან როლს ასრულებდა.21:00 | ამფითეატრის სცენაზე SOUL TRAIN – JJ’s Hausband feat. Reggie Saunders მსმენელს სოულის, ფანკისა და Motown-ის ოქროს ეპოქის ენერგიას შესთავაზებს.თიბისი კონცეპტის Mastercard ბარათის მფლობელებისთვის სპეციალური შეთავაზება მოქმედებს - წინასწარი გაყიდვების ფარგლებში 20, 21 და 22 აგვისტოს ბილეთებსა და სასტუმროს პაკეტებს სპეციალურ ფასად შეიძენენ. შემდეგ კი ცალკეულ ბილეთებზე 20%-იან ფასდაკლებას მიიღებენ. ბილეთების შესაძენად გადადით ბმულზე: tkt.ge/JazzandWineKakheti

1787219086

ამის შესახებ ლომთაძემ Fintech Leaders-ის პოდკასტში, მიგელ არმაზასთან საუბრისას განაცხადა.„ჩვენ ახლახან მივიღეთ თანხმობა ბანკის შეძენაზე, რაც ფინანსური პროდუქტების გაშვების შესაძლებლობას მოგვცემს. ჩვენი გუნდი ძალიან მოტივირებულია“, – განაცხადა მიხეილ ლომთაძემ.მისი შეფასებით, თურქეთის ბაზარი დაახლოებით 90 მილიონ მომხმარებელს მოიცავს. Kaspi-ის საკუთრებაში არსებული Hepsiburada-ს მობილურ აპლიკაციას ყოველთვიურად 18 მილიონი მომხმარებელი სტუმრობს, საიდანაც 3-3.5 მილიონი რეალურ მყიდველად იქცევა.ყაზახეთისა და თურქეთის ბაზრების გაერთიანებით, კომპანიის მომხმარებელთა საერთო აუდიტორია ამ ეტაპზე დაახლოებით 25 მილიონს შეადგენს, მაშინ როდესაც Kaspi-ის გრძელვადიანი მიზანი 100 მილიონ მომხმარებლამდე ზრდაა.ლომთაძის თქმით, Hepsiburada-ს შეძენის შემდეგ პირველ წელს კომპანიამ ახალი სერვისების სწრაფად დამატებაზე უარი თქვა და ძირითადი ყურადღება მომხმარებლის გამოცდილების გაუმჯობესებას დაუთმო. სამუშაოები მოიცავდა მიწოდების სისწრაფეს, აპლიკაციაში ნავიგაციას, ძიების სისტემას, პერსონალიზაციასა და მონაცემთა ხარისხის გაუმჯობესებას.„მხოლოდ არსებული პროდუქტებით კმაყოფილი მომხმარებელი იწყებს ახალი პროდუქტების გამოყენებას. თუ მომხმარებლები მხოლოდ საშუალოდ არიან კმაყოფილი, ახალი პროდუქტის დამატებისას ნაწილი მას გამოიყენებს, ნაწილი კი წავა, რის შემდეგაც კომპანიას დაკარგული მომხმარებლების დასაბრუნებლად რეკლამასა და დამატებით ინვესტიციებში თანხის დახარჯვა უწევს“, – განაცხადა Kaspi-ის ხელმძღვანელმა.მისი თქმით, განხორციელებული ცვლილებების შედეგად შეკვეთების რაოდენობა, თვიდან გამომდინარე, დაახლოებით 20%-ით იზრდება და Kaspi თურქეთის საცალო ვაჭრობის სექტორში მოქმედ ყველაზე სწრაფად მზარდ საჯარო კომპანიებს შორისაა.„მაგრამ ჩვენ ჯერ რეალურად არც კი დაგვიწყია“, – დასძინა მიხეილ ლომთაძემ.

1787218683