შეხვედრა ბანგკოკში, საერთაშორისო სავალუტო ფონდისა და მსოფლიო ბანკის წლიური შეხვედრების ფარგლებში შედგა.შეხვედრაზე საუბარი შეეხო საქართველოს ეკონომიკის მდგრადობას და მაკროეკონომიკური მაჩვენებლების სიძლიერეს, ქართულმა მხარემ სსფ-ის მმართველი დირექტორის მოადგილეს ქვეყანაში მდგრადი ფისკალური პოზიციისა და ფასების სტაბილურობის შენარჩუნებისკენ გადადგმული ნაბიჯები გააცნო.ბო ლის-თან შეხვედრაზე აღინიშნა, რომ ბოლო პერიოდში გამწვავებულმა გეოპოლიტიკურმა დაძაბულობამ საქართველოს ეკონომიკაზე გავლენა ინფლაციის არხით მოახდინა. ხაზი გაესვა, რომ მიზნობრივი მაჩვენებლიდან გადახრა  დიდწილად მიწოდების მხარეს მოქმედი შოკებით, კერძოდ, ახლო აღმოსავლეთში გეოპოლიტიკური დაძაბულობის შედეგად ენერგომატარებლების გაძვირებით აიხსნება. ამასთან, აღინიშნა რომ მონეტარული პოლიტიკის მომავალი გადაწყვეტილებები დამოკიდებული იქნება არსებული გეოპოლიტიკური ვითარების განვითარების სცენარზე.როგორც ბო ლიმ აღნიშნა, არსებული გლობალური ეკონომიკური გაურკვევლობის პირობებში განსაკუთრებით მნიშვნელოვანია ხელსაყრელი ეკონომიკური ვითარების გამოყენება ეკონომიკური ბუფერების გასაძლიერებლად. ამ კონტექსტში მან დადებითად შეაფასა ის ფაქტი, რომ საქართველოს მონეტარული და ფისკალური პოლიტიკა ამ მიზანთან თანხვედრაშია და ქვეყანაში მიმდინარეობს როგორც საერთაშორისო რეზერვების, ისე ფისკალური ბუფერების დაგროვება.მხარეებმა შეხვედრის ფარგლებში იმსჯელეს საერთაშორისო სავალუტო ფონდთან თანამშრომლობის მნიშვნელოვან საკითხებზე და შემდგომი პერიოდის თანამშრომლობის ჩარჩოს შემუშავებაზე.შეხვედრას  ესწრებოდნენ საქართველოს ეროვნული ბანკის ვიცე-პრეზიდენტები - ეკატერინე მიქაბაძე, ეკატერინე გალდავა და ნინო ჯელაძე, ფინანსთა მინისტრის მოადგილე ეკატერინე გუნცაძე.

1791811872

საქართველოს ბანკის საგანმანათლებლო ინიციატივები მოიცავს როგორც აკადემიურ და საერთაშორისო განათლებას, ისე თანამედროვე ტექნოლოგიების, ხელოვნური ინტელექტისა და სხვადასხვა პროფესიული მიმართულების შესწავლის შესაძლებლობებს. პროგრამები განკუთვნილია მოსწავლეებისთვის, სტუდენტებისა და ახალგაზრდა პროფესიონალებისთვის, ასევე მათთვის, ვისაც ახალი ცოდნის მიღება, პროფესიული განვითარება ან კარიერული მიმართულების შეცვლა სურს.საქართველოს ბანკის საგანმანათლებლო პროგრამებზე მიღება დაიწყო - აღმოაჩინე შენზე მორგებული შესაძლებლობები:საქართველოს ბანკის სტიპენდიები ადგილობრივ უნივერსიტეტებშისაქართველოს ბანკი ბაკალავრიატის სტუდენტებისთვის 23 პარტნიორ უნივერსიტეტში სასტიპენდიო პროგრამას ახორციელებს. პროგრამის ფარგლებში ახალგაზრდებს შესაძლებლობას აძლევს, მიიღონ სწავლის სრული ან ნაწილობრივი დაფინანსებაპროგრამაზე რეგისტრაცია დაიწყო. პროგრამის შესახებ დეტალური ინფორმაციისა და განაცხადის პირობების გასაცნობად ეწვიეთ საქართველოს ბანკის სტიპენდიების გვერდს.გიორგი ჩახავას სახელობის სტიპენდია მომავალი არქიტექტორებისთვისსაქართველოს ბანკის სათავო ოფისის ავტორის, გიორგი ჩახავას სახელობის სტიპენდია არქიტექტურისა და მასთან დაკავშირებული სფეროების სტუდენტებს პროფესიული განვითარების შესაძლებლობას აძლევს. ოთხ პარტნიორ უნივერსიტეტში სტუდენტებს სწავლის სრული ან ნაწილობრივი დაფინანსების მიღება შეუძლიათ.პროგრამაზე რეგისტრაცია უკვე დაიწყო. დეტალური ინფორმაციისთვის ეწვიეთ ვებგვერდს.AI სტიპენდია გოგოებისთვის ხელოვნური ინტელექტის განვითარებასთან ერთად, საქართველოს ბანკმა პარტნიორ ორგანიზაციებთან და აკადემიებთან ერთად გოგოებისთვის სპეციალური  AI სტიპენდია შექმნა. პროგრამა მონაწილეებს მომავლის ტექნოლოგიების შესწავლას და ახალი პროფესიული შესაძლებლობების შექმნას სთავაზობს. პროგრამაზე რეგისტრაცია დაიწყო, დეტალური ინფორმაციისთვის ეწვიეთ ვებგვერდს.სტიპენდია პროფესიულ აკადემიებში -  ახალი უნარებისა და შესაძლებლობებისთვისიმ ადამიანებისთვის კი, რომლებსაც პროფესიის შეცვლა, ახალი უნარების შეძენა ან კვალიფიკაციის ამაღლება სურთ, საქართველოს ბანკი პროფესიული განათლების სასტიპენდიო პროგრამას ახორციელებს და საქართველოს ნებისმიერ მოქალაქეს აძლევს შესაძლებლობას, სრული დაფინანსებით შეისწავლონ ახალი პროფესიები 20-მდე პარტნიორ აკადემიაში. პროგრამაში მონაწილეობის მსურველთათვის რეგისტრაცია მალე დაიწყება.  დეტალური ინფორმაციისთვის ეწვიეთ პროგრამის გვერდს.საქართველოს ბანკის სტიპენდია მოსწავლეებისთვის პროფესიულ აკადემიებში - შეისწავლეთ თქვენთვის საინტერესო მიმართულება უფასოდპროფესიულ აკადემიებში სასტიპენდიო პროგრამის ფარგლებში, საქართველოს ბანკი სკოლის მოსწავლეებსაც აძლევს შესაძლებლობას, დაეუფლონ მათთვის საინტერესო პროფესიებსა და ახალ უნარებს. ინიციატივის ფარგლებში, მოსწავლეებს შეუძლიათ აირჩიონ სასურველი კურსი ბანკის პარტნიორ აკადემიებში და მიიღონ სწავლის საფასურის 100%-იანი დაფინანსება. მიმართულებები მოიცავს ვებპროგრამირებას, გრაფიკულ და UI/UX დიზაინს, IT პროექტების მართვას, პროგრამირების საფუძვლებს, ხელოვნურ ინტელექტსა და სხვა საინტერესო სფეროებს. დეტალური ინფორმაციისა და განაცხადის შესავსებად ეწვიეთ ვებგვერდს.TUMO ქუთაისი - ტექნოლოგიებით დაინტერესებული ახალგაზრდებისთვისსაქართველოს ბანკის მხარდაჭერით, ქუთაისში TUMO-ს ცენტრი გაიხსნა, რომელიც 12-18 წლის ახალგაზრდებს შესაძლებლობას აძლევს, მიიღონ ცოდნა ტექნოლოგიებისა და კრეატიული ინდუსტრიის მიმართულებით, 11 კურსიდან ერთ-ერთზე. ახალგაზრდებს შესაძლებლობა ექნებათ, დაეუფლონ პროგრამირებას, რობოტიკას, გრაფიკულ დიზაინს, 3D მოდელირებას და სხვა.TUMO ქუთაისში უკვე 600-მა ახალგაზრდამ დაიწყო სწავლა.თბილისის წიგნის დღეები - ცოდნა წიგნებიდანაც იწყებაგანათლება მხოლოდ ფორმალურ სწავლებას არ გულისხმობს. ახალი იდეების აღმოჩენა, განსხვავებული პერსპექტივების გაცნობა და ახალი სამყაროების აღმოჩენა წიგნებითაც შეიძლება.სწორედ ამიტომ, 30 ოქტომბრიდან 1 ნოემბრის ჩათვლით, საქართველოს ბანკის მხარდაჭერით, Expo Georgia-ში თბილისის წიგნის დღეები გაიმართება. ღონისძიება მკითხველებს წიგნებისა და ახალი იდეების გარშემო გაერთიანების შესაძლებლობას აძლევს.დეტალური ინფორმაციისთვის ეწვიეთ თბილისის წიგნის დღეების გვერდს.ეს საქართველოს ბანკის მიერ განხორციელებული საგანმანათლებლო ინიციატივების მხოლოდ ნაწილია. დამატებითი ინფორმაციისა და სხვა შესაძლებლობების აღმოსაჩენად ეწვიეთ ვებგვერდს ganatleba.bog.ge

1791811283

დიპლომატის განმარტებით, აღნიშნული გადაწყვეტილება, ძლიერ სანქციურ ზეწოლასთან ერთად, ომში გარდამტეხი მომენტი გახდება. მისი თქმით, რუსეთი 2027 წელს სამხედრო სფეროზე რეკორდული 180 მილიარდი ევროს დახარჯვას გეგმავს (რაც 40%-ით მეტია 2026 წლის მაჩვენებელზე), ხოლო 2027–2029 წლების ბიუჯეტის პროექტით თავდაცვისა და უსაფრთხოებისთვის ჯამში 669 მილიარდი ევროა გათვალისწინებული.„ეს ციფრები ნათლად აჩვენებს, რომ მოსკოვს ომი სურს. რადგან ომის ფასი იზრდება, ის აგრესორისთვის უფრო სწრაფად უნდა გაიზარდოს“, - აღნიშნავს უკრაინის საგარეო უწყების ხელმძღვანელი.სტატიაში ხაზგასმულია, რომ 2022 წელს G7-ის მიერ გაყინული 300 მილიარდი ევროს რუსული რეზერვებიდან დაახლოებით 210 მილიარდი ევრო ევროკავშირში (ძირითადად ბელგიურ Euroclear-ში) ინახება. უკრაინული მხარე ევროკომისიას სთავაზობს მკაფიო გეგმას: აქტივები მოექცეს ევროკავშირის კოლექტიური კონტროლის ქვეშ, რათა სამართლებრივი და ფინანსური პასუხისმგებლობა არა მხოლოდ ბელგიამ, არამედ მთლიანად ევროკავშირმა გაიზიაროს.უკრაინის საგარეო საქმეთა მინისტრი ასევე პასუხობს სკეპტიკოსების არგუმენტებს და განმარტავს: სამართლის უზენაესობა: გაეროს გენერალური ასამბლეის რეზოლუციებისა და საერთაშორისო სამართლის მიხედვით, აგრესორი ვალდებულია აანაზღაუროს ზიანი. უკრაინა არ ითხოვს ქონების პირდაპირ კონფისკაციას - საკუთრების უფლება ევროპულ სტრუქტურაში დარჩება, ხოლო მექანიზმი გაუქმდება იმ დღესვე, როდესაც რუსეთი მიყენებულ ზარალს გადაიხდის. ევროს სტაბილურობა: 2022 წელს რეზერვების გაყინვას გლობალურ ბაზარზე ევროს პოზიციები არ შეურყევია, რადგან საერთაშორისო თანამეგობრობას ესმის, რომ ეს ზომა ეხება მხოლოდ გაეროს წესდების დამრღვევ აგრესორ სახელმწიფოს. მოლაპარაკებების ბერკეტი: 669 მილიარდი ევროს ომისთვის გამოყოფილი ქვეყანა რეზერვების გამო ომს არ შეაჩერებს. რუსეთს შეაკავებს მხოლოდ უკრაინის ბრძოლისუნარიანობა, რასაც სწორედ ეს ფინანსები დააფინანსებს. დასავლური აქტივების ჩამორთმევა: პუტინი დასავლური კომპანიების (Nestlé, Auchan, Danone, Carlsberg და ა.შ.) ქონების ნაციონალიზაციას 2022 წლიდან ისედაც ახორციელებს, ასე რომ, გაყინული აქტივების შეუხებლობა მას ხელიდან არ აკავებს. „ევროპამ სწორი სიგნალი უნდა გაუგზავნოს მოსკოვს, რომ ის ვერ დაძლევს ჩვენს სიმტკიცეს. უკრაინის თავდაცვის მზარდი ხარჯები ევროპელი გადასახადების გადამხდელების ნაცვლად რუსეთის ხარჯზე უნდა დაიფაროს“, - აცხადებს უკრაინის საგარეო საქმეთა მინისტრი და ევროკავშირის ლიდერებს პოლიტიკური ნების გამოვლენისა და გადაწყვეტილების დაუყოვნებლივ მიღებისკენ მოუწოდებს.

1791809487

სებ-ის ინფორმაციით, ამ მიზნით, ეროვნული ბანკის მაღალი რეპუტაციული სტანდარტიდან გამომდინარე, საბჭომ ერთხმად მიიღო გადაწყვეტილება ნანა ყეინიშვილის სებ-ის საბჭოს საქმიანობაში მონაწილეობიდან აცილების შესახებ გამოძიების დასრულების და ობიექტური ჭეშმარიტების დადგენამდე.სები აღნიშნავს, რომ ყეინიშვილი მოქმედებდა მარტო, რასაც ადასტურებს კომპანიის წარმომადგენლის აუდიო ჩანაწერიც, სადაც გეგმებსა და მიზნებზე ის თავად საუბრობს. ამასთან VASP-ის ( ვირტუალური აქტივის მომსახურების პროვაიდერის) ზედამხედველობა არაა ნანა ყეინიშვილის საკურატორო მიმართულება, შესაბამისად, გადაწყვეტილებაზე ვერ ექნებოდა გავლენა.სებ-ის ზედამხედველობას დაქვემდებარებული ნებისმიერი სუბიექტის შემოწმების პროცესი არის მკაცრად კონფიდენციალური. ინფორმაციაზე ხელი არ მიუწვდება შესაბამისი გუნდის გარდა, არც ერთ პირს, მათ შორის საბჭოს წევრებს. აქვე განვმარტავთ, რომ ნანა ყეინიშვილი იყო ეროვნული ბანკის საბჭოს არააღმასრულებელი წევრი, შესაბამისად არ მონაწილეობდა ყოველდღიურ აღმასრულებელ მართვაში და არ გააჩნდა ოპერატიული მართვის მანდატი.რაც შეეხება ეროვნული ბანკის მიერ ვირტუალური აქტივის მომსახურების პროვაიდერ შპს „ბიტექსჩეინჯს“ დაჯარიმებას, აღნიშნული შემოწმება განხორცილდა გეგმიურად 2026 წლის თებერვალში. შესაბამისად, შპს „ბიტექსჩეინჯის“ წარმომადგენლის განცხადება, რომ დაჯარიმება უკავშირდება მის მიერ სებ-ისთვის მიწოდებულ ინფორმაციას, არის უსაფუძვლო და საზოგადოებისთვის განზრახ შეცდომაში შეყვანას ემსახურება.მაღალი საზოგადოებრივი ინტერესიდან გამომდინარე, გაცნობებთ, რომ შპს „ბიტექსჩეინჯი“ ფულის გათეთრებისა და ტერორიზმის დაფინანსების აღკვეთის წესისა და სხვა არაერთი დარღვევისთვის დაჯარიმდა.აქვე დეტალურად განვმარტავთ შპს  „ბიტექსჩეინჯ“-ის დაჯარიმების პროცედურასა და ისტორიას.1. ფულის გათეთრებისა და ტერორიზმის დაფინანსების აღკვეთის მიმართულებით კანონმდებლობის უხეში დარღვევასაქართველოს ეროვნული ბანკის მიერ განხორციელდა შპს „ბიტექსჩეინჯი“-ს (ს/ნ: 404595121)-ის შემოწმება ფულის გათეთრებისა და ტერორიზმის დაფინანსების აღკვეთის მიმართულებით კანონმდებლობით დადგენილი მოთხოვნების შესრულების შესაფასებლად. შემოწმების შედეგად გამოვლენილი დარღვევებისთვის კომპანიას ჯამში 572 118 000 ლარის, ხოლო კომპანიის ორ ადმინისტრატორს, თითოეულს, დამატებით 7 000 ლარის ოდენობით ფულადი ჯარიმა დაეკისრა.კომპანიისთვის დაკისრებული ჯარიმების უდიდესი ნაწილი (572 033 000 ლარი) მომხმარებელთა იდენტიფიკაციისა და ვერიფიკაციის მოთხოვნების დარღვევას უკავშირდება. კერძოდ, კომპანიამ თვითმომსახურების კიოსკების მეშვეობით განახორციელა ოპერაციები ისე, რომ მომხმარებელთა იდენტიფიკაცია და მათი ვინაობის გადამოწმება კანონმდებლობით დადგენილი წესით არ ხორციელდებოდა. ხაზგასასმელია, რომ კლიენტის იდენტიფიკაცია და ვერიფიკაცია სავალდებულოა თითოეული ოპერაციის განხორციელებისას, თანხის ოდენობის მიუხედავად. ამასთან, თვითმომსახურების კიოსკების მეშვეობით კლიენტის ვერიფიკაცია უნდა განხორციელდეს საქართველოს ეროვნულ ბანკთან შეთანხმებული პროცესით, რაც კომპანიამ არ უზრუნველყო.აღსანიშნავია, რომ გამოვლენილი დარღვევები უკავშირდებოდა ფულის გათეთრებისა და ტერორიზმის დაფინანსების აღკვეთის სისტემის ერთ-ერთ ყველაზე ფუნდამენტურ მოთხოვნას - პირისთვის, მათ შორის, კლიენტის სახელით მოქმედი პირისთვის, კანონმდებლობით გათვალისწინებული იდენტიფიკაციისა და ვერიფიკაციის მოთხოვნების შესრულების გარეშე მომსახურების გაწევას. აღნიშნული მოთხოვნების დაცვა წარმოადგენს პრევენციული ღონისძიებების აუცილებელ საფუძველს და მნიშვნელოვანია როგორც კლიენტთან, ისე ორგანიზაციის საქმიანობასთან დაკავშირებული რისკების სათანადოდ შეფასებისა და მართვისთვის.ამასთან, „ვირტუალური აქტივის მომსახურების პროვაიდერის და მისი ადმინისტრატორების მიმართ ფულადი ჯარიმის ოდენობის განსაზღვრის, დაკისრებისა და აღსრულების წესის“ შესაბამისად, პირისთვის, მათ შორის, კლიენტის სახელით მოქმედი პირისთვის, კანონმდებლობით გათვალისწინებული იდენტიფიკაციისა და ვერიფიკაციის მოთხოვნების შესრულების გარეშე მომსახურების გაწევა მიეკუთვნება მძიმე დარღვევათა კატეგორიას. აღნიშნული კლასიფიკაცია მიუთითებს ამ მოთხოვნებისთვის მინიჭებულ განსაკუთრებულ მნიშვნელობაზე. მათი შეუსრულებლობა წარმოადგენს არა მხოლოდ ფორმალურ ან პროცედურულ ხარვეზს, ვინაიდან მნიშვნელოვნად ზღუდავს კლიენტის ვინაობის დადგენის, მასთან დაკავშირებული რისკების შეფასების, განხორციელებული ოპერაციების მონიტორინგისა და საეჭვო და უჩვეულო ტრანზაქციების გამოვლენის შესაძლებლობას.სწორედ დარღვეული მოთხოვნების ფუნდამენტური ხასიათი, მათი მნიშვნელობა ფულის გათეთრებისა და ტერორიზმის დაფინანსების აღკვეთის სისტემის ეფექტიანი ფუნქციონირებისთვის, ასევე გამოვლენილი დარღვევების სიმძიმე და მასშტაბი განაპირობებდა კონკრეტულ შემთხვევაში გამოყენებული ფულადი ჯარიმის მოცულობას. შესაბამისად, სანქციის ოდენობა უნდა შეფასდეს არა მხოლოდ მისი თანხობრივი გამოხატულების, არამედ დარღვეული ვალდებულებების არსისა და გამოვლენილი ფაქტობრივი გარემოებების ერთობლიობის გათვალისწინებით.2. აკრძალული და უკანონო საქმიანობასთან დაკავშირებული საეჭვო ტრანზაქციები შემოწმების ფარგლებში ორგანიზაციის მიერ წარმოდგენილი ინფორმაციისა და თვითმომსახურების კიოსკების მეშვეობით განხორციელებული ტრანზაქციების შესწავლისას გამოვლინდა, რომ ერთ-ერთ ყველაზე ხშირად გამოყენებულ ვირტუალური აქტივის მიმღებ მისამართთან დაკავშირებით საჯარო წყაროებში, მათ შორის, Google-ის საძიებო სისტემის საშუალებით, იძებნებოდა ინფორმაცია აღნიშნული მისამართის Telegram არხის/ჯგუფის მეშვეობით სხვადასხვა აკრძალული ნივთიერებების  სავარაუდო რეალიზაციასთან შესაძლო კავშირის შესახებ. ამასთან, ტრანზაქციების ინტენსივობის, მსგავსი მახასიათებლებისა და მოცულობის გათვალისწინებით, ანალოგიური ხასიათის ტრანზაქციები ფიქსირდებოდა სხვა ვირტუალური აქტივის მისამართებზეც.3. ხარვეზები კომპანიის მონაცემთა აღრიცხვისა და დამუშავების ელექტრონულ სისტემებშიგარდა იდენტიფიკაცია/ვერიფიკაციისა, შემოწმების შედეგად ასევე გამოვლინდა მნიშვნელოვანი ხარვეზები კომპანიის მონაცემთა აღრიცხვისა და დამუშავების ელექტრონულ სისტემებში. კერძოდ, კანონმდებლობის შესაბამისად, ვირტუალური აქტივის მომსახურების პროვაიდერის მიერ შესრულებული ოპერაციები მის სისტემაში სრულად უნდა იყოს აღრიცხული, სისტემატიზებული და შენახული იმგვარად, რომ შესაძლებელი იყოს აღრიცხული ინფორმაციის მიმართ განხორციელებული ნებისმიერი ქმედების ე.წ. „ლოგირება“ და საჭიროების შემთხვევაში შესაძლებელი იყოს ვირტუალური აქტივის მომსახურების პროვაიდერის სათავო ოფისიდან მათ შესახებ ინფორმაციის უმოკლეს ვადაში მოძიება და ამოღება. ამასთან მნიშვნელოვანი ხარვეზები გამოვლინდა როგორც სანქცირებული და პოლიტიკურად აქტიური პირების გადამოწმების სისტემაში, რის გამოც ვერ დასტურდებოდა მომხმარებელთა სათანადო გადამოწმება, ისე საეჭვო და უჩვეულო ტრანზაქციების გამოვლენის სისტემაში. კერძოდ, არსებული ხარვეზები ხელს უშლიდა მაღალი რისკის ოპერაციების, მათ შორის, სხვადასხვა ბლოკჩეინზე განხორციელებული დაკავშირებული ტრანზაქციებისა და ვირტუალური აქტივის საფულეებს შორის კავშირების გამოვლენას. ამასთან, კომპანიამ ფინანსური მონიტორინგის სამსახურს არ წარუდგინა ანგარიშგება ორი საეჭვო ოპერაციის შესახებ, მიუხედავად იმისა, რომ აღნიშნულ ოპერაციებში იკვეთებოდა საეჭვოობის სხვადასხვა ინდიკატორი. აღსანიშნავია, რომ მოქმედი ჯარიმების წესის შესაბამისად, საეჭვო გარიგების შესახებ ანგარიშგების ფინანსური მონიტორინგის სამსახურისთვის წარუდგენლობა და პროგრამულ (ელექტრონულ) სისტემებთან დაკავშირებული ხარვეზები მიეკუთვნება განსაკუთრებით მძიმე დარღვევათა კატეგორიას.4. სებ-ისთვის არასწორი და არასრული ინფორმაციის წარდგენა გარდა ამისა, კომპანიამ საქართველოს ეროვნულ ბანკს შემოწმების ფარგლებში არასწორი და არასრული ინფორმაცია წარუდგინა. წარმოდგენილ მონაცემებში არსებულმა შეუსაბამობებმა და ინფორმაციის განმეორებით გამოთხოვის აუცილებლობამ შეაფერხა შემოწმების პროცესი. ამასთან, შემოწმების შედეგად ვერ დადასტურდა, რომ კომპანიის პროგრამული სისტემები, ადამიანური რესურსი და შიდა კონტროლის მექანიზმები შეესაბამებოდა მისი საქმიანობის მასშტაბს, ტრანზაქციების მოცულობასა და ვირტუალური აქტივების სექტორისთვის დამახასიათებელ რისკებს.დამატებით გაცნობებთ, რომ საქართველოს ეროვნული ბანკი, თავისი კომპეტენციის ფარგლებში, ფულის გათეთრებისა და ტერორიზმის დაფინანსების აღკვეთის მიმართულებით ფინანსური ინსტიტუტების, მათ შორის, ვირტუალური აქტივის მომსახურების პროვაიდერების, ზედამხედველობას რისკზე დაფუძნებული მიდგომის შესაბამისად, საქართველოს კანონმდებლობისა და საქართველოს ეროვნული ბანკის პრეზიდენტის 2018 წლის 31 დეკემბრის №297/04 ბრძანებით დამტკიცებული „საქართველოს ეროვნული ბანკის ფულის გათეთრებისა და ტერორიზმის დაფინანსების წინააღმდეგ ბრძოლის საზედამხედველო ჩარჩოს“ საფუძველზე ახორციელებს.ფინანსურ ქმედებათა სპეციალური ჯგუფის (FATF) სტანდარტებისა და საქართველოს ორგანული კანონმდებლობის შესაბამისად, ფულის გათეთრებისა და ტერორიზმის დაფინანსების აღკვეთის მიმართულებით ზედამხედველობა ხორციელდება რისკზე დაფუძნებული მიდგომით. აღნიშნული მიდგომა გულისხმობს, ერთი მხრივ, საზედამხედველო ყურადღების მომეტებული რისკის მატარებელ სუბიექტებსა და საქმიანობებზე კონცენტრირებას, ხოლო, მეორე მხრივ, არსებული საზედამხედველო რესურსების ეფექტიან გამოყენებას. აღნიშნული პრინციპებისა და საერთაშორისო საუკეთესო პრაქტიკის გათვალისწინებით, საქართველოს ეროვნული ბანკი ახორციელებს როგორც წინასწარ დაგეგმილ საზედამხედველო შემოწმებებს, ისე, შესაბამისი რისკის ან გარემოების გამოვლენის შემთხვევაში, არაგეგმურ (ე.წ. ad hoc) ინსპექტირებებს. აღნიშნული ჩარჩოს ფარგლებში ამჟამადაც მიმდინარეობს რამდენიმე ვირტუალური აქტივის მომსახურების პროვაიდერის ადგილზე ინსპექტირება.მხოლოდ 2026 წელს საქართველოს ეროვნული ბანკის მიერ ჯამში 51 საზედამხედველო სუბიექტი შემოწმდა, მათ შორის, ვირტუალური აქტივის მომსახურების პროვაიდერი შპს „ბიტექსჩეინჯი“. ამასთან, პარალელურად მიმდინარეობს სხვა საზედამხედველო სუბიექტების შემოწმებებიც, რომლებიც ამ ეტაპზე ჯერ არ დასრულებულა და, შესაბამისად, აღნიშნულ სტატისტიკურ მონაცემში არ არის ასახული. დასრულებული შემოწმებების შედეგად, სუბიექტების უდიდესი უმრავლესობის მიმართ გამოვლენილი დარღვევების შესაბამისად გამოყენებულ იქნა ფულადი ჯარიმები, რაც ასახავს საქართველოს ეროვნული ბანკის თანმიმდევრულ საზედამხედველო მიდგომას ფულის გათეთრებისა და ტერორიზმის დაფინანსების აღკვეთის სფეროში კანონმდებლობით დადგენილი მოთხოვნების შესრულების უზრუნველყოფის მიმართულებით.

1791804160

მთავრობის მეთაურის განმარტებით, პენსიების დამატებითი ზრდა სახელმწიფო ბიუჯეტში საპენსიო უზრუნველყოფისთვის გამოყოფილ ხარჯებს დამატებით ₾128 მლნ-ით გაზრდის.„სოციალური ხარჯების წილი სახელმწიფო ბიუჯეტში 33 პროცენტს აღემატება. 2026 წელს ასაკობრივ პენსიებზე გამოყოფილი იყო ₾5 მლრდ-ზე მეტი, ხოლო დაგროვებითი საპენსიო სქემის თანადაფინანსებაზე, ₾540 მლნ. შედარებისთვის, პენსიებზე 2012 წელს მხოლოდ მილიარდ ₾65 მლნ იყო გამოყოფილი. სოციალური ხარჯები უკვე დასაშვები ნორმის და საერთაშორისო ფინანსური ინსტიტუტების რეკომენდაციების ზღვარზეა, რადგან ამ ზღვრის გადალახვა შეანელებს ეკონომიკურ ზრდას. თუმცა, დასაშვები ნორმის ფარგლებში, მომდევნო წლებშიც მაქსიმალურად ვეცდებით, 70 წლამდე პენსიონერებს პენსია ინდექსაციის წესის მიღმა გავუზარდოთ“, - განაცხადა ირაკლი კობახიძემ.ახალი პროგრამა დევნილთა ოჯახებისთვის: 10 000 ლარი თითოეულ წევრზესაპენსიო ცვლილებების პარალელურად, პრემიერ-მინისტრმა იძულებით გადაადგილებულ პირთა მხარდაჭერის ახალი, ალტერნატიული ინიციატივა წარადგინა. სახელმწიფოს მიერ საცხოვრებელი კორპუსების მშენებლობისა და „სოფლად სახლის“ პროგრამის პარალელურად, ამოქმედდება დევნილი ოჯახების ფულადი კომპენსაციით დაკმაყოფილების პროექტი.ახალ პროგრამაში ჩართვა სრულიად ნებაყოფლობითი იქნება. თითოეულ დევნილ ოჯახს, რომელსაც წარსულში სახელმწიფოსგან არ მიუღია საცხოვრისი ან შესაბამისი კომპენსაცია, უფლება ექნება, განაცხადი შეიტანოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შესაბამის სააგენტოში.პროგრამის ძირითადი პირობები: კომპენსაციის ოდენობა: 10 000 ლარი დევნილი ოჯახის თითოეულ წევრზე; გაცემის წესი: განაცხადების შეტანის ქრონოლოგიური რიგითობის შესაბამისად; დაფინანსება: მიმდინარე წელს პროგრამისთვის გამოყოფილია 58 მილიონი ლარი, ხოლო მომდევნო წლებში ბიუჯეტი კიდევ უფრო გაიზრდება. როგორც პრემიერ-მინისტრმა აღნიშნა, 2012 წლის შემდეგ სახელმწიფომ 45 ათასზე მეტ დევნილ ოჯახს გადასცა საცხოვრებელი, მიმდინარე მშენებლობების დასრულების შემდეგ კი ბინებს დამატებით 2 600 ოჯახი მიიღებს, თუმცა ყველა ოჯახის ბინით უზრუნველყოფას სულ მცირე 10 წელი დასჭირდება. სწორედ ამ პროცესის დაჩქარების მიზნით შემოიღო მთავრობამ ალტერნატიული ფულადი კომპენსაციის მოდელი.

1791800295

12 ოქტომბრიდან 27 დეკემბრის ჩათვლით, თიბისის მობაილბანკსა და ინტერნეტბანკში გზავნილების განაღდებისას მომხმარებლებს შესაძლებლობა ექნებათ, ჩაერთონ წამახალისებელ კამპანიაში და მოიგონ 1 000, 5 000 ან 10 000 ლარი.კამპანიაში მონაწილეობისთვის მომხმარებელმა მინიმუმ 300 ლარის, დოლარის ან ევროს  ოდენობის გზავნილი უნდა გაანაღდოს. გამარჯვებულები კი სამი საპრიზო კატეგორიის მიხედვით გამოვლინდებიან: ყოველკვირეული პრიზი - 1 000 ლარი, ყოველთვიური პრიზი -5 000 ლარი, სუპერპრიზი -10 000 ლარი.კამპანიის დეტალური პირობების სანახავად ეწვიეთ ბმულს.თიბისის მობაილბანკში, პირველად საქართველოში, შესაძლებელია გზავნილის ნაწილობრივი კონვერტაციაც - ეს ნიშნავს, რომ მომხმარებელს შეუძლია, დააკონვერტიროს ზუსტად ის თანხა, რომელიც იმ მომენტში სჭირდება, დარჩენილი თანხა კი მიღებულ ვალუტაში უსაფრთხოდ შეინახოს.გაანაღდეთ გზავნილები მარტივად თიბისიში და ჩაერთეთ წამახალისებელ კამპანიაში. რაც უფრო მეტ გზავნილს გაანაღდებთ, მით მეტი შესაძლებლობა გექნებათ, მოიგოთ 1 000, 5 000 ან 10 000 ლარი.(R)

1791799717