მებაჟეებმა დიდი ოდენობით სიგარეტისა და მედიკამენტების კონტრაბანდისტი დ...

დადგინდა, რომ ს.გ.პ. ,,წითელი ხიდის" კონტროლის ზონაში საქართველოდან აზერბაიჯანის მიმართულებით, ექსპორტის პროცედურით გადაადგილდებოდა შაქრით დატვირთული 3 სატვირთო ავტომობილი. უფლებამოსილი პირების მიერ, რისკის შეფასების/ანალიზის შედეგად, მოხდა აღნიშნული სატვირთო ავტომობილების შეჩერება და ერთ-ერთი მათგანის დეტალური დათვალიერების შედეგად, გამოვლენილი იქნა არადეკლარირებული საქონელი, კერძოდ - 100 000 კოლოფი სიგარეტი ,,MILANO" და 1 114 ცალი სხვადასხვა დასახელების სამედიცინო მედიკამენტი.დეკლარირებას დაქვემდებარებული სიგარეტის საერთო საბაზრო ღირებულებამ 575 000 ლარი შეადგინა,  ხოლო მედიკამენტების ღირებულებამ 485 ათას ლარს გადააჭარბა.  საერთო ჯამში აღნიშნული არადეკლარირებული საქონლის საერთო ღირებულებამ 1 060 000 ლარზე მეტი შეადგინა.გამოძიებას აწარმოებს ფინანსთა სამინისტროს საგამოძიებო სამსახური.

მინისტრის მოადგილე შუა დერეფნის პოტენციალის გაზრდისთვის რეგიონული კოორ...

სესიის მონაწილეებმა ისაუბრეს რეგიონული ინტეგრაციის გაღრმავებასთან ერთად, როგორ უნდა შეეწყოს ხელი ვაჭრობას, ინვესტიციებს და უფრო მტკიცე რეგიონულ თანამშრომლობას.ყურადღება გამახვილდა, თუ როგორ შეიძლება განვითარდეს სატრანსპორტო დერეფნები ცალკეული ეროვნული ინვესტიციებიდან კოორდინირებულ რეგიონულ სისტემებად, რომლებიც დააკავშირებს ცენტრალურ აზიას, კავკასიას, ევროპასა და გლობალურ ბაზრებს.დისკუსიის მიმდინარეობისას, განხილულ იქნა, თუ როგორ შეუძლია რკინიგზას, პორტებს, ლოგისტიკურ ჰაბებსა და ციფრულ ტექნოლოგიებს, ერთობლივი მუშაობა დაკავშირებადობის ფუნქციის გასაძლიერებლად, ვაჭრობის ხელშესაწყობად და ეკონომიკური მდგრადობის ასამაღლებლად.ფინანსთა მინისტრის მოადგილემ, ეკატერინე გუნცაძემ საქართველოს გამოცდილებაზე დაყრდნობით ისაუბრა შუა დერეფნის საიმედოობისა და კონკურენტუნარიანობის უზრუნველსაყოფად გატარებულ ღონისძიებებზე, ასევე, იმ მექანიზმებზე, რომელსაც ქვეყანა იყენებს დერეფნის ქვეყნებს შორის ეფექტიანი სასაზღვრო და საბაჟო კონტროლის განხორციელებისთვის.გამოსვლისას, მან ყურადღება გაამახვილა შუა დერეფნის ისტორიულ როლსა და მის დღევანდელ პერსპექტივაზე. აღინიშნა, რომ საქართველომ ამ სტრატეგიული მარშრუტის განვითარებაზე ზრუნვა წლების წინ დაიწყო და დღეს, მისი პოტენციალის გაზრდაზე აქტიური მუშაობა მიმდინარეობს მეზობელ ქვეყნებთან.საუბარია, როგორც საგზაო, ისე სარკინიგზო და საპორტო ინფრასტრუქტურის ფუნქციონირებაზე.ამავე კონტექსტში, ფინანსთა მინისტრის მოადგილემ ხაზი გაუსვა ენერგოდერეფნის მუშაობის მნიშვნელობას, რომლითაც ხდება ბუნებრივი აირისა და ნავთობის, ასევე, ელექტროენერგიის ტრანზიტი საქართველოს გავლით.„დღეს ვხედავთ, რომ შუა დერეფნის განვითარებით დაინტერესებულია ცენტრალური აზია. სამხრეთ კავკასიის სამივე ქვეყანას აქვს შანსი, ერთხმად იმოქმედოს აღნიშნული დერეფნის პოტენციალის გაზრდისთვის. ეს  კოორდინაცია გვაძლევს იმედს, რომ შუა დერეფნის სატრანზიტო მარშრუტიმომავალში მიმზიდველი იქნება თავისი ეფექტიანობისა და უსაფრთხოების დამსახურებით", - განაცხადა ფინანსთა მინისტრის მოადგილემ, ეკატერინე გუნცაძემ.დისკუსია გახსნა აზერბაიჯანის რესპუბლიკის ეკონომიკის მინისტრმა, მიქაილ ჯაბაროვმა.პანელში მონაწილეობდნენ AIIB-ის უფროსი საინვესტიციო ოფიცერი (საჯარო სექტორი, გლობალური პროექტები და კორპორაციული ფინანსები) კონსტანტინ ლიმიტოვსკი, შავი ზღვის ვაჭრობისა და განვითარების ბანკის პრეზიდენტი სერჰატ კოქსალი, თურქეთის რესპუბლიკის ტრანსპორტისა და ინფრასტრუქტურის სამინისტროში შემავალი პროფილური უწყების გენერალური დირექტორი იალჩინ ეიიგუნი, კარნეგის საერთაშორისო მშვიდობის ფონდის აზიის პროგრამის უფროსი მკვლევარი, აზიის ინფრასტრუქტურის საინვესტიციო ბანკის საერთაშორისო მრჩეველთა საბჭოს წევრი იუკონ ჰუანგი და პანელის მოდერატორი, აზიის ინფრასტრუქტურის საინვესტიციო ბანკის საჯარო სექტორში მოქმედ კლიენტთა დეპარტამენტის გენერალური დირექტორი სიაოჰონგ იანგი.

კონკურენციისა და მომხმარებლის დაცვის მე-5 საერთაშორისო კონფერენცია თბი...

GCCA–ში აცხადებენ, რომ ყოველწლიური კონფერენციის მიზანია საქართველოში კონკურენციის პოლიტიკის შემდგომი გაძლიერება, ამ სფეროში არსებულ მიღწევებსა და გამოწვევებზე კონსტრუქციული დიალოგის ხელშეწყობა და მომხმარებლის უფლებების დაცვის მექანიზმების გაუმჯობესება, საერთაშორისო და ადგილობრივი საუკეთესო პრაქტიკის გაზიარების გზით. კონფერენცია გააერთიანებს ადგილობრივ და 20-მდე ქვეყნის საერთაშორისო დელეგატებს, კონკურენციისა და მომხმარებელთა უფლებების დაცვის სფეროს ექსპერტებს, შესაბამისი უწყებებისა და საერთაშორისო ორგანიზაციების წარმომადგენლებს. ღონისძიების საპატიო მომხსენებელი იქნება ტერესა მორეირა - კონკურენციის საერთაშორისო ექსპერტი და გაეროს ვაჭრობისა და განვითარების კონფერენციის (UNCTAD) კონკურენციისა და მომხმარებელთა პოლიტიკის დეპარტამენტის ყოფილი ხელმძღვანელი.კონფერენციის ფარგლებში დაგეგმილი პანელური დისკუსიები დაეთმობა კონკურენციისა და მომხმარებელთა უფლებების დაცვის სფეროში არსებულ აქტუალურ საკითხებს, მათ შორის: მომხმარებლის დაცვის გლობალურ ტრანსფორმაციასა და რეგულირების თანამედროვე მიდგომებს; კონკურენციასა და ხელმისაწვდომობას მოწყვლად ბაზრებზე - ფარმაცევტულ და სასურსათო სექტორებში; კონცენტრაციების კონტროლს დინამიკურ ეკონომიკაში; მომხმარებელთა დაცვას ონლაინ ბაზრებზე; კონკურენციის სამართლისა და სექტორული რეგულირების ურთიერთქმედებას; გლობალური ეკონომიკური ტრანსფორმაციის პირობებში კონკურენციის, ვაჭრობისა და ინდუსტრიული პოლიტიკის ბალანსს.კონფერენცია საქართველოში კონკურენციის და მომხმარებელთა უფლებების დაცვის პოლიტიკის 30 წელს მიეძღვნება. 1996 წელს მიღებულმა კანონმა საფუძველი ჩაუყარა ამ სფეროში სამართლებრივი დაცვის მექანიზმების განვითარებას და შეიქმნა პირველი ანტიმონოპოლიური სამსახური. საიუბილეო თარიღი კონფერენციას დამატებით მნიშვნელობას სძენს და ქმნის შესაძლებლობას, შეფასდეს განვლილი გზა და განისაზღვროს მომხმარებელთა უფლებების დაცვის შემდგომი გაძლიერების პრიორიტეტები.2025 წელს ღონისძიებამ 350-ზე მეტ დელეგატს, 50-ზე მეტ ადგილობრივ და საერთაშორისო მომხსენებელსა და 18 ქვეყნის კონკურენციისა და მომხმარებელთა უფლებების დაცვის უწყებების 40-ზე მეტ წარმომადგენელს უმასპინძლა. ღონისძიებაში მონაწილეობდნენ საქართველოს მთავრობისა და პარლამენტის წევრები, საჯარო ინსტიტუტების, მარეგულირებელი ორგანოების, აკადემიური წრეებისა და ბიზნესსექტორის წარმომადგენლები.დეტალური ინფორმაცია კონფერენციის დღის წესრიგის განახლების, მომხსენებლებისა და დაგეგმილი ღონისძიებების შესახებ, ხელმისაწვდომია ოფიციალურ ვებგვერდზე: www.ccc.gov.ge

საქსტატი: მშპ აგვისტოში 6,3%–ით გაიზარდა

2026 წლის აგვისტოში, წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა შემდეგმა დარგებმა: დამამუშავებელი მრეწველობა, ინფორმაცია და კომუნიკაცია, საფინანსო და სადაზღვევო საქმიანობები, უძრავ ქონებასთან დაკავშირებული საქმიანობები, ვაჭრობა, ტრანსპორტი და დასაწყობება.კლების ტენდენცია დაფიქსირდა მშენებლობის სექტორში.

ლაშა ხუციშვილი: საქართველო ინფრასტრუქტურულ დაკავშირებადობას აძლიერებს

ხუციშვილის განცხადებით, საქართველოს ეკონომიკა ბოლო ხუთი წლის განმავლობაში საშუალოდ 9.3%-ზე მეტით გაიზარდა, ამასთან, ქვეყანამ ფისკალური პარამეტრები უსაფრთხო დონეზე შეინარჩუნა, ხოლო კაპიტალური ხარჯები მაღალ ნიშნულზე დარჩა.ფინანსთა მინისტრმა ყურადღება გაამახვილა აღმოსავლეთ-დასავლეთის ავტომაგისტრალის ძირითადი ნაწილის მშენებლობის დასრულებაზე, ასევე საგზაო, სარკინიგზო, ენერგეტიკული და ციფრული დაკავშირებადობის განვითარებასა და ენერგეტიკული უსაფრთხოებისა და დამოუკიდებლობის გაძლიერებაზე.„წლევანდელი დიალოგის თემა „ხვალინდელი დღის ინფრასტრუქტურა: ზეგავლენა და ინოვაცია“ კარგად ასახავს საერთო შეხედულებას, რომ ინფრასტრუქტურა აღარ იზომება მხოლოდ ჩვენ მიერ აშენებული გზებით, ხიდებითა თუ ენერგოსისტემებით“, - განაცხადა ლაშა ხუციშვილმა.მისი თქმით, არსებული საჭიროებების ფონზე მნიშვნელოვანია ისეთი ინფრასტრუქტურის შექმნა, რომელიც რეგიონებს დააკავშირებს და ღირებულებათა ჯაჭვების შეუფერხებელ ფუნქციონირებას უზრუნველყოფს.ხუციშვილმა ასევე ისაუბრა AIIB-ის წევრ სახელმწიფოებს შორის თანამშრომლობისა და დიალოგის გაძლიერების მნიშვნელობაზე და ამ მიმართულებით ბანკის როლის გააქტიურებაზე.მინისტრმა მადლობა გადაუხადა კატარის მთავრობასა და AIIB-ის გუნდს ფორუმის ორგანიზებისთვის და ბანკის ახალ პრეზიდენტს ყოველწლიური შეხვედრის წარმატებით ჩატარებისთვის.