ამჯერად, ერთობლივი პროექტის ფარგლებში, მიუსაფარ ძაღლებზე ქუთაისში იზრუნეს - „თეგეტა მოტორსის“ ქუთაისის ფილიალის ტერიტორიაზე ცხოველებისთვის სახლები დაიდგა.მარიამ ჯაფარიძე, „თეგეტა ჰოლდინგის“ CSR კოორდინატორი: „ჩვენი კორპორაციული პასუხისმგებლობა საზოგადოების სხვადასხვა ჯგუფზე ზრუნვასა და მათ გაძლიერებას ითვალისწინებს. ოთხფეხა მეგობრები, რომლებიც ქუჩაში ცხოვრობენ, ასევე ჩვენი საზოგადოებისა და გარემოს ნაწილია. ზაქარიას საქმიანობა ჩვენთვის ახალი არ არის - „თეგეტამ“ ის ჯერ კიდევ მაშინ გაიცნო, როდესაც ჩვენი ზრუნვის პლატფორმის, Tegeta Care-ის პარტნიორი გახდა. სისტემური თანამშრომლობა დაახლოებით სამი წლის წინ დავიწყეთ, როცა მას უფრო დიდი ავტომობილი დასჭირდა, რათა მიუსაფარი ცხოველების დასახმარებლად ისეთ ადგილებამდეც მიეღწია, სადაც მისი ძველი მანქანით მისვლა შეუძლებელი იყო. ზაქარიას ფინანსურად დავუჭირეთ მხარი, თუმცა მარტო ჩვენ არ ვყოფილვართ - ძალიან ბევრი ადამიანი იდგა მის გვერდით. ამასთანავე, ავტომობილის ტექნიკური გამართვა და შემდგომი სერვისიც ავიღეთ საკუთარ თავზე. გვინდა, ზაქარიამ იცოდეს, რომ ამ გზაზე მარტო არ არის.ამჯერად ქუთაისში ჩავიტანეთ სახლები ერთად. ქალაქი შემთხვევით არ შეგვირჩევია -  ვიცოდით, რომ „თეგეტა მოტორსის" ქუთაისის ფილიალის ტერიტორიაზე მიუსაფარ ცხოველებზე ჩვენი თანამშრომლები დიდი ხანია საკუთარი კეთილი ნებით ზრუნავენ. ახლა კი ცხოველები დაბინავებულები არიან და მოვლაც გაცილებით ორგანიზებულია. ვფიქრობთ, ბიზნესს აქვს რესურსი, ერთი ადამიანის კეთილი ნება ხელშესახებ და მდგრად შედეგად აქციოს. ვიმედოვნებთ, რომ ამ გზაზე სხვებიც შემოგვიერთდებიან“.ზაქარია დოლიძე მიუსაფარ ცხოველებზე 2018 წლიდან ზრუნავს. ყველაფერი მაშინ დაიწყო, როცა მისი ძაღლი ვალიკო ავად გახდა. ლეკვის გადარჩენის ძიებაში ზაქარია სოციალურ ქსელში არსებულ ერთ-ერთ ჯგუფში გაწევრიანდა და სწორედ იქ დაინახა, რამდენად მასშტაბური იყო მიუსაფარი ცხოველების პრობლემა. ასე გადაწყვიტა, კეთილი საქმის კეთება დაეწყო. მას შემდეგ, რაც 3 000-ზე მეტი სახლი საკუთარი ხელებით ააშენა, თვლა შეწყვიტა და საქმე ისე გააგრძელა. მოგვიანებით ქვეყნის მასშტაბით მოგზაურობაც დაიწყო - ახალგაზრდებთან შეხვედრები, საგანმანათლებლო საღამოები და ცნობიერების ასამაღლებელი საუბრები. მისი საქმეების კვალი კარგა ხანია სახლების მიღმაც ჩანს. ზაქარიას ეკუთვნის ინოვაციური ეტლის იდეა, რომელიც შეზღუდული შესაძლებლობის მქონე ცხოველებისთვის გამოიყენება და რომელმაც ასობით ცხოველს ფაქტობრივად ახალი სიცოცხლე აჩუქა.ზაქარია დოლიძე, „ზაქარას კეთილი მანქანის“ შემქმნელი: „რვა წლის წინ ალბათ ვერც წარმოვიდგენდი, რომ ეს იდეა ამხელა განვითარებას იპოვიდა და ერთ დღეს სიკეთით დამუხტული მანქანით მთელ საქართველოს შემოვივლიდი. დღეს ჩემი ყოველდღიურობა ამ გზაზე გადის - სადაც გავიგებ, რომ საჭმლის, წამლების ან სახლის საჭიროებაა, მეც იქ მივდივარ. ამ გზაზე „თეგეტაც" გამოჩნდა. დამეხმარნენ, რომ უკეთესი ავტომობილი მეყიდა და ახლა ზრუნავენ, ყოველთვის მზად ვიყო შემდეგი კეთილი თავგადასავლისთვის.ხშირად ვხვდები ახალგაზრდებს და ყოველთვის ერთ კითხვას ვუსვამ: როგორც, მაგალითად, რომელიმე შენი საყვარელი ნივთი, ეს ქვეყანა შენია? შენს კუთვნილებად მიიჩნევ? როცა მეუბნებიან: „კი“, შემდეგ ვამბობ: თუ შენია, მაშინ შენი მოსავლელიცაა, შენი პასუხისმგებლობაა და არა სხვისი. როცა შენ თვითონ არ აფასებ, სხვაც არ დააფასებს. ამიტომ მნიშვნელოვანია, რომ ზოგჯერ პატარა, მაგრამ სტაბილური ნაბიჯები გადავდგათ წინ, გავერთიანდეთ და საკუთარი წვლილიც შევიტანოთ ასეთ საქმეებში“.ზაქარია ფიქრობს, რომ ამ რვა წლის განმავლობაში საზოგადოების დამოკიდებულება შესამჩნევად შეიცვალა - ადამიანები ინიციატივას იჩენენ და თავადაც ხდებიან მზრუნველები. მისი მთავარი ამოცანაც სწორედ ეს არის - სიკეთის მუხტი დამკვიდრდეს და ზრუნვა დღის წესრიგად იქცეს.„ზაქარას კეთილი მანქანის“ მხარდაჭერა Tegeta Care-ის პლატფორმის მეშვეობითაა შესაძლებელი. ეს „თეგეტას“ დონაციის პლატფორმაა, რომელიც სხვადასხვა მიმართულების ორგანიზაციებს, პროექტებსა თუ სოციალურ საწარმოებს აერთიანებს. ნებისმიერ მოქალაქეს შეუძლია აირჩიოს კონკრეტული ინიციატივა და პირდაპირ დაუჭიროს მხარი, დონაცია კი მთლიანად იმ კონკრეტულ პროექტს მიემართება.სწორედ მსგავსი ჩართულობით შეძლებს ზაქარია, რომ მისი მანქანა არ გაჩერდეს და წინ იაროს კიდევ უფრო მეტი კეთილი საქმისთვის. როგორც თავად ამბობს, ერთი რამ სულ ახსოვს - მანქანა თავისით ვერაფერს აკეთებს, მას ძალას ადამიანები აძლევენ.„თეგეტა ჰოლდინგის“ შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით „თეგეტას“ 28 სერვისცენტრი აქვს. „თეგეტა“ ექსკლუზიურად წარმოადგენს ცნობილ ბრენდებს Porsche, Lamborghini, Bentley, Volvo, Toyota, Mazda, Geely, Zeekr. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, LIEBHERR, BOMAG და სხვები. „თეგეტა” მსოფლიოს 300-ზე მეტი წამყვანი საავტომობილო ბრენდის იმპორტიორია საქართველოში. „თეგეტა ჰოლდინგი“, 3 000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.

1787759748

თანამშრომლობის ფარგლებში, კომპანიამ ჯამურად 22 მილიონი ლარის დაფინანსება მიიღო. თანხა ძირითადად ქსელის განვითარებასა და ახალი მაღაზიების გახსნას მოხმარდება.რებრენდინგის შემდეგ „ამბარი“ ბაზარზე განსხვავებული ფორმატით - უბნის მოლის  კონცეფციით - განაგრძობს მუშაობს. კომპანიის მიზანია, მომხმარებლის ყოველდღიური საჭიროებები ერთ სივრცეში, სახლთან ახლოს გააერთიანოს და ამ გზით დაზოგოს მისი დრო, ენერგია და ფინანსური რესურსი.ბოლო 3 თვის განმავლობაში „ამბარის“ ქსელს უკვე 25 ახალი მაღაზია დაემატა და ამ ეტაპზე ბრენდი 37 მაღაზიას აერთიანებს. წლის ბოლომდე ფილიალების რაოდენობა 60-მდე გაიზრდება და მოიცავს როგორც თბილისის ყველა უბანს, ასევე საქართველოს სხვა ქალაქებს. ქსელის გაფართოებასთან ერთად იზრდება დასაქმებულთა რაოდენობაც - ამჟამად „ამბარს“ 380 თანამშრომელი ჰყავს, წლის ბოლომდე კი რაოდენობა 600-მდე გაიზრდება.“ამბარი რითეილ გრუპ ჯორჯია” “კოკა-კოლას ჯგუფში” შემავალი კომპანიაა, რომელთანაც თიბისის მრავალწლიანი პარტნირობა აკავშირებს. ჯგუფთან ერთად ბანკს არაერთი პროექტი აქვს განხორციელებული, რომელიც მოიცავს ახალი რესტორნების გახსნას, პურ-ფუნთუშეულის საწარმოს მშენებლობას და ა.შ. ერთობლივი პროექტებით თიბისი ხელს უწყობს ადგილობრივი ბიზნესის გაძლიერებას, დასაქმების ზრდასა და ეკონომიკურ განვითარებას, როგორც თბილისში, ასევე რეგიონებში.(R)

1787746978

ბანკის ინოვაციური მიდგომა გულისხმობს მომხმარებლისთვის იმ სერვისებზე წვდომის გამარტივებას, რომელთა მიღებაც მანამდე სპეციალისტის ჩართულობას ან ფილიალში ვიზიტს მოითხოვდა. ამის მაგალითია საინვესტიციო ანგარიშის ერთ წუთზე ნაკლებ დროში გახსნის ან ნიუ-იორკის საფონდო ბირჟაზე აქციის 1 დოლარიდან შეძენის შესაძლებლობა. აღსანიშნავია, რომ საქართველოს ბანკმა მომხმარებლებს კრიპტოთი ვაჭრობაც შესთავაზა მობილბანკში, სადაც დღეს 100-მდე სხვადასხვა კრიპტო აქტივია ხელმისაწვდომი.ბანკის მიერ შემუშავებული ხელოვნური ინტელექტის ასისტენტი მომხმარებელთა მომართვების 72%-ს ოპერატორის ჩარევის გარეშე, 91%-იანი კმაყოფილების მაჩვენებლით აგვარებს. ამასთან, „შემდეგი საუკეთესო შეთავაზების“ (Next-Best-Offer) სისტემა 150-ზე მეტ ქცევით ცვლადს აანალიზებს და მომხმარებლებს საკუთარ ინტერესებზე მორეგებულ პროდუქტებს სთავაზობს. საქართველოს ბანკის Ads მენეჯერი  ბიზნესებს 1.9 მილიონ მომხმარებელთან აკავშირებს. ღია API პლატფორმა (api.bog.ge) კი ფინტექ კომპანიებსა და ERP პლატფორმებს ბანკის სერვისების პირდაპირი ინტეგრაციის საშუალებას აძლევს.„ჩვენი მიზანია, მომხმარებლებისთვის ფინანსური სერვისები კიდევ უფრო მარტივი, ხელმისაწვდომი და მათ საჭიროებებზე მორგებული გავხადოთ. Global Finance-ის მიერ ყველაზე ინოვაციურ ციფრულ ბანკად აღიარება სწორედ ამ მიდგომის წარმატებას ადასტურებს. ჩვენ მუდმივად ვქმნით და ვავითარებთ პროდუქტებსა და სერვისებს, რომლებიც მომხმარებლებს ყოველდღიური ფინანსების უფრო მარტივად მართვაში ეხმარება, აძლევს ახალ შესაძლებლობებს და ციფრულ გამოცდილებას უფრო პერსონალიზებულს ხდის. ეს აღიარება ჩვენთვის განსაკუთრებით მნიშვნელოვანია, რადგან კიდევ ერთხელ ადასტურებს, რომ ინოვაცია მხოლოდ ახალი ტექნოლოგიის დანერგვა არ არის - ის მომხმარებლის რეალური საჭიროებების უკეთ გაგებასა და მათთვის პრაქტიკული ღირებულების შექმნას ნიშნავს“, - განაცხადა გიორგი ვახტანგიშვილმა, საქართველოს ბანკის ციფრული საბანკო მომსახურების დეპარტამენტის დირექტორმა.Global Finance-ი მსოფლიოს საუკეთესო ციფრულ ბანკებს უკვე 27-ე წელია ავლენს. გამარჯვებულები ვლინდებიან ისეთი კრიტერიუმებით, როგორებიცაა: ციფრული მომხმარებლების მოზიდვისა და მომსახურების სტრატეგიის სიძლიერე, მომხმარებლების მიერ ციფრული სერვისების გამოყენების მაჩვენებელი, ციფრული მომხმარებლების ზრდა, პროდუქტების მრავალფეროვნება, ვებ/მობილური პლატფორმების დიზაინი და ფუნქციონალი და სხვა. გამარჯვებულებს ტექნოლოგიური და საკონსულტაციო გლობალური ლიდერი კომპანიის, Infosys-ის ექსპერტებისგან შემდგარი ჟიური აფასებს, საბოლოო გადაწყვეტილებას კი Global Finance-ის რედაქტორები იღებენ. გამოცემა 1987 წელს დაარსდა და 193 ქვეყანაში 50,000-ზე მეტ მკითხველს აერთიანებს. იგი რეგულარულად აჯილდოებს საუკეთესო ბანკებსა და ფინანსური სერვისების სხვა პროვაიდერებს. მისი ჯილდოები გლობალური ფინანსური საზოგადოებისთვის სანდოობისა და მაღალი სტანდარტის ნიშნად ითვლება.(R)

1787743516

თიბისიმ Global Finance-ის აღნიშნული ჯილდო აიღო ღია ბანკინგის სერვისების მრავალფეროვნებისთვის, სიმარტივისთვის, პარტნიორების რაოდენობისა და გამოყენების მაღალი მაჩვენებლისთვის.„Global Finance-ის მორიგი მნიშვნელოვანი საერთაშორისო აღიარება კიდევ ერთხელ ადასტურებს, რომ თიბისიში, ინოვაციებისა და ტექნოლოგიების გამოყენებით, ფინანსურ ინდუსტრიაში ახალ სტანდარტებს ვამკვიდრებთ, რომელთა საშუალებითაც ჩვენი მომხმარებლებისთვის ყოველდღიურად ვქმნით მარტივ, სწრაფ და სანდო გამოცდილებას. ღია ბანკინგის სერვისები საშუალებას გვაძლევს, ჩვენი მომხმარებლებისთვის ინოვაციური სერვისები  უფრო მეტად ხელმისაწვდომი გავხადოთ სხვა ფინტექ პლატფორმებზე“ - გიორგი კინწურაშვილი, თიბისის ეკოსისტემის ინოვაციების ლიდერი.Global Finance-ის საუკეთესო ციფრული ბანკების დაჯილდოება წელს უკვე 27-ედ ჩატარდა. წლების განმავლობაში თიბისის ამ დაჯილდოების ფარგლებში სხვადასხვა ნომინაციაში არაერთი საერთაშორისო აღიარება აქვს მიღებული, რაც ბანკის ინოვაციურობას, ციფრული სერვისების ხარისხსა და მომხმარებლისთვის საუკეთესო გამოცდილების შექმნისაკენ მუდმივ სწრაფვას უსვამს ხაზს.(R)

1787737981

პროექტის ჯამური ღირებულება 37.8  მლნ. აშშ დოლარს შეადგენს. საქართველოს ბანკის მიერ განხორციელებული ინვესტიცია კი 26.3 მლნ. აშშ დოლარია.„დომუს ავლაბარი“ 6,282 კვ.მ ფართობის ტერიტორიაზე ვითარდება და საცხოვრებელ, საოფისე და კომერციულ სივრცეებს აერთიანებს. A ბლოკი 23-სართულიანი საცხოვრებელი შენობაა და 220 ბინას მოიცავს, B ბლოკი კი 10-სართულიან საოფისე და კომერციულ შენობას წარმოადგენს, რომლის 9 სართული საოფისე სივრცეებს დაეთმობა, პირველ დონეზე კი ფუდკორტი განთავსდება. კომპლექსი ასევე მოიცავს გამწვანებულ სივრცეს საბავშვო ზონით, ოთხდონიან მიწისქვეშა პარკინგს ელექტრომობილების დამტენის მოწყობის შესაძლებლობითა და კონსიერჟის სერვისს.პროექტის ერთ-ერთი მთავარი ღირებულება მისი ადგილმდებარეობისა და არქიტექტურის ურთიერთკავშირია. „დომუს ავლაბარი“ თბილისის ერთ-ერთ უძველეს უბანში, მტკვრის მარცხენა სანაპიროზე, რიტუალების სასახლის მიმდებარედ მდებარეობს. MUA Architecture & Placemaking-ის მიერ შემუშავებული კონცეფცია ისტორიულ გარემოსთან ფრთხილ დიალოგს ეფუძნება: შენობების განლაგება ისეა გააზრებული, რომ მაქსიმალურად შენარჩუნდეს რიტუალების სასახლის ხედვის არეალი, ხოლო ფასადის მასალები მის ქვის არქიტექტურას ეხმიანება. განსხვავებული სიმაღლის საცხოვრებელი და საოფისე ბლოკები კი ერთიან არქიტექტურულ კომპოზიციას ქმნის.„„დომუსისთვის პროექტის შექმნა მხოლოდ ახალი შენობის განვითარებას არ ნიშნავს, ჩვენი სურვილია, თითოეულმა პროექტმა თავისი ადგილი იპოვოს ქალაქის ისტორიაში და ამავდროულად თანამედროვე ცხოვრების ხარისხი შექმნას. „დომუს ავლაბარის“ შემთხვევაში ეს ჩვენთვის განსაკუთრებით საინტერესო გამოწვევა იყო. ავლაბარი ჩვენთვის ახალი ეტაპია, პირველად ვქმნით პროექტს ისეთ ისტორიულ და გამორჩეულ ურბანულ გარემოში, სადაც თანამედროვე არქიტექტურას ქალაქის მეხსიერებასთან უწევს დიალოგი.ჩვენთვის მნიშვნელოვანი იყო, არქიტექტურა გარემოსგან განცალკევებულ ობიექტად კი არ დარჩენილიყო, არამედ ბუნებრივად გამხდარიყო მისი ნაწილი. ამ მიდგომას პროექტის მთელი კონცეფცია მიჰყვება: საცხოვრებელი, სამუშაო და ყოველდღიური საჭიროებები ერთიან გარემოშია გაერთიანებული. პანორამული ხედები ძველ თბილისზე, ბუნებრივი სინათლე, გამწვანებული სივრცე, საბავშვო ზონა, ფუდკორტი და კონსიერჟის სერვისი ქმნის გარემოს, რომელიც თანამედროვე ყოველდღიური ცხოვრების სხვადასხვა საჭიროებას პასუხობს.პროექტში ასევე აისახება დომუსის მთავარი ღირებულებები: ხარისხი, ინოვაცია და მწვანე არქიტექტურა. ენერგოეფექტური გადაწყვეტილებები, ბუნებრივი განათებისა და ვენტილაციის გათვალისწინება, აკუსტიკური კომფორტი, გამძლე მასალები და თანამედროვე საინჟინრო სისტემები იმაზეა ორიენტირებული, რომ პროექტმა დროთა განმავლობაშიაც შეინარჩუნოს თავისი ღირებულება.„დომუს ავლაბარის“ განხორციელებაში საქართველოს ბანკთან მრავალწლიან პარტნიორობას ვაგრძელებთ. ამ თანამშრომლობის ფარგლებში „დომუსი“ საქართველოს ბანკის იპოთეკურ პროგრამაში ერთვება, ხოლო SOLO-ს მომხმარებლებისთვის პროექტში სპეციალური შეთავაზებები იქნება ხელმისაწვდომი. გვჯერა, რომ ეს პარტნიორობა და პროექტის კონცეფცია ადამიანებს მისცემს შესაძლებლობას, ძველი თბილისის ხასიათი და თანამედროვე ქალაქური ცხოვრების კომფორტი ერთ სივრცეში აღმოაჩინონ“, - განაცხადა „დომუსის“ მარკეტინგის სამსახურის უფროსმა თათია მიხელიძემ.„საქართველოს ბანკისთვის მნიშვნელოვანია პარტნიორი კომპანიების განვითარების სხვადასხვა ეტაპზე მხარდაჭერა. მოხარული ვართ, რომ „დომუსთან“ მრავალწლიანი თანამშრომლობის ფარგლებში კიდევ ერთი პროექტის განხორციელებას ვუჭერთ მხარს. გვჯერა, რომ მსგავსი თანამედროვე საცხოვრებელი, სამუშაო და კომერციული სივრცეების განვითარება თბილისში ახალი შესაძლებლობების შექმნასა და ურბანული გარემოს განვითარებას შეუწყობს ხელს“ - განაცხადა საქართველოს ბანკის კორპორაციული გაყიდვების სექტორის უფროსმა, გიორგი სახვაძემ.(R)

1787733456

28 აგვისტოს, საქართველოს მასშტაბით, არ იმუშავებენ გაფორმების ეკონომიკური ზონები (გარდა გაფორმების ეკონომიკური ზონების საქონლის გაფორმების და ლოჯისტიკისსამმართველოების, გაფორმების ეკონომიკური ზონა „აეროპორტის" საფოსტო გზავნილების საბაჟო კონტროლის სამმართველოსა) და გაფორმების განყოფილებები.აღნიშნულ თარიღში საბაჟო ორგანოს მიერ მომსახურების გაწევაზე იმოქმედებს საქართველოს მთავრობის 2010 წლის 30 მარტის №96 დადგენილებით განსაზღვრული, არასამუშაო დროისთვის/უქმე დღისთვის დაწესებული ტარიფი.აქვე გაცნობებთ, რომ 2026 წლის 28 აგვისტოს, საქართველოს მასშტაბით არ იმუშავებენ ფინანსთა სამინისტროს შემოსავლების სამსახურის  მომსახურების დეპარტამენტის სერვისცენტრები და საინფორმაციო სატელეფონო ცენტრი 2 299 299.  გთხოვთ, აღნიშნული გაითვალისწინოთ სერვისებით (მათ შორის ელექტრონული) სარგებლობისას.

1787732881