კანონპროექტის განმარტებითი ბარათის თანახმად, ცვლილებების მომზადება განაპირობა იმ ფაქტმა, რომ საქართველოში მოქმედმა სხვადასხვა უნივერსიტეტმა უცხო ქვეყანაში ფილიალის გახსნის ინტერესი გამოხატა, რასაც შესაბამისი სამართლებრივი ბაზა სჭირდება.ახალი რეგულაციებით, საქართველოში ავტორიზებულ უმაღლეს სასწავლებლებს შეეძლებათ, მიმღები სახელმწიფოს კანონმდებლობის დაცვით, უცხოეთში ფილიალები დააფუძნონ. მსგავს ფილიალებში საქმიანობის დასაწყებად სავალდებულო იქნება შესაბამისი უფლების მოპოვება (ავტორიზაციის სტანდარტებთან შესაბამისობის შემოწმებით) და პროგრამების აკრედიტაცია. კურსდამთავრებულებს დიპლომს ქართული უნივერსიტეტი გადასცემს, ხოლო დიპლომის დანართში მიეთითება ინფორმაცია უცხო ქვეყნის ფილიალში სწავლის შესახებ. ამასთან, უცხოეთის ფილიალში მისაღები სტუდენტების რაოდენობა ცალკე განისაზღვრება და არ შევა საქართველოში არსებული ძირითადი კამპუსის კვოტაში.კანონპროექტით ასევე იცვლება სტუდენტის სტატუსისა და აკრედიტაციის ვადები. საგანმანათლებლო პროგრამების ხანგრძლივობის შემცირებისა და პროფესიული პროგრამების შედარებით მცირე ხანგრძლივობის გათვალისწინებით, პირობითი აკრედიტაციის მაქსიმალური ვადა ოთხიდან ორ წლამდე მცირდება, ხოლო სტუდენტისა და პროფესიული სტუდენტის სტატუსის შეჩერების ვადა, ხუთიდან სამ წლამდე. ამ პერიოდში სტუდენტებს შეუნარჩუნდებათ მობილობით სარგებლობისა და სწავლის სხვა საგანმანათლებლო დაწესებულებაში გაგრძელების შესაძლებლობა.გარდა ამისა, მარტივდება დისტანციური განათლების აღიარების პროცედურა, უცხოეთში დისტანციურად მიღებული განათლების აღიარებისთვის აღარ იქნება საჭირო გამოცდების უცხო ქვეყანაში, ადგილზე ჩაბარება. თუმცა, ძალაში რჩება პროგრამის აკრედიტაციის მოთხოვნები და პრაქტიკულ, ლაბორატორიულ, კლინიკურ ან სამუშაო ადგილზე სწავლების კომპონენტებთან დაკავშირებული შეზღუდვები.საკანონმდებლო პაკეტით იზრდება ავტორიზაციის საბჭოსა და განათლების ხარისხის განვითარების ეროვნული ცენტრის მანდატიც. კერძოდ, ავტორიზაციის ან პირობების შესრულების შემოწმების პროცესში, საბჭოს უფლება ექნება, უნივერსიტეტს სტუდენტთა მიღების უფლება არანაკლებ 1 და არაუმეტეს 3 წლის ვადით შეუზღუდოს. გეგმური და არაგეგმური მონიტორინგის პარალელურად, შემოდის განგრძობითი შემოწმების მექანიზმი, რაც ცენტრს სასწავლო და კვლევით პროცესებზე უფრო ხანგრძლივი დაკვირვების საშუალებას მისცემს. ასევე, ფართოვდება გასაჩივრებას დაქვემდებარებული გადაწყვეტილებების წრე და სააპელაციო საბჭოში შესაძლებელი ხდება ავტორიზაციისა და აკრედიტაციის საბჭოების ყველა გადაწყვეტილების გასაჩივრება, ნაცვლად მხოლოდ უარის თქმის ან გაუქმების გადაწყვეტილებებისა.ახალი და გაფართოებული ფასიანი ადმინისტრაციული წარმოებების შედეგად, განათლების ხარისხის განვითარების ეროვნული ცენტრის შემოსავლები გაიზრდება. უცხოეთში ფილიალის გახსნის უფლების მოპოვების საორიენტაციო საბაზო საფასური ერთ წარმოებაზე 30 000 – 50 000 ლარი იქნება, რასაც უცხოეთში ვიზიტის სამივლინებო ხარჯიც დაემატება. სამინისტრო მომდევნო სამ წელში წელიწადში მაქსიმუმ ორ განაცხადს ელოდება, საიდანაც საბაზო წლიური შემოსავალი 60 000 – 100 000 ლარით განისაზღვრება. რაც შეეხება ფილიალის პროგრამების სავალდებულო აკრედიტაციას, 1–2 პროგრამაზე საფასური 35 376 ლარი იქნება, 3–4 პროგრამაზე - 55 634 ლარი, ხოლო 5–8 პროგრამაზე - 89 244 ლარი (მოსალოდნელია წელიწადში მაქსიმუმ 5 განაცხადი).ცვლილებები სხვა წარმოებების ტარიფებსაც განსაზღვრავს: სტუდენტთა ადგილების ზღვრული რაოდენობის გაზრდის ერთი წარმოების საფასური 6 328 ლარი იქნება (მივლინების საჭიროებისას - 8 134 ლარი), საიდანაც წელიწადში მაქსიმუმ 10 განაცხადის პირობებში, ცენტრი 66 892 ლარს მიიღებს. საქმიანობის მისამართის ან ფართის ცვლილების საფასური დაახლოებით 3 000 – 5 000 ლარით განისაზღვრება და წელიწადში 10 განაცხადიდან ცენტრი 30 000 – 50 000 ლარის შემოსავალს პროგნოზირებს. ხოლო გასაჩივრებას დაქვემდებარებული გადაწყვეტილებების წრის გაფართოების შედეგად, წელიწადში მაქსიმუმ 5 დამატებითი საჩივრის შემთხვევაში, დასაშვებობის საფასურიდან (თითოეულზე 200 ლარი) ცენტრი 1 000 ლარს, ხოლო განხილვის საფასურიდან (თითოეულზე 2 777 ლარი) - 13 885 ლარს მიიღებს.
1794995870
ამავე პერიოდში უმოქმედო სესხების წილმა მთლიან სესხებთან მიმართებით უზბეკეთში 11.8% შეადგინა, რაც ივნისის პერიოდთან შედარებით 1.2 პ.პ-ით გაზრდილი მაჩვენებელია.ამავე დროს, საქართველოში უმოქმედო სესხების წილმა მთლიან სესხებთან მიმართებით 2.6% შეადგინა, რაც 0.1 პ.პ-ით შემცირებული მაჩვენებელია (q.q).საერთო ჯამში, სექტემბრის მდგომარეობით უმოქმედო სესხების ოდენობამ საქართველოში ₾794.2 მლნ შეადგინა, 1%-ით მეტი (q.q). ზრდა უმოქმედო საცალო სესხების მატებამ გამოიწვია (+10.7%), რომელიც მთლიან მაჩვენებელში უმოქმედო CIB-ისა (-3.9%) და MSME (მიკრო, მცირე და საშუალო საწარმოები) სესხების (-2.5%) მაჩვენებელმა დააბალანსა.მიუხედავად იმისა, რომ ცვლილებები როგორც კლების, ისე ზრდის მიმართულებით იყო (ჯამური ზრდით 4.1% q.q), მთლიან სესხებთან მიმართებით, უმოქმედო სესხების წილი ივნისის მსგავსად კვლავ 3.3%-ია.გასათვალისწინებელია, რომ საანგარიშო პერიოდში NPL-ის გაუფასურების რეზერვი გადაფარვის კოეფიციენტი ჯგუფის დონეზე 119.1%-ია, მაშინ, როცა მარეგულირებლის მოთხოვნა 67.2%-ია. საქართველოში მარეგულირებლის მოთხოვნა 52.6%-ია, როცა ჯამური გადაფარვის კოეფიციენტი ჯგუფს 122.8%-იან დონეზე აქვს შენარჩუნებული. უზბეკეთში კი 108.5%-იანი მარეგულირებლის მოთხოვნა 108.5%-ზე აქვს შენარჩუნებული.
1794991600
ფინანსური რესურსი საქართველოში საცალო ვაჭრობის სექტორის განვითარებას მოხმარდება; ადგილობრივ კომპანიებს ვაჭრობის დაფინანსებაზე წვდომას გაუზრდის და საერთაშორისო ბაზრებზე პოზიციების გაძლიერებაში დაეხმარება. კომპანიები შეძლებენ, უფრო მარტივად მართონ ექსპორტ-იმპორტის ოპერაციები და დამატებითი რისკების გარეშე გააფართოონ ბიზნესი.„ვაჭრობის დაფინანსება ბიზნესის ზრდისა და საერთაშორისო ბაზრებზე გასვლისთვის მნიშვნელოვანი ინსტრუმენტია. თიბისის მიზანია, კომპანიებს ამ შესაძლებლობებით სარგებლობა გაუმარტივოს და მათს განვითარებას შეუწყოს ხელი. სწორედ ამიტომ, საერთაშორისო ფინანსურ ინსტიტუტებთან თანამშრომლობა ჩვენთვის განსაკუთრებით მნიშვნელოვანია - მოზიდული რესურსი აფართოებს ბიზნესისთვის ხელმისაწვდომი დაფინანსების შესაძლებლობებს და გვაძლევს საშუალებას, კერძო სექტორის განსხვავებულ საჭიროებებს უფრო ეფექტიანად ვუპასუხოთ. სწორედ ამ მიდგომების დამსახურებაა, რომ 1000-ზე მეტი კომპანია გვენდობა და 47%-იანი წილით ბაზრის ლიდერობას ვინარჩუნებთ”, – თამარ ხიზანიშვილი, თიბისის ვაჭრობის ფინანსირებისა და ფაქტორინგის დეპარტამენტის დირექტორი.„მოხარულები ვართ, რომ ვაგრძელებთ თიბისისთან წარმატებულ პარტნიორობას და ხელს ვუწყობთ ვაჭრობის დაფინანსებაზე ხელმისაწვდომობის ზრდას საქართველოში. დამატებითი ფინანსური რესურსით შეგვიძლია, დავეხმაროთ ქართულ ბიზნესებს ვაჭრობის განვითარებაში, ზრდასა და საერთაშორისო ბაზრებთან უფრო ეფექტიანად დაკავშირებაში“, – სტივენ ბეკი, აზიის განვითარების ბანკის ვაჭრობისა და მიწოდების ჯაჭვის დაფინანსების პროგრამის ხელმძღვანელი.„საერთაშორისო ვაჭრობაში ჩართული ბიზნესებისთვის პროდუქტის ტრანსპორტირებისთვის საჭირო დაფინანსება ისეთივე მნიშვნელოვანია, როგორც თავად პროდუქტი. IFC მხარს უჭერს თიბისის, რათა ეს რესურსები კიდევ უფრო ხელმისაწვდომი გახდეს საცალო ვაჭრობის სექტორისთვის საქართველოში. გლობალური ვაჭრობის დაფინანსების პროგრამის მეშვეობით ხელს ვუწყობთ, რომ აუცილებელი პროდუქტები - საკვები, ფარმაცევტული პროდუქცია და სამედიცინო მოწყობილობები - შეუფერხებლად მიეწოდებოდეს იმ ადამიანებსა და ბიზნესებს, რომლებსაც ისინი სჭირდებათ“, – მაკიკო ტოიოდა, IFC-ის ვაჭრობისა და მიწოდების ჯაჭვის დაფინანსების მიმართულების გლობალური მენეჯერი.აზიის განვითარების ბანკი წამყვანი საერთაშორისო განვითარების ბანკია, რომელიც მხარს უჭერს მდგრად და ინკლუზიურ ზრდას აზიასა და წყნარი ოკეანის რეგიონში. ADB იყენებს ინოვაციურ ფინანსურ ინსტრუმენტებსა და სტრატეგიულ პარტნიორობებს, რათა გააუმჯობესოს ადამიანების ცხოვრება, განავითაროს ხარისხიანი ინფრასტრუქტურა და დაიცვას გარემო. ბანკი 1966 წელს დაარსდა და 69 წევრს აერთიანებს, საიდანაც 50 რეგიონის ქვეყანაა.IFC-ის გლობალური ვაჭრობის დაფინანსების პროგრამა (GTFP) კორპორაციის წამყვანი ინიციატივაა ვაჭრობის დაფინანსების მიმართულებით. პროგრამის ფარგლებში IFC პარტნიორ ბანკებს ნაწილობრივ ან სრულ გარანტიებს სთავაზობს, რომლებიც განვითარებად ბაზრებზე მოქმედი ემიტენტი ბანკების გადახდის რისკებს ფარავს. დამატებითი ინფორმაციისთვის ეწვიეთ: www.ifc.org/trade(R)
1794990377
ჟურნალ Scientific Reports-ში გამოქვეყნებული კვლევის ფარგლებში, მეცნიერებმა გაერთიანებული სამეფოს ბიობანკის (UK Biobank) მონაცემთა ბაზიდან 250 791 ზრდასრული ადამიანის ჯანმრთელობის მაჩვენებლები გააანალიზეს და მათ 14 წლის განმავლობაში აკვირდებოდნენ.კვლევის შედეგების მიხედვით, ადამიანებს, რომლებიც კვირაში ცხრა ერთეულ სპირტიან სასმელს მოიხმარენ, თირკმლის მწვავე დაზიანების განვითარების 26%-ით მეტი ალბათობა აქვთ, ვიდრე მათ, ვინც კვირაში მხოლოდ ერთ ერთეულს იღებს. მაღალი რისკის ქვეშ არიან ლუდის მომხმარებლებიც, კვირაში 24 ერთეული ლუდის მიღება დაავადების განვითარების რისკს 15%-ით ზრდის იმ პირებთან შედარებით, ვინც კვირაში სამ ერთეულს სვამს.ამის საპირისპიროდ, კვირაში 14 ერთეულზე ნაკლები წითელი ან თეთრი ღვინის მოხმარება თირკმელების დაზიანების რისკს არ ზრდის და მეტიც, მის შემცირებასაც უწყობს ხელს. თუმცა, კვლევის ხელმძღვანელის, დოქტორ რუდოლფ შუტეს განმარტებით, თუ ღვინის მომხმარებლები კვირაში 14 ერთეულზე მეტს იღებენ (რაც დიდ ბრიტანეთში რეკომენდებული მაქსიმალური ნორმაა), ისინიც იმავე რისკის ქვეშ ექცევიან.მკვლევრების შეფასებით, თუკი ტრადიციულად ალკოჰოლის მიერ თირკმლის დაზიანება ღვიძლზე ზემოქმედებას უკავშირდებოდა, ახალი მონაცემები აჩვენებს, რომ ლუდი და სპირტიანი სასმელები თირკმელებს პირდაპირ, ანთებითი პროცესების გააქტიურების გზით აზიანებს. კერძოდ, მაღალი რისკის მქონე პირებში მომატებული აღმოჩნდა ანთებითი მარკერები (C-რეაქტიული ცილა და ნეიტროფილები), მაშინ როცა წითელმა და თეთრმა ღვინომ საპირისპირო, დამცავი ეფექტი აჩვენა, განსაკუთრებით მამაკაცებში წითელი ღვინის ზომიერი მოხმარებისას.მიუხედავად ამისა, მეცნიერები აღნიშნავენ, რომ კვლევამ მხოლოდ ასოციაციური და არა მიზეზშედეგობრივი კავშირი გამოავლინა. ალკოჰოლის კვლევის ინსტიტუტის თავმჯდომარე, დოქტორ პიტერ რაისი კი მონაცემების ფრთხილად ინტერპრეტაციისკენ მოუწოდებს. მისი თქმით, ალკოჰოლის მოლეკულის ზემოქმედება ქსოვილებზე სასმლის ტიპის მიხედვით არ იცვლება, ხოლო ღვინის მომხმარებლების უკეთესი ჯანმრთელობის მაჩვენებლები ხშირად სხვა სოციალურ-ეკონომიკური ფაქტორებით, უკეთესი კვების რაციონითა და ფიზიკური აქტივობით აიხსნება.
1794990281
შეხვედრა ჩინეთის სახელმწიფო რეზიდენცია „ცილინ შანჟუანში“, ვილა „ცილინიუანში“ გაიმართა. მოლაპარაკებები ადგილობრივი დროით დაახლოებით შუადღისას, გაფართოებულ ფორმატში დაიწყო. დელეგაციების მონაწილეობით გამართულ შეხვედრაზე მხარეებმა ეკონომიკური თანამშრომლობის შემდგომი განვითარების პერსპექტივები განიხილესშემდეგ საუბარი ვიწრო ფორმატში, სამუშაო საუზმის ფარგლებში გაგრძელდა. რუსეთის პრეზიდენტთან ერთად შეხვედრას რუსეთის საგარეო საქმეთა მინისტრი სერგეი ლავროვი და პუტინის თანაშემწე იური უშაკოვი ესწრებოდნენ.რუსეთისა და ჩინეთის ლიდერების შეხვედრა ჯამში ორ საათზე მეტხანს გაგრძელდა.პუტინისა და სი ძინპინის შეხვედრა წინ უსწრებს 19 ნოემბერს ჩინეთის ქალაქ შენჟენში დაგეგმილ ისტორიულ სამმხრივ სამიტს, რომელშიც აშშ-ის პრეზიდენტი დონალდ ტრამპი, რუსეთის პრეზიდენტი ვლადიმირ პუტინი და ჩინეთის ლიდერი სი ძინპინი მიიღებენ მონაწილეობას.ეს იქნება სამი ქვეყნის ლიდერების პირველი სამმხრივი პირისპირ შეხვედრა ისტორიაში. ეს შეხვედრა აზია-წყნარი ოკეანის ეკონომიკური თანამშრომლობის (APEC) სამიტის ფარგლებში გაიმართება.ჩინეთის საგარეო საქმეთა სამინისტროს განცხადებით, ლიდერები მსოფლიო მშვიდობის დაცვისა და წამყვან სახელმწიფოებს შორის სტრატეგიული სტაბილურობის საკითხებზე იმსჯელებენ. აშშ-ის ადმინისტრაციის ინფორმაციით, ტრამპის ერთ-ერთი მთავარი საკითხი ბირთვული შეიარაღების შემცირება იქნება.
1794988356
ვიზიტი საქართველოს ეროვნულ ბანკსა და კორეის ცენტრალურ ბანკს (Bank of Korea) შორის გაფორმებული ორმხრივი თანამშრომლობის შეთანხმების საფუძველზე, ცოდნის პარტნიორობის პროგრამის (Knowledge Partnership Program - KPP) ფარგლებში განხორციელდა.საქართველოს ეროვნული ბანკისა და კორეის ცენტრალური ბანკის ერთობლივ პროექტის მიზანი საქართველოში ღია ბანკინგისა და ღია ფინანსების განვითარებისთვის საერთაშორისო გამოცდილების შესწავლა და შესაბამისი რეკომენდაციების შემუშავებაა.სამუშაო ვიზიტის ფარგლებში საქართველოს ეროვნული ბანკის დელეგაციამ შეხვედრები გამართა კორეის ცენტრალური ბანკის, კორეის საფინანსო სატელეკომუნიკაციო და კლირინგის ინსტიტუტის (Korea Financial Telecommunications and Clearings Institute - KFTC) და სხვა შესაბამისი ორგანიზაციების წარმომადგენლებთან.შეხვედრებზე მხარეებმა განიხილეს სამხრეთ კორეის გამოცდილება საგადახდო ინფრასტრუქტურის განვითარების, ღია ბანკინგისა და ღია ფინანსების დანერგვის, ინოვაციური საგადახდო მომსახურებებისა და ფინანსურ სექტორში კონკურენციის ხელშეწყობის მიმართულებით. განსაკუთრებული ყურადღება დაეთმო ღია ბანკინგის როლს საგადახდო მომსახურებების განვითარებაში, ალტერნატიული საგადახდო არხების შექმნასა და მომხმარებლებისთვის ფინანსურ მომსახურებებზე ხელმისაწვდომობის გაზრდას.ეკატერინე გალდავას განცხადებით, საქართველოს ეროვნული ბანკისთვის პრიორიტეტულია თანამედროვე, უსაფრთხო და კონკურენტული საგადახდო ეკოსისტემის განვითარება, რაშიც მნიშვნელოვანი როლი ღია ბანკინგისა და ღია ფინანსების შესაძლებლობების გამოყენებას ენიჭება„საქართველოს ეროვნული ბანკი აქტიურად მუშაობს ისეთი საგადახდო გარემოს ჩამოყალიბებაზე, რომელიც ხელს შეუწყობს ინოვაციების დანერგვას, კონკურენციის გაძლიერებასა და მომხმარებლებისთვის მრავალფეროვანი ფინანსური მომსახურებების შეთავაზებას. სამხრეთ კორეას ამ მიმართულებით მნიშვნელოვანი გამოცდილება აქვს. ცოდნის პარტნიორობის პროგრამა გვაძლევს შესაძლებლობას, გავეცნოთ პრაქტიკაში დანერგილ გადაწყვეტილებებს და შევაფასოთ მათი გამოყენების პერსპექტივები საქართველოს საგადახდო ბაზარზე“, - აღნიშნა ეკატერინე გალდავამ.საქართველოს ეროვნული ბანკი განაგრძობს საერთაშორისო პარტნიორებთან თანამშრომლობას და საუკეთესო პრაქტიკის გაზიარებას, რაც ხელს შეუწყობს ქვეყანაში ღია ბანკინგისა და ღია ფინანსების შემდგომ განვითარებას, საგადახდო მომსახურებების ეფექტიანობის ზრდასა და ფინანსური ეკოსისტემის ინოვაციურ ტრანსფორმაციას.
1794987151
1 დეკემბრიდან ელექტრონული შესყიდვის აქტი ამოქმედდება
1793797714
ევროკავშირში ქართველი მაღალჩინოსნების დასანქცირებაზე შეთანხმება არ არი...
1793861856
UNI4VERSE – FINEDU-ს გამარჯვებული გუნდი Web Summit-ზე გაემგზავრება
1794300166
საქსტატმა 10-წლიანი დემოგრაფიული მონაცემები გადაიანგარიშა: 2015-2025 წ...
1794383189
ჯივიპი რუსთავში იაღლუჯის რეზერვუარის მაგისტრალური ქსელის რეაბილიტაციას...
1793968733












