საქართველოში დაფუძნებული საინვესტიციო ჰოლდინგის, Georgia Capital-ის, პორტფელის ღირებულება 2025 წლის მარტიდან 2026 წლის მარტამდე 23%-ით გაიზარდა და ₾5.04 მლრდ-ს (დაახლოებით $1.87 მლრდ) მიაღწია. ეს ზრდა ძირითადად განაპირობა Lion Finance Group-ის ღირებულების 43%-იანმა ზრდამ, რომელიც Georgia Capital-ის ყველაზე დიდი და ერთადერთი ბირჟაზე განთავსებული აქტივია.ამასთან, კერძო პორტფელის ღირებულება 18%-ით გაიზარდა. კერძო პორტფელის შედეგებზე გავლენა იქონია პორტფელის როტაციამაც, მათ შორის წყლის მომარაგების ბიზნესის გაყიდვამ.S&P-ს ხედვით კომპანიამ შეინარჩუნა დაბალანსებული ფინანსური პოლიტიკა, რომლის ფარგლებშიც პარალელურად ახორციელებდა არსებული ობლიგაციური ვალდებულებების დაფარვას და აქციონერებისთვის კაპიტალის დაბრუნებას. შედეგად, 2026 წლის 31 მარტის მდგომარეობით S&P Global Ratings-ის მიერ კორექტირებული Loan-to-Value (LTV) მაჩვენებელი 0.4%-ს შეადგენდა, რასაც მხარს უჭერდა ციკლის განმავლობაში 10%-იანი სამიზნე Net Capital Commitment (NCC) მაჩვენებელი.ამის გათვალისწინებით, S&P-მ გააუმჯობესა Georgia Capital-ისა და მისი $150 მლნ-ის მოცულობის ობლიგაციის რეიტინგი „BB“-მდე.სტაბილური პერსპექტივა (Stable Outlook) ასახავს S&P-ს მოლოდინს, რომ GCAP-ი შეინარჩუნებს LTV მაჩვენებელს მნიშვნელოვნად 10%-ზე დაბლა ნებისმიერი საბაზრო პირობების შემთხვევაში, გაატარებს კონსერვატიულ ფინანსურ პოლიტიკას კაპიტალის სტრუქტურის შემდგომი გაძლიერების მიზნით და უზრუნველყოფს აქტივების მყარ შედეგებს.სარეიტინგო სააგენტოს მოლოდინით, ჯგუფის პორტფელის ღირებულება საშუალოვადიან პერიოდში ძლიერ ზრდას განაგრძობს, ბოლო 18 თვის განმავლობაში დაფიქსირებული მაღალი შედეგების შემდეგ.“ველით, რომ Georgia Capital შეინარჩუნებს ფინანსური ლევერიჯის დაბალ დონეს, რასაც ხელს შეუწყობს ვალის მართვის დისციპლინირებული პოლიტიკის გაგრძელება”, - აცხადებს S&P და ამავე დროს აღნიშნავს, რომ მათ საბაზო სცენარში NCC მაჩვენებლის (რომელიც მ.წ 31 მარტის მდგომარეობით 3.9%-ია) მნიშვნელოვანი ზრდა გათვალისწინებული არ არის და ასეთ ზრდას მოცემულ რეიტინგთან შესაბამის ქმედებადაც არ მიიჩნევს.ეს კი მიუხედავად იმისა, რომ NCC 2025 წლის დეკემბრის 2.3%-იდან გაიზარდა, რასაც ძირითადად 2026 წლის თებერვალში გამოცხადებულ $50 მლნ-იან კაპიტალის შემცირების პროგრამას უკავშირებს, რომელიც სრულად შეესაბამება კაპიტალის განაწილების მოლოდინებს.„ჩვენი შეფასებით, კომპანიას შეუძლია გაუმკლავდეს შედარებით არასტაბილურ საბაზრო პირობებს, რომლებიც მისი აქტივების ღირებულებაზე იმოქმედებს და ამავდროულად შეინარჩუნოს LTV მაჩვენებელი მნიშვნელოვნად 10%-ზე ქვემოთ“.Georgia Capital-ის ბიზნესრისკის შეფასების ერთ-ერთ მთავარ შეზღუდვად S&P-სთვის კვლავ რჩება საქართველოში მაღალი კონცენტრაცია და ერთ დალისტულ აქტივზე Lion Finance Group-ზე მნიშვნელოვანი დამოკიდებულება, რომელიც პორტფელის მთლიანი ღირებულების 47.2%-ს შეადგენს და თავად LFG-ის 16.6%-ს ფლობს.S&P-ს შეფასებით, ჯგუფის მიერ ინვესტირებული კომპანიების საშუალო შეწონილი საკრედიტო ხარისხი „B+“-ის დონეს შეესაბამება.

1781111678

UzNIF-ის IPO-მ საერთაშორისო ინვესტორების მხრიდან მაღალი ინტერესი გამოიწვია და მოთხოვნამ $2.8 მლრდ-ს გადააჭარბა, ხოლო ტრანზაქციის მოცულობამ $603.6 მლნ შეადგინა.“მოხარულები ვართ, რომ ჩვენს მომხმარებლებს შესაძლებლობა მივეცით, მონაწილეობა მიეღოთ უზბეკეთის კაპიტალის ბაზრისთვის  ისტორიულ ტრანზაქციაში. UzNIF-ის პირველადი საჯარო განთავსება არა მხოლოდ უზბეკეთის, არამედ მთლიანად რეგიონის კაპიტალის ბაზრების განვითარების თვალსაზრისით მნიშვნელოვანი ეტაპია. გალტ & თაგარტი მომავალშიც გააგრძელებს ინვესტორებისთვის საერთაშორისო საინვესტიციო შესაძლებლობებზე წვდომის გაზიარებას“, - აცხადებს გიორგი კუპრაშვილი, გალტ & თაგარტის გენერალური დირექტორი.აღსანიშნავია, რომ UzNIF საინვესტიციო ფონდია, რომელიც ფლობს წილებს უზბეკეთის 13 სტრატეგიულ ორგანიზაციაში. 2025 წლიდან ფონდის მართვასა და სამეურვეო ფუნქციას Franklin Templeton ახორციელებს, რაც UzNIF-ს საერთაშორისო გამოცდილებისა და კაპიტალის ბაზრების განვითარების საუკეთესო პრაქტიკების გამოყენების შესაძლებლობას აძლევს.(R)

1781101378

გაცნობითი ხასიათის შეხვედრაზე ფინანსთა მინისტრმა ელჩს დიპლომატიური მისიის დაწყება მიულოცა და წარმატებები უსურვა.მხარეებმა მიმოიხილეს ორ ქვეყანას შორის ურთიერთთანამშრომლობის საკითხები, როგორც ორმხრივი, ისე რეგიონული მნიშვნელობის პროექტებში.ყურადღება გამახვილდა ორი ქვეყნის საბაჟო ადმინისტრაციებს შორის არსებულ მჭიდრო პარტნიორობაზე, რომელიც მოიცავს, როგორც საზღვრის კვეთის პროცედურების ხელშეწყობის, ისე სატრანზიტო შესაძლებლობების გაძლიერების საკითხებს, ასევე, საქონლისა და მგზავრების შეუფერხებელი გადაადგილების უზრუნველყოფასა და ვაჭრობის წახალისებას.თურქეთის რესპუბლიკის ელჩმა გამოთქვა მზაობა, ორ ქვეყანას შორის თანამშრომლობას მაქსიმალურად ხელი შეუწყოს.შეხვედრას დაესწრო ფინანსთა მინისტრის მოადგილე ეკატერინე გუნცაძე.

1781101067

SOLO-ს ინიციატივით შეიქმნა ვინილი “თაკარა” - ექსკლუზიური და ლიმიტირებული კოლექცია, რომელიც მხოლოდ 600 ეგზემპლარად გამოიცა და შესაძლებლობას აძლევს მსმენელს, სუხიშვილების ექსპერიმენტული სივრცის, თაკარას, უნიკალური ენერგია და ჟღერადობა საკუთარ სივრცეში გადაიტანოს.ვინილი აერთიანებს ილიკო სუხიშვილისა და მისი გუნდის კომპოზიციებს იმ სახით, რომლითაც ისინი თაკარას სცენაზე გაჟღერდა. ალბომი სტუდია Leno Records-ში ჩაიწერა.როგორც ილიკო სუხიშვილი აღნიშნავს, სცენაზე მუსიკა და მოძრაობა ერთმანეთისგან განუყოფელია, თაკარას შემთხვევაში მუსიკა ცეკვასთან ერთად, ნაბიჯ-ნაბიჯ და ბგერა-ბგერა იქმნება. სწორედ ამ პროცესის შედეგად იბადება ის განსაკუთრებული ენერგია, რიტმი და მუხტი, რომელიც წლების განმავლობაში თაკარას სცენის განუყოფელ ნაწილად იქცა.SOLO-ს ინიციატივით შექმნილი ვინილი „თაკარა“ ამ ენერგიის მატერიალური გამოხატულებაა. ფირფიტაზე შვიდი მუსიკალური ჩანაწერია თავმოყრილი - შვიდი განსხვავებული წარმოდგენიდან, რომლებმაც თაკარას სცენაზე საკუთარი ისტორია შექმნეს. ეს არის მუსიკალური კაფსულა, რომელიც სცენის ჯადოსნურ მომენტებს ინახავს და მსმენელს წარმოდგენის თანამონაწილედ აქცევს.ალბომში შესული კომპოზიციები ქართული კულტურის მრავალფეროვან ხასიათს წარმოაჩენს. მათ შორისაა „ქარაბშა“ - თავისუფალი, ლაღი და იმპროვიზაციული ენერგიით გამორჩეული დადგმის მუსიკა; „ჯარა“, რომელიც სვანურ მოტივებზეა დაფუძნებული და განსაკუთრებული სიზუსტითა და რიტმით გამოირჩევა; ასევე „კინტრიში“, რომელიც აჭარული ცეკვის მსუბუქ და ენერგიულ ბუნებას ასახავს.„თაკარა“ ლიმიტირებული ტირაჟით გამოიცემა. თითოეულ ვინილს საკუთარი სერიული ნომერი აქვს, რაც მას უნიკალურ საკოლექციო ნიმუშად აქცევს. ვინილის შეძენა SOLO ბუტიკში არის შესაძლებელი.საქართველოს ბანკი - სუხიშვილების გენერალური სპონსორი. (R)

1781096930

შეთავაზების ფარგლებში, 12, 13 და 14 ივნისს, Tbilisi Mall-ში შოპინგისას PLUS ბარათის მფლობელები 10-ჯერ მეტ PLUS ქულას დააგროვებენ. (მაქსიმუმ 100 ლარის PLUS ქულა).აქციით სარგებლობისთვის აუცილებელია შეთავაზების გააქტიურება მობილბანკში და გადახდის განხორციელება საქართველოს ბანკის ტერმინალზე.ინფორმაციისთვის, შეთავაზება ვრცელდება მხოლოდ შოპინგისა და აქსესუარების კატეგორიაზე და არ მოქმედებს კვების ობიექტებში, მარკეტებში, აფთიაქებში, გასართობ ზონებსა და სალონებში.Tbilisi Mall ერთ-ერთი ყველაზე დიდი სავაჭრო ცენტრია საქართველოში, რომელიც მომხმარებლებს მრავალფეროვან მაღაზიებსა და ბრენდებს სთავაზობს ყველა ასაკისა და გემოვნებისთვის.ასე რომ, თუ PLUS-ის დაბადების დღისთვის მეტი ქულის დაგროვება გსურთ, 12-14 ივნისს Tbilisi Mall-ში შოპინგი ამისთვის კარგი შესაძლებლობაა.შეთავაზებების გააქტიურება შესაძლებელია ამ ბმულზე. (R)

1781092073

პროექტის ფარგლებში საქართველოსთვის $372 მლნ-ის დაფინანსება გამოიყოფა. აღნიშნული თანხა მიიმართება როგორც საგზაო ინფრასტრუქტურის განვითარების, ისე საქართველოს რკინიგზის მოდერნიზაციის მიმართულებით.მინისტრის განმარტებით, ეს დოკუმენტი უფრო ფართო დაფინანსების პაკეტის ნაწილია, რომელიც ქვეყნისთვის, ჯამში, $750 მლნ-ის გამოყოფას ითვალისწინებს. ამავე პაკეტის ფარგლებში, დამატებით შეთანხმებებს ხელი მომდევნო თვეებში მოეწერება. პროექტში მსოფლიო ბანკთან ერთად აზიის განვითარების ბანკი (ADB) და აზიის ინფრასტრუქტურის საინვესტიციო ბანკი (AIIB) მონაწილეობენ.„ამ მიმართულებით დამატებით ვგეგმავთ საგზაო ინფრასტრუქტურის დაფინანსებისთვის, დაახლოებით, $350 მლნ-ის მოცულობის შეთანხმების გაფორმებას. თამამად შეგვიძლია ვთქვათ, რომ უახლოეს პერიოდში გაფორმდება 1.2-1.3 მილიარდი აშშ დოლარის მოცულობის შეთანხმებები, რაც მნიშვნელოვან წვლილს შეიტანს საქართველოში როგორც საგზაო, ისე სხვა ტიპის ინფრასტრუქტურის განვითარებაში", - აღნიშნა ლაშა ხუციშვილმა.

1781091579