თბილისი (GBC) – საქართველოს ბანკი, როგორც განათლების მხარდამჭერი, კომაროვის სკოლისა და საქართველოს ბანკის ერთობლივი საგანმანათლებლო პროექტის STEM სკოლის განხორციელებას აგრძელებს. პროექტი საბუნებისმეტყველო საგნების პოპულარიზაციის მიზნით შეიქმნა – STEM განათლება აერთიანებს ცოდნას მეცნიერების (Science), ტექნოლოგიის (Technology), ინჟინერიის (Engineering) და მათემატიკის (Mathematics) შესახებ.STEM სკოლა უკვე 2000-ზე მეტ მოსწავლეს აერთიანებს, რომელთაგან 500-ზე მეტი საქართველოს ბანკის სტიპენდიატია.ციფრულ ეპოქაში STEM მიმართულებით ცოდნა სულ უფრო და უფრო მოთხოვნადი ხდება: ელექტრული ინჟინერი, პროგრამისტი, მონაცემთა მეცნიერი, ავტომატიზაციის ინჟინერი, კიბერუსაფრთხოების სპეციალისტი – ეს მომავლის პროფესიების მხოლოდ მცირე ჩამონათვალია,  რომლებიც ტექნოლოგიური პროგრესის სამყაროში ყოველთვის მოთხოვნადი იქნება.STEM სკოლის მიზანია, ახალი თაობა გახდეს ტექნოლოგიების შემქმნელი და არა მხოლოდ მომხმარებელი, რისთვისაც სკოლა მოსწავლეებს აძლევს საბაზისო ცოდნას, მომავალში მათთვის საინტერესო პროფესიების დასაუფლებლად.ვის შეუძლია STEM სკოლაში სწავლა?STEM სკოლა განკუთვნილია საქართველოს საჯარო და კერძო სკოლების (კომაროვის გარდა) მე-7-დან მე-11 კლასის მოსწავლეებისთვის, ასევე საზღვარგარეთ მცხოვრები მოსწავლეებისთვის, რომლებიც ქართულ ენას კარგად ფლობენ.როგორი ფორმატით ასწავლიან STEM სკოლაში?STEM სკოლაში სწავლა ონლაინ მიმდინარეობს. მოსწავლეები კვირაში ერთხელ ესწრებიან გაკვეთილებს, რომლებსაც კომაროვის სკოლის და მოწვეული პედაგოგები ატარებენ.  ონლაინ ფორმატი განსაკუთრებით მნიშვნელოვანია რეგიონებში მცხოვრები მოსწავლეებისთვის, რადგან ის გეოგრაფიულ ბარიერს ხსნის და მაღალი ხარისხის განათლებას ყველასთვის თანაბრად ხელმისაწვდომს ხდის.მთლიანი კურსი 8-თვიანია, გაკვეთილები კვირაში ერთხელ, შაბათს ან კვირას, 2 ცვლად ტარდება.STEM სკოლის სასწავლო პროგრამაSTEM სკოლის კურიკულუმი და სასწავლო პროგრამა უნიკალურია – იგი არ არის რომელიმე სასკოლო საგნის ანალოგი.სასწავლო პროცესი ორ მოდულად იყოფა და ორ სემესტრზე ნაწილდება. პირველ მოდულში  მოსწავლეები ეუფლებიან ელექტროინჟინერიის, მიკროკონტროლერებისა და მათი სენსორების მართვის საწყისებს. სწავლის პროცესში ისინი იყენებენ სპეციალურ ონლაინ პლატფორმას Tinkercad, სადაც Arduino მიკროკონტროლერის დაპროგრამებას (C++ ენის გამოყენებით) და სხვადასხვა ელექტრული წრედის აწყობას  ვირტუალურ გარემოში სწავლობენ.  ამ მოდულის ფარგლებში მოსწავლეები ასევე იღრმავებენ ცოდნას ფიზიკასა (ელექტრობა) და პროგრამირებაში. მეორე მოდულში მოსწავლეები  პრაქტიკულ სამუშაოზე გადადიან და პროექტებს რეალური ელექტრონული კომპონენტების საშუალებით ასრულებენ. ამ ეტაპზე მათ საშუალება აქვთ, ონლაინ შექმნილი სქემები რეალურად ააგონ და მიღებული თეორიული ცოდნა პრაქტიკაში გამოიყენონ. სწავლის პროცესში მოსწავლეები მუშაობენ ისეთ პრაქტიკულ პროექტებზე, როგორიცაა, მაგალითად, შუქნიშნის მოდელის აწყობა, მოძრაობის სენსორის ამუშავება, ან სენსორების გამოყენებით ტენიანობის, წნევისა და ქარის სიჩქარის გაზომვა.  ეს პროცესი მათ არა მხოლოდ ტექნიკურ ცოდნას, არამედ კრეატიულ და კრიტიკულ აზროვნებას უვითარებს.STEM სკოლაში სწავლის საფასური და დაფინანსებასწავლის პროცესში ჩართულობისთვის, მოსწავლეს ესაჭიროება წვდომა ინტერნეტსა და პერსონალურ კომპიუტერზე ან ლეპტოპზე. სკოლა, თავის მხრივ, უზრუნველყოფს ყველა საჭირო სახელმძღვანელოსა და საგანმანათლებლო რესურსს.საქართველოს ბანკი, მისაღები ტესტირების შედეგების საფუძველზე, ყოველწლიურად  90 საუკეთესო მოსწავლეს ავლენს, რომლებსაც სწავლას უნაზღაურებს. კერძოდ, 60 სტიპენდიატი  100%-იან, ხოლო 30 – 50%-იან დაფინანსებას იღებს.რეგისტრაცია STEM სკოლაშირეგისტრაცია წელიწადში ორჯერ, გაზაფხულისა და შემოდგომის სემესტრების დასაწყისში ცხადდება. STEM სკოლაში მოსახვედრად მოსწავლეებს ჩართული ვიდეოკამერებით,  ონლაინ ტესტირება უტარდებათ, რომელიც ლოგიკური აზროვნების უნარს, ალგორითმულ აზროვნებასა და მათემატიკის ცოდნას ამოწმებს. გაითვალისწინე, რომ რეგისტრაცია 30 სექტემბრამდე გაგრძელდება.დარეგისტრირდი STEM სკოლაში(R)

1789455179

„ვალდაის“ კლუბმა ყოველწლიური შეხვედრის შესახებ ორშაბათს გამოაცხადა. კლუბის ვებგვერდზე გამოქვეყნებული ინფორმაციით, წელს ღონისძიება მოსკოვის ოლქში გაიმართება.FT-ის ცნობით, შეხვედრაზე მიწვეულმა პირებმა ადგილის შეცვლის შესახებ ჯერ კიდევ აგვისტოში შეიტყვეს, თუმცა თავდაპირველად მათ მოსაწვევები სოჭში ღონისძიების ჩასატარებლად მიიღეს.კრემლის პრესსპიკერმა დმიტრი პესკოვმა და „ვალდაის“ კლუბმა FT-ის შეკითხვებს ღონისძიების ადგილის შეცვლის მიზეზებთან დაკავშირებით არ უპასუხეს.გამოცემა აღნიშნავს, რომ ადგილის ცვლილება მიუთითებს, რომ კრემლი სულ უფრო მეტად არის შეშფოთებული უკრაინული საშუალო და შორ მანძილზე მოქმედი დრონებისგან პუტინისთვის შესაძლო საფრთხის შექმნის გამო.პუტინი, ტრადიციულად, „ვალდაის“ ყოველწლიური შეხვედრის ბოლო დღეს გამოდის სიტყვით და კითხვა–პასუხის ხანგრძლივ სესიას მართავს.

1789453423

VTB ბანკი აშშ-ის სექტორულ სანქციებს (SSI – Sectoral Sanctions Identifications) 2014 წლის ივლისიდან ექვემდებარება. მაშინ ბანკი აშშ-ის ფინანსური სისტემიდან სრულად არ დაბლოკილა და შეზღუდვა ძირითადად ამერიკული კომპანიების მხრიდან მისთვის დაფინანსების მიწოდებას შეეხო.2022 წლის თებერვალში VTB აშშ-ის SDN (Specially Designated Nationals and Blocked Persons) სიაში შეიყვანეს. ეს ე.წ. ბლოკირების სანქციებს გულისხმობდა, მათ შორის ბანკის აშშ-ში არსებული აქტივების გაყინვას, დოლარში ტრანზაქციების აკრძალვას და ამერიკულ კონტრაგენტებთან ოპერაციების შეზღუდვას.VTB საქართველოშიVTB Bank Georgia-ს საქმიანობა საქართველოში 2022 წლის თებერვალში რუსეთის წინააღმდეგ დაწესებული საერთაშორისო სანქციების შემდეგ მკვეთრად შეიზღუდა. ეროვნულმა ბანკმა ბანკის ლარში საკორესპონდენტო ანგარიშები დახურა და სათავო ბანკთან ვალდებულებების ანგარიშსწორებაზეც შეზღუდვები დაუწესა.2022 წლის 27 თებერვალს ბაზისბანკმა განაცხადა, რომ VTB Bank Georgia-ს საცალო ბიზნესს იძენდა. გარიგება მოიცავდა ფიზიკური პირების დეპოზიტებს, მიმდინარე ანგარიშებსა და საცალო საკრედიტო პორტფელს. შემდგომში VTB-ის საცალო ბიზნესი ბაზისბანკს გადაეცა, ხოლო მცირე და საშუალო ბიზნესის პორტფელის ნაწილი ლიბერთი ბანკში გადავიდა.ამასთან, თავად VTB Bank Georgia-ს საქმიანობა სრულად არ შეწყვეტილა: ბანკმა ლიცენზია შეინარჩუნა და მნიშვნელოვნად შემცირებული მასშტაბით, შეზღუდული რაოდენობის კორპორაციულ კლიენტებთან განაგრძობდა ოპერირებას. ეროვნული ბანკის მიერ დაწესებული შეზღუდვების პირობებში მისი საქმიანობა ძირითადად არსებული სესხების ამოღებას, დეპოზიტარების მიერ თანხების გატანასა და ადმინისტრაციული ხარჯების დაფარვას მოიცავდა.

1789448284

შეხვედრაზე ლაშა ხუციშვილმა კიდევ ერთხელ, ხაზი გაუსვა შემოსავლების სამსახურისმუშაობის მნიშვნელობას და იმედი გამოთქვა, რომ კვლავ გაგრძელდება ყველა ის რეფორმა, რომელიც ხელს შეუწყობს ეფექტიანი და უწყვეტი საგადასახადო/საბაჟო ადმინისტრირების პროცესის წარმართვას.ფინანსთა მინისტრმა აღნიშნა მამუკა ბარათაშვილის მუშაობის მრავალწლიანი გამოცდილება  და იმედი გამოთქვა, რომ წარმატებული საქმიანობა ახალ პოზიციაზე კვლავ გაგრძელდება.თავის მხრივ, მამუკა ბარათაშვილმა მადლობა განაცხადა ნდობისთვის და აღნიშნა, რომ შემოსავლების სამსახური უწყების ყველა თანამშრომელთან ერთად, კვლავ გააგრძელებს ქვეყნის ეკონომიკური წინსვლის ხელშეწყობას და ინსტიტუციური შესაძლებლობების განვითარებას.ფინანსთა მინისტრმა, ლაშა ხუციშვილმა უწყების ყოფილ ხელმძღვანელს, მიხეილ მაღლაკელიძეს მადლობა გადაუხადა გაწეული სამსახურისთვის და წარმატებები უსურვა მომავალ საქმიანობაში. თავის მხრივ,  მან მადლობა გადაუხადა კოლეგებს მხარდაჭერისთვის და მამუკა ბარათაშვილს წარმატებები უსურვა ახალ თანამდებობაზე მუშაობის პროცესში.ფინანსთა სამინისტროში გამართულ შეხვედრას დაესწრნენ ფინანსთა მინისტრის მოადგილეები, ასევე შემოსავლების სამსახურის უფროსის მოადგილეები და  სტრუქტურული ერთეულების ხელმძღვანელი პირები.

1789400957

„ძალიან გვიხარია, რომ საქართველოს ფინანსურმა საზოგადოებამ აგვირჩია სასურველ პარტნიორად და ვართ GMAP-ის პროგრამის ინიციატივის ნაწილი, რომელიც მიზნად ისახავს საქართველოს ეკონომიკური ზრდისა და ფინანსური მდგრადობის გაძლიერებას. Nasdaq-ი, ვაერთიანებთ საზოგადოებებს, ეს არის კომპანიის დნმ-ი და არსი, რადგან ისტორიულად ჩვენ ბაზრებს ვმართავთ. აქ, Nasdaq-ის ფინტექი ასევე უზრუნველყოფს ტექნოლოგიას საქართველოს ფინანსური საზოგადოების გასაერთიანებლად, რათა გაუმჯობესდეს ფინანსური ინფრასტრუქტურა " - ამის შესახებ „GMAP ბაზრის განვითარების ფორუმზე" Nasdaq-ის მმართველმა დირექტორმა ვინსენტ ლემარმა განაცხადა.საქართველოს ეროვნული ბანკის (სებ) და საქართველოს ფინანსური ბაზრების ხაზინების ასოციაციის (GFMTA) ორგანიზებითა და Nasdaq-თან პარტნიორობით, თბილისში, ორდღიანი საერთაშორისო ღონისძიება „GMAP ბაზრის განვითარების ფორუმი 2026" გაიმართა.ფორუმის ფარგლებში საზოგადოებას წარედგინა საქართველოს ფინანსური ბაზრების განვითარების პროგრამის (GMAP) კონცეფცია. GMAP-ის მიზანია, ხელი შეუწყოს საქართველოს ფინანსურ ბაზრებზე რისკის მართვისა და ჰეჯირების ინსტრუმენტების ხელმისაწვდომობის ზრდას და მეტად ლიკვიდური და საერთაშორისოდ ხელმისაწვდომი ფასიანი ქაღალდების ბაზრის ფორმირებას. ღონისძიების ერთ-ერთი მთავარი საკითხი ბაზრის განვითარების ინიციატივის ტექნოლოგიური კომპონენტი იყო, რომელიც Nasdaq-თან ერთად ხორციელდება.

1789400717

საქართველოს ეროვნული ბანკის (სებ) და საქართველოს ფინანსური ბაზრების ხაზინების ასოციაციის (GFMTA) ორგანიზებითა და Nasdaq-თან პარტნიორობით, თბილისში, ორდღიანი საერთაშორისო ღონისძიება „GMAP ბაზრის განვითარების ფორუმი 2026" გაიმართა.ფორუმის ფარგლებში საზოგადოებას წარედგინა საქართველოს ფინანსური ბაზრების განვითარების პროგრამის (GMAP) კონცეფცია. GMAP-ის მიზანია, ხელი შეუწყოს საქართველოს ფინანსურ ბაზრებზე რისკის მართვისა და ჰეჯირების ინსტრუმენტების ხელმისაწვდომობის ზრდას და მეტად ლიკვიდური და საერთაშორისოდ ხელმისაწვდომი ფასიანი ქაღალდების ბაზრის ფორმირებას. ამ მიზნის მისაღწევად, სხვა ინიციატივებთან ერთად, მნიშვნელოვანი როლი აქვს თანამედროვე სახაზინო ინფრასტრუქტურის დანერგვას, რაც საშუალებას მისცემს ადგილობრივ კომერციულ ბანკებს, ბაზარს რისკის ჰეჯირების უფრო მეტად ხელმისაწვდომი და მრავალფეროვანი ინსტრუმენტები შესთავაზონ.„Nasdaq-თან და სხვა საერთაშორისო პარტნიორებთან თანამშრომლობით გვინდა შევქმნათ ერთობლივი გუნდი, რომელიც ფოკუსირებული იქნება ქართული ფინანსური ბაზრების ლიკვიდობის გაზრდასა და გაღრმავებაზე. სწორედ ეს არის დღევანდელი ღონისძიების დანიშნულება, რომელიც წელიწადში ორჯერ ჩატარდება და ძალიან დიდ მნიშვნელობას შეიძენს საქართველოს ფინანსური ბაზრების განვითარების საქმეში" - აღნიშნა ალექსანდრე ხაზარაძემ.მისივე შეფასებით, საქართველოს ფინანსური ბაზრების განვითარების პროგრამის წარმატება დამოკიდებულია კერძო და სახელმწიფო სექტორების თანამშრომლობაზე, ასევე ტექნოლოგიური გადაწყვეტებისა და ტექნოლოგიური სისტემების დანერგვაზე. მისი თქმით ნებისმიერი ფინანსური ტრანზაქცია დაკავშირებულია რისკებთან და ეს რისკები უნდა იყოს მართული, უნდა გაიზომოს, არსებობდეს ლიმიტები და რისკების ტრანსფორმაციის საშუალება რაც ფინანსებში ტექნოლოგიების გარეშე შეუძლებელია."საზიარო სახაზინო მართვის სისტემის დანერგვის პროექტის ფარგლებში ბანკები სახაზინო ოპერაციებს განახორციელებენ Nasdaq Calypso-ს ბაზაზე, რომელიც ფარავს სახაზინო ოპერაციების სრულ ციკლს. საზიარო სისტემა წარმოადგენს პრაქტიკულ ინსტრუმენტს, რომელიც საქართველოს საბანკო სექტორს აძლევს საშუალებას, განავითაროს ის შესაძლებლობები, რომლებიც საჭიროა GMAP-ის ფარგლებში დასახული ბაზრის განვითარების მიზნების მისაღწევად. მართონ დიდი მოცულობს რისკები ისე, რომ მათი ბიზნესი იყოს დაცული და ჰეჯირების ინსტრუმენტებით კლიენტებს შეღავათიან ფასებში მოემსახურონ", - აღნიშნა ალექსანდრე ხაზარაძემ.

1789400400