სილქ ბანკის აქციონერებმა კაპიტალი შეავსეს, 102 მლნ-მდე

GBC სრულად გთავაზობთ ფინანსთა სამინისტროს მიერ გავრცელებულ განცხადებას:"გვსურს, გამოვეხმაუროთ მიზანმიმართულ სპეკულაციებს იანვარ-მარტის სახელმწიფო ბიუჯეტის შესრულების წინასწარი მაჩვენებლების შესახებ, რაც ყოველგვარ საფუძველს მოკლებულია და საზოგადოების განზრახ შეცდომაში შეყვანას ისახავს მიზნად.უპირველეს ყოვლისა, ხაზგასმით აღვნიშნავთ, რომ მთლიანობაში, როგორც სახელმწიფო, ისე ნაერთი ბიუჯეტის შემოსავლებისა და გადასახადების ფაქტობრივი მაჩვენებლები გადაჭარბებით შესრულდა, გადასახადების ზოგიერთ სახეობაში, ფაქტობრივი მაჩვენებლის საპროგნოზო მაჩვენებელთან ჩამორჩენის მიუხედავად.2025 წლის პირველ კვარტალში ნაერთი ბიუჯეტის შემოსავლებმა 6.5 მილიარდი ლარი შეადგინა, რაც საპროგნოზო მაჩვენებლის 102.1% იყო. მათ შორის, საგადასახადო შემოსავლები 6.1 მილიარდი ლარია, რაც საპროგნოზო მაჩვენებელზე (6.0 მილიარდი ლარი) 118 მილიონი ლარით მეტია და 102.0%-ს შეადგენს.გადაჭარბებით შესრულდა სახელმწიფო ბიუჯეტის შემოსავლების გეგმა. კერძოდ, იანვარ-მარტში მიღებულმა სახელმწიფო ბიუჯეტის შემოსავლებმა შეადგინა პირველი კვარტლის საპროგნოზო მოცულობის (5.6 მილიარდი ლარი) 102.1% - 5.7 მილიარდი ლარი. მათ შორის, გადასახადების საპროგნოზო მაჩვენებელი შეადგენდა 5.3 მილიარდ ლარს, ხოლო ფაქტი 5.4 მილიარდი ლარია, რაც გეგმის 102.3%-ს შეადგენს.სახელმწიფო ბიუჯეტის ჯამური შემოსულობების ფაქტიურმა მაჩვენებელმა 6.7 მილიარდი ლარი შეადგინა, რაც საპროგნოზო მოცულობის 100.5%-ია.აღსანიშნავია, რომ 2025 წლის პირველი კვარტლის ბოლოს, სახელმწიფო ბიუჯეტისა და ადგილობრივი ბიუჯეტების ნაშთებზე განთავსებული იყო შესაბამისად, 1.7 მილიარდი და 0.7 მილიარდი ლარი.ზემოაღნიშნულიდან გამომდინარე, კიდევ ერთხელ განვმარტავთ, რომ არა თუ ბიუჯეტის დაგეგმილი მაჩვენებლის შესრულებას არ აქვს არავითარი პრობლემა, ბიუჯეტის საშემოსავლო ნაწილი სრულდება გადაჭარბებით და საბიუჯეტო ვალდებულებების შესრულებასთან დაკავშირებით გამოთქმული ვარაუდები არის მორიგი სიცრუე და სპეკულაცია".

1745334488

პროექტის ჯამური ღირებულება 230,000 დოლარია და ის სრულიად საქართველოს ბანკის მიერ განხორციელებული ინვესტიციაა.აღნიშნული პროექტის ფარგლებში, ავჭალაში, აგროჰაბის ცენტრალური წარმოების ტერიტორიაზე, 4,000კვ.მ ფართობზე, 625 kW (DC) სიმძლავრის მზის პანელები დამონტაჟდა. კონტრაქტორ კომპანიას კი საქართველოს ბანკის პარტნიორი და მზის ელექტროსადგურების საინჟინრო და სამშენებლო კომპანია  „Shine Energy” წარმოადგენს.„საქართველოს ბანკი, როგორც ძლიერი კერძო ფინანსური ინსტიტუტი, გარემოზე ზრუნვას და მწვანე მიმართულებით ახალი პროექტების ხელშეწყობას განაგრძობს. მოხარულები ვართ, რომ ჩვენი დიდი ხნის პარტნიორი კომპანია „აგროჰაბი“ რომელთანაც დაარსების დღიდან ვპარტნიორობთ და ერთობლივად არაერთი მნიშვნელოვანი პროექტი განვახორციელეთ, ამჯერად მწვანე მიმართულებით ვთანამშრომლობთ. აღსანიშანავია ისიც, რომ ეს პროექტი საქართველოს ბანკის კიდევ ერთი პარტნიორ ბიზნესთან „Shine Energy”-სთან ერთად განხორციელდა, რომელიც საქართველოს ბანკის მომხმარებლებს განსაკუთრებულ შეთავაზებებს სთავაზობს. მსგავსი პროექტები კარგი მაგალითია და მნიშვნელოვნად უწყობს ხელს საქართველოში მწვანე მიმართულების განვითარებას და გაძლიერებას. ჩვენ კი აქ არ ვჩერდებით და ვაგრძელებთ ერთად მწვანე ინიციატივების მხარდაჭერასა და განხორციელებას”, - განაცხადა საქართველოს ბანკის კორპორაციული გაყიდვების სექტორის უფროსმა ირაკლი კიკალიშვილმა.

1745328822

აქამდე Ads მენეჯერის შეთავაზების შექმნა მხოლოდ გადახდის მეთოდის მქონე ბიზნესებს შეეძლოთ. თუმცა, ზოგიერთი ბიზნესი, მისი მიმართულებიდან გამომდინარე, გადახდის მეთოდებს არ იყენებს. სწორედ ამიტომ, ამიერიდან, გადახდის მეთოდის  არ მქონე ბიზნესებიც (მაგალითად: ინსტაგრამ მაღაზიები, რომლებიც გადარიცხვაზე მუშაობენ), დეველოპერული კომპანიები, რომლებიც ტერმინალით არ იღებენ გადახდებს, პლატფორმით სარგებლობას დამომხმარებლისთვის შეთავაზებების გაკეთებას შეძლებენ. (მაგალითად, საქართველოს ბანკის სტუდენტებისთვის, AmEx ბარათის მფლობელებისთვის,  სოლო მომხმარებლებისთვის).გარდა ამისა, პლატფორმას 3 ახალი ფუნქციონალი დაემატა, რაც ბიზნესებს შესაძლებლობას აძლევს  გაზარდოს ცნობადობა და შესაბამისად, სარგებელიც.  ესენია:ფოტოსაცავი ბიზნესებისთვის, შეთავაზების ვიზუალის მოსამზადებლადAds manager-ში შეთავაზების შექმნისას ბიზნესებს შესაბამისი ფოტოს მოძიება უჭირდათ. სწორედ ამიტომ, მათი საჭიროების შესაბამისად, მომხმარებლებს პლატფორმაზე სასურველი ვიზუალის  შერჩევის  შესაძლებლობა გავუჩინეთ.განმეორებადი შეთავაზებები (მაგალითად: შესთავაზეთ მომხმარებელს ქეშბექი ყოველ ოთხშაბათს და გაზარდეთ ლოიალურობა)ეს ფუნქციონალი ბიზნესებს შესაძლებლობას აძლევს განმეორებითი, ყოველკვირეული ან ყოველთვიური შეთავაზებები შექმნან და გაზარდონ მომხმარებლის  ლოიალურობა.ბრენდის მართვა - სახელისა და ლოგოს ატვირთვის შესაძლებლობაბევრ კომპანიას იურიდიული სახელი აქვს, (მაგ: შპს x), თუმცა ბრენდულად ამ სახელით პოზიციონირება არ სურთ. ახალი ფუნქციონალის მეშვეობით, კი ბიზნესს შესაძლებლობას ვაძლევთ, შეცვალონ დასახელება და მობილბანკში მომხმარებლებისთვის სასურველი სახელით გამოჩნდნენ.ინფორმაციისთვის, Ads მენეჯერი ბიზნეს მომხმარებლებს შესაძლებლობას აძლევს, საქართველოს ბანკის 1 500 000-ზე მეტ ციფრულ მომხმარებელს საკუთარი პროდუქტი თუ სერვისი სრულიად უფასოდ  გააცნოს და ამით გაყიდვები გაზარდოს.შეთავაზების შექმნისთვის ეწვიეთ manager.bog.ge-ს თუ ხართ დირექტორი, ხოლო თუ მარკეტერი ხართ - სთხოვეთ დირექტორს გაგიწეროთ შესაბამისი როლი.თუ დირექტორი ხართ, manager.bog.ge-ში შესვლას იმ სახელითა და პაროლით შეძლებთ, რომლითაც ბიზნეს მობილბანკში/ინტერნეტბანკში და ფიზიკური პირის მობილბანკში სარგებლობთ.შეთავაზების შექმნის ინსტრუქცია ნახეთ აქუფრო ვრცლად, Ads მენეჯერის გამოყენებაზე ბიზნესკურსის გასავლელად ეწვიეთ ბმულს.

1745325060

მემორანდუმები მიზნად ისახავს საქართველოსა და ჩინეთის ბიზნეს სექტორებს შორის თანამშრომლობის გაღრმავებას, ორმხრივი სავაჭრო ურთიერთობების განვითარებას, ერთობლივი პროექტების ხელშეწყობას, საერთაშორისო გამოფენებში მონაწილეობას და ინვესტიციების ხელშეწყობას. აღნიშნული შეთანხმებები ქმნის მყარ საფუძველს ორივე ქვეყნის კერძო და საჯარო სექტორებს შორის კოორდინირებული  თანამშრომლობისთვის.ღონისძიების ფარგლებში ასევე გაიმართა შეხვედრა ჩინეთთან თანამშრომლობით დაინტერესებულ ბიზნეს სექტორის წარმომადგენლებთან. შეხვედრა წარიმართა კითხვა-პასუხის რეჟიმში, სადაც მონაწილეებმა დეტალურად გაცვალეს მოსაზრებები, გამოხატეს ინტერესები და დააფიქსირეს თავიანთი საჭიროებები კონკრეტული პროექტების, პარტნიორობის ფორმების და ფინანსური მხარდაჭერის მიმართულებით.ასოციაციამ თავის მხრივ აღნიშნა, რომ მზადაა თითოეულ დაინტერესებულ კომპანიასთან იმუშაოს ინდივიდუალურად, რათა ხელი შეუწყოს წარმატებული თანამშრომლობის დაწყებასა და განვითარებას.GCRC წარმოადგენს საკვანძო პლატფორმას ქართულ და ჩინურ ბიზნესებს შორის პარტნიორობების დასამყარებლად, ინოვაციური პროექტების განსახორციელებლად და ახალი ბაზრების ასათვისებლად. ორგანიზაციას წარმომადგენლობითი ოფისები გააჩნია შანხაიში, პეკინში და შანდონგის პროვინციაში, რაც წევრ ორგანიზაციებს უზრუნველყოფს სწრაფი კონსულტაციებით, სანდო პარტნიორების მოძიებითა და ეფექტური კომუნიკაციით.ასევე აღსანიშნავია, რომ ასოციაციას უკვე ჩამოყალიბებული აქვს თანამშრომლობა პარტნიორ ფინანსურ ინსტიტუტებთან – “ბაზისბანკთან” და “ბბ ლიზინგთან”, რაც ხელს უწყობს ქართულ-ჩინური პროექტების ფინანსურ მხარდაჭერას და პრაქტიკულ რეალიზაციას.GCRC-ის თავმჯდომარე ვახტანგ ჩახნაშვილი: „ამ ორი მემორანდუმის ხელმოწერა – როგორც საქართველოს ეკონომიკისა და მდგრადი განვითარების სამინისტროსთან, ასევე ჩინეთის სავაჭრო პალატასთან – არის მნიშვნელოვანი ნაბიჯი ჩვენი მიზნისკენ: გავაძლიეროთ რეგიონული ბიზნეს პარტნიორობა. ჩვენ გვჯერა, რომ მთავრობის მხარდაჭერის, ბიზნეს ქსელებისა და ფინანსური ინსტრუმენტების სინერგია ქმნის ოპტიმალურ გარემოს გრძელვადიანი თანამშრომლობისა და ორმხრივი წარმატებისთვის.“ღონისძიებას ესწრებოდნენ სხვადასხვა სექტორის წარმომადგენლები, მათ შორის სოფლის მეურნეობის, წარმოების, მშენებლობის, ვაჭრობის, სამრეწველო, ჯანდაცვის, ავტო, და სხვა სფეროებიდან. შეხვედრა მიზნად ისახავდა ასოციაციის საქმიანობის და სტრატეგიული მიმართულებების გაცნობას, ხელმოწერილი მემორანდუმების მნიშვნელობის ხაზგასმას და სამომავლო თანამშრომლობის პერსპექტივების განხილვას.

1745321314

მომხმარებლებისთვის მომსახურების ხარისხის გასაუმჯობესებლად კომპანიამ გასულ წელს არაერთი საოპერაციო მაჩვენებელი გააუმჯობესა, მათ შორის: 18%-ით შემცირდა წყალმომარაგების შეზღუდვის არეალები 19%-ით შემცირდა ქსელზე ინცინდენტების რაოდენობა 29%-ით შემცირდა წყალმომარაგების გეგმიური შეზღუდვის საშუალო დრო დაიზოგა 11 მილიონი კუბური მეტრი მოცულობის წყალი ,,წყალმომარაგებისა და წყალარინების ქსელების ხანდაზმულობისა და მასშტაბურობის გათვალისწინებით, ჯივიპის მთავარ პრიორიტეტად 2025 წელსაც წყლისა და წყალარინების მოძველებული ქსელების მდგომარეობის გაუმჯობესება რჩება, რაც უშუალოდ მოძველებული ქსელების განახლება-რეაბილიტაციასთან ერთად წყალმომარაგების სისტემის მოდერნიზებას, თანამედროვე ტექნოლოგიებით აღჭურვას და პრევენციულ მონიტორინგს გულისხმობს. აღნიშნული სამუშაოების შედეგად კომპანია შეძლებს კიდევ უფრო შეამციროს წყალმომარაგების შეზღუდვების სიხშირე, არეალი და ხანგრძლივობა", - ხოსე მიგელ სანტოს გონზალესი, ჯივიპის გენერალური დირექტორი.წყალმომარაგების სისტემა, ქალაქში არსებულ ქსელებთან ერთად, მოიცავს მაგისტრალურ მილსადენებს, რომლებიც ჟინვალის წყალსაცავიდან და ხრამის სათავე ნაგებობიდან სასმელი წყლის მომხმარებლამდე ტრანსპორტირებას უზრუნველყოფენ. აღნიშნული მილსადენების სტრატეგიული მნიშვნელობიდან გამომდინარე, კომპანია 2025 წელს კიდევ უფრო აძლიერებს პრევენციული მონიტორინგის ღონისძიებებს, გარე რისკების შეფასებისა და მაგისტრალების ცალკეულ მონაკვეთების მდგომარების განსაზღვრის მიზნით.2025 წლის პირველი კვარტალის მონაცემებით კომპანიამ უკვე განახორციელა 47.7 მილიონი ლარის პროექტები. მოძველებული ქსელების განახლების პარალელურად, ჯივიპი მუშაობს წყალმომარაგების სისტემის მართვის თანამედროვე ტექნოლოგიების  დანერგვაზე. აქტიურ პროცესშია კომპანიის სატუმბი სადგურებისა და რეზერვუარების ავტომატიზაცია, რაც წყალმომარაგების სისტემის ოპერატიულ მართვას უზრუნველყოფს და შეცდომის რისკებს მინიმუმამდე დაიყვანს. ასევე, ახლდება გეოსაინფორმაციო სისტემები, პროექტი ემსახურება წყალმომარაგების ქსელის კრიტიკული მონაკვეთების იდენტიფიცირებასა და პრევენციულ მონიტორინგს. 2025 წლის პირველი კვარტალის განმავლობაში, გეოსაინფორმაციო სისტემების მოდერნიზების პროექტის ფარგლებში უკვე იდენტიფიცირდა წყალმომარაგებისა და წყალარინების ქსელზე 131 კრიტიკული მონაკვეთი.ჯორჯიან უოთერ ენდ ფაუერის მიერ, მიმდინარე წლის ბოლომდე დაგეგმილი 100 მილიონ ლარზე მეტი ღირებულების პროექტები მიზნად ისახავს თბილისის, რუსთავისა და მცხეთის მოსახლეობისთვის წყალმომარაგების სერვისის მნიშვნელოვნად გაუმჯობესებას, წყალმომარაგების ქსელზე დაზიანებების რაოდენობის, წყალმომარაგების შეზღუდვის არეალებისა და ხანგრძლივობის შემცირებას.

1745320375

საერთაშორისო ტენდენციის შესაბამისად, წლებია თიბისიც არაერთი ეკომეგობრული პროექტის ავტორი და მხარდამჭერია. გადამუშავებული სარეკლამო ბანერებით შექმნილი ლეპტოპის ჩანთებისა და ზურგჩანთების შემდეგ, ამჯერად, თიბისისა და „ტენეს“ პარტნიორობის ფარგლებში, თიბისის ფილიალებში 4500 კგ საიზოლაციო რეზინი, 2250 კგ ბოთლის თავსახური და 2,3 კგ მეორადი კაბელი შეგროვდა, გადამუშავდა და მობილურის ეკომეგობრული საკიდები დამზადდა.საკიდი - დაზიანებული USB კაბელებისგან, ტელეფონის ქეისში ჩასადები ფირფიტა -  მეორადი TPU მასალისგან, საკიდის გასაფორმებელი აქსესუარები კი ეკოლოგიურად სუფთა PLA პლასტმასისგან დამზადდა, რომელიც ნიადაგში მოხვედრის შემთხვევაში, მარტივად ბიოდეგრადირდება.თიბისი, როგორც პასუხისმგებლიანი ESG (გარემოს დაცვის, სოციალური და მმართველობის) პოლიტიკის კომპანია, აცნობიერებს საკუთარ შესაძლებლობებს - რამდენად დიდი და პოზიტიური  გავლენის მოხდენა შეუძლია გარემოსა და მდგრად განვითარებაზე.#ერთადგავიმარჯვებთ დედამიწისთვის.

1745318408

პარტია "ქართული ოცნების" მიერ საგარეო საქმეთა მინისტრის პოსტზე დანიშნული მაკა ბოჭორიშვილის თქმით, "მიუღებელია ზოგიერთი აქტორის მხრიდან ეუთოს ინსტიტუტების პოლიტიკური ინტერესებისთვის გამოყენების მცდელობები".ბოჭორიშვილის აზრით, საქართველო ბოლო პერიოდში ქვეყნის შიდა პოლიტიკურ ცხოვრებაში საგარეო ჩარევების ღია მცდელობების თვალსაჩინო მაგალითი გახდა."ხშირად ვხედავთ ასევე საერთაშორისო ინსტიტუტების არასწორად გამოყენების მცდელობებს, რაც წინააღმდეგობაში მოდის სწორედ იმ ფუძემდებლურ პრინციპებთან, რასაც ეფუძნება საერთაშორისო წესრიგი, რომლის დაცვაც უნდა იყოს საერთაშორისო ორგანიზაციების ვალი", - თქვა მაკა ბოჭორიშვილმა. მისივე თქმით, საქართველოს ხელისუფლება არის ეუთოს და საერთაშორისო სამართლის პრინციპების ერთგული და იგივე მოლოდინი აქვს თავისი პარტნიორების მხრიდანაც."ხელისუფლებას არაერთხელ დაუდასტურებია საკუთარი ნდობა ეუთო-სადმი. ამის ნათელი მაგალითი გახლდათ ეუთო/ოდირის მოწვევა, გასულ წელს, საპარლამენტო არჩევნებზე დასაკვირვებლად და მისიის საქმიანობის განხორციელებისთვის მაქსიმალური ხელის შეწყობა. ჩვენთვის ძალიან მნიშვნელოვანია ოდირის რეკომენდაციები და მზად ვართ თანამშრომლობა გავაგრძელოთ მათ შესასრულებლად", - განაცხადა ბოჭორიშვილმა.ბოჭორიშვილმა სინირლიოღლუსთან შეხვედრის შემდეგ გამართულ ერთობლივ პრესკონფერენციაზე ისიც განაცხადა, რომ ეუთოს გენერალური მდივანი ფერიდუნ სინირლიოღლუ საოკუპაციო ხაზთან გაემგზავრება და აქვე დასძინა, რომ "აფხაზეთი და ცხინვალის რეგიონი კვლავ არის რუსეთის ოკუპაციის ქვეშ და რუსეთის მხრიდან კვლავ ირღვევა საქართველოს ტერიტორიული მთლიანობა".ბოჭორიშვილის განცხადებით, საქართველოს გულწრფელი სურვილია ხელი შეუწყოს სამხრეთ კავკასიის რეგიონში მშვიდობასა და სტაბილურობას."მივესალმებით აზერბაიჯანსა და სომხეთს შორის სამშვიდობო შეთანხმებას და აღვნიშნავ, რომ საქართველო მზადაა საკუთარი წვლილი შეიტანოს რეგიონში მშვიდობის განმტკიცებასა და თანამშრომლობაში. მოხარული ვარ, რომ, გასულ კვირას, თბილისმა უმასპინძლა სამმხრივ შეხვედრას საგარეო საქმეთა სამინისტროებს შორის. საქართველოს სომხეთისა და აზერბაიჯანის საგარეო საქმეთა სამინისტროებს შორის გაიმართა პირველი შეხვედრა თბილისში და იმედი მაქვს, ამ ფორმატში შევძლებთ თანამშრომლობას რეგიონის კეთილდღეობისთვის", - აღნიშნა მაკა ბოჭორიშვილმა.

1745315033

22 აპრილი დედამიწის დღეა. თიბისი ყოველთვის აცნობიერებდა მის მნიშვნელოვან როლს და დადებითი ზეგავლენის შესაძლებლობებს გარემოზე ზრუნვაში და მდგრადობის შენარჩუნებაში. შესაბამისი გადაწყვეტილებების მიღება, პირველ რიგში, შიდა ტრანსფორმაციით და ცვლილებებით იწყება. თიბისი უკვე რამდენიმე წელია აქტიურად ახორციელებს გარემოსდაცვით ინიციატივებს, როგორც კომპანიის შიგნით, ასევე, მის გარეთ. კომპანიამ 2024 წელს მნიშვნელოვანი ნაბიჯები გადადგა.თიბისის აქვს გარემოს დაცვისა და კლიმატის ცვლილების პოლიტიკა. პოლიტიკა უზრუნველყოფს ორგანიზაციულ კულტურაში გარემოს დაცვისა და კლიმატთან დაკავშირებული საკითხების დამკვიდრებასა და ბანკის საქმიანობის ყველა სფეროში გარემოსდაცვითი და კლიმატის ცვლილების საწინააღმდეგო ქმედებების წახალისებას. აღნიშნული პოლიტიკა ყველა თანამშრომელზე ვრცელდება.თიბისის მდგრადი პორტფელის მოცულობამ დასახულ მიზანს 23.79%-ით გადააჭარბა. 2024 წლისთვის დასახული მიზანი იყო 1.4 მილიარდი ლარი და წლის ბოლოს პორტფელის მოცულობამ შეადგინა 1.733 მილიარდი ლარი. პორტფელის დიდი ნაწილი მწვანე დაფინანსებასა და კლიმატთან არის დაკავშირებული.თიბისიმ,  გასულ წელს, მეხუთედ გაიარა ISO 14001:2015 აუდიტი, რაც იმის დასტურია, რომ ბანკის გარემოსდაცვითი მართვის სისტემა საერთაშორისო სტანდარტებისა და მოთხოვნების შესაბამისად ფუნქციონირებს.თიბისის და Visa-ს პარტნიორობის ფარგლებში, TBC WM მომხმარებლებისთვის, პირველი ეკომეგობრული, Visa Infinite საკრედიტო ბარათი შეიქმნა, რომელიც გადამუშავებული მასალისგანაა დამზადებული.თიბისი, ასევე აქტიურად მუშაობს შიდა რესურსების დაზოგვასა და რესურსების გონივრულ მოხმარებაზე - 2300 კილოგრამზე მეტი პლასტმასა შეგროვდა და გადამუშავდა. პლასტმასის შესაგროვებელი ურნები განთავსებულია თიბისის 46 ლოკაციაზე: თბილისში, რუსთავში, ბათუმსა და ქუთაისში.თიბისიმ ქაღალდის გადამუშავების პროცესი 2015 წელს დაიწყო და ამ დრომდე ჯამურად გადამუშავებულია 500 ტონამდე ქაღალდი. პარტნიორი კომპანიის დახმარებით გადამუშავდა 46 840 კგ ქაღალდი, რითაც მოჭრას გადაურჩა 782 ხე. ასევე, კორპორაციულმა მიმართულებამ, ელექტრონული ხელმოწერის დანერგვით, დაბეჭდილი ხელშეკრულებები ციფრული ხელშეკრულებებით შეცვალა, ამით 70,000 ფურცელი დაზოგა. 2024 წელს ერთი თანამშრომლის მიერ მოხმარებული ქაღალდის რაოდენობა 10%-ით შემცირდა. წყლის მოხმარება ერთ თანამშრომელზე წინა წელთან შედარებით კი 13%-ით შემცირდა. ჯამური წყლის მოხმარება 5,552,000 ლიტრით შევამცირეთ.გარემოზე ზრუნვის მიზნით თიბისი არაერთი წელია სხვადასხვა მარკეტინგულ კამპანიებსაც ახორციელებს. სარეკლამო ბანერების გადამუშავების და მათგან ფუნქციური ნივთების შექმნის შემდეგ, თიბისის ინიციატივით, კომპანიამ „ტენე“ გამოუყენებელი პლასტმასა გადაამუშავა და მობილურის ეკომეგობრული საკიდები, აქსესუარებით, შექმნა.#ერთადგავიმარჯვებთ დედამიწისთვის.

1745311966