მაღლაკელიძე რეგიონის თანამშრომლებს შეხვდა

მათ შორის განხორციელდა ისეთი მნიშვნელოვანი პროექტები, როგორებიცაა საარჩევნო ადმინისტრაციების საერთაშორისო კონფერენცია, რომელშიც 22 ქვეყნის საარჩევნო ადმინისტრაციის, სხვადასხვა სახელმწიფო სტრუქტურისა და საქართველოს საარჩევნო ადმინისტრაციის 100-მდე წარმომადგენელი იღებდა მონაწილეობას.პროექტი „არჩევნები და ელექტრონული ტექნოლოგიები“, რომელიც ქვეყნის ყველა მუნიციპალიტეტში 7 ეტაპად განხორციელდა და მასში მონაწილეობა მიიღო 4 900-მდე მონაწილემ.გაიმართა შეხვედრები ახალგაზრდებთან პროექტის „საქართველოს ახალგაზრდული მრჩეველთა საბჭოები - იდეიდან ცვლილებებამდე“ ფარგლებში, რომელშიც მონაწილეობა მიიღო 400-მდე ახალგაზრდამ.გაიმართა სამუშაო შეხვედრა საერთო სასამართლოების ადმინისტრაციულ საქმეთა განმხილველ მოსამართლეებთან, რომელშიც მონაწილეობა მიიღო 80-მდე პირმა.ამ ეტაპზე  მიმდინარეობს  მუნიციპალიტეტის ორგანოთა არჩევნების მოსამზადებელი ფაზის ერთ-ერთი უმნიშვნელოვანესი მიმართულების, ტრენერთა კორპუსის გადამზადების პროცესი. სწავლებას 279 პირი გაივლის. გადამზადებული ტრენერები კი შემდგომ ეტაპზე ტრენინგებს საუბნო საარჩევნო კომისიების ათასობით წევრს ჩაუტარებენ.ბუნებრივია ყველა ზემოთ ჩამოთვლილი აქტივობის განხორციელება არის ცესკოს სამოქმედო გეგმის ნაწილი. თვეების მანძილზე ათეულობით ღონისძიების ჩატარებას და ათიათასობით ადამიანის გადამზადებას კი - თან ახლავს გარკვეულ ხარჯები. ეს, როგორც ჩანს, ზოგიერთი დაინტერესებული მხარისთვის საარჩევნო ადმინისტრაციაზე თავდასხმის საბაბი გახდა. კონტექსტიდან ამოგლეჯილი მონაცემების ტირაჟირება ხდება იმგვარად, თითქოს დანახარჯები რამდენიმე თვის მანძილზე ათობით ჩატარებულ ღონისძიებას და ათასობით ადამიანს კი არა, მოკლე პერიოდში დაუდგენელ საჭიროებებს მოხმარდა და ამ მხრივ,  რაიმე გადაცდომას აქვს ადგილი. მაშინ, როცა ყველა დოკუმენტი, რომელიც აღნიშნული ღონისძიებების განხორციელებასთან არის დაკავშირებული საჯაროა.საარჩევნო ადმინისტრაცია ერთმნიშვნელოვნად აცხადებს, რომ ორგანიზაციის მიერ განხორციელებული ყველა ხარჯი არის მიზნობრივი და დასაბუთებული. ამ საკითხზე დაინტერესებული მხარეების კომენტარები კი ორგანიზაციის და ზოგადად საარჩევნო პროცესის დისკრედიტაციას ისახავს მიზნად.  ცენტრალური საარჩევნო კომისიას არ დატოვებს რეაგირების გარეშე პროცესის დაზიანების არც ერთ მცდელობას და საზოგადოებას მიაწვდის სიმართლეს ყველა საკითხზე, რომელიც მიკერძოებული პირების მიერ მანიპულაციურად იქნება ტირაჟირებული. (R)

1755280331

საარჩევნო კანონმდებლობის თანახმად, მუნიციპალიტეტის ორგანოთა არჩევნებისათვის რეგისტრირებულ პარტიას უფლება აქვს, თითოეულ ადგილობრივ მაჟორიტარულ საარჩევნო ოლქში საკრებულოს წევრობის თითო კანდიდატი წარადგინოს, ხოლო  ამომრჩეველთა საინიციატივო ჯგუფს უფლება აქვს წარადგინოს მხოლოდ ერთი კანდიდატი. რეგისტრირებულმა პარტიამ საკრებულოს მაჟორიტარი კანდიდატის საარჩევნო რეგისტრაციისათვის საბუთები შესაბამისი საოლქო საარჩევნო კომისიის თავმჯდომარეს, ხოლო ქალაქ თბილისის საკრებულოს წევრობის კანდიდატის შემთხვევაში - ცესკოს თავმჯდომარეს უნდა წარუდგინოს არჩევნების დღემდე არაუგვიანეს 30-ე დღისა (4 სექტემბერი), ხოლო ამომრჩეველთა საინიციატივო ჯგუფმა - არჩევნების დღემდე არაუგვიანეს 47-ე დღისა (18 აგვისტო).√ დაუშვებელია ერთი და იმავე პირის ერთზე მეტ ადგილობრივ მაჟორიტარულ საარჩევნო ოლქში საკრებულოს წევრობის კანდიდატად წარდგენარეგისტრირებულმა პარტიამ/ამომრჩეველთა საინიციატივო ჯგუფმა საკრებულოს წევრობის მაჟორიტარი კანდიდატის წარდგენის შესახებ განცხადებას, რომელიც დამოწმებულია პარტიის ხელმძღვანელი პირის (პირების)/ ამომრჩეველთა საინიციატივო ჯგუფის წევრთა ხელმოწერებით, თან უნდა დაურთოს კანდიდატის მიერ შევსებული და ხელმოწერილი განაცხადი პარტიული კუთვნილების შესახებ.პარტიული კუთვნილების შესახებ განაცხადში კანდიდატის საანკეტო მონაცემებთან (სახელი, გვარი, საქართველოს მოქალაქის პირადი ნომერი) და განაცხადის შევსების თარიღთან ერთად მითითებული უნდა იყოს, რომ იგი იმ პარტიის წევრია, რომელი პარტიის მიერაც არის წარდგენილი (არჩევნებისთვის რეგისტრირებული პარტიის მიერ წარდგენის შემთხვევაში), ან არის უპარტიო, ან თუ დატოვა პარტია კანდიდატის რეგისტრაციის შესახებ განცხადების წარმოდგენამდე ბოლო 6 თვის განმავლობაში, ვალდებულია მიუთითოს პარტიიდან გასვლის ზუსტი თარიღი და ამ პარტიის სახელწოდება. თუ კანდიდატი „მოქალაქეთა პოლიტიკური გაერთიანებების შესახებ” საქართველოს ორგანული კანონის შესაბამისად რეგისტრირებული სხვა პარტიის წევრია, განაცხადში უნდა მიუთითოს პარტიის სახელწოდება.საკრებულოს წევრობის მაჟორიტარი კანდიდატი საარჩევნო რეგისტრაციაში არ გატარდება, ხოლო რეგისტრირებული კანდიდატის საარჩევნო რეგისტრაცია გაუქმდება შესაბამისი  საარჩევნო კომისიის თავმჯდომარის განკარგულებით, თუ აღმოჩნდა, რომ კანდიდატი „მოქალაქეთა პოლიტიკური გაერთიანებების შესახებ” საქართველოს ორგანული კანონის შესაბამისად რეგისტრირებული სხვა პარტიის წევრია.გარდა აღნიშნულისა, განცხადებას უნდა ერთოდეს საკრებულოს წევრობის მაჟორიტარი კანდიდატის მიერ შევსებული და ხელმოწერილი სააღრიცხვო ბარათი 2 ცალად, უფლების ჩამორთმევის შესახებ ცნობა, საქართველოს მოქალაქის პირადობის მოწმობის ან საქართველოს მოქალაქის პასპორტის ფოტოასლი და 2 ფოტოსურათი.√ უფლების ჩამორთმევის შესახებ ცნობას გასცემს საჯარო სამართლის იურიდიული პირი - საქართველოს შინაგან საქმეთა სამინისტროს მომსახურების სააგენტო.სააღრიცხვო ბარათში უნდა აღინიშნოს ყოველი კანდიდატის:· გვარი, სახელი;· დაბადების თარიღი (რიცხვი, თვე, წელი);· სქესი;· მისამართი (საქართველოს მოქალაქის პირადობის მოწმობის ან სააგენტოს მონაცემთა ბაზის მიხედვით);· საქართველოს მოქალაქის პირადი ნომერი;· საკონტაქტო ტელეფონის ნომერი;· სამუშაო ადგილი (თუ უმუშევარია, მიეთითება „უმუშევარი“);· თანამდებობა (საქმიანობა);· საქართველოში 6 თვის განმავლობაში ცხოვრების ფაქტი;· თანხმობა მოცემულ ადგილობრივ მაჟორიტარულ საარჩევნო ოლქში კენჭისყრაზე;· სააღრიცხვო ბარათის შევსების თარიღი და ხელმოწერა.ამომრჩეველთა საინიციატივო ჯგუფის მიერ წარდგენილი საკრებულოს წევრობის მაჟორიტარი კანდიდატის რეგისტრაციაში გასატარებლად ამომრჩეველთა საინიციატივო ჯგუფის წარმომადგენელმა კენჭისყრამდე არაუგვიანეს  მე-40 დღისა (25 აგვისტო) შესაბამის საარჩევნო კომისიას უნდა წარუდგინოს კანდიდატის მხარდამჭერ ამომრჩეველთა სია, რომელთა მინიმალური ოდენობა საარჩევნო ოლქების მიხედვით ცესკოს 2025 წლის 5 აგვისტოს №114/2025 განკარგულებით განისაზღვრა.( https://cesko.ge/ge/kanonmdebloba/tseskos-samartlebrivi-aqtebi/gankargulebebi/singleview/11036610-gankarguleba-1142025-05082025  )

1755266437

ეს პირველი თანამშრომლობაა „კრისტალსა“ და CEB-ს შორის და ხაზს უსვამს მათ საერთო მიზანს - მხარი დაუჭირონ  ინკლუზიურ და მდგრად ეკონომიკურ განვითარებას საქართველოში.სესხი მოიცავს კრისტალის 50%-იან თანამონაწილეობას, რის შედეგადაც ქართველი მიკრომეწარმეების მხარდასაჭერად განკუთვნილი საერთო პორტფელი 16 მილიონ ევროს მიაღწევს. სესხის გარდა, ასევე გათვალისწინებულია CEB-ის ტექნიკური დახმარების კომპონენტი, რომელიც ხელს შეუწყობს “კრისტალის” ინსტიტუციური შესაძლებლობების გაძლიერებასა და მისი გრძელვადიანი განვითარების მიზნების მიღწევას.როგორც კრისტალის გენერალური დირექტორი ილია რევია აღნიშნავს: „ჩვენთვის საამაყოა, რომ ევროპის საბჭოს განვითარების ბანკთან პირველი გარიგება შედგა. ეს პარტნიორობა საშუალებას გვაძლევს მნიშვნელოვანი ახალი რესურსები მივმართოთ მიკრო, მცირე და საშუალო საწარმოების მხარდასაჭერად, რომლებიც ჩვენი ეკონომიკის მამოძრავებელი ძალაა. არანაკლებ მნიშვნელოვანია ტექნიკური დახმარების კომპონენტიც, რომელიც გააძლიერებს “კრისტალის” ინსტიტუციურ შესაძლებლობებს და საშუალებას მოგვცემს, მომხმარებლებს კიდევ უფრო მეტი ღირებულება შევთავაზოთ.““გარიგება ხელს შეუწყობს უფრო ინკლუზიური და მდგრადი ეკონომიკის შექმნას,” - აღნიშნავს კრისტიან ტაბაქარუ, ევროპის საბჭოს განვითარების ბანკის საკრედიტო და სოციალური განვითარების დირექტორი. „მოხარულები ვართ, რომ მიკრობანკი კრისტალის გვერდიგვერდ, გავაძლიერებთ მიკრომეწარმეებს საქართველოში და შევქმნით ახალ შესაძლებლობებს ზრდისა და დასაქმებისთვის.“მიკრობანკი “კრისტალის” შესახებ:„კრისტალი“ საქართველოში დაფუძნებული წამყვანი ფინანსური ინსტიტუტია, რომელიც  სტაბილური ზრდითა და მყარი რეპუტაციით გამოირჩევა. 2025 წლის 12 თებერვალს კომპანიამ საქართველოს ეროვნულ ბანკისგან ოფიციალურად მიიღო მიკრობანკის ლიცენზია. 27-წლიანი გამოცდილებით, 571 მილიონ ლარზე მეტი სასესხო პორტფელით, 48 ფილიალში დასაქმებული 1,000-ზე მეტი თანამშრომლითა და 100,000-ზე მეტი კლიენტით, “კრისტალი” განაგრძობს საქართველოს ფინანსურ სექტორში მოწინავე პოზიციის დაკავებას. კომპანიის სტრატეგიული პარტნიორები არიან  წამყვანი საერთაშორისო და ადგილობრივი ფინანსური ინსტიტუტები. დამატებითი ინფორმაციისთვის, ეწვიეთ ბმულს: ir.crystal.geCEB-ის შესახებ:ევროპის საბჭოს განვითარების ბანკი (CEB) მრავალმხრივი განვითარების ბანკია, რომელსაც 43 წევრი ქვეყნისგან სოციალური საქმიანობის მანდატი აქვს. CEB-ი ახორციელებს ინვესტიციებს და უზრუნველყოფს ტექნიკურ დახმარებას ისეთი სოციალური მიმართულებებით, როგორებიცაა განათლება, ჯანდაცვა და ხელმისაწვდომი საცხოვრებელი, ამასთან, აქცენტს აკეთებს მოწყვლადი ადამიანების საჭიროებებზე, ასევე კლიმატის ცვლილებასა და გარემოს სოციალურ ასპექტებზე.CEB-ის მსესხებლებს შორის არიან მთავრობები, ადგილობრივი და რეგიონული ხელისუფლებები, საჯარო და კერძო ბანკები, არაკომერციული ორგანიზაციები და სხვა სუბიექტები. CEB-ი, რომელსაც უმაღლესი „AAA“ საკრედიტო რეიტინგი აქვს, ფინანსდება საერთაშორისო კაპიტალის ბაზრებიდან. გარდა ამისა, თავისი საქმიანობისთვის CEB-ი დაფინანსებას  დონორებისგან იღებს.ეწვიეთ ბმულს: www.coebank.org 

1755266250

„გვსურს გამოვეხმაუროთ „ლელო - ძლიერი საქართველოს“ ერთ-ერთი ლიდერის, გრიგოლ გეგელიას განცხადებას ქალაქ წყალტუბოში სასტუმროების მშენებლობასთან დაკავშირებით. პირველ რიგში, განვმარტავთ, რომ განცხადებაში მოცემული ინფორმაცია, თითქოს  წყალტუბოში არ მიმდინარეობს ყოფილი სანატორიუმების განვითარების პროცესი, არის სრული სიცრუე და ცილისწამება.საზოგადოებას ვაცნობებთ, რომ სახელმწიფო ქონების ეროვნული სააგენტო, კურორტ წყალტუბოს აღდგენისა და ტურისტული პოტენციალის განვითარების მიზნით, ბოლო წლების განმავლობაში, აქტიურად მუშაობს ყოფილი სანატორიუმების პრივატიზაციაზე. სააგენტო მუდმივად ახორციელებს ინფორმაციის გაზიარებას პოტენციურად დაინტერესებული ნებისმიერი პირისთვის, როგორც შიდა, ასევე საერთაშორისო დონეზე. სახელმწიფო ქონების პრივატიზების პროცესი მაქსიმალურად გამჭვირვალე და  ხელმისაწვდომია.ზემოთ აღნიშნული ცილისმწამებლური განცხადების საპირისპიროდ წარმოგიდგენთ, დღეის მდგომარეობით, საინვესტიციო პირობებით გასხვისებულ 6 ყოფილ სანატორიუმს:  „მეტალურგი“, „ივერია“, „თბილისი“, „უშიშროება“, „სამგურალი“ და „წყალტუბო“, რომელთა ჯამური საინვესტიციო მოცულობა აღემატება 51 მილიონ ლარს.გარდა ამისა, აღსანიშნავია, რომ დღეის მდგომარეობით, ინფრასტრუქტურის სამინისტროს მიერ დასრულებულია "ცივი ტბის" რეაბილიტაცია, ასევე  წყალარინების გამწმენდი ნაგებობის მშენებლობა და მიმდინარეობს ქალაქის წყალარინების ქსელის მოწყობის სამუშაოები. იგეგმება ახალი ცენტრალური საფეხბურთო სტადიონის და საფეხბურთო ტექნიკური ცენტრის მშენებლობა. ამასთანავე, ქალაქ წყალტუბოს გენერალური გეგმის კონცეფცია შემუშავებულია და დამტკიცებულია საკრებულოს მიერ 2021 წლის N90 განკარგულებით. ასევე შემუშავებულია წყალტუბოს ცენტრალური ნაწილის განაშენიანების გეგმის პროექტი. პროექტი დასრულებულია და გადაცემულია ადგილობრივი მუნიციპალიტეტისთვის დასამტკიცებლად.დამატებით გაცნობებთ, რომ სააგენტო აქტიურად განიხილავს წინადადებებს წყალტუბოში მდებარე სახელმწიფოს საკუთრებაში არსებული სხვა სანატორიუმების პრივატიზაციის თაობაზე“, – ნათქვამია განცხადებაში.

1755265600

რეგულატორის ცნობით, წლის დასაწყისიდან 7 თვეში გადმორიცხულია $2,052 მლრდ. სების მიერ დღეს გამოქვეყნებული სტატისტიკით ირკვევა, რომ გზავნილების მაქსიმალური წილი ევროკავშირის ქვეყნებზე მოდის და 44.3%-ს შეადგენს, შესაბამისი 149.4 მლნ აშშ დოლარით, წლიური ზრდის ტემპი კი 16.4%-ს შეადგენს. ევროკავშირის ქვეყნებიდან აღსანიშნავია იტალიის, გერმანიის და საბერძნეთის მაღალი წილი მთლიან ფულად გზავნილებში.ამასთან, აშშ-დან ფულადი გზავნილების ზრდის ტენდენცია გრძელდება. კერძოდ, ივლისში აშშ-დან 21.1%-იანი წლიური ზრდა დაფიქსირდა და მოცულობამ $60.9 მლნ შეადგინა.კლების ტენდენციით ხასიათდება ფულადი გზავნილები რუსეთის ფედერაციიდან. კერძოდ, ივლისში წლიურად 0.5%-ით შემცირდა და $45.3 მლნ შეადგინა.ცნობისთვის, 2025 წლის ივლისში საქართველოდან საზღვარგარეთ $37.3 მლნ (101.2 მლნ ლარი) გადაიგზავნა, რაც 2024 წლის ივლისის ($33.5 მლნ) ანალოგიურ მაჩვენებელთან შედარებით 11.4%-ით მეტია.

1755261486

წლიურად 6.5-ჯერ  (01.08.2024 – 2.07 მლნ), ივლისში კი 1.8 მლნ ლარით გაზრდილია (01.07.2025 -₾11.2 მლნ). რასაც მენეჯმენტი ახალ პროდუქტებში ინვესტირებით ხსნის. ბანკი ციფრული არხებიs განვითარებისთვის ზრდის ხარჯებს.რებრენდინგიდან 1 წელში, საკრედიტო პორტფელმა  115 მლნ-ს გადააჭარბა  (01.07.2024 – 93 მლნ. + 27%Y.Y).საშულოვადიანი პერიოდის (3 წელი) ამოცანა MAU-ს (ყოველთვიური მომხმარებლების რაოდენობა) 300 000-მდე გაზრდაა.01.08.2025-ისთვის სასესხო პორტფელის დოლარიზაცია** 20-30% ფარგლებშია. ვადიან დეპოზიტებში* (109.3 მლნ ლარი) კი სავალუტოს (15.1 მლნ) წილი  14%-ს არ აღემატება.

1755258906

Politico-ს ინფორმაციით, გამოკითხვა ჩატარდა აშშ-ისა და რუსეთის პრეზიდენტების შეხვედრამდე, ხოლო შედეგებმა აჩვენა, რომ ამერიკელთა უმრავლესობა სკეპტიკურადაა განწყობილი ტრამპის უნარის მიმართ, მიიღოს სწორი გადაწყვეტილება რუსეთ-უკრაინის ომთან დაკავშირებით.რესპონდენტთა თითქმის 60%-მა განაცხადა, რომ ისინი „არც ისე დარწმუნებული“ ან „საერთოდ არ არიან დარწმუნებული“ იმაში, რომ ტრამპს შეუძლია ევროპის ყველაზე სისხლიანი კონფლიქტის თაობაზე „გონივრული გადაწყვეტილების“ მიღება.ამასთან, ამერიკელთა აზრი თანაბრად გაიყო იმ საკითხზე, აქვს თუ არა აშშ-ს ვალდებულება, დაეხმაროს უკრაინას თავდაცვაში.აშშ-ის პრეზიდენტის, დონალდ ტრამპისა და რუსეთის პრეზიდენტის, ვლადიმერ პუტინის შეხვედრა ალასკის შტატის ქალაქ ანკორიჯში დღეს, თბილისის დროით 23:00 საათზე გაიმართება.ამ  ეტაპზე კი ანკორიჯში უკრაინის მხარდამჭერი აქცია მიმდინარეობს. უკრაინულ მედიაში გავრცელებული ინფორმაციით, უკრაინის დროშებითა და უკრაინის მხარდამჭერი ბანერებით დაახლოებით ათასი ადამიანი შეიკრიბა.აქციის მონაწილეებს ხელში უკავიათ ბანერები წარწერებით: „პუტინ, წადი სახლში და ჯოჯოხეთში“, „გაათავისუფლე უკრაინა“, „უკრაინა და ალასკა აღარ იქნება რუსეთი“, „გაეთრიე უკრაინიდან“ და სხვა.მანამდე, ტრამპმა განაცხადა, რომ პუტინთან შეხვედრას წარუმატებლობის 25%-იანი შანსი აქვს. მისივე თქმით, ვლადიმერ პუტინი შეთანხმების მიღწევას აპირებს.

1755253968

ინიციატივა მასწავლებლის ეროვნული ჯილდოს კონკურსის ინსპირაციით განხორციელდა, რომლის მთავარი მხარდამჭერიც წელს საქართველოს ბანკია.კომიქსები იმ ადამიანების მოგონებებსა და წერილებზე დაყრდნობით შეიქმნა, რომლებმაც სამახსოვრო წარწერები საქართველოს ბანკის მიერ ისთ ფოინთში განთავსებულ სპეციალურ  დაფაზე დატოვეს და mastsavlebeli.bog.ge-ს ვებგვერდზე გამოგზავნეს.პატარ-პატარა ილუსტრირებული ისტორიები ადამიანების დაუვიწყარ მოგონებებს, ემოციებს, საინტერესო და სახალისო მომენტებს აცოცხლებენ.კომიქსის პერსონაჟი - „სუპერმასი“ თამაშობანასთან თანამშრომლობით შეიქმნა. ის საკუთარ თავში საქართველოს მასშტაბით საუკეთესო მასწავლებლების თვისებებს აერთიანებს. თითოეული თვისება კი თითო ამბად არის მოთხრობილი.კამპანიაზე კრეატიული სააგენტო Supermarket მუშაობდა.„გვჯერა, რომ ლაღი ბავშვობის შექმნაში მასწავლებლებს უდიდესი როლი აქვთ. სწორედ ამიტომ, საქართველოს ბანკთან ერთად, თამაშობანამ შექმნა საქართველოს მასშტაბით საუკეთესო მასწავლებლების თვისებებით გაერთიანებული პერსონაჟი - „სუპერმასი“. „სუპერმასის“ თითოეული თვისება გადაიქცა თითო ამბად, რომლებშიც მოთხრობილია, თუ რამდენად მნიშვნელოვანია სხვა ადამიანების შესაძლებლობების რწმენა, დახმარების აღმოჩენა, შეუპოვრობა, ცნობისმოყვარეობის გაღვივება და სხვა. ამ კომიქსით პირველ რიგში გვსურს, ჩვენი პატივისცემა გამოვხატოთ პროფესიის მიმართ და ინსპირაცია მივცეთ ახალგაზრდებს, რომლებიც აპირებენ მასწავლებლობას”, - აღნიშნავს თათია რევაზიშვილი, თამაშობანას დირექტორი.“მიზნად დავისახეთ შეგვექმნა სიმბოლო, რომელიც მასწავლებლებს თავს დაფასებულად აგრძნობინებდა. მოსწავლეებს და არამხოლოდ მათ, ვთხოვეთ, ონლაინ და ქუჩაში განთავსებულ დაფებზე ერთი წინადადებით დაეწერათ მათთვის საუკეთესო მასწავლებელზე. ეს ჩანაწერები გადავამუშავეთ, გამოვყავით განმეორებადი თვისებები და ამის მიხედვით შევქმენით ერთი პერსონაჟი – წიგნის გმირი, რომელიც აერთიანებს ათასობით საუკეთესო მასწავლებლის თვისებებსა და პრაქტიკას. თითოეული თვისების მიხედვით დაიწერა პატარა ამბავი კომიქსის სახით”, - აღნიშნავს ეკა ყიფიანი, კრეატიული სააგენტო Supermarket-ის თანადამფუძნებელი და კრეატიული დირექტორი.„საქართველოს ბანკი წელს მასწავლებლის ეროვნული ჯილდოს მთავარი მხარდამჭერია. ჩვენი მიზანი უცვლელია, შევქმნათ მოსწავლეებისთვის, სტუდენტებისთვის, ახალგაზრდა პროფესიონალებისა და მასწავლებლებისთვის განვითარების ახალი შესაძლებლობები და ხელი შევუწყოთ მათი პოტენციალის გამოვლენას. გვჯერა, რომ ამ პროცესში პედაგოგები გადამწყვეტ როლს თამაშობენ. სწორედ ამიტომ, მასწავლებლების პროფესიის დაფასებისთვის და მათი როლის გადააზრებისთვის, გადავწყვიტეთ შეგვექმნა კამპანია, რომელიც კიდევ უფრო ნათლად დაგვანახებდა მათ მნიშვნელობას ჩვენს ყოველდღიურ ცხოვრებაში. ასე დავიწყეთ მასწავლებლების შესახებ მოგონებებისა და საინტერესო ისტორიების შეგროვება, რომლებიც ახლა ჩვენ მიერ გამოცემულ კომიქსებში გაცოცხლდა. გვინდა, ჩვენი ინიციატივა იქცეს მოწოდებად მასწავლებლებისთვის, რომ არ გაჩერდნენ და ახსოვდეთ, რომ მათი პროფესია ძალიან ღირებულია“, - აღნიშნავს ანა ლომთაძე, საქართველოს ბანკის კორპორატიული სოციალური პასუხისმგებლობის მიმართულების (CSR) ხელმძღვანელი.ინფორმაციისთვის, კომიქსები ლიმიტირებული რაოდენობით გამოიცემა და თამაშობანას სივრცეში იქნება ხელმისაწვდომი.

1755252293