TBC უზბეკეთში გუნდს აძლიერებს

ბიზნესკურსის ერთ-ერთი სტუდენტია ლიკუნა ლომთათიძე, რომელმაც ელექტრონული კომერციის კურსი გაიარა. ლიკუნა არტ დირექტორი და კონცეპტუალური სთორითელერია. თანამშრომლობს როგორც ქართულ, ისე საერთაშორისო ბრენდებთან. 5 წელია, რაც კრეატივის, ბრენდინგისა და რეკლამის სფეროშია დასაქმებული, ცოტა ხნის წინ კი მუშაობა ბერლინში დაფუძნებულ საკომუნიკაციო და PR სააგენტო aktcomm-ში დაიწყო.იგი გვიამბობს, თუ რატომ დაინტერესდა საქართველოს ბანკის ბიზნესკურსით და რამდენად კმაყოფილია მიღებული ცოდნით:რას საქმიანობთ და რატომ დაინტერესდით ბიზნესკურსით?გულის სიღრმეში ძალიან ცნობისმოყვარე ადამიანი ვარ. ყოველთვის მაოცებდა კრეატივის შესაძლებლობები და მასშტაბი, მაგრამ არანაკლებ მიმზიდველი და საინტერესო იყო ბიზნესის მხარეც. სწორედ ამიტომ, ვგეგმავ ჩემი “boutique advertising agency”-ს ჩამოყალიბებას და მოდის ინდუსტრიაში ბიზნესის დაწყებას. ჩემი მიზანია, შევქმნა ისეთი რაღაც, რაც შემოქმედებითი და არაორდინალურია, თუმცა ამავდროულად — ჭკვიანური, სტრატეგიული და მოგებიანი.საქართველოს ბანკის ელექტრონული კომერციის კურსმა ჩემი ყურადღება მიიქცია, რადგან ის ჩემთვის საინტერესო ორ სამყაროს აერთიანებდა: კრეატიულობასა და ბიზნესს. გამოცდილების ძიების პროცესში მივხვდი, რომ მხოლოდ კარგი იდეები საკმარისი არაა, არამედ ისიც უნდა იცოდე, თანამედროვე ბაზარზე მათი პოზიციონირება და გაყიდვა როგორ უნდა მოახერხო. ამ კურსმა კი როგორც შემოქმედებით მეწარმეს, მომცა ინსტრუმენტები, რომლებიც სუფთა იდეებიდან რეალურ სამყაროში გასვლაში დამეხმარა,თავიდან როგორ აღმოაჩინეთ Businesscourse.ge და რატომ გადაწყვიტეთ რეგისტრაცია?ეს კურსი პირველად სოციალური ქსელების დახმარებით აღმოვაჩინე და ჩემი ყურადღება მალევე მიიპყრო. მთავარი ფაქტორი ის აღმოჩნდა, რომ კურსი ორგანიზებული იყო საქართველოს ბანკის მიერ, რომელსაც საქართველოში ერთ-ერთ ყველაზე პროგრესულ კომპანიად მივიჩნევ. ჩავთვალე, რომ თუ დიდი ბანკი ასეთ საგანმანათლებლო პროგრამაში ინვესტიციას ახორციელებს, ეს ნამდვილად ღირებული იქნებოდა. კურსზეც დავრეგისტრირდი, რადგან ისეთი უნარების შეძენა მსურდა, რომლებიც იდეებს მოქმედებაში მოიყვანდა და საკუთარი ბიზნესის დაწყებაში დამეხმარებოდა.გვიამბეთ, როგორი იყო სწავლის პროცესი?სასწავლო პროცესი სასიამოვნო და ინფორმაციული იყო. კურსი შედგებოდა მოკლე წინასწარ ჩაწერილი ვიდეოებისგან, რომელთა აღქმა ძალიან მარტივი იყო. კურსი რამდენიმე საათში დავამთავრე, ეს ფაქტი კი ძალიან მომეწონა, რადგან იყო იდეალური ხანგრძლივობის, ნაკლებად გადატვირთული და ამასთანავე — ღირებულებით სავსე. რაც შეეხება ლექტორს, ყველაფრის ნათლად ასახსნელად მას შესანიშნავი ხერხი ჰქონდა, თხრობა კი მთელი დროის განმავლობაში ძალიან სასიამოვნო იყო. კურსი დაიწყო ელექტრონული კომერციის ზოგადი მიმოხილვით, შემდეგ გადავიდა პრაქტიკულ ინსტრუმენტებზე, პლატფორმის ვარიანტებსა და მათი ეფექტურად გამოყენების გზებზე.როგორ შეაფასებდით მიღებულ ცოდნას? დაგეხმარათ თუ არა პრაქტიკულ საქმიანობაში?ელექტრონული კომერციის კურსი მხოლოდ თეორიული გაკვეთილებისგან არ შედგება, არამედ კურსი მოიცავს რეალურ ინსტრუმენტებს, პლატფორმებსა და მიდგომებს, რომლებიც უშუალოდ ბიზნესის დაწყებას ან მართვას ეხება. ჩემთვის ამგვარი მიდგომა ძალიან სასარგებლო იყო. რადგან ამჟამად ვმუშაობ როგორც კრეატიული სააგენტოს, ასევე ონლაინ მოდის ბრენდის შექმნის პროცესზე, ამ კურსმა კი ნათელი საწყისი წერტილი მომცა — ადრე მქონდა შემოქმედებითი ხედვა, მაგრამ არ ვიყავი დარწმუნებული, თუ როგორ წარმემართა ბიზნესის მხარე. ახლა კი მესმის, როგორ ვიფიქრო სტრატეგიულად: როგორ ავირჩიო პლატფორმები და დავწერო ბიზნეს და შემოქმედებითი გეგმა, რომელიც ბიზნეს  სამყაროში მუშაობს.რას ურჩევდით მათ, ვინც ჯერ კიდევ ფიქრობს Businesscourse.ge-ზე დარეგისტრირდეს თუ არა?თუ ამ კურსების გავლას ფიქრობთ, ასეც მოიქეცით. მნიშვნელობა არ აქვს რა გამოცდილება გაქვთ — ჩემნაირად შემოქმედებით ინდუსტრიას მიაკუთვნებთ თავს თუ უფრო ბიზნესზე ხართ ორიენტირებული, რადგან ბიზნესკურსი ღირებულ ინფორმაციას გთავაზობთ.ბიზნესკურსი გაძლევთ პრაქტიკულ ინსტრუმენტებს, რეალურ სტრუქტურასა და თავდაჯერებულობას, რომ იდეები მოგებიან ბიზნესად აქციოთ. მივხვდი, რომ არ არის საჭირო დაელოდო როდის იქნები "მზად", უბრალოდ საჭიროა სწორი საფუძველი და ეს კურსი ზუსტად ამას გაძლევს.თუ თქვენ ხართ ცნობისმოყვარე, ამბიციური ან უბრალოდ გსურთ გაიგოთ, როგორ გადააქციოთ თქვენი უნარები და ოცნებები რეალობად, ბიზნესკურსი იდეალური პირველი ნაბიჯია. ზოგჯერ უმნიშვნელო გადაწყვეტილებამ, მაგალითად, ონლაინ კურსზე დარეგისტრირებამ, შეიძლება თქვენი ოცნების მომავლის კარი გააღოს.აღსანიშნავია, რომ ბიზნესკურსი საქართველოს ბანკის ბიზნეს განათლებისა და ბიზნეს 360°-ის შემადგენელი ნაწილია. მასზე ხელმისაწვდომია 60-მდე კურსი სხვადასხვა თემატიკაზე. ხოლო ბიზნეს 360° ციფრული პლატფორმაა, რომელიც ყველა იმ შესაძლებლობას აერთიანებს, რასაც საქართველოს ბანკი მცირე და საშუალო ბიზნესისთვის ქმნის — იქნება ეს საგანმანათლებლო პროექტები, განვითარებაზე ორიენტირებული პროგრამები, შეთავაზებები, ღონისძიებები, სექტორული კვლევები თუ სხვა.

1746537530

საქართველოს ბანკის PLUS ბარათის გათამაშება 7 აპრილს დაიწყო და 1 ივნისამდე გრძელდება. გათამაშების ფარგლებში მომხმარებლებს შესაძლებლობა აქვთ ნებისმიერი გადახდისას 100, 1 000 ან 10 000 ლარი მოიგონ.გათამაშებას უკვე 1500-ზე მეტი გამარჯვებული ჰყავს. ერთ-ერთი მათგანი PLUS ბარათის ახალგაზრდა მომხმარებელი – რეზო გოგატიშვილია, რომელიც 10 000 ლარით დასაჩუქრდა.18 წლის რეზო ფოთში მებაღედ მუშაობს და სწორედ ამ პარკის მახლობლად, ხშირად უწევს სასურსათო მაღაზიაში  სიარული. რამდენიმე დღის წინ, კი ერთ-ერთი შენაძენის დროს, სრულიად მოულოდნელად გაიგო რომ  გამარჯვებული გახდა.„გათამაშების შესახებ ვიცოდი, შეტყობინება მომივიდა რამდენიმე დღით ადრე, თუმცა ყურადღება მაინცდამაინც არ მიმიქცევია, რადგან ცხოვრებაში არასდროს არაფერი მომიგია და თავი ძალიან უიღბლოც კი მეგონა. გამარჯვება ძალიან მოულოდნელი იყო, რომ დამირეკეს თავიდან არც დავიჯერე, ხუმრობა მეგონა. PLUS ბარათი ერთი წლის წინ ავიღე. ვიცოდი, ქულების დაგროვებისა და სხვა შეთავაზებების შესახებ, თუმცა დიდად არ ვყოფილვარ ჩართული. წარმოდგენა იმის შესახებ, რომ რაღაცები შეუძლებელია, ნამდვილად დაიმსხვრა და სამომავლოდ ვაპირებ უფრო აქტიურად ვადევნო თვალი სხვადასხვა შეთავაზებებსა თუ გათამაშებებს”, - ამბობს რეზო.ინფორმაციისთვის, გათამაშებაში მონაწილეობა ყველას შეუძლია. არ აქვს მნიშვნელობა, რა რაოდენობის თანხას გადაიხდით ან რომელ მაღაზიაში, ნებისმიერ შემთხვევაში შეძლებთ გათამაშებაში მონაწილეობას.  გადახდისას აუცილებელია გამოიყენოთ PLUS ბარათი.დამატებითი უპირატესობაა ისიც, რომ გათამაშების პარალელურად მომხმარებლებს PLUS ქულების დაგროვების შესაძლებლობა აქვთ და მათი გადაცვლა სამომავლოდ სასურველ ნივთებსა თუ მომსახურებაში შეუძლიათ.შეუკვეთეთ PLUS ბარათი და ჩაერთეთ გათამაშებაშიგათამაშება 1 ივნისის ჩათვლით გაგრძელდება, შესაბამისად, წინ მთელი თვეა. არ დაკარგოთ დრო, აიღეთ  PLUS ბარათი, ჩაერთეთ გათამაშებაში და დაელოდეთ შეთავაზებებსა და ფასდაკლებებს.PLUS ბარათის აღებას ძალიან მარტივად, მის აღებას საქართველოს ბანკის ნებისმიერ ფილიალში შეძლებთ. ბარათის ელექტრონული ვერსიას კი სულ რამდენიმე წუთში,  მობილ ბანკში გაიაქტიურებთ. (R)

1746536543

სასტუმროების სელექცია: სასტუმრო ბოდბე - სიღნაღში, სასტუმრო ბოდბეში, კონცეპტ მომხმარებლები 30%-იანი ფასდაკლებით ისარგებლებენ; ბუტიკ სასტუმრო კვირია - კვირიაში სტუმრობისას კი, 20%-იანი ფასდაკლება ექნებათ; Holiday In Telavi - თიბისი კონცეპტის მომხმარებლებს 20%-იან ფასდაკლებას შესთავაზებს. სასტუმრო ყვარლის ტბაზე დასვენებისას კი, 30%-იან ფასდაკლებას მიიღებენ.   აღნიშნულ სასტუმროებში არსებული შეთავაზებებით სარგებლობას, მაისის თვეში, თიბისი კონცეპტის ნებისმიერი ბარათის მფლობელები შეძლებენ.სასტუმროების შესახებ დეტალური ინფორმაციის მისაღებად და ჯავშნებისათვის, თიბისი კონცეპტის მომხმარებლები კონცეპტ ასისტენტს უნდა დაუკავშირდნენ. ასევე შეგახსენებთ, რომ მაისის განმავლობაში, წინანდლის მამული „რადისონ ქოლექშენში“, თიბისი კონცეპტ Mastercard სადებეტო ბარათებზე 1+1 აქცია მოქმედებს, რომლის ფარგლებშიც, მომხმარებლები საჩუქრად ერთი დამატებითი ნომერს ან ღამეს იღებენ.თიბისი კონცეპტის მაისის თვის ყველა შეთავაზება შეგიძლიათ იხილოთ ბმულზე. 

1746533596

„წლის განმავლობაში ჩვენ გავაძლიერეთ ოპერირება ერთ-ერთ სტრატეგიულ ქვეყნაში, საქართველოში, სადაც ჩვენი პირველი სამწლიანი სატარიფო გეგმა დამტკიცდა. გარდა ამისა, დავამტკიცეთ 2024-2026 წლების სტრატეგიული მდგრადობის გეგმა. საქართველოში საინვესტიციო გეგმის დასაფინანსებლად გამოვუშვით 300 მილიონი დოლარის ოდენობის მწვანე ობლიგაცია, რაც შესაბამისობაშია Aqualia-სთვის მნიშვნელოვან მდგრადი განვითარების მიზნებთან.Aqualia-სთვის საქართველოს ბაზარზე ოპერირება ერთ-ერთი უმნიშვნელოვანესი გადაწყვეტილება იყო. ჩვენ დედაქალაქსა და მიმდებარე ტერიტორიებზე 1.4 მილიონ ადამიანს ვემსახურებით მარეგულირებლის მიერ დამტკიცებული სამწლიანი სატარიფო პირობებითა  და  ჩვენს მიერ დამტკიცებული საინვესტიციო გეგმით.აღსანიშნავია, რომ განსხვავებით სხვა ქვეყნებისგან, საქართველოში ტარიფების დაგეგმვის მექანიზმი ინფრასტრუქტურის მოვლა-პატრონობასთან ერთად, მის განახლებასაც მოიცავს. ეს არის პროგნოზირებული და რეგულირებადი პროცესი, რაც შესაბამისად უზრუნველყოფს განვითარების მეტ სტაბილურობას. საქართველოს აქვს რეგულირების გამართული მექანიზმები, სამწლიანი ტარიფების გადახედვით, რომელიც დაფუძნებულია აუდირებულ საინვესტიციო გეგმებსა და კაპიტალურ და საინვესტიციო ხარჯებზე”, - აცხადებს  Aqualia-ს გენერალური დირექტორი.ლაფუენტეს თქმით, Aqualia-ს უპირატესობა კომპანიის მასშტაბთან ერთად არის უნარი, შექმნას დამატებითი ღირებულება, სადაც არ უნდა იყოს. “ჩვენ არ ვართ კომპანია, რომელიც მხოლოდ ერთჯერად კონტრაქტებზეა ორიენტირებული. გვსურს დავრჩეთ, ვინტეგრირდეთ და გვქონდეს თანაბრად მაღალი სტანდარტები  მსოფლიოს ნებისმიერ წერტილში.Aqualia-ს ძლიერი მხარე მომსახურების ერთიანი ფილოსოფიაა, რომელსაც ვნერგავთ როგორც პატარა, ისე დიდ და საშუალო მუნიციპალიტეტებში.”გენერალური დირექტორი აღნიშნავს, რომ 2024 წელი Aqualia-სთვის გამორჩეული წელი იყო. კომპანიაში შეიმუშავეს მდგრადი განვითარების მკაფიო სტრატეგია. პროგრესს მიაღწიეს ყველა ძირითად სფეროში, როგორიცაა  საერთაშორისო ზრდა, ციფრული ტრანსფორმაცია, მდგრადობა და ფინანსური სიძლიერე.პუბლიკაციის თანახმად, Aqualia, ერთ-ერთი წამყვანი წყლის მართვის კომპანია ევროპაში, ახალ ეტაპზე გადავიდა ახალი გენერალური დირექტორის ხელმძღვანელობით. სანტიაგო ლაფუენტე, რომელსაც მრავალწლიანი გამოცდილება აქვს ინფრასტრუქტურისა და მდგრადი განვითარების სფეროში, სათავეში უდგას კომპანიის სტრატეგიულ განვითარებას და ტრანსფორმაციას, რომელიც მიზნად ისახავს წყლის რესურსების უფრო ეფექტიან და მდგრად მართვას მსოფლიო მასშტაბით.

1746533382

როგორც სახელმწიფო კომპანიის ვებგვერდზე არსებული ინფორმაციიდან ირკვევა, ვანო ზარდიაშვილი გენერალური დირექტორის პოსტს 2025 წლიდან იკავებს, იქამდე კი ამავე კომპანიაში სხვადასხვა პოზიციები ეკავა.უფრო კონკრეტულად, 2021 წლიდან 2025 წლამდე მუშაობდა სსე-ის დირექტორად იურიდიულ, გარემოს დაცვის, სოციალურ და ნებართვების საკითხებში. 2020 წლიდან 2021 წლამდე კი იყო სსე-ის მმართველთა საბჭოს წევრი.რეესტრის მონაცემებით, სახელმწიფო ელექტროსისტემაში გენერალური დირექტორის ცვლილება გასულ თვეში ორჯერ აისახა. 8 აპრილს გენერალური დირექტორის პოზიციაზე გიორგი გიგინეიშვილი შეცვალა დავით ტეტუნაშვილმა, ხოლო უკვე 16 აპრილის ამონაწერით, რეესტრში სახელმწიფო კომპანიის გენერალურ დირექტორად ვანო ზარდიაშვილია მითითებული.ცნობისთვის, სს „საქართველოს სახელმწიფო ელექტროსისტემის“ 100%-იანი წილი სახელმწიფო საკუთრებაშია. რაც შეეხება ვანო ზარდიაშვილს, „საქართველოს სახელმწიფო ელექტროსისტემაში“ დასაქმებამდე მე-9 მოწვევის პარლამენტის წევრი იყო. დეპუტატის მანდატი მას 2019 წელს შეუწყდა, რის შემდეგაც, 2019-2020 წლებში იკავებდა შპს „ენერგოტრანსის“ დირექტორის პირველი მოადგილის თანამდებობას.

1746532407

გარიჟრაჟზე დგება- ზაფხულში 05:00 საათზეც კი. პირველ რიგში ბატკნების კვებაზე ზრუნავს, რომლებიც ცალკე სადგომში არიან დაბინავებულები და მეტ ყურადღებას საჭიროებენ. შემდეგ კი მოზრდილი ცხვრები გაჰყავს საძოვარზე. მნიშვნელოვანია, რომ ეს ყველაფერი მანამდე მოესწროს, სანამ დაცხება. შუადღის მზეში, ცხვრები „სიესტას“ იწყობენ და ბალახს პირს აღარ აკარებენ.ჯუნო ჩიბურდანიძის ოჯახი თავიდანვე მესაქონლეობას მისდევდა. უმაღლესი განათლების მიღების შემდეგ, ისიც ახალსოფელში დაბრუნდა და მამის საქმე გააგრძელა.დილა და საქმე კი იგივე იყო, თუმცა 15 წლის წინ მასშტაბები შეიცვალა. ჩიბურდანიძეებმა შეღავათიანი აგროკრედიტით ახალი ფერმის აშენება შეძლეს, მეცხვარეეები დაიქირავეს და 3 000 თუშურ ცხვარს დაუწყეს მოვლა-მწყემსვა.„ფერმა არ გაპატიებს სიზარმაცეს, დაუგეგმავ დღეს, ცუდად მომზადებულ ზამთარს. უამრავი წვრილმანია, რასაც ყურადღება უნდა მიაქციო. ხშირად შეუცვალო საძოვარი, მუდმივად აკონტროლო ცხვრების ჯანმრთელობა. ეს ყველაფერი შრომასა და ცოდნას მოითხოვს. თიბისი არა მხოლოდ მე მეხმარება განვითარებაში, საშუალებასაც მაძლევს მინიმუმ ათი ადამიანი დავასაქმო“, - გვიხსნის ჯუნო.საქართველოში მეცხვარეობა ათასწლეულებს რომ ითვლის, ამას არგონავტების მითიც კი ადასტურებს. ამ ლეგენდაშიც ბერძნების მთავარი ინტერესი ოქროს საწმისი - იგივე მოოქრული ცხვრის ტყავია.უცნაური, მაგრამ ჯიუტი ფაქტია, რომ ცხვრის მოვლის ამხელა ტრადიციისა და ავთენტური ჯიშების გამორჩეულობის მიუხედავად, საქართველოში ცხვრის სიყვარული მთებში შეფენილი თეთრი ფარას ფოტოებს, ან აღდგომის დღეებში მომზადებულ ბატკნის ჩაქაფულს ვერ გასცდა. ის ვერ იქცა  ყოველდღიურ საკვებ პროდუქტად. ჯინო ჩიბურდანიძეც ყოველწლიურად 1500- მდე ცხვარს უცხოელებზე ჰყიდის.„ჩვენი ძირითადი სარეალიზაციო არეალი  გალფის ქვეყნები, ასევე ირანია. დაახლოებით აგვისტოს ბოლოს, სექტემბერში იწყებენ რეალიზატორები ჩამოსვლას. ჩვენ  მხოლოდ მამალ ცხვარს ვყიდით, მათი ასაკი 4-5 თვეა. საოცრად მოსწონთ, რადგან მთელი წლის მანძილზე გამორჩეული ბალახით იკვებება საძოვრებზე, რაც მის ხორცს განსაკუთრებულს ხდის“, - ამბობს ჯუნო.იმის გამო, რომ ქვეყანაში შესაბამისი ინფრასტრუქტურა არ არის განვითარებული. მატყლის გადაყრა უწევთ. არადა, თანამედროვე მსოფლიოში მატყლი ეკომეგობრულ ნედლეულად მიიჩნევა, რომლისგანაც იწარმოება თერმულად რეგულირებადი ტანსაცმელი, სახლის თბოიზოლაცია და ბიოდეგრადირებადი ტომრები.ერთ-ერთი ფაქტორი, რის გამოც ცხვრის ხორცი არაპოპულარულია, მისი სპეციფიკური სუნია. ფერმერი ამის მიზეზსაც გვიხსნის.„აუცილებელია რომ ცხოველს მუდმივად შეუცვალო საძოვარი, მოუარო. მრავალფეროვანი საკვების და ყურადღების პირობებში ცხვარს სუნი არაქვს“.საძოვარი მინდვრები იჯარით აქვთ აღებული. ზაფხულობით ფარას ნინოწმინდისკენ, ჯავახეთის მთებში მიერეკებიან, თურქეთის საზღვართან. გზა პატარა ბატკნებისთვის დამღლელია, ამიტომ ხშირად მანქანებში ისვამენ.„ბუნებრივია, წლებმა გამოცდილება შემძინა. როგორც კი შევხედავ ცხვარს უკვე ვხვდები რა აწუხებს“, - გვიყვება ჯუნო, რომელიც საუბრის მომენტშიც მინდორში, სხვა მყემსებთან ერთადაა.მსოფლიოში ცხვრის ხორცი მე-4 ადგილზეა მოხმარების მიხედვით, ხოლო ავსტრალიასა და ახალ ზელანდიას ცხვრის ექსპორტით მილიარდიანი ბრუნვა აქვთ. ავსტრალიის რამდენიმე უნივერსიტეტში ცხვრის გენეტიკასა და მეცხვარეობის მენეჯმენტს სამაგისტრო პროგრამაშიც კი სწავლობენ.მსოფლიოში უკვე არსებობს პლატფორმები, სადაც ფერმერი თითოეული ცხვრის GPS ლოკაციას, ჯანმრთელობის მონაცემებს და საკვების სტატუსს „ლაივ“ რეჟიმში ამოწმებს ამოწმებს. ჩიბურდანიძის ფერმაში  ეს ყველაფერი ჯერ თვალით და გამოცდილებით ხდება მაგრამ ვინ იცის, იქნებ ერთ დღეს მათ  ბატკნებსაც ჰქონდეთ პროფილები ციფრულ ფარაში. 

1746527039

გამოსვლისას მან ყურადღება გაამახვილა რეგიონში არსებული გამოწვევების მიუხედავად, ბოლო ოთხი წლის განმავლობაში საქართველოს მიერ მიღწეულ პროგრესზე.აღინიშნა, რომ გასული ოთხი წლის მანძილზე საშუალო წლიურმა ზრდამ 9.5%-ს გადააჭარბა და 2025 წელიც ზრდის მაღალი პარამეტრებით დაიწყო. ისაუბრა საქართველოსა და აზიის განვითარების ბანკს შორის თანამშრომლობის,  გამოცდილების გაზიარების აუცილებლობაზე.მან აზიის განვითარების ბანკსა და მის წევრ ქვეყნებს მოუწოდა ერთობლივად შემუშავდეს გადაწყვეტილებები, რომლებიც ხელს შეუწყობს ეკონომიკურ ზრდას, შექმნის ახალ სამუშაო ადგილებს და გააძლიერებს ისეთ აუცილებელ რეგიონალურ კავშირს, რომელიც საერთო კეთილდღეობას მოემსახურება.ლაშა ხუციშვილმა მადლობა გადაუხადა აზიის განვითარების ბანკის გუნდსა და იტალიის მთავრობას ADB-ის 58-ე წლიური ღონისძიების მაღალ დონეზე ორგანიზებისთვის.

1746526844

ლიბერთი თავის მომხმარებელს Top|Card-ს ერთი წელია რაც სთავაზობს და მოიცავს თანხის უპროცენტოდ გადანაწილების ფუნქციას 3000 + ზე მეტ პარტნიორ კომპანიაში. ხოლო Top|Card Black Edition, ლიბერთის პრემიუმ სეგმენტის მომხმარებლებს, საქართველოში და მის ფარგლებს გარეთ მისცემს უნიკალურ შესაძლებლობას, დამატებით მიიღონ წვდომა შოპინგისა და მოგზაურობის პრემიუმ გამოცდილებაზე - გლობალური კონსიერჟ სერვისები, ლაუნჯები, სადაზღვევო მომსახურებები და სპეციალური შეთავაზებები.„Mastercard-ში ჩვენ ვქმნით პროდუქტებს, რომლებიც არამხოლოდ გადახდის ინსტრუმენტებს სთავაზობს მომხმარებლებს, არამედ ემსახურება ცხოვრების სტილის ამაღლებას. Top|Card Black Edition სწორედ ამ იდეას გამოხატავს — ესაა ბარათი, რომელიც გაძლევთ წვდომას პრემიუმ გამოცდილებებზე, დაუვიწყარ თავგადასავლებსა და შეუფასებელ მომენტებზე", - დავით ზღუდაძე, Mastercard-ის ვიცე პრეზიდენტი საქართველოსა და სომხეთში."ლიბერთის უნივერსალიზაციის სტრატეგიის ფარგლებში, პრემიუმ სეგმენტისთვის სერვისებისა და პროდუქტების განვითარება, ერთ-ერთი პრიორიტეტული მიმართულებაა. მნიშვნელოვანია, რომ Mastercard-თან პარტნიორობით, სტუდიო ლიბერთის მომხმარებლებს პირველად ეძლევათ შესაძლებლობა ისარგებლონ World Black Edition ბარათით. მინდა ვისარგებლო შემთხვევით და მადლობა გადავუხადო ამ პროდუქტის დანერგვაში ჩართულ ყველა გუნდს", - ნინო ჩადუნელი, ლიბერთის საცალო საბანკო მიმართულების დირექტორი.„მოხარულები ვართ, რომ სწორედ სტუდიო ლიბერთის მომხმარებლები შეძლებენ World Black Edition-ის პირველად გამოყენებას. Top|Card Black Edition-ის მფლობელებისთვის, მუდმივად იქნება ხელმისაწვდომი მრავალფეროვანი შეთავაზებები, სამოგზაურო ბენეფიტები,  სპეციალური კამპანიები და რა თქმა უნდა, საბანკო მომსახურების ახლებური გამოცდილება, რომლითაც სტუდიო ლიბერთის მომხმარებლები სარგებლობენ", - ლედი კოჭლამაზაშვილი, ლიბერთის პერსონალური ბანკინგისა და მომხმარებლისთვის ღირებულების შექმნის დეპარტამენტის ხელმძღვანელი.ბარათით სარგებლობისას ხელმისაწვდომი იქნება Mastercard World Black Edition-ის მუდმივი სამოგზაურო უპირატესობები: 10 უფასო Lounge Key ვიზიტი (ბარათით დახარჯული თანხის მიუხედავად, 1200+ ლაუნჯში) 10 Fast Track სერვისი საერთაშორისო აეროპორტებში 1GB FlexiRoam მობილური ინტერნეტი საჩუქრად + 15% ფასდაკლება დამატებით მეგაბაიტებზე სამოგზაურო დაზღვევა, მათ შორის რეისის გადადების ან ბარგის დაკარგვის შემთხვევაში დეტალური ინფორმაცია Top|Card Black Edition-ის უპირატესობების შესახებ ხელმისაწვდომია ვებგვერდზე: studioliberty.geTop|Card Black Edition-ის სპეციალური შეთავაზებების ფარგლებში, პირველი პარტნიორი საქართველოში პლატფორმა tkt.ge იქნება. ერთობლივი კამპანია ზაფხულის სეზონს მიეძღვნება და ბარათის მფლობელებს, 13-31 მაისს ავიაბილეთის შეძენისას, საფასურის ხარჯის 3 თვეზე გადანაწილებას და დამატებით 200 ლარიან ქეშბექს შესთავაზებს.ლიბერთის სტანდარტული Top|Card-ის მფლობელები, სტუდიო ნაკრების შეძენისთანავე შეძლებენ Black Edition-ით სარგებლობას. ხოლო მას, ვისაც ჯერ არ აქვს Top|Card, შეუძლია მარტივად გახდეს სტუდიოს წევრი და დაიმტკიცოს სასურველი ლიმიტი ბარათზე.გახდი სტუდიოსტუდიო ლიბერთი ლიბერთის პრემიუმ ბანკინგის მიმართულებაა — პირველი მრავალფუნქციური სივრცე საქართველოში, რომელიც შექმნილია პირადი და ბიზნეს ინტერესების თანაკვეთაზე. სტუდიო ლიბერთის მომხმარებლები სარგებლობენ პერსონალური ბანკირის მომსახურებით, იღებენ საბანკო და lifestyle პროდუქტებზე მორგებულ ექსკლუზიურ შეთავაზებებს და პრემიუმ მომსახურებას როგორც პირადი, ასევე ბიზნეს ფინანსებისთვის.ლიბერთი ერთ-ერთი უმსხვილესი ბანკია საქართველოში, რომელიც 1.7 მილიონზე მეტ ფიზიკურ პირსა და 50,000-ზე მეტ მცირე და საშუალო ბიზნესს ემსახურება ქვეყნის მასშტაბით.www.studioliberty.geაბაშიძის 70, თბილისი | გრიშაშვილის 19, ქუთაისი

1746526642