ჰეგსეტი უკრაინის დახმარებაზე პასუხისმგებელ გენერალს თანამდებობიდან უშვებს

საქმეზე ჩატარებული 1 000-ზე მეტი საგამოძიებო მოქმედების შედეგად, ამ ეტაპზე ორგანიზებული ჯგუფის 17 წევრია დაკავებული, 3 მიმალვაში მყოფ პირზე კი ძებნა გამოცხადდება. გარდა ამისა, ბრალდება წარედგინა 11 ფიზიკურ პირს, რომლებიც გამოძიებასთან თანამშრომლობენ, ხოლო სისხლისსამართლებრივი დევნა 24 იურიდიული პირის მიმართ დაიწყო.უწყების ინფორმაციით, ბრალდებულებს შორის არიან სამედიცინო და ფარმაცევტული საქმიანობის რეგულირების სააგენტოს ყოფილი მაღალი თანამდებობის პირები. ისინი პირადი ინტერესებისა და სამსახურებრივი მდგომარეობის ბოროტად გამოყენებით, წლების განმავლობაში ხელს უწყობდნენ დანაშაულებრივი სქემის ფუნქციონირებას.გამოძიებით დადგინდა, რომ ე.წ. „სააფთიაქო ნარკომანიის“ ფართომასშტაბიანი ქსელი ქვეყანაში 2018–2025 წლებში მოქმედებდა და პროცესს ფსიქოტროპული მედიკამენტების იმპორტიორი კომპანიების ხელმძღვანელები ორგანიზებდნენ. დანაშაულის დასაფარად, მედიკამენტები დოკუმენტურად ფორმდებოდა ფიქტიური ფარმაცევტული კომპანიების სახელზე, თუმცა რეალურად, ყოველგვარი რეცეპტისა და ნებართვის გარეშე, მაღალი ფასნამატით საცალოდ იყიდებოდა მთელი ქვეყნის მასშტაბით ისეთ ობიექტებში, რომლებსაც აფთიაქის სტატუსიც კი არ გააჩნდათ.ამ დროისთვის დადგენილია, რომ უკანონო ვაჭრობით მიღებულმა შემოსავალმა 53 833 723 ლარი შეადგინა. თანხების ლეგალიზაციისთვის, კრიმინალური შემოსავლის მნიშვნელოვანი ნაწილი ხელფასებისა და დივიდენდების სახით ფორმდებოდა, რის შემდეგაც ბრალდებულებმა დიდი ოდენობით უძრავი და მოძრავი ქონება შეიძინეს. აღნიშნული აქტივები სრულად არის დაყადაღებული, საიდანაც მომავალში სახელმწიფოსთვის მიყენებული ზიანის ანაზღაურება მოხდება.საგამოძიებო სამსახურის სამმართველოს უფროსის მოადგილის, გუგა თავბერიძის განცხადებით, გამოძიება საქართველოს სისხლის სამართლის კოდექსის 192-ე და 194-ე მუხლებით მიმდინარეობს, რაც სასჯელის სახით 9-დან 11 წლამდე ვადით თავისუფლების აღკვეთას ითვალისწინებს. უწყება აფრთხილებს სფეროში მოქმედ ყველა ფიზიკურ და იურიდიულ პირს, რომ სახელმწიფო მსგავსი დანაშაულების მიმართ, რომლებიც აზიანებს ბიუჯეტს და საფრთხეს უქმნის მოქალაქეთა სიცოცხლეს, იქნება განსაკუთრებით მკაცრი.აღნიშნული მასშტაბური ღონისძიება საგამოძიებო სამსახურმა საქართველოს პროკურატურის ზედამხედველობით, ასევე შინაგან საქმეთა სამინისტროს, სახელმწიფო უსაფრთხოების სამსახურისა და შემოსავლების სამსახურის მხარდაჭერით განახორციელა.

1782290129

წელს ოლიმპიადაში მონაწილეობა საქართველოს მასშტაბით 14 000-ზე მეტმა მოსწავლემ მიიღო, რომელთაგან 128 გამარჯვებული გამოვლინდა.გამარჯვებულები არიან ადიგენიდან, ბათუმიდან, ზუგდიდიდან, თელავიდან, თერჯოლიდან, ლანჩხუთიდან, მცხეთიდან, რუსთავიდან, საჩხერიდან, ფოთიდან, ხონიდან, ქუთაისიდან და თბილისიდან.იმ მოსწავლეებს კი, რომლებმაც ორ ოლიმპიადაში მოიპოვეს პირველი ადგილი, გადაეცათ საქართველოს ბანკის საჩუქრები.ინფორმაციისთვის, ევერესტის ოლიმპიადაში II, III, IV, V და VI კლასის მოსწავლეები მონაწილეობდნენ. ოლიმპიადა სამტურიანია: შესარჩევი ტურიდან ნახევარფინალში ოლიმპიადის ის მონაწილეები გადავიდნენ, რომლებმაც დააგროვეს არა უმცირეს 30 ქულა; ნახევარფინალში, თითოეული კლასიდან (II, III, IV, V და VI კლასი) გამოვლინდა საუკეთესო შედეგის მქონე 500 მოსწავლე, რომლებმაც ფინალში იასპარეზეს; ფინალურ ტურში კი გამოვლინდა II, III, IV, V და VI კლასის საუკეთესო შედეგის მქონე 10-10 გამარჯვებული. საქართველოს ბანკი, როგორც განათლების მთავარი მხარდამჭერი, 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები – საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი – STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა.საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს ganatleba.bog.ge(R)

1782289114

ფრანგული საბაჟოს (DGDDI) მონაცემებზე დაყრდნობით მომზადებული ანგარიშიდან, რომელსაც ამერიკის ღვინის ეკონომისტთა ასოციაცია (AAWE) აქვეყნებს, ვიგებთ, რომ საქართველოში ელზასური თეთრი ღვინის იმპორტის ღირებულება 2024 წლის €0.02 მლნ-დან 2025 წელს €0.04 მლნ-მდე გაიზარდა.საერთო ჯამში, ელზასური ღვინოების ტრადიციული საექსპორტო მოწინავე პოზიციებს კარგავენ, რაც გლობალური კლების მთავარი მიზეზია.უმსხვილეს ბაზრებზე მნიშვნელოვანი დანაკარგები დაფიქსირდა, კერძოდ: კანადაში ექსპორტი 11.2%-ით შემცირდა, აშშ-ში - 4%-ით, ხოლო ჩინეთში - 12.6%-ით.ტრადიციულ ბაზრებზე მიღებული ეს ზარალი მხოლოდ ნაწილობრივ დააბალანსა ისეთ ქვეყნებში დაფიქსირებულმა მატებამ, როგორებიცაა იაპონია (+8.5%) და სამხრეთ კორეა (+20.5%).AAWE-ის ანგარიშის თანახმად, ახალი და განვითარებადი ბაზრები, მიუხედავად მაღალი პროცენტული ზრდისა, ჯერ კიდევ საკმაოდ მცირეა საიმისოდ, რომ წამყვანი ქვეყნების ვარდნით გამოწვეული დანაკარგები სრულად აანაზღაუროს.

1782285320

სამი დღის განმავლობაში, საქართველოს დედაქალაქი კავკასიისა და ცენტრალური აზიის ტექნოლოგიური ეკოსისტემების შეხვედრის ადგილად იქცა, სადაც თავი მოიყარეს ინოვაციების, ბიზნესისა და ტექნოლოგიების სფეროს ლიდერებმა, ინვესტორებმა, მეწარმეებმა და პროფესიონალებმა.თიბისი, როგორც ყველაზე ინოვაციური ბანკი ცენტრალურ და აღმოსავლეთ ევროპაში, GTWT-ის მთავარი მხარდამჭერია. ღონისძიებაზე თიბისის ტექ.გუნდის წარმომადგენლებმა დამსწრე აუდიტორიას საკუთარი გამოცდილება გაუზიარეს იმის შესახებ, თუ როგორ სჯერათ და ქმნიან ინოვაციას თიბისი ტექში.ღონისძიებაზე, არჩილ ვარდიძემ (თიბისის დიზაინის მთავარმა ოფიცერმა), გიორგი კინწურაშვილმა (ეკოსისტემის ინოვაციების ლიდერმა), გუგა ბურდულმა (ციფრული ანალიტიკის ლიდერმა), ალექსანდრე შაფათავამ (ეჯაილ ქოუჩმა) სხვადასხვა სცენიდან ისაუბრეს ინოვაციების მართვაზე, დიზაინის გავლენაზე ბიზნესზე, ასევე, მონაცემებზე დაფუძნებულ გადაწყვეტილებებსა და იმ შესაძლებლობებზე, რომლებსაც თიბისი პარტნიორი კომპანიებისთვის ქმნის.20 ივნისს, GTWT-ის მთავარი კონფერენცია Factory Tbilisi-ში გაიმართა. დამსწრეებმა მოისმინეს დისკუსიები ტექნოლოგიების, ხელოვნური ინტელექტის, ფინტექის, Web3-ის, დიზაინის, პროდუქტის განვითარების, გეიმინგის, ურბანული ინოვაციებისა და სხვა აქტუალური თემების შესახებ. სპიკერებს შორის იყვნენ ისეთი საერთაშორისო ბრენდებისა და ორგანიზაციების წარმომადგენლები, როგორებიცაა: Google, Apple, Revolut, Nike და Fuckup Nights და სხვა.(R)

1782282103

ვორქშოფი განკუთვნილია მეწარმეებისთვის, რომლებიც საკუთარი ბრენდის კომუნიკაციის გაძლიერებასა და ეფექტური ქოფირაითინგის ტექნიკების ათვისებას ისახავენ მიზნად.შეხვედრის ფარგლებში მონაწილეები გაიგებენ: რა არის ბრენდის არქეტიპი, Tone of Voice და მთავარი მესიჯი;  როგორ გამოიყენონ ქოფირაითინგის ფორმულები და სთორითელინგი ეფექტური კომუნიკაციისთვის;  როგორ შექმნან ტექსტები, რომლებიც მომხმარებელს მოქმედებისკენ უბიძგებს;  რა არის ეფექტური ქოფირაითინგი და როგორ მუშაობს ის პრაქტიკაში.  „საქართველოს ბანკისთვის მნიშვნელოვანია, მეწარმეებს შევთავაზოთ არა მხოლოდ ფინანსური პროდუქტები, არამედ ცოდნა და პრაქტიკული ინსტრუმენტები, რომლებიც მათ ბიზნესის ზრდაში დაეხმარება. სწორედ ამ მიზანს ემსახურება ბიზნეს 360˚-ის საგანმანათლებლო შეხვედრების სერია, სადაც მონაწილეები სხვადასხვა სფეროს წამყვანი პროფესიონალებისგან იღებენ გამოცდილებას. გვჯერა, რომ ძლიერი კომუნიკაცია და სწორად ჩამოყალიბებული ბრენდის ხმა თანამედროვე ბიზნესის წარმატების მნიშვნელოვანი წინაპირობაა“, — აცხადებს ეკატერინე ჭურაძე, საქართველოს ბანკის არაფინანსური პროდუქტების განვითარების და სუბსიდირებული პროექტების სამსახურის უფროსი.ღონისძიებაზე დასასწრებად გაიარეთ რეგისტრაცია საქართველოს ბანკის ვებგვერდზე: https://bankofgeorgia.ge/ka/business/business-events/details/6a2977bd3f8971000753056b 

1782225060

სამი დღის განმავლობაში, ექვს სხვადასხვა სცენაზე გაიმართა მასტერკლასები, ვორქშოფები, პანელური დისკუსიები და სესიები ისეთ მნიშვნელოვან საკითხებზე, როგორიცაა მედიის გამოწვევები დღეს, ქალთა უფლებები და გენდერული სამართლიანობა, ხელოვნური ინტელექტი და ტექნოლოგიური ძალაუფლება, ომებისა და იმპერიების მემკვიდრეობა, კლიმატური კრიზისი, ლიტერატურა, ფოტოგრაფია, დემოკრატიის გამოწვევები, არქიტექტურა თუ ფილოსოფია, ციფრული რეპრესიები და მრავალი სხვა. არაერთი სესია დაეთმო საქართველოში მიმდინარე პროცესებს.ჩატარდა შემეცნებითი ტურები, რომლებიც მოიცავდა თბილისის საბჭოთა და დემოკრატიული წარსულის გაცნობას, ქალაქის არქიტექტურაზე საუბარს, უახლოესი წარსულისა და საქართველოში მიმდინარე მოვლენების გაზიარებას.წელს მომხსენებლებს შორის იყვნენ: ვიეტ თან ნგუენი – პულიცერის პრემიის ლაურეატი, წიგნის The Sympathizer ავტორი და ერთ-ერთი უმნიშვნელოვანესი მწერალი ომებისა და იძულებითი გადაადგილების თემებზე.  დევიდ ბელტი – მეწარმე და ნოვატორი დეველოპერი, რომელმაც ბრუკლინის გემთსაშენის საუკუნოვანი საწყობი New Lab-ად აქცია და ნიუ-იორკის ტექნოლოგიური სფეროს 50 ყველაზე გავლენიან ადამიანს შორის დასახელდა. კარენ ჰაო –  ჟურნალისტი, რომლის Empire of AI ცვლის წარმოდგენას იმაზე, თუ ვინ აკონტროლებს რეალურად ხელოვნური ინტელექტის რევოლუციას. ზელდა პერკინსი – ჰარვი ვაინშტაინის ყოფილი ასისტენტი, რომლის ათწლიანმა კამპანიამ გაუთქმელობის ხელშეკრულებების(NDA) წინააღმდეგ ბრიტანული კანონმდებლობა შეცვალა. კუმი ნაიდუ – სამხრეთ აფრიკელი უფლებადამცველი, რომელიც 15 წლის ასაკში აპარტეიდის წინააღმდეგ სკოლების ბოიკოტს უწევდა ორგანიზებას, მოგვიანებით კი ხელმძღვანელობდა Greenpeace-სა და Amnesty International-ს. მაიკლ ბარენბოიმი – მევიოლინე, West-Eastern Divan Orchestra-ს კონცერტმაისტერი. ლეოპოლდო ლოპესი – ვენესუელელი ოპოზიციის ლიდერი, რომელმაც წლები გაატარა მადუროს ციხეში და შექმნა გლობალური მოძრაობა იმ ადამიანებისა, რომლებიც უარს ამბობენ ავტოკრატიის გამარჯვებასთან შეგუებაზე. ბაო ნგუენი – ემის ნომინანტი რეჟისორი; მისი ბოლო ფილმი, The Stringer, იკვლევს ვიეტნამის ომის ყველაზე ცნობილი ფოტოს სადავო ავტორობას. ჯული პოსეტი – დეზინფორმაციის მკვლევარი, რომელიც ამჟამად მარია რესას პროექტს, Information Integrity Initiative-ს ხელმძღვანელობს. რეიჩელ კორპი – ITN-ის აღმასრულებელი დირექტორი, რომელმაც გაიარა გზა სტუდენტი ფრილანსერობიდან ბრიტანეთის ერთ-ერთი ყველაზე სანდო საინფორმაციო ორგანიზაციის მართვამდე. ჯეიკ ფრიდმანი – კრეატიული მეწარმე, რომელმაც საკუთარი ხმის ჩამწერი ლეიბლი 19 წლის ასაკში დააარსა და მუსიკას, თეატრსა და კინოს აკავშირებს. ჯონ ლი ანდერსონი – The New Yorker-ის ჟურნალისტი და ჩვენი დროის ერთ-ერთი უდიდესი სამხედრო კორესპონდენტი. ელაიზა ანიანგვე – ემის მფლობელი კამერუნელი ჟურნალისტი, რომელიც გენდერისა და ძალაუფლების საკითხებზე მუშაობს.წელს თიბისიმ ფესტივალში ჩართულობა კიდევ უფრო გააფართოვა და ZEG-ის მოხალისეთა პროგრამის მხარდამჭერი გახდა. ეს პარტნიორობა თიბისის ახალი თაობის მხარდაჭერის სტრატეგიის მნიშვნელოვანი ნაწილია და მიზნად ისახავს ახალგაზრდებისთვის ისეთი სივრცეების შექმნას, სადაც ისინი შეძლებენ საერთაშორისო გამოცდილების მიღებას, პროფესიული უნარების განვითარებასა და გლობალურ დიალოგში აქტიურ მონაწილეობას.ZEG ამბის თხრობის საერთაშორისო ფესტივალი, თბილისში 2027 წლის 4-6 ივნისს დაბრუნდება. მანამდე კი, 2026 წლის შემოდგომაზე, ZEG-ის ღონისძიებას ამსტერდამი და ნიუ-იორკი უმასპინძლებს. 

1782213350

საინვესტიციო ბანკის მონაცემებით, გასულ თვეში ექსპორტის მოცულობამ თურქეთის მიმართულებით მხოლოდ 36.2 გვტ.სთ შეადგინა (2025 წლის მაისის 172.3 გვტ.სთ-ის საპირისპიროდ), ხოლო მიღებულმა შემოსავალმა - $1 მლნ (გასული წლის ანალოგიური პერიოდის $7.8 მლნ-თან შედარებით). მკვლევრების განმარტებით, ვარდნა ფასების კლებამაც განაპირობა - მაისში თურქეთში ექსპორტის საშუალო ფასმა კვტ.სთ-ზე 2.7 აშშ ცენტი შეადგინა, რაც წლიურ ჭრილში 39.4%-ით შემცირებული მაჩვენებელია. ექსპორტის ფასის, მოცულობისა და შემოსავლის ასეთი შემცირება თურქეთის ბაზარზე ფასების მკვეთრ კლებას უკავშირდება. 2026 წლის მაისში, ელექტროენერგიის საშუალო ფასი თურქეთის ბაზარზე შეადგენდა 1.8 აშშ ცენტს/კვტ.სთ-ზე (vs 6.4 აშშ ცენტი კვტ.სთ-ზე მაი-25). ასეთი დაბალი ფასი ექსპორტის ეკონომიკურ მიმზიდველობას მნიშვნელოვნად ამცირებს, რადგან ექსპორტიორებს სისტემასთან დაკავშირებული ხარჯების დაფარვაც უწევდათ, მათ შორის გადაცემის ტარიფისა და გარანტირებული სიმძლავრის საფასურის.გალტ & თაგარტის კვლევის მიხედვით, თურქეთის საბაზრო ფასსა და საქართველოდან ექსპორტის საშუალო ფასს შორის სხვაობა, სავარაუდოდ, ექსპორტის საათობრივ/დღიურ სტრუქტურასა და პირდაპირ კონტრაქტებს უკავშირდება.თურქეთში ელექტროენერგიის ფასების შემცირება, თავის მხრივ, მზის სადგურების მშენებლობას და ხელსაყრელ ჰიდროლოგიურ პირობებს უკავშირდება.მაისში თურქეთში ექსპორტი მხოლოდ ოთხმა კომპანიამ განახორციელა: შპს „აჭარ-ენერჯი 2007“, შპს „ენერჯი დეველოპმენტ ჯორჯია“, შპს „სვანეთი ჰიდრო“ და შპს „კასლეთი-2“. დაბალი საბაზრო ფასების მიუხედავად, ექსპორტის გაგრძელება შესაძლოა უკავშირდებოდეს როგორც მოქმედ გადაცემისა და დისპეტჩერიზაციის შეთანხმებებს, ისე კომპანიების ინდივიდუალურ საკონტრაქტო პირობებს. თურქეთის გარდა, ბალანსის მიხედვით ექსპორტი აზერბაიჯანშიც დაფიქსირდა, თუმცა ეს არ იყო კომერციული ექსპორტი. აღნიშნული სინქრონული მოცულობა აზერბაიჯანთან პარალელური მუშაობისთვის განხორციელებულ ტექნიკურ გაცვლას წარმოადგენდა და იმავე მოცულობისა და ღირებულების იმპორტით დაბალანსდა. 2026 წლის აპრილიდან შეიცვალა აღრიცხვის მეთოდოლოგია და ეს გაცვლა, რომელიც მანამდე ბალანსში სალდირებულად აისახებოდა, ახლა ფიქსირდება იმპორტსა და ექსპორტში.საბალანსო ბაზარი და ფასები საბალანსო ელექტროენერგიის საშუალო ფასი მაისში წლიურად 3.5%-ით გაიზარდა და კვტ.სთ-ზე 5.1 აშშ ცენტი შეადგინა.ამასთან, საბალანსო მოცულობა უმნიშვნელო წლიური 0.7%-ით გაიზარდა და 0.3 ტვტ.სთ შეადგინა, რაც ჯამური მიწოდების 23%-ს წარმოადგენს.2026 წლის 12 ივნისს ქსელის წესებში შევიდა ცვლილება, რომლის მიხედვით: გადაცემის სისტემის ოპერატორი ვალდებულია გააუქმოს ქსელთან მიერთების შეთანხმებები იმ ელექტროსადგურის პროექტებს, რომლებსაც არ აქვთ ეკონომიკის სამინისტროს დასტური ტექნიკურ ეკონომიკური კვლევის ან მშენებლობის ეტაპზე ყოფნის შესახებ. აღნიშნულ ინფორმაციას ელექტროსისტემა გამოითხოვს სამინისტროსგან პირველი აგვისტოს ჩათვლით. ელექტროსისტემის მიღებული გადაწყვეტილების გასაჩივრების უფლება პროექტის დეველოპერებს აქვთ 10 სამუშაო დღის განმავლობაში. გაუქმებულ პროექტებს დაუბრუნდებათ გადახდილი ქსელთან დაერთების საფასური. ენერგო-პროს და თელასის ქსელზე ახალი გენერაციის ობიექტის დაერთების განაცხადისთვის სავალდებულო გახდა მთავრობასთან გაფორმებული ხელშეკრულება პროექტის განვითარებაზე ან სამინისტროს წერილობითი დასტური. აღნიშნული ცვლილება მიზნად ისახავს ელექტროსადგურების მშენებლობის პროცესის ერთიან ჩარჩოში მოქცევას და ქსელზე მიერთების წერტილებში დარეზერვებული სიმძლავრეების გამოთავისუფლებას.

1782209289

დოკუმენტის მიხედვით, გასულ თვეში ადგილობრივი მოხმარება წლიურად 3.8%-ით გაიზარდა და 1.1 ტვტ.სთ შეადგინა, თუმცა ექსპორტის მკვეთრი კლების გამო, ჯამურმა მოთხოვნამ ბაზარზე 8.6%-ით იკლო (1.2 ტვტ.სთ-მდე). საინვესტიციო ბანკში განმარტავენ, რომ მაისი ისტორიულად საექსპორტო თვეა, რაც ჰიდროსადგურების სეზონურობითაა გამოწვეული, თუმცა მიმდინარე წელს გენერაციის იძულებითი შეზღუდვის გამო, ადგილობრივი გამომუშავება წლიურად 9.5%-ით შემცირდა.ექსპორტის მკვეთრი კლება თურქეთის ბაზარზე ფასების ისტორიულ მინიმუმამდე - საშუალოდ 1.8 აშშ ცენტ/კვტ.სთ მდე - შემცირებამ განაპირობა, რაც, როგორც გალტ & თაგარტის მკვლევრები აღნიშნავენ, ხელსაყრელ ჰიდროლოგიურ პირობებსა და მზის გენერაციის ზრდას უკავშირდება. თურქეთში მზის სიმძლავრეების ზრდამ შესაძლოა ზაფხულის ფასებზე ზეწოლა მომავალშიც შეინარჩუნოს, თუმცა ეფექტი ბაზრისა და ჰიდროლოგიურ პირობებზეც იქნება დამოკიდებული.2026 წლის 5 თვის მონაცემებით, საქართველოში ელექტროენერგიის ადგილობრივი მოხმარება წლიურად 6.1%-ით გაიზარდა და 6.2 ტვტ.სთ შეადგინა. იმპორტისა და თბოგენერაციის წილი ჯამურ მიწოდებაში 36.3% შეადგენდა (vs 31.1% 2025 წლის 5 თვეში). გაზრდილი იმპორტ-დამოკიდებულება იანვარ-აპრილში და შემცირებული ექსპორტი მაისში საქართველოს სეზონურ გამოწვევებს უსვამს ხაზს.მთლიანობაში, 2026 წლის მონაცემები მიუთითებს ისეთი გენერაციის ობიექტების განვითარების საჭიროებაზე, რომლებიც პასუხობენ საქართველოს სეზონურ გამოწვევებს, მაგალითად რეზერვუარიანი ჰიდროსადგურებისა და ქარის სადგურების. ამასთან, მონაცემები ხაზს უსვამს ენერგიის დამაგროვებლებისა და საექსპორტო ინფრასტრუქტურის განვითარების მნიშვნელობას.ადგილობრივი მოხმარების ზრდა ყველა კატეგორიაში გალტ & თაგარტის კვლევის მიხედვით, ადგილობრივი მოხმარება წლიურად 3.8%-ით გაიზარდა და 1.1 ტვტ.სთ შეადგინა. წლიური ზრდა დაფიქსირდა ყველა სეგმენტში: აფხაზეთის რეგიონი: +6.6% პირდაპირი მომხმარებლები: +5.8% საცალო მომხმარებლები: +2.1% მოხმარების ზრდა უკავშირდება როგორც კლიმატურ ფაქტორებს, ასევე ენერგოინტენსიური საწარმოების გააქტიურებას.ამასთან, 2026 წლის მაისში ჰიდროგენერაცია წლიურად 9.9%-ით შემცირდა და 1.2 ტვტ.სთ შეადგინა, რაც ჯამური მიწოდების 97.5%-ია. კლება დაკავშირებულია კლიმატურ პირობებთან და ამავდროულად, სისტემის ოპერატორის მიერ დაწესებულ გენერაციის შეზღუდვებთან. ეს შეზღუდვები საჭირო გახდა მოთხოვნა-მიწოდებას შორის ბალანსის დასაცავად. გენერაციის შეზღუდვის გარეშე, მიწოდება გადააჭარბებდა მოთხოვნას, ადგილობრივი ბაზრისა და ექსპორტის ჩათვლით.მაისში განხორციელებული შეზღუდვების ზუსტი მოცულობის შესახებ საჯაროდ ხელმისაწვდომი ინფორმაცია არ არის.ქარისა და მზის გენერაცია წლიურად 55.8%-ით გაიზარდა, თუმცა ჯამურ მიწოდებაში მისი წილი კვლავ მცირე 1% იყო. ზრდა დაკავშირებულია აპრილში 18.7 მგვტ-იანი „ზემო ქარის სადგურისა“ და 2025 წლის ბოლოს დამატებული ახალი მზის სადგურების (ჯამში 10.8 მგვტ) ექსპლუატაციაში შესვლასთან.თბოსადგურები, მაისისთვის დამახასიათებელი სეზონურობის შესაბამისად, არ მუშაობდნენ.გენერაციის შეზღუდვების გაგრძელებას გალტ & თაგარტის მკვლევარები ივნის-ივლისშიც ელოდებიან, თუმცა შედარებით ნაკლები მოცულობით, რადგან: ისტორიულად, ივნისი და ივლისი მაისთან შედარებით ნაკლები სიჭარბით გამოირჩევა. ესკომ თურქეთთან გააფორმა ბარტერის შეთანხმება, რომლის ფარგლებშიც მაისი-ივლისის განმავლობაში განახორციელებს თურქეთში ელექტროენერგიის ექსპორტს, ხოლო სექტემბერ-ნოემბერში იმპორტს. ეს გარიგება გაზრდის ექსპორტის რაოდენობას და ჯამურ მოთხოვნას, შესაბამისად, შეამცირებს გენერაციის შეზღუდვებს ივნის-ივლისის პერიოდში. ბარტერის ფარგლებში განსახორციელებელი ექსპორტის მოცულობას ესკო შეისყიდის კვტ.სთ-ზე 4.021 თეთრად იმ ელექტროსადგურებისგან, რომელთაც წინააღმდეგ შემთხვევაში მოუწევდათ გენერაციის შეზღუდვა (სსე-ს განკარგულების შედეგად). ბარტერული შეთანხმების ზუსტი კომერციული პირობები, მათ შორის ექსპორტისა და სანაცვლო იმპორტის პროპორცია, საჯაროდ ცნობილი არ არის.

1782208872