IT ტექნოლოგიების ექსპორტმა ₾2 მლრდ-ს გადააჭარბა

"ჩემთვის დიდი პატივია, რომ მაქვს შესაძლებლობა, მესამედ წარვდგე თბილისელების წინაშე და ვისაუბრო სამომავლო გეგმებზე, იმ პროექტებზე, თუ რის გაკეთებას ვაპირებთ მომდევნო ოთხი წლის განმავლობაში", - განაცხადა კახა კალაძემ.მისივე თქმით, რეაბილიტირებული გზები, განახლებული საზოგადოებრივი ტრანსპორტი, ახალი კომუნიკაციები კავშირშია ტურიზმის ზრდასთან, ბიზნესის განვითარებასთან, ახალი სამუშაო ადგილების შექმნასთან.„ინფრასტრუქტურა იქმნება არა მხოლოდ ქუჩებისთვის ან შენობებისთვის, არამედ თითოეული ჩვენგანისთვის... მე ბედნიერი ადამიანი ვარ, რადგან ვარ არა მხოლოდ მოწმე, ან მონაწილე, არამედ გადაწყვეტილებების მიმღები იმ ცვლილებების, რაც ბოლო წლებში განიცადა ჩვენმა ქალაქმა. მოსახლეობა კარგად ხედავს, თუ როგორ შეიცვალა ჩვენი დედაქალაქი უკეთესობისკენ", - აღნიშნა კახა კალაძემ.თბილისის მერმა აღნიშნა, რომ სამომავლო ინფრასტრუქტურულ პროექტებში განსაკუთრებული ადგილი უკავია გზების მოწესრიგებას, რეაბილიტაციასა და განახლებას.კახა კალაძის განცხადებით, მომდევნო წლებში კვლავ განსაკუთრებული ყურადღება დაეთმობა ქალაქის ისტორიული არეალების შენარჩუნებისა და მოვლა-პატრონობის მიმართულებას.თბილისის მერმა ყურადღება გაამახვილა სკოლამდელი აღზრდის დაწესებულებების მნიშვნელობასა და ამ მიმართულებით დაგეგმილ პროექტებზეც.კახა კალაძემ აქვე, საკუთარ მოადგილეს, ირაკლი ბენდელიანს, რომელიც ინფრასტრუქტურის მიმართულებას კურირებს, მადლობა გადაუხადა. მერმა მადლობა გადაუხადა ასევე, მუნიციპალიტეტის მერიის თითოეულ თანამშრომელს.საზოგადოებას განსახორციელებელი პროექტების შესახებ დეტალური ინფორმაცია თბილისის მერის მოადგილე ირაკლი ბენდელიანმა მიაწოდა და აღნიშნა, რომ მომდევნო ოთხ წლის განმავლობაში მუნიციპალიტეტისთვის ძირითადი მიმართულება არის გზების მოწყობა-რებაილიტაცია, ხიდებისა და გზაგამტარების მშენებლობა-რეაბილიტაცია, ფერდების გამაგრება, კულტურული ძეგლების რეაბილიტაცია, „თბილსერვის ჯგუფის", ბაგა-ბაღების სააგენტოსა და რაიონული გამგეობების მიერ დაგეგმილი პროექტები.„რაც შეეხება უშუალოდ გზებს, ჩვენ მხოლოდ ასფალტის საფარის შეცვლას არ ვგულისხმობთ და საუბარია ფუნდამენტურად, სრულად კომუნიკაციების შეცვლაზე", - განაცხადა ირაკლი ბენდელიანმა.მერის მოადგილის თქმით, ხიდების, გვირაბებისა და ფერდების გამაგრების მიმართულებით დედაქალაქის მერია აქტიურად მუშაობდა წინა წლების განმავლობაში და ამას მომდევნო ოთხ წელშიც გააგრძელებს.

1756977675

ტურნირი ჩატარდება საერთაშორისო წყალსათხილამურო ფედერაციის (IWWF), საქართველოს წყალსათხილამურო სპორტის ეროვნული ფედერაციის ეგიდითა და „ფოთის ტბის კლუბის“ ორგანიზებით. ღონისძიების მხარდამჭერია თიბისი.აგვისტოს ბოლოს, იტალიაში გამართული მსოფლიო ჩემპიონატის შემდეგ, ახლა სპორტსმენები თავს უკვე ფოთში მოიყრიან. შეჯიბრება ორ ეტაპად - ხტომასა და სლალომში ჩატარდება.საერთაშორისო ტურნირის მასპინძლობის გამოცდილება ფოთმა პირველად 1991 წელს მიიღო, როცა ევროპის ჩემპიონატს უმასპინძლა. 34 წლის შემდეგ, როცა ინფრასტრუქტურაც და სპორტის სახეობაც ვითარდება, კვლავ გაჩნდა კონტინენტის პირველობის მასპინძლობის ამბიცია. „პროტური ფოთი 2025“ კი, ამ განაცხადისთვის კარგი საფუძველი იქნება.თიბისისთვის, რეგიონების სპორტული ცხოვრების განვითარების ხელშეწყობა უცვლელ პრიორიტეტად რჩება; მით უმეტეს, როცა საქმე მნიშვნელოვან საერთაშორისო ტურნირს ეხება, რომელიც არაერთი მიმართულებით შეუწყობს ხელს რეგიონის ცნობადობის გაზრდასა და განვითარებას.ტურნირის მიმდინარეობისას, მალთაყვაში თიბისი საკუთარი სივრცით იქნება წარმოდგენილი, სადაც შეძლებთ დასვენებას და ტურნირისთვის თვალის კომფორტულად მიდევნებას. 

1756976377

„მიმდინარე წელს, განსაკუთრებით მეორე კვარტალიდან, გააქტიურებულია ლარის გამყარების მიმართულებით კონვერტაციები. აღნიშნულში იგულისხმება როგორც უცხოური ვალუტის დეპოზიტების უკან ლარში გადახურდავება, ასევე სესხებში, პირიქით, უცხოური ვალუტის წილის ზრდა. თიბისი კაპიტალის მკითხველისთვის ცნობილია, რომ გასული წლის შემოდგომაზე, ლარის გაუფასურების მოლოდინებიდან გამომდინარე, მნიშვნელოვნად გაიზარდა ფიზიკური და იურიდიული პირების მხრიდან უცხოური ვალუტის წმინდა შესყიდვა. ამავდროულად, როგორც ჩვენს არაერთ პუბლიკაციაში იყო განხილული, ეს ერთგვარი დაგროვილი ბუფერის როლსაც ასრულებდა, რომელიც სენტიმენტების ცვლილებისას უკვე ლარის გამყარების მიმართულებით იმოქმედებდა. ჩვენი შეფასებით, ამ ბუფერის ჯამური მოცულობა დაახლოებით ერთი მილიარდი დოლარის ფარგლებშია, საიდანაც, სხვადასხვა ანალიტიკური შეფასების გამოყენებით, შეიძლება ითქვას, რომ ნახევარზე მცირედით ნაკლები უკან კონვერტაციების კუთხით ჯერ კიდევ ასათვისებელია. შესაბამისად, გაცვლითი კურსის მხრივ, ეს კვლავ ლარის მნიშვნელოვან მხარდამჭერ ფაქტორად რჩება, თუმცა სენტიმენტების ცვლილება, როგორც ყოველთვის, გამორიცხული არაა.უახლესი მონაცემების მხრივ, ივლისში სესხებისა და დეპოზიტების სავალუტო კომპოზიცია საპირისპირო მიმართულებით შეიცვალა. კერძოდ, გაცვლითი კურსის ეფექტის გამორიცხვით, გაიზარდა დეპოზიტების დოლარიზაცია და სესხების ლარიზაცია. რაც შეეხება ლარზე მოქმედ სხვა ძირითად ფაქტორებს, აშშ დოლარი გლობალურ ბაზრებზე კვლავ სუსტი რჩება, თუმცა ივლისში თვიურად გაუფასურების მასშტაბი საკმაოდ შემცირდა, ხოლო წმინდა სავალუტო შემოდინებები ივლისში მცირედით ისევ გაუმჯობესდა. ამის ფონზე, თიბისი კაპიტალის მოკლევადიანი და გრძელვადიანი წონასწორობის მოდელები კვლავ მიუთითებს, რომ ლარი წონასწორულ დონესთან შედარებით მცირედით, მაგრამ მაინც უფრო სუსტია. ლარის გამყარების მიმართულებით ზეწოლაზე მიანიშნებს საქართველოს ეროვნული ბანკის (სებ) მხრიდან განგრძობითი სავალუტო ინტერვენციებიც, რაც ჩვენს მოლოდინებთან თანხვედრაშია. მხოლოდ ივლისში სებმა 417 მილიონი აშშ დოლარი შეიძინა, მარტიდან აგვისტოს ჩათვლით პერიოდში კი - ჩვენი შეფასებით, ჯამურად, დაახლოებით, 1.5 მილიარდი აშშ დოლარი.საპირისპიროდ, მცირედი გაუარესება შეინიშნება შრომის ბაზარზე. მიმდინარე წლის ორივე კვარტალში, გასული წლის შესაბამის პერიოდთან შედარებით, გაზრდილია უმუშევრობის დონე და შემცირებულია დასაქმება. წლიურ ჭრილში დასაქმების კლება თვითდასაქმებულთა რაოდენობის შეკვეცითაა განპირობებული, დაქირავებულთა რაოდენობა კი, პირიქით, მცირედით გაზრდილია. მიუხედავად ამისა, წინა კვარტალთან შედარებით, კლებაა როგორც თვითდასაქმებულთა, ასევე დაქირავებულთა რიცხვში, სეზონური ფაქტორების გამორიცხვით.გასული თვეების დინამიკის მსგავსად, ინფლაცია კვლავ მზარდია და ივლისის მდგომარეობით წლიურად 4.3%-ს გაუტოლდა, ხოლო აგვისტოში - 4.6%-ს. ინფლაციის ტრაექტორია ჩვენს მოლოდინებთან თანხვედრაშია. თიბისი კაპიტალის პროგნოზით, მომდევნო თვეებში ინფლაცია კვლავ გაიზრდება, წლის ბოლოსთვის კი, საბაზო ეფექტის გათვალისწინებით, მცირედით შენელდება და, დაახლოებით, 4.5%-ს მიაღწევს.წლიური ინფლაციის აჩქარების საპირისპიროდ, თვიურ ჭრილში ინფლაციური ზეწოლის კლებაზე მიუთითებს ანალიტიკური საზომები, როგორებიცაა სეზონურად შესწორებული ყოველთვიური ინფლაცია და სხვადასხვა მეთოდით გაანგარიშებული საბაზო ინფლაცია. მომსახურების ინფლაცია, რომელიც ინფლაციური მოლოდინებისა და გრძელვადიანი ტენდენციის შეფასებისთვის ყველაზე შესაფერისია, რადგან ნაკლები მერყეობითა და იმპორტული კომპონენტის შედარებით მცირე წილით ხასიათდება, მიმდინარე წელს ჯამური მაჩვენებლის ზრდის ერთ-ერთი მნიშვნელოვანი კომპონენტია. ამასთან, საყურადღებოა, რომ მომსახურების ფასების ზომიერი ზრდა, თუნდაც მიზნობრივ მაჩვენებელზე მეტად, აუცილებლად ინფლაციურ ზეწოლაზე არ მიუთითებს, რადგან განვითარებად ეკონომიკებში მწარმოებლურობის დონის ზრდას არავაჭრობად სექტორებში ფასების ზრდა კანონზომიერად მოსდევს. მომსახურებასთან ერთად, გაზრდილია საქონლის ინფლაციაც, დიდწილად სურსათის ფასების მნიშვნელოვანი მატების გამო. ამავდროულად, ინფლაციის ზრდა ადგილობრივად წარმოებული  და შერეული პროდუქტებით არის განპირობებული,  იმპორტული პროდუქციის მხრივ კი დეფლაცია ფიქსირდება. ამდენად, სურათი განსხვავებულია 2021-2022 წლების ეპიზოდისგან, როდესაც ინფლაციის ზრდის მთავარი წყარო იმპორტული საქონელი იყო. როგორც არაერთხელ აღინიშნა, ინფლაციური ზეწოლის დამატებით მნიშვნელოვანი გაძლიერების შემთხვევაში, რაც, ვფიქრობთ, რომ სადღეისოდ საბაზო სცენარი არაა, უცხოური ვალუტის არსებული სიჭარბე, სავარაუდოდ, ლარის უფრო მეტ სიმყარეში აისახება“, – ნათქვამია თიბისი კაპიტალის მიმოხილვაში, რომელიც ხუთშაბათს გავრცელდა.

1756976321

საქართველოს ბანკის sCool Card და sCoolApp სწორედ ამ მიზნით შეიქმნა. ეს არის საბანკო პროდუქტები, რომლებიც ბავშვებს ფინანსური უნარების გამომუშავებაში ეხმარება და დამოუკიდებლობას ასწავლის.ნახეთ 5 მიზეზი, თუ რატომ არის sCool Card და sCoolApp საუკეთესო არჩევანი თქვენთვის და თქვენი შვილისთვის:წვდომა ბავშვის ფინანსებზეsCoolApp და sCool Card უპირველესად უსაფრთხოებაზე ზრუნავს. თქვენ, როგორც მშობელს, მობილბანკში სრული წვდომა გაქვთ შვილის ანგარიშზე, შეგიძლიათ ნახოთ მისი ხარჯები და დააწესოთ ყოველდღიური ლიმიტები.ეს გაძლევთ საშუალებას, ნახოთ, რაზე და როგორ ხარჯავს ბავშვი ფულს და, ამავდროულად,  მიაჩვიოთ პასუხისმგებლობას. sCool Card-ის დაკარგვის შემთხვევაში კი თქვენივე მობილბანკიდან დაბლოკავთ მის ბარათს.სამედიცინო პროგრამა მოსწავლეებისთვისsCool Card-ის მფლობელებისთვის ევექსის და ნიუ დენტის ყველა კლინიკაში მოქმედებს სპეციალური შეთავაზება. მათ შორის რეგიონებშიც. ასევე, იმისათვის რომ მოსწავლემ ამ შეთავაზებით ისარგებლოს, მას უნდა  ჰქონდეს sCool Card.  პროგრამაში კი ის მშობელმა უნდა დაარეგსიტრიროს.დაარეგისტრირეთ შვილი პროგრამაში და მიიღეთ: 100%-იანი დაფარვა სხვადასხვა სპეციალისტის კონსულტაციასა და სამედიცინო გამოკვლევებზე; ფასდაკლებები სტომატოლოგიურ მომსახურებებზე. გაეცანით მოსწავლეების ჯანდაცვის პროგრამას სრულადსაზოგადოებრივ ტრანსპორტში სპეციალური ტარიფი ბავშვები სკოლიდან სახლში, სპორტის გაკვეთილებზე თუ მასწავლებელთან ხშირად საზოგადოებრივი ტრანსპორტით გადაადგილდებიან. sCool Card-ით თქვენს შვილს სპეციალური სამგზავრო ტარიფი აქვს: თბილისში და ბათუმში: უფასო; რუსთავში: 10 თეთრი; ზუგდიდში: 50% ფასდაკლება. ფინანსური განათლება sCoolApp-ის ერთ-ერთი მთავარი მიზანი მოსწავლეებისთვის ფინანსური უნარ-ჩვევების გამომუშავებაა, საბაზისო საბანკო სერვისებზე წვდომა კი ამ მისიის ნაწილია. აპლიკაციაში მოზარდები: მარტივად ამოწმებენ ანგარიშს და ტრანზაქციებს; ასრულებენ გადარიცხვებს; აგზავნიან თანხის მოთხოვნას; იყენებენ ხარჯის გაყოფის ფუნქციას; ააქტიურებენ „გოჭ ყულაბას“ და სწავლობენ თანხის დაგროვებას. მეტი სარგებელი: სქულები და შეთავაზებებიმოსწავლეები sCool Card-ით გადახდისას სქულებს აგროვებენ. ყოველ 1 ლარზე 5 სქულას.ამასთან, მათ საყვარელ მაღაზიებსა და კვების ობიექტებში სპეციალური შეთავაზებები და ფასდაკლებები ელოდებათ.როგორ ავიღო sCool Card ჩემი შვილისთვის?sCool Card-ის აღება უფასოა და შეგიძლიათ დისტანციურად, მობილბანკში სულ რამდენიმე წუთში შეუკვეთოთ.ამასთანავე, არ გამოგრჩეთ, 10-დან 15 სექტემბრამდე sCool Card-ის მფლობელებს საინტერესო Back To School შეთავაზებები ელოდებათ.შეუკვეთეთ sCool Card

1756976014

უცხო ქვეყნის მოქალაქის მიერ, საავიაციო უსაფრთხოების კონტროლის გავლის დროს, მისი კუთვნილი ხელბარგის შემოწმების შედეგად, სამგზავრო ჩანთაში 143 972 ლარის ღირებულების არადეკლარირებული ნივთები იქნა აღმოჩენილი.საქმის მასალები შემდგომი რეაგირების მიზნით ფინანსთა სამინისტროს საგამოძიებო სამსახურს გადაეცა.

1756975721

მდინარაძის პირველ მოადგილედ ივანიშვილის იუსტიციის მინისტრის პირველი მოადგილე ლაშა მაღრაძე დაინიშნა. მამუკა მდინარაძის მოადგილეები კი, იუსტიციის მინისტრის მოადგილე ალექსანდრე მაისურაძე, ქვემო ქართლში სახელმწიფო რწმუნებული, ლევან ხარაბაძე და სუსის სახელმწიფო უსაფრთხოების დეპარტამენტის დირექტორი თამაზ ბორაშვილი იქნებიან.ოთხშაბათს, მდინარაძემ განაცხადა, რომ სუსში თავისი გუნდით მივიდოდა.მამუკამ მდინარაძემ 3 სექტემბერს სუსის უფროსის პოსტზე ანრი ოხანაშვილი შეცვალა, რომელიც სახელმწიფო უსაფრთხოების სამსახურს 4 აპრილიდან ხელმძღვანელობდა. აღნიშნულ პოსტზე მდინარაძის კანდიდატურას პარლამენტის 85-მა წევრმა დაუჭირა მხარი.მამუკა მდინარაძე 2016 წლიდან „ქართული ოცნების” წევრია და პარლამენტის დეპუტატი იყო.

1756972804

ჰარვარდმა სასამართლოში სარჩელი მას შემდეგ შეიტანა, რაც ადმინისტრაციამ გააუქმა მისი მკვლევრებისთვის გაცემული ასობით გრანტი იმ მოტივით, რომ უნივერსიტეტის საკმარისი ძალისხმევა არ გასწია კამპუსში ებრაელი სტუდენტების შევიწროების წინააღმდეგ საბრძოლველად.ბოსტონში, აშშ-ის რაიონულმა მოსამართლემ ალისონ ბეროუზმა დაადგინა, რომ ტრამპის ადმინისტრაციამ „ანტისემიტიზმი გამოიყენა, როგორც საფარველი ქვეყნის წამყვან უნივერსიტეტებზე მიზანმიმართული, იდეოლოგიურად მოტივირებული თავდასხმისთვის“.მისი განცხადებით, ადმინისტრაციის ზეწოლის კამპანიამ გამოიწვია ჰარვარდის გრანტების შეწყვეტა, კანონის დაცვის გარეშე და უნივერსიტეტის წინააღმდეგ შურისძიება, რაც არღვევს აშშ-ის კონსტიტუციის პირველი შესწორებით გათვალისწინებული სიტყვის თავისუფლების უფლებას.ბეროუზის თქმით, სასამართლოების მოვალეობაა დაიცვან აკადემიური თავისუფლება და „უზრუნველყონ, რომ მნიშვნელოვან კვლევებს დაფინანსება თვითნებურად და დაუსაბუთებელად არ შეუწყდეს.Reuters იმასაც წერს, რომ ალისონ ბეროუზის მიერ მიღებული ეს გადაწყვეტილება ჰარვარდისთვის მნიშვნელოვან იურიდიულ გამარჯვებად იქცა.

1756969592

6-7 სექტემბერს, 50-მდე პარტნიორ ობიექტში, თიბისის პოს-ტერმინალზე ახალი თიბისი კონცეპტ ბარათებით გადახდისას, თანხის 40%, ჯამში მაქსიმუმ 200 ლარი, მომენტალურად დაგიბრუნდებათ.ტანსაცმელი, ფეხსაცმელი, აქსესუარები, ტექნიკა - შეთავაზებები დაგხვდებათ პარტნიორი ობიექტების ყველა იმ კატეგორიაში, რაც სექტემბერში განსაკუთრებით გჭირდებათ.ობიექტების ჩამონათვალი, სადაც 6-7 სექტემბრის Back To School შეთავაზებით ისარგებლებთ:Bata, Bambino, AW-Lab, Geox Studio, Shoes Gallery, Ecco, Corso, Okaidi, Replay, Jacadi, Scarpiera, Pepe Jeans, Mayoral, Original Marines, Dressarium, Dressarium Kids, Shoes Loft, Dan John, Adidas, Nike, Puma, Giordano, Under Armour, Topsport, Crocs, OVS/OVS kids, Matalani, Xiamo/icity, Wortmann, Salamnder, iSpace, Espacho, Superdry, Kids Gallery, Lee, Wrangler, Vero Moda, Jack & Jones, Hummel, Gstar, Grayder, Bershka, Stradivarius, Pull & bear, Mango, Mango kids, Zippy, Aldo, Parfois, Kiko Milano, Charles & Keith.თუ ყველა სასურველი ნივთის შესაძენი თანხა 6-7 სექტემბრისთვის არ გაქვთ გათვალისწინებული, იდენტური შეთავაზება მოქმედებს ერთგულ საკრედიტო ბარათზეც, რომლის აღება და დამტკიცება უკვე რამდენიმე წუთში, თიბისის მობაილბანკიდანაც შეგიძლიათ.შეთავაზების დამატებითი პირობები იხილეთ ბმულზე.გახდით კონცეპტ მომხმარებელი, ისარგებლეთ პრივილეგირებული საბანკო მომსახურებით და მუდმივად გამორჩეული შეთავაზებებით! 

1756967087