კრედიტინფო <3 მლნ-იანი ბაზის ბოლო ანგარიშს აქვეყნებს

,,წყალმომარაგების სისტემაში ევროპული სტანდარტების დანერგვის აუცილებელი წინაპირობა ინფრასტრუქტურული და საოპერაციო მიმართულებების გაუმჯობესებასთან ერთად მომხმარებელთან სწორი კომუნიკაცია და მოდერნიზებული სერვისების შექმნაა. სწორედ ამიტომ ჯორჯიან უოთერ ენდ ფაუერის კომუნიკაციების მიმართულებას ამ ეტაპზე ორი მთავარი პირიორიტეტი აქვს, ესენია: წყალმომარაგების სერვისების შესახებ მომხმარებელთან კომუნიკაციის გამარტივება  და წყლის, როგორც ძვირფასი პროდუქტის შესახებ საზოგადოების ცნობიერების ამაღლება.მომხმარებელთან კომუნიკაციის გასაუმჯობესებლად ჯივიპიში დავნერგეთ მომხმარებელთა მხარდაჭერის სპეციალური ჯგუფები, შედეგად ამ ეტაპზე გვყავს განსხვავებული ფუნქციონალის 5 მხარდაჭერის ჯგუფი, რომელთა მიზანია კომპანიაში შემოსულ თითოეულ საკითხზე მაქსიმალურად სწრაფი და ოპერატიული რეაგირება.ევროპული სტანდარტების დანერგვის პროცესში კომპანიაში აქტიურად მიმდინარეობს ტექნოლოგიური განახლებებიც, რომლის ფარგლებშიც ინერგება მომხმარებელზე მორგებული, მოდერნიზებული ვებგვერდი და მობილური აპლიკაცია. მიმდინარე წლის ბოლომდე ჯივიპის მომხმარებლები შეძლებენ დისტანციურად და მარტივად ისარგებლონ კომპანიის ელექტრონული სერვისებით ვებგვერდისა და აპლიკაციის პერსონალური სივრცის, პირადი კაბინეტის დახმარებით.ჩვენთვის მნიშვნელოვანია, ყველა მომხმარებელი სათანადოდ იყოს ინფორმირებული  და იცოდეს რა შემთხვევაში, რა თემებთან დაკავშირებით და როგორ უნდა მიიღოს სასურველი სერვისი. სწორედ ამიტომ, ჯივიპიში დავიწყეთ კამპანია, რომელიც აერთიანებს შემეცნებითი ვიდეოების სერიებს წყალმომარაგების სერვისებთან დაკავშირებით.რაც შეეხება საზოგადოების ცნობიერების ამაღლებას, საზოგადოებრივი აზრის კვლევამ გვაჩვენა, რომ მოსახლეობის დიდ ნაწილს არ აქვს ინფორმაცია, რამდენად დიდი რესურსი სჭირდება სასმელი წყლის ჩვენს ონკანებამდე მოყვანას. სწორედ ამიტომ ხშირად გვსმენია წყლის შესახებ სხვადასხვა მითი, მაშინ, როდესაც რეალობა სრულიად განსხვავებულია - მაღალი ხარისხის სასმელი წყლის ჩვენს ონკანებამდე მოყვანას დიდი შრომა, ბევრეტაპიანი, რთული და მასშტაბური სამუშაო პროცესები სჭირდება. სწორედ  წყლის მოპოვების, დამუშავებისა და მომხმარებლებამდე მიყვანის ციკლის სირთულისა და მასშტაბურობის შესახებ ინფორმირებასა და ცნობიერების ამაღლებას ისახავს მიზნად კამპანია “ყოველი წვეთი ძვირფასია.“- ეკა ბერიძე, ჯორჯიან უოთერ ენდ ფაუერის კომუნიკაციების დირექტორი.

1718024532

„მთლიანობაში, ჩვენი შეფასებით, სავალუტო შემოდინებები ლარის კურსისათვის უფრო ნეიტრალური ან პოზიტიურიც კი არის, თუმცა პოზიტიური თუ ე.წ. კონვერტაციებს ცალკე გამოვყოფთ. კერძოდ, სების მიერ გამოქვეყნებული მონეტარული აგრეგატების ყოველდღიურ მონაცემებზე დაყრდნობით, მაისში, როგორც ჩანს, დაახლოებით 400 მილიონი აშშ დოლარის ეკვივალენტი დეპოზიტი ლარიდან ვალუტაში გადახურდავდა, რის გამოც უცხოური ვალუტის დეპოზიტების მატება ბოლო წლების ერთ-ერთ ყველაზე მაღალ ნიშნულზეა, ლარის დეპოზიტების ზრდა შემცირდა, ხოლო ჯამურად დინამიკა გასული თვეების მსგავსია. მაშინ, როდესაც სავალუტო კომპოზიციის ჭრილში მაისის საკრედიტო აქტივობის დინამიკა ჯერჯერობით არაა ხელმისაწვდომი, მსგავს პერიოდებს ლარის სესხების შედარებით მეტი მატება ახასიათებს. ამდენად, უკვე აღნიშნული, საქართველოს ეკონომიკისა და სავალუტო ბაზრის ზომის გათვალისწინებით, საკმაოდ დიდი ზეწოლაა. ამასთან, ჩვენი შეფასებით, ამავე პერიოდში სების ინტერვენციებმა დაახლოებით 130 მილიონი აშშ დოლარი ან მცირედით მეტი შეადგინა. შესაბამისად, ლარის გაუფასურების გათვალისწინებითაც, კონვერტაციების მნიშვნელოვანი ნაწილი სავალუტო შემოდინებებით კომპენსირდება. ამ მხრივ, გასათვალისწინებელია, რომ სენტიმენტებით გამოწვეული გაუფასურების ზეწოლა, ისტორიულად, ხშირად იცვლება და უკვე შემდგომ გამყარების მიმართულებით მოქმედებს. ბუნებრივია, ეს არ ნიშნავს, რომ ვალუტის დეპოზიტების მიმართულებით კონვერტაციები დამატებით არ გაგრძელდება, თუმცა მაინც პროგნოზების კუთხით, აღნიშნული მნიშვნელოვანი გასათვალისწინებელი ფაქტორია.ამ ფონზე, რა შეიძლება ითქვას ლარის სეზონურობის კუთხით და რატომ არის ეს ფაქტორი მნიშვნელოვანი? საქართველოში წმინდა სავალუტო შემოდინებები მართლაც სეზონურია, რაც ბოლო წლებში ლარის სეზონურობაშიც გამოიხატა. თუმცა, მას შემდეგ რაც სეზონურობა ბაზრის მონაწილეების მოლოდინებშიც აისახა, მიუხედავად იმისა რომ წმინდა სავალუტო შემოდინებები კვლავ სეზონური დარჩა, თავად ლარის სეზონურობამ მნიშვნელოვნად იკლო. ანუ, დაახლოებით ზაფხულის მოახლოებამდე, ადგილი ჰქონდა დეპოზიტების მეტ ლარიზაციას და დაახლოებით ზამთრის მოახლოებამდე, უკვე პირიქით. ამ კუთხით, ცალსახაა, რომ ვალუტის მიმართულებით გადახურდავებები ბევრად უფრო ადრე მოხდა, რაც ასევე ლარის სამომავლო გაუფასურების წინააღმდეგ ერთგვარ ბუფერად შეიძლება ჩაითვალოს. და რა შეიძლება ითქვას არჩევნების კუთხით? ლოგიკა დიდწილად იგივეა. კერძოდ, თუ მოლოდინებია, რომ ლარი არჩევნების შემდგომ მნიშვნელოვნად გაუფასურდება, მაშინ ეს ლარის ფასში უკვე არჩევნებამდე იქნება ასახული, რაც სეზონურობის მსგავსად, ბოლო საარჩევნო ციკლის დამახასიათებელი ტენდენცია იყო.შეჯამების სახით შეიძლება ითქვას, რომ თიბისი კაპიტალის ლარის კურსის პროგნოზირების ჩარჩოს მიხედვით, წმინდა სავალუტო შემოდინებები, ლარისთვის პოზიტიურია, თუმცა სენტიმენტები კურსის მნიშვნელოვან მერყეობას იწვევს. საქართველოს ძირითადი სავაჭრო-ეკონომიკური პარტნიორების ვალუტებთან მიმართებით ლარის საშუალო შეწონილი გაცვლითი კურსის კუთხით შეფასება დიდწილად ნეიტრალურია, ხოლო ინფლაციის მხრივ, შეფასება ნეიტრალური ან პოზიტიურია. რას გულისხმობს ამ შემთხვევაში პოზიტიური? მართალია წლიური ინფლაცია ჯერ კიდევ სამიზნეზე დაბლაა, თუმცა გაწლიურებული ყოველთვიური მაჩვენებლები უკვე 3%-ზე მაღალია და ლარის გაუფასურების შემთხვევაში, თავისთავად, ინფლაცია კიდევ მოიმატებს. ამდენად, მოცემული ჩარჩოს 3 ფაქტორის გათვალისწინებით, ჩვენი შეფასება დიდწილად ნეიტრალურია, განსხვავებით ადრინდელი საბაზო სცენარისა, სადაც ლარის მცირედით, მაგრამ სწორედ გაუფასურება მოიაზრებოდა“, – წერს თიბისი კაპიტალის მთავარი ეკონომისტი.

1718021940

ორშაბათის ვაჭრობა დაიწყო კურსით $1/2,82. დღეს მოქმედი ოფიციალური კურსი  2.8247 ლარს შეადგენს. 11 ივნისის ოფიციალურ კურსს ეროვნული ბანკი 17:00 საათზე დაადგენს. 

1718020274

2024 წლის სახელმწიფო ბიუჯეტის თანახმად, პარლამენტის დაფინანსება "საკანონმდებლო საქმიანობის" ნაწილში 71 801 800 ლარით არის განსაზღვრული. დაგეგმილი ცვლილებებით კი, 2025 წლიდან 87 262 000 ლარი იქნება.საბიუჯეტო ასიგნებების ზრდასა და პარლამენტის 2025 წლის ბიუჯეტის პროექტზე საფინანსო-საბიუჯეტო კომიტეტის ორშაბათის სხდომაზე იმსჯელეს და მას მხარი დაუჭირეს.კომიტეტის სხდომაზე წარდგენილი პროექტის თანახმად, პარლამენტის 2025 წლის ბიუჯეტის პროექტი მსხვილი ეკონომიკური მუხლების მიხედვით ასეთია:„შრომის ანაზღაურების მუხლი“ 43.7 მლნ. ლარით განისაზღვრა. 2024 წლის დამტკიცებულ გეგმასთან შედარებით ზრდა 9.7 მლნ ლარია. მასში ასახულია პარლამენტის წევრთა გაზრდილი ხელფასები, ახალი კოეფიციენტების მიხედვით.„საქონლისა და მომსახურების“ მუხლი 30.3 მლნ ლარს შეადგენს, რაც დამტკიცებულ გეგმასთან შედარებით გაზრდილია 4.8 მლნ ლარით, ხოლო დაზუსტებულთან შედარებით 1.2 მლნ ლარით.„გრანტის მუხლი“ 0.15 მლნ. ლარით არის გათვალისწინებული. იგივეა რაც 2024 წლის დაზუსტებული გეგმის მაჩვენებელი, ხოლო დამტკიცებულ გეგმასთან შედარებით ზრდა 0.07 მლნ ლარია.„სოციალური უზრუნველყოფის“ მუხლში გათვალისწინებულია 0.9 მლნ. ლარი - დამტკიცებულ და დაზუსტებულ გეგმებთან შედარებით 0.2 მლნ ლარზე მეტი. ამ მუხლიდან ფინანსდება დეკრეტული და საავადმყოფო ფურცელი და პირდაპირ დაკავშირებულია სახელფასო ფონდის ზრდასთან.„სხვა ხარჯების“ მუხლში თანხა 3.28 მლნ ლარს შეადგენს. 2024 წლის დამტკიცებულ გეგმასთან შედარებით ზრდაა 0.7 მლნ ლარით და დაზუსტებულ გეგმასთან შედარებით 0.26 მლნ ლარით, რაც პარლამენტის აპარატის ინფორმაციით, დაკავშირებულია ჯანმრთელობის დაზღვევის მომსახურების ფასების ყოველწლიური ზრდის ტენდენციასთან.„არაფინანსური აქტივების ზრდის“ მუხლი 2024 წლის მსგავსად დაგეგმილია 8.9 მილიონი ლარის ოდენობით. 2024 წლის დაზუსტებულ გეგმასთან შედარებით 0.86 მლნ. ლარიანი მატებაა. პარლამენტის აპარატის ინფორმაციით, აღნიშნული თანხიდან 5.5 მლნ ლარი გათვალისწინებულია შენობის რეაბილიტაცია-გამაგრებითი სამუშაოების დასრულებისთვის, ხოლო დანარჩენი თანხები სხვადასხვა ინფრასტრუქტურის და ლიცენზიის შეძენა-მოდერნიზებას მოხმარდება.

1718017075

კერძოდ, საქართველოს ბანკის ჯგუფის (BGEO LN) აქციები დაიხურა 37.40 ბრიტანულ ფუნტ სტერლინგში (GBP), +0.81% წინა კვირასთან შედარებით და - 20.09% გასულ თვესთან შედარებით. ვაჭრობის მოცულობამ 472 ათას აქციაზე მეტი შეადგინა, GBP 36.45 - 38.60 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 144 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 25.25 ბრიტანულ ფუნტ სტერლინგში (GBP), -0.98% წინა კვირასთან შედარებით და -12.33% გასულ თვესთან შედარებით. ვაჭრობის მოცულობამ 271 ათას აქციაზე მეტი შეადგინა, GBP 25.05 - 26.20 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 125 ათასი აქცია შეადგინა.Georgia Capital-ის (CGEO LN) აქციები დაიხურა 8.70 ბრიტანულ ფუნტ სტერლინგში (GBP), -8.42% წინა კვირასთან შედარებით და -24.35% გასულ თვესთან შედარებით. ვაჭრობის მოცულობამ 1.43 მილიონ აქციაზე მეტი შეადგინა, GBP 8.70 - 9.75 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 165 ათასი აქცია შეადგინა.

1718012698

აზერბაიჯანული საინფორმაციო სააგენტო რეპორტის ცნობით, ამის შესახებ ჟურნალისტებს „ბაქოს საერთაშორისო საზღვაო სავაჭრო პორტის“ გენერალურმა დირექტორმა თალეხ ზიადოვმა უთხრა.მისი თქმით, „მწვანე პორტის“ საკითხი შუა დერეფნის „გამწვანების“ კონტექსტშია განსახილველი: „მომავალში გავითვალისწინებთ, საკონტინენტთაშორისო ვაჭრობაში თუ მიწოდების რომელი ჯაჭვით გადაიზიდება კონტეინერები. ამიტომ შუა დერეფანი უნდა გადავაქციოთ „მწვანედ“. ასეთ შემთხვევაში უფრო მეტი კომპანია აირჩევს შუა დერეფანს“. 

1718010879

ბიზნეს სესიების ციკლი მცირე და საშუალო ბიზნესების საჭიროებებზე საპასუხოდ შეიქმნა და მის ფარგლებში კომპანიებისთვის აქტუალურ რვა საკითხზე ლექციები გაიმართება. ლექციებს მარკეტინგის, ბრენდინგის, ადამიანური რესურსების მართვისა და სხვა მიმართულებების სპეციალისტები ჩაატარებენ.  მათ შორის არიან:· გიორგი ჩუგოშვილი - სტარტაპის გამოწვევები - 17 ივნისი· მედეა ტაბატაძე - თანამშრომლის შენარჩუნება - 21 ივნისი· ეკო ჩუბინიძე - თანამედროვე მენეჯერის გამოწვევები - 24 ივნისი· ლელა მაჩაიძე - AI - თანამედროვე მენეჯმენტში - 28 ივნისი· ეკა ყიფიანი - კრეატივი - 1 ივლისი· ქრისტინე ლორთქიფანიძე - მომხმარებლის ქცევა - 5 ივლისი· გიორგი ბერეჩიკიძე - მარკეტინგი - მულტიჩენელ მარკეტინგი - 8 ივლისი· ვასკა ჩუბინიძე - ბრენდის სტრატეგია - 12 ივლისი„საქართველოს ბანკისთვის მცირე და საშუალო ბიზნესების მხარდაჭერა და მათთვის ცოდნის გაზიარება ერთ-ერთი მთავარი პრიორიტეტია. ჩვენ მოხარული ვართ, რომ სხვადასხვა დარგის საუკეთესო სპეციალისტების ჩართულობით და აზროვნების აკადემიასთან პარტნიორობით, მოვამზადეთ ღონისძიებების სერია, რომელიც ბიზნესის საჭიროებებს პასუხობს და წარმოადგენს პრაქტიკულ გზამკვლევს ინდუსტრიაში. ღონისძიებების ეს სერია მეწარმეებს სხვადასხვა სეგმენტიდან ყოველდღიური ამოცანების გადაჭრაში დაეხმარება და კვალიფიციური რეკომენდაციების მიღების შესაძლებლობას მისცემს. ჩვენ არ ვჩერდებით და მომავალშიც არაერთ ღონისძიებას შევთავაზებთ ჩვენს პარტნიორ ბიზნესებს“, - ამბობს რუსუდან ბარათაშვილი, საქართველოს ბანკის დამატებითი ღირებულების სერვისების განვითარების დეპარტამენტის დირექტორი.ბიზნეს სესიების ციკლზე რეგისტრაცია შეუძლია როგორც ბიზნესის წარმომადგენლებს, ისე სხვა ნებისმიერ მსურველს. სესიების მონაწილეები უკეთ შეისწავლიან ისეთ უნარებს, როგორებიცაა: თანამშრომლის შენარჩუნების ტექნიკები, AI, შემოქმედებითობა, მულტიჩენელ მარკეტინგი და სხვა."თანამედროვე ბიზნესის გამოწვევების" ლექციათა ციკლი იქნება ღირებული ცოდნის წყარო მათთვის, ვინც ცდილობს დაიმკვიდროს ან გაიმყაროს საკუთარი პოზიცია კონკურენტულ ბიზნეს გარემოში. ამ პროექტით, მიზნად ვისახავთ დავაკავშიროთ ბიზნესის სხვადასხვა სფეროს წამყვანი სპეციალისტები და ის ადამიანები, რომლებიც ცდილობენ გაუმკლავდნენ თანამედროვე ბიზნესგარემოს", - აცხადებს თაზო ლაღიძე, აზროვნების აკადემიის საგანმანათლებლო პროგრამების სპეციალისტიბიზნეს სესიების ციკლი გაიმართება თბილისში, თ. იოსებიძის 57 ნომერში. დასწრება ასევე შესაძლებელია ონლაინ ფორმატში. სალექციო დღეებია ორშაბათი - პარასკევი, შეხვედრის დაწყების დრო - 20:00 სთ.ღონისძიებაზე რეგისტრაციისთვის ეწვიეთ ამ ბმულს.

1718010205

კომპლექსი ყოფილი „მიხაილოვის საავადმყოფოს“ ტერიტორიაზე დაგეგმილი თანამედროვე ხელოვნების მუზეუმისა და პარკის სიახლოვეს შენდება და სწორედ ამ კონცეფციას უკავშირდება მისი სახელი. თანამედროვე ხელოვნებით შთაგონებული საცხოვრებელი პროექტი ურბანული ცხოვრებისა და ხელოვნების ელემენტებს გააერთიანებს და ამავდროულად, სრულ კომფორტს შექმნის მცხოვრებლებისათვის.პროექტის ჯამური ღირებულება 9 მლნ. დოლარამდეა, საიდანაც თიბისის თანამონაწილეობა, 5.95 მლნ დოლარს შეადგენს.დაბალი განაშენიანების 6 სართულიანი კორპუსი 64 ბინას მოიცავს.კომპლექსში გათვალისწინებულია საცურაო აუზი, საუნა, ფიტნეს დარბაზი, მიწისქვეშა ავტოსადგომი და საერთო სამუშაო სივრცე. კომპლექსის 1000 კვ.მ რეკრეაციულ ზონას დაეთმობა, სადაც მოსასვენებელი სივრცეები მოეწყობა.მობინადრეების კომფორტული ყოველდღიურობა - კონსიერჟის მომსახურებით, უსაფრთხოება კი ვიდეო კამერებით იქნება უზრუნველყოფილი.მსურველებს,  41-484 კვ.მ ფარგლებში, სხვადასხვა ფართის ბინის შეძენა შეუძლიათ, რომელიც მწვანე კარკასის კონდიციით ჩაჰბარდებათ.მშენებლობის დასრულება 2025 წელს იგეგმება.კომპანია Avant Group-ს, 2014 წლიდან, ჯამში 1 000 000 კვ.მ-ის ფართის არაერთი პროექტი აქვს განხორციელებული. კომპანიის 360 გრადუსიანი მენეჯმენტ სისტემა დაგეგმარებას, დიზაინს, მშენებლობის ზედამხედველობასა და საოპერაციო მხარდაჭერას აერთიანებს.  „მომა ლივის“ შესახებ, დამატებით დეტალებს გაეცანით Facebook გვერდზე და ასევე, ვებგვერდზე. 

1718009940