"სილქ ბანკმა" სავალუტო დაკრედიტება გაზარდა

ინფრასტრუქტურული სამუშაოები განხორციელდა გაფრენის ტერმინალის საპასპორტო შემოწმების ზონაში. აღნიშნული სივრცე 61%-ით გაფართოვდა (710 მ²-მდე), საპასპორტო გამშვები პუნქტების რაოდენობა კი ამავე ზონაში 18-იდან 26-მდე გაიზარდა, რაც 44%-იანი მატებაა. ასევე, გაფრენის ტერმინალში Primeclass Lounge-ის ფართობის 84%-ით გაზრდასთან ერთად აეროპორტის სერვისებს დაემატა სწრაფი გასასვლელი (Fast Track), რაც მგზავრებს საშუალებას აძლევს საჭიროების შემთხვევაში სწრაფად გაიარონ უსაფრთხოების და საზღვრის კონტროლი.36%-ით გაფართოვდა (925 მ²-მდე)  მოფრენის ტერმინალის საპასპორტო შემოწმების ზონა. ამავე ზონაში საპასპორტო გამშვები პუნქტების რაოდენობა 18-დან 26-მდე გაიზარდა, რაც  44%-იანი მატებაა. ტერმინალის შიდა სივრცეში ინტეგრირდა შენობის უფუნქციო ტერასებიც.ასევე, მგზავრებისთვის კომფორტის შესაქმნელად და აეროპორტის ოპერაციული პროცესების გასაუმჯობესებლად თბილისის საერთაშორისო აეროპორტში დამონტაჟდა სრულიად ახალი სამგზავრო და სატვირთო ლიფტები.რაც შეეხება ტერმინალების მიმდებარე ტერიტორიას - სამგზავრო ტერმინალის წინ განახლდა გზის ხელოვნური საფარი 7700 მ2 ფართობზე. ასევე, მოეწყო ახალი საპარკინგე სივრცეები. ამ ეტაპზე თბილისის საერთაშორისო აეროპორტის მიმდებარედ 1100 ავტომობილზე გათვლილი პარკინგის ზონებია.„ეს აეროპორტის ის ნაწილია, სადაც ყველაზე მეტი ხალხი ირევა და მით უმეტეს მგზავრთნაკადის მატების ფონზე, აუცილებელია ინფრასტრუქტურა იყოს მუდმივად წესრიგში იმისთვის, რომ უზრუნველყოფდეს როგორც მგზავრებისა და მათი თანმხლები პირების კომფორტს, ასევე ოპერაციული პროცესების მოქნილობასაც. ბოლო 1 წლის განმავლობაში, იყო ისეთი პერიოდები, როცა აეროპორტში განსაკუთრებული ხალხმრავლობა იყო. მაგალითად, გავიხსენებ ძალიან სასიამოვნო პერიოდს - საქართველოს ეროვნული საფეხბურთო ნაკრების ასპარეზობას ევროპის ჩემპიონატზე. დამეთანხმებით, ეს ძალიან კარგი მოგონება იყო ყოველი ჩვენთაგანისთვის, მაგრამ წარმოიდგინეთ რა მაღალი მოთხოვნა გააჩინა ამ მოვლენებმა აეროპორტის სერვისებზე - მათ შორის საპარკინგე ადგილებზეც კი... ასეთი გაზრდილი მგზავრთნაკადი, ძალიან ბევრ გამოწვევას აჩენს ოპერირების პროცესში და ამ გამოწვევებზე ჩვენ, ტავ ჯორჯიას გუნდი მუდმივად ვადაპტირდებით. დღეს, საპარკინგე ადგილების რაოდენობაც კი გაცილებით მეტია, ვიდრე ეს იყო შარშან ამ დროს, გაფრენის და მოფრენის ტერმინალების საპასპორტო შემოწმების ზონებში კი გაცილებით დიდი რესურსი შევქმენით, როგორც მგზავრების უფრო სწრაფად მომსახურებისთვის, ასევე დამატებითი უსაფრთხოების უზრუნველსაყოფად“, - აცხადებს ალუდა ცაბაური, ტავ ჯორჯიას ტექნიკური მენეჯერის მოადგილე.თბილისისა და ბათუმის საერთაშორისო აეროპორტების მმართველი კომპანია ტავ ჯორჯია საქართველოში უკვე 20 წელია ოპერირებს. ამ პერიოდის განმავლობაში კომპანიის მიერ საქართველოში განხორციელებული ჯამური ინვესტიცია დღეის მდგომარეობით 227 000 000 ამერიკულ დოლარს აჭარბებს. 

1742539939

„21 მარტს დაუნის სინდრომის მსოფლიო დღე აღინიშნება. ამ დღის აღნიშვნის მთავარ მიზანს დაუნის სინდრომის მქონე ადამიანების შესახებ საზოგადოების ცნობიერების ამაღლება წარმოადგენს. 2025 წელს ამ დღის გზავნილია - „გააუმჯობესე ჩვენი მხარდამჭერი სისტემები“, რომელიც მოუწოდებს სახელმწიფოებს, მხარი დაუჭირონ დაუნის სინდრომის მქონე ადამიანებს, რათა თანაბრად ჩაერთონ და მონაწილეობდნენ საზოგადოებრივ ცხოვრებაში.საქართველოში დაუნის სინდრომის მქონე პირები და მათი ოჯახები ჯერ კიდევ აწყდებიან პრობლემებს და სხვადასხვა სახის სირთულეებს თავიანთი უფლებების განხორციელების პროცესში. მათ შორის, აღსანიშნავია შესაძლებლობის შეზღუდვის სოციალური მოდელის დროულად დანერგვა, ჯანდაცვის სერვისებზე წვდომა, საზოგადოებაში არსებული სტიგმა და სტერეოტიპები, უწყვეტი და ხარისხიანი ინკლუზიური განათლება, ღია შრომით ბაზარზე დასაქმებისა და პროფესიული განვითარების თანაბარი შესაძლებლობები, ქვეყნის საზოგადოებრივ და პოლიტიკურ ცხოვრებაში მონაწილეობა.გამოწვევაა დაუნის სინდრომის მქონე პირთა ინდივიდუალურ საჭიროებებზე მორგებული დამოუკიდებელი ცხოვრების ხელშემწყობი მომსახურებების სიმცირე და დროული დანერგვა. საქართველოს სახალხო დამცველი მოუწოდებს სახელმწიფოს თანმიმდევრული და შედეგზე ორიენტირებული ნაბიჯების გადადგმისკენ, რათა დაუნის სინდრომის მქონე პირთა მხარდამჭერი სისტემების გაუმჯობესების გზით უზრუნველყოს ამ პირთა უფლებების დაცვა და ყოველდღიურ ცხოვრებაში სრულფასოვანი ჩართვა“, - აღნიშნულია სახალხო დამცველის განცხადებაში.

1742538561

Businesscourse.ge-ზე განსაკუთრებული ინტერესით ფინანსების მართვაზე კურსები სარგებლობს. მათ შორისაა:კორპორაციული ფინანსები და აუდიტიკურსის გავლის შემდეგ გაიგებთ, როგორ მართოთ კორპორაციული ფინანსები ეფექტურად სასურველი შედეგების მისაღწევად. გაეცნობით: აუდიტის შინაარსს, მიზანს, სარგებელს, ეტაპებსა და აუდიტორული დასკვნის სახეებს. კურსი შედგენილია საქართველოს აუდიტის სამსახურის აუდიტის დეპარტამენტის უფროსისა და FinanceHouse.ge-ს დამფუძნებლის, თორნიკე შერმადინის-მიერ.დარეგისტრირდით ბიზნესკურსზე აქ.როგორ მოვიპოვოთ დაფინანსებაკურსი განკუთვნილია როგორც ტურიზმის, ასევე წარმოების, ტექნოლოგიური, მწვანე და სხვა ბიზნესებისთვის. კურსის დასრულების შემდეგ, დაფინანსების მიღების შესაძლებლობების გარდა, ასევე გეცოდინებათ, როგორ განსაზღვროთ რისკები, შეაფასოთ კონკურენცია ბაზარზე, დაწეროთ გრანტი და სხვ. კურსი მოამზადა ლარისა პატარაიამ, საკონსულტაციო/კვლევითი კომპანიის, Start – Business Solutions-ის, მმართველმა პარტნიორმა.დარეგისტრირდით ბიზნესკურსზე აქ.ფინანსებზე ხელმისაწვდომობაამ კურსზე გაიგებთ, როგორ უნდა მოიზიდოთ დამატებითი კაპიტალი ბიზნესისთვის, როდის არის რეკომენდებული დამატებითი კაპიტალის მოზიდვა, როგორ უნდა მართოთ მოლოდინები და სხვა. კურსი მოამზადა გიგა ფაიქიძემ, აუდიტორული და საკონსულტაციო კომპანია Loialte-ს მმართველმა პარტნიორმა და SMEDA-ს ხელმძღვანელმა.დარეგისტრირდით ბიზნესკურსზე აქ.პრაქტიკული ბიუჯეტირების საწყისებიკურსი — პრაქტიკული ბიუჯეტირების საწყისები დაგეხმარებათ სწორად დაგეგმოთ ბიუჯეტი და ეფექტურად მართოთ კომპანიის ფინანსები, ასევე, შეიმუშაოთ გაყიდვების გეგმა, გაეცნოთ საოპერაციო / ფულადი ნაკადების მოძრაობის ბიუჯეტის ძირითად პრინციპებს და გაიგოთ, თუ რა არის what if ანალიზი. კურსი მომზადებულია Cresco Consulting-ის მმართველი პარტნიორის, ეკატერინე პაპიაშვილის, მიერ.დარეგისტრირდით ბიზნესკურსზე აქ.ბუღალტერია მენეჯერებისთვისაღნიშნულ კურსზე მიიღებთ სასარგებლო ინფორმაციას, რომელიც დაგეხმარებათ კომპანიის ბუღალტერიის სწორ წარმართვაში. კურსის გავლის შემდეგ გაიგებთ, თუ რას ნიშნავს საერთაშორისო კომპანიის და ვირტუალური ზონის კომპანიის სტატუსი და რა შეღავათებით სარგებლობენ ამ სტატუსების მატარებელი კომპანიები. ასევე შეიტყობთ, თუ რა უპირატესობები აქვს შიდა ბუღალტერიას და ბუღალტერიის აუთსორსზე გატანას. კურსი მომზადებულია კომპანია ენთების პარტნიორის, ნიკა წიკლაურის მიერ.დარეგისტრირდით ბიზნესკურსზე აქ.აღსანიშნავია, რომ ბიზნესკურსი ბიზნეს განათლებისა და ბიზნეს 360°-ის შემადგენელი ნაწილია. ბიზნეს 360° ციფრული პლატფორმაა, რომელიც ყველა იმ შესაძლებლობას აერთიანებს, რასაც საქართველოს ბანკი მცირე და საშუალო ბიზნესისთვის ქმნის — იქნება ეს საგანმანათლებლო პროექტები, განვითარებაზე ორიენტირებული პროგრამები, შეთავაზებები, ღონისძიებები, სექტორული კვლევები თუ სხვა.

1742476312

მხარეებმა მიმოიხილეს საქართველოსა და აზიის განვითარების ბანკს შორის მრავალწლიანი თანამშრომლობის საკითხები და სამომავლო გეგმები.ხაზი გაესვა ADB-ის როლს ქვეყნის ეკონომიკური, სოციალური და ინსტიტუციური განვითარების მიმართულებით.შეხვედრაზე საუბარი შეეხო ქვეყნისთვის მნიშვნელოვანი ახალი ინფრასტრუქტურული და გარემოსდაცვითი პროექტების დაფინანსების შესაძლებლობებს.ლაშა ხუციშვილმა იმედი გამოთქვა, რომ ბანკსა და საქართველოს შორის თანამშრომლობა აქტიურად გაგრძელდება 2024-2028 წლების დამტკიცებული სტრატეგიის შესაბამისად.ფინანსთა სამინისტროში გამართულ შეხვედრას, ასევე, დაესწრნენ ფინანსთა მინისტრის მოადგილე ეკატერინე გუნცაძე, აზიის განვითარების ბანკის მუდმივი მისიის ხელმძღვანელი საქართველოში ლესლი ბერმან ლამი და დელეგაციის სხვა წევრები.

1742473118

თიბისი კონცეპტის მომხმარებლებს, შესაძლებლობა გაქვთ დაიბრუნოთ გადახდილი თანხის 30%, ჯამში მაქსიმუმ 150 ლარი, მომენტალურად.შეთავაზება ვრცელდება ზუგდიდი მოლის შემდეგ სავაჭრო ობიექტებში:ბატა, ბამბინო, კორსო იტალია, სულაკაურის გამომცემლობა, მინისო, ადიდასი, ჯინსის გალერეა, ნავნე, სკივრი, ჯი პი სი, ისი პარი, ჭიტა, ბიბლუსი, პეპელა, თაიმი, ოპტიმისტი, ქეისების კუთხე, პიცერია ლეოდორო, მანამო ჰოუმი, კარფური, გაჯეტები, სორველა, უნო შუზი, მაიორალი, ორიჯინალი, ბედინერი.შეგახსენებთ, რომ შეთავაზებით სარგებლობისთვის, გადახდა უნდა განხორციელდეს თიბისის ტერმინალზე.ასევე, გეტყვით, რომ ზუგდიდი მოლში განთავსებული იქნება თიბისის სათამაშო აპარატი და შესაძლებლობა გექნებათ, გახდეთ თიბისის მერჩის მფლობელი.აპარატით სარგებლობას მხოლოდ ახალი თიბისი ბარათით შეძლებთ და 24 საათის განმავლობაში, 3-ჯერ თამაშის უფლება გექნებათ. თამაშის ღირებულება 1 ლარია, თუმცა, გადახდილი თანხა მომენტალურად დაგიბრუნდებათ ერთგულის ყულაბაში.ასე რომ, უახლოეს ვიქენდზე ესტუმრეთ ზუგდიდი მოლს და გამოიყენეთ შანსი, ისარგებლოთ თიბისის მასშტაბური ქეშბექ შეთავაზებით. 

1742470255

ბედნიერების მსოფლიო ინდექსში რეიტინგის ათეული შემდეგნაირად გადანაწილდა: ფინეთი დანია ისლანდია შვედეთი ნიდერლანდები კოსტა რიკა ნორვეგია ისრაელი ლუქსემბურგი მექსიკა რეიტინგის ბოლო ადგილებზე გავიდნენ იემენი, კონგოს დემოკრატიული რესპუბლიკა, ბოტსვანა, ზიმბაბვე, მალავი, ლიბანი, სიერა ლეონე. ბოლო, 147-ე ადგილზე კი ავღანეთია.World Happiness Report-ის რეიტინგს გაეროს დაკვეთით 2012 წლიდან ადგენენ, რომელიც ტრადიციულად 20 მარტს, გაეროს ბედნიერების საერთაშორისო დღეს გამოდის. 

1742468934

კონკურსი ფულის გლობალური კვირეულის ფარგლებში გამოცხადდა და ლარის 30 წლის იუბილეს ეძღვნება.კონკურსში მონაწილეობა შეუძლიათ საქართველოში მცხოვრებ 6-დან 18 წლამდე ასაკის მოზარდებს. კონკურსის ფარგლებში მონაწილეებმა, კონკურსის პირობების შესაბამისად, 30 მარტის ჩათვლით უნდა დახატონ 30 ლარის ბანკნოტი, სადაც შემოქმედებით უნარებთან ერთად, ქართული ფულის განვითარების ისტორიასა თუ ეროვნული ვალუტის მნიშვნელობაზე საკუთარ ხედვას წარმოაჩენენ.კონკურსში გამოვლინდება ოთხი გამარჯვებული. ჟიურის რჩეული სამი კონკურსანტი დაჯილდოვდება 500 ლარიანი ფულადი პრიზებით, მეოთხე მომხმარებლის რჩეული კი  სპეციალურ სახატავ პლანშეტს მიიღებს. გარდა ამისა, ოთხივე გამარჯვებული  მიიღებს სიმბოლურ საჩუქრებსა და საგანმანათლებლო მასალებს ეროვნული ბანკისა და საქართველოს საბანკო ასოციაციისგან.კონკურსის მხარდამჭერი ორგანიზაციები არიან: სს „ბაზისბანკი“, სს „ტერაბანკი“, სს „კრედო ბანკი“ და ა(ა)იპ „საქართველოს საბანკო ასოციაცია“.კონკურსის შესახებ დეტალური ინფორმაცია მოცემულია ბმულზე.ფულის გლობალური კვირეული ყოველწლიური საერთაშორისო ცნობიერების ასამაღლებელი კამპანიაა, რომელიც მიზნად ისახავს ახალგაზრდებში ფინანსური განათლებისა და ფინანსური კეთილდღეობის მნიშვნელობის შესახებ ცნობიერების ამაღლებას. 2025 წლის კვირეული 17-23 მარტს აღინიშნება, დევიზით: „დაფიქრდი, სანამ აჰყვები, მართე ფული გონივრულად“ (Think before you follow, wise money tomorrow).

1742468913

რიჩარდ ქოქრილის გაწვრთნილმა გუნდმა, ფინალურ შეხვედრაში, მიხეილ მესხის სტადიონზე ესპანეთის ნაკრები 46:28 დაამარცხა და ევროპის ჩემპიონის თასი დამსახურებულად აღმართა.საქართველოს ნაკრებმა მეტოქეს 8 ლელო დაუდო. ჰეთ-თრიქი შეასრულა ვანო კარკაძემ, რომელიც მატჩის საუკეთესო მოთამაშე გახდა; თითო ლელო გაიტანეს ვასილ ლობჟანიძემ და ნიკა აბულაძემ. ასევე, ჰეთ-თრიქით გამოიჩინა თავი აკა ტაბუცაძემ, რომლის სარეკორდო მიღწევაზე ცალკე ვისაუბრებთ.გარდა იმისა, რომ ტაბუცას ნაკრებში უკვე 50 ლელო დაუგროვდა, ეს ამბავი საერთაშორისო დონეზეც რეზონანსულია.თუკი ესპანეთთან მატჩამდე ქართველი მორაგბის სანაკრებო ანგარიშზე 47 ლელო იყო და მსოფლიოს საუკეთესო მელელოვეების ტოპ 10-ში ის მე-9 ადგილს ლეგენდარულ ირლანდიელთან, ბრაიან ო’დრისკოლთან იყოფდა, რაგბი ევროპის ჩემპიონატის ფინალში შესრულებული ჰეთ-თრიქის შემდეგ, ტაბუცაძემ ჩამოიტოვა ჯორჯ ნორზი (უელსი) და დაგ ჰაულეტი (ახალი ზელანდია).ახლა, აკა ტაბუცაძე, არც მეტი-არც ნაკლები, მსოფლიოს ტოპ 10-ში მეექვსე ადგილზეა და ამ პოზიციას რორი ანდერვუდთან (ინგლისი) ერთად იყოფს.რაც შეეხება ტოპ ხუთეულს, მათგან არც ერთი აღარაა მოქმედი მოთამაშე. მაგალითად, მე-5 ადგილს ტაბუცაძეს მხოლოდ 5 ლელო აშორებს და ოპტიმისტურ პროგნოზებში უნდა ვივარაუდოთ, რომ ქართველი მორაგბე ამ „ბარიერსაც“ უახლოეს მომავალში დაძლევს.რაც შეეხება მსოფლიო რაგბის რეიტინგს, ესპანეთთან მოგების შემდეგ, საქართველომ მე-11 ადგილი შეინარჩუნა და უახლოეს მდევარ, ექვსი ერის წარმომადგენელ უელსთან უპირატესობა 1.3 ქულით გაზარდა.თიბისი და დიდი რაგბი ზაფხულში, საინტერესო სანაკრებო ტესტ-მატჩებით დაბრუნდებიან. მანამდე კი, ერთად ვუგულშემატკივროთ ასაკობრივ ნაკრებებსა და 7-ქალა ნაკრებს მნიშვნელოვან ტურნირებზე.#ერთადგავიმარჯვებთ

1742462707