სილქს ახალი სესხი აქვს - ტაქსის მძღოლისთვის

ტურნირის ფარგლებში, 29 სექტემბრიდან 6 ოქტომბრის ჩათვლით, GymBreeze-ის კორტებზე პადელის ჯგუფური შეხვედრები გაიმართება, რომელშიც მონაწილეობას 96 გუნდი მიიღებს. ისინი ერთმანეთს ჯგუფურ და play-off ეტაპებზე დაუპირისპირდებიან.პადელის ჩემპიონატის განრიგი ასე გამოიყურება: 29, 30 სექტემბერი და 1 ოქტომბერი - ჯგუფური ეტაპი; 2, 3, 4 ოქტომბერი - პლეი-ოფის ეტაპი; 5 ოქტომბერი - ნახევარფინალი; 6 ოქტომბერი - ფინალი, დაჯილდოების ცერემონია. პადელის ყოველწლიურ ტურნირში მონაწილეობის მისაღებად შეგიძლიათ რეგისტრაცია გაიაროთ ბმულზე.SOLO მომხმარებლებს შესაძლებლობა ექნებათ, მონაწილეობის საფასურის SOLO ბარათით გადახდისას 20%-იანი ქეშბექით ისარგებლონ.პადელის ტურნირში მონაწილეობის წესების შესახებ დეტალური ინფორმაციის მისაღებად ეწვიეთ ვებგვერდს.

1726846200

საქართველოს ბანკის სტენდი კინოფესტივალ „თაობის“ ფარგლებში, 25 და 26 სექტემბერს გრიშაშვილის ქუჩაზე იქნება განთავსებული.ღონისძიების ფარგლებში, ახალგაზრდებს შესაძლებლობა ექნებათ, გაიაქტიურონ შემდეგი შეთავაზებები: მუდმივი სამედიცინო უპირატესობა 30%-იანი ქეშბექი (მაქსიმუმ 30 ლარი) Extrameat's Pavilion-ში 10%-იანი ფასდაკლება Beko-ს მაღაზიებში ACER-ის, ASUS-ის, DELL-ის, HP-ს ან Lenovo-ს ლეპტოპებისა და Epson-ის პრინტერის შეძენისას 30%-იანი ქეშბექი პალიტრას ონლაინ მაღაზიაში Student და sCool Card-ით გადახდისას ფასდაკლება ოპტიკურ სალონ Roniko-ში 30%-იანი ქეშბექი ყოველ ორშაბათს, ოთხშაბათს და პარასკევს Yoyoso-ში, Student და sCool Card-ით გადახდისას 20%-იანი ქეშბექი Miniso-ს ფიზიკურ მაღაზიებში, ყოველ ოთხშაბათს და ხუთშაბათს, Student და sCool Card-ით გადახდისას 10%-იანი ფასდაკლება Student Card-ის მფლობელებისთვის Kenari-ს პროდუქციაზე და 50%-იანი ფასდაკლება ოფთალმოლოგის კონსულტაციაზე 10%-იანი ფასდაკლება Student Card-ის მფლობელებისთვის Optimist-ში მზისა და ოპტიკურ სათვალეებზე, ხოლო ოპტიკურ მინებზე 20%-იანი ფასდაკლება ინფორმაციისთვის, საერთაშორისო ახალგაზრდული კინოფესტივალი „თაობა“ საქართველოს ბანკის მხარდაჭერით იმართება.ღონისძიება სხვადასხვა ლოკაციებზე - აკაკი წერეთლის სახელმწიფო უნივერსიტეტის მულტიფუნქციურ  ცენტრში, “კინოთეატრ საქართველოში”, ი. გრიშაშვილის ქუჩაზე (თეთრ ხიდთან) და აკაკი წერეთლის სახელობის ქალაქ ქუთაისის N1 საჯარო სკოლაში ჩატარდება. 

1726839240

"ეს მოლაპარაკებები უფრო ადრე უნდა დამესრულებინა, მაშინვე, როგორც კი ვერ მოხერხდა ნეიტრალურ პლატფორმაზე შეთანხმება. ჩემი მხრიდან ნეიტრალური პლატფორმის საკითხის დათმობამ მეორე მხარის სიხარბე წაახალისა, რამაც პროცესი საბოლოოდ შეიყვანა ჩიხში.გუშინ დაწყებულმა შავმა პიარმა კიდევ ერთხელ დაგვანახვა, რომ მიზანი გახლდათ არა სამართლიანი შეთანხმების მიღწევა, არამედ ის, თუ ვის დაჰბრალდებოდა შეთანხმების ჩაშლა. დიახ, წერტილი დავსვი მე, იმიტომ, რომ მიზანი გადამერჩინა - ჩვენი ორი გუნდის სამომავლო, შესაძლო, სამართლიანი, ეფექტური თანამშრომლობის პერსპექტივა.წერტილი დავსვი იმიტომ, რომ მოლაპარაკების დაწყების მიზანი შევიდა ჩიხში, თავდაპირველი მიზანი დაიკარგა სიხარბეში, ვიღაცისთვის მთავარი მიზანი იყო მოლაპარაკებების ჩაშლის მეორე მხარისთვის დაბრალება, სხვებისთვის კი - ნებისმიერ ფასად ნებისმიერი ქაღალდის ხელმოწერა...ქვეყნის ინტერესებიდან გამომდინარე, ჩვენ უარი ვთქვით ყველაფერზე - პარტიაზე და პარტიულ ნომერზე, რამაც საპასუხო კომპრომისის ნაცვლად კიდევ უფრო მეტი მადა აღუძრა მეორე მხარეს და საბოლოოდ და სრულად ააცილა ეს მოლაპარაკებები მიზანს. ამიტომ, ჩვენ ვუბრუნდებით თავდაპირველ მიზანს და ამ მიზნის მისაღწევად აუცილებელ პრინციპებს, ჩვენს ვაცხადებთ მზაობას შემდეგი პრინციპებით: პირველი - ნეიტრალური პლატფორმა, მეორე - გადაწყვეტილების მიღების სამართლიანი, პარიტეტული პრინციპი, მესამე - კოალიციის დაუშვებლობის პრინციპი როგორც ქართულ ოცნებასთან, ისე ნაციონალურ მოძრაობასთან", - თქვა პარტია საქართველოს ლიდერმა გიორგი გახარიამ.მან პრეზიდენტს და მამუკა ხაზარაძეს მადლობა გადაუხადა და აღნიშნა, რომ ეს პროცესი თავად იყო პოზიტიური, "რამაც მომავალში თანამშრომლობის შესაძლებლობა გააძლიერა".ამასთან, გახარიამ აღნიშნა, რომ თუ მამუკა ხაზარაძე ხსენებულ 3 პრინციპს დათანხმდება, ის მზად არის კოალიციასთან ითანამშრომლოს."თუ ლელო დღეს ამბობს, რომ ამ 3 პრინციპზე: ნეიტრალური პლატფორმა, პარიტეტული პრინციპი და პრინციპი რომ არ იქნება კოალიცია ამ არჩევნების შემდეგ არც ქართულ ოცნებასთან და არც ნაციონალურ მოძრაობასთან, ჩვენ ნებისმიერ დოკუმენტზე მოვაწერთ ხელს, ახლაც თუ გინდათ და ნებისმიერი ფორმის და სერიოზულობისთვის ვართ მზად", - აღნიშნა გახარიამ. ცნობისთვის, პრეზიდენტმა სალომე ზურაბიშვილმა საპარლამენტო არჩევნების წინ ერთ საარჩევნო სუბიექტად გაერთიანებისკენ მოუწოდა გიორგი გახარიას და მამუკა ხაზარაძის პარტიებს.ხაზარაძისა და გახარიას პირველი შეხვედრა 17 სექტემბერს გაიმართა. მას შემდეგ ოპოზიციური პარტიების ლიდერები ერთმანეთს რამდენჯერმე შეხვდნენ.ოთხშაბათს, მამუკა ხაზარაძემ ჟურნალისტებთან თქვა, რომ გიორგი გახარიას მათთან „თანაბარ, სწორუფლებიან პარტნიორად“ შესვლა შესთავაზა. „ვის რა ზომა, წონა აქვს ამ კოალიციაში, ეს არ არის მთავარი“, - დააზუსტა მან. ამ დროისთვის ცნობილია, რომ „ლელოს“ საარჩევნო ნომრით და სიით არჩევნებში ასევე მონაწილეობას მიიღებენ ალეკო ელისაშვილის, ანა დოლიძის და ლევან ცუცქირიძის პოლიტიკური პარტიები.გუშინწინ, 18 სექტემბერს, გიორგი გახარიამ ჟურნალისტებს განუცხადა, რომ „მამუკას უნდა შეეთანხმებინა თავის გუნდთან და როგორც ჩანს ჯერჯერობით ვერ მოახერხა. ვნახოთ, დაველოდებით“.გახარიამ ასევე დააზუსტა, რომ ხაზარაძის პარტიასთან უთანხმოება არ უკავშირდება პარტიულ სიაში ადგილების განაწილებას.

1726836275

"ევროკავშირის ქვეყნებმა უმაღლეს დონეზე, პრეზიდენტებისა და პრემიერმინისტრების დონეზე გამოხატეს შეშფოთება საქართველოს მიერ აღებული კურსის გამო. ჩვენ მართლაც გვაშფოთებს, რომ ნაცვლად რეფორმების გატარებისა, რომლებიც დააახლოებს საქართველოს ევროკავშირთან, ბოლო თვეებში ვხედავთ მოვლენებს, რომლებიც აშორებს საქართველოს ევროკავშირისგან.მხოლოდ ქართველების გადასაწყვეტია, როგორ ქვეყანაში სურთ ცხოვრება და 26 ოქტომბერს მათ შეუძლიათ წავიდნენ არჩევნებზე და აირჩიონ საკუთარი ლიდერები. თუ არჩევნები იქნება სამართლიანი, თავისუფალი, კონკურენტული და რაც მთავარია მშვიდი, ჩვენ ვიმუშავებთ ნებისმიერ მთავრობასთან, რომელიც ჩამოყალიბდება არჩევნების შემდეგ. მაგრამ, აქ მთავარი საკითხია, რომ, თუ ქართველებს სურთ ევროკავშირში გაწევრიანება, მაშინ ჩვენ გვაქვს პირობები. ეს პირობები საგანგებოდ საქართველოსთვის არ მოგვიგონია, ისინი ნებისმიერ ქვეყანაზე ვრცელდება, რომელსაც ევროკავშირის წევრობა სურს. ამიტომ გვჭირდება სერიოზული რეფორმები და ასევე გვჭირდება, რომ მთავარი პრინციპები, რომლებზეც დაფუძნებულია ევროკავშირი, დაცული იყოს. ეს პრინციპები საყოველთაოდ არის ცნობილი: დემოკრატია, კანონის უზენაესობა, ადამიანის, მათ შორის უმცირესობების უფლებები და ეს პრინციპები გადახედვას არ ექვემდებარება. ამიტომ, თუ საქართველოს სურს ევროკავშირის წევრობა, მან პატივი უნდა სცეს ამ პრინციპებს.საქართველოს ხელისუფლებამ გაუგზავნა მოწვევა საერთაშორისო დამკვირვებლებს. ჩვენ ახლო კავშირი გვაქვს ეუთო/ოდირის გუნდთან. მე ვიცი, რომ მათ დიდი გეგმები აქვთ და ბევრი დამკვირვებლის გამოგზავნას აპირებენ არჩევნებამდე, მის დროს და მის შემდეგ. ჩვენ ასევე მხარს ვუჭერთ ადგილობრივ ორგანიზაციებს, როგორიცაა ისფედი, რომლებიც ასევე დააკვირდებიან არჩევნებს. ისინი გააკეთებენ შეფასებებს და მათ შეფასებებზე დაყრდნობით გადავწყვეტთ, იყო თუ არა არჩევნები თავისუფალი და სამართლიანი. მე იმედი მაქვს, რომ ჩვენ ეს არ მოგვიწევს, მაგრამ თუ არჩევნები არ იქნება სამართლიანი და თავისუფალი, მაშინ, სამწუხაროდ, ჩვენ მოგვიწევს გამოვიყენოთ ბერკეტები, რომლებიც არაერთხელ გამოგვიყენებია სხვა ქვეყნების მიმართ, მათ შორის ბელარუსის მიმართაც. ჩვენ არ ვაღიარეთ არჩევნები ბელარუსში, რადგან იქ არჩევნები იქნა მოპარული და სწორედ ამიტომ გამოვიყენეთ ზომების ფართო სპექტრი, მათ შორის სანქციები. ეს არის ყველაზე ცუდი სცენარი და იმედი მაქვს, რომ აქამდე არ მოგვიწევს მისვლა", - თქვა ევროკავშირის ელჩმა, საქართველოში.

1726833215

2022 წელს საქართველოდან ჩინეთში $15.02 მლნ-ის ღვინო გავიდა, 2023 წელს კი $11.69 მლნ-ის, რამაც საანგარიშო პერიოდში 22.2%-ით კლება აჩვენა. საქსტატის მონაცემებით, 2Q2024-ში საქართველოდან ჩინეთში ჯამში $2 298 020 მლნ-ის ღვინო გავიდა, 2023 წელის ანალოგიურ პერიოდში კი $3 431 910 მლნ-ის. შედარებისთვის, აღნიშნული პროდუქტის ღირებულება $1 133 890 მლნ-ით, პროცენტულად კი 33%-ით შემცირდა.აღსანიშნავია, რომ, 2024 წელს საქართველოდან ჩინეთში სულ 679,090.05 ლიტრი ღვინის ექსპორტი განხორციელდა, 2023 წელს კი 996,624.76 ლიტრის, რაც იმას ნიშნავს, რომ 2024 წელს ჩინეთში ექსპორტირებული 1 ლიტრი ქართული ღვინის საშუალო ფასი $3.38 ხოლო, 2023 წელს - $3.44 იყო.თიბისი კაპიტალის 2024 წლის აგვისტოს კვლევის თანახმად, ჩინეთში ღვინის მოხმარება მცირდება და ეს საქართველოდან ექსპორტზეც აისახება. მათივე თქმით, 2023 წელს ჩინეთში ღვინის მოხმარება წლიურად 24.7%-ით შემცირდა.ამასთან, ჩინეთის ბაზრის შემცირებას პოლონეთის ბაზრის ზრდა აკომპენსირებს (2024 წლის 5 თვეში პოლონეთში ქართული ღვინის ექსპორტი 19%-ით გაიზარდა).თიბისი კაპიტალის კვლევის თანახმად, ჩინეთში წითელი ღვინო დომინანტია. მასზე ჯამური მოხმარების 95% მოდის. 

1726833164

"ევროკავშირი გმობს რუსეთის სამხედრო ყოფნას მის მიერ ოკუპირებულ სეპარატისტულ რეგიონებში, აფხაზეთსა და სამხრეთ ოსეთში, რაც არღვევს როგორც საერთაშორისო კანონს, ასევე 2008 წლის 12 აგვისტოს 6-პუნქტიანი შეთანხმებით რუსეთის მიერ ნაკისრ ვალდებულებებს. საქართველოში კონფლიქტის შედეგად დაზარალებული თემების ადამიანის უფლებები კვლავ ირღვევა, მათ შორის, "ბორდერიზაციით", გადასასვლელების დაკეტვით და უკანონო დაკავებებით რუსეთის სამხედრო და დე ფაქტო ხელისუფლების მიერ. უნდა დასრულდეს გადაადგილების თავისუფლების შეზღუდვები, გამოძიებული იქნეს ადამიანის უფლებების დარღვევა და უზრუნველყოფილი იყოს სამართლიანობა ყველა მსხვერპლისთვის.ჩვენ გავაგრძელებთ საქართველოს სათანადო მხარდაჭერას იმ გამოწვევების გადაჭრაში, რომლის წინაშეც ის ასევე დგას უკრაინის წინააღმდეგ რუსეთის აგრესიული ომის შედეგად და მისი მდგრადობის გაძლიერებას რუსეთის მხრიდან დესტაბილიზაციის გამომწვევი მოქმედებების ფონზე.ჩვენ სრულად ვრჩებით კონფლიქტების მშვიდობიანი მოგვარების ერთგული, მათ შორის, ევროკავშირის, როგორც თანათავმჯდომარის ჟენევის საერთაშორისო მოლაპარაკებებში, ჩართულობით, სამხრეთ კავკასიასა და საქართველოში კრიზიების საკითხში ევროკავშირის სპეციალური წარმომადგენლის მუშაობით და ადგილზე ევროკავშირის სადამკვირვებლო მისიის მუდმივი ყოფნით.მოვუწოდებთ ჟენევის საერთაშორისო მოლაპარაკებების მონაწილეებს, კონსტრუქციულად ჩაერთონ დისკუსიებში 2008 წლის 12 აგვისტოს 6-პუნქტიანი შეთანხმების სრული განხორციელების მისაღწევად ევროკავშირი კიდევ ერთხელ ადასტურებს ურყევ მხარდაჭერას საქართველოს დამოუკიდებლობის, სუვერენიტეტისა და ტერიტორიული მთლიანობისადმი მის საერთაშორისოდ აღიარებულ საზღვრებში", - ვკითხულობთ ევროკავშირის განცხადებაში.

1726831732

გაცნობითი ხასიათის შეხვედრაზე საუბარი შეეხო რეგიონის ეკონომიკურ მდგომარეობასა და საფინანსო სექტორში არსებულ გამოწვევებსა და შესაძლებლობებს.შეხვედრაზე მხარეებმა ყურადღება გაამახვილეს რეგიონული თანამშრომლობის მნიშვნელობაზე. როგორც ნათია თურნავამ აღნიშნა, საქართველო აქტიურად ცდილობს რეგიონის ქვეყნებთან ფინანსური სერვისების ინტეგრირებას.შეხვედრისას, ნათიამ თურნავამ საქართველოს ეროვნული ბანკის მიერ განხორციელებულ რეფორმებზეც ისაუბრა და ხაზი გაუსვა საქართველოს ეროვნულ ბანკსა და ასტანას ფინანსური სერვისების მარეგულირებელ ორგანოს შორის არსებულ მჭიდრო საქმიან ურთიერთობებს. ორივე მხარემ გამოთქვა იმედი, რომ თანამშრომლობა მომავალშიც გაგრძელდება, რაც საქართველოს ეკონომიკურ განვითარებას შეუწყობს ხელს.„საქართველოს ეროვნულ ბანკსა და ასტანას ფინანსური სერვისების მარეგულირებელ ორგანოს დიდი ხნის თანამშრომლობა აკავშირებთ. 2018 წელს გავაფორმეთ ურთიერთგაგების მემორანდუმი, რომელიც ითვალისწინებს მჭიდრო თანამშრომლობას და ინფორმაციის გაცვლას, ჩვენი შესაბამისი მოვალეობების შესრულების და ფინანსური ინსტიტუტების, საბანკო და კაპიტალის ბაზრების უსაფრთხო და ჯანსაღი ფუნქციონირების მხარდაჭერას და ხელშეწყობას. ამჟამად AFSA-სთან აქტიურად ვაწარმოებთ მოლაპარაკებებს სხვადასხვა მიმართულებით თანამშრომლობაზე, რაც ფინანსური სექტორისა და კაპიტალის ბაზრის განვითარებას ეხება“, - აღნიშნა ნათია თურნავამ.შეხვედრას ასევე ესწრებოდა ეროვნული ბანკის საერთაშორისო ურთიერთობების დეპარტამენტის ხელმძღვანელი გიორგი ედილაშვილი.ასტანას ფინანსური სერვისების მარეგულირებელი ორგანო (AFSA) ფინანსური და არაფინანსური მომსახურების აქტივობების მარეგულირებელი ორგანოა. იგი ზედამხედველობას უწევს ფინანსური ცენტრის მონაწილეებს, რომლებიც ახორციელებენ ფინანსურ და დამხმარე მომსახურებას და კაპიტალის ბაზრის საქმიანობას AIFC-ის ტერიტორიაზე.

1726831313

"ორგანიზაციას ამ პოზიციას რამდენიმე ფაქტორი განაპირობებს. მაგალითად, ჩვენ თუ დავაკვირდებით გლობალურ ბაზრებზე მიმდინარე პროცესებს, დავინახავთ, რომ ბოლო პერიოდში, როგორც ნედლი ნავთობის, ისე პლაცსის ფასები მნიშვნელოვნად მცირდება.კერძოდ, თვეზე მეტია რაც ნედლი ნავთობის ფასები შემცირებას განაგრძობს. მაგალითად, თუ გასული თვის დასაწყისში ნედლი ნავთობის ფასი 80 დოლარს აღწევდა, დღეს იგივე ტიპის ნავთობის ფასი 70 დოლარამდეა შემცირებული. თუმცა, საგულისხმოა ის გარემოებაც, რომ ნავთობის ფასების პერმანენტული კლება უკვე თითქმის 3 თვეა გრძელდება, რაც პლაცსის ფასზეც არაერთგზის არის ასახული.გარდა გლობალური პროცესებისა, ადგილობრივ ბაზარზე ფასების შემცირებას ხელს უწყობს ეროვნული ვალუტის კურსიც, რომელიც ბოლო 3 თვეში გამყარების ტრენდს აჩვენებს და ბოლო კვირის გაუფასურების მიუხედავადაც, 10 პუნქტით არის გამყარებული სამ თვიან ჭრილში.ამ ფაქტორების ერთობლიობას საწვავის ბაზარზე არსებითი ზეგავლენის მოხდენა შეეძლო და ბაზარზე საწვავის ფასების 15-25 თეთრამდე შემცირება იყო შესაძლებელი. ამას ცხადყოფს სახელმწიფო შესყიდვები, რომლის მიხედვითაც სექტემბრის თვეში სახელმწიფოს ბენზინის შეძენა, საშუალოდ 20 თეთრით გაუიაფდა. ხოლოდ დიზელის შემთხვევაში, შემცირება 25 თეთრს აღწევს.ასე მაგალითად, კონსოლიდირებული ტენდერის მიხედვით, სექტემბრის თვეში ერთი ლიტრი პრემიუმ საწვავის ღირებულება 2.48 ლარია, აგვისტოში კი იგივე ტიპის საწვავი 2.69 ლარი ღირდა (მიმწოდებელი „რომპეტროლ საქართველო“). რეგულარის ტიპის ბენზინის შემთხვევაში სახელმწიფოსთვის საწვავის მიმწოდებელი კომპანია „სოკარია“ და ფასი სექტემბრის თვეში ერთ ლიტრზე 2.46 ლარს არ აღემატება, მაშინ როცა აგვისტოში ეს მაჩვენებელი 2.67 ლარი იყო. ეს ინდიკატორები ნათლად აჩვენებს, რომ კომპანიებს ნამდვილად აქვთ საწვავის შემცირების რესურსი. მით უფრო, გასათვალისწინებელია ის გარემოება, რომ კომპანიების ნაწილს ტრანსპორტირების ხარჯებიც გაცილებით შემცირებული აქვთ.მაგალითად, კომპანია "სოკარი" რომელმაც ქარხნების ევრო5 სტანდარტზე გადაიარაღების შემდეგ, საწვავის პირდაპირ აზერბაიჯანიდან ტრანსპორტირება დაიწყო, ნაცვლად მესამე ქვეყნებიდან საწვავის შემოტანისა, როგორც ეს გასული თვეების განმავლობაში ხდებოდა და მხოლოდ ამ ფაქტსაც ფასებზე მნიშვნელოვანი ზეგავლენის მოხდენა შეეძლო.ასევე, საზოგადოებას გვინდა ვაცნობოთ, რომ კომპანია "სოკარის" საქმიანობასთან დაკავშირებით ორგანიზაცია "აფბა" დამატებით კვლევას ამზადებს და უახლოეს პერიოდში გამოაქვეყნებს ანგარიშს იმის თაობაზე, თუ ქარხნების გადაიარაღებამდე რომელი ქვეყნებიდან ახორციელებდა "სოკარი" საწვავის იმპორტს და რამდენად იყო ეს ყველაფერი თანხვედრაში საქართველოს კანონმდებლობასთან და როგორ მოქმედებდა ეს ფაქტი საწვავის ფასწარმოქმნაზე", - ვკითხულობთ ორგანიზაციის განცხადებაში. 

1726830661