Visa-მ წარადგინა ხელოვნური ინტელექტის, ტოკენისა და სტეიბლკოინის შესაძლებლობები, რომლებიც კომერციის მომავალს განსაზღვრავს

სახელმწიფო საგარეო ვალმა შეადგინა 11.6 მლრდ აშშ დოლარი (31.3 მლრდ ლარი), რაც მშპ-ს 29.4 პროცენტია. აქედან სამთავრობო სექტორის ვალია 9.1 მლრდ აშშ დოლარი (24.6 მლრდ ლარი; მშპ-ს 23.1 პროცენტი), ეროვნული ბანკის ვალდებულებები - 772.8 მლნ აშშ დოლარი (2.1 მლრდ ლარი; მშპ-ს 2.0 პროცენტი), ხოლო სახელმწიფო საწარმოების ობლიგაციები და სესხები, შესაბამისად, 481.8 მლნ აშშ დოლარი (1.3 მლრდ ლარი; მშპ-ს 1.2 პროცენტი) და 1.2 მლრდ აშშ დოლარი (3.4 მლრდ ლარი; მშპ-ს 3.2 პროცენტი).საბანკო სექტორის საგარეო ვალმა შეადგინა 9.8 მლრდ აშშ დოლარი (26.5 მლრდ ლარი; მშპ-ს 24.8 პროცენტი), სხვა სექტორების საგარეო ვალმა - 5.0 მლრდ აშშ დოლარი (13.4 მლრდ ლარი; მშპ-ს 12.6 პროცენტი) და კომპანიათაშორისო ვალმა - 2.5 მლრდ აშშ დოლარი (6.6 მლრდ ლარი; მშპ-ს 6.2 პროცენტი). მთლიანი საგარეო ვალის 85.6 პროცენტი დენომინირებულია უცხოური ვალუტით.საქართველოს წმინდა საგარეო ვალმა, 2026 წლის 31 მარტის მდგომარეობით, 12.5 მლრდ აშშ დოლარი (33.8 მლრდ ლარი) შეადგინა, რაც ბოლო ოთხი კვარტალის მშპ–ს 31.8 პროცენტია. აქედან, სახელმწიფო სექტორის წმინდა საგარეო ვალი 5.3 მლრდ აშშ დოლარია (14.3 მლრდ ლარი), რაც მშპ-ს 13.4 პროცენტია.2026 წლის პირველ კვარტალში საქართველოს ეროვნული ბანკის საგარეო ვალი 8.1 მლნ აშშ დოლარით შემცირდა. აქედან, საკურსო ცვლილების გამო ვალი 7.5 მლნ აშშ დოლარით შემცირდა, ხოლო ოპერაციული ცვლილების გამო ვალი 617.6 ათასი აშშ დოლარით შემცირდა, 2026 წლის პირველი კვარტალის ბოლოს ეროვნული ბანკის მთლიანი საგარეო ვალდებულებებიდან 470.8 მლნ აშშ დოლარი განაწილებული ნასესხობის სპეციალური უფლებაა (ნსუ)1, რომელსაც არ აქვს დაფარვის ვადა და პრაქტიკულად, მისი გადახდის ვალდებულება არ დადგება, სანამ საქართველო არის საერთაშორისო სავალუტო ფონდის წევრი.მთლიანი საგარეო ვალის სტატისტიკა ჰარმონიზებულია საგადასახდელო ბალანსთან. იგი მოიცავს სახელმწიფო (სამთავრობო სექტორი, სახელმწიფო საწარმოები და ეროვნული ბანკი) და კერძო სექტორის (საბანკო და სხვა სექტორები) საგარეო ვალს. საგარეო ვალის სტატისტიკა წარმოებულია საერთაშორისო სავალუტო ფონდის მიერ შემუშავებული მეთოდოლოგიის, „საგარეო ვალის სტატისტიკა, სახელმძღვანელო შემდგენელთათვის და მომხმარებლებისათვის“ – 2003, შესაბამისად.

1782822293

საქართველოს ეროვნულ ბანკში აღნიშნავენ, რომ ეკონომიკის ნაკლებად იმპორტ-ინტენსიური ზრდის ტენდენციის შენარჩუნების ფონზე, მიმდინარე ანგარიშის მშპ-სთან ფარდობის გაუმჯობესებაში მნიშვნელოვანი წვლილი საქონლით ვაჭრობის ბალანსმა შეიტანა. კერძოდ, საქონლის ექსპორტი წლიურად 23.8 პროცენტით გაიზარდა, რაც ძირითადად ადგილობრივი საექსპორტო პროდუქციის ექსპორტის გაუმჯობესებით იყო განპირობებული. ამასთან, საქონლის იმპორტი 11.4 პროცენტით გაიზარდა. შედეგად, საქონლით ვაჭრობის ბალანსის გაუმჯობესების ფონზე, სავაჭრო დეფიციტის მშპ-სთან ფარდობა წლიურ ჭრილში 3.4 პპ-ით გაუმჯობესდა და 18.5 პროცენტი შეადგინა.ამავდროულად, მიმდინარე ანგარიშის ბალანსის გაუმჯობესებას მნიშვნელოვნად უწყობდა ხელს კომპიუტერული და საინფორმაციო  (ICT) მომსახურების ექსპორტი, რომელიც წლიურად 65.7 პროცენტით გაიზარდა და მშპ-ის 4.8 პროცენტი შეადგინა, რაც ისტორიულ მაქსიმუმს წარმოადგენს. მიმდინარე ანგარიშის მშპ-სთან ფარდობის გაუმჯობესებაში მნიშვნელოვანი როლი ასევე ითამაშა შემოსავლების ანგარიშის გაუმჯობესებამ.მეორე მხრივ, ახლო აღმოსავლეთში მიმდინარე კონფლიქტის ფონზე, ტურიზმიდან მიღებული შემოსავლების ზრდის წლიური ტემპი შენელდა და პირველ კვარტალში 0.5 პროცენტი შეადგინა. თუმცა, ტურიზმიდან მიღებული შემოსავლების ზრდის შენელება მნიშვნელოვნად დაბალანსდა როგორც ICT მომსახურებების ექსპორტის, ისე საქონლის ექსპორტის ზრდით.მიმდინარე ანგარიშის დაფინანსების ერთ-ერთ ძირითად წყაროდ კვლავ პირდაპირი უცხოური ინვესტიციები რჩება, რომლის მოცულობამ 2026 წლის პირველი კვარტალის მდგომარეობით მშპ-ის 3 პროცენტი შეადგინა.წინამდებარე სტატისტიკური ინფორმაცია ქვეყნდება საქართველოს ეროვნული ბანკის ვებგვერდზე, სტატისტიკის რუბრიკაში.

1782822030

შეხვედრის მიზანი იყო საგზაო და სამშენებლო ინფრასტრუქტურაზე მორგებული პროდუქტების წარდგენა და, ამასთანავე, ჩინური ბრენდის, FAW-ის, ტექნიკის შესაძლებლობების გაცნობა. მსოფლიოში ცნობილ ბრენდს საქართველოში „თეგეტა ჰოლდინგი“ ოფიციალურად წარმოადგენს. საუბრის ერთ-ერთი მთავარი თემა იყო ავტოპარკის ფლობის თანამედროვე გამოცდილებაც - ციფრული პლატფორმა Tegeta One, რომელიც დანახარჯების ერთ სივრცეში კონტროლის საუკეთესო შესაძლებლობაა.ეკატერინე ქავთარაძე, „თეგეტა ჰოლდინგის“ მთავარი აღმასრულებელი ოფიცერი: „დღეს ბიზნესისთვის მთავარი გამოწვევა აღარ არის მხოლოდ ტექნიკის შეძენა, მთავარი გამოწვევაა მისი ეფექტიანი ფლობა, მართვა და უწყვეტი მუშაობა. სწორედ ამიტომ „თეგეტას“ მიდგომა ეფუძნება ფლობიდან მოხმარების მოდელზე გადასვლას, სადაც მომხმარებელი იღებს არა მხოლოდ პროდუქტს, არამედ სრულ საოპერაციო გადაწყვეტას: ფლიტ მენეჯმენტს, დაფინანსების მოქნილ ინსტრუმენტებს, Tegeta One-ის ციფრულ კონტროლს ავტოპარკის მდგომარეობასა და ხარჯებზე, მთლიანი ფლობის ღირებულების ანალიზს, საბურავებში ერთიანი შესყიდვის ნაცვლად თანხის გადახდას კილომეტრზე.ჩვენი მიზანია, კომპანიებს დავეხმაროთ ხარჯების მაქსიმალურ კონტროლში, დაუგეგმავი გაჩერებების შემცირებაში და ტექნიკის პროდუქტიულობის ზრდაში. ასეთი კომპლექსური მიდგომა ბიზნესმენს აძლევს შესაძლებლობას, წლიურ ჭრილში დაახლოებით 18-20%-მდე შეამციროს ტექნიკის ფლობისა და ექსპლუატაციასთან დაკავშირებული დანახარჯები და ამავე დროს გაზარდოს ოპერაციული ეფექტიანობა და  საკუთარი ბიზნესი“.„თეგეტამ“ მომხმარებლებს საავტომობილო სერვისის რეგიონული ჰაბის ტერიტორიაზე მოწყობილ ექსპოზიციაზე MAN-ის, Renault Trucks-ის, JCB-ს, Bomag-ის, Liebherr -ის, XCMG-ს FAW-ის საგზაო და სამშენებლო სექტორისათვის განკუთვნილი მოდელები წარუდგინა. სტუმრებმა ინფორმაცია საავტომობილო პროდუქტებთან დაკავშირებითაც მიიღეს. ღონისძიება თიბისის მხარდაჭერით გაიმართა.გიორგი ბერიძე, „თეგეტა ჰოლდინგის“ მძიმე, სატვირთო და სპეციალური დანიშნულების ტექნიკის მიმართულების მთავარი ოფიცერი: „თანამედროვე სამშენებლო და ინფრასტრუქტურულ ბაზარზე ტექნიკის გამართული მუშაობა პირდაპირ კავშირშია პროექტების ვადებსა და კომპანიის ფინანსურ სტაბილურობასთან. სწორედ ამიტომ ჩვენი უმთავრესი მიზანია, ბიზნესს მივაწოდოთ არა უბრალოდ მაღალი კლასის მძიმე ტექნიკა, არამედ სრული, გრძელვადიანი საგარანტიო და პოსტსაგარანტიო მხარდაჭერა. ჩვენ მაქსიმალურად უზრუნველვყოფთ ორიგინალი ნაწილებისა და უმაღლესი ხარისხის საავტომობილო მასალების მუდმივ ხელმისაწვდომობას. ამასთანავე, ოპერატიული მომსახურებითა და 360-გრადუსიანი სერვისით ჩვენს პარტნიორებს ვაძლევთ უსაფრთხოების გარანტიას, რათა მათ შეუფერხებლად შეძლონ თავიანთი საქმიანობის წარმართვა. ამ მიზანს ემსახურება Tegeta One-იც, პლატფორმა, სადაც თავს იყრის ტელემატიკ სისტემის (GeoGPS) მეშვეობით მიღებული ინფორმაცია ცალკეული ავტომობილისა თუ სრული ავტოფლოტის გადაადგილების, მდგომარეობის ან საწვავის მოხმარების შესახებ. ასევე ბიზნესი მუდმივად საქმის კურსშია საკუთარი ავტოპარკის ტექნიკური გამართულობისა თუ აუცილებელი სერვისის თაობაზე“.შეხვედრის მნიშვნელოვანი ნაწილი იყო ჩინური უმსხვილესი ავტომწარმოებლის FAW-ის ტექნიკის წარდგენა. ბრენდი, რომელიც მძიმე და სატვირთო ტექნიკას 1953 წლიდან აწარმოებს, „თეგეტას“ პორტფელს ცოტა ხნის წინ შეემატა. გამძლეობითა და ეკონომიური ეფექტიანობით გამორჩეული ტექნიკა საქართველოს ბაზრისათვის უკვე ხელმისაწვდომია. გეზის ფილიალში სტუმრებისათვის FAW-ის წარმოების თვითმცლელი და ბეტონის შემრევი იყო გამოფენილი.ბექა ბერიძე, „თეგეტა ჰოლდინგის“ სატვირთო, კომერციული და ავტობუსების მიმართულების ხელმძღვანელი: „ქართულ საავტომობილო ბაზარზე FAW-ის გამოჩენა სამშენებლო და საგზაო სექტორისთვის ახალ შესაძლებლობებს ქმნის. ეს ტექნიკა გათვლილია რთულ საოპერაციო პირობებზე და მაღალი საინჟინრო სანდოობით გამოირჩევა. ეს არის ფასისა და ხარისხის საუკეთესო ბალანსი და ამ ბრენდზე არჩევანის გაკეთება საწვავის ოპტიმალურ ხარჯსა და მინიმალურ საექსპლოატაციო დანახარჯებს ნიშნავს.ჩვენ გვსურს, მომხმარებელს რაც შეიძლება მრავალფეროვანი არჩევანი შევთავაზოთ, რათა სხვადასხვა მოდელისა და სპეციფიკაციის ტექნიკის ხელმისაწვდომობით თითოეულმა ბიზნესმა კონკრეტულად თავის საჭიროებებზე მორგებული, უალტერნატივო გადაწყვეტილება იპოვოს“.ღონისძიებაზე „თეგეტამ“ პარტნიორებს მიწოდების მოკლე ვადები, საოპერაციო ლიზინგის მოქნილი პირობები და „თეგეტა ლიზინგის“ ეფექტიანი ფინანსური ინსტრუმენტებიც შესთავაზა.შეხვედრაზე განსაკუთრებული ყურადღება დაეთმო ფლობის ჯამური ღირებულების (TCO) ანალიზსაც, რამაც ნათლად აჩვენა, რატომ არის პრემიუმ პროდუქტები გრძელვადიან პერსპექტივაში უფრო მოგებიანი. ხარჯების მაქსიმალური კონტროლისთვის კი სტუმრებს საბურავების მიმართულებით დანერგილი PPK (ფასი კილომეტრზე) მოდელი გააცნეს, რაც ბიუჯეტის ზუსტი დაგეგმვის გარანტიაა.სტუმრებმა სიახლის შესახებაც მიიღეს ინფორმაცია, გეზის ფილიალში სულ მალე ახალი D ბლოკი გაიხსნება, რომელიც სპეციალიზებული იქნება მიკროავტობუსების სერვისსა და შესაბამის პროდუქტებზე, რაც ცენტრის გამტარუნარიანობას კიდევ უფრო გააფართოებს. 

1782821762

დღეს Visa-მ, ციფრული გადახდების მიღებასა და გაგზავნაში სმარტფონების შესაძლებლობათა გასაფართოებლად, Visa Accept-ისა და Visa Direct-ის ახალი ფუნქციები წარადგინა. სიახლეები განკუთვნილია განვითარებად ბაზრებზე მოქმედი მცირე ბიზნესების, მაგალითად გარემოვაჭრეების, ან მზარდ ონლაინ-მერჩანტებისთვის, რათა მათ გადახდები უკვე ნაცნობი ინსტრუმენტებით განახორციელონ. „თითოეული შეხება, სკანირება თუ გატარება, მომხმარებელთან ურთიერთობის მნიშვნელოვანი ნაწილია, ამიტომაც ბიზნესებს არ აქვთ ფუფუნება, გადახდებთან დაკავშირებულ სირთულეებს ხელის შეშლის საშუალება მისცენ“, - ამბობს შაჰებაზ ხანი, Visa-ს კომერციული და ფინანსურ ოპერაციათა გადაწყვეტილებების უფროსი ვიცე-პრეზიდენტი ცენტრალური და აღმოსავლეთ ევროპის, შუა აღმოსავლეთისა და აფრიკის რეგიონში. მისი თქმით: „ნათლად ჩანს მომავალი, როდესაც მერჩანტისთვის გადახდის მისაღებად და ბიზნესზე ინფორმაციის მოსაპოვებლად მხოლოდ ერთი სმარტფონი საკმარისი იქნება. შედეგად, ის გადახდების ბარიერების დაძლევაში ნაკლებ დროს დახარჯავს და შეძლებს მომხმარებლის გამოცდილებაზე იზრუნოს“.სმარტფონების მნიშვნელობა კომერციაში იზრდება, ამიტომაც მცირე ბიზნესებს სჭირდებათ მარტივი გზა მომხმარებელთა გადახდების მისაღებად - იქნება ეს ბარათებით თუ ციფრული საფულეებით. Visa მცირე და საშუალო მეწარმეებს სმარტფონის კომერციულ ჰაბად ქცევაში ეხმარება, სადაც შესაძლებელია თანხის მიღება, გაცემა და მომხმარებელთან ინტერაქცია. ეს აუცილებელიცაა: Visa-ს გლობალური მცირე და საშუალო ბიზნესების მაკრო ტენდენციების ანგარიშის მიხედვით, გამოკითხულთა 99% სულ მცირე ერთ ციფრულ ფინანსურ ინსტრუმენტს მაინც იყენებს, 85%-ის თქმით კი მათ ბიზნესს სულ მცირე ერთი მაინც დახმარებია. საბანკო ანგარიშის არმქონე 1.3 მილიარდ სრულწლოვანს შორის, სმარტფონს დაახლოებით 530 მილიონი ფლობს, შესაბამისად ციფრული წვდომის გაფართოების შესაძლებლობა მასშტაბურია.[1]Visa Accept: ტელეფონი, როგორც POS ტერმინალიVisa Accept-ის მეშვეობით სმარტფონი იქცევა ტერმინალად, რომლითაც მიკრო მეწარმეს შეუძლია გადახდების მიღება Visa-ს სადებეტო ან წინასწარ გადახდილ ანგარიშებზე, დამატებითი მოწყობილობების გარეშე. მყიდველი გადაიხდის შეხებით, ან ბმულის გამოყენებით, თანხა კი მიმღების ანგარიშზე რეალურ დროში აისახება. ამ ტრანზაქციებსაც, Visa-ს საბარათე გადახდებისთვის დამახასიათებელი, უსაფრთხოების, სანდოობისა და დაცვის სტანდარტები აქვს. შეზღუდული ფულადი ნაკადის მქონე მცირე და საშუალო საწარმოებისთვის სიჩქარე უმნიშვნელოვანესია: Visa-ს გლობალური მცირე და საშუალო ბიზნესების მაკრო ტენდენციების ანგარიშის მიხედვით, ყოველი ხუთი საწარმოდან ერთს ფულადი ნაკადის ყოველდღიური, ან ყოველთვიური დაბრკოლება ექმნება; 28%-მა კი უკანასკნელი 12 თვის განმავლობაში კრედიტის ან სასესხო ინსტრუმენტების გამოყენებისას ან შესაბამისი განაცხადის შეტანისას არსებული პრობლემები დააფიქსირა.· გამყიდველებს გადახდის მიღება სმარტფონის გამოყენებით, საბანკო აპლიკაციაში შეუძლიათ, რაც თანხაზე უფრო სწრაფად წვდომას უზრუნველყოფს.· ბარათის ემიტენტებს შეუძლიათ უფლებამოსილ ბარათების მფლობელებს ნება დართონ გადახდა საბანკო აპლიკაციით მიიღონ, რაც მცირე ბიზნესთან ურთიერთობას გააღრმავებს.· მყიდველები Visa-სგან უსაფრთხოების ერთსა და იმავე სტანდარტს მიიღებენ როგორც გარემოვაჭრესთან, ისე მსხვილ ცენტრებში ვაჭრობისას.Visa-ს პროგნოზით, 2027 წლისთვის Visa Accept მსოფლიოს მასშტაბით მილიონობით მეწარმისთვის იქნება ხელმისაწვდომი.Visa Direct: გადახდა იმავე ტელეფონიდანVisa Direct არის ფინანსური ოპერაციების რეალურ დროში განხორციელების საშუალება, რომელიც მცირე ბიზნესებს ტელეფონით თანხის გაცემას უმარტივებს. ბანკინგში, ფინტექსა და ბიზნეს-პლატფორმებზე ინტეგრირებული Visa Direct-ის საშუალებით, მცირე ან საშუალო მეწარმეს შეუძლია სწრაფად გადაუხადოს თანამშრომლებს, კონტრაქტორებს, მძღოლებს; ასევე დაუბრუნოს თანხა მომხმარებელს, გასცეს ბენეფიტები და გადარიცხოს თანხა უცხოეთში, ნებადართულ ბარათებზე, საბანკო ანგარიშებსა და ციფრულ საფულეებზე, ისეთივე მარტივი გამოცდილებით, როგორსაც გადახდის მისაღებად იყენებს.Visa-ს შესახებVisa (NYSE: V) მსოფლიო ლიდერი ციფრული გადახდების სფეროში. Visa 200-ზე მეტ ქვეყანაში ამუშავებს ტრანზაქციებს, კერძოდ მომხმარებლებს, ბიზნესს, ფინანსურ ინსტიტუტებსა და სამთავრობო ორგანიზაციებს შორის. ჩვენი მისიაა, დავაკავშიროთ მსოფლიო ინოვაციური,მოსახერხებელი, საიმედო და უსაფრთხო გადახდების ქსელის მეშვეობით, რომელიც ინდივიდუალური პირების, ბიზნესისა და ეკონომიკის კეთილდღეობას უწყობს ხელს. ჩვენ გვჯერა, რომ ეკონომიკაში ხელმისაწვდომობის გაფართოება ყველასთვის, ქმნის საფუძველს მთელს მსოფლიოში ადამიანთა კეთილდღეობისთვის და მომავალში ფულის გლობალური მოძრაობის საწინდარია. გაიგეთ მეტი ვებგვერდზე visa.com.ge.

1782820889

თუ გსურთ გაიგოთ, როგორ აწარმოოთ წარმატებული მოლაპარაკებები ქსელურ მარკეტებთან და როგორ უნდა მოახდინოთ თქვენი პროდუქტის ეფექტიანად წარმოდგენა, Businesscourse.ge-ზე შეგიძლიათ სრულად დაფინანსებული ბიზნესკურსი გაიაროთ.კურსს უძღვება რითეილ ექსპერტი და ბიზნეს ქოუჩი მირანდა მანჯგალაძე.კურსის ფარგლებში გაიგებთ: როგორ მუშაობს ორგანიზებული ქსელური საცალო ობიექტები; როგორია პროდუქტის გზა მწარმოებლიდან საცალო ქსელამდე; რას უნდა აკმაყოფილებდეს პროდუქტი ქსელში მოსახვედრად; რა სტრატეგიებია ეფექტიანი მოლაპარაკებებისთვის; რა მნიშვნელობა აქვს კონტრაქტს, პროცესსა და კომუნიკაციას წარმატებული თანამშრომლობისთვის. Businesscourse.ge საქართველოს ბანკის საგანმანათლებლო პლატფორმაა, რომელიც ბიზნესის განვითარებით დაინტერესებულ ადამიანებს სრულად დაფინანსებულ სასწავლო კურსებს სთავაზობს. პლატფორმაზე ამჟამად 70-ზე მეტი კურსია ხელმისაწვდომი. პლატფორმა მუდმივად ახლდება და მომხმარებლებს საშუალებას აძლევს, თანამედროვე ბიზნესისთვის საჭირო ცოდნა პრაქტიკულ ფორმატში, მათთვის სასურველ დროს მიიღონ.გაიარეთ ბიზნესკურსი აქ.

1782817091

3 დღის განმავლობაში 20-ზე მეტი ქართველი და შვიდი ქვეყნიდან ჩამოსული საერთაშორისო სპიკერი, სტარტაპერი, ურბანისტი და დიზაინერი ისაუბრებს მასალების ხელახალ გამოყენებაზე, ორგანულ წარმოებაზე, პროდუქტის გამძლეობასა და ახალ ბიზნესმოდელებზე. კონფერენცია შინაარსობრივად დაფარავს: არქიტექტურისა და ქალაქგეგმარების საკითხებს, გადამუშავებული და ორგანული მასალების გამოყენებას ყოველდღიურობაში, მოდის ინდუსტრიისა და მდგრადი მასალების გამოყენების ტრენდებს. ჩატარდება სამუშაო სესიები, მოხსენებები, ლექციები, გამოფენები, დისკუსიები და გასვლითი სესიები. კონფერენციის ფარგლებში, 2 ივლისს, სპეციალურად თიბისი ტექსკოლის კურსდამთავრებულებისთვის გაიმართება ვორქშოფი. უფროსკლასელები გუნდურად შექმნიან ინტერაქტიული ტექსტურ თამაშს ხელოვნური ინტელექტის გამოყენებით და პრაქტიკულად გაეცნობიან პროდუქტის სასიცოცხლო ციკლსა და ციკლური ეკონომიკის პრინციპებს. თამაშის შექმნის პროცესში მოსწავლეები იდეის გენერირებიდან პროდუქტის გადამუშავებამდე ყველა ეტაპს გაივლიან, შეიმუშავებენ თამაშის კონცეფციასა და სცენარს. ბოლოს კი შეაფასებენ საკუთარი პროექტის სოციალურ და გარემოზე გავლენას, რითაც განივითარებენ როგორც ტექნოლოგიურ, ასევე შემოქმედებით უნარებს.ივლისის პროგრამაში მონაწილეობენ: Circular Design Studio Hamburg, BFGF Design Studio, Mutter, UNIDCOM-IADE, Kona Books, IDAAF Architects & Lab, Nahaku Studio, Plastenco, Kasuri, Arjakeli, Ventilator, Plastic Watcher, Common Land Project, Aktusheti, Mziuri, Tene.კონფერენცია გააერთიანებს ყველასთვის, ვისაც აინტერესებს მდგრადი და ცირკულარული დიზაინი, ცირკულარული ეკონომიკა და ინოვაციური მიდგომები სისტემური ცვლილებებისადმი. ის განსაკუთრებით საინტერესო იქნება არქიტექტორებისთვის, დიზაინერებისთვის, მკვლევრებისთვის, სტუდენტებისთვის, სტარტაპებისთვის, სამოქალაქო სექტორში დასაქმებულებისა და ყველა იმ ადამიანისთვის ვინც მუშაობს ცირკულარული მოდელების, სისტემური დიზაინისა და მდგრადი განვითარების მიმართულებით.სამუშაო სესიებზე რეგისტრაცია დაიწყო. აბონემენტის შესაძენად და დამატებითი ინფორმაციის მისაღებად ეწვიეთ designinstitute.ge.(R)

1782813967

მინისტრის თქმით, ისრაელი ამ მიმართულებით „საუკეთესო სპეციალისტებს იზიდავს“ და მიზნად ისახავს გახდეს ლიდერი კოსმოსური სამხედრო შესაძლებლობების სფეროში. მისი განცხადებით, ასეთი ტექნოლოგიები ქვეყანას მნიშვნელოვან უპირატესობას მისცემს როგორც თავდაცვით, ისე შეტევით შესაძლებლობებში.კაცმა 25 ივნისსაც აღნიშნა, რომ ისრაელს გადაწყვეტილი აქვს დაიკავოს წამყვანი პოზიცია კოსმოსიდან დარტყმის ტექნოლოგიების განვითარებაში.ამჟამად ისრაელი უკვე ფლობს სახმელეთო ლაზერულ სისტემას Iron Beam-ს, რომელიც არმიის შეიარაღებაშია და გამოიყენება რაკეტების, დრონებისა და ნაღმსატყორცნი ჭურვების გასანეიტრალებლად. იგი ითვლება მსოფლიოში პირველ ოპერაციულ ლაზერულ თავდაცვით სისტემად.The Jerusalem Post-ის ინფორმაციით, ქვეყანა ასევე მუშაობს ავიაციაზე დასამონტაჟებელ ლაზერულ სისტემებზე.

1782810184

შავი ზღვის ეკონომიკური თანამშრომლობის ორგანიზაციის საპარლამენტო ასამბლეის (PABSEC) 67-ე პლენარულ სესიაზე სიტყვით გამოსვლისას, სპიკერმა აღნიშნა, რომ მიმდინარე გეოპოლიტიკური პროცესები, მზარდი ეკონომიკური გაურკვევლობა და ახალი ტექნოლოგიური გარდაქმნები ცვლის როგორც რეგიონს, ისე ფართო საერთაშორისო წესრიგს. მისი შეფასებით, საერთაშორისო ორგანიზაციების „ვიწრო პოლიტიკური ინტერესების ინსტრუმენტად“ გამოყენება და გეოპოლიტიკის ხალხზე წინ დაყენება ზიანს აყენებს მშვიდობას და იწვევს ეკონომიკურ სტაგნაციას.„ჩვენ ერთმანეთის მშვიდობასა და უსაფრთხოებას გაცილებით მეტად ვაფასებთ, ვიდრე გარე ძალები, განსაკუთრებით მნიშვნელოვანი გეოპოლიტიკური რყევების პირობებში, რომლებიც ოთხ წელზე მეტი ხნის წინ უკრაინაში რუსეთის შეჭრამ გამოიწვია და რომელმაც პირდაპირი ზეგავლენა მოახდინა მთელ შავი ზღვის რეგიონზე“, - განაცხადა პაპუაშვილმა.პარლამენტის თავმჯდომარემ ხაზი გაუსვა, რომ რეგიონს აქვს უზარმაზარი პოტენციალი, გააძლიეროს საკუთარი როლი, როგორც ვაჭრობის, ტრანსპორტის, ენერგეტიკისა და ციფრული დაკავშირებადობის ჰაბმა. ამ ჭრილში, მან განსაკუთრებული ყურადღება „შუა დერეფნის“ განვითარებას დაუთმო. პაპუაშვილის თქმით, სატრანსპორტო ინფრასტრუქტურის გაუმჯობესებით, ლოგისტიკური ქსელების განვითარებით, ვაჭრობის ხელშეწყობითა და მულტიმოდალური დაკავშირებადობის გაძლიერებით, რეგიონი კონტინენტებს შორის საიმედო დამაკავშირებელ რგოლად უნდა იქცეს.ამ კონტექსტში მან პრაქტიკული თანამშრომლობის სტრატეგიულ მაგალითად დაასახელა მიმდინარე თვის დასაწყისში ექსპლუატაციაში შესული ბაქო-თბილისი-ყარსის (BTK) რკინიგზის ახალი ხაზი, რომელიც საქართველოს, აზერბაიჯანისა და თურქეთის ერთობლივი პროექტია.პაპუაშვილმა ასევე იმედის მომცემი უწოდა სამხრეთ კავკასიაში მიმდინარე პროცესებს - სომხეთსა და აზერბაიჯანს შორის სამშვიდობო მოლაპარაკებებს და თურქეთ-სომხეთის ურთიერთობების ნორმალიზების მცდელობებს, რაც ფართო რეგიონისთვის სტაბილურობის პერსპექტივას ქმნის.გამოსვლის დასასრულს სპიკერმა აღნიშნა, რომ საპარლამენტო ასამბლეები განსაკუთრებით მგრძნობიარენი არიან თავიანთი ამომრჩევლების პრიორიტეტების მიმართ. მისი გაფრთხილებით, გეოპოლიტიკური „თამაშები“ ადამიანების საჭიროებების უგულებელყოფის ხარჯზე აღრმავებს უფსკრულს ელიტებსა და ხალხს შორის, რაც საბოლოოდ იწვევს ავანტიურისტი ლიდერებისა და მათი მთავრობების მიმართ საზოგადოებრივი მხარდაჭერის დაკარგვას და ხელს უწყობს რადიკალიზაციას, რაც პოლიტიკური პოლარიზაციის მთავარი საფუძველია.

1782808286