სუს-ის უფროსად თამაზ ბორაშვილი წარადგინეს, გეკა გელაძე შს მინისტრის მოადგილე გახდება

კონფერენცია მიზნად ისახავს, ერთი მხრივ, ფინანსური განათლების მიმართულებით არსებული სახელმწიფო ხედვის, პროგრამებისა და შესაძლებლობების წარმოჩენას, ხოლო, მეორე მხრივ, მასწავლებლებისთვის პრაქტიკული მიდგომებისა და საგანმანათლებლო რესურსების გაზიარებას. რაც ხელს შეუწყობს სასკოლო სივრცეში ფინანსური განათლების ეფექტიან ინტეგრირებასა და სწავლებას.ღონისძიების პრაქტიკული ნაწილი მთლიანად დაეთმო პედაგოგთა გამოცდილებისა და წარმატებული პრაქტიკის გაზიარებას ვორქშოფების ფორმატში. მონაწილეებმა იმუშავეს ისეთ აქტუალურ თემებზე, როგორიცაა: ფინანსური განათლების პრაქტიკული სწავლება და სხვადასხვა სასკოლო საგანში ინტეგრირება; ციფრული ტექნოლოგიების გამოყენება სწავლების პროცესში; მოსწავლეებში ციფრული ფინანსური უნარების განვითარება. კონფერენციის ერთ-ერთ მთავარ პანელურ დისკუსიაში - „საფინანსო სექტორის როლი მომავალი თაობის ფინანსურ განათლებაში“ - აქტიური მონაწილეობა მიიღო საქართველოს ბანკის წარმომადგენელმა. სესია შეეხო საფინანსო სექტორის შესაძლებლობებსა და პასუხისმგებლობას ახალგაზრდა თაობის ფინანსური განათლების მხარდაჭერის პროცესში. საქართველოს ბანკის წარმომადგენელმა, მაგდა ბობოხიძემ კოლეგებთან ერთად გააზიარა ბანკის  გამოცდილება, განხორციელებული საგანმანათლებლო ინიციატივები და იმსჯელა იმაზე, თუ როგორ გახდა სკოლებში ფინანსური განათლების მხარდაჭერა კორპორატიული სოციალური პასუხისმგებლობის ნაწილი.კონფერენციის ფარგლებში ასევე ჩატარდა ფინანსური განათლების ეროვნული ჯილდოს კონკურსის ფინალისტებისა და გამარჯვებულის დაჯილდოების საზეიმო ცერემონია. ეს ინიციატივა მიზნად ისახავს იმ მასწავლებლების აღიარებასა და წახალისებას, რომლებსაც განსაკუთრებული წვლილი შეაქვთ მომავალი თაობის ფინანსური წიგნიერების ამაღლებაში.(R)

1789381896

თიბისის მომხმარებლებს უკვე აქვთ შესაძლებლობა, ბიზნეს ინტერნეტბანკში, რამდენიმე წუთში, სრულიად ციფრულად გააქტიურონ ინტეგრაციის სერვისი და საკუთარი ანგარიშები ბუღალტრული პროგრამებიდან უფრო მარტივად და ეფექტურად მართონ. ამასთანავე, მომხმარებლები, 6 თვის განმავლობაში, სრულიად უფასოდ ისარგებლებენ აღნიშნული სერვისით, თუ მას 2026 წლის ბოლომდე გააქტიურებენ ან განაახლებენ.თიბისის ბიზნეს ინტერნეტბანკში, ინტეგრაცია შესაძლებელია, როგორც საერთაშორისო საბუღალტრო (Balance.ge, FINA და ა.შ) ისე - კომპანიის კუთვნილ, ინდივიდუალურ პროგრამებზე. ასევე, მომხმარებლებს, უკვე ონლაინ, ფილიალში მისვლის გარეშე, შეუძლიათ  პროგრამაში ცვლილებების დამატება, მონაცემების რედაქტირება, კორექტირება, წაშლა და სხვა ქმედებების განხორციელება.სიახლე კომპანიისთვის ფინანსების მართვის პროცესს ბევრად უფრო ეფექტურს გახდის და მნიშვნელოვნად დაზოგავს თანამშრომლების დროს.ბიზნესის ინტერნეტბანკში ინტეგრაციის სერვისით შესაძლებელია: ამონაწერის ინტეგრაცია; ნაშთების შემოწმება; გადარიცხვები საკუთარ და სხვის ანგარიშებზე; საბიუჯეტო გადახდები; ჯგუფური და სავალუტო გადარიცხვები. „ჩვენი მისიაა ადამიანების და ბიზნესების ცხოვრების გამარტივება. სწორედ ამ მიზანს ემსახურება ყველა ის პროდუქტი თუ სერვისი, რომელსაც თიბისიში ვნერგავთ. განახლებული ინტეგრაციის სერვისი ავტომატურად ახდენს ბიზნეს ინტერნეტბანკისა და საბუღალტრო პროგრამის სინქრონიზაციას და თანამშრომლებს მნიშვნელოვნად უზოგავს დროს. ამასთანავე, პროცესების ავტომატიზაცია ამცირებს ადამიანური და მექანიკური შეცდომების რისკს, რაც ფინანსების მართვას უფრო მარტივს, სწრაფსა და ეფექტურს ხდის”, - გიორგი კინწურაშვილი, თიბისის ეკოსისტემის ინოვაციების ლიდერი.სიახლის შესახებ დეტალური ინფორმაცია ხელმისაწვდომია ბმულზე: ინტეგრაციის სერვისი(R)

1789379048

კერძოდ, Lion Finance Group-ის (BGEO LN) აქციები დაიხურა 136.70 ბრიტანულ ფუნტ სტერლინგში (GBP), +0.37% წინა კვირასთან შედარებით და +8.23% გასულ თვესთან შედარებით. ვაჭრობის მოცულობამ 156 ათას აქციაზე მეტი შეადგინა, GBP 132.70 - 137.50 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 42 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 51.85 ბრიტანულ ფუნტ სტერლინგში (GBP), +1.67% წინა კვირასთან შედარებით და +6.95% გასულ თვესთან შედარებით. ვაჭრობის მოცულობამ 332 ათას აქციაზე მეტი შეადგინა, GBP 49.24 - 51.85 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 52 ათასი აქცია შეადგინა.Georgia Capital-ის (CGEO LN) აქციები დაიხურა 45.15 ბრიტანულ ფუნტ სტერლინგში (GBP), +2.15% წინა კვირასთან შედარებით და +2.38% გასულ თვესთან შედარებით. ვაჭრობის მოცულობამ 102 ათას აქციაზე მეტი შეადგინა, GBP 43.25 - 45.20 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 44 ათასი აქცია შეადგინა.

1789378052

წინასწარი მონაცემებით, საქართველოს საზღვაო ნავსადგურებსა და ტერმინალებში 8 თვის განმავლობაში 13.7 მილიონი ტონა ტვირთი გადამუშავდა, რაც გასული წლის ანალოგიურ პერიოდზე 24%-ით მეტია.ამავე პერიოდში ნავსადგურებში გადამუშავებული კონტეინერების რაოდენობამ 554 174 TEU შეადგინა, რაც წლიურად 9%-იანი ზრდაა. ორივე მაჩვენებელი ბოლო 10 წლის განმავლობაში იანვარ-აგვისტოს პერიოდისთვის რეკორდულია.სარკინიგზო ტრანსპორტით გადაზიდული ტვირთების მოცულობამ 9.7 მილიონ ტონას მიაღწია, რაც 2025 წლის იმავე პერიოდთან შედარებით 11%-იანი ზრდაა. უშუალოდ ტრანზიტის რეჟიმში გადაზიდული ტვირთების მოცულობა 14%-ით გაიზარდა.საჰაერო გადაზიდვების მიმართულებით, საქართველოს აეროპორტებში 8 თვის განმავლობაში 29.3 ათასი ტონა ტვირთი გადამუშავდა, რაც წლიურად 30%-ით მეტია და ასევე ბოლო ათწლეულის რეკორდულ მაჩვენებელს წარმოადგენს.ზრდა დაფიქსირდა მგზავრთნაკადშიც. საქართველოს საერთაშორისო აეროპორტები იანვარ-აგვისტოში 5.7 მილიონ მგზავრს მოემსახურა, რაც გასული წლის ანალოგიურ პერიოდზე 1%-ით მეტია და ბოლო ათი წლის განმავლობაში პირველი რვა თვის ყველაზე მაღალი მაჩვენებელია.ამასთან, მხოლოდ აგვისტოში საქართველოს საერთაშორისო აეროპორტების მიერ მომსახურებული მგზავრების რაოდენობამ თვიური რეკორდი განაახლა.

1789375904

ფესტივალზე PSP-ს სამი სარეკლამო კამპანია იყო წარდგენილი - “რეცეპტი: სიმართლე”, “თავისუფლება გადამდებია” და “მეშეზლონგე”, რომლებზეც შემოქმედებითმა სააგენტო Playmakers-მა იმუშავა.„რეცეპტი: სიმართლე“ ფესტივალზე გრან პრითა და 2 ოქროთი დაჯილდოვდა; „თავისუფლება გადამდებია“ - ვერცხლით, ხოლო „მეშეზლონგემ“ ბრინჯაო მოიპოვა.2026 წლის გრან პრის მფლობელი კამპანია “რეცეპტი: სიმართლე”, ბრენდის გულწრფელობასთან ერთად, გამბედაობას და საზოგადოებისთვის მთავარი ღირებულების - სიმართლის წარმოჩენას ემსახურება. PSP აუდიტორიასთან შელამაზების გარეშე სიმართლეს საუბრობს გენდერული ნიშნით შერჩევითი აბორტის, გენდერული უთანასწორობის, „ჯანსაღი რუჯის“ სახიფათო მითის შესახებ.PSP გახდა საერთაშორისო ფესტივალებზე ყველაზე მეტი ჯილდოს მქონე ქართული ბრენდი, რადგან ზოგჯერ, ყველაზე ძლიერი რამ, რაც აფთიაქს შეუძლია დანიშნოს - სიმართლეა.Ad Black Sea რეგიონში ერთ-ერთი ყველაზე მასშტაბური რეკლამის ფესტივალია, რომელიც ყოველწლიურად შემოქმედებით ინდუსტრიას – საერთაშორისო სააგენტოებს და ბრენდებს აერთიანებს. წლევანდელი საიუბილეო, მეათე საერთაშორისო რეკლამის ფესტივალის პროგრამა განსაკუთრებით საინტერესო და შემოქმედებითი სფეროს წარმომადგენლებით სასიამოვნოდ დახუნძლული აღმოჩნდა.(R)

1789375250

გელაძის განმარტებით, პოლიტიკურ გუნდთან კონსულტაციების შედეგად, იგი საქმიანობას სხვა უწყებაში გააგრძელებს.„მივიღე გადაწყვეტილება, დავტოვო საქართველოს სახელმწიფო უსაფრთხოების სამსახურის უფროსის თანამდებობა. პოლიტიკურ გუნდთან კონსულტაციების შედეგად, საქმიანობას სხვა უწყებაში გავაგრძელებ, სადაც კვლავაც მთელი პასუხისმგებლობით მოვემსახურები ჩვენი ქვეყნისა და საზოგადოების ინტერესებს.სახელმწიფო უსაფრთხოების სამსახურის უფროსის თანამდებობაზე მუშაობა ჩემთვის იყო უდიდესი პასუხისმგებლობა და შესაძლებლობა, მემსახურა ჩვენი ქვეყნისთვის. ამ პერიოდის განმავლობაში, სამსახურის თითოეულ თანამშრომელთან ერთად, ჩვენი საქმიანობა მიმართული იყო სახელმწიფოს წინაშე არსებული გამოწვევების ეფექტიანად დაძლევის, საქართველოს უსაფრთხოების განმტკიცებისა და ეროვნული ინტერესების დაცვისკენ“, – წერს გელაძე.მან მადლობა გადაუხადა სუს-ის თანამშრომლებს პროფესიონალიზმისა და თავდადებისთვის, ასევე მმართველი გუნდის ლიდერებს:„მსურს, განსაკუთრებული მადლობა გადავუხადო სახელმწიფო უსაფრთხოების სამსახურის თითოეულ თანამშრომელს პროფესიონალიზმისთვის, თავდადებისა და იმ მნიშვნელოვანი საქმიანობისთვის, რომელსაც ისინი ყოველდღიურად, ჩვენი ქვეყნის უსაფრთხოებისთვის ახორციელებენ. მადლობას ვუხდი პოლიტიკურ გუნდს, განსაკუთრებით პარტიის საპატიო თავმჯდომარეს, ბიძინა ივანიშვილს და პრემიერ-მინისტრს, ირაკლი კობახიძეს გამოცხადებული ნდობისთვის“.ამ ეტაპზე ჯერ უცნობია, კონკრეტულად რომელ უწყებაში გააგრძელებს საქმიანობას გელა გელაძე და ვინ დაიკავებს სუს-ის უფროსის პოსტს.

1789373191

მთავრობები ბრიუსელიდან ბრაზილიამდე, ადგილობრივი წარმოებისა და სამუშაო ადგილების დაცვის მიზნით, მკაცრ სავაჭრო ზომებს მიმართავენ, რათა შეამცირონ ჩინეთის დომინირება მწვანე ტექნოლოგიების სექტორში. ამავდროულად, შეერთებულმა შტატებმა, პრეზიდენტ დონალდ ტრამპის ადმინისტრაციის პირობებში, დამატებითი მიზნობრივი ტარიფები დააწესა ჩინურ მზის პროდუქტებსა და ენერგოსისტემის იმპორტზე.ექსპერტები და ანალიტიკოსები აფრთხილებენ, რომ შეზღუდვების შედეგი შესაძლოა იყოს ენერგოგადავლის (Energy Transition) შენელება, სათბურის გაზების ემისიების მატება და სუფთა ენერგიაზე გადასვლის პროცესის მნიშვნელოვნად გაძვირება.ენერგეტიკის საერთაშორისო სააგენტოს (IEA) მონაცემებით, ბოლო ორი წლის განმავლობაში ტარიფები მკვეთრად გაიზარდა ბატარეებზე, ელექტრომობილებსა და ქარის ტურბინებზე, ხოლო მზის ენერგიის სექტორში საშუალო საბაჟო განაკვეთი 2023-2024 წლებში ცხრაჯერ გაიზარდა.სიტუაციას კიდევ უფრო ამძიმებს ენერგოსისტემების (Grid) განახლების შეფერხება. აშშ-სა და ევროპაში ქსელური აღჭურვილობის, მაგალითად ტრანსფორმატორების, მიწოდების ვადა უკვე ორ წელზე მეტს შეადგენს, ხოლო ფასები 2020 წლის შემდეგ 158%-ით არის გაზრდილი. იმპორტის დამატებითი აკრძალვები ამ დეფიციტს კიდევ უფრო გააღრმავებს.დასავლური ქვეყნები სავაჭრო შეზღუდვებს ეროვნული და კიბერუსაფრთხოების ინტერესებით ამართლებენ. ევროკავშირში უკვე განიხილება ინიციატივა „დამზადებულია ევროპაში“, რაც საჯარო შესყიდვებში ადგილობრივი წარმოების კომპონენტების პრიორიტეტულობას ითვალისწინებს. თუმცა, ქსელის ევროპელი ოპერატორები აცხადებენ, რომ შიდა წარმოება ჯერ ვერ აკმაყოფილებს არსებულ მოთხოვნას, მკაცრი მოთხოვნები კი მოკლევადიან პერსპექტივაში მხოლოდ ხარჯების ზრდას გამოიწვევს.ევროპის ცენტრალური ბანკის შეფასებით, სავაჭრო ბარიერები მწვანე პროდუქტებს ტრადიციულ ტექნოლოგიებთან შედარებით გააძვირებს, რაც აფერხებს ეკოლოგიური ტექნოლოგიების დანერგვას და გლობალურ ეკონომიკაში სათბურის გაზების ემისიების ზრდას უწყობს ხელს.

1789372253

განათლება და სამეცნიერო აღმოჩენებიხატია ნიუ იორკის საქალაქო უნივერსიტეტის (The City University of New York) დოქტორანტი მკვლევარია, ქიმია კი ჯერ კიდევ სკოლაში შეუყვარდა. მოსწონდა, რომ სულ რაღაც ახალს და საინტერესოს სწავლობდა. დროთა განმავლობაში თავადაც მოუნდა, ამ სფეროს ნაწილი გამხდარიყო:რამდენ კითხვასაც არ უნდა გასცე პასუხი, ყოველთვის ჩნდება რაღაც ახალი. წარუმატებელი ექსპერიმენტიც კი ხშირად ახალი კითხვის დასმისა და უკეთესი მიმართულების პოვნის საფუძველი ხდება. სწორედ ეს მუდმივი ძიებაა ჩემი ერთ-ერთი მთავარი მოტივაცია.გარდა მუდმივი ძიებისა, მისთვის არანაკლებ მნიშვნელოვანია, რომ მიღებული გამოცდილება და განათლება სხვებსაც გაუზიაროს:მეორე მნიშვნელოვანი მოტივაცია ჩემთვის ის არის, რომ ცოდნა და გამოცდილება მხოლოდ ჩემთან არ დარჩეს. მინდა, ჩემს მუშაობას სხვებისთვისაც ჰქონდეს ღირებულება, იქნება ეს სხვა მკვლევარი, სტუდენტი, რომელსაც ჩემს ცოდნას გავუზიარებ, თუ უფრო ფართო პერსპექტივით, სამეცნიერო პროგრესი, რომლის მცირე ნაწილიც ჩემი საქმიანობა იქნება.ახალი შესაძლებლობები ფარმაციაშიხატიას კვლევა პირდაპირ უკავშირდება ახალი წამლებისა და სამედიცინო პრეპარატების შექმნას. ის ეძებს გზებს, თუ როგორ მიიღოს წამალი, რომელიც ადამიანების ცხოვრებას გააუმჯობესებს.ფარმაციაში მოლეკულის ზუსტ ფორმას გადამწყვეტი მნიშვნელობა აქვს. ოდნავი უზუსტობაც კი საკმარისია, რომ წამალმა თავისი სამკურნალო ფუნქცია დაკარგოს. ხატიას კვლევა კი მეცნიერებს ეხმარება, ეს პროცესი ზუსტად მართონ და შექმნან ისეთი რთული სამედიცინო პრეპარატები, რომელთა მიღებაც აქამდე არსებული მეთოდებით შეუძლებელი იყო:ახალი მეთოდები მეცნიერებს აძლევს ინსტრუმენტებს რთული მოლეკულების შესაქმნელად. ამის პრაქტიკული ღირებულება განსაკუთრებით ფარმაციაში ჩანს, რადგან შესაძლებელი ხდება ისეთი ნაერთების მიღება, რომელთა სინთეზიც მანამდე წარმოუდგენელი იყო.აღიარება და პასუხისმგებლობახატიასთვის Forbes Under 30-ში მოხვედრა მხოლოდ საამაყო მიღწევა არ არის. ფიქრობს, რომ განათლებასა და მეცნიერებაში ერთი წარმატება გარკვეულ სტანდარტს აწესებს და გაძლევს პასუხისმგებლობას, რომ განვითარება გააგრძელო და არ გაჩერდე. ახალგაზრდა მეცნიერების პოტენციალის სრულად ასათვისებლად კი კერძო სექტორის როლი და კვლევების დაფინანსება უმნიშვნელოვანესია:როდესაც შენს საქმიანობას ასეთ დონეზე აფასებენ, ბუნებრივად ჩნდება სურვილი, რომ ეს ნდობა მომავალშიც გაამართლო. ჩემთვის ბევრად მნიშვნელოვანი იქნება, წლების შემდეგ ჩემს პროფესიულ გზას რომ შევხედავ, დავინახო, რომ მოლოდინი ჩემი შემდგომი საქმიანობით გავამართლე.რჩევა ახალგაზრდა მეცნიერებსიმისათვის, რომ ხარისხიანი განათლება რეალურ კვლევაში გადაიზარდოს, ხატია მომავალ მეცნიერებს ურჩევს,  მზად იყვნენ ბევრი შრომისთვის, რადგან შედეგი ყოველთვის სწრაფად არ მოდის. სახელმძღვანელოებთან ერთად აუცილებელია თანამედროვე სამეცნიერო სტატიების კითხვაც და იმის დანახვა, თუ რა კითხვები და პრობლემები რჩება თანამედროვე მეცნიერებაში გადაუჭრელი:განათლებასა და მეცნიერებაში მხოლოდ იმის ცოდნა არ არის მნიშვნელოვანი, რაც უკვე აღმოჩენილია. უნდა შეგეძლოს დაინახო ისიც, რაც ჯერ არ ვიცით, დასვა კითხვა “რატომ?“ და არ დაკმაყოფილდე მხოლოდ მზა პასუხებით.ახალი თაობის წახალისება და მხარდაჭერა საქართველოს ბანკისთვის ერთ-ერთი უმთავრესი პრიორიტეტია. Forbes Under 30-ის პროექტის დაფინანსებაც სწორედ ამ მიზანს ემსახურება - აღმოვაჩინოთ და მხარი დავუჭიროთ პერსპექტიულ, ნიჭიერ და ინოვაციურ ახალგაზრდებს, რათა  განათლების გზაზე არ გაჩერდნენ.(R)

1789371127