უცხოელ თაღლითს 9 წლამდე პატიმრობა ემუქრება

არადეკლარირებული საქონლის საერთო საბაჟო ღირებულებამ 40 030 ლარი შეადგინა.კანონდამრღვევი ერთი მოქალაქის საქმის მასალები შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა, ხოლო  კანონდამრღვევი 2 მოქალაქე საბაჟო კოდექსის 168-ე მუხლის I ნაწილის შესაბამისად, ჯამში 21 433 ლარით დაჯარიმდა.

1757506367

უკვე რამდენიმე წელია, თიბისი, როგორც რეგიონის ლიდერი ტექნოლოგიური კომპანია, ტესტერების დღის მთავარი მხარდამჭერი და პარტნიორია. ტექ კომუნის ხელშეწყობა და გაძლიერება, თიბისის ერთ-ერთი უცვლელი პრიორიტეტია.წელს, ღონისძიება კიდევ უფრო მასშტაბური იყო და მოიცავდა ISTQB® ყოველწლიურ საერთაშორისო კონფერენციას. დამსწრეები შეხვდნენ გლობალური კომპანიების წარმომადგენლებს, გაეცნენ საერთაშორისო გამოცდილებას; გაიმართა პანელური დისკუსიები და ინტერაქციული ვორქშოპები.Tester’s Day 2025-ზე, თიბისის ტესტირების ინჟინრებმა ჩაატარეს ვორკშოპი სახელწოდებით - Visual Testing in Practice და ისაუბრეს თუ როგორ ყალიბდება ვიზუალური ტესტირების სწორი სტრატეგია და როგორ ინერგება ის პრაქტიკაში.ღონისძიების გახსნაზე, აუდიტორიას მიმართა თიბისის ხარისხის უზრუნველყოფის და ტესტირების ავტომატიზაციის ლეგიონის ლიდერმა, ალექსანდრე ისკონიანმა, რომელმაც ისაუბრა თიბისის როლისა და გეგმების შესახებ ტექნოლოგიების სფეროში.Performance Testing Challenges & Best Practices - საინტერესო მოხსენება ჰქონდა თიბისის ტესტირების ინჟინერსა და ასოცირებულ პარტნიორს - ირინა ინაშვილს, რომელმაც დამსწრეებს გააცნო, როგორ იქმნება ავტომატიზაციის მოდულარული ჩარჩო და როგორ შეიძლება ვიფიქროთ ავტომატიზაციაზე, როგორც პროდუქტზე. Tester’s Day 2025 და მისი პრაქტიკული სესიები მნიშვნელოვანი გამოცდილება იყო ყველა დონის ტესტერისთვის.საერთაშორისო და ადგილობრივი ტოპ სპიკერები, რეალურ ქეისებზე დაფუძნებული გამოცდილების გაზიარება, ინტერაქციული ვორკშოპები, QA-ს ბაზრის უახლესი კვლევა, AI-ზე დაფუძნებული თანამედროვე ტესტირების მიდგომები და საჭიროებებზე მორგებული სესიები - ეს ყველაფერი ტესტერებს მნიშვნელოვან ცოდნასა და გამოცდილებას მოუტანს. 

1757504406

სამინისტრო ირწმუნება, რომ საქართველოს საარჩევნო კანონმდებლობაში ბოლო დროს შეტანილი ცვლილებები საფრთხეს უქმნის საარჩევნო მთლიანობას.„საქართველოს საარჩევნო კანონმდებლობაში ბოლო დროს შეტანილი ცვლილებები საფრთხეს უქმნის საარჩევნო მთლიანობას. ამავდროულად, სამოქალაქო საზოგადოებისა და ოპოზიციის მიმართ რეპრესიები გრძელდება. საქართველოს ხელისუფლებამ უნდა აღადგინოს ნდობა დემოკრატიული ინსტიტუტების მიმართ, მათ შორის ეუთოს საარჩევნო რეკომენდაციების განხორციელებით“, - აღნიშნულია განცხადებაში. The lack of a timely invitation to allow for meaningful observation of Georgia’s upcoming local elections by @osce_odihr is regrettable. Recent amendments to Georgia’s electoral legislation jeopardise election integrity. Meanwhile, repression against civil society and opposition… https://t.co/L0I6USbS6K — Swedish Ministry for Foreign Affairs (@SweMFA) September 10, 2025 გასულ კვირას ცნობილი გახდა, რომ "ქართულმა ოცნებამ" ეუთო/ოდირი ადგილობრივი თვითმმართველობის არჩევნების დასაკვირვებლად მოიწვია. თუმცა, გუშინ, 9 სექტემბერს ეუთო/ოდირის განცხადება გავრცელდა, სადაც წერია, რომ მუნიციპალურ არჩევნებზე დასაკვირვებლად მისიას არ გამოგზავნიან.ეუთოს დემოკრატიული ინსტიტუტებისა და ადამიანის უფლებათა ოფისის (ოდირი) დირექტორმა, მარია ტელალიანმა განაცხადა, რომ "საქართველოსგან არჩევნებამდე მოკლე დროში მოწვევა ეფექტიან დაკვირვებას შეუძლებელს ხდის".2025 წლის 4 ოქტომბერს საქართველოში მუნიციპალიტეტის წარმომადგენლობითი ორგანოს – საკრებულოსა და თვითმმართველი ქალაქის/თვითმმართველი თემის მერის არჩევნები გაიმართება.ცესკო არჩევნებისთვის რეგისტრირებული საერთაშორისო დამკვირვებელი ორგანიზაციების სიას ავრცელებს, ესენია: იორდანიის დამოუკიდებელი საარჩევნო კომისია ტუნისის დამოუკიდებელი უმაღლესი საარჩევნო ორგანო მალდივის რესპუბლიკის საარჩევნო კომისია თურქეთის რესპუბლიკის უმაღლესი საარჩევნო საბჭო ეთიოპიის ეროვნული საარჩევნო საბჭო მონტენეგროს სახელმწიფო საარჩევნო კომისია ბოსნია და ჰერცეგოვინას ცენტრალური საარჩევნო კომისია სამხრეთ აფრიკის საარჩევნო კომისია ბულგარეთის ცენტრალური საარჩევნო კომისია ყირგიზეთის ცენტრალური საარჩევნო და სარეფერენდუმო კომისია Association „ALTERFACT“ ცესკოს ინფორმაციით, საერთაშორისო დამკვირვებლების გარდა, არჩევნებს 9 ადგილობრივი ორგანიზაცია დააკვირდება. ესენი არიან: „ადვოკატთა და იურისტთა საერთაშორისო ობსერვატორია“ „საარჩევნო და პოლიტიკური ტექნოლოგიების ანალიტიკურ-კომპილაციური ცენტრი“ „ასოციაცია თავისუფალი თაობა“ „საქართველოს პროფესიული განათლებისა და კვალიფიციური კადრების მომზადების მუშაკთა და სტუდენტთა პროფესიული კავშირი“ „დემოკრატიისა და უფლებების დაცვის ცენტრი“ „მასმედიისა და უფლებების დაცვის ცენტრი“ „პოლიტიკის და სამართლის ობსერვერი“ „სამართლისა და პოლიტიკის კვლევის ინსტიტუტი“ „სამოქალაქო განვითარების და მონიტორინგის ცენტრი“

1757501380

ღონისძიება როგორც ადგილობრივი, ისე საერთაშორისო პროფესიონალებისთვის გამორჩეულ პლატფორმად იქცა.კონფერენციაში მონაწილეობა მიიღეს ხელოვნური ინტელექტის მიმართულებით მსოფლიო მასშტაბით ცნობილმა ექსპერტებმა OpenAI-დან, კორნელის უნივერსიტეტიდან, SeedAI-დან, Armory Square Ventures-დან და სხვა.ღონისძიების ერთ-ერთი ყველაზე მნიშვნელოვანი ნაწილი OpenAI-ის ინჟინერის, კილან შულეს ჩართვა იყო, რომელმაც ყურადღება ხელოვნური ინტელექტის დანერგვისას ადამიანებზე მორგებულ მიდგომებზე გაამახვილა. მისი პრეზენტაცია ასევე შეეხებოდა თანამედროვე ორგანიზაციებში მონაცემების, ნდობისა და ინოვაციების თანაკვეთას.ღონისძიებაზე განხილული იყო შემდეგი საკითხები: როგორ შექმნან AI სტარტაპებმა გრძელვადიანი უპირატესობა და დაცვითი სტრატეგიები ხელოვნური ინტელექტის სამყაროში რაზე ამახვილებენ ყურადღებას VC კაპიტალის ინვესტორები AI სტარტაპების შეფასებისას მათი განვითარების სხვადასხვა ეტაპზე ვერტიკალური და ჰორიზონტალური AI აპლიკაციები — როგორ ცვლიან ისინი ბაზრის სტრუქტურას წარმატებული AI დამფუძნებლების მახასიათებლები როგორ უნდა იმოქმედონ AI სტარტაპებმა წარმატებით, ისეთ მსხვილ AI მოთამაშეებთან ერთად, როგორებიცაა OpenAI და Anthropic „საქართველოს ბანკისთვის მნიშვნელოვანია, ხელი შევუწყოთ იმ ეკოსისტემის განვითარებას, რომელიც ინოვაციებსა და ტექნოლოგიებს აერთიანებს. გვჯერა, რომ AI მიმართულებით ცოდნისა და გამოცდილების გაზიარება სტარტაპებსა და ბიზნესებს საქართველოში ახალი შესაძლებლობების შექმნასა და გლობალურ დონეზე კონკურენტუნარიანობის გაზრდაში დაეხმარება,“ — განაცხადეს საქართველოს ბანკში.ღონისძიება ნიუ ვიჟენ უნივერსიტეტის ორგანიზებით, საქართველოს ბანკი ბიზნესის, კორნელის კომპიუტერული და ინფორმაციული მეცნიერებების კოლეჯის, საქართველოს ინოვაციებისა და ტექნოლოგიების სააგენტოს მხარდაჭერით განხორციელდა. 

1757500051

11-13 სექტემბერს,  ტრადიციულად ბათუმში, ფესტივალი უმასპინძლებს ინდუსტრიის წამყვანი პროფესიონალებისა და საინტერესო ადამიანების გამოსვლებს, ვორქშოფებსა და პანელურ განხილვებს. ორგანიზატორები ჯამში 1400-მდე ქართველ და უცხოელ დელეგატს ელიან. წინა წლების მსგავსად, წელსაც თიბისის მხარდაჭერით არაერთი საინტერესო სესია გაიმართება. მათ შორის იქნება შემოქმედებითი გუნდების სწორ მუშაობაზე ორიენტირებული კომპანიის - Let’s Lightbubl-ის დამფუძნებელი Tim Leake-ის გამოსვლა კოლაბორაციის თემაზე და ვორქშოფი სწრაფი იდეების გენერირებაზე. AD BLACK SEA ფესტივალი ეს არის შესაძლებლობა, სფეროთი დაინტერესებული ადამიანები გაეცნონ შემოქმედებით ინდუსტრიაში არსებულ ტენდენციებს, გაიღრმაონ პროფესიული ცოდნა და გაიცნონ სფეროს წამყვანი პროფესიონალები.სხვადასხვა ქვეყნიდან შემოქმედებითი პროდუქტები 13 ნომინაციაში იქნება წარდგენილი (ბრენდინგი, მდგრადობა, დიზაინი, ციფრული კომუნიკაცია და სხვა), რომლებსაც 20 ქვეყნიდან მოწვეული 28 ჟიურის წევრო შეაფასებს და მათგან საუკეთესოებს გამოავლენს.წლევანდელ ფესტივალზე, თიბისის გასული წლის რამდენიმე კამპანია და აქტივაცია ფესტივალის მოკლე სიაშიც მოხვდა: POWER TO THE PEOPLE | Playmakers Agency - შემოქმედებითი სტრატეგია Stubborn Nation | Playmakers Agency - შემოქმედებითი სტრატეგია Selfie Registration | TBC - დიზაინი & ბრენდინგი Selfie Registration | TBC – ბრენდის გამოცდილება & აქტივაცია POWER TO THE PEOPLE | Playmakers - მედია (ციფრული, მობილური და სოციალური პლატფორმების გამოყენება) POWER TO THE PEOPLE | Playmakers - მედია (პირდაპირი კომუნიკაცია) Streets Will Never Forget | TBC - სარეკლამო კამპანია. თიბისი და AD BLACK SEA ფესტივალის დაარსებიდან, 2015 წლიდან პარტნიორები არიან. თიბისისთვის, შემოქმედებითი ინდუსტრიის მხარდაჭერა და მისი განვითარება ერთ-ერთი მნიშვნელოვანი მიმართულებაა. AD BLACK SEA უკვე მეცხრე წელია იმართება ბათუმში, სადაც ევროპის და აზიის ქვეყნების წარმომადგენლები ერთმანეთს ცოდნასა და გამოცდილებას უზიარებენ.წელს, უკვე მესამედ, AD BLACK SEA-ზე თიბისი წარადგენს ნომინაციას Young Creative და წლის ყველაზე შემოქმედებით ახალგაზრდას დააჯილდოებს. ფესტივალის შესახებ მეტი ინფორმაციის მისაღებად ეწვიეთ ბმულს.თიბისი, როგორც ბრენდის ღირებულებები, განვითარებაზეა ორიენტირებული და ასეთი ღონისძიებები, შემოქმედებით თვალსაწიერს აფართოებს და ამ ინდუსტრიის წარმომადგენლებს აძლევს მოტივაციას, მიიღონ ახლი ცოდნა, გამოცდილება და დაარწმუნოს, რომ შეუძლებელიც შესაძლებელია, მთავარია გჯეროდეს!

1757497712

ბიზნესების წარმომადგენლებს, რომლებსაც საკუთარი საქმიანობის განვითარებისთვის, კონკრეტული მიმართულებით ცოდნის გაღრმავება და პროფესიონალების რჩევა სჭირდებათ, შესაძლებლობა ექნებათ, სფეროს ექსპერტებისგან მათთვის საინტერესო საკითხებზე მიიღონ ამომწურავი ინფორმაცია და მიღებული ცოდნით, საკუთარი ბიზნესის წარმატებას შეუწყონ ხელი.სექტემბრის შეხვედრების განრიგი: პირველი ტრენინგი ონლაინ ფორმატში ჩატარდება, საგადასახადო საკითხების თემატიკაზე. ტრენერი, დავით პაპიაშვილი საქართველოში მოქმედი გადასახადების გადახდის ვალდებულებების წარმოშობის ძირითად პრინციპებზე ისაუბრებს და მათი გამოანგარიშების პრაქტიკულ მაგალითებს განიხილავს.  მეორე ტრენინგი, ფიზიკურ სივრცეში,  23 სექტემბერს გაიმართება და ის ESG თემატიკას  - „ბიზნესის გზა მდგრადობისკენ - შექმენი მწვანე მომავალი” დაეთმობა. შეხვედრას საერთაშორისო კომპანია „დეველორი“ გაუძღვება. ტრენინგის ფარგლებში, განხილული იქნება ისეთი საკითხები, როგორებიცაა: მწვანე დაფინანსება, მწვანე ინიციატივების უპირატესობები და გამოწვევები.  მესამე ონლაინ ტრენინგი 24 და 26 სექტემბერს, ასევე, ონლაინ ფორმატში გაიმართება, თემაზე - ,,რატომ მუშაობს და რატომ არ მუშაობს რეკლამა”. ტრენინგს ციფრული მარკეტინგის სპეციალისტი, ალექსანდრე ჩომახიძე ჩაატარებს. კიდევ ერთი ონლაინ ტრენინგი 25 სექტემბერს ჩატარდება და ის შემდეგ თემატიკას დაეთმობა - ,,როგორ გამოვიყენოთ ხელოვნური ინტელექტი ბიზნესში“.  ტრენინგს  ბიზნესკონსულტანტი, შალვა ახრახაძე გაუძღვება. სექტემბრის თვის ბოლო, მეხუთე ტრენინგის თემა „ ინდივიდუალური მეწარმეების საგადასახადო დაბეგვრა“ იქნება და ის 29 სექტემბერს, ონლაინ ფორმატში ჩატარდება. ტრენინგს დავით პაპიაშვილი გაუძღვება. თიბისის ბიზნესგანათლების პროგრამაში ჩართვა თიბისის ბიზნესმომხმარებლებს წინასწარი რეგისტრაციით შეუძლიათ, ბმულზე: ბიზნეს განათლება, სადაც კურსების შესახებ დეტალური ინფორმაციის მიღებაცაა შესაძლებელი. ტრენინგებზე დასწრება უფასოა.წარმატება გზაშია, მთავარია გჯეროდეს!

1757493521

ფესტივალს, რომელიც პოლონეთის ღვინის ბაზარზე პოპულარობით სარგებლობს, ტრადიციულად ათასობით ღვინის მომხმარებელი, ასევე ღვინის პროფესიონალები, იმპორტიორები, ჰორეკა სექტორის და მედიის წარმომადგენლები ესწრებიან. აღნიშნულ ღონისძიებაზე ქართული ღვინის წარდგენა ხელს შეუწყობს მის პოპულარიზაციისა და, შესაბამისად, ექსპორტის ზრდას.პოლონეთი ქართული ღვინის ერთ-ერთ სტრატეგიულ ბაზარს წარმოადგენს, რომელმაც ქართული ღვინის ექსპორტიორი ქვეყნების ხუთეულში სტაბილურად დაიმკვიდრა ადგილი. პოლონეთის ბაზარზე ქართული ღვინის მარკეტინგული კამპანიის წარმართვის მიზნით, ღვინის ეროვნული სააგენტო კომპანიასთან People PR 2022 წლიდან თანამშრომლობს. აღნიშნულ პერიოდში პოლონეთის ბაზარზე ქართული ღვინის ექსპორტის სტაბილური ზრდა ფიქსირდება. 2025 წლის იანვარ-აგვისტოს მონაცემებით, პოლონეთში ქართული ღვინის ექსპორტმა 4,7 მლნ ლიტრი შეადგინა, ზრდამ, 2024 წლის ანალოგიური პერიოდთან  შედარებით, 15%-ს მიაღწია.ღვინის ეროვნულ სააგენტოში აღნიშნავენ, რომ მათი საქმიანობის ერთ-ერთ ძირითად მიმართულებას საერთაშორისო ბაზრებზე ქართული ღვინის პოპულარიზაცია და ცნობადობის ამაღლება წარმოადგენს. სააგენტო ქართული ღვინის პოპულარიზაციის ხელშეწყობის ფარგლებში, 2013 წლიდან, ბაზრების დივერსიფიცირების მიზნით, მიზანმიმართულ სარეკლამო-მარკეტინგულ კამპანიებს ამერიკის, ევროპის და სამხრეთ-აღმოსავლეთ აზიის ბაზრებზე ახორციელებს.ღვინის ეროვნული სააგენტოს ფინანსური და ორგანიზაციული მხარდაჭერით, 2025 წლის 8 თვეში, ქართული ღვინო წარდგენილი იყო მსოფლიოს 14 ქვეყანაში 20 გამოფენა/ფესტივალსა და 145 დეგუსტაცია-სემინარზე.

1757492603

2025 წლის აგვისტოს მდგომარეობით, საქართველოში ფასების საერთო დონე წლიურად 4.6%-ით გაიზარდა. მიზნობრივ, 3 პროცენტიან, მაჩვენებელთან შედარებით ინფლაციის ზომიერ ზრდას ძირითადად სურსათის ინფლაცია განაპირობებს, რომელიც მაღალი მერყეობით ხასიათდება. აღსანიშნავია, რომ საბაზო ინფლაცია, რომელიც სამომხმარებლო კალათიდან მაღალი მერყეობით გამორჩეულ სურსათის, ენერგომატარებლებისა და სიგარეტის ფასებს გამორიცხავს, მიზნობრივ 3 პროცენტიან დონეზე დაბლა ნარჩუნდება და აგვისტოს მდგომარეობით 2.8 პროცენტი შეადგინა. გარდა საბაზო ინფლაციისა, სხვა შედარებით ხისტი ფასების საზომები ზომიერად გაზრდილია, რაც ინფლაციური მოლოდინების ზრდის რისკებს საყურადღებოს ტოვებს. კერძოდ, მომსახურების სექტორის ინფლაციამ აგვისტოში 4.2 პროცენტი შეადგინა. პარალელურად, იმპორტირებული პროდუქტების ფასები კვლავ დეფლაციურია, მეტწილად საწვავის ფასების წლიურად შემცირების ხარჯზე.სების ცენტრალური სცენარის მიხედვით, როგორც, მოსალოდნელი იყო, ინფლაცია დროებით მიზნობრივ დონეზე მაღლა ნარჩუნდება და 2025 წელს 3.8 პროცენტის ფარგლებში იქნება. მიუხედავად იმისა, რომ ინფლაციის არსებული დინამიკა ძირითადად მიწოდების დროებითი ფაქტორებიდან მომდინარეობს, სები მაინც ირჩევს ფრთხილ მიდგომას, რათა ფასების მიმდინარე ზრდა გრძელვადიან ინფლაციურ მოლოდინებში არ აისახოს. შედეგად, საშუალოვადიან პერიოდში ინფლაცია 3 პროცენტის გარშემო დასტაბილურდება.ამასთან, როგორც მოსალოდნელი იყო, ეკონომიკური აქტივობა მის გრძელვადიან ტრენდთან ნელი დაახლოების ნიშნებს ავლენს, რაც ფასებზე მოთხოვნის მხრიდან წნეხს არბილებს. კერძოდ, ივლისში ეკონომიკურმა ზრდამ 6.5 პროცენტი შეადგინა. ერთობლივი მოთხოვნის მის გრძელვადიან ტრენდთან დაახლოებას დამატებით  ხელს უწყობს, ფინანსურ ბაზარზე გამკაცრებული ფინანსური პირობები. ეს უკანასკნელი საბაზრო საპროცენტო განაკვეთების დინამიკაში აისახება.გლობალურად მაღალი გაურკვევლობის გათვალისწინებით, ინფლაციაზე, როგორც ზრდის, ასევე შემცირების, მიმართულებით მოქმედი რისკები კვლავ საგულისხმოა. აქედან გამომდინარე, მონეტარული პოლიტიკის კომიტეტმა განიხილა როგორც მაღალინფლაციური, ისე დაბალინფლაციური რისკების სცენარები. ერთი მხრივ, აშშ-ის სატარიფო პოლიტიკა ცვალებადია და მისი საბოლოო ფორმირება არაერთხელ გადაიხედა. მსგავსი ვითარება აძლიერებს გლობალური ეკონომიკის ფრაგმენტაციას. შედეგად, შესაძლოა წარმოიშვას მიწოდების ჯაჭვების შეფერხებები, რაც სტაგფლაციური გარემოს ჩამოყალიბებას შეუწყობს ხელს. ამასთან, ახლო აღმოსავლეთში გეოპოლიტიკური სიტუაციის ხელახალი ესკალაციაც ინფლაციურ რისკებს წარმოშობს, ვინაიდან მნიშვნელოვან წნეხს ახდენს ნავთობის გლობალურ ბაზარზე. მაღალინფლაციური სცენარის განხილვისას საყურადღებოა ადგილობრივ ეკონომიკაში მიმდინარე ტენდენციებიც. კერძოდ, ფასების საერთო დონის მიზნობრივზე ზომიერად მაღალი ზრდა, სხვა თანაბარ პირობებში, დროებითი იქნება, რადგან მისი ზრდა მეტწილად საბაზო ეფექტსა და სურსათის ინფლაციაში ერთჯერად კორექტირებას უკავშირდება. თუმცა, თუ მიზნობრივზე მაღალი ინფლაცია ხანგრძლივად შენარჩუნდება, ეს შესაძლოა ინფლაციური მოლოდინების ზრდის რისკებს წარმოშობდეს.  ამ რისკების რეალიზება კი, ცენტრალურ სცენართან შედარებით, მონეტარული პოლიტიკის განაკვეთის უფრო მაღალ ტრაექტორიას მოითხოვს.მეორე მხრივ, მონეტარული პოლიტიკის კომიტეტმა განიხილა დაბალინფლაციური რისკების სცენარი, რომლის რეალიზების შემთხვევაში ფუნდამენტური პროცესები მონეტარული პოლიტიკის განაკვეთის უფრო დაბალ ტრაექტორიას მოითხოვს, ვიდრე ცენტრალური სცენარი.  სურსათის საერთაშორისო ბაზარზე ნედლეული პროდუქტების ფასები მაღალი მერყეობით ხასიათდება, თუმცა, თუ ფასები მოსალოდნელზე სწრაფად ნორმალიზდება, ეს გავლენა ადგილობრივ ბაზარსაც გადმოეცემა. ამავდროულად, დოლარის ინდექსი გლობალურად შესუსტებულ პოზიციაზე ნარჩუნდება. ამ ტენდენციების მოსალოდნელზე ხანგრძლივად შენარჩუნების შემთხვევაში, გამყარებული გაცვლითი კურსი და სურსათის საერთაშორისო ფასების დაღმავალი ტრენდი, იმპორტირებული პროდუქტების დაბალი ინფლაციის გზით, მთლიან ინფლაციაზე შემცირების მიმართულებით იმოქმედებს.მაკროეკონომიკური ანალიზისა და არსებული რისკების შეფასების შედეგად, მონეტარული პოლიტიკის კომიტეტმა ოპტიმალურად მიიჩნია ზომიერად გამკაცრებული მონეტარული პოლიტიკის შენარჩუნება და მონეტარული პოლიტიკის განაკვეთი, უცვლელად, 8 პროცენტზე დატოვა. მონეტარული პოლიტიკის განაკვეთის შემდგომი ცვლილება დამოკიდებული იქნება განახლებულ მაკროეკონომიკურ საპროგნოზო სცენარებსა და რისკების ანალიზზე. საქართველოს ეროვნული ბანკი ყველა ინსტრუმენტს გამოიყენებს ფასების სტაბილურობის შესანარჩუნებლად, რაც იმას ნიშნავს, რომ ფასების საერთო დონის ზრდა საშუალოვადიან პერიოდში 3 პროცენტთან ახლოს იქნება. მონეტარული პოლიტიკის კომიტეტის შემდეგი სხდომა 2025 წლის 5 ნოემბერს ჩატარდება.

1757491783