მთავრობა გასტრონომიის სააგენტოს და აგროსერვისების ახალ უწყებას აფუძნებს

განთავსება განხორციელდა ადგილობრივ ბაზარზე, სომხეთის მოქმედი რეგულაციების შესაბამისად და წარმოადგენს $100 მლნ-ის მოცულობის გამოშვების პროგრამის მეორე ტრანშს. პირველი ტრანში წარმატებით განთავსდა 2026 წლის თებერვალში.ფასიანი ქაღალდები დენომინირებულია აშშ დოლარში და თითოეულის ნომინალური ღირებულება $10,000-ს შეადგენს. მინიმალური შესაძენი რაოდენობა ხუთი ფასიანი ქაღალდია. ისინი უვადოა, თუმცა ბანკს უფლება აქვს მეხუთე წლის შემდეგ განახორციელოს მათი ვადამდე გამოსყიდვა. კუპონის განაკვეთი 8%-ს შეადგენს და მისი გადახდა ნახევარწლიურად მოხდება.განთავსების ორგანიზატორის ფუნქცია Ameriabank-მა შეასრულა. ფასიანი ქაღალდები სომხეთის საფონდო ბირჟაზე დაილისტება. „პირველი ტრანშის წარმატების შემდეგ, AT1 ინსტრუმენტების მეორე ტრანშიც სრულად განთავსდა დაგეგმილ ვადაზე მნიშვნელოვნად ადრე, რაც კიდევ ერთხელ ადასტურებს Ameriabank-ის ძლიერ პოზიციებსა და ინვესტორების მაღალ ნდობას ბანკის მიმართ. მეორე ტრანში პირველთან შედარებით 50 საბაზისო პუნქტით დაბალი შემოსავლიანობით (YTM) განთავსდა, რაც ინვესტორების ძლიერ მოთხოვნაზე მიუთითებს. კაპიტალის პოზიციის დამატებითი გაძლიერებით, აღნიშნული ტრანზაქცია ზრდის ჩვენს ფინანსურ მდგრადობას და გვაძლევს მეტ შესაძლებლობას, მხარი დავუჭიროთ ზრდას“, - განაცხადა Ameriabank-ის ფინანსურმა დირექტორმა, იოვანეს ტოროიანმა.LFG-ის ფინანსური დირექტორის, გიორგი შაგიძის თქმით, AT1 ინსტრუმენტების მეორე გამოშვება, უფრო დაბალი კუპონის განაკვეთით, ხაზს უსვამს ბაზრის ნდობას Ameriabank-ის საკრედიტო ხარისხისა და ძლიერი კაპიტალური პოზიციის მიმართ. ტრანზაქცია ზრდის მათ ფინანსურ მოქნილობას და ხელს უწყობს სომხეთის ბაზარზე მდგრად ზრდას.

1781864722

ღონისძიება აერთიანებს ცენტრალური ბანკების, საერთაშორისო ორგანიზაციების, აკადემიური წრეებისა და კერძო სექტორის წარმომადგენლებს, რომლებიც განიხილავენ ფინანსური ინფრასტრუქტურის, გადახდების, ციფრული ინოვაციური ტექნოლოგიების, მონაცემთა გაცვლისა და ფინანსური სისტემების ეფექტიანობის ზრდასთან დაკავშირებულ საკითხებს.პანელურ დისკუსიაში ეკატერინე გალდავამ ვრცლად ისაუბრა გადახდის სისტემების მოდერნიზაციის მიმართულებით საქართველოს გამოცდილებაზე. მან ყურადღება გაამახვილა საქართველოს ეროვნული ბანკის მიერ განხორციელებულ რეფორმებზე, მათ შორის, თანამედროვე საგადახდო ინფრასტრუქტურის განვითარებაზე, ISO 20022-ის სტანდარტების დანერგვასა და მყისიერი გადახდების ეკოსისტემის შექმნაზე.დისკუსიის ფარგლებში მონაწილეებმა ვირტუალური აქტივების ეკოსისტემასთან დაკავშირებული რეგულირების, ზედამხედველობისა და ტექნოლოგიური განვითარების საკითხები განიხილეს. ეკატერინე გალდავამ მონაწილეებს გააცნო საქართველოს ეროვნული ბანკის მიდგომა ვირტუალური აქტივების სექტორის რეგულირების მიმართულებით. როგორც მან აღნიშნა, ეროვნულმა ბანკმა ვირტუალური აქტივების მომსახურების პროვაიდერების რეგულირება თავდაპირველად ფულის გათეთრებისა და ტერორიზმის დაფინანსების აღკვეთის (AML/CFT) მოთხოვნების დანერგვით დაიწყო, ხოლო მიმდინარე წლიდან სექტორზე პრუდენციული ზედამხედველობაც გავრცელდა, რაც ბაზრის რისკების ეფექტიანი მართვისა და მომხმარებელთა ინტერესების დაცვის გაძლიერებისკენ არის მიმართული.დისკუსიის მონაწილეებმა ასევე იმსჯელეს ფინანსური სისტემების მომავალზე, სხვადასხვა ტექნოლოგიური გადაწყვეტის გამოყენების შესაძლებლობებსა და მათთან დაკავშირებულ გამოწვევებზე. აღინიშნა, რომ ფინანსური სექტორის მდგრადი განვითარებისთვის მნიშვნელოვანია ისეთი გარემოს შექმნა, რომელიც ხელს უწყობს ინოვაციას, ამავდროულად უზრუნველყოფს უსაფრთხოებას, სანდოობას, გამჭვირვალობასა და საერთაშორისო სტანდარტებთან შესაბამისობას.ღონისძიებაში ეკატერინე გალდავასთან ერთად ასევე მონაწილეობდა სებ-ის საგადახდო სისტემების დეპარტამენტის უფროსი ნატალია ჭყოიძე. შეხვედრებისა და დისკუსიების ფარგლებში სებ-ის წარმომადგენლებმა საერთაშორისო პარტნიორებს გააცნეს საქართველოს გამოცდილება გადახდების სფეროში მიმდინარე რეფორმების, საგადახდო ინფრასტრუქტურის მოდერნიზაციისა და რეგულირების მიმართულებით, რაც ცოდნისა და საუკეთესო პრაქტიკის საერთაშორისო დონეზე გაზიარებას უწყობს ხელს.

1781862814

20-21 ივნისს, DREAME-ის პროდუქციის PLUS ბარათით შეძენისას მომხმარებლები 20%-იან PLUS ქულების ქეშბექს მიიღებენ. (მაქსიმუმ 500 ლარის PLUS ქულა)შეთავაზება ვრცელდება Alta-ს როგორც ფიზიკურ, ისე ონლაინ მაღაზიებში. ონლაინ შეძენის შემთხვევაში აუცილებელია PLUS Cashback გადახდის მეთოდის არჩევა, ხოლო ფიზიკურ მაღაზიებში გადახდა საქართველოს ბანკის ტერმინალზე უნდა განხორციელდეს.ინფორმაციისთვის, DREAME მომხმარებლებს სახლის და თავის მოვლის ინოვაციური ტექნიკის ფართო არჩევანს სთავაზობს, მათ შორის რობოტ მტვერსასრუტებს, ვერტიკალურ მტვერსასრუტებსა და სხვა ჭკვიან მოწყობილობებს.ასე რომ, თუ DREAME-ის პროდუქციის შეძენას გეგმავთ, 20-21 ივნისს შესაძლებლობა გაქვთ სასურველი ნივთის შეძენასთან ერთად, PLUS-ის დაბადების დღისთვის მეტი PLUS ქულა დააგროვოთ.შეთავაზების შესახებ მეტი ინფორმაციისთვის ეწვიეთ ბმულს.(R)

1781858394

კონტენტის მენეჯმენტიკონტენტის მენეჯმენტის კურსი დაგეხმარება, უკეთ გაიგო, როგორ უნდა წარმოადგინო პროდუქტი ან მომსახურება სხვადასხვა სოციალურ მედიაში და როგორ უნდა მიწვდე შენთვის სასურველ აუდიტორიას.კურსის განმავლობაში გაიგებ: რა მნიშვნელობა აქვს კონტენტ მარკეტინგს დამწყები ბიზნესებისთვის; რა ტიპის კონტენტი მუშაობს სხვადასხვა ციფრულ არხში; როგორ უნდა შეადგინო კონტენტის სტრატეგია; როგორ დაგეგმო მცირე კონტენტ კამპანია; რომელი მარტივი აპლიკაციები დაგეხმარება კონტენტის შექმნაში; რა ტენდენციებია დღეს აქტუალური. კურსი მოამზადა Esrti Content Studio-ს დამფუძნებელმა ლიანა მეტრეველმა.გაიარე კურსი აქCanva მცირე და საშუალო ბიზნესისთვისთუ გინდა, რომ შენი ბიზნესი სოციალურ მედიაში უფრო პროფესიონალურად გამოიყურებოდეს, Canva-ს კურსი ერთ-ერთი ყველაზე პრაქტიკული არჩევანია.კურსზე გაიგებ, როგორ გამოიყენო Canva: სოციალური მედიის პოსტების შესაქმნელად; ვიდეოებისა და ვიზუალური მასალების დასამზადებლად; ისეთი მარკეტინგული კონტენტის შესაქმნელად, რომელიც მომხმარებელზე შთაბეჭდილებას მოახდენს. კურსს ციფრული მარკეტერი ლაშა ხორგუაშვილი უძღვება. კურსი განსაკუთრებით საინტერესოა მცირე და საშუალო ბიზნესებისთვის, რომლებსაც სურთ, საკუთარი ბრენდის ვიზუალური კომუნიკაცია უფრო გამართული და ეფექტური გახადონ.გაიარე კურსი აქმასტერკლასი: როგორ შევქმნათ ვიდეო კონტენტივიდეოკონტენტი დღეს ერთ-ერთი ყველაზე სწრაფად მზარდი ფორმატია სოციალურ მედიაში. ეს მასტერკლასი დაგეხმარება, გაიგო, როგორ შექმნა ვიდეოები, რომლებიც სხვადასხვა პლატფორმისთვის ეფექტურად მუშაობს.მასტერკლასზე გაიგებ: როგორ მუშაობს TikTok-ისა და Instagram-ის ალგორითმები როგორ მოარგო კონტენტი სხვადასხვა პლატფორმას რა შეცდომები უნდა აირიდო რა ტექნიკა, განათება და პროგრამები გამოიყენო ვიდეოს შესაქმნელად ასევე ისწავლი, როგორ ააწყო შენი პლატფორმები ისე, რომ უფრო დიდ აუდიტორიამდე მიხვიდე და უკეთესი შედეგი მიიღო.გაიარე მასტერკლასი აქმასტერკლასი: როგორ დავწეროთ ეფექტური ტექსტიCopywriting-ის მასტერკლასი გასწავლის, როგორ წერო მიმზიდველი და ეფექტური ტექსტები, რომლებიც აუდიტორიის ყურადღებას მიიპყრობს და პროდუქტის სწორად გაყიდვაში დაგეხმარება.მასტერკლასის დახმარებით ისწავლი: როგორ ესაუბრო შენს აუდიტორიას როგორ შექმნა საინტერესო და დამაჯერებელი ტექსტი როგორ აქციო კონტენტი გაყიდვების ინსტრუმენტად მასტერკლასი copywriter-მა მარიტა ფილაურმა მოამზადა.გაიარე მასტერკლასი აქBusinesscourse.ge-ზე ყველა კურსი სრულად დაფინანსებულია და მომხმარებლებს შესაძლებლობას აძლევს, საკუთარი ტემპით, ონლაინ ფორმატში მიიღონ პრაქტიკული ცოდნა. პლატფორმა აერთიანებს თანამედროვე ბიზნესისთვის საჭირო მიმართულებებს და მიზნად ისახავს მცირე და საშუალო ბიზნესების გაძლიერებას განათლების ხელმისაწვდომობით.(R)

1781857527

2026 წლის იანვარ-მაისში ათი უმსხვილესი ქვეყნის წილმა საქართველოს მთლიან ადგილობრივ ექსპორტში 66.9% შეადგინა. ამ მხრივ, უმსხვილესი საექსპორტო პარტნიორები არიან: ჩინეთი - $317.4 მლნ რუსეთი - $229 მლნ თურქეთი - $207.2 მლნ 2026 წლის იანვარ-მაისში ადგილობრივი ექსპორტის ათეულში პირველ ადგილზე ნავთობი და ნავთობპროდუქტები არის წარმოდგენილი $352.2 მლნ-ით, აღნიშნული სასაქონლო ჯგუფის წილი მთლიანი ადგილობრივი ექსპორტის 18.3%-ს შეადგენს. მეორე ადგილზეა ძვირფასი ლითონის მადნები და კონცენტრატები, $255.6 მლნ-ით (მთლიანი ადგილობრივი ექსპორტის 13.3%), ხოლო მესამე ადგილს იკავებს ფეროშენადნობები $130.8 მლნ-ით (მთლიანი ადგილობრივი ექსპორტის 6.8%). 

1781856867

2026 წლის იანვარ-მაისში ათი უმსხვილესი საექსპორტო პარტნიორი ქვეყნის წილმა საქართველოს მთლიან ექსპორტში 70.3% შეადგინა. უმსხვილესი საექსპორტო სამეული შემდეგნაირად ჩამოყალიბდა: ყირგიზეთი - $355.2 მლნ ჩინეთი - $327.5 მლნ აზერბაიჯანი - $269.3 მლნ 2026 წლის იანვარ-მაისში ათი უმსხვილესი საიმპორტო პარტნიორი ქვეყნის წილმა საქართველოს მთლიან იმპორტში 70.9% შეადგინა. პირველ სამეულში შედის: თურქეთი - $1.16 მლრდ რუსეთი - $983.4 მლნ ჩინეთი - $849.7 მლნ 2026 წლის იანვარ-მაისში ათი უმსხვილესი სავაჭრო პარტნიორი ქვეყნის წილმა საქართველოს მთლიან საგარეო სავაჭრო ბრუნვაში 66.5% შეადგინა. ქვეყნის უმსხვილესი სავაჭრო პარტნიორები არიან: თურქეთი - $1.38 მლრდ რუსეთი - $1.23 მლრდ ჩინეთი - $1.17 მლრდ 2026 წლის იანვარ-მაისში სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა $734.6 მლნ-ით, რაც მთელი ექსპორტის 23.6%-ს შეადგენს. მეორე ადგილს იკავებს ნავთობი და ნავთობპროდუქტები $366.6 მლნ-ით (მთლიანი ექსპორტის 11.8%), ხოლო მესამე ადგილზეა ძვირფასი ლითონების მადნები და კონცენტრატები $255.6 მლნ-ით (8.2%).უმსხვილესი საიმპორტო სასაქონლო ჯგუფი 2026 წლის იანვარ-მაისში წარმოდგენილი იყო მსუბუქი ავტომობილების სახით, რომლის იმპორტმა $1.25 მლრდ და მთელი იმპორტის 17.1% შეადგინა. მეორე ადგილს იკავებს ნავთობი და ნავთობპროდუქტები $635.5 მლნ-ით (იმპორტის 8.7%), ხოლო მესამე ადგილზეა სამკურნალო საშუალებები $295.9 მლნ-ით (იმპორტის 4%).

1781855334

140-გვერდიან დოკუმენტში, რომელსაც გერმანული მედია ავრცელებს, აღნიშნულია, რომ უცხოური სადაზვერვო საქმიანობით გამოწვეული საფრთხე კვლავ მაღალი რჩება.ანგარიშში მოყვანილია BND-ის ბერლინის სამმართველოს ხელმძღვანელის მიხაელ ფიშერის შეფასება, რომლის თანახმადაც, რუსეთის, ჩინეთის, ირანისა და თურქეთის სპეცსამსახურების გავლენა გერმანიის დედაქალაქში კვლავ მნიშვნელოვანია და უახლოეს მომავალში მისი შემცირება ნაკლებად მოსალოდნელია.დოკუმენტის მიხედვით, გერმანია რუსეთს მთავარ საფრთხედ განიხილავს. ანგარიშში ნათქვამია, რომ მოსკოვი ბერლინში როგორც ღია, ისე ფარულ ოპერაციებს ახორციელებს და დეზინფორმაციას, პროვოკაციებსა და კიბერშეტევებს იყენებს. BND-ის მტკიცებით, რუსეთის დაზვერვა გასულ წელს გერმანიაში გამართული ვადამდელი საპარლამენტო არჩევნების პერიოდში საზოგადოებრივ აზრზე ზემოქმედებასაც ცდილობდა.ანგარიშში ასევე შეფასებულია თურქეთის ეროვნული სადაზვერვო ორგანიზაციის (MİT) საქმიანობა. BND-ის თანახმად, თურქული დაზვერვა ბერლინში აქტიურ სადაზვერვო საქმიანობას ეწევა, თუმცა მისი მთავარი სამიზნეები გერმანიის შიდა პოლიტიკა არა, არამედ თურქეთში აკრძალული ორგანიზაციების – ქურთისტანის მუშათა პარტიის (PKK) და ფეთჰულაჰ გიულენის მოძრაობის (FETÖ) წარმომადგენლები არიან.ანგარიშის თანახმად, ბერლინში დაახლოებით 1100 PKK-ის მხარდამჭერი და 30 DHKP-C-ის აქტივისტი ცხოვრობს. გერმანიის დაზვერვა აღნიშნავს, რომ PKK-ის მიერ თვითდაშლის შესახებ გაკეთებული განცხადების მიუხედავად, ბერლინში ორგანიზაციის მხარდამჭერების მხრიდან ტერორისტულ საქმიანობაზე უარის თქმის ნიშნები ჯერჯერობით არ შეინიშნება.დოკუმენტში ასევე ნათქვამია, რომ გერმანიის ხელისუფლებამ დისტანცია უნდა დაიცვას ისეთი ორგანიზაციებისგან, როგორებიც PKK და DHKP-C არიან.ანგარიშის მიხედვით, მხოლოდ ბერლინში 300 ათასზე მეტი თურქული წარმოშობის ადამიანი ცხოვრობს.სტატიის თანახმად, თურქეთის ხელისუფლებას აღნიშნულ ანგარიშთან დაკავშირებით ოფიციალური განცხადება ამ დრომდე არ გაუკეთებია.

1781854349

1Q26-ში, ზრდის მიმართულებით მნიშვნელოვანი წვლილი შეიტანა შემდეგმა დარგებმა: ინფორმაცია და კომუნიკაცია (36%), ტრანსპორტი და დასაწყობება (18%), საბითუმო და საცალო ვაჭრობა; ავტომობილების და მოტოციკლების რემონტი (5.5%), საფინანსო და სადაზღვევო საქმიანობები (11.7%), ხელოვნება, გართობა და დასვენება (14.5%).კლების მიმართულებით მნიშვნელოვანი წვლილი შეიტანა შემდეგმა დარგებმა: სოფლის, სატყეო და თევზის მეურნეობა (-3.3%) და მშენებლობა (-2%).მთლიანი შიდა პროდუქტის დარგობრივ სტრუქტურაში ყველაზე დიდი წილით გამოირჩევა საბითუმო და საცალო ვაჭრობა; ავტომობილების და მოტოციკლების რემონტი (13.2%) და ინფორმაცია და კომუნიკაცია (10.4%). შემდეგ პოზიციებს იკავებს  უძრავ ქონებასთან დაკავშირებული საქმიანობები (10%), დამამუშავებელი მრეწველობა (8.2%), სახელმწიფო მმართველობა და თავდაცვა; სავალდებულო სოციალური უსაფრთხოება (7.2%), განათლება (6.5%), მშენებლობა (6.4%), ტრანსპორტი და დასაწყობება (6.1%) და საფინანსო და სადაზღვევო საქმიანობები (5.9%). დაზუსტებული მონაცემები გამოქვეყნდება 2026 წლის 16 ნოემბერს.

1781853844