ნავთობპროდუქტებმა საქართველოს ადგილობრივ ექსპორტში 20.2% დაიკავა

გამოცემის ცნობით, ქალაქის მერის, უვე კონრადტის ოფისის მიერ მომზადებულ შესაბამის რეზოლუციას ზაარბრიუკენის საქალაქო საბჭოზე დღეს გაიტანენ. მერია საბჭოს რეკომენდაციას აძლევს, შემდგომ შეტყობინებამდე შეაჩეროს ნებისმიერი სახის ოფიციალური კონტაქტი თბილისის მერიასთან, თუმცა შეთანხმება ითვალისწინებს სამოქალაქო საზოგადოებებს შორის კავშირებისა და ფინანსური მხარდაჭერის შენარჩუნებას.მუნიციპალიტეტის დოკუმენტში აღნიშნული გადაწყვეტილების მიზეზად საქართველოში მიმდინარე პოლიტიკური მოვლენები და დემოკრატიული უკუსვლაა დასახელებული. გერმანული მხარის შეფასებით, ქვეყანაში სერიოზულად იზღუდება შეკრების, პრესისა და გამოხატვის თავისუფლება.„ორგანიზაციები, რომლებიც საზღვარგარეთიდან ფინანსური მხარდაჭერით მუშაობენ, აგენტებად უნდა დარეგისტრირდნენ, ოპოზიციური პარტიები უნდა აიკრძალოს, დემონსტრაციებს სასტიკად ახშობენ, ოპოზიციის სულ უფრო მეტი წევრის დაპატიმრება ხდება... ქვეყანა ერთპარტიული სახელმწიფოს, პოლიციური სახელმწიფოსა და დიქტატურისკენ მიექანება“, - ნათქვამია მერიის შეფასებაში.გერმანული გამოცემა ხაზს უსვამს, რომ თბილისის მერი კახა კალაძე, პარალელურად, მმართველი პარტია „ქართული ოცნების“ გენერალური მდივანია, რის გამოც ზაარბრიუკენის მერია მას მიმდინარე პროცესებზე პასუხისმგებლობას აკისრებს. დოკუმენტის თანახმად, სწორედ ამ მიზეზით გაუქმდა გასულ წელს პარტნიორობის 50 წლის იუბილესადმი მიძღვნილი ოფიციალური ცერემონია და კახა კალაძის მოწვევა, რის შემდეგაც მხარეებს შორის ოფიციალური კომუნიკაცია აღარ შემდგარა.Saarbruecken Zeitung-ის ინფორმაციით, მოსალოდნელია, რომ მერის მიერ ინიციირებულ რეზოლუციას საქალაქო საბჭოს ფართო უმრავლესობა დაუჭერს მხარს.

1779181078

კერძოდ, ვალერიან გაბუნია, რომელიც ამჟამად მცირე და საშუალო ბიზნეს (SME) საბანკო მიმართულების ხელმძღვანელის მოადგილის პოზიციას იკავებს, 2026 წლის 1–ლი ივლისიდან დაწინაურდება და ბანკის პრემიუმ საბანკო მიმართულებას უხელმძღვანელებს.ეთერ ირემაძე, დირექტორის მოადგილე (Deputy CEO), რომელიც 2021 წლიდან ზედამხედველობდა პრემიუმ საბანკო ბიზნესს, იმავე თარიღიდან დატოვებს თანამდებობას.„მსურს ვალერიანს მივულოცო ეს სრულიად დამსახურებული დაწინაურება. ის არის გამოცდილი და შედეგზე ორიენტირებული ბანკირი, რომელსაც საქართველოში საცალო და პრემიუმ საბანკო სფეროში სხვადასხვა აღმასრულებელ პოზიციაზე მუშაობის გამორჩეული კარიერა აქვს. მას შემდეგ, რაც 2023 წელს ჩვენს SME გუნდს შეუერთდა, მან წარმატებით უხელმძღვანელა საშუალო ბიზნესის სეგმენტის ორგანიზაციულ ტრანსფორმაციას. დარწმუნებული ვარ, რომ ახალ პოზიციაზე ის ახალ ხედვებს შემოიტანს და გააგრძელებს ძლიერი შედეგების მიღწევას”, - აცხადებს არჩილ გაჩეჩილაძე, ჯგუფისა და ბანკის CEO.ამავე დროს, ის მადლობას უხდის ირემაძეს მრავალწლიანი თავდადებული სამსახურისთვის. “მისი წვლილი ჩვენი ორგანიზაციის განვითარებაში ფასდაუდებელია, განსაკუთრებით მნიშვნელოვანი ინიციატივების ზედამხედველობისა და ქვეყნის წამყვანი mass affluent (მაღალი-საშუალო შემოსავლის მქონე კლიენტების) სეგმენტის შექმნის მიმართულებით“, - აცხადებს ის.ბანკის პრემიუმ მომსახურება ორ მიმართულებას აერთიანებს, SOLO ბანკინგსა და Wealth Management-ს, რომელიც დაგროვილი ქონების მართვის მიმართულებას წარმოადგენს. გაბუნია 2022 წლამდე ამჟამად სანქცირებული VTB ბანკის საცალო მიმართულების დირექტორი იყო. 

1779180520

შეგახსენებთ, ,,ციფრული საბაჟოს" კონცეფციის ფარგლებში განხორციელებული პროექტი - თბილისის ელექტრონული გაფორმების ეკონომიკური ზონა ,,e-გეზი" საბაჟო სერვისების გაციფრულებას უკავშირდება და ბიზნესისთვის საბაჟო ფორმალობების ელექტრონული ფორმით მიწოდებას გულისხმობს.აღსანიშნავია, რომ ბოლო ერთი წლის მონაცემებით, ,,e-გეზი"-ის მებაჟე-ოპერატორების მიერ, დარეგისტრირებულია 153845 საბაჟო დეკლარაცია, რაც საკმაოდ მაღალი მაჩვენებელია და მომსახურების სწრაფად და მარტივად მიღების შესაძლებლობაზე მეტყველებს.,,თბილისის" გაფორმების ეკონომიკურ ზონაში ყოფნისას, მიხეილ მაღლაკელიძე პირადად დაესწრო, გაზრდილი ტვირთბრუნვის პირობებში, საქონლის გაფორმებისა და ტვირთების დათვალიერების პროცესს.,,თბილისის" გეზში გამართული სამუშაო შეხვედრის ფარგლებში, მიხეილ მაღლაკელიძემ არსებული გამოწვევების ეფექტურად შესრულების პროცესში მჭიდრო კოორდინაციის მნიშვნელობაზე ისაუბრა და ხელმძღვანელი პირებისგან დეტალური ინფორმაცია მოისმინა მიმდინარე და დაგეგმილი პროექტების შესახებ.როგორც, შემოსავლების სამსახურის უფროსმა აღნიშნა, საქართველოს მასშტაბით სამუშაო შეხვედრები რეგულარული ხასიათის იქნება და აქტიური კომუნიკაცია თანამშრომლებთან მომავალშიც გაგრძელდება.(R)

1779180058

სამუშაო შეხვედრებს ასევე ესწრებოდნენ საგამოძიებო სამსახურის უფროსის მოადგილეები და საგამოძიებო დეპარტამენტის სხვა ხელმძღვანელი პირები.სამსახურის უფროსმა დეტალური ინფორმაცია მოისმინა რეგიონული სამმართველოების სამოქმედო ტერიტორიებზე საფინანსო-ეკონომიკურ სფეროში ჩადენილი დანაშაულის წინააღმდეგ ბრძოლის, დანაშაულის სტატისტიკისა და მიმდინარე პრევენციული ღონისძიებების შესახებ. ლევან ხარაბაძემ ყურადღება გაამახვილა უწყების პრიორიტეტულ მიმართულებებზე და თანამშრომლებს გაწეული ეფექტიანი საქმიანობისთვის მადლობა გადაუხადა.საგამოძიებო სამსახურის უფროსმა, ხელმძღვანელ პირებთან ერთად, კახეთის სამმართველოს ახლად გახსნილი ოფისი მოინახულა, რომელიც აღჭურვილია საგამოძიებო დანაყოფებისთვის აუცილებელი ყველა საჭირო თანამედროვე ინფრასტრუქტურით. გარდა ამისა, მან დაათვალიერა ქვემო ქართლის სამმართველოს ახალი ოფისის ასაშენებლად გამოყოფილი ტერიტორიაც.ლევან ხარაბაძე ადგილზე გაეცნო სამმართველოების არსებულ ინფრასტრუქტურას, მატერიალურ-ტექნიკურ ბაზასა და თანამშრომელთა სამუშაო გარემოს გაუმჯობესებასთან დაკავშირებულ საჭიროებებს.(R)

1779178384

ბანკის ინფორმაციით, მისი ხელმძღვანელობის ორი წლის განმავლობაში განხორციელდა მასშტაბური ტრანსფორმაცია, მას შემდეგ რაც ბანკი OTP Group-ის კონტროლქვეშ გადავიდა. აღნიშნულია, რომ ეს გარიგება უზბეკეთში სახელმწიფო ბანკის პრივატიზაციის პირველი შემთხვევა იყო, რამაც ევროპულ ფინანსურ ჯგუფს ადგილობრივ ბაზარზე შესვლის შესაძლებლობა მისცა.ხელმძღვანელობის ცვლილებამდე ბანკი ძირითადად ფუნქციონირებდა, როგორც სახელმწიფო ინსტიტუტი, დიდი მოცულობის იპოთეკური სესხებით. რთველაძის ხელმძღვანელობის პერიოდში გადაეწყო ოპერაციული პროცესები, გაიზარდა კაპიტალი, გაუმჯობესდა აქტივების ხარისხი და აღდგა მომგებიანობა.კომპანიის განცხადებით, განხორციელებულმა ნაბიჯებმა შექმნა მდგრადი ბიზნეს-მოდელი და ბანკის სისტემა დედა-კომპანიის რისკების მართვის სტანდარტებს მოარგო. ასევე დაკომპლექტდა ახალი ტოპ-მენეჯმენტი და შეიქმნა საფუძველი მომავალი ზრდისთვის.ბანკის სამეთვალყურეო საბჭოს თავმჯდომარემ და OTP Group-ის გენერალური დირექტორის მოადგილემ ლასლო ვოლფმა აღნიშნა, რომ ტრანსფორმაციის პროცესი ახალი სტანდარტების შესაბამისად დასრულდა და მადლობა გადაუხადა წასულ ხელმძღვანელს შესრულებული სამუშაოსთვის.თავის მხრივ, სანდრო რთველაძემ აღნიშნა, რომ მიღწეული შედეგები მთლიანად გუნდის მუშაობის დამსახურებაა და მადლობა გადაუხადა ჯგუფის ხელმძღვანელობას ნდობისთვის.სანდრო რთველაძე Ipoteka Bank-ის მმართველი საბჭოს თავმჯდომარედ 2024 წელს დაინიშნა, სადაც ელიორ ინომჟონოვი შეცვალა. მანამდე იგი ხელმძღვანელ პოზიციებს იკავებდა TBC Bank Uzbekistan-ში, UBS-ში, Liberty Bank-ში, ასევე იყო OTP-ის რუსული ფილიალის მმართველი საბჭოს თავმჯდომარის მოადგილე.ტოპ-მენეჯერს მაგისტრის ხარისხი მიღებული აქვს ოქსფორდისა და ჯეიკობსის უნივერსიტეტებში.

1779178314

უწყების ცნობით, აღნიშნული პროექტი გამოირჩევა განსაკუთრებული მასშტაბითა და კომპლექსურობით ეროვნული ბანკის გარდა, მნიშვნელოვანი ინფრასტრუქტურული და ტექნოლოგიური ცვლილებები განახორციელეს ყველა კომერციულმა ბანკმა, მიკრობანკმა და საქართველოს ფინანსთა სამინისტროს სახელმწიფო ხაზინამ. მსგავსი მასშტაბის პროექტი საქართველოს საფინანსო სექტორში 2009 წლის შემდეგ პირველად განხორციელდა, რაც კიდევ ერთხელ უსვამს ხაზს ამ პროექტის სისტემურ მნიშვნელობას ქვეყნის ფინანსური ინფრასტრუქტურის განვითარებისთვის.RTGS-ის განახლებული სისტემის დანერგვა მიზნად ისახავს ფინანსური სექტორისა და მომხმარებლებისთვის - ფიზიკური და იურიდიული პირებისთვის - უფრო სწრაფი, უსაფრთხო და საიმედო მომსახურების უზრუნველყოფას, ასევე საერთაშორისო სტანდარტებთან კიდევ უფრო მეტად დაახლოებას. გარდა ამისა, ახალი ინფრასტრუქტურა ქმნის კარგ საფუძველს მომავალი ინოვაციური სერვისების, მათ შორის, მყისიერი გადახდების სისტემისა (IPS) და დამატებითი ციფრული მომსახურებების განვითარებისთვის.ეს პროექტი ქვეყნის ფინანსური სექტორის მოდერნიზაციის ერთ-ერთი უმნიშვნელოვანესი ეტაპია და კიდევ უფრო აძლიერებს საქართველოს, როგორც თანამედროვე და მდგრადი საგადახდო ეკოსისტემის მქონე ქვეყნის პოზიციას მსოფლიოში მზარდი დიჯიტალიზაციის პროცესის კვალდაკვალ.განახლებული საგადახდო სისტემა სრულად ეფუძნება ISO 20022-ის საერთაშორისო სტანდარტს და უზრუნველყოფს უფრო თანამედროვე, მოქნილ და ეფექტიან საგადახდო გარემოს.პროექტი განხორციელდა მსოფლიო ბანკის მხარდაჭერით, რამაც მნიშვნელოვნად შეუწყო ხელი ქვეყნის საგადახდო ინფრასტრუქტურის საერთაშორისო სტანდარტებთან დაახლოებას და მისი მოდერნიზაციის პროცესის ეფექტიანად განხორციელებას.ბოლოდროინდელი საკანონმდებლო ცვლილებების შედეგად, ეროვნული ბანკის საგადახდო სისტემის ინფრასტრუქტურაში გაფართოვდა მონაწილეთა წვდომა, რაც განახლებული სისტემის ფარგლებში ტექნიკურადაც სრულიად მხარდაჭერილი გახდა. კერძოდ, არასაბანკო საგადახდო მომსახურების პროვაიდერებს მიეცათ შესაძლებლობა შესაბამისი მოთხოვნების დაკმაყოფილების შემდგომ გახდნენ სისტემის მონაწილეები, რაც ხელს შეუწყობს კონკურენციის ზრდას და მომხმარებლისთვის უკეთესი მომსახურების შეთავაზებას.საქართველოს ეროვნული ბანკი მადლობას უხდის ყველა ჩართულ მხარეს - კომერციულ ბანკებს, მიკრობანკებს, ფინანსთა სამინისტროს სახელმწიფო ხაზინას, აქტიური თანამშრომლობისა და სისტემის წარმატებული დანერგვის პროცესში შეტანილი მნიშვნელოვანი წვლილისთვის. ასევე, სისტემის მწარმოებელ კომპანია „მონტრანს“ პროექტის განხორციელების მთელი პერიოდის განმავლობაში გაწეული მხარდაჭერისა და მრავალწლიანი თანამშრომლობისთვის.

1779177745

2026 წლის იანვარ-აპრილში ათი უმსხვილესი საექსპორტო პარტნიორი ქვეყნის წილმა საქართველოს მთლიან ექსპორტში 72.1% შეადგინა. უმსხვილესი საექსპორტო სამეული შემდეგნაირად ჩამოყალიბდა: ყირგიზეთი ($272.8 მლნ) ჩინეთი ($255.1 მლნ) აზერბაიჯანი ($211.3 მლნ) 2026 წლის იანვარ-აპრილში ათი უმსხვილესი საიმპორტო პარტნიორი ქვეყნის წილმა საქართველოს მთლიან იმპორტში 70.5% შეადგინა. პირველ სამეულში შედის: თურქეთი ($903.1 მლნ) რუსეთი ($766.3 მლნ) ჩინეთი ($678.2 მლნ) საქსტატის მონაცემებით, 2026 წლის იანვარ-აპრილში ათი უმსხვილესი სავაჭრო პარტნიორი ქვეყნის წილმა საქართველოს მთლიან საგარეო სავაჭრო ბრუნვაში 66.7% შეადგინა. ქვეყნის უმსხვილესი სავაჭრო პარტნიორები არიან: თურქეთი ($1.09 მლრდ) რუსეთი ($965.7 მლნ) ჩინეთი ($933.3 მლნ) 2026 წლის იანვარ-აპრილში სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა $537.4 მლნ-ით, რაც მთელი ექსპორტის 22%-ს შეადგენს. მეორე ადგილს იკავებს ნავთობი და ნავთობპროდუქტები $324.1 მლნ-ით (მთლიანი ექსპორტის 13.3%), ხოლო მესამე ადგილზეა ძვირფასი ლითონების მადნები და კონცენტრატები $225.1 მლნ-ით (9.2%).უმსხვილესი საიმპორტო სასაქონლო ჯგუფი 2026 წლის იანვარ-აპრილში წარმოდგენილი იყო მსუბუქი ავტომობილების სახით, რომლის იმპორტმა $925.9 მლნ და მთელი იმპორტის 16.3% შეადგინა. მეორე ადგილს იკავებს ნავთობი და ნავთობპროდუქტები $471.3 მლნ-ით (იმპორტის 8.3%), ხოლო მესამე ადგილზეა ნავთობის აირები და სხვა აირისებრი ნახშირწყალბადები $254.1 მლნ-ით (იმპორტის 4.5%).

1779177553

ღია წერილი, რომელიც ევროკომისიის პრეზიდენტ ურსულა ფონ დერ ლაიენს, ევროპული საბჭოს პრეზიდენტ ანტონიო კოშტას და ევროპარლამენტის პრეზიდენტ რობერტა მეცოლას ეგზავნებათ, მას შემდეგ გამოქვეყნდა, რაც თბილისსა და ბრიუსელს შორის პოლიტიკური დიალოგი ცალმხრივად შეწყდა. მთავრობის მეთაურის განცხადებით, საქართველოს მიერ შეთავაზებული დისკუსიისა და თანამშრომლობის ფორმატები ევროპულმა ბიუროკრატიამ არაერთხელ უარყო, რის გამოც ქვეყნის ხელმძღვანელობა იძულებული გახდა საჯარო მიმართვის ფორმისთვის მიემართა.წერილში პრემიერ-მინისტრი კითხვით მიმართავს ევროკავშირის ლიდერებს, თუ როგორ აფასებენ კოპენჰაგენში განვითარებულ მოვლენებს, სადაც, მისი თქმით, მშვიდობიან დემონსტრანტებს ხელკეტებით გაუსწორდნენ და მათ წინააღმდეგ ძაღლები გამოიყენეს. მთავრობის მეთაურის შეფასებით, აღნიშნული ქმედებები ეწინააღმდეგება დემოკრატიისა და ადამიანის უფლებების იმ სტანდარტებს, რომელთა დაცვის ეტალონადაც ევროპა მიიჩნეოდა.„არსებული ვითარება აჩენს საფრთხეს, რომ ევროპა შესაძლოა იქცეს არა ამ ღირებულებების დაცვის, არამედ მათი უგულებელყოფისა და უხეში დარღვევის ეტალონად“, - აღნიშნულია წერილში.პრემიერ-მინისტრის განცხადებით, ევროკავშირი დღეს „ღრმა ღირებულებით კრიზისშია“, რაც გამოიხატება დემოკრატიულ უკუსვლაში, ეკონომიკურ სტაგნაციაში, მიგრაციულ კრიზისში, ასევე ეროვნული და სქესობრივი იდენტობების შესუსტებაში. მისი თქმით, საქართველო, როგორც ევროკავშირის წევრობის კანდიდატი ქვეყანა, ბრიუსელისგან მკაფიო პასუხს ელის იმის შესახებ, თუ რა გეგმა აქვს გაერთიანებას შიდა კრიზისული პროცესების მართვისა და საბოლოო შედეგების მიმართულებით.საქართველოსა და ევროკავშირის ურთიერთობების ქრონოლოგია და მიმდინარე კრიზისი:2021 წლის ივლისი – „შარლ მიშელის შეთანხმების“ ანულირება: მმართველმა პარტიამ „ქართულმა ოცნებამ“ ანულირებულად გამოაცხადა ევროპული საბჭოს პრეზიდენტის მედიაციით ხელმოწერილი დოკუმენტი, რომელიც პოლიტიკურ რეფორმებს ისახავდა მიზნად.2022 წლის ივნისი – კანდიდატის სტატუსის გადავადება: ევროპულმა საბჭომ საქართველოს არ მიანიჭა ევროკავშირის წევრობის კანდიდატის სტატუსი (უკრაინისა და მოლდოვისგან განსხვავებით). ქვეყანას განესაზღვრა 12-პუნქტიანი რეკომენდაცია სტატუსის მისაღებად.2023 წლის მარტი – ე.წ. „რუსული კანონის“ პირველი პროტესტი: მმართველმა გუნდმა პირველად წარადგინა კანონპროექტი „უცხოური გავლენის აგენტების“ შესახებ. ამას მოჰყვა მრავალათასიანი მასშტაბური საპროტესტო აქციები თბილისში და ბრიუსელის მკაცრი გაფრთხილება, რის გამოც ხელისუფლებამ კანონპროექტი უკან გაიწვია.2023 წლის დეკემბერი – კანდიდატის სტატუსის მინიჭება: გეოპოლიტიკური კონტექსტის გათვალისწინებით, ევროპულმა საბჭომ საქართველოს ევროკავშირის წევრობის კანდიდატის სტატუსი მიანიჭა პირობით, რომ ქვეყანა 9 ახალ რეკომენდაციას შეასრულებდა.2024 წლის აპრილი - მაისი – მრავალათასიანი აქციები თბილისში: „გამჭვირვალობის კანონის“ ხელახლა დაინიციირებას ქვეყნის ისტორიაში ერთ-ერთი ყველაზე ხალხმრავალი და უწყვეტი საპროტესტო აქციები მოჰყვა. დემონსტრაციები თვეზე მეტხანს გრძელდებოდა, პარალელურად დასავლელი პარტნიორები თბილისს კანონის მიღების შემთხვევაში „ევროპული გზის ჩაკეტვით“ აფრთხილებდნენ.2024 წლის მაისი – კანონის საბოლოო მიღება: პროტესტისა და ვეტოს მიუხედავად, პარლამენტმა კანონი „უცხოური ძალის ინტერესების გამტარებელი ორგანიზაციების შესახებ“ საბოლოოდ დაამტკიცა. ბრიუსელმა განაცხადა, რომ ეს ნაბიჯი ეწინააღმდეგება ევროკავშირის ფუნდამენტურ ფასეულობებს.2024 წლის ივნისი - ივლისი – გაწევრიანების შეჩერება და სანქციები: ევროპულმა საბჭომ ოფიციალურად გამოაცხადა საქართველოს ინტეგრაციის პროცესის შეჩერება. გაიყინა თავდაცვის ფონდის (EPF) 30 მლნ ევრო და პირდაპირი საბიუჯეტო დახმარება (121 მლნ ევრო). ოქტომბერში ელჩმა პაველ ჰერჩინსკიმ დაადასტურა მაღალი დონის პოლიტიკური დიალოგის შეწყვეტა.2024 წლის 26 ოქტომბერი – საპარლამენტო არჩევნები: ჩატარდა საპარლამენტო არჩევნები, რომელიც ევროკავშირის მიერ შეფასდა როგორც „რეფერენდუმი ევროპულ კურსზე“. ცესკომ გამარჯვებულად „ქართული ოცნება“ გამოაცხადა, რასაც ოპოზიციისა და სამოქალაქო სექტორის მხრიდან გაყალბების ბრალდებები და საპროტესტო აქციების ახალი ტალღა მოჰყვა. ევროკავშირმა და დასავლელმა პარტნიორებმა არჩევნების დარღვევების დამოუკიდებელი გამოძიება მოითხოვეს და შედეგების ლეგიტიმაციისგან თავი შეიკავეს.საგარეო კურსის რევიზია და დიპლომატიური ჩიხი: არჩევნების შემდგომმა პოლიტიკურმა კრიზისმა თბილისსა და ბრიუსელს შორის დიალოგის აღდგენის შანსები შეამცირა. საქართველოს მთავრობა ევროპულ ბიუროკრატიას ორმხრივი ფორმატების ცალმხრივ ბლოკირებაში ადანაშაულებს, რის გამოც ქართული მხარე ევროპელი ლიდერებისთვის ღია წერილებისა და საჯარო კრიტიკის ტაქტიკაზე გადავიდა.

1779175311