ოქრო NYMEX(უნც.)  1229.3  -0.09%    |    პლატინა (უნც.)  843.80  -0.22%    |    ვერცხლი (უნც.)  14.67  -0.35%    |    პალადიუმი NYMEX  1076.5  -0.16%    |    ნიკელი (ტონა)  12.455  -0.91%    |    ალუმინი (ტონა)  2029.25  -0.04%    |    ნავთობი (Brent)  80.83  +0.06%    |    გაზი(NYMEX)  3285  +0.77%    |    შაქარი LIFFE (ტონა)  13.41  +2.21%    |    ყავა(Robusta), USD (ტონა)  119.05  +2.44%    |    ხორბალი (ტონა)  525.50  +0.14%    |   
 USD 2.6838        EUR 3.1022        GBP 3.5265        RUB 4.0978        UAH 0.9612        AZN 1.5834        AMD 5.5519      
gbc.ge
Eng
შესვლა    რეგისტრაცია
მომხმარებელი
პაროლი
დაგავიწყდათ პაროლი?
ინფორმაციის გამოწერის პირობები
მთავარი მოვლენები << უკან
გიორგი გაჩეჩილაძე:  პროგრამა აწარმოე საქართველოში რომ არა, საწარმოში ფულის ჩადებას ვერ გავრისკავდით და არ ჩავდებდით
11 ივნისი, 2018, 15:04
გიორგი გაჩეჩილაძე:  პროგრამა აწარმოე საქართველოში რომ არა, საწარმოში ფულის ჩადებას ვერ გავრისკავდით და არ ჩავდებდით

თბილისი (GBC) - ეკონომიკის სამინისტროს პროგრამა „აწარმოე საქართველოში“ ძალიან მნიშვნელოვანია და ვფიქრობ, რომ ეფექტურად მიმდინარეობს. ჩვენც მისი ბენეფიციარები ვართ. რომ არა ეკონომიკის  სამინისტროს ეს პროექტი, ჩვენ ამ საწარმოში ფულის ჩადებას ვერ გავრისკავდით და არ ჩავდებდით,“ - განაცხადა შპს „ტიფლის ტექსტილის“ დამფუძნებელმა და დირექტორმა გიორგი გაჩეჩილაძემ.

აღნიშნული საწარმო პროგრამის ორი კომპონენტით სარგებლობს -  ფინანსებზე ხელმისაწვდომობის და ინფრასტრუქტურული მხარდაჭერით.  

„პროგრამის „აწარმოე საქართველოში“ ფარგლებში, ჩვენ მოგვეცა საშუალება, რომ ის ძვირი ფული, რომელიც ბაზარზე არსებობს საკრედიტო რესურსის სახით, ჩვენთვის 2 წლის მანძილზე იაფი ყოფილიყო. ამან გადაგვაწყვეტინა, ინვესტიცია ქარხნის მშენებლობაში ჩაგვედო,“ - განაცხადა გიორგი გაჩეჩილაძემ.

„ტიფლის ტექსტილი“ ჯერჯერობით მხოლოდ ადგილობრივ ბაზარზეა წარმოდგენილი, თუმცა ევროკავშირში ექსპორტის განხორციელებას გეგმავს. „ეს ის მიმართულებაა, რითაც ადგილად შევძლებთ ევროგაერთიანების ბაზარზე შესვლას. საქართველოს თავისუფალი ვაჭრობის შეთანხმება აქვს ევროკავშირთან, რითაც აუცილებლად უნდა ვისარგებლოთ,“ - განაცხადა გიორგი გაჩეჩილაძემ.  

მან იმედი გამოთქვა, რომ პროგრამის  შესაძლებლობით ბევრი ისარგებლებს და საქართველოს მასშტაბით კიდევ არაერთი საწარმო გაიხსნება.

სახელმწიფო ქონების ეროვნული სააგენტოს მხარდაჭერით, შპს „ტიფლის ტექსტილს“ საწარმოს ასაშენებლად თბილისში, საიროს ქუჩის 81-ის მიმდებარედ 9492  კვ.მ. მიწის ნაკვეთი და შენობა-ნაგებობა გადაეცა. ასევე პროგრამა „აწარმოე საქართველოში“ ფარგლებში თითქმის 190 000 ლარის თანადაფინანსება მოხდა სახელმწიფოს მხრიდან. აღსანიშნავია, რომ სააგენტოს „აწარმოე საქართველოში“ მხარდაჭერით კომპანიამ, შპს „ტიფლის ტექსტილ“ საწარმოს თანამედროვე ხარისხის მანქანა-დანადგარებით აღჭურვა. ინვესტიციის ჯამური მოცულობა 6 მლნ ლარზე მეტს შეადგენს.

 

მსგავსი სტატიები
გამოკითხვა
სიახლეების არქივი
ორშ სამ ოთხ ხუთ პარ შაბ კვ
1234567
891011121314
15161718192021
22232425262728
293031    
სპონსორები