ოქრო NYMEX(უნც.)  1.303.95  +0.68%    |    პლატინა (უნც.)  835.85  +1.12%    |    ვერცხლი (უნც.)  15.383  +1.40%    |    პალადიუმი NYMEX  1.523.60  +0.59%    |    ნიკელი (ტონა)  12.987.5  +0.62%    |    ალუმინი (ტონა)  1.908.5  +0.33%    |    ნავთობი (Brent)  66.98  -0.37%    |    გაზი(NYMEX)  2.830  -0.91%    |    შაქარი LIFFE (ტონა)  12.40  -0.16%    |    ყავა(Robusta), USD (ტონა)  96.97  -0.19%    |    ხორბალი (ტონა)  451.38  -0.14%    |   
 USD 2.7871        EUR 3.1229        GBP 3.5084        RUB 4.3536        UAH 1.0567        AZN 1.6436        AMD 5.8418      
gbc.ge
Eng
შესვლა    რეგისტრაცია
მომხმარებელი
პაროლი
დაგავიწყდათ პაროლი?
ინფორმაციის გამოწერის პირობები
FREE NEWS << უკან
მსესხებლისთვის თანამსესხებელთან ცხოვრება სავალდებულო ხდება
ნინო შუბითიძე
12 ოქტომბერი, 2018, 14:55
მსესხებლისთვის თანამსესხებელთან ცხოვრება სავალდებულო ხდება

თბილისი (GBC) –  სამომხმარებლო  დაკრედიტების  ახალი დებულება  არ გადავადდება, რადგან  გაუმკაცრებელი პირობების  შენარჩუნების ყოველი თვე  ჭარბვალიანობის  ახალ მოკლევადიან რისკებს აჩენს.  გამკაცრების მიზანი კი ჭარბვალიანობის  გრძელვადიანი რისკების მინიმიზაცია იყო.

7 მაისის ცვლილების შემდეგ  ბანკი, მ/ო და ლომბარდი მსესხებელზე პროდუქტის მორგებას მაქსიმალურად ცდილობს და შედეგად, ბოლო 3-4 თვეში საცალო პორტფელის ზრდა რამდენჯერმე აღემატება წლიურ მაჩვენებელს.

სებ-ის ანალიტიკოსები კონსულტაციების დასკვნით ეტაპზე იტყობინებიან.  რამდენიმე  მუხლი დარჩა გასამართი.  გადაწყვეტილია, რომ  სამომხმარებლო სესხი  ბიზნესმიზნობრიობით  განსხვავებულ რეჟიმში მოექცევა, სტარტაპ-სესხის  მუხლი ღიად რჩება, რადგან მისი წახალისება მთავრობის ინკლუზიური ეკონომიკის  ბიზნესგეგმაში შედის.  რეფორმატორები აცხადებენ, რომ ამ ტიპის სესხები საცალოს სტატუსით ნოემბრიდან შეიზღუდება, მაგრამ  „რამეს მოიფიქრებენ“.  შინამეურნეობების შემდეგ, რეგულაციების ჯერი კორპორატიულზე მიდგება.

დამოუკიდებელი ექსპერტები  მსურველებს სესხის  1 ნოემბრამდე  აღებას ურჩევენ. იმის გათვალისწინებით, რომ  ნოემბრიდან  თუ მსესხებლის შემოსავალი  სესხის საჭირო მოცულობას ვერ დააკმაყოფილებს,   თანამსესხებელი გახდება საჭირო, რაზეც  ახალ დებულებაში ასევე შეზღუდვაა.   ტვირთი მხოლოდერთ ჭერქვეშ მცხოვრებლებს შეუძლიათ გაიზიარონ.  როგორ  იმუშავებს პრაქტიკაში ეს მუხლი  ნოემბერში გამოჩნდება. ისიც,  მოიტყუებს თუ არა ბანკი თავს და დაუჯერებს კლიენტს, რომ თანამსესხებელთან „სარეცელს იზიარებს“.

როგორც ჩანს,  მთავრობის და ცენტრალური ბანკის ბოლო გამოწვევა  მხოლოდ ფინანსურად გაუნათლებელი მოქალაქეების ბანკისგან დაცვა არ არის.  ერთ ბინაში მხოლოდ ერთი პირის ცხოვრება  უკვე საშიში ხდება.

 

მსგავსი სტატიები
გამოკითხვა
სიახლეების არქივი
ორშ სამ ოთხ ხუთ პარ შაბ კვ
     12
3456789
10111213141516
17181920212223
24252627282930
სპონსორები